ພັນລາວ.ຄອມ
ຊອກຫາ:
ຊອກຫາແບບລະອຽດ
ຂຽນເມື່ອ ຂຽນເມື່ອ: ພ.ຈ.. 30, 2014 | ມີ 0 ຄຳເຫັນ ແລະ 0 trackback(s)

1.  ເວົ້າເຖິງຄວາມໂລບມາກໂລພາ, ອິດສາລິດສະຫຍາ. ຢາກໄດ້ຂອງຄົນອື່ນມາເປັນຂອງຕົນເອງ.

2. ໄດ້ສັ່ງສອນໃຫ້ຮູ້ວ່າ: ທຸກສິ່ງທຸກຢ່າງທີ່ໄດ້ມາດ້ວຍຄວາມບໍ່ຍຸດຕິທຳຈະບໍ່       ເຮັດໃຫ້ເຮົາມີຄວາມສຸກທີ່ແທ້ຈິງໄດ້.

 

ເລື່ອງບາບໄລ່ເວນທັນ     ຕົວລະຄອນ

ຂຽນເມື່ອ ຂຽນເມື່ອ: ພ.ຈ.. 30, 2014 | ມີ 0 ຄຳເຫັນ ແລະ 0 trackback(s)
  1. ຍາທ່ານ ( ຄູບາ ).
  2. ໂຣນິນ ອັດສະວິນເດີນດ່ຽວ ( ຕະຍິມະ ສຸເມະ )
  3. ມະເຫສີຂອງຕະຍິມະ ສຸເມະ.
  4. ລູກນ້ອຍຂອງຕະຍິມະ ສຸເມະ ແລະ ມະເຫສີ.
  5. ນາງຄົນໃຊ້.

 

ເລື່ອງບາບໄລ່ເວນທັນ        ເນື້ອໃນຫຍໍ້

ຂຽນເມື່ອ ຂຽນເມື່ອ: ພ.ຈ.. 30, 2014 | ມີ 1 ຄຳເຫັນ ແລະ 0 trackback(s)
ໜວດໝູ່: ກະວີ

                                             ບາບ​ໄລ່​ເວນ​ທັນ

 

      ນະ​ມຸ ອະມິ​ຕະ ພຸດ​ສຸ! ນະ​ມຸ ອະມິ​ຕະ ພຸດ​ສຸ! ​ໂອ​ພະ​ຜູ້​ເປັນ​ເຈົ້າ​ຜູ້​ສັກສິດ

            ຍາ​ທ່ານ ອົງ​ໜຶ່ງ ສູດ​ມົນ​ພາວະນາ ຢູ່​ໃນ​ຫ້ອງ​ອາຫານ​ນ້ອຍໆ​ແຫ່ງ​ໜຶ່ງ​ໃກ້ໆ​ກັບ​ຕົວ​ເມືອງ​ນາກ​ອຍຢາ. ​ເພິ່ນ​ໄດ້​ມາ​ຢຸດ​ພັກ​ຢູ່​ທີ່​ນີ້​ເພື່ອ​ສັນ​ຈັງຫັນ. ​ແຕ່​ວ່າ​ໃຜໆ​ກໍ່ບໍ່ສົນ​ໃຈ​ກັບ​ເພິ່ນ ​ແລະ ບໍ່ມີ​ໃຜ​ມາ​ຖາມ​ເພິ່ນ​ເລີຍ​ວ່າ​ຕ້ອງການ​ຫຍັງ, ​ແຕ່​ຍາ​ທ່ານ​ກໍ່ຍັງ​ສະຫງົບ​ຈິດ​ໃຈ​ຄອຍ​ຖ້າ​ຕໍ່​ໄປ.

      ຍາ​ທ່ານ​ເປັນ​ຄົນ​ນ້ອຍ​ຕໍ່າ ​ແຖ​ຫົວ​ມີ​ໃບ​ໜ້າ​ແຈ່ມ​ໃສ ​ແລະ ສະຫງ່າ​ອັນ​ສະ​ແດງ​ເຖິງ​ຄວາມ​ມີ​ເມດ​ຕາ​ຈິດ​ຢ່າງ​ສູງ​ສົ່ງ.

      ຢູ່​ໂຕະ​ໃກ້​ທ່ານ​ກໍ່ມີ ​ໂຣນິນ  ອັດສະວິ​ນ​ເດີນ​ດ່ຽວ​ຄົນ​ໜຶ່ງ​ນັ່ງ​ຢູ່, ທີ່​ປະ​ເທດ​ຍີ່​ປຸ່ນສະ​ໄໝ​ເກົ່າ​ນັ້ນ​ມີ​ນັກຮົບ​ເດີນ​ດ່ຽວ ​ຊຶ່ງ​ເອີ້ນ​ວ່າ: ອັດສະວິນ ​ເດີນ​ດ່ຽວ​ໄປ​ທົ່ວ​ປະ​ເທດ​ຍີ່​ປຸ່ນ​ເພື່ອ​ຊອກ​ຫາ​ປະຈົນ​ໄພ. ພາສາ​ຍີ່​ປຸ່ນສົມ​ທຽບ​ພວກ​ນີ້​ໃສ່​ຄື້ນຟອງ​ຍວກ​ຍູ້​ຂອງ​ທະ​ເລ.

      ​ເຂົາ​ຄົນ​ນັ້ນ​ເປັນ​ຄົນ​ໃຫຍ່​ກຶດ​ອາລົມ​ຮ້ອນ​ແຕ່​ກໍ່ມີ​ໃບ​ໜ້າ​ແຫ່ວ​ເຊັ່ນ​ກັນ. ​ແຕ່​ກໍ່ບໍ່​ແມ່ນ​ແຫ່ວ​ຍ້ອນ​ສະມາທິ​ຈິດ​ໃຈ​ສູດ​ມົນ​ພາວະນາ​ດອກຫວາ. ​ເຂົາ​ແຫ່ວ​ຍ້ອນ​ຄວາມທຸກ​ຍາກ​ກາກ​ກຳ​ຂອງ​ເຂົາ​ຕ່າງຫາກ.

      ​ໂຣນິນ​ຄົນ​ນີ້​ກໍ່ມາ​ພັກ​ເຊົາ​ເຮືອນ​ແຮມ​ນີ້​ເຊັ່ນ​ກັນ. ​ເຂົາ​ອົດ​ບໍ່ລົນ​ທົນ​ບໍ່​ໄດ້​ຈຶ່ງ​ຕົບມື​ຂຶ້ນ​ເພື່ອ​ຮຽກ​ເອົາ​ອາຫານ. ມີ​ສຽງ​ຕອບ​ມາ​ແຕ່​ໄກ​ແລ້ວ​ຄົນ​ຮັບ​ໃຊ້​ກໍ່ມາປະກົດ​ຕົວພ້ອມ​ທັງ​ອາຫານ. ນາງ​ຄົນ​ຮັບ​ໃຊ້​ລັ່ງ​ເລ​ໃຈ​ເພາະ​ບໍ່ຮູ້​ວ່າ​ຈະ​ເອົາ​ໃຫ້​ໃຜ​ກ່ອນ ຍາ​ທ່ານ​ຈຶ່ງ​ເວົ້າ​ຂຶ້ນ​ວ່າ:

      - ​ໃຫ້​ອັດສະວິນ​ກ່ອນ ​ເພາະ​ເພິ່ນ​ມາ​ຖ້າ​ກ່ອນ​ອັດຕະມາ ​ແລະ ​ເພິ່ນ​ອາດ​ຈະ​ມີ​ວຽກ​ຟ້າວ​ກ່ອນ​        ອັດຕະມາ.

      - ບໍ່ ຂະ​ນ້ອຍ! ​ໃຫ້​ຍາ​ທ່ານ​ສັນ​ກ່ອນ ສ່ວນ​ຂະ​ນ້ອຍ​ທີ່​ເປັນ​ອັດສະວິນ​ອະນາຖາ ກິນ​ຕາມ​ຫຼັງ​ກະ      ໄດ້. ທັງ​ສອງ​ໃຜໆ​ກໍ່ຍາດ​ກັນ​ສະ​ແດງ​ມາລະຍາດ ຈົນ​ໃນ​ທີ່​ສຸດ​ກໍ່​ໄປ​ເຖິງ​ການ​ຮູ້ຈັກ​ຮັກ​ແກ່ນ​    ກັນ.

      - ຂະ​ນ້ອຍ​ຊື່ວ່າ: ຕະຍິມະ ສຸ​ເມະ ຈະ​ເດີນທາງ​ໄປ​ນະຄອນ​ກຽວ​ໂຕ ທາງ​ເບື້ອງ​ທະ​ເລ​ໂຕ​ໄກ​        ໂດ.

      ​ໃນ​ທີ່​ສຸດ​ທັງ​ສອງ​ກໍ່ຮູ້​ວ່າ​ຕ່າງ​ຄົນ​ຕ່າງ​ຈະ​ເດີນທາງ​ໄປ​ນະຄອນ​ກຽວ​ໂຕ ​ແລະ ຈະ​ໃຊ້​ເສັ້ນທາງ​ເບື້ອງ​ທະ​ເລ​ສາຍດຽວ​ກັນ. ​ເມື່ອ​ເປັນ​ເຊັ່ນ​ນັ້ນ ​ເລື່ອງ​ຫຍັງ​ຕ່າງ​ຄົນ​ຕ່າງ​ໄປ​ທາງ​ທີ່​ດີ​ແໜງ​ເດີນທາງ​ໄປ​ຮ່ວມ​ກັນ​ດ້ວຍ​ກັນຈະ​ດີກ​ວ່າ.

      ທັງ​ສອງ​ກໍ່ບໍ່​ໃຜ​ມີ​ເຂົ້າຂອງ​ໜັກໜ່ວງ​ຫຍັງ​ເລີຍ. ​ໂຣນິນ ນອກຈາກ​ມີ​ດາບ​ສະ​ມູ​ໄລ​ສອງ​ດວງ​ແລ້ວ​ກໍ່ບໍ່ສົມບັດ​ຫຍັງ​ພໍ​ຈະ​ເປັນ​ຫາບ. ສ່ວນ​ຍາ​ທ່ານ​ນັ້ນ​ມີ​ແຕ່​ພົກ​ນ້ອຍ​ພົກ​ດຽວ.

      ​ເມື່ອ​ເດີນທາງ​ໄປ​ຮ່ວມ​ກັນ​ທັງ​ສອງ​ຍິ່ງ​ຮູ້​ຈິດ​​ໃຈ, ຮູ້​ນິ​ໄສ​ໃຈຄໍ​ເຊິ່ງກັນ ​ແລະ ກັນ​ພ້ອມ​ທັງ​ຖືກ​ວາດ​ສະໜາ​ກັນ. ການ​ແລກປ່ຽນ​ບົດຮຽນ​ຊີວິດ​ນຳ​ກັນ, ບັນຍາກາດ​ເປັນ​ກັນ​ເອງ ​ແລະ ຊື່ນ​ບານ​ເຮັດ​ໃຫ້​ລືມ​ຄວາມ​ອິດ​ເມື່ອຍ.

ຈະ​ມີ​ຫຍັງ​ໄປ​ກວ່າ​ຄວາມ​ເຊື່ອ​ໝັ້ນ ​ແລະ ​ໄວ້​ອົກ​ໄວ້​ໃຈ​ກັນ​ເພື່ອ​ເປັນ​ເພື່ອນ​ສະໜິດ​ມິດ​ສະໜົມ​ກັນ​. ຕາມ​ເສັ້ນທາງ ທີ່​ຍາວ​ໄກ​ນັ້ນ ມີ​ຫຼາຍ​ສິ່ງ​ຫຼາຍ​ແນວ​ເປັນຕາ​ໜ້າ​ເບິ່ງ​ໜ້າຊົມ. ມີ​ຄົນ​ເດີນທາງ​ສວນ​ສົນ​ກັນ​ໄປມາ ຈັກ​ໜ້ອຍ​ກໍ່ພົບ​ເຈົ້າຫົວ​ອັດສະວິນ​ເດີນທາງ​ໄປ​ຮ່ວມ​ກັນ ຈັກ​ໜ້ອຍ​ກໍ່ມີ​ຍິງ​ໜຸ່ມ​ຊາວ​ໜຸ່ມພາ ກັນ​ໄປ​ວັດ​ເພື່ອ​ຕັກບາດ​ຍາດ​ນ້ຳ ​ແລະ ອີກ​ຈັກ​ໜ້ອຍ​ກໍ່ພົບ​ເຫັນ​ຂະ​ບວນແຫ່​ໄດ​ມີ​ໂອະ( ຂຸນ​ນາງ ) ຜ່ານ​ໄປ​ໂດຍ​ທີ່​ເຫັນ​ເພິ່ນ​ໃສ່​ເຄື່ອງ​ທົງ​ທີ່​ມີ​ລາຄາ​ແພງ​ຂີ່​ມ້າ​ຕົວ​ງາມໆ​ເຊິ່ງ​ເອ້ຍ້ອງ​ເຕັມ​ຍົດ, ມີ​ຂ້ອຍ​ຍິງ​ຂ້ອຍ​ຊາຍ​ແຫ່​ແຫນ​ໄປ​ພ້ອມ. ຂະ​ບວນ​ແຫ່​ຜ່ານ​ໄປ​ສິ່ງ​ໃໝ່ໆ​ກໍ່ປະກົດ​ໃຫ້​ເຫັນ​ເຊັ່ນ: ບັນດາ​ນັກປາດ, ນັກ​ແຕ່ງ, ນັກ​ກະວີ ພາກັນ​ນັ່ງ​ຊົງ​ຄວາມ​ຄິດ​ເພື່ອ​ຊົມ​ທຳ​ມະ​ຊາ​ດ ພ້ອມ​ທັງ​ມີ​ນັກ​ແຕ້​ມຈິດຕະກອນ​ສີມື​ດີ​ເດັ່ນ ມາ​ຖ່າຍ​ທອດ​ເອົາ​ພາບ​ທຳ​ມະ​ຊາດ​ເຫຼົ່າ​ນີ້​ໄວ້​ດ້ວຍ.

      ຕົກ​ມື້​ໃໝ່​ມາ​ອັດສະວິນ​ກໍ່​ເລີຍ​ເລີ່​ມ​ເລົ່າ​ເລື່ອງ​ພະ​ຈົນ​ໄພ​ຂອງ​ຕົນ​ສະ​ໄໝ​ເປັນ​ທະຫານ​ຮັບ​ໃຊ້​ພວກ​ທ້າວ​ຂຸນ​ມຸນ​ນາຍ. ​ເມື່ອ​ໄດ້​ຍິນ​ເຊັ່ນ​ນັ້ນ ຍາ​ທ່ານ​ເລີຍ​ຕຳ​ນິວ່າ: ​ເປັນ​ຫຍັງ​ຈຶ່ງ​ເອົາ​ຊີວິດ​ຂອງ​ຕົນ​ໄປ​ແລກ​ກັບ​ຄວາມ​ຕາຍ ​ແລະ ຄວາມທຸກ​ໂສກ​ຂອງ​ຄົນ​ອື່ນ. ​ເກີດ​ເປັນ​ຄົນ​ບໍ່ຄວນ​ສ້າງ​ຄວາມ​ເດືອດຮ້ອນ​ໃຫ້​ແກ່​ສັດຕະວະ​ໂລກ​ທັງ​ປວງ.

      ຍາ​ທ່ານ​ຢຸດ​ເຊົາ​ເພື່ອ​ພຶມພຳ​ຄຳ​ສູດ​ມົນ​ພາວະນາ​ຂອງ​ເພິ່ນ “ ນະ​ມຸ ອະມິ​ຕະ ພຸດ​ສຸ - ນະ​ມຸ ອະມິ​ຕະ ພຸດ​ສຸ ” ​ແລ້ວ​ເລີຍ​ເລົ່າ​ເລື່ອງ​ຂອງ​ກະສັດ​ອິນ​ເດຍສູ່​ອັດສະວິນ​ເດີນ​ດ່ຽວ ຟັງ​ວ່າ: “ ​ແຕ່​ກີ້​ແຕ່​ກ່ອນ​ມີ​ກະສັດ​ຂອງ​ອິນ​ເດຍພະ​ອົງ​ໜຶ່ງ ​ເຊິ່ງ​ໄດ້​ແມ່​ຮ້າງ​ມາ​ເປັນ​ມະ​ເຫ​ສີ ວັນ​ໜຶ່ງ​ຍິງ​ຄົນ​ດັ່ງກ່າວ​ກໍ່​ເລີຍ​ກະທຳ​ບາບ​ແກ່​ພະ​ອົງ ​ໂດຍ​ໃຫ້​ຄົນມາ​ຈັບ​ເອົາ​ພະ​ອົງ​ໄປ​ເຈາະ​ຕາ ​ເຖິງ​ປານ​ນັ້ນ​ກະສັດ​ອົງ​ນັ້ນ​ຍັບ​ອະ​ໄພ​ຍະ​ໂທດ​ໃຫ້​ຍິງ​ຄົນ​ຮ້າຍ​ຄົນ​ນັ້ນ​ດ້ວຍ​ຄະຕິ​ທີ່​ວ່າ: “ ຖ້າ​ຫາກ​ດັບ​ຄວາມ​ແຄ້ນ​ດ້ວຍ​ຄວາມ​ແຄ້ນ ​ແລ້ວ​ເຫດ​ສັນ​ໃດ​ຄວາມ​ແຄ້ນ​ຈຶ່ງ​ຈະ​ສິ້ນ​ສຸດ​ລົງ​ໄດ້...? ”

      ຫຼາ​ຍວັນ​ຜ່ານ​ມາ ຄວາມ​ສະໜິດສະໜົມ​ກົມກຽວ​ກັນ​ກໍ່​ເພີ່ມ​ທະວີ​ຂຶ້ນ​ຈົນ​ບໍ່ມີ​ຫຍັງ​ເລີຍ​ ທີ່ຈະ​ເວົ້າ​ໄດ້​ວ່າ​ເປັນຄວາມ​ລັບ​ລະຫວ່າ​ງຄົນ​ທັງ​ສອງ.

      - ​ເຈົ້າ​ຮູ້​ບໍ່ວ່າ ພົກ​ຂອງ​ຂ້ອຍ​ນີ້​ແມ່ນ​ຫຍັງ? ຍາ​ທ່ານ​ຖາມ​ຂຶ້ນ.

      - ບໍ່ ບໍ່ຮູ້ຈັກ​ດອກ, ​ແມ່ນ​ຫຍັງ​ວິ​ເສດ​ວິ​ໂສ​ແທ້​ຫວະ ?

      - ວິ​ເສດ​ແທ້.

      - ​ແມ່ນ​ແພ​ທີ່​ໄດ້​ມາ​ຈາກ​ການ​ຂໍທານ​ນັ້ນ​ບໍ່ ?

      - ບໍ່​ແມ່ນ.

      - ຄັນ​ຊັ້ນ​ກໍ່​ແມ່ນ​ໜັງສື​ຄຳ​ພີ​ຂອງ​ພະພຸດທະ​ເຈົ້າ.

      - ບໍ່​ແມ່ນ​ຄື​ກັນ.

        ອັດສະວິນ​ເດີນ​ດ່ຽວ​ຢາກ​ຈະ​ເວົ້າ​ຂຶ້ນ​ວ່າ ​ແມ່ນ​ແຂ້​ວຂອງ​ພະພຸດທະ​ເຈົ້າ​ເທົ່າ​ນັ້ນ​ແລ້ວ ​ແຕ່​ເຂົາ ກໍ່ບໍ່​ເວົ້າ​ເພາະ​ມັນ​ຕະລົົກ​ໂພດ.

      ຢູ່​ໃນ​ຜ້າ​ຂີ້ຮ້າຍ​ນີ້​ມີ​ເງິນ​ຢູ່ 200 ຝັກ. ​ໂຣນິນ​ຫົວ​ກາກ​ຂຶ້ນ​ທັນທີ ພ້ອມ​ທັງ​ເວົ້າ​ວ່າ: ຍາ​ທ່ານ​ຕະ ລົກ​ຫວະ ? ຄັນ​ຍາ​ທ່ານ​ມີ​ເງິນ​ຫຼາຍ​ປານ​ນັ້ນ​ຊິ​ໄປ​ຂໍທານ​ເຮັດ​ຫຍັງ ​ແຕ່​ລະ​ມື້​ຍາ​ທ່ານ​ກໍ່​ໃສ່​ຜ້າສະບົງແລະ ຜ້າຄຸມ​ໃໝ່ໆ​ລະຕິ ​ແລະ ຈະ​ພາ​ໄປ​ນອນ​​ເຮືອນ​ແຮມ​ແບບ​ຂີ້ທຸກ​ນັ້ນ​ເຮັດ​ຫຍັງ​. ພາກັນ​ໄປ​ເອົາ​ເຄຫາ​ອັນ​ງົດ​ງາມ, ມີ​ອາຫານ​ດີໆ​ຈະ​ບໍ່ດີກ​ວ່າ​ບໍ່ ?

ບໍ່ ບໍ່ຂ້ອຍ​ບໍ່​ໄດ້​ຕະລົກ. ​ໃນ​ພົກ​ນີ້​ມີ​ເງິນ​ຢູ່ 200 ຝັກ​ແທ້.​ແຕ່​ບໍ່​ແມ່ນ​ເງິນ​ທີ່​ຕ້ອງ​ຈ່າຍ​ທົ່ວທີ​ບ, ດຽວ​ນີ້ເຈົ້າກໍ່​ເປັນ​ເພື່ອນ​ກັບ​ຂ້ອຍ​ແລ້​ວຂ້ອຍ​ຈະ​ບໍ່ປິດ​ບັງ​ຫຍັງ​ຕໍ່​ເຈົ້າ​ເລີຍ. ​ເລື່ອງ​ຂອງ​ມັນ​ເປັນ​ດັ່ງ​ນີ້: ວັນ​ໜຶ່ງ​ອັດຕະມາ​ໄດ້​ຈາກ​ໂອ​ໂມຣິ ​ໄປ​ສູ່​ວັດ​ອິຄາ​ມິ ບາງ​ເທື່ອ​ເຈົ້າ​ເຄີຍ​ເຫັນ​ແລ້ວ​ບໍ່ຮູ້ ນະ​ທີ່​ນັ້ນ​ທຳ​ມະ​ຊາດ​ປະກົດ​ວ່າ​ສວຍ​ສົດ​ງົດ​ງາມ​ເປັນ​ຮົ່ມ​ເຢັນ​ດີ, ອາກາດ​ສົດ​ຊື່ນ, ​ເວລາ​ນັ້ນ​ມີ​ສຽງ​ລະຄັງ​ຫຼວງ​ແລ້ວ​ສະ​ນິກກະ​ຊົນ​ທັງຫຼາຍ​ເລີຍ​ພາກັນ​ຫຼັ່ງ​ມາ​ເອົາ​ສິນ​ຟັງ​ທຳ​ຢ່າງ​ຫຼວງ​ຫຼາຍ, ອັດຕະມາ​ຮູ້ສຶກ​ເປັນ​ໜີ້​ບຸນຄຸນ​ພະພຸດທະ​ເຈົ້າ​ຈຶ່ງ​ປະຕິຍານ​ວ່າ: ຈະ​ອຸດ​ທິດ​ຊີວິດ​ນີ້​ເພື່ອ​ຈະ​ສ້າງ​ພະພຸດທະ​ຮູບ​ທອງ​ອົງ​ຫຼວງ ​ແລະ ງົດ​ງາມ​ໄດ້. ຈາກ​ນັ້ນ​ ອັດຕະມາກໍ່​ເດີ​ນ​ເລາະ​ໄປ​ທົ່ວ​ທຸກ​ແຫ່ງ​ຂອງ​ປະ​ເທດ​ຍີ່​ປຸ່ນ​ເພື່ອ​ບິນ​ພະ​ບາດ​ແຜ່​ເງິນ​ໃຫ້​ພຽງພໍ.ດຽວ​ນີ້​ອັດຕະມາ​ໄປ​ກຽວ​ໂຕ​ເພື່ອ​ຈະ​ຊອກ​ຫາ​ຊ່າງ​ທີ່​ມີ​ສີມື​ດີໆ​ມາ​ຫຼໍ່​ພະພຸດທະ​ຮູບ​ອົງ​ທີ່​ວ່າ​ນັ້ນ.

      ​ເວົ້າ​ມາ​ຮອດ​ນີ້​ດວງ​ຕາ​ທັງ​ຄູ່​ຂອງ​ທ່ານ​ໃສ​ຂຶ້ນ​ທັນທີ ​ແລະ ໜ້າກໍ່ຊື່ນ​ຂຶ້ນ​ເຊັ່ນ​ດຽວ​ກັນ ​ເພາະ​ມອງ​ເຫັນ​ພະພຸດທະ​ຮູບ​ອົງ​ນັ້ນຢູ່​ໃນ​ຄວາມ​ສຳນຶກ​ຂອງ​ຕົນ​ໄວ້​ກ່ອນ​ແລ້ວ.

      ຈະ​ເປັນ​ພະພຸດທະ​ຮູບ​ນັ່ງ​ເທິງ​ດອກ​ບົວຫຼວງ ​ໃນ​ຊົງ​ຂັດ​ຕະໝາດ, ຍົກ​ມື​ຂວາ​ຂຶ້ນ​ພຽງ​ບ່າ ​ແລະ ປິ່ຝາ​ມື​ເບື້ອງ​ໜ້າ​ສະ​ແດງ​ເຖິງ​ຄວາມ​ຜາບ​ມານ, ​ທີ່​ໜ້າຜາກຈະ​ມີ​ເມັດ​ແຫງ​ຍານ ​ແລະ ຮີມ​ສົບ​ຈະ​ມີ​ຮອຍ​ຍິ້ມ​ບາງໆ​ນີ້​ແລ້ວ. ​ເຈົ້າ​ເຂົ້າ​ໃຈບໍ່ວ່າ​ເປັນ​ຫຍັງ​ອັດຕະມາ​ຈຶ່ງ​ປະ​ຄັບ​ປະຄອງພົກ​ນ້ອຍ​ນີ້​ໄວ້​ໃຫ້​ດີ ​ແລະ ​ເປັນ​ການ​ຕະລົກ​ໄປ​ນຳ ຍາ​ທ່ານ​ເລີຍ​ຍົກ​ຄຳ​ສອນ​ເກົ່າ​ບົດ​ໜຶ່ງ​ເວົ້າ​ສູ່​ຟັງ.

      - ​ໃຜ​ຖື​ສົມບັດ​ຖື​ອັນຕະລາຍ​ໄປ​ພ້ອມ ​ແຕ່​ກັບ​ອັດສະວິນ​ຄື​ເຈົ້າ​ອັດຕະມາບໍ່ຢ້ານ​ຫຍັງ​ເລີຍ.

      ຕະຍິມະ ສຸ​ເມະ ກົ້ມ​ຫົວ​ຮັບຮອງ ​ແຕ່​ວ່າ​ທ່າ​ທາງ​ຂອງ​ເຂົາ​ບໍ່​ໄດ້​ສະ​ແດງຕອບ​ຕາມ​ຄວາມ​ໄວ້​ເນື້ອ​ເຊື່ອ​ໃຈຂອງ​ຍາ​ທ່ານ​ເລີຍ. ໜ້າ​ຕາ​ເຂົາ​ມີ​ສີ​ປ່ຽນ​ແປງ ​ແລະ ​ເຂົາ​ເອງ​ກໍ່ຄ່ອຍໆ​ເອົາ​ຕົວ​ຫ່າງ​ຍາ​ທ່ານ​ອົງ​ນັ້ນ, ​ເຂົາ​ຍ່າງ​ໄວ​ເຂົ້າ​ກວ່າ​ເດີມ​ໄກ​ຈາກ​ຍາ​ທ່ານ, ໜ້າຜາກຂອງ​ເຂົາ​ເປັນ​ເສັ້ນ​ສົນ​ເຂົາ​ໃຊ້​ຄວາມ​ຄິດ​ຢ່າງ​ໜັກ.

      - ກູ​ເຄີຍ​ເອົາ​ຊີວິດ​ເປັນ​ເດີມ​ພັນ​ເວລາ​ຮັບ​ໃຊ້​ເຈົ້າ​ນາຍ​ຈະ​ແມ່ນ​ຂັ້ນ​ໃຫຍ່ ຫຼື ຂັ້ນ​ນ້ອຍ​ກໍ່ຕາມ, ກູກໍ່ຮັບ​ໃຊ້​ດ້ວຍ​ຄວາມ​ສັດ​ຊື່​ສຸດຈະ​ຫຼິດ ​ແຕ່​ກູກໍ່ບໍ່​ເຄີຍ​ໄດ້​ມີ​ເງິນ​ມີ​ຄຳ​ສໍ່າສ້ຽວ​ໜຶ່ງຂອງ​ພະ​ຂີ້ກາກ​ໂຕ​ນີ້. ​ໃນ​ທີ່​ສຸດ​ກູກໍ່ກາຍ​ເປັນ​ຄົນ​ພະ​ເນ​ຈອນ​ຂາດ​ທີ່​ເພິ່ງ​ພາອາ​ໄສ, ບັດ​ນີ້​ກູ​ທຸກ​ຍາກ​ເຖົ້າ​ແກ່ ​ແລະ ອາຍຸ​ກໍ່​ເຖິງ 40 ປີ​ແລ້ວ.

            – ​ເຂົາ​ຫາຍ​ໃຈ ​ແລະ ຈົ່ມ​ພຶມພຳ​ອີກ​ວ່າ:

      - ບັດ​ນີ້​ກູບໍ່ມີນາ​ຍ, ບໍ່ມີ​ທີ່​ເພິ່ງ ​ແລະ ກໍ່ບໍ່ສາມາດ​ໄດ້​ນາຍ​ອີກ​ເລີຍ. ຫາກ​ກູ​ໄດ້​ເງິນ​ພົກ​ນີ້​ຈັກ​ໜ້ອຍ​ໜຶ່ງ​ກໍ່ຍັງ​ໄຄ​ແດ່ ​ແຕ່​ຄູບາ​ຕາຍຫ່າ​ນີ້​ບໍ່ຄິດ​ແດ່​ວ່າ ຈະ​ຕ້ອງ​ປັນ​ໃຫ້​ກູ​ຈັກ​ໜ້ອຍ​ໜຶ່ງ ​ແທນ​ທີ່​ຈະ​ເອົາ​ໄປ​ສ້າງ​ພະພຸດທະ​ຮູບ​ອັນ​ອັບປີ​ຢ່າງ​ທີ່​ວ່າ​ຈົນ​ໝົດ.

      ຄວາມ​ຄິດ​ອິດສາ​ລິດສະຫຍາ​ເລີ່​ມກໍ່ຕົວ​ຂຶ້ນ​ໃນ​ສະໝອງ​ຂອງ​ເຂົາ. ຈົນ​ມີ​ບາງ​ເທື່ອ​ເຂົາ​ຍັງ​ວອນ​ໃຫ້​ຍາ​ທ່ານ​ລືມ​ພົກ​ນັ້ນ​ໄວ້​ບ່ອນ​ໃດ​ບ່ອນ​ໜຶ່ງ​ແລ້ວ​ຄວນ​ໃຫ້​ເຂົາ​ເປັນ​ຜູ້​ເກັບ​ມັນ​ໄດ້ ​ແລະ ໜີ​ໄປ​ດ້ວຍ​ເງິນ​ດັ່ງກ່າວ.

            ບາງ​ເທື່ອ​ເຂົາ​ແຫ່ງ​ເກີດ​ຄວາມ​ຄິດ​ທີ່​ຮ້າຍ​ແຮ​ງ​ໄປ​ກວ່າ​ນັ້ນ​ຄື​ວ່າ:

      - ຮວ້າຍ... ຊີວິດ​ນີ້​ເກີດ​ມາ​ແກ່​ເຈັບ​ຕາຍ​ເທື່ອ​ດຽວ ​ແລະ ຊີວິດ​ແມ່ນ​ຄວາມ​ຕໍ່​ເນື່ອງ​ຂອງ

​ຄວາມ​ພະ​ຈົນ​ໄພ​ຮ້າຍ​ແລະ​ດີ​ເທົ່າ​ນັ້ນ, ຕ້ອງ​ຮູ້​ກຳ​ກາລະ​ໂອກາດ​ຕິ ຫຼື ຕ້ອງ​ສ້າງ​ໂອກາດ​ລະບໍ່...

      ຕະຍິມະ ສຸ​ເມະ ຄິດ​ໄປ​ຄິດ​ມາ​ເປັນ​ວັກ​ເປັນວໍ່ານຳ​ແຕ່​ພົກ​ເງິນ​ຂອງຍາ​ທ່ານ​ບໍ່​ແລ້ວ​ບໍ່ທົ່ວ.ເຂົາ​ປະ

ຕິ​ເສດ​ຄວາມ​ຄິດ​ຮ້າຍ ​ແລະ ຊົ່ວ​ຊ້າ​ຕ່າງໆ ​ແຕ່​ກໍ່ຊອກ​ວິທີ​ເພື່ອ​ຈະ​ໄດ້​ເງິນນັ້ນ​ມາ ​ໂດຍ​ທີ່​ບໍ່​ເປັນ​ໂທດ​ເປັນ​ໂພຍ. ສ່ວນ​ຍາ​ທ່ານ​ນັ້ນ​ບໍ່​ໄດ້​ສັງ​ເກດ​ຫຍັງ​ເລີຍ ​ແລະ​ກໍ່​ບໍ່​ໄດ້​ສົງ​ໃສ​ຫຍັງ.

      ບັດ​ນີ້​ທັງ​ສອງ​ໄດ້​ເດີນທາງ​ມາ​ເຖິງ​​ແຄມ​ອ່າວ ຊຶ່ງ​ເປັນ​ແງ່​ໜຶ່ງ​ຂອງ​ທະ​ເລ. ຈະ​ຕ້ອງ​ໄດ້​ອາ​ໄສ​ເຮືອ​ຂ້າມ​ໄປ​ສູ່​ຝັ່ງ​ເບື້ອງນັ້ນ.

      ​ໃນ​ເຮືອ​ໃບ​ຈະ​ຂ້າມ​ໄປ​ຝັ່ງ​ເບື້ອງ​ນັ້ນ​ມີ​ຄົນ​ໂດຍສານ​ຢູ່​ປະມານ 30 ຄົນ.​ເວລາ​ຍາ​ທ່ານ​ປີນ​ຂຶ້ນ​ເຮືອ​ດັ່ງກ່າວ ຕີນ​ຂອງ​ທ່ານ​ພະ​ລິດ​ເກືອບ​ຈະ​ຕົກ​ນ້ຳ​ ເລີ​ຍ​ເຮັດ​ໃຫ້​ຕະຍິມະ​ເກີດ​ຄວາມ​ຄິດ​ອອກ​ມາ​ວ່າ: ຈະ​ຕ້ອງ​ກຳຈັດ​ຍາ​ທ່ານ​ນີ້​ດ້ວຍ​ວິທີ​ໃດ​. ບັດ​ນີ້​ຄວາມ​ຫງໍ່າຮ້າຍ​ຂອງ​ເຂົາ​ແກ່​ຂຶ້ນ​ນຳ​ທຸກ​ວິ​ທີ ​ແລະ ຄວາມ​ໂຫດ​ຫ້ຽມຂອງ​ເຂົາ​ກໍ່ຕາມ​ມາ​ດ້ວຍ​ຈົນ​ວ່າ​ເຂົາ​ຈະ​ຕັດສິນ​ໃຈ​ປະຕິບັດ​ຕາມ​ສັນດານ​ສາ​ໂຫດ​ຂອງ​ເຂົາ.

      ຍາ​ທ່ານ ​ແລະ ອັດສະວິນ ພາກັນ​ນັ່ງ​ຢູ່​ທ້າຍ​ເຮືອ​ຫ່າງ​ຈາກ​ເພື່ອນ​ຝູງ​ພໍ​ສົມຄວນ, ພົກ​ອັນ​ລ້ຳ​ເລີດ​ດັ່ງກ່າວຂອງ​ຍາ​ທ່ານ​ໄດ້​ປົງ​ໄວ້​ລະຫວ່າງ​ກາງ. ​ເວລາ​ເຮືອ​ແລ່ນ​ໄປ​ດ້ວຍ​ຄວາມ​ໄວ​ພໍ​ສົມຄວນ ​ແລະ ກະ​ແສ​ລົມ​ແຮງ​ກໍ່​ພໍດີ​ເປັນ​ໂອກາດ​ທີ່ ​ໂຣນິນ​ປະຕິບັດ​ແຜນການ​ຮ້າຍ​ຂອງ​ເຂົາ. ​ເຂົາ​ເອົາ​ມື​ຊີ້​ໃສ່​ປາ​ຕົວ​ງາມໆ​ທີ່​ລອຍ​ມາ​ຂ້າງ​ເຮືອ ​ໂດຍ​ກວັກ​ໃຫ້​ຍາ​ທ່ານ​ເບິ່ງ​ນຳ, ​ເມື່ອ​ຍາ​ທ່ານ​ກະ​ໂຢ້​ຕົວ​ກົ້ມ​ເບິ່ງ​ປາ​ເຂົາ​ເລີຍ​ເອົາ​ແຂນ​ສອກ​ດະ ​ເຮັດ​ໃຫ້​ຍາ​ທ່ານ​ປັກ​ຄິດ​ລົງ​ນ້ຳ​ຈົມ​ໄປ ​ເຂົາ​ປະ​ໃຫ້​ເຮືອ​ແລ່ນ​ໄປ​ຄາວໜຶ່ງ​ແລ້ວ​ຈຶ່ງ​ຕາງ​ຕິ​ຮ້ອງ​ອີ​ເລີ​ເປີ​ເສີ​ວ່າ: ຍາ​ທ່ານ​ຕົກລົງ​ນ້ຳ​ຊ່ອຍ​ແດ່. ຊາມ​ຈະ​ປົດ​ໃບ​ເຮືອ ​ແລະ ຕຸ້ນ​ໃຫ້​ເຮືອ​ຢຸດ ​ເຮືອກໍ່​ເລີຍ​ແລ່ນ​ອອກ​ຫ່າງຈາກ​ບ່ອນ​ທີ່​ຍາ​ທ່ານ​ຕົກນັ້ນ​ໄປ​ໄກ​ຈົນ​ແນມ​ເກືອບ​ບໍ່​ເຫັນ. ທຸກ​ຄົນ​ແນມ​ນຳ​ທະ​ເລ​ດ້ວຍ​ຄວາມ​ເສົ້າ​ສະຫຼົດ​ໃຈ ​ແຕ່​ບໍ່​ເຫັນ​ຮ່ອງຮອຍ​ວ່າ​ຍາ​ທ່ານ​ຈະ​ຍັງ​ມີ​ຊີວິດ​ຢູ່​ເລີຍ. ​ໂຣນິນ​ຜູ້​ໃຈ​ມານ​ທຳ

ທ່າ​ຈົ່ມ​ທຸກ​ໂສກ​ໄປ​ຕາມໆ​ກັນ ​ແລະ ພ້ອມ​ທັງ​ຮັບ​ຮູ້​ນຳ​ກັນ​ແລ້​ວວ່າ​ນີ້​ເປັນ​ເຫດ​ຮ້າຍ​ເຊິ່ງບໍ່​ມີ​ໃຜ​ເປັນ​ຕົ້ນ​ເຫດ​​ເລີຍ.

      ພໍ​ເມື່ອ​ຫົວ​ເຮືອ​ຮອດ​ຝັ່ງ​ແລ້ວ ຕະຍິມະ ສຸ​ເມະ ກໍ່ຮີ​ບຫອບ​ເອົາ​ພົກ​ເງິນ​ດັ່ງ​ກ່າວ​ນັ້ນ​ໄປ​ຢ່າງ​ບໍ່ຫຼຽວ​ຫຼັງ.

      ບັດ​ນີ້​ເຂົາ​ມີ​ເງິນ​ແລ້​ວ​ເປັນ​ຈຳນວນ​ຕັ້ງ 200 ຝັກ. ​ເຂົາ​ຮູ້​ຄຸນຄ່າ​ຂອງ​ມັນ​ດີ​ຈຶ່ງ​ຮີບ​ມຸ້ງ​ໜ້າ​ໄປ​ສູ່​ນະຄອນ​ກຽວ​ໂຕ ​ໂດຍ​ໄວ, ນະ​ທີ່​ນັ້ນ​ເຂົາ​ໄດ້​ປ່ຽນ​ຊື່​ເປັນ ທ່ານ ​ໂຕ​ກູເບະ ​ແລະ ມີ​ຖານະ​ເປັນ​ພໍ່ຄ້າ​ເຂົ້າ​ໃຫຍ່​ຂອງ​ເມືອງ​ນັ້ນ. ບັກ​ນີ້​ເຂົາ​ໄດ້​ມ້ຽນ​ດາບ​ຂອງ​ເຂົາ​ເອົາ​ເຄື່ອງ​ງາມໆ​ອອກ​ມາ​ນຸ່ງ. ກິດຈະການ​ຄ້າຂາຍ​ຂອງ​ເຂົາ​ຂະຫຍາຍຕົວ​ໄວ ​ແລະ ກວ້າງ​ຂວາງ ​ເງິນ​ຄຳ​ສົມບັດ​ກໍ່​ຫຼັ່ງ​ໄຫຼ​ເຂົ້າ​ມາ​ບໍ່​ຂາດ. ​ເຂົາ​ຕັດສິນ​ໃຈ​ສ້າງ​ຄອບຄົວ ​ເຊິ່ງບໍ່​ເທົ່າ​ໃດ​ກໍ່​ເລີຍ​ໄດ້​ລູກນ້ອຍ​ຄົນ​ທຳ​ອິດ. ທຸກ​ສິ່ງ​ທຸກ​ຢ່າງ​ມີ​ຢ່າງ​ພຽງ​ພ້ອມ ​ແຕ່​ເຂົາ​ຮູ້ ສຶກ​ວ່າ ຍັງ​ມີ​ແປ້​ວ​ແມງ​ອັນ​ໃດ​ໜຶ່ງ​ຢູ່​ໃນ​ຫົວ​ໃຈ​ຂອງ​ເຂົາ, ຫຼອກ​ລວງ​ເຂົາ​ຢູ່​ຢ່າງ​ບໍ່​ແລ້​ວບໍ່​ທົ່ວ,​ເຂົາ​ຄິດ​ເຫັນ​ພາບ​ແຫ່ງ​ໂທດ​ກຳ​ອັນ​ຊົ່ວ​ຊ້າ​ຂອງ​ເຂົາອັນ​ພາ​ໃຫ້​ເຂົາ​ມີ​ຖານະ

ອັນ​ລ້ຳ​ລວຍ​ຢ່າງ​ນີ້. ​ແຕ່​ເວລາ​ທີ່​ເຂົາ​ຄິດ​ເຫັນ​ເລື່ອງ​ເກົ່າ​ເລື່ອງ​ຫຼັງ​ຂອງ​ເຂົາ​ຂຶ້ນ​ມາ ​ເຂົາ​ກໍ່​ຮີບ​ບຸກບືນ

​ໃສ່​ທຸລະ​ກິດ​ຂອງ​ເຂົາ​ເພື່ອ​ໃຫ້​ລືມ​ມັນ.ເຂົາຍິ່ງ​ບຸກບືນ​ເທົ່າ​ໃດ​ເງິນ​ຄຳ​ກໍ່ຫຼັ່ງ​ໄຫຼ​ເຂົ້າ​ມາ​ຫາ​ເຂົາ​ຊັກ​ໄຊ້. ​ເມື່ອ​ໄດ້​ເງິນ​ຄຳ​ຫຼາຍ​ກໍ່​ຍິ່ງ​ເຮັດ​ໃຫ້​ເຂົາ​ບໍ່ລືມ​ການ​ກະທຳ​ທີ່​ຕໍ່າຊ້າ​ຂອງ​ເຂົາ.

      ສາມ​ປີຕໍ່​ໄປ​ເຂົາ​ຮູ້ສຶກ​ອິດ​ເມື່ອຍ​ແລະຕ້ອງ​ພັກຜ່ອນ​ເປັນ​ຍ່ານ​ຄາວຈຶ່ງ​ຕົກລົງ​ຊື້​ເຮື​ອນຫຼັງງາມ​ທີ່​ມີ​ອຸທິຍານ​ອ້ອມ​ຮອບ, ມີ​ໜອງ​ນ້ຳ, ມີ​ນ້ຳບໍ່ ​ແລະ ຫີນ​ຜາ​ເປັນ​ທີ່​ພັກຜ່ອນ​ຂອງ​ເຂົາ.

     ສະຖານ​ທີ່ ​ແລະ ​ເຮືອນ​ຊານ​ຂອງ​ເຂົາ​ຈະ​ງາມ​ປານ​ໃດແຕ່​ຈິດ​ໃຈ​ຂອງ​ເຂົາ​ກໍ່​ບໍ່​ສາມາດ​ສະຫງົບ​ລົງ

​ໄດ້. ຄວາມ​ຄິດ​ເຖິງ​ການ​ກະທຳ​ອັນຕໍ່າຊ້າ​ຂອງ​ເຂົາ​ມາ​ຫຼອກ​ເລັ້ມຢູ່​ບໍ່​ເຊົາ ​ເຮັດ​ໃຫ້​ເຂົາ​ຄິດ​ກິນ​ແໜງ​ແຄງ​

ໃຈ​ຢູ່​ບໍ່​ຂາດ.

      ​ເພື່ອ​ເປັນ​ການ​ລະດົມ​ກຳລັງ​ໃຈ​ຂອງ​ຕົນ ​ເຂົາ​ເລີຍ​ຈົ່ມ​ຄຳ​ສຸພາສິດ​ທີ່​ເກົ່າ​ແກ່​ບົດ​ໜຶ່ງ​ອອກ​ມາວ່າ:

“ ຄວາມ​ອານາ​ຖາ​ນັ້ນ ​ເປັນ​ທີ່​ປຶກສາ​ຜູ້​ຊົ່ວ​ຮ້າຍ ”. ​ແລ້ວ​ເຂົາ​ກໍ່​ຄິດ​ຕໍ່ “ ​ໂຊກ​ຊາຕາ​ນີ້​ຊົ່ວ​ຫຼາຍ ​ເປັນ​ຫຍັງ​ຈຶ່ງ​ເຮັດ​ໃຫ້​ກູ​ເກີດ​ເປັນ​ຄົນ​ທຸກ​ຍາກ ​ແມ່ນ​ແຕ່​ໂຊກ​ຊາຕາ​ນີ້​ແຫຼະ ຈຶ່ງ​ຈຳ​ໃຫ້​ກູ​ກາຍ​ເປັນ​ນັກ​ປຸ້ນ ​ແລະ ຄາດ​ຕະກອນ ”.

      ​ແຕ່​ຍິ່ງ​ງຄິດ​ຈິດ​ໃຈ​ຂອງ​ເຂົາ​ຍິ່ງ​ວຸ້ນວາຍ​ບໍ່​ສະຫງົບ​ເປັນ ​ແລະ ​ເມື່ອ​ຕອນ​ກາງຄືນ​ເດືອນ​ແຈ້ງ​ມາ​ເຂົາ​ກໍ່​ອອກ​ມາ​ເລາະ ​ເອົາ​ອາກາດ​ຕາມ​ອຸທິຍານ​ທີ່​ຫງຽບ​ສະຫງັດ ​ແລະ ສວຍ​ງາມ​ຂອງ​ເຂົາ. ທັນ​ໃດ​ນັ້ນ​ເຂົາ​ຮູ້ສຶກ​ວ່າ ມີ​ປະກົດ​ການ​ອັນ​ໃດ​ອັນ​ໜຶ່ງ​ຕ້ອງ​ສາຍຕາ​ຂອງ​ເຂົາ​ເຮັດ​ໃຫ້​ເຂົາ​ແນມ​ໄປ​ຫາ​ຕົ້ນ​ແປກ​ໃຫຍ່ ​ແລະ ຮຽວ​ດົກ​ຕົ້ນ​ໜຶ່ງ. ຮູບ​ຮ່າງ​ຂອງ​ສົງ​ອົງ​ນັ້ນ​ປະກົດ​ອອກ​ມາ​ຄ່ອຍໆ​ແຈ້ງ​ອອກ. ມັນ​ແມ່ນ​ຮູບ​ຮ່າງ​ຂອງ​ຍາ​ທ່ານ​ທີ່​ຕາຍ​ດິກ​ນ້ຳ​ນັ້ນ​ເອງ, ​ໃບ​ໜ້າ​ຂຽວ​ຊ້ຳ​ໃນ​ຕາ​ໂປ​ອອກ​ມາ​ຈາກ​ເບົ້າຕາ. ​ແຕ່​ມັນ​ແມ່ນ​ຍາ​ທ່ານ​ທີ່​ຕາຍ​ດິກ​ນ້ຳ​ອີ​ຫຼີ​ແລະ​ອີກ​ຈັກ​ໜ້ອຍ​ປະກົດ​ວ່າ​ເໜັງ​ຕີງ​ຂຶ້ນ​ຍິ້ມ​ຫົວ​ຕໍ່​ເຂົາ ​ເຮັດ​ໃຫ້​ເຂົາ​ຢ້ານ ​ແລະ ສັ່ນ​ໄປ​ໝົດ​ທັງ​ຕົວ. ​ແຕ່​ຄາວໜຶ່ງ​ເຂົາ​ເລີຍ​ຊວາດ​ວ່າ​ເຂົາ​ແມ່ນ​ນັກຮົບ​ເກົ່າ​ຄົນ​ໜຶ່ງ​ທີ່​ມີ​ຄວາມ​ກ້າ​ກັ່ນ. ​ເຂົາ​ຈຶ່ງ​ຮີບ​ແລ່ນ​ໄປ​ດຶງ​ເອົາ​ດາບ​ຂອງ​ເຂົາ​ມາ​ແຕ່​ເຮືອນ​ເຂົາ​ກວັດ​ແກວ່ງ​ດາບ​ຟັນ​ຜ່າ​ສັດຕູ​ຂອງ​ເຂົາ. ຈົນ​ໃນ​ທີ່​ສຸດ​ແສງ​ສະຫວ່າງ​ຍາມ​ເຊົ້າ​ໄດ້​ມາ​ເຖິງ​ເງົາ​ຂອງ​ຍາ​ທ່ານ​ອົງ​ນັ້ນ​ຈຶ່ງ​ໄດ້​ຈາງ​ຫາຍ​ໄປ.

      ຄືນ​ຕໍ່​ມາ ​ແລະ ຕໍ່​ມາ​ກໍ່​ເປັນ​ເຊັ່ນ​ດຽວ​ກັນ​ນີ້​ທຸກ​ມື້​ເຮັດ​ໃຫ້​ເຂົາ​ສູ້​ກັບ​ເງົາ​ຂອງ​ຍາ​ທ່ານ​ນັ້ນ​ຈົນຮູ້ສຶກ​ອິດ​ອ່ອນ​ໂຮຍ​ແຮ​ງ. ​ເພື່ອ​ກຳຈັດ​ເຫດ​ຮ້າຍ​ດັ່ງກ່າວ​ເຂົາ​ໄດ​ດ້ສັ່ງ​ໃຫ້​ຄົນ​ໄປ​ປ້ຳ​ຕົ້ນ​​ແປກ​ນັ້ນ​ຖິ້ມ​ທັນທີ. ​ແຕ່​ວ່າ​ເງົາ​ຂອງ​ພະ​ອົງ​ນັ້ນ​ຊ້ຳພັດ​ໄປ​ປະກົດ​ຢູ່​ຕົ້ນ​ໄມ້​ໃຫຍ່... ດັ່ງ​ນີ້​ຕໍ່ໆ​ໄປ​ຈົນ​ໃນ​ທີ່​ສຸດ​ເຂົາ​ກໍ່​ເລີຍ​ຕັດສິນ​ໃຈ​ບໍ່​ຍອມ​ອອກ​ໄປ​ສວນ​ຂອງ​ເຂົາ​ອີກ. ​ແຕ່​ວ່າ​ເງົາ​ຂອງ​ພະ​ອົງ​ນັ້ນ​ຊ້ຳພັດ​ມາ​ປະກົດ​ຢູ່​ໃນ​ຫ້ອງ​ນອນ​ຂອງ​ເຂົາ. ​ເຮັດ​ໃຫ້​ເຂົາ​ໃຈ​ຂວ້າມ​ໃຈ​ຫງາຍ ຈົນ​ໃນ​ທີ່​ສຸດ​ເຂົາ​ເລີຍ​ລົ້ມ​ປ່ວຍ​ໜັກ. ​ເກີດ​ເປັນ​ວັນ​ພັນ​ເປັນ​ມື້​ມີ​ແຕ່​ຮ້ອງ​ຄາງ: “ ຕາຍ - ຕາຍ. ພະ - ພະ - ບາບ - ບາບ - ​ໂອ​ບາບ ... ”

      ຜູ້​ເປັນ​ເມຍ​ໄດ້​ໄປ​ເກນ​ເອົາ​ນາຍ​ໝໍ​ຜູ້​ທີ່​ລື​ຊື່​ທັງ​ເມືອງ​ມາ​ປິ່ນປົວ​ຜູ້​ເປັນ​ຜົວ​ແຕ່​ກໍ່​ບໍ່​ຫາຍ​ໄດ້.

      ສຽງ​ຊ່າ​ລື​ໄປ​ທົ່ວ​ເມືອງ​ວ່າ: ພໍ່ຄ້າ​ໃຫຍ່ ​ໂຕ​ກູ​ເບະ ລົ້ມ​ເຈັບ​ໜັກ. ສຽງ​ດັ່ງກ່າວ​ດັງ​ໄປ​ຮອດ

​ຫູ​ຂອງ​ຍາ​ທ່ານ​ອົງ​ໜຶ່ງ ທີ່​ມີ​ຊື່​ສຽງ​ວ່າ ​ເປັນ​ຄົນ​ທີ່​ມີ​ຫູ​ແຈ້ງ​ຕາ​ທິບ ດຳ​ລົງ​ຊີວິດ​ຢູ່​ດ້ວຍ​ຄວາ​ຍາກຈົນ ​ແຕ່​ດ້ວຍ​ສິນ​ທຳ. ວັນ​ໜຶ່ງ​ສາວ​ໃຊ້​ຂອງ​ໂຕ​ກູເບະ ​ໄດ້​ໄປ​ເວົ້າ​ເລື່ອງ​ລາວ​ໃຫ້​ພະ​ອົງ​ທ່ານ​ຟັງ ພະ​ອົງ​ຈຶ່ງ​ສົນ​ໃຈ ​ແລ້ວ​ຈຶ່ງ​ຂໍ​ມາ​ເບິ່ງ​ອາການ​ຂອງ​ຜູ້ກ່ຽວ.

      ​​ເມື່ອ ​ໂຕ​ກູເບະ ມາບ​ເຫັນ​ຍາ​ທ່ານ​ເຂົ້າ​ມາ​ຫາ ​ເຂົາ​ກໍ່​ຮ້ອ້ງ​ໄຫຼ​ຂຶ້ນ​ທັນທີ​ວ່າ:

      - ຫັ້ນ​ເດ - ຫັ້ນ​ເດ - ຄູບາ - ຄູບາ - ​ແມ່ນ​ມັນ​ແລ້ວ ຂ້ອຍ​ເຫັນ​ແຈ້ງ​ທີ່​ສຸດ ຈັບ​ມັນ ຈັບ​ມັນ ຊ່ອຍ​ເອົາ​ຂ້ອຍ​ແດ່...

      ​ໂຕ​ກູ​ເບະ ຮ້ອງ​ໄຫ້ ພ້ອມ​ທັງ​ໝູບ​ໜ້າ​ລົງ​ຕຽງ ​ແລ້ວ​ຊັກ​ຜ້າ​ຫົ່ມ​ມາ​ປົກ.

      ຍາ​ທ່ານ ​ໃຫ້​ທຸກ​ຄົນ​ອອກ​ຈາກ​ຫ້ອງ​ເພື່ອ​ຈະ​ໄດ້​ຢູ່​ສອງ​ຕໍ່​ສອງ​ນຳ​ກັນ.

      - ​ແມ່ນ​ແລ້ວ ​ແມ່ນ​ອັດຕະມາ​ແລ້ວ. ອັດຕະມາ​ແມ່ນ​ສົງ​ທີ່​ເຈົ້າ​ງັດ​ລົງ​ນ້ຳ​ຢູ່ ກູ​ອາ​ນະ ກ່ອນ​ໜ້າ​ນີ້ 3 ປີ ຫັ້ນ​ເດ.    

​      ໂຕ​ກູ​ເບະ ຍັງ​ຮ້ອງ​ສັ່ນ​ຢູ່​ບໍ່​ເຊົາ ​ແຕ່​ກ່ອນ​ເອົາ​ເງົາ​ເປັນວິນ​ຍາ​ນຂອງ​ສົງ​ອົງ​ນັ້ນ ຍັງ​ບໍ່​ປາກ. ມາ​

ບັດ​ນີ້​ຍັງ​ສາມາດ​ເວົ້າ​ໄດ້​ນຳ​ອີກ... ຍາ​ທ່ານ​ຕວງ​ແນ​ວຄິດ​ຂອງ​ເຂົາ​ໄດ້ ຈຶ່ງ​ເວົ້າ​ກັບ​ເຂົາ​ວ່າ:

      - ອັດຕະມາບໍ່​ແມ່ນ​ຜີ ບໍ່​ແມ່ນ​ເງົາ ​ແມ່ນ​ຄົນ​ອີ​ຫຼີອັດຕະມາ​ຍັງບໍ່ທັນຕາ​ຍ ອັດຕະມາ​ແມ່ນສົງ ທີ່

​ໄດ້​ເດີນທາງ​​ໂຕ​ໄກ​ໂດ ຮ່ວມ​ອອກ​ມາ​ກ່ອນ​ໜ້າ​ນີ້ 3 ປີ​ຫັ້ນ​ເດ ຈື່​ບໍ່​ໄດ້​ບໍ່ ? ຜູ້​ເຈົ້າ​ງັດ​ລົງ​ນ້ຳ​ແມ່ນ ອັດຕະມາ​ນີ້​ແຫຼະ ​ແຕ່​ໂຊກ​ດີ ອັດຕະມາ​ໄດ້​ຮຽນ​ລອຍ​ນ້ຳ​ໃນ​ເວລາ​ເປັນ​ເດັກນ້ອຍ​ຈຶ່ງ​ລອຍ​ອອກ​ຮອດ​ຝັ່ງ​ໄດ້. ອັດຕະມາ​ໄດ້​​ເດີນ​ເລາະ​ໄປ​ທຸກ​ແຫ່ງ​ຫົນ ​ເພື່ອ​ຊອກ​ຫາ​ເຈົ້າ​ເພື່ອ​ຈະ​ຂໍ​ເອົາ​ເງິນ​ນັ້ນ​ມາ​ສ້າງ​ພະພຸດທະ​ຮູບ. ​ແຕ່​ອັດຕະມາ​ນັ້ນ​ກໍ່​ບໍ່​ໄດ້​ພໍ້​ກັບ​ເຈົ້າ​ ຈາກ​ນັ້ນ​ອັດຕະມາ​ກໍ່​ຕັດສິນ​ໃຈ​ໄປ​ເລາະ​ຂໍທານ​ອີກ​ເພື່ອ​ເກັບ​ເງິນ​ມາ​ສ້າງ​ຈົນ​ສຳ​ເລັດ. ​ເຈົ້າ​ໄດ້​ສ້າງ​ໂທດ​ກຳ​ອັນ​ສາ​ໂຫດ​ໄວ້​ໜັກ​ທີ່​ສຸດ ​ແຕ່​ອັດຕະມາ​ເປັນ​ນັກບວດ​ຈຶ່ງ​ອະ​ໄພ​ໂທດ​ໃຫ້​ແກ່ອອກ. ພະພຸດທະ​ເຈົ້າ​ສອນ​ໄວ້​ວ່າ: “ ຖ້າ​ຫາກ​ວ່າ​ເອົາ​ຄວາມ​ແຄ້ນ​ມາ​ດັບ​ຄວາມ​ແຄ້ນ ​ແລ້ວ​ເຫດ​ສັນ​ໃດ​ຄວາມ​ແຄ້ນ​ຈຶ່ງ​ຈະ​ດັບ​ມອດ​ລົງ​ໄດ້ ” ຄວາມ​ແຄ້ນ​ນັ້ນ​ໃຫ້​ມັນ​ຫາຍ​ໄປ​ດ້ວຍ​ການ​ອະ​ໄພ​ໂທດ.

      ​ໂຕ​ກູ​ເບະ ​ໄດ້​ຍິນ​ຄວາມ​ນີ້​ແລ້ວ​ກໍ່​ຄ່ອຍ​ຫຼຽວ​ໜ້າ​ມາ​ເບິ່ງ​ຜູ້​ເປັນ​ເຫື່ອ​ຂອງ​ຄວາມ​ສາມານ​ຂອງ​ເຂົາ​ແລ້ວ​ກໍ່​ຄ່ອຍໆ​ພຶມພຳ​ຄວາມ​ຮູ້​ບຸນ​ຄຸນ​ອອກ​ມາ​ຕໍ່​ຍາ​ທ່ານ.

      ອະ​ໂຫສີ​ກຳ​ໃຫ້​ຂ້າ​ພະພຸດທະ​ເຈົ້າ​ດ້ວຍ​ເຖີດ, ອອກ​ຕົນ​ໄດ້​ຜິດ​ໄປ​ແລ້ວ ​ໄດ້​ເຈດ​ຕະນາ​ຂ້າ​ຍາ​ທ່ານ ​ເພື່ອ​ກອບ​ໂກຍ​ເອົາ​ເງິນ ອັນ​ເປັນ​ເພາະ​ຄວາມທຸກ​ຍາກ​ລຳ​ເຄັນ​ຂອງ​ອອກ​ນີ້​ເອງ ​ແລ້ວ​ຈຶ່ງ​ພາ​ໃຫ້​ອອກ​ເກີດ​ມີ​ຄວາມ​ໂຫດ​ຫ້ຽມກໍ່​ບາບກຳ​ອັນ​ມະຫາສານ​.

      ​ແມ່ນ​ແລ້ວ - ຄົນ​ເຮົາ​ເກີດ​ມາ ພ້ອມ​ກັບ​ຫົວ​ໃຈ​ທີ່​ບໍລິສຸດ​ໝົດ​ທຸກ​ຄົນ ​ແຕ່​ວ່າ​ຊີວິດ​ສ້າງ​ຄວາມ​ເບື່ອ​ເມົາ​ໃຫ້​ແກ່​ມັນ. ຄວາມທຸກ​ຈົນ​ເປັນ​ທີ່​ປຶກສາ​ຄວາມ​ຊົ່ວ​ຊ້າ​ທີ່​ສຸດ, ມັນ​ຈຳ​ໃຫ້​ຄົນ​ຈົນ​ກະທຳ​ໄປ​ທາງ​ທີ່​ອັບປະມຸງຄຸນ ​ເຊິ່ງພາຍຫຼັງ​ມາ​ກໍ່​ຮູ້ສຶກ​ກິນ​ແໜງ​ແຄງ​ໃຈ.

      ດຽວ​ນີ້ ຂ້ານ້ອຍ​ຮູ້ສຶກ​ທຸກ​ໂສກ​ດ້ວຍ​ຄວາມ​ກິນ​ແໜງ. ຂໍ​ໃຫ້​ຂ້ານ້ອຍ​ໄດ້​ລ້າງບາບ​ກຳ​ຂອງ​ຂ້າ ນ້ອຍ​ດ້ວຍ​ການ​ມອບ​ເງິນ​ຄືນ​ໃຫ້​ຍາ​ທ່ານ​ທົບ​ເທົ່າ​ດ້ວຍ.

      ບໍ່ຈຳ​ເປັນ​ເລີຍ​ອອກ​ເຮີຍ - ອັດຕະມາ​ບໍ່​ຕ້ອງການ​ມັນ​ອີກ​ແລ້ວ ພະພຸດທະ​ເຈົ້າ​ສ້າງ​ສຳ​ເລັດ​ຮຽບ ຮ້ອຍ​ແລ້ວ.

      ຂໍ​ໃຫ້​ຍາ​ທ່ານ​ຮັບ​ເອົາ​ມັນ​ໄປ ​ໃນ​ຖານະ​ທີ່​ເປັນ​ຂອງ​ທານ​ດ້ວຍ​ເຖີດ ​ເພື່ອ​ໃຫ້​ອອກ​ໄດ້​ຫາຍ​ຄວາມ​ກິນ​ແໜງ​ແຄງ​ໃຈ ​ແລະ ຄວາມທຸກ​ໂສກ ຫາກ​ວ່າ​ພະພຸດທະ​ຮູບ​ສ້າງ​ສຳ​ເລັດ​ແລ້ວ ກໍ່​ຂໍ​ໃຫ້​ຍາ​ທ່ານ​ເອົາ​ໄປ​ແຈ​ກ​ແກ່​ຄົນ​ທຸກ​ຍາກ​ດ້ວຍ.

      ຈາກ​ນັ້ນ​ພໍ່​ຄ້າ ​ໂຕ​ກູ​ເບະ ກໍ່​ມີ​ສຸຂະພາບ​ແຂງ​ແຮງ​ຂຶ້ນ ​ແລະ ມີ​ຄວາມ​ສະຫງົບ​ທາງ​ຈິດ​ໃຈ. ​ເຂົາ​ໄດ້​ປະພຶດ​ຕົນ​ເປັນ​ຄົນ​ດີ ມີ​ສິນ​ທຳ​ເພື່ອ​ແຜ່​ເອື້ອ​ອາລີ​ແກ່​ຄົນ​ທຸກ​ຈົນ. ບາງ​ຄັ້ງ​ຄາວ​ບາງ​ຜູ້​ຄົນ​ຍັງ​ໄດ້​ຍິນ​ລາວ​ພຶມພຳ​ອອກ​ມາ​ວ່າ: “ ນະ​ມຸ ອະມິ​ຕະ ພຸດ​ສຸ  ນະ​ມຸ ອະມິ​ຕະ ພຸດ​ສຸ ”.

 

ຕົວລະຄອນ     ເນື້ອໃນຫຍໍ້

 

 

ຂຽນເມື່ອ ຂຽນເມື່ອ: ພ.ຈ.. 29, 2014 | ມີ 0 ຄຳເຫັນ ແລະ 0 trackback(s)

      ບັ້ນສຸດທີ່ອ່າວ:  ແມ່ນເວົ້າເຖິງຄວາມເດັດດ່ຽວໜຽວແໜ້ນຍອມເສຍສະຫຼະຊີວິດ ໃນການຕໍ່ສູ້ກູ້ຊາດຂອງນັກແຕ່ງ, ຜ່ານການຄົ້ນຄິດມານານນັກແຕ່ງໄດ້ຢືນຢັນນ້ຳໃຈຮັກຊາດ, ຫຼັກໝັ້ນ ແລະ ຄວາມຕັດສິນໃຈຂອງຕົນ ຈົນເຮັດໃຫ້ນັກແຕ່ງມີອາການຮ້ອນຮົນກະວົນກະວາຍກິນບໍ່ແຊບນອນບໍ່ຫຼັບ  ເໝືອນດັ່ງຄົນປ່ວຍໄຂ້.

kiss ເນື້ອໃນສານລຶບພະສູນ ( ທັງ 3 ບັ້ນ )  ບັ້ນບັງລະຫັດ ບັ້ນສົມທີ່ຄິດ

ຂຽນເມື່ອ ຂຽນເມື່ອ: ພ.ຈ.. 29, 2014 | ມີ 0 ຄຳເຫັນ ແລະ 0 trackback(s)

ບັ້ນສົມທີ່ຄິດ:  ແມ່ນຊີ້ບອກໃຫ້ເຫັນຄວາມນຶກຄິດ ແລະ ຄວາມເປັນຫ່ວງເປັນໄຍນຳພໍ່ແມ່ປະຊາຊົນທຸກຄົນ ກໍ່ຄືວຽກງານຕໍ່ສູ້ດ້ວຍກຳລັງອາວຸດຈຶ່ງຈະໄດ້ຮັບໄຊຊະນະ  ຫາກວ່າມີການຈຳເປັນອາດຈະອາໃສການຮ່ວມມືກັບສາກົນ.

 

kiss ເນື້ອໃນສານລຶບພະສູນ ( ທັງ 3 ບັ້ນ )   ັ້ນບັງລະຫັດ  ບັ້ນສຸດທີ່ອ່າວ

ຂຽນເມື່ອ ຂຽນເມື່ອ: ພ.ຈ.. 29, 2014 | ມີ 0 ຄຳເຫັນ ແລະ 0 trackback(s)

ບັ້ນບັງລະຫັດ: ແມ່ນເວົ້າເຖິງນ້ຳໃຈຮັກຊາດ ຄຽດແຄ້ນສັດຕູຂອງນັກແຕ່ງ ເມື່ອເຫັນປະເທດຊາດເສຍເອກະລາດຈິ່ງຮີບຊອກຫາວິທີແກ້ໄຂ, ທັງຊີ້ບອກໃຫ້ເຫັນສາເຫດທີ່ພາໃຫ້ມີຄວາມຄຽດແຄ້ນເພາະປະເທດຊາດຖືກຮຸກຮານຈາກພວກສັກດີນາສະຫຍາມຈິ່ງຕັດສິນໃຈຕໍ່ສູ້ເພື່ອກອບກູ້ເອົາເອກະລາດຄືນມາ.

 

kiss ເນື້ອໃນສານລຶບພະສູນ ( ທັງ 3 ບັ້ນ )  ບັ້ນສົມທີ່ຄິດ  ບັ້ນສຸດທີ່ອ່າວ

ຂຽນເມື່ອ ຂຽນເມື່ອ: ພ.ຈ.. 25, 2014 | ມີ 0 ຄຳເຫັນ ແລະ 0 trackback(s)

ຄຳຖາມບົດທີ 8      ຂະໜານຕອບວັນນະຄະດີຊັ້ນ ມ4

  1. ບົດ​ປະພັນ​ວັນນະຄະດີ​ແມ່ນ​ຫຍັງ?
  2. ມູນ​ພາກ​ຕ່າງໆ ທີ່​ປະກອບ​ເປັນ​ບົດ​ປະພັນ​ວັນນະຄະດີ​ມີ​ຄື​ແນວ​ໃດ?
  3. ​ໂຄງ​ເລື່ອງ ​ແລະ ​ໂຄງ​ປະກອບ​ສ້າງ​ແມ່ນ​ແນວ​ໃດ? ( ອະທິບາຍ )
  4. ​ໂຄງ​ເລື່ອງ​ຂອງ​ບົດ​ເລື່ອງ​ໃດ​ໜຶ່ງ​ມີ​ຈັກ​ພາກສ່ວນ? ຄື​ພາກສ່ວນ​ໃດ​ແດ່? ຈົ່ງ​ອະທິບາຍ.
  5. ​ເນື້ອ​ໃນ ​ແລະ ຮູບ​ການ​ຂອງ​ບົດ​ປະພັນ​ວັນນະຄະດີ​ມີ​ການ​ພົວພັນ​ກັນ​ຄື​ແນວ​ໃດ?

ຕອບຄຳຖາມບົດທີ 8

  1. ບົດ​ປະພັນ​ວັນນະຄະດີ ​ແມ່ນ​ຄວາມ​ສຳນຶກ​ອັນ​ໜຶ່ງ​ກ່ຽວ​ກັບ​ບົດ​ເລົ່າ​ເລື່ອງ, ກາບກອນ ​ແລະ ບົດ​ລະ

ຄ​ອນ​ເຊິ່ງອາດ​ຈະ​ເປັນ​ບົດສັ້ນ ຫລື ຍາວ, ​ແຕ່​ເຖິງ​ຈະ​ສັ້ນ ຫຼື ຍາວ​ນັ້ນ ມັນ​ຕ້ອງ​ແມ່ນ​ໂຄງ​ສ້າງ​ສິລະ

ປະ​ບົດ​ໜຶ່ງ​ທີ່​ມີ​ຫຼາຍ​ພາກສ່ວນ​ມາ​ປະກອບ​ມີ​ຄື: ຫົວ​ເລື່ອງ, ກະທູ້, ​ແນວ​ຄິດ, ​ໂຄງ​ເລື່ອງ ​ແລະ ​ໂຄງ

ປະກອ​ບສ້າງ.

2.   ມູນ​ພາກ​ຕ່າງໆ ທີ່​ປະກອບ​ເປັນ​ບົດ​ປະພັນ​ວັນນະຄະດີ​ມີ​ຄື: ຫົວ​ເລື່ອງ, ກະທູ້, ​ແນວ​ຄິດ, ​ໂຄງ​ເລື່ອງ

ແລະ ​ໂຄງປະກອ​ບສ້າງ.

3.  ​ໂຄງ​ເລື່ອງ ​ແລະ ​ໂຄງ​ປະ​ກອບ​ສ້າງ​ມີ​ຄື:

  • ​ໂຄງ​ເລື່ອງ: ​ແມ່ນ​ບັນດາ​ເຫດການ​ອັນ​ລະອຽດ​ປະສົມ​ກົມກຽວ​ກັນ​ກາຍ​ເປັນ​ສາຍ​ໃຍ ​ເກາະ​ກ່າຍ

ກັນ ​ແລະ ກາຍ​ເປັນ​ເນື້ອ​ໃນ​ຂອງ​ເລື່ອງ​ນັ້ນ ​ໂດຍ​ຜ່ານ​​ໂຄງ​ເລື່ອງ​ນີ້​ເອງ, ນັກ​ປະພັນ​ສະ​ແດງ​ໃຫ້​

​ເຫັນ​ການ​ພົວພັນ, ການ​ຕໍ່ສູ້​ຂອງ​ບັນດາ​ຕົວ​ລະຄອນ​ຈາກ​ນັ້ນກະທູ້ ​ແລະ ​ແນວ​ຄິດຈະ​ພົ້ນ​ເດັ່ນ​ຂື້ນ

ມາ.

  • ​ໂຄງ​ປະ​ກອບ​ສ້າງ​ຂອງ​ບົດ​ປະພັນ​ວັນນະຄະດີ: ​ແມ່ນ​ລະບົບ​ການຈັດຕັ້ງສັບ​ຊ້ອນ​ຂໍ້​ປີກ​ຍ່ອຍ​ຕ່າງໆ

ຂອງ​ບັນດາ​ຕົວ​ລະຄອນ ​ແມ່ນ​ການຈັດ​ວາງ​ຂອງ​ພາກສ່ວນ​ຕ່າງໆ ທີ່​ປະກອບ​ເປັນ​ບົດ​ປະພັນ​ວັນ

ນະ​ຄະດີ. ຄົ້ນຄວ້າ​ໂຄງ​ປະກອບ​ສ້າງ​ແມ່ນ​ຄົ້ນຄວ້າ​ການຈັດ​ວາງ ​ແລະ ການ​ສັບ​ຊ້ອນ​ພາກສ່ວນ

ຕ່າງ​ທ ຂອງ​ບົດ​ປະພັນ​ນັ້ນ​ເອງ.

4.  ​ໂຄງ​ເລື່ອງ​ຂອງ​ບົດ​ເລື່ອງ​ໃດ​ໜຶ່ງ​ມີ 5 ພາກສ່ວນ​ຄື:

   ພາກ​ສະ​ເໜີ:  ​ແມ່ນ​ພາກ​ສະ​ເໜີ​ສະພາບ​ສັງຄົມ, ສະພາບ​ເບື້ອງ​ຕົ້ນຂອງ​ຕົວ​ລະຄອນ​ໃນ​ການ​ດຳ

ດຳລົງ​ຊີວິດ​ຖານະ​ໃນ​ສັງຄົມ…

   ພາກ​ຂອດ​ບັນຫາ:  ​ແມ່ນ​ພາກ​ທີ່​ສະ​ແດງ​ໃຫ້​ເຫັນ​ວ່າ ຂໍ້​ຂັດ​ແຍ້​ງ​ເລີ່​ມ​ເກີດ​ຂື້ນ​ພາກ​ຂອດ​ບັນຫາຈະ

ບໍ່​ຍາວ​ບາງ​ເລື່ອງ​ເປັນ​ພຽງ​ຕອນສັ້ນໆ ​ເທົ່າ​ນັ້ນ. ​ແຕ່​ພັດ​ມີ​ຄວາມ​ໝາຍ​ສຳຄັນ, ​ເພາະ​ພາກ​ນີ້​ເປັນ​ພາກ

ພາ​ໃຫ້​ເກີດ​ຂໍ້​ຂັດ​ແຍ້​ງຂື້ນ​ມາ.

   ພາກ​ຂະຫຍາຍ:  ​ແມ່ນ​ການ​ຂະຫຍາຍ​ຂໍ້​ຂັດ​ແຍ້​ງ. ​ໂຄງ​ເລື່ອງ​ຂອງ​ບົດ​ປະພັນ​ວັນນະຄະດີ​ໃດ​ໜຶ່ງ

ພາກ​ຂະຫຍາຍ​ເປັນ​ພາກ​ທີ່​ຍາວ​ກວ່າ​ໝູ່. ​ໃນ​ພາກ​ນີຄຸນ​ລັກສະນະ​ຂອງຕົວ​ລະຄອນ​ຈະ​ຄ່ອຍໆ ປາກົດ

​ແຈ້ງ​ຂື້ນ​ເທື່ອ​ລະ​ກ້າວ.

   ຈຸດ​ສູງ​ສຸດ:  ​ແມ່ນ​ຂໍ້​ຂັດ​ແຍ້​ງຂະຫຍາຍຕົວ​ສູ່​ລະດັບ​ສູງ​ສຸດ. ການ​ສູ້​ກັນ​ກັນ​ລະຫວ່າງ​ຝ່າຍ​ຕ່າງໆ

ຂະຫຍາຍຕົວ​ສູ່​ລະດັບ​ສູງ​ສຸດ​ຕ້ອງ​ມີ​ວິທີ​ແກ້​ໄຂັນ​ຫາ​ອັນ​ແນ່ນອນ​ຮອດ​ຈຸດ​ສູງ​ສຸດ, ຜູ້​ອ່ານ​ຈະ​ເຫັນ​ໄດ້

​ແຈ້ງ​ຄຸນ​ລັກສະນະ​ຂອງ​ຕົວ​ລະຄອນ.

   ພາກສ່ວນ​ທ້າຍ:  ​ແມ່ນ​ພາກ​ແກ້​ບັນຫາ​ຂອດ​ຢູ່​ພາກ​ສອງ, ໝາຍ​ຄວາມ​ວ່າ: ​ເນື້ອ​ໃນ​ຂໍ້​ຂັດ​ແຍ້​ງ

ກ້າວ​ສູ່​ລະດັບ​ສູງ, ຜົນ​ສຸດ​ທ້າຍ​ຂອງ​ບັນຫາ​ເປັນ​ໄປ​ແນວ​ໃດ, ນັກ​ປະພັນ​ຈະ​ສະ​ເໜີ​ໃນ​ພາກ​ມ້ວນທ້າຍ

ນີ້​ເອງ.

   +  ວິທີ​ມ້ວນທ້າຍ​ແບບ​ປິດ: ​ແມ່ນ​ຂໍ້​ຂັດ​ແຍ້​ງສິ້ນສຸດ​ໂຊກ​ຊາຕາກຳ​ຂອງ​ຕົວ​ລະຄອນ​ທຸກ​ຢ່າງ​ຈະ​​

      ​ແຈ້ງ.

   +  ວີ​ທີ​ມ້ວນທ້າຍ​ແບບ​ເປີດ: ​ແມ່ນ​ໂຊກ​ຊາຕາກຳ. ຄຸນ​ລັກສະນະ​ຕົວ​ລະຄອນ​ຈະ​ແຈ້ງ, ​ແຕ່​ຂໍ້​ຂັດ

      ​ແຍ້​ງຍັງ​ສືບ​ຕໍ່​ເຮັດ​ໃຫ້​ຜູ້​ອ່ານ​ຍັງ​ມີ​ຄວາມ​ສົນ​ໃຈ.

5.     ​ເນື້​ອໃນ ​ແລະ ຮູບ​ການ​ຂອງ​ບົດ​ປະພັນ​ວັນນະຄະດີ​ມີ​ການ​ພົວພັນ​ກັນ​ຄື​: ລະຫວ່າງ​ຮູບ​ການ ​ແລະ

​ເນື້ອ​ໃນ​ສະ​ແດງ​ອອກ​ຢ່າງ​ເລິກ​ເຊິ່ງ​ໃນ​ສັບ​ພາສາ ​ແລະ ມີ​ການ​ພົວພັນ​ນຳ​ກັນ​ຢ່າງ​ສະໜິດ​ແໜ້ນ, ບໍ່

ສາດ​ຕັດ​ແຍກ​ອອກ​ຈາກ​ກັນ​ໄດ້. ​ເນື້ອ​ໃນ​ໃດ​ໜຶ່ງ​ຕ້ອງ​ຖືກ​ສະ​ແດງ​ອອກ​ດ້ວຍ​ຮູບ​ການ​ໃດ​ໜຶ່ງ​ທີ່​ແນ່ນອນ

​ແລະ ຮູບ​ການ​ຕ້ອງ​ແມ່ນ​ຮູບ​ການ​ຂອງ​ເນື້ອ​ໃນ​ໃດ​ໜຶ່ງ​ອັນ​ແນ່ນອນ, ມັນ​ບໍ່​ມີ​ເນື້ອ​ໃນ​ແບບ​ລວມໆ ຫລື

ຮູບ​ການ​ແບບ​ລວມໆ.

ຂຽນເມື່ອ ຂຽນເມື່ອ: ພ.ຈ.. 25, 2014 | ມີ 0 ຄຳເຫັນ ແລະ 0 trackback(s)

ຄຳຖາມບົດທີ 7        ຂະໜານຕອບວັນນະຄະດີຊັ້ນ ມ4

  1. ສະພາບ​ການ​ປະຫວັດສາດ​ຝຣັ່ງສະຕະວັດ​ທີ XVIII ​ໄດ້​ສົງ​ຜົນ​ສະທ້ອນ​ແນ​ວໃດ​ຕໍ່​ວັນນະຄະດີ​ເພີນ​

ຈິດແລະ ສັດຈະ​ທັດ​ວິຈານ​ຂອງຝຣັ່ງ?

2.  ​ໃນ​ທ້າຍ​ສະຕະວັດ​ທີ XVIII ​ແລະ​ ຕົ້ນສະຕະວັດ​ທີ XIX ສະພາບ​ວັນນະຄະດີ​ຝຣັ່ງ​ເປັນ​ແນວ​ໃດ?

3. ເນື້​ອ​ໃນ​ບົດ​ປະພັນ ຜູ້​ທຸກ​ຈົນ ​ເວົ້າ​ເຖິງ​ຫຍັງ? ຕົວ​ລະຄອນ​ຊັງ​ວານ​ຊັງ ມີ​ຊີວິດ​ຄື​ແນວ​ໃດ?

4. ຕາບ​ໃດ​ຍັງ​ມີ​ຄວາມທຸກ​ຈົນ​ຢູ່​ໃນ​ໂລກ​ນີ້, ນະວະນິຍາຍ ​ຜູ້​ທຸກ​ຈົນ ກໍ່​ຍັງ​ມີ​ຄຸນຄ່າ​ຢູ. ຈົ່ງ​ໃຫ້​ຄຳ​ເຫັນ​ຕໍ່

ຄຳ​ເວົ້າດັ່ງກ່າວ.

5. ຕອນ ບັນຫາ​ນ້ຳ​ທີ່​ເມືອງ​ມົງ​ແຟກ​ໄມ ​ເນື້ອ​ໃນ​ເວົ້າ​ເຖິງ​ຫຍັງ?

6.  ກີ​ເດີ​ໂມ​ປັດ​ຊັງ​ເກີດ​ເມື່ອ​ໃດ? ​ແລະ ຢູ່​ໃສ?

7. ​ໃນ​ເລື່ອງ ​ເອ້​ເພດ ນັກ​ປະພັນ​ໄດ້​ເວົ້າ​ເຖິງ​ຫຍັງ​ແດ່​?

8. ​ໃນ​ເລື່ອງ ​ເອ້​ເພດ ຕົວ​ລະຄອນ​ຊົວ​ແລນ ​ເປັນ​ຕົວ​ລະຄອນ​ແນວ​ໃດ?

ຕອບຄຳຖາມບົດທີ 7

  1. ສະພາບ​ປະຫວັດສາດ​ຂອງຝຣັ່ງ​ໄດ້​ສົ່ງ​ຜົນ​ສະທ້ອນ​ໃຫ້​ວັນນະຄະດີ​ຝຣັ່ງ​ເກີດ​ມີ​ສອງຂະ​ບວນການ​ປະ

ດິດ​ແຕ່ງ​ຄື: ຂະ​ບວນການ​ເພີນ​ຈິດ​ຫຍໍ້​ທໍ້ ​ແລະ ​ເພີນ​ຈິດ​ກ້າວໜ້າ. ພວກ​ເພີນ​ຈິດ​ຫຍໍ້​ທໍ້​ແມ່ນ​ພວກ​ຢາກ

ຟື້ນ​ຟູ​ລະບອບ​ສັກ​ດີ​ນາ​ທີ່​ຖື​ກ​ໂຄ່ນ​ລົ້ມ​ໄປ​ນັ້ນ​ໃຫ້​ກັບ​ຄືນ​ມາ​ອີກ, ສ່ວນ​ພວກ​ເພີນ​ຈິດ​ກ້າວໜ້າ​ແມ່ນ​ພວກ

ທີ່​ໃຝ່ຝັນ​ຫາ​ອະນາຄົດ​ທີ່​ດີກ​ວ່າ​ເກົ່າ ​ແລະ ຕ້ານ​ຄືນ​ການ​ຖອຍ​ຄືນ​ຫຼັງ.

2.  ​ໃນທ້າຍ​ສະຕະວັດ​ທີ XVIII ​ແລະ​ ຕົ້ນສະຕະວັດ​ທີ XIX ສະພາບ​ວັນນະຄະດີ​ຝຣັ່ງ​​ມີ​ການ​ຂະຫຍາຍ

ຕົວ​ແຮງ​ໂດຍ​ສະ​ເພາະ​ແມ່ນ​ລັດທິ​ສັດຈະ​ທັ​ດວິຈານ ​ແລະ ​ໄດ້​ສົມທົບ​ກັບ​ສັດຈະ​ທັດ​ເພີນ​ຈິດ​ກ້າວໜ້າ

ຕ້ານ​ກັບ​ເພີນ​ຈິດ​ຫຍໍ້​ທໍ້.

3.  ​ເນື້ອ​ໃນ​ຂອງ​ນະວະນິຍາຍ ( ຜູ້​ທຸກ​ຈົນ ) ​ແມ່ນ​ສ່ອງ​ແສງ​ເຖິງ​ສັງຄົມ​ຝຣັ່ງ​ໃນ​ສະ​ໃໝ​ນັ້ນຢ່າງ​ກວ້າງ

ຂວາງ ​ໂດຍສະ​ເພາະ​ແມ່ນ​ນຳ​ໃຈ​ມະນຸດສະທຳ​ອັນ​ສູງ​ສົ່ງ​ຂອງ​ຜູ້​ທຸກ​ຈົນ​ໂດຍ​ຜ່ານ​ຕົວ​ລະຄອນ​ຊັງ​ວານ

ຊັງ, ກົງກັນຂ້າມ​ເລື່ອງ​ຍັງ​ກ່າວ​ປະນາມ​ຄວາມ​ຊົ່ວ​ຊ້າ​ອະທຳ​ຂອງ​ພວກ​ທີ່​ມີ​ອຳນາດ​ໂດຍ​ຜ່ານ​ຕົວ​ລະ

ຄອນ​ຊາ​ແວ.

4.  ຕາບ​ໃດ​ຍັງ​ມີ​ຄວາມທຸກ​ຈົນ​ຢູ່​ບົນ​ໂລກ​ນີ້, ນະວະນິຍາຍ​ຜູ້​ທຸກ​ຈົນ ຍັງ​ມີ​ຄຸນຄ່າ​ຢູ່, ນັ້ນກໍ່​ເພາະວ່າ: ນະ

ວະ​ນິຍາຍ​ມີ​ລັກສະນະ​ເພີນ​ຈິດ​ກ້າວ​ໜ້າ ​ແລະ ​ໃສ່​ອງ​ແສງ​ສັງຄົມ​ຝຣັ່ງ​ໃນ​ສະ​ໃໝ​ນັ້ນ​ໄດ້​ຢ່າງ​ກວ້າງ

ຂວາງ ​ແລະ ​ເລິກ​ເຊິ່ງ.

5.  ​ເນື້ອ​ໃນ​ຕອນ​ຄັດ ບັນຫາ​ນ້ຳ​ທີ່​ເມືອງ​ມົງ​ແຟກ​ໄມ ​ເນື້ອ​ໃນ​ເວົ້າ​ເຖິງ​ຄວາມ​ທຸ​ຍາກ​ລຳບາກ​ຂອງ​ໂກ​ແຊັດ

ທີ່​ຕົກ​ເປັນ​ທາດ​ຮັບ​ໃຊ້​ໃຫ້​ແກ່​ຄອບຄົວ​ເຕນາກ​ດີ​​​ເອທີ່​ໂຫດຮ້າຍ, ສອງຜົວ​ເມຍ​ຍັງ​ບັງຄັບ​ໃຫ້​ໂກ​ແຊັດ

ຮັບ​ໃຊ້​ທຸກ​ຢ່າງ ​ແລະ ​ໄຮ້​ມະນຸດສະທຳ, ການ​ຄ້າຂາຍ​ຫງາຍ​ມື​ຂອງ​ພວກ​ເຂົາ ​ແມ່ນ​ບົນ​ຄວາມທຸກ

ຍາກ​ລຳບາກ​ຂອງ​ໂກ​ແຊັດ.

6.  ກີເດີ​ໂມ​ປັດ​ຊັງ​ເກີດ​ເມື່ອ​ວັນ​ທີ 5/8/1850 ​ໃກ້​ເມືອງ​ດຽບ​ເປີ, ​ແຂວງ​ກັອກ​ມັງ​ດີ​ຢູ່​ພາກ​ເໜືອ​ຂອງ​ປະ

​ເທ​ດຝຣັ່ງ.

7.  ​ໃນ​ເລື່ອງ ​ເອ້​ເພດ ນັກ​ປະພັນ​ຢາກ​ຕັກ​ເຕືອນ ​ແລະ ສັ່ງສອນ​ໃຫ້​ຄົນ​ທັງຫຼາຍ​ຮູ້​ກ່ຽວ​ກັບ​ຄວາມ​ທະ​ເຍີ້

ທະຍານ​ຂອງ​ຄົນ​ເຮົາ​ໃນ​ສິ່ງ​ທີ່​ບໍ່​ຖືກ​ຕ້ອງ ຍ່ອມ​ຈະ​ນຳ​ໄປ​ສູ່​ຄວາມທຸກ​ທໍລະມານ.

8.  ​ໃນ​ເລື່ອງ ​ເອ້​ເພດ ຕົວ​ລະຄອນ​ຊົວ​ແລນ ​ເປັນ​ຄົນ​ຕັກ​ທຸກ​ໄດ້​ຍາກ​ຍ້ອນ​ການ​ກະທຳ​ຈາກ​ແນວ​ຄິດ​ທີ່

ອວດອົ່ງ​ທະ​ນົງ​ຕົວ​ເກີນ​ໄປ.

ຂຽນເມື່ອ ຂຽນເມື່ອ: ພ.ຈ.. 25, 2014 | ມີ 0 ຄຳເຫັນ ແລະ 0 trackback(s)

ຄຳຖາມບົດທີ 6         ຂະໜານຕອບວັນນະຄະດີຊັ້ນ ມ4

  1. ​ເປັນ​ຫຍັງຈິ່ງ​ເວົ້າວ່າ ທ່ານ ​ໂຮ່ຈີ​ມິນ ນອກຈາກ​ເປັນ​ຜູ້ນຳ​ການ​ປະຕິວັດ​ທີ່​ຫຍິ່ງ​ໃຫຍ່​ແລ້ວ​ຍັງ​ເປັນ​ນັກ

ປະພັນ, ນັກ​ກະວີ​ອີກ​ດ້ວຍ?

2.  ປື້​ມປະມວນ​ບົດ​ກອນ ບັນ​ທຶກ​ໃນ​ຄຸກ ຂຽນ​ຂື້ນ​ພາຍ​ໃຕ້​ສະພາບ​ການ​ຄື​ແນວ​ໃດ?

3. ​ເນື້ອ​ໃນຕົ້ນຕໍ​ຂອງ​ປື້ມປະ​ມວນບົດ​ກອນ ບັນທຶກ​ໃນ​ຄຸກ​ເວົ້າ​ເຖິງ​ບັນຫາ​ໃດ​ແດ່?

4.  ​ເປັນ​ຫຍັງ​ຈິ່ງ​ເວົ້າວ່າ ປື້ມປະມວນ​ບົດ​ກອນ​ ບັນທຶກ​ໃນ​ຄຸກ ມີ​ສີ​ລະ​ປະການ​ແຕ່ງ​ດີ​ເດັ່ນ?

ຕອບຄຳຖາມບົດທີ 6

  1. ​ເພາະວ່າ​ທ່ານ​ປະທານ​ໂຮ່ຈີ​ມິນ​ເຄີຍ​ຂຽນ​ບົດ​ຂ່າວ​ລົງ​ໃນ​ໜັງສືພິມ ( ຜູ້​ຮ່ວມ​ທຸກ ) ທີ່​ປະ​ເທດ​ຝຣັ່ງ,

ຂຽນ​ເລື່ອງສັ້ນ, ລະຄອນ​ກ້ອມ ​ແລະ ບົດ​ວິຈານ​ການ​ເມືອງ. ສຳລັບ​ປະ​ເພດ​ກາບກອນ​ທ່ານ​ມີ​ຜົນ

ງານ​ຢ່າງ​ຫຼວງ​ຫຼາຍ​ເຊັ່ນ: ປ໊ມປະ​ໃວນບົດ​ກອນ ( ບັນທຶກ​ແຫກ​ຄຸກ ) ກອນ​ຂຽນ​ເປັນພາສາ​ຫ່ານ ​

​ແລະ ພາສາ​ຫວຽດ.

2.  ປື້​ມປະ​ມວນ​ບົດ​ກອນ​ ( ບັນທຶກ​ໃນ​ຄຸກ ) ທ່ານ​ປະທານ​ໂຮ່ຈີ​ມິນ ​ແຕ່ງ​ໃນ​ໄລຍະ​ທີ່​ພວກ​ຈຽງ​ໄຄ​ເຊັກ​

ຈັບ ​ແລ​ະ ຂັງ​ຄຸກ​ຢູ່​ຈີນ.

3.  ​ເນື້ອໃນຕົ້ນຕໍ​ຂອງ​ປື້ມປະ​ມວນບົດ​ກອນ ບັນທຶກ​ໃນ​ຄຸກ​ເວົ້າ​ເຖິງ 4 ບັນຫາ​ຄື:

ກ. ​ເວົ້າ​ເຖິງ​ຈິດ​ໃຈ​ແຂງ​ກ້າ, ອົດທົນ​ຜ່ານ​ຜ່າ​ຄວາມທຸກ​ທໍລະມານ, ​ເຊື່ອ​ໝັ້ນອະນາຄົດ​ອັນ​ໃສ​ແຈ້ງ

   ຂອງ​ການ​ປະຕິວັດ​ຂອງ​ທ່ານ​ປະທານ​ໂຮ່ຈີ​ມິນ.

ຂ. ​ເວົ້າ​ເຖິງ​ຄວາມ​ເຫັນ​​ໃຈ, ຄວາມ​ກະລຸນາ, ຄວາມ​ສົງສານ​ຂອງ​ທ່ານ​ປະທານ​ໂຮ່ຈີ​ມິນ​ຕໍ່​ຜູ້ທຸກ​ຈົນ

   ​ແລະ ຜູ້​ຕົກ​ຢູ່​ໃນ​ໂຊກ​ຊາຕາກຳ​ອັນ​ດຽວ​ກັນ.

ຄ. ​ເວົ້າ​ເຖິງ​ການ​ກ່າວ​ປະນາມ​ໂດຍ​ກົງ​ຕໍ່​ເຈົ້າໜ້າ​ທີ່​ຈຽງ​ໄຄ​ເຊັກ​ທີ່​ໄຮ້​ຄວາມ​ເປັນ​ທຳ.

ງ. ​ເວົ້າ​ເຖິງ​ຈິດ​ໃຈ​ຮັກ​ທຳ​ມະ​ຊາດ​ຂອງ​ທ່ານ​ໂຮ່ຈີ​ມິນ.

   4. ປື້ມປະມວນ​ບົດ​ກອນ​ ບັນທຶກ​ໃນ​ຄຸກ ມີ​ສີ​ລະ​ປະການ​ແຕ່ງ​ດີ​ເດັ່ນ​ເພາະວ່າ: ບັນດາ​ບົດ​ກອນທີ່​ຂຽນ​ໃນ​

      ປື້​ມບົດ​ກອນ ( ບັນທຶກ​ໃນ​ຄຸກ ) ຂຽນ​ເປັນ​ພາສາ​ຫ່ານ ( ພາສາ​ຈີນ ), ​ແຕ່ງ​ຕາມ​ແບບ​ແຕ່ງ​ກອນ

      ມູນ​ເຊື້ອ​ຂອງ​ຈີນ, ກອນ​ແບບ​ນີ້​ພາສາ​ຫວຽດນາມ​ເອີ້ນ​ວ່າ: ຕື້​ຕວຽດ ມີ​ຄວາມ​ໝາຍວ່າ: 4 ຄຳ. ກອນ

      ປະ​ເພດນີ້​ຈຳກັດ​ຈຳນວນ​ຄຳ​ເວົ້າ, ຍ້ອນ​ແນວ​ນັ້ນຜູ້​ແຕ່ງ​ຕ້ອງ​ຮູ້​ເລືອກ​ຄຳ​ສັບ​ເລິກ​ເຊິ່ງ, ຊັດ​ເຈນ, ມ່ວນ.

      ວິທີ​ພັນ​ລະ​ນາ​ຕົວ​ລະຄອນ, ພັນ​ລະ​ນາ​ພາບ​ເປັນຕົ້ນ​ແມ່ນ​ພັນ​ລະນາ​ແສ​ງຈັນ​ຄ້າຍຄື​ກັບ​ການພັນ​ລະນາ

      ກອນ​ຜະຫຍາ ​ແລະ ກອນ​ສຸພາ​ສິດ​ຫວຽດນາມ.

ຂຽນເມື່ອ ຂຽນເມື່ອ: ພ.ຈ.. 25, 2014 | ມີ 0 ຄຳເຫັນ ແລະ 0 trackback(s)

ຄຳຖາມບົດທີ 5     ຂະໜານຕອບວັນນະຄະດີຊັ້ນ ມ4

  1. ຈຸດ​ພົ້ນ​ເດັ່ນ​ຂອງ​ສະພາບ​ການ​ປະຫວັດສາດ​ທີ່​ສະ​ແດງ​ອອກ​ໃນ​ບົດ​ບັນທຶກ​ແຫກ​ຄຸກ​ມີ​ຫຍັງ​ແດ່?.
  2. ວັນ,​ເດືອນ,ປີ​​ໃດ? ຜູ້ນຳ​ເຂົ້າຄຸກ ​ແລະ ​ໂຕນ​ຄຸກ?.
  3. ຍ້ອນ​ສາ​ເຫດ​ອັນ​ໃດ, ຜູ້ນຳ​ຈິ່ງ​ສາມາດ​ແຫກ​ຄຸກ​ໄດ້?.
  4. ​ເນື້ອ​ໃນ​ຂອງ​ບົດ​ບັນ​ທຶກ​ແຫກ​ຄຸກ ຕອນ​ຄັດ ​ເວົ້າ​ເຖິງ​ຫຍັງ?.

ຕອບຄຳຖາມບົດທີ 5

  1. ຈຸດ​ພົ້ນ​ເດັ່ນ​ຂອງ​ສະພາບ​ການ​ປະຫວັດສາດ​ທີ່​ສະ​ແດງ​ອອກ​ໃນ​ບົດ​ບັນທຶກ​ແຫກ​ຄຸກ​ມີ​ຄື ຫຼັງ​ຈາກ​ສັດຕູ​

​ໄດ້​ຈັບກຸມ​ບັນດາ​ຜູ້ນຳ​ແນວ​ລາວ​ຮັກ​ຊາດ​ຈຳນວນ 16 ທ່ານ​ໄປ​ຄຸມ​ຂັງ​ທີ່​ຄຸກ​ໂພນ​ເຄັງ​ສະພາບ​ໃນ​ນະ

ຄອນ​ຫຼວງ​ວຽງ​ຈັນ​ມີ​ການ​ປ່ຽນ​ແປງ​ໄປ​ເຮັດ​ໃຫ້​ກະ​ແສ​ຟອງ​ແຫ່ງ​ຄວາມ​ຄຽດ​ແຄ້ນ​ຂອງ​ບັນດາ​ກຳລັງ​ຮັກ

ຊາດ​ຮັກ​ອິດສະຫຼະພາບ​ຄື ພະສົງ, ນັກຮຽນ, ນັກ​ສຶກສາ, ປັນຍາ​ຊົນ, ຂ້າລາຊະການ ​ແລະ ປະຊາ

ຊົນ​ທົ່ວ​ໄປ​ຢູ່​ນະຄອນຫຼວງ​ວຽງ​ຈັນ​ໄດ້​ຟົດ​ເດືອດ​ຂື້ນ​ສູ່​ລະດັບ​ສູງ. ດ້ວຍ​ຄວາມ​ສະຫຼາດ ​ແລະ ມີ​ພິບ

​ໃຫວຄ່ອງ​ແຄ້ວ​ຂອງ​ບັນດາ​ທ່ານ​ຜູ້ນຳ​ປະຕິວັດ, ​ແນວທາງ​ອັນ​ຖືກຕ້ອງ ​ແລະ ​ເປັນ​ທຳ​ຂອງ​ການ​ປະ

ຕິ​ວັດ. ບັນດາ​ທ່ານ​ຜູ້ນຳ​ໄດ້​ຂນຂວາ​ຍ​ເອົາ​ສາລະວັດ​ທະຫານ​ຜູ້​ເຝົ້າຍາມ​ຄຸກ​ນັ້ນຈຳນວນ 9 ຄົນ​ແຫກ

ຄຸກ​ອອກ​ໃນ​ຄ່ຳ​ຄືນ​ວັນ​ທີ 24 ພຶດສະພາ 1960 ​ໄດ້​ຢ່າງ​ປອດ​ໄພ.

2. ຜູ້ນຳ​ເຂົ້າຄຸກ ວັນ​ທີ 28/7/1959 ​ແລະ​ໂຕນ​ຄຸກ ວັນ​ທີ 24/5/1960.

3.  ຍ້ອນ​ວ່າ: ຄວາມ​ສາມາດ​ສະຫຼາດ​ຫຼັກ​ແຫຼມ ​ແລະ ພິບ​ໃຫວຂອງ​ຜູ້ນຳ​ປະຕິວັດ​ທີ່​ສາມາດ​ຂົນຂວາຍ

​ເອົາ​ສາລະວັດ​ທະຫານ​ຜູ້​ເຝົ້າຍາມ​ຄຸກ​ຂອງ​ຝ່າຍ​ປະຕິ​ການ​ວຽງ​ຈັນ.

4.   ​ເນື້ອ​ໃນ​ລວມຂອງ​ບົດ​ບັນທຶກ​ຕອນ​ຄັດ​ດ​ເວົ້າ​ເຖິງ ການ​ກ່າວ​ປະນາມ​ການ​ກະທຳ​ຂອງ​ສັດຕູ​ທີ່​ໄດ້​ປິດ​

ລ້ອມ ​ແລະ ຈັບ​ກຸ​ມບັນດາ​ຜູ້ນຳ ​ແນວ​ລາວ​ຮັກ​ຊາດ​ເຂົ້າຄຸກ, ຄວາມ​ຄຽດ​ແຄ້ນ​ຂອງ​ຊາວ​ເມືອງ​ວຽງ

ຈັນ ຕໍ່​ກັບ​ການ​ກະທຳ​ດັ່ງກ່າວ ​ແລະ​ ​ເວົ້າ​ເຖິງ​ຄວາມ​ພະຍາຍາມ​ຂອງ​ຜູ້ນຳ​ປະຕິວັດ​ໃນ​ການ​ຍຶດໝັ້ນ

ຄັນ​ທຸງ​ກູ້​ຊາດ​ຕ້ານ​ອາ​ເມ​ລິ​ກາ, ​ເຮັດ​ໃຫ້​ກະ​ແສ​ຟອງ​ແຫ່ງ​ຄວາມ​ຄຽດ​ແຄ້ນ​ຂອງ​ບັນດາ​ກຳລັງ​ຮັກ​ຊາດ

ຮັກ​ອິດສະຫຼະພາບ​ຄື: ພະສົງ, ນັກຮຽນ, ນັກ​ສຶກສາ, ຂ້າລາຊະການ ​ແລະ ປະຊາຊົນ​ທົ່ວ​ນະຄອນ

ຫຼວງ​ວຽງ​ຈັນ ​ໄດ້​ຟົດ​ເດືອດ​ຂື້ນ​ສູ່​ລະດັບ​ສູງ. ມີ​ການຈັດຕັ້ງ​ໂຮມ​ຊຸມນຸມ​ກ່າວ​ປະນາມ​ໂທດ​ກຳ​ຂອງ​ພວກ

​ເຂົາ, ທວງ​ໃຫ້​ປ່ອນ​ຍທ່ານ​ຜູ້ນຳ, ​ໃຫ້​ຢຸດຕິ​ການ​ປາບ​ປາມ ​ແລະ ອື່ນໆ ດັ່ງນັ້ນ, ຄວາມ​ວຸ້ນວາຍ​ຂອງ

ພວກ​ສັດຕູ​ມີ​ການ​ຂັດ​ແຍ້​ງ​ເຊິ່ງກັນ ​ແລະ ກັນ, ​ເກີດ​ການ​ຕີ​ກັນ ​ແລະ ຂ້າ​ກັນ​ຂອງ​ພວກ​ທະຫານ, ຕຳ

ຫຼວດ, ກຳມະກອນ ​ແລະ ອື່ນໆ ​ແຕ່​ຍ້ອນ​ຄວາມ​ສະຫຼາດ​ຫຼັກ​ແຫຼມ​ທີ່​ສາມາດ​ຂົນຂວາຍ​ເອົາ​ສາລະວັດ

ທະ​ຫານ​ຜູ້​ເຝົ້າຍາມ​ຄຸກ​ຈຳນວນ 9 ຄົນ, ​ໄດ້​ພາ​ບັນດາ​ທ່ານ​ຜູ້ນຳ​ປະຕິວັດ​ແຫກ​ຄຸກ​​ໂພນ​ເຄັງ​ອອກ​ໄປ​ສູ່

​ເຂດ​ທີ່​ໝັ້ນຂອງ​ການ​ປະຕິວັດ​ໄດ້​ຢ່າງ​ປອດ​ໄພ.

ຂຽນເມື່ອ ຂຽນເມື່ອ: ພ.ຈ.. 25, 2014 | ມີ 0 ຄຳເຫັນ ແລະ 0 trackback(s)

ຄຳຖາມບົດທີ 4        ຂະໜານຕອບວັນນະຄະດີຊັ້ນ ມ4

  1. ນະວະນິຍາຍກອງພັນທີສອງເຫຼັ້ມ I ຕອນທີ 8 ມີເນື້ອໃນເວົ້າເຖິງຫຍັງ?
  2. ຕອນທີ 8 ມີຕົວລະຄອນສຳຄັນໃດແດ່? ມີການເຄື່ອນໃຫວແນວໃດ?
  3. ຍ້ອນຫຍັງກອງພັນທີສອງ ຈິ່ງສາມາດຜ່າວົງປິດລ້ອມຂອງສັດຕູໄປຫາເຂດທີ່ໝັ້ນຢ່າງປອດໄພ?
  4. ເມື່ອອ່ານຕອນສະຫາຍຄຳໝັ້ນ ແລະ ນາງສົມພອນ ອຳລາກັນນ້ອງມີຄວາມຮູ້ສຶກແນວໃດ?

ຕອບຄຳຖາມບົດທີ 4

  1.    ນະວະນິຍາຍກອງພັນທີສອງຕອນທີ8 ເຫຼັ້ມທີໜຶ່ງ ມີເນື້ອໃນເວົ້າເຖິງ ອ້າຍນ້ອງກອງພັນທີສອງ

ໃນເວລາຢູ່ໃນກຳມີຂອງສັດຕູທີ່ທົ່ງໄຫຫີນແມ່ນຕໍ່ສູ້ກັບສັດຕູຄັ້ງໃຫຍ່ຫຼວງດ້ວຍສະຕິປັນຍາຢ່າງມີພິບ

ໃຫວ ແລະ ມີລັກສະນະຕັດສິນໄຊຊະນະໃນການຜ່າວົງປິດລ້ອມຂອງສັດຕູ ເຖິວ່າຈະຢູ່ໃນວົງປິດລ້ອມ

ອັນແໜ້ນໜາຂອງສັດຕູພຽງໃດກໍ່ຕາມ ແຕ່ຍ້ອນຫຼັກໝັ້ນປະຕິວັດ, ນ້ຳໃຈອົງອາດກ້າຫານ ມີພິບໃຫວ

ຄ່ອງແຄ້ວ, ບໍ່ຍອມຈຳນົນສັດຕູ ແລະ ຍັງເດັດດ່ຽວຕີຕ້ານມັນຄືນ. ເຖິງຈະບໍ່ສູ້ດ້ວຍກຳລັງອາວຸດໄດ້

ແຕ່ກໍໃຊ້ທຸກສະຕິປັນຍາ ເພື່ອລອດພົ້ນອອກຈາກວົງປິດລ້ອມ ໂດຍບໍມີສຽງປືນແຕກແຕ່ໄດ້ຮັບໄຊຊະ

ນະ ແລະ ປອດໄພ.

2.     ຕອນທີ 8 ມີຕົວລະຄອນສຳຄັນຄື: ທ່ານທ້າວຕູ້, ສະຫາຍ ຈຳນຽນ, ສະຫາຍບົວຄຳ, ຄຳໝັ້ນ,

ຄຳແດງ, ນາງ ສົມພອນ, ນາງໂສພາ. ມີການເຄື່ອນໃຫວຄື: ສາມາດວາງແຜນການອັນແນບນຽນ

ມີພິບໃຫວ, ສະຫຼຽວສະຫຼາດສາມາດນຳພາອ້າຍນ້ອງກອງພັນທີສອງ ພ້ອມດ້ວຍຄອບຄົວລູກເມຍຂອງ

ພະນັກງານຖອນອອກຈາກທົ່ງໄຫຫີນໄດ້ຢ່າງປອດໄພ.

3.   ກອງພັນທີສອງສາມາດຜ່າອອກຈາກວົງປິດລ້ອມຂອງສັດຕູ ໄປຫາເຂດທີ່ໝັ້ນຢ່າງປອດໄພຍ້ອນ

ວ່າ: ຄວາມສະຫຼຽວສະລາດ ແລະ ພິບໃຫວຂອງກອງບັນຊາການ ແລະ ອ້າຍນ້ອງກອງພັນທີສອງ

ທີ່ສາມາດເຈລະຈາກັບທະຫານຝ່າຍຂວາວຽງຈັນ.

4.     ເມື່ອອ່ານຕອນສະຫາຍຄໍາໝັ້ນ ແລະ ນາງສົມພອນ ອໍາລາກັນຮູ້ສຶກວ່າ: ຄວາມຮັກລະຫວ່າງ

ບ່າວ - ສາວ ທີ່ສະແດງອອກໃນບົດເປັນຄວາມຮັກທີ່ຈິງໃຈ, ເລິກເຊິ່ງ ແລະ ມັນຕິດພັນກັບໜ້າທີ່

ວຽກງານຂອງແຕ່ລະຄົນ.

ຂຽນເມື່ອ ຂຽນເມື່ອ: ພ.ຈ.. 25, 2014 | ມີ 0 ຄຳເຫັນ ແລະ 0 trackback(s)

ຄຳຖາມບົດທີ 3       ຂະໜານຕອບວັນນະຄະດີຊັ້ນ ມ4

  1. ປະຫວັດ ​ແລະ ຜົນງານ​ການ​ປະດິດ​ແຕ່ງ​ຂອງ​ນັກ​ກະວີ​ມີ​ຄື​ແນວ​ໃດ?
  2. ຈົ່ງ​ອ່ານ ​ແລະ ອະທິບາຍ​ຄວາມ​ໝາຍ​ຂອງ​ກອນ​ລຳ

ແນວ​ໂຮມ​ລາວ, ມີ​ຈິດ​ໃຈ​ແກ່ນ​ໝັ້ນ           ພັນທະ​ພາບ​ພະລາດອນ

         ກຳມະກອນຊາວນາ                         ພັກນຳພາຊີ້

         ສາມັກຄີປົກປ້ອງ                           ພະຈັນເພັງປະເທດຊາດ

         ພັດທະນາກໍໍ່ສ້າງ                           ບ້ານເມືອງໃຫ້ຮຸ່ງເຮືອງ

            ໃຫ້ລາວຫັນປ່ຽນເບື້ອງ                    ຟ້ອນໃສ່ສຽງແຄນ

         ຟ້ອນແບບລາວລຳແຟນ                      ຜ່ານສາມຈັ່ງຫວະຟ້ອນ

         ຈັ່ງຫວະໜຶ່ງອອກກ່ອນ                       ແມ່ນຟ້ອນວາງແຜນການ

         ຈັ່ງຫວະສອງວຍກງານ                       ແມ່ນຟ້ອນລົງມືເຮັດ

            ຈັ່ງຫວະສາມສໍາເລັດ                     ແມ່ນຟ້ອນຖອດບົດຮຽນ

         ແລ້ວກໍ່ຟ້ອນໝູນວຽນ                        ມາວາງແຜນການໃໝ່

         ຟ້ອນຂື້ນສູງຊັກໃຊ້                          ບໍ່ມີມື້ຖອຍຫລັງ

         ປຸກລະດົມກຳລັງ                           ເຜົ່າລາວໂຮມເຕົ້າ

            ຈັ່ງວ່າຈົດຈໍາເຂົ້າ                        ແຄນລາວຮີບເປົ່າ

         ປາກເປົ່າເຕົ້າ                              ມືເຈົ້າໃຫ້ເຄື່ອນໃຫວ

         ສະແດງອອກໃຫ້ໄດ້                       ປາກວ່າມືເຮັດ

         ໃຫ້ເຖິງຜົນສຳເລັດ                        ບໍ່ປ່ອຍວາງມືລ້າ

            ບໍ່ຍອມປະມືໄວ້                        ແບຫງາຍດາຍເປົ່າ

         ປາກເປົ່າເຕົ້າ                            ມືເຈົ້າກໍບໍ່ເຊົາ

         ແຄນໃຫຍ່ເຕົ້າ                           ປາກເປົ່າມືນັບ

         ເອົາສອງມືໂຈມຈັບ                        ນັບແຄນຫລາຍດິ້ວ

            ສອງມືມີສິບນິ້ວ                        ປະສານແຮງໂຮມໝູ່

         ຮູບແຄນລາວລັກສະນະຕໍ່ສູ້                  ຍາວສັ້ນດັ່ງປືນ

         ສຽງແຄນລາວດັງສະເນືອນຟົດຟື້ນ             ສັດຕູຕື່ນຕົກໃຈ

         ສຽວແຄນຍຸກສະໃໝ                       ໃໝ່ລາວດັງກ້ອງ.

3. ເນື້ອໃນຂອງກອນລຳແຄນລາວບໍ່ລືມເຕົ້າເວົ້າເຖິງຫຍັງ?

ຕອບຄຳຖາມບົດທີ 3

  1.  ປະຫວັດ ແລະ ຜົນງານການປກະດິດແຕ່ງຂອງນັກກະວີມີຄື:

ທ່ານໂສມສີ ເດຊາຄຳພູ ມີນາມປາກກາວ່າ ສ. ເດຊາ ເກີດເມື່ອວັນທີ 27 ສິງຫາ 1926 ຈັ່ງຫວັດ

   ອຸບົນ ປະເທດໄທ ຈາກນັ້ນທ່ານໄດ້ຍ້າຍມາຢູ່ແຂວງ ຈຳປາສັກ ປະເທດລາວ. ເບື້ອງຕົ້ນທ່ານໄດ້ບວດ

   ແລະ ໄປຮຽນຢູ່ບາງກອກເປັນເວລາ 3 ປີ. ຈາກນັ້ນທ່ານກັບຄືນປະເທດດ້ວຍສາມະເນນ ແລ້ວທ່ານກໍ

   ເລີ່ມຮຽນວິທີແຕ່ງກອນນໍາຄູບາ - ອາຈານ ເວລາອາໃສຢູ່ວັດທ່ານພົບກັບຂະບວນແນວລາວອິດສະຫຼະ

   ຢູ່ທາງພາກໃຕ້, ເບື້ອງຕົ້ນທ່ານເຮັດວຽກນຳໜັງສືພິມລາວອິດສະຫຼະປະຈຳພາກໃຕ້ຂອງລາວທັງເປັນສະ

   ໝຽນແກ່ທ່ານ ສີທົນ ກົມມະດໍາ.

      ຮອດປີ 1950 ກອງປະຊຸມໃຫຍ່ແນວລາວອິດສະຫຼະ ໄຂຂື້ນຢູ່ຊຳເໜືອ ແລະ ທ່ານກໍ່ໄດ້ຮັບໜ້າທີ່

   ໂຄສະນາອົບຮົມຂອງສູນກາງວຽກງານໜັງສືພິມ ລາວອິດສະຫຼະ ລົງເລິກດ້ານການແຕ່ງກອນ.

      ປີ 1961 – 1971 ຮັບຜິດຊອບວຽກງານຄົ້ນຄວ້າວິທະຍາສາດ.

      ປີ 1972 – 1976 ຢູ່ໃນຄະນະຮັບຜິດຊອບວຽກງານສຶກສາສູນກາງ.

      ປີ 1981 – 1988 ເປັນຮອງລັດຖະມົນຕີ ກະຊວງວັດທະນະທຳ.

            ບົດກອນທຳອິດຂອງເພິ່ນແມ່ນ: ເປັນຄົນຊາດໃດຕ້ອງຮັກຊາດນັ້ນ ປີ 1964, ຈາກນັ້ນທ່ານ

   ກໍ່ໄດ້ສືບຕໍ່ແຕ່ງບົດກອນຢ່າງຫຼວງຫຼາຍ, ບົດກອນໄລຍະນີ້ມີ: ໝໍຢານົກກະຊຸມ, ສຽງເພງຍາມເດິກ, ຕ້ອນ

   ຮັບວັນທີ 12 ຕຸລາ ແລະ ຈົດຈຳບຸນຄຸນຂອງທ່ານ ໂຮ່ຈີມິນ.

      ນອກນັ້ນຍັງມີປື້ມກອນລຳ ຍ່າງສອງຂາເອົາຕາໄປກ່ອນ ໃນປຶ້ມກອນລຳຍັງມີບົດກອນລຳຫຼາຍບົດ

   ລວມຢູ່ນຳເຊິ່ງພິມອອກໃນປີ 1982 ໂດຍສະເພາະກອນລຳ ແຄນລາວບໍ່ລືມເຕົ້າ ນອກນີ້ທ່ານຍັງແຕ່ງ

   ບົດກອນດ ໂຄງ, ສານຕ່າງໆ ອອກເປັນຈຳນວນຫຼວງຫຼາຍ.

      ທ່ານໂສມສີ ເດຊາຄຳພູ ໄດ້ຮັບລາງວັນນັກກະວີ ຊິໄຣ ປະຈຳປີ 2001 ດ້ວຍບົດກອນລຳປະຫວັດ

   ສາດ ພິກແຜ່ນດິນປີ້ນແຜ່ນຟ້າ ຢາກເຫັນໜ້າໃຫ້ເບິ່ງຫຼັງ ເປັນຊຸດທີ່ໂດງດັງແກ່ນັກກະວີທ່ານນີ້ ຕັ້ງແຕ່

   ສະໃໝຕໍ່ສູ້ຈົນເຖິງປັດຈຸບັນ.

2.     ຄວາມໝາຍຂອງກອນລຳຕອນນີ້ເວົ້າເຖິງ: ປະຊາຊົນລາວ, ພະນັກງານ, ກຳມະກອນຊາວນາ ແລະ

ພໍ່ຄ້າຊາວຂາຍຍ້ອນມີພັກນຳພາສາມັກຄີກັນປົກປັກຮັກສາ ແລະສ້າງສາປະເທດຊາດໃຫ້ຮຸ່ງເຮືອງສີ

ວິໄລໄປພ້ອມໆ ກັບຄວາມສາມັກຄີຂອງປວງຊົນລາວ ແລະ ມີການວາງແຜນການຫັນທິດທາງໄປ

ຕາມຍຸດທະສາດຄື: ມີພາກທິດສະດີ ແລະ ປະຕິບັດຕົວຈິງໃຫ້ໄດ້ຜົນສຳເລັດທຸກວຽກງານ.

3.    ເນື້ອໃນຂອງກອນລໍາ ແຄນລາວບໍ່ລືມເຕົ້າ ເວົ້າເຖິງຄວາມສາມັກຄີຂອງປະຊາຊົນລາວ ມາປຽບ

ທຽບໃສ່ກັບແຄນ ເຊິ່ງເປັນເຄື່ອງດົນຕີປະຈຳຊາດ ໃຫ້ປະຊາຊົນລາວມີຄວາມສາມັກຄີ ເໝືອນກັບລູກ

ແຄນທີ່ປະສານກັນອອກມາມີສຽງທີ່ມ່ວນ ແລະ ອອນຊອນ ແລະ ເວົ້າເຖິງການປຸກລະດົມ, ເຕົ້າໂຮມ

ປະຊາຊົນລາວໃຫ້ມີຄວາມາມັກຄີກັນ ເພື່ອພ້ອມກັນປົກປັກຮັກສາ, ສ້າງສາປະເທດຊາດໃຫ້ວັດທະນາ

ຖາວອນເປັນສ່ວນໜຶ່ງທີ່ສຳຄັນ ເພື່ອປະກອບສ່ວນສ້າງຄົນໃໝ່ດ້ານສະຕິປັນຍາ ແລະ ຈິດໃຈເບີກບານ

ມ່ວນຊື່ນສົດໃສ. ສ້າງໃຫ້ຄົນລາວຮຸ່ນໃໝ່ ມີຄວາມສາມັກຄີພາຍໃນຊາດ ແລະ ປົກປັກຮັກສາມູນເຊື້ອ

ສິລະປະວັນນະຄະດີອັນດີງາມຂອງຊາດໄວ້ໃຫ້ໝັ້ນຄົງຕະຫຼອດໄປ.

ຂຽນເມື່ອ ຂຽນເມື່ອ: ພ.ຈ.. 25, 2014 | ມີ 0 ຄຳເຫັນ ແລະ 0 trackback(s)

ຄຳຖາມບົດທີ 2        ຂະໜານຕອບວັນນະຄະດີຊັ້ນ ມ4

  1. ເນື້ອໃນຂອງກອນເມືອງລາວສວຍງາມຮັ່ງມີເວົ້າເຖິງຫຍັງ?
  2. ກອນບົດນີ້ແບ່ງອອກເປັນຈັກຕອນ? ແຕ່ລະຕອນເວົ້າເຖິງຫຍັງ?
  3. ເມື່ອອ່ານກອນນີ້ແລ້ວພວກນ້ອງມີຄວາມຮູ້ສຶກແນວໃດ?
  4. ກອນ ເມືອງລາວສວຍງາມຮັ່ງມີ ຂອງທ່ານ ພູມີ ວົງວິຈິດ ທີ່ພັນລະນາເຖິງດອກໄມ່ປ່າ, ສັດປ່າ

ແລະ ທົ່ງນາ ມີແນວໃດ?

ຕອບຄຳຖາມບົດທີ 2

  1. ເນື້ອໃນຂອງບົດກອນເມືອງລາວສວຍງາມຮັ່ງມີ ເວົ້າເຖິງຄວາມສວຍສົດງົດງາມຂອງທຳມະຊາດ,

ຄວາມອຸດົມຮັ່ງມີທາງຊັບພະຍາກອນທຳມະຊາດ ແລະ ມູນເຊື້ອວັດທະນະທຳຂອງຊາດລາວ.

2. ບົດກອນນີ້ແບ່ງອອກເປັນ 5 ຕອນແຕ່ລະຕອນມີເນື້ອໃນດັ່ງນີ້:

  • ຕອນທີ1 ເວົ້າເຖິງທີ່ຕັ້ງຂອງປະເທດລາວ.
  • ຕອນທີ2 ເວົ້າເຖິງຄວາມອຸດົມຮັ່ງມີ ແລະຄວາມສວຍສົດງົດງາມຂອງທຳມະຊາດຂອງລາວ.
  • ຕອນທີ3 ເວົ້າເຖິງມູນເຊື້ອວັດທະນະທຳອັນເກົ່າແກ່ ( ວັດຖຸບູຮານ ) ແລະ ຄວາມອຸດົມຮັ່ງມີ

       ທາງດ້ານບໍ່ແຮ່ຂອງລາວ.

  • ຕອນທີ4 ​ເວົ້າ​ເຖິງ​ການ​ຮຸກ​ຮານ​ຂອງ​ຈັກກະພັດ​ຝຣັ່ງ ​ແລະ ຈັກກະພັດ​ອາ​ເມ​ລິ​ກາ​ຕໍ່​ປະຊາ​ຊັນ

       ລາວ.

  • ຕອນ​ທີ5 ເວົ້າເຖິງປະຊາຊົນໄດ້ສາມັກຄີເປັນຈິດໜຶ່ງໃຈດຽວກັນລຸກຂື້ນຕໍ່ສູ້ຕ້ານຈັກກະພັດຝຣັ່ງ

       ແລະ ຈັກກະພັດອາເມລິກາເພື່ອກອບກູ້ເມືອງລາວ.

3. ​ເມື່ອ​ອ່ານ​ບົດ​ກອນ​ນີ້​ແລ້ວພວກ​ນ້ອງ​ມີ​ຄວາມ​ຮູ້ສຶກ​ວ່າ: ບົດ​ກອນ​ດັ່ງກ່າວ​ເປັນ​ກອນ​ລຳ​ເຍີ້ນ​, ມີ​ການ​

ສຳ​ພັດ​ນອກ ​ແລະ ສຳ​ພັດ​ໃນ, ​ໃຊ້​ສຳ​ທີ່​ເຂົ້າ​ໃຈງ່າຍ, ມ່ວນ ​ແລະ ມີ​ຮູບ​ພາບ.

4. ກອນ ​ເມືອງ​ລາວ​ສວຍ​ງາມ​ຮັ່ງມີ ຂອງ​ທ່ານ ພູມີ ວົງ​ວິຈິດ ທີ່​ພັນ​ລະນາ​ເຖິງ​ດອກ​ໄມ້​ປ່າ, ສັດປ່າ

​ແລະ ທົ່ງ​ນາ​ມີ​ດັ່ງ​ນີ້:

        ເດືອນ​ຍີ່​ສາມ​ສີ່​ເຕົ້າ                    ​ເອົ້າອຸ່ນ​ລະດູບານ

​ແສນ​ສ່ຳ​ປານ​ມາລາ                           ​ເບີກ​ເບີຍ​ບານ​ແຍ້ມ

ສີ​ດ່າງ​ແດງ​ດຳ​ແຫ້ມ                          ​ເຫລື​ອງກະຈາຍ​ເຕັມ​ປ່າ

​ເໝືອນ​ດັ່ງ​ດາວ​ສ່ອງ​ຟ້າ                        ປະດາ​ເຫລື້​ອ​ມ​ເຮື່ອ​ເຮືອງ.

        ມີ​ງົວ​ຄວາຍ​ທັງ​ໝູ                     ມູ່ກະທິງ​ເຍືອງ​ແບ້

ອໍ​ແອ​ເຕັມ​ດົງ​ກວ້າງ                           ກວາງ​ຟານ​ມ້າ​ມັ່ງ

ມີ​ທັງ​ເສືອ​ແຮດ​ຊ້າງ                           ໝີ​ເໝັ້ນຄ່າງ​ທະນີ

ກະຕ່າຍ​ແລ່ນ​ລິ່ນ​ລີ້                           ໝີ​ໝູ່​ລີງ​ເຫງັນ

ຝູງ​ກະ​ເລັນ​ງູ​ເຫລືອມ                          ​ເຕົ່າ​ກະ​ແຕ​ແມງ​ໄມ້.

        ​ເຖິງ​ເມື່ອ​ຍາມ​ແດດ​ຕ້ອງ                ລະດູ​ດ່ານ​ເດືອນ​ສິບ​ສອງ

ຕາ​ລ່ຳມອງ​ຍັງ​ແຖວ                           ທົ່ງ​ນາ​ຕອນ​ເຊົ້າ

ຈັ່ງ​ແມ່ນ​ງາມ​ຮວງ​ເຂົ້າ                         ​ເຫລືອງ​ລຽນ​ເປັນ​ແຜ່ນ

ຕະຫລອດ​ໄປ​ທົ່ວ​ແຄວ້ນ                       ສະ​ເຫມີ​ປັ້ນປ່ຽງ​ຄຳ.

ຂຽນເມື່ອ ຂຽນເມື່ອ: ພ.ຈ.. 25, 2014 | ມີ 0 ຄຳເຫັນ ແລະ 0 trackback(s)

ຄຳຖາມບົດທີ 1      ຂະໜານຕອບວັນນະຄະດີຊັ້ນ ມ4

1.  ວັນນະຄະດີລາວປັດຈຸບັນກຳເນີດ ແລະ ຂະຫຍາຍຕົວຜ່ານຈັກໄລຍະ, ຄືໄລຍະໃດແດ່? ຈົ່ງ

    ອະທິບາຍ.

2.  ໄລຍະແຕ່ປີ 1893 – 1954 ມີບົດວັນນະຄະດີປະເພດໃດແດ່? ນັກຂຽນສະໝັກຫຼິ້ນໄລຍະນີ້ມີໃຜແດ່?

3.  ໄລຍະແຕ່ປີ 1955 – 1975 ວັນນະຄະດີລາວຂະຫຍາຕົວຄືແນວໃດ? ບັນດານັກປະພັນນັກກະວີປະຕິ

    ວັດມີໃຜແດ່?

4.  ໄລຍະແຕ່ປີ 1976 ເປັນຕົ້ນມາວັນນະຄະດີລາວມີການຂະຫຍາຍຕົວຄືແນວໃດ? ບັນດານັກຂຽນຮຸ່ນໃໝ່

    ມີໃຜແດ່?

ຕອບຄຳຖາມບົດທີ 1

  1.  ວັນນະຄະດີປັດຈຸບັນກໍາເນີດ ແລະ ຂະຫຍາຍຕົວຜ່ານ 3 ໄລຍະທີ່ແຕກຕ່າງກັນຄື:
  •  ໄລຍະທີ 1 ແຕ່ປີ 1983 – 1954 ວັນນະຄະດີໄລຍະນີ້ໄດ້ກໍາເນີດ ແລະ ຂະຫຍາຍຕົວຕາມ

ສອງກະແສຄື: ກະແສວັນນະຄະດີທີ່ມີລັກສະນະລອກແບບຈາກວັນນະຄະດີຝຣັ່ງ ແລະ ກະແສ

ວັນນະຄະດີຮັກຊາດ.

  •  ໄລຍະທີ 2 ແຕ່ປີ 1955 – 1975 ວັນນະຄະດີໄລຍະນີ້ກຳເນີດ ແລະ ຂະຫຍາຍຕົວຢູ່ສອງ

ເຂດຄື: ເຂດສັດຕູຄວບຄຸມຊົ່ວຄາວ ແລະ ເຂດປົດປ່ອຍ.

  • ໄລຍະທີ 3 ແຕ່ປີ 1976 ເຖິງປັດຈຸບັນວັນນະຄະດີໄລຍະນີ້ກຳເນີດ ແລະ ຂະຫຍາຍຕົວບົນພື້ນ

ຖານການປົກປັກຮັກສາ, ການຟື້ນຟູ ແລະ ການກໍ່ສ້າງປະເທດຊາດ.

2. ໄລຍະທີ 1 ແຕ່ປີ 1983 – 1954 ມີບົດວັນນະຄະດີພະພຸດທະຮູບສັກສິດ, ບົດລະຄະອນບ້າຍົດ,

ບາບໄລ່ເວນທັນ, ບົດເພງຈຳປາເມືອງລາວ, ບົດເລື່ອງຄອຍລະນຶກທາງຫຼັງຄອຍລະວັງທາງໜ້າ ແລະ

ບົດເພງປະເທດລາວ. ຢູ່ໃນໄລຍະນີ້ບໍ່ມີນັກຂຽນສະໝັກຫຼິ້ນ.

3.  ໄລຍະທີ 2 ແຕ່ປີ 1955 – 1975 ວັນນະຄະດີຂະຫຍາຍຕົວຢູ່ສອງເຂດຄື: ວັນນະຄະດີເຂດຄວບ

ຄຸມຊົ່ວຄາວຂອງສັດຕູ ແລະ ວັນນະຄະດີເຂດປົດປ່ອຍ.

  • ວັນນະຄະດີເຂດຄວບຄຸມຊົ່ວຄາວຂອງສັດຕູມີສອງກະແສຄື: ວັນນະຄະດີສັດຈະທັດວິຈານ ແລະ

ວັນນະຄະດີທີ່ມີລັກສະນະເພີນຈິດ.

  • ວັນນະຄະດີເຂດປົດປ່ອຍຂະຫຍາຍຕົວສູງໃນລະດັບສູງ ແລະ ສ່ອງແສງຢ່າງກ້ວາງຂວາງນັບ

ທັງວັນນະຄະດີປະເພດຄຳຮ້ອຍກອງ ແລະ ຄຳຮ້ອຍແກ້ວ.

   ບັນດານັກປະພັນ, ນັກກະວີປະຕິວັດມີ: ທ່ານ ພູມີ ວົງວິຈິດ, ສີສະນະ ສີສານ, ອຸດຕະມະ

ຈຸນລະມະນີ, ໂສມສີ ເດຊາຄຳພູ, ຄຳມາ ພົມກອງ, ຄຳລຽງ ພົນເສນາ ແລະ ສຸວັນທອນ ບຸບ

ຜານຸວົງ.

4.    ໄລຍະປີ 1976 ເຖິງປັດຈຸບັນວັນນະຄະດີໄລຍະນີກຳເນີດ ແລະ ຂະຫຍາຍຕົວ ບົນພື້ນຖານການ

ປົກປັກຮັກສາ, ການຟື້ນຟູ ແລະ ການສ້າງສາປະເທດຊາດ, ພັກ ແລະ ລັດອຳນວຍຄວາມສະດວກ

ໃຫ້ຜູ້ສະຫງວນມັກການປະດິດແຕ່ງວັນນະຄະດີ.

   ວັນນະຄະດີໄລຍະນີ້ ມີວັນນະຄະດີຄໍາຮ້ອຍແກ້ວ ແລະ ຮ້ອຍກອງຂະຫຍາຍຕົວໄປພ້ອມໆ ກັນ

ພິເສດແມ່ນນະວະນິຍາຍຂະຫຍາຍຕົວແຮງກວ່າໝູ່.

  • ບັນດານັກຂຽນຮຸ່ນໃໝ່ມີ: ທອງຄຳ ອ່ອນມະນີສອນ, ພ. ພວງສະບາ, ທອງເສີຍ ໂຄດວົງສາ,

ອຸທິນ ບຸນຍາວົງ ແລະ ຜູ້ອື່ນໆ.

 

ຂຽນເມື່ອ ຂຽນເມື່ອ: ພ.ຈ.. 4, 2014 | ມີ 0 ຄຳເຫັນ ແລະ 0 trackback(s)

ຂຽນເມື່ອ ຂຽນເມື່ອ: ພ.ຈ.. 4, 2014 | ມີ 0 ຄຳເຫັນ ແລະ 0 trackback(s)

ຂຽນເມື່ອ ຂຽນເມື່ອ: ພ.ຈ.. 4, 2014 | ມີ 0 ຄຳເຫັນ ແລະ 0 trackback(s)

ຂຽນເມື່ອ ຂຽນເມື່ອ: ພ.ຈ.. 4, 2014 | ມີ 0 ຄຳເຫັນ ແລະ 0 trackback(s)

 

ຂຽນເມື່ອ ຂຽນເມື່ອ: ຕ.ລ.. 15, 2014 | ມີ 0 ຄຳເຫັນ ແລະ 0 trackback(s)

 

ອັດຕາການເຕັ້ນຂອງຫົວໃຈ
ຜູ້ຊາຍປົກກະຕິແມ່ນປະມານ 72 ເທື່ອ / min , ແລະ ຜູ້ຍິງ ຂອງປະມານ 75 ເປັນ - 80 ເທື່ອ / min.

ທີ່ມາ http://www.baanmaha.com/community/thread47149.html

ຂຽນເມື່ອ ຂຽນເມື່ອ: ພ.ພ.. 23, 2014 | ມີ 4 ຄຳເຫັນ ແລະ 0 trackback(s)
ໜວດໝູ່: ອື່ນ ໆ

Co.jpg

ສາທາລະນະລັດ  ປະຊາທິປະໄຕ  ປະຊາຊົນລາວ

ສັນຕິພາບ  ເອກະລາດ  ປະຊາທິປະໄຕ  ເອກະພາບ  ວັດທະນາຖາວອນ.

˜˜˜˜˜˜˜˜˜¯¯™™™™™™™™™

ໃບຢັ້ງຢືນຄວາມເປັນໂສດ.

      ຂ້າພະເຈົ້າຊື່ ແລະ ນາມສະກຸນ:…………………………………………………………..

ອາຍຸ:………… ປີ, ອາຊີບ:……………………………………………………………………...

ປະຈຸບັນຢູ່ບ້ານ:………………..…........ ເມືອງ:…………..………… ແຂວງ:……...................

      ຂໍຢັ້ງຢືນວ່າ: ທ້າວ / ນາງ :………………………………………….. ອາຍຸ:….……. ປີ

ເຊິ່ງເປັນ:…………………………………………………….. ອາຊີບ:………………………….

ປະຈຸບັນຢຸູ່ບ້ານ:…………………………ເມືອງ:…………..………… ແຂວງ:……...................

ໄລຍະຜ່ານມາຜູ້ກ່ຽວແມ່ນຢູ່ໃນ:………………………………………………………………………………………………………………………………………………………………………..

      ຖ້າຫາກວ່າ  ຂ້າພະເຈົ້າຢັ້ງຢືນບໍມີມູນຄວາມເປັນຈິງ  ແມ່ນຈະຂໍຮັບຜິດຊອບຕາມລະບຽບກົດ

ໝາຍ.

      ດັ່ງນັ້ນ,  ຂ້າພະເຈົ້າຈິ່ງເຣັດໃບຢັ້ງຢືນຄວາມເປັນໂສດສະບັບນີ້  ເພື່ອອຳນວຍຄວາມສະດວກ

ແລະ ເປັນຫຼັກຖານໃຫ້ຜູ້ກ່ຽວຕາມຄວາມເປັນຈິງ.

 

 

                                ວັນທີ:………………………

                                     ຜູ້ຢັ້ນຢືນ

 

ຂຽນເມື່ອ ຂຽນເມື່ອ: ມ.ສ.. 6, 2014 | ມີ 4 ຄຳເຫັນ ແລະ 0 trackback(s)

 

ສາທາລະນະລັດ  ປະຊາທິປະໄຕ  ປະຊາຊົນລາວ

ສັນຕິພາບ  ເອກະລາດ  ປະຊາທິປະໄຕ  ເອກະພາບ  ວັດທະນາຖາວອນ.

˜˜˜˜˜˜¯¯™™™™™™

ແຂວງ ອັດຕະປື

ເມືອງ:……………………..                                      ເລກທີ:………/ນບ

ບ້ານ:…………………….                                        ວັນທີ:……………

ໃບຢັ້ງຢືນທີ່ຢູ່.

      ນາຍບ້ານ, ບ້ານ:…………………………..ເມືອງ:…………………….. ແຂວງ ອັດຕະປື

ຂໍຢັ້ງຢືນວ່າ: ທ້າວ / ນາງ :………………………………………..…………. ອາຍຸ:……..….ປີ

ສັນຊາດ:……............. ອາຊີບ:………………………………………………………………….

ປະຈຸບັນຢູ່ບ້ານ:…………………………………. ເຮືອນເລກທີ:………………. ໜ່ວຍ:………...

ໄດ້ຈົດເຂົ້າສຳມະໂນຄົວເລກທີ:……………………………….. ລົງວັນທີ:………………………..

ເມືອງ:………………………………………. ແຂວງ ອັດຕະປື.

ເຊິ່ງບຸດຂອງທ້າວ:………………………….... ແລະ ນາງ………………………………………

ທີ່ບ້ານ:………………………………. ເມືອງ:………………………. ແຂວງ:…………………

ປະຈຸບັນຢູ່ບ້ານ:………………………….. ເມືອງ:…………………….. ແຂວງ:……………….

      ຂໍຢັ້ງຢືນວ່າ: ຜູ້ກ່ຽວຢູ່ໃນຄວາມຣັບຜິດຊອບ ແລະ ຢູ່ພາຍໃຕ້ໃນອົງການຈັດຕັ້ງບ້ານຂອງພວກ

ເຮົາແທ້ຈິງ.

      ສະນັ້ນ, ຈິ່ງອອກໜັງສືສະບັບນີ້ ໃຫ້ແກ່ຜກູ້ກ່ຽວເພື່ອໃວ້ເປັນຫຼັກຖານ. 

ຖ້າຫາກວ່າ ຜູ້ກ່ຽວມີການເຄື່ອນໃຫວທີ່ບໍ່ຕໍໍ່ຕ້ານກັບອຳນາດການປົກຄອງ ແລະ ພ້ອມນັ້ນ ຍັງປະຕິບັດ

ຕາມລະບຽບກົດໝາຍຂອງລັດທີ່ໄດ້ວາງອອກຢ່າງເຂັ້ມງວດ ໄດ້ດີ, ຂໍໃຫ້ທາງອຳນາດການປົກຄອງຈົ່ງ

ໄດ້ອຳນວຍຄວາມສະດວກໃຫ້ແກ່ຜູ້ກ່ຽວຕາມທາງທີ່ຄວນດ້ວຍ.

 

                                    ວັນທີ:……./……../…………….

                                     ນາຍບ້ານ