ພັນລາວ.ຄອມ
ຊອກຫາ:
ຊອກຫາແບບລະອຽດ
ຂຽນເມື່ອ ຂຽນເມື່ອ: ກ.ຍ.. 11, 2012 | ມີ 4 ຄຳເຫັນ ແລະ 0 trackback(s)

 

ກ.  ເຄື່ອງປະກອບ:

-  ຊີ້ນ ຫຼື ປາ.

-  ເກືອ.

-  ນ້ຳປາ.

-  ແປ້ງນົວ.

-  ນ້ຳຕານ.

ຂ.  ການກະກຽມ:

-  ລ້າງຊີ້ນໃຫ້ສະອາດ  ເລືອກເອັນອອກໃຫ້ໝົດ  ດີທີ່ສຸດຄວນເອົາຊີ້ນສັນເພາະມີເອັນໜ້ອຍຫຼັງຈາກນັ້ນກໍ່ຕັດເປັນຕ່ອນພໍດີ.

-  ຖ້າແມ່ນປາ  ຄວນເລືອກເອົາໂຕໃຫຍ່ ແລະ ເລືອກເອົາແຕ່ຊີ້ນມາຕັດເປັນຕ່ອນພໍດີ.

ຄ.  ວິທີປຸງ:

  ເອົາຊີ້ນມາຕົ້ມໃຫ້ສຸກ ຫຼື ອົບແລ້ວຈຶ່ງຕົ້ມໃຫ້ສຸກ.

+  ວິທີຕົ້ມໃຫ້ສຸກ:

  ກະນ້ຳໃສ່ໝໍ້ໃຫ້ພໍດີ ຕົ້ມນ້ຳໃຫ້ຟົດ ແລ້ວຈຶ່ງເອົາຕ່ອນຊີ້ນລົງໃສ່ໝໍ້.  ເມື່ອຊີ້ນສຸກດີແລ້ວກໍ່ຕັກຊີ້ນອອກສ່ວນນ້ຳຊີ້ນຈະເຮົດນ້ຳແກງກໍ່ໄດ້.

+  ວິທີອົບແລ້ວຈິ່ງຕົ້ມ:

  ເອົາຊີ້ນໃສ່ໝໍ້ ( ບໍ່ໃສ່ນ້ຳ ) ອົບດ້ວຍໄຟອ່ອນໆ ເມື່ອນ້ຳຊີ້ນແຫ້ງລົງຫຼາຍແຕ່ບໍ່ໃຫ້ແຫ້ງຈົນຂາດນ້ຳ  ແລ້ວກໍ່ເອົານ້ຳຕົ້ມກຳລັງຟົດທີ່ໄດ້ກະກຽມໃວ້ຕ່າງຫາກລົງໃສ່ໝໍ້ໂດຍກະຕວງນ້ຳໃຫ້

ພໍດີ ກະວ່າພໍດີຕົ້ມນ້ຳແຫ້ງຊີ້ນກໍ່ພໍດີສຸກ.  ຫຼັງຈາກນັ້ນກໍ່ຕັກຊີ້ນອອກຈາກໝໍ້ແລ້ວປະໃຫ້ຊີ້ນເຢັນ.

-  ຫຼັງຈາກນັ້ນເອົາຊີ້ນມາຈີກເປັນຕ່ອນນ້ອຍໆ ແລະ ຕຳໃຫ້ມຸ່ນລະອຽດດີພ້ອມດ້ວຍເອົາເກືອ,ນ້ຳປາ,ນ້ຳຕານ,ແປ້ງນົວລົງໃສ່ໃຫ້ພໍດີຕາມຄວາມຕ້ອງການ.

-  ເມື່ອຕຳເຂົ້າກັນແລ້ວກໍ່ເອົາຊີ້ນມາຂົ້ວດ້ວຍໄຟອ່ອນໆ ຄົນໄປຄົນມາຈົນວ່າໃຫ້ແຫ້ງກາຍເປັນສີເຫຼືອງອ່ອນ ແລ້ວກໍ່ປົງໝໍ້ປະໃຫ້ເຢັນແລ້ວຈິ່ງມ້ຽນໃວ້ໃນກວດຫຼືຖົງຢາງຕາມຄວາມເໝາະສົມ.

 

ໂດຍ:  ທ.ທ້າວ ຄູນພະໄທ ເມືອງແພນ.

Delicious Digg Fark Twitter