ເພງນີ້ແຕ່ງຂື້ນຕອນຝຶກອົບຮົມ ໂຄງການເສີມສ້າງຄວາມເຂັ້ມແຂງແກ່ຊຸມຊົນ

ເພື່ອສຸຂະພາບຈະເລີນພັນທີ່ດີຂື້ນ.

       ເພງ:  ຮູ້ໄວ້ໃນເວລາຖືພາ  Lamvong

      ໃນເວລາ               ຖືພາຄືວ່າ

ຄວນໄປປຶກສາ             ຫຼືຝາກທ້ອງທຸກຍາມ

ໄປພົບແພດ                ດູແລແລະຕິດຕາມ      (2)

ບໍ່ຮູ້ຕ້ອງຖາມ               ຫຼັກການອະນາໄມ

      ກິນອາຫານ           ຖືກຕາມຫຼັກສູດ

ຢຸດດື່ມສິ່ງມືນເມົາ        ພັກຜ່ອນໃຫ້ພຽງພໍ

ທັງໂຜ້ງປາກ              ຟັນແຂ້ວໃຫ້ຮູ້ໜໍ          (2)

ອະນາໄມພຽງພໍ          ອາບນໍ້າທຸກເຊົ້າແລງ

      ຍາມນອນ             ກໍ່ຄວນກາງມຸ້ງ

ເພື່ອປ້ອງກັນຕົວຍຸງ     ກັດຕອດກາຍຍາ

ເຮັດວຽກໜັກ              ສູບຢາຢ່າໃກ້ໜາ          (2)

ຕະຫຼອດທຸກໆຢາ        ທີ່ເປັນສານເຄມີ

      ອີກບັນຫາ            ຢ່າລົງແຊ່ນ້ຳເປື້ອນ

ເຄື່ອງນຸ່ງຫົ່ມປິດເບືອນ  ຮັດຈົນເກີນໄປ

ສິ່ງທີ່ກ່າວ                   ຄືຫຼັກການອະນາໄມ     (2)

ປະຕິບັດກັນໄວ້            ໃນເວລາຖືພາ

 ລະຄອນປະກອບ

ໂດຍ:  ທ. ທ້າວ ຄູນພະໄທ ເມືອງແພນ