ພັນລາວ.ຄອມ
ຊອກຫາ:
ຊອກຫາແບບລະອຽດ
ຂຽນເມື່ອ ຂຽນເມື່ອ: ກ.ລ.. 12, 2010 | ມີ 27 ຄຳເຫັນ ແລະ 0 trackback(s)
ໜວດໝູ່: ພັນລາວ

ຄຳເຕືອນ: ໂຫລດໂຫດ

ເຫັນຄົນເຂົ້າໄປ >>>ໄດນີ້<<< ແລ້ວບອກວ່າ ງົງ ບໍ່ເຂົ້າໃຈ ຢາກໃຫ້ມີເປັນຮູບພ້ອມຄຳອະທິບາຍ ຊ່ວງນີ້ພໍມີເວລາຫວ່າງ ກະເລີຍຂຽນມາໃຫ້ອ່ານກັນ

ຈະຂຽນອະທິບາຍຕັ້ງແຕ່ຂັ້ນພື້ນຖານ ເພື່ອຄວາມເຂົ້າໃຈ

ຂໍບອກໄວ້ກ່ອນວ່າມີ່ກະບໍ່ໄດ້ເກັ່ງ ແລະທີ່ຂຽນມານີ້ ແມ່ນຮຽບຮຽງຈາກຄວາມເຂົ້າໃຈເປັນສ່ວນໃຫຍ່ ດັ່ງນັ້ນຈຶ່ງອາດມີຄວາມຜິດພາດ ກໍ່ຊ່ວຍກັນທັກທ້ວງມາໄດ້ ຈະໄດ້ນຳມາແກ້ໄຂ

 

ຂໍອະນຸຍາດຂຽນເປັນກະຕູນ ດ້ວຍຄວາມມັກສ່ວນຕົວ ຮະຮະ (ຄິດວ່າຂຽນແບບນີ້ ຫນ້າຈະອ່ານງ່າຍກວ່າບໍ່ນະ?)

 

 

ຄວາມຮູ້ທົ່ວໄປກ່ຽວກັບ CSS Code

CSS Code ແມ່ນຫຍັງ?

CSS ຫຍໍ້ມາຈາກ Cascading Style Sheets

CSS Code ມີໄວ້ສຳລັບແກ້ໄຂຫນ້າເວັບ ຢ່າງເຊັ່ນ ພາບພື້ນຫລັງ, ເສັ້ນຂອບ, ສີສັນ, ຕົວຫນັງສື ແລະອື່ນໆ

ສ່ວນໃຫຍ່ໆແມ່ນມີເນື້ອຫາດັ່ງນີ້

Background - ພື້ນຫລັງ

Border - ເສັ້ນຂອບ

Cursor - ເມົ້າ

Scroll bar - ແຖບເລື່ອນຫນ້າຈໍ

List - ຫົວຂໍ້

Table - ຕາຕະລາງ, ຫ້ອງ

ອື່ນໆ (ບໍ່ເຄີຍໃຊ້ນອກເຫນືອຈາກນີ້ ເລີຍບໍ່ຄ່ອຍຮູ້...)

 

ການແກ້ໄຂ CSS ໃນ Punlao

 

ໂຄງສ້າງພື້ນຖານຂອງ CSS Code

 

 

 

 

ການໃສ່ພາບພື້ນຫລັງ

 

ພິມໂຄ້ດນີ້ໃສ່

body { background-image: url( url ຂອງຮູບ ); }

ສ່ວນ Url ກັອບມາໃສ່ໄດ້ເລີຍ ຕາມຮູບ

 

ໃນບາງເວັບ ຫລືບາງຄັ້ງ ພາບພື້ນຫລັງທີ່ໄດ້ຈາກໂຄ້ດຂ້າງເທິງ ມັນສະແດງອອກພຽງແຕ່ຮູບດຽວທາງຊ້າຍເທິງ (ໂດຍປົກກະຕິມັນຈະສະແດງແຕ່ຮູບດຽວແຫລະ ຖ້າບໍ່ໄດ້ໃສ່ຄຳສັ່ງອື່ນເພີ່ມ)

(ຕາມຮູບຈະເຫັນວ່າມັນມີສ່ວນຂາວໆ ທີ່ພາບພື້ນຫລັງບໍ່ສະແດງ)

ຄຳສັ່ງທີ່ຕ້ອງໃສ່ເພິ່ມເຂົ້າໄປ ຖ້າເຫັນວ່າພາບພື້ນຫລັງບໍ່ສະແດງຕໍ່ໄປຈົນສຸດ ແມ່ນ background-repeat: repeat

ຄືດັ່ງນີ້

body { background-image: url( url ຂອງຮູບ ); background-repeat: repeat; }  

ນອກຈາກ ຄຳວ່າ repeat ຍັງມີຄຳສັ່ງອື່ນອີກ ຄື

no-repeat  ຫມາຍເຖິງໃຫ້ພາບພື້ນຫລັງສະແດງແຕ່ຮູບດຽວ (ບໍ່ຊ້ຳ)

repeat-x  ຫມາຍເຖິງໃຫ້ພາບພື້ນຫລັງສະແດງລຽງໄປຕາມລວງຂວາງ

repeat-y ຫມາຍເຖິງໃຫ້ພາບພື້ນຫລັງສະແດງລຽງໄປຕາມລວງຕັ້ງ
 

ຢ່າງເຊັ່ນວິທີໃຊ້

background-repeat: repeat-x

 

ການລັອກພາບພື້ນຫລັງໃຫ້ຢູ່ກັບທີ່

 

body { background-image: url( url ຂອງຮູບ ); background-attachment: fixed; }

ໃນນີ້ເຮົາຈະໃຊ້ພ້ອມກັນກັບຄຳສັ່ງ repeat ທາງເທິງນັ້ນກະໄດ້ ພຽງແຕ່ຕື່ມ background-repeat: repeat ເຂົ້າໄປ

body { background-image: url( url ຂອງຮູບ ); background-attachment: fixed;  background-repeat: repeat; } 

 

ການໃສ່ພາບພື້ນຫລັງສອງຊັ້ນ

 

ພາບພື້ນຫລັງສອງຊັ້ນ ແມ່ນການໃສ່ພາບພື້ນຫລັງແບບ ທີ່ມີຮູບຢູ່ຊັ້ນທາງຫນ້າ ແລະມີ ສີ ຢູຊັ້ນທາງລຸ່ມ

ໃນຮູບນີ້ ມີຮູບຢູ່ຊັ້ນເທິງ ແລະມີ ສີດຳ ຢູ່ທາງຊັ້ນລຸ່ມ

ເອົາເປັນວ່າ ຖ້າໃຜຍັງບໍ່ເຂົ້າໃຈ ລອງເອົາໄປໃຊ້ເບິ່ງກະໄດ້

body { background: #ໂຄ້ດສີ; background: #ໂຄ້ດສີ url( url ຂອງຮູບ ) ; background-repeat: no-repeat;}

ບ່ອນໂຄ້ດສີ ຕ້ອງໃສ່ໂຄ້ດສີອັນດຽວກັນ!

 

ສຳລັບຮູບທາງເທິງ ມີ່ໃສ່ໂຄ້ດແບບນີ້

body { background: #000000; background: #000000 url(http://i30.photobucket.com/albums/c316/yardnam/blog/mimi2bg444.gif) top center; background-repeat: no-repeat;}

 

ການວາງພາບພື້ນຫລັງ

 

ເຮົາສາມາດວາງຕຳແຫນ່ງພາບພື້ນຫລັງໄວ້ບ່ອນໃດກໍ່ໄດ້ ໂດຍພິມຂໍ້ຄວາມພວກນີ້ຕໍ່ທ້າຍ ຫລັງໃສ່ Url

ຢ່າງເຊັ່ນໂຄ້ດທີ່ມີ່ໃຊ້

body { background: #000000; background: #000000 url(http://i30.photobucket.com/albums/c316/yardnam/blog/mimi2bg444.gif) top center; background-repeat: no-repeat;}

ຫລັງໃສ່ url ມີຄຳວ່າ top center ເຊິ່ງຫມາຍເຖິງຢູ່ເທິງສຸດ ທາງກາງ (ຄວາມຫມາຍຕາມຕົວນັ້ນແຫລະ)

ຖ້າຢາກວາງໃສ່ສ່ວນອື່ນໆ ກໍ່ຂຽນແທນຂໍ້ຄວາມໄດ້ຕາມນີ້

ໃຫ້ສົມມຸດວ່າຕາຕະລາງນີ້ເປັນຫນ້າເວັບ ຖ້າຢາກວາງຮູບພື້ນຫລັງໃສ່ໃສ ກະເລືອກຈາກສ່ວນນັ້ນມາໃສ່ໃນໂຄ້ດ

 

OPTION 1

ສຳລັບຄົນທີ່ຍັງບໍ່ຮູ້ວິທີອັບໂຫລດຮູບ ຫລືຈະເອົາ url ໄດ້ຈາກໃສ

ທ່ານເວັບມາສເຕີເພິ່ນໄດ້ສ້າງເວັບສຳລັບຝາກຮູບໄວ້ໃຫ້ແລ້ວ ຢ່າງເຊັ່ນ

uphoup.com

img.laoupload.com


ອັນນີ້ເປັນຕົວຢ່າງການຝາກຮູບຢູ່ເວັບ uphoup


ກ່ອນອື່ນເຂົ້າໄປ ຫນ້າເວັບຈະເປັນແບບນີ້



ຄລິກ Browse...

ຈະມີຫນ້າຕ່າງໃຫມ່ປະກົດຂຶ້ນມາ ໃຫ້ເຮົາເລືອກຮູບຈາກໃນຄອມເຮົາ

 


ຫລັງຈາກເລືອກຮູບແລ້ວໆ ໃຫ້ກົດ ເລີ່ມອັບໂຫລດ



ກົດ ເລີ່ມອັບໂຫລດແລ້ວ ຖ້ານິດຫນຶ່ງ ກະຈະກາຍເປັນແບບນີ້

ກັອບເອົາ url ໄປໃຊ້ໄດ້ທັນທີ

 

---------------------------------

 


ເອົາເປັນວ່າ ບົດຮຽນມື້ນີ້ ຂໍຈົບລົງພຽງເທົ່ານີ້ກ່ອນກະແລ້ວກັນ (ປາດເຫື່ອ)

ຂໍຂອບໃຈທຸກທ່ານທີ່ອ່ານມາຈົນຈົບ

ສຸດທ້າຍນີ້ ໃຜມີຫຍັງຖາມກະຖາມເຂົ້າມາໄດ້ ...ຖ້າເປັນໄປໄດ້ ກ່ອນຖາມ ຢາກໃຫ້ລອງເຮັດດ້ວຍຕົນເອງເບິ່ງກ່ອນເດີ້ ບໍ່ໄດ້ແທ້ໆຈຶ່ງຖາມ

 

ຂໍຄວາມກະລຸນານຳທຸກໆຄົນ ບໍ່ຢາກໃຫ້ຄອມເມັ້ນເປັນ emotion ເສີຍໆ ແບບບໍ່ມີຂໍ້ຄວາມຫຍັງເລີຍນ່ະ (ແບບວ່າບໍ່ມັກ... =3= ບໍ່ຮູ້ຢາກສື່ເຖິງຫຍັງ) ຖ້າເຫັນໃຜເມັ້ນມາແບບນັ້ນ ສະແດງວ່າບໍ່ອ່ານ ບາງທີຈະລຶບຖິ້ມ ຂໍໂທດນຳລ່ວງຫນ້າ ຮຶ



ສະຫລຸບບົດຮຽນທີ່ເວົ້າເຖິງມື້ນີ້...

ຄວາມຮູ້ທົ່ວໄປກ່ຽວກັບ CSS Code

ການແກ້ໄຂ CSS ໃນ Punlao

ໂຄງສ້າງພື້ນຖານຂອງ CSS Code

ການໃສ່ພາບພື້ນຫລັງ

ການລັອກພາບພື້ນຫລັງໃຫ້ຢູ່ກັບທີ່

ການໃສ່ພາບພື້ນຫລັງສອງຊັ້ນ

ການວາງພາບພື້ນຫລັງ


OPTION 1 (url ການອັບໂຫລດຮູບ)

 

 

*/ ຕິຊົມໄດ້ຕາມສະດວກ...

**/ ບໍ່ແນ່ວ່າຈະຂຽນຕໍ່ບໍ່ ຖ້າມີຄົນຖາມຫລາຍໆກະອາດຈະແຍກໄປຂຽນໄດໃຫມ່ ຕາມແຕ່ເວລາຈະອຳນວຍ =w=

ຂຽນເມື່ອ ຂຽນເມື່ອ: ມ.ສ.. 13, 2010 | ມີ 7 ຄຳເຫັນ ແລະ 0 trackback(s)

ກ່ອນອື່ນຈະຂໍອະທິບາຍກ່ອນວ່າ Vocaloid ແມ່ນຫຍັງ (ແບບຂ້າວໆ)

Vocaloid ແມ່ນໂປຣແກຣມແຕ່ງສຽງຮ້ອງເພງພາສາຍີ່ປຸ່ນ ເຊິ່ງມີມາສຄອຕເປັນຕົວກະຕູນ

ປັດຈຸບັນມີຄົນເອົາໄປແຕ່ງສຽງຮ້ອງ ແຕ້ມ MV ໃນແບບຂອງຕົວເອງລົງ Niconico ແລະ Youtube ເປັນຈຳນວນຫລວງຫລາຍ ເຮັດໃຫ້ມີຊື່ສຽງໂດ່ງດັງ ໂດຍສະເພາະ ຮັທສຸເນະ ມິກຸ ມາສຄັອຕຕົວທຳອິດຂອງໂວຄາລອຍ2 ເຊິ່ງປັດຈຸບັນກາຍເປັນເນັດໄອດ້ອລທີ່ມີແຟນໆທົ່ວໂລກໄປແລ້ວ (ໃຜຢາກຮູ້ເລື່ອງ Vocaloid ເພີ່ມເຕີມ ກະບອກມາໄດ້ ຈະເອົາມາໂພສໃຫ້ອ່ານ ຫລືລອງຊອກອ່ານໃນ google ກະໄດ້)

ເພງນີ້ມີ່ບໍ່ຮູ້ວ່າໃຜເປັນຄົນແຕ່ງ ເລີຍໃຫ້ເຄຣດິດບໍ່ໄດ້ (ທີ່ຈິງຄື ຄ້ານຫາຂໍ້ມູນ ຮະໆ)

ຂໍຂຽນເລົ່າເລື່ອງລາວຕາມພາບ ແລະເນື້ອເພງ ບໍ່ໄດ້ແປເນື້ອເພງຕົງໆ ໃຜຢາກຮູ້ເນື້ອເພງລອງອ່ານເອົາເອງກະແລ້ວກັນ ^^

 

ແນະນຳຕົວລະຄອນ

ເບິ່ງຮູບນີ້ ຈາກຊ້າຍໄປຂວາ

ຄົນທຳອິດ ໄຄໂຕະ ເຈົ້າຊາຍແຫ່ງເມືອງສີຟ້າ

ຕໍ່ມາ ຮັທສຸເນະ ມິກຸ ເຈົ້າຍິງຜູ້ງົດງາມແຫ່ງເມືອງສີຂຽວ

ຄາກາມິເນະ ຣິນ ເຈົ້າຍິງປີສາດຜູ້ປົກຄອງເມືອງສີສົ້ມ

ຄາກາມິເນະ ເລນ ຂ້າຮັບໃຊ້ຂອງເຈົ້າຍິງຣິນ

ເມໂກະ ອັດສະວິນສີແດງຜູ້ເຕົ້າໂຮມກຳລັງທະຫານ

 

ຕອນທີ 1 Daughter of Evil ທິດາປີສາດ

ຄັ້ງຫນຶ່ງນານມາແລ້ວ

ມີດິນແດນທີ່ຖືກປົກຄອງຢ່າງໂຫດຮ້າຍທາລຸນ ຊື່ວ່າເມືອງສີສົ້ມ ເຊິ່ງມີເຈົ້າຍິງນາມວ່າ ຄາກາມິເນະ ຣິນ ຜູ້ມີອາຍຸພຽງ 14 ປີ ເປັນຜູ້ປົກຄອງ

ລາວເປັນຄົນທີ່ມີຈິດໃຈຊົ່ວຮ້າຍ ຫລົງຮັກການໃຊ້ຊີວິດຢ່າງຫລູຫລາ ຫາກມີຫຍັງບໍ່ຖືກໃຈຈະອາລະວາດທຳລາຍ ຫາກເງິນທອງບໍ່ພໍໃຊ້ກໍ່ຂູດຮີດພາສີຈາກປະຊາຊົນ ຫາກໃຜອາດຕໍ່ຕ້ານຈະຖືກນຳຕົວໄປປະຫານ

ເຈົ້າຍິງມີຂ້າຮັບໃຊ້ຜູ້ຊື່ສັດເປັນເດັກຫນຸ່ມຜູ້ມີຫນ້າຕາຄ້າຍຄືກັນ

ເຈົ້າຍິງຕົກຫລຸມຮັກເຈົ້າຊາຍແຫ່ງເມືອງສີຟ້າ

ຫາກແຕ່ເຈົ້າຊາຍນັ້ນກັບມອບໃຈໃຫ້ແກ່ເຈົ້າຍິງເມືອງສີຂຽວ

ສ້າງຄວາມອິດສາລິດສະຫຍາໃຫ້ແກ່ເຈົ້າຍິງ ແລະຍິ່ງຮູ້ສຶກເຈັບປວດເມື່ອຂ້າຮັບໃຊ້ຜູ້ຊື່ສັດກໍ່ຕົກຫລຸມຮັກເຈົ້າຍິງແຫ່ງເມືອງສີຂຽວ

ແຕ່ເຖິງຈະຮູ້ດັ່ງນັ້ນ ເຈົ້າຍິງກໍ່ຍັງສັ່ງຂ້າຮັບໃຊ້ດ້ວຍສຽງອັນເຢືອກເຢັນວ່າ

“ຈົງໄປທຳລາຍເມືອງສີຂຽວຊະ”

ຂ້າຮັບໃຊ້ຫນຸ່ມ ນ້ອມຮັບບັນຊາເຈົ້າຍິງຢ່າງຊື່ສັດ ເຖິງແມ່ນວ່າຈະເຈັບປວດທີ່ຕ້ອງປິດຊີວິດຂອງຄົນທີ່ຕົນເອງຮັກ

ເມືອງສີຂຽວ ຖືກເຜົາໄຫມ້ທຳລາຍວາຍວອດ ພ້ອມກັບການຕາຍຂອງເຈົ້າຍິງເມືອງສີຂຽວ

ສ້າງຄວາມໂສກເສົ້າເສຍໃຈໃຫ້ແກ່ເຈົ້າຊາຍເມືອງສີຟ້າ

ດ້ວຍຄວາມໂກດແຄ້ນ ເຈົ້າຊາຍແຫ່ງເມືອງສີຟ້າ ໄດ້ຮ່ວມມືກັບອັດສະວິນສີແດງຜູ້ເຊິ່ງຄອບຄົວຖືກທຳລາຍໂດຍເຈົ້າຍິງຣິນຜູ້ຊົ່ວຮ້າຍ ເພື່ອໂຄ່ນລົ້ມທຳລາຍລ້າງການປົກຄອງທີ່ບໍ່ເປັນທຳ

ພວກທະຫານໄດ້ບຸກເຂົ້າເພື່ອຈັບຕົວເຈົ້າຍິງຣິນ

ໃນເວລານັ້ນຂ້າຮັບໃຊ້ໄດ້ຫລົບຫນີຫາຍສາບສູນ

ເຈົ້າຍິງຜູ້ໄຮ້ຊຶ່ງກຳລັງໄດ້ຖືກຈັບກຸມເພື່ອນຳໄປປະຫານຊີວິດ ຫາກແຕ່ໃນວິນາທີສຸດທ້າຍຂອງຊີວິດ ໃບຫນ້າຂອງເຈົ້າຍິງ ຍັງຄົງເຕັມໄປດ້ວຍຮອຍຍິ້ມປິດສະຫນາ…

ຈົນໃຜໆຕ່າງກໍ່ເລົ່າຂານວ່າ ເຈົ້າຍິງນັ້ນເປັນທິດາປີສາດ

ແຕ່ ເລື່ອງລາວຍັງບໍ່ຈົບລົງພຽງເທົ່ານັ້ນ…

 

ຕອນທີ 2 Servant of Evil ຂ້າຮັບໃຊ້ປີສາດ

ຄັ້ງຫນຶ່ງນານມາແລ້ວ ຝາແຝດຄູ່ຫນຶ່ງໄດ້ຖືກກຳເນີດຂຶ້ນມາພ້ອມຄວາມຫວັງ

ຫາກແຕ່ໂຊກຊະຕາໄດ້ນຳພາໃຫ້ພວກເຂົາຕ້ອງແຍກຈາກກັນຕັ້ງແຕ່ເຍົາໄວ

ເມື່ອຫວນກັບມາພົບກັນອີກຄັ້ງ

ລາວໄດ້ກາຍເປັນເຈົ້າຍິງຜູ້ສູງສັກ ແຕ່ຕົວຂ້ອຍເປັນພຽງຂ້າຮັບໃຊ້

ຖ້າເພື່ອປົກປ້ອງລາວ ແມ່ນຈະກາຍເປັນປີສາດຮ້າຍກໍ່ຍອມທຳຕາມ

ເຖິງແມ່ນວ່າທຸກສິ່ງໃນໂລກຈະເປັນສັດຕູກັບລາວ ຂ້ອຍກໍ່ຈະປົກປ້ອງລາວ…

ຄັ້ງຫນຶ່ງຂ້ອຍໄດ້ໄປຢ້ຽມຢາມດິນແດນໃກ້ຄຽງ ໄດ້ພົບກັບເດັກສາວແຫ່ງເມືອງສີຂຽວຜູ້ສະງ່າງາມທັງກາຍໃຈ ຂ້ອຍໄດ້ຕົກຫລຸມຮັກຮອຍຍິ້ມອັນສະຫວ່າງສະໄຫວນັ້ນໃນທັນໃດ

ຫາກແຕ່ເຈົ້າຍິງຕ້ອງການກຳຈັດເດັກສາວຜູ້ນັ້ນ ຂ້ອຍຈຶ່ງຕ້ອງຕອບສະຫນອງຕາມຄວາມຕ້ອງການ

ແຕ່ເປັນຫຍັງ ນ້ຳຕາຈຶ່ງບໍ່ອາດຢຸດໄຫລໄດ້…?

ຮອຍຍິ້ມຂອງເຈົ້າຍິງ ຍັງຄົງສະຫວ່າງໃສເບິ່ງໄຮ້ດຽງສາ ເຖິງແມ່ນວ່າເມືອງສີຂຽວຈະຖືກທຳລາຍ

ໃນຂະນະທີ່ ກອງທັບແຫ່ງເມືອງສີຟ້າ ແລະອັດສະວິນສີແດງ ໄດ້ບຸກມາທີ່ເມືອງ

ອີກບໍ່ດົນ ດິນແດນນີ້ອາດຕ້ອງຖືກທຳລາຍດ້ວຍນ້ຳມືຂອງຊາວເມືອງຜູ້ໂກດແຄ້ນ… ເຖິງນີ້ຈະເປັນສິ່ງທີ່ເຮົາສົມຄວນຈະໄດ້ຮັບ ແຕ່…ຂ້ອຍຂໍຮັບບາບນີ້ໄວ້ແຕ່ພຽງຜູ້ດຽວ…

ຂ້ອຍແນມເບິ່ງເຈົ້າຍິງຜູ້ແສນສຳຄັນ

“ນີ້ ຂ້ອຍໃຫ້ຢືມຊຸດຂອງຂ້ອຍ”
“ໃສ່ຊະ ແລ້ວຫນີອອກໄປເຖີດ”
“ບໍ່ເປັນຫຍັງ ພວກເຮົາເປັນຝາແຝດ, ບໍ່ມີໃຜຮູ້ແນ່ນອນ”

ຕອນນີ້ຂ້ອຍເປັນເຈົ້າຍິງ ສ່ວນລາວເປັນຜູ້ຫລົບຫນີ…

ພວກເຮົາເປັນຝາແຝດ ແຕ່ມີໂຊກຊະຕາທີ່ຕ້ອງພັດພາກຈາກກັນ

ຫາກແມ່ນວ່າລາວເປັນປີສາດຮ້າຍ ສາຍເລືອດນັ້ນກໍ່ໄຫລວຽນໃນຮ່າງກາຍຂອງຂ້ອຍເຊັ່ນກັນ…

ແລ້ວຕົວຂ້ອຍ ກໍ່ຖືກຈັບຕົວໄປຍັງແດນປະຫານ…



ຄັ້ງຫນຶ່ງນານມາແລ້ວ ນະດິນແດນແຫ່ງປີສາດ

ຜູ້ທີ່ປົກຄອງດິນແດນແຫ່ງນັ້ນ ແມ່ນເອື້ອຍຜູ້ຫນ້າຮັກຂອງຂ້ອຍເອງ

ເຖິງແມ່ນວ່າທຸກສິ່ງບົນໂລກນີ້ຈະເປັນສັດຕູກັບລາວ ຂ້ອຍກໍ່ຈະຂໍຢູ່ຄຽງຂ້າງເພື່ອປົກປ້ອງລາວ…

ຂໍໃຫ້ລາວຍິ້ມແລະຫົວຢູ່ທີ່ໃດຈັກແຫ່ງ…

ຫາກສາມາດເກີດໃຫມ່ໄດ້… ຂໍໃຫ້ເຮົາໄດ້ຫລິ້ນນຳກັນອີກ…

 


 ຕອນທີ 3 Regret Message ຖ້ອຍຄຳແຫ່ງຄວາມເສຍໃຈ

ຣິນໂສກເສົ້າເສຍໃຈກັບການຈາກໄປຂອງຂ້າຮັບໃຊ້ຜູ້ຊື່ສັດ ເລນ ຄົນທີ່ຢູ່ຄຽງຂ້າງເຈົ້າຍິງມາຕະຫລອດ ແຕ່ຕອນນີ້ຣິນບໍ່ໄດ້ເປັນເຈົ້າຍິງຜູ້ສູງສັກອີກແລ້ວ… ເປັນພຽງຜູ້ຫລົບຫນີເຊິ່ງບໍ່ມີສະຖານທີ່ໃຫ້ຫວນກັບ

ຖ້ອຍຄຳໃນຄັ້ງອະດີດຂອງເລນ ບອກໄວ້ວ່າ ຫາກຂຽນຄຳອະທິຖານລົງໃນຂວດແກ້ວ ປ່ອຍໃຫ້ລ່ອງລອຍໄປໃນທະເລ… ຄຳອະທິຖານນັ້ນກໍ່ຈະເປັນຈິງ

ຣິນເຄີຍຄິດວ່າຄວາມເຊື່ອນັ້ນໄຮ້ສາລະ ເພາະວ່າທຸກສິ່ງທຸກຄວາມປາດຖະຫນາເລນບັນດານໃຫ້ເປັນຈິງໄດ້… ແຕ່ເມື່ອຕອນນີ້ບໍ່ມີເລນຢູ່ແລ້ວ ຄວາມເຊື່ອນັ້ນກັບກາຍເປັນຄວາມຫວັງພຽງຫນຶ່ງດຽວ

ຣິນຮູ້ສຶກເສຍໃຈກັບການຕາຍຂອງເລນ ເຖິງຈະຮູ້ຢູ່ແກ່ໃຈວ່າເລນຕ້ອງເຈັບປວດຝືນທົນທຳຕາມຄຳສັ່ງຂອງລາວ ແຕ່ກວ່າຈະຮູ້ວ່າເລນສຳຄັນພຽງໃດ ທຸກຢ່າງກໍ່ສາຍເກີນໄປແລ້ວ

ຣິນພາວະນາອະທິຖານ ຂໍໃຫ້ໄດ້ພົບກັນອີກຄັ້ງ…

“ເມື່ອເຖິງຕອນນັ້ນ… ຂໍໃຫ້ເຮົາໄດ້ເກີດເປັນຝາແຝດກັນອີກຄັ້ງ”
ສຽງຂອງເລນແວ່ວມາໃຫ້ໄດ້ຍິນກືນກັນກັບສຽງທະເລ

ຣິນຍິ້ມອອກມາ ເງີຍຫນ້າຂຶ້ນແນມເບິ່ງເທິງຟາກຟ້າ…

“ຫັ້ນແຫລະເນາະ…”



ເວລາລ່ວງເລີຍຜ່ານໄປອີກແສນດົນນານ ນະຫ້ອງທົດລອງແຫ່ງຫນຶ່ງ ຫຸ່ນຍົນຜູ້ສ້າງສຽງເພງຄູ່ຫນຶ່ງ ໄດ້ຖືກຳເນີດຂຶ້ນໃນໂລກນີ້

ຊື່ຂອງຫຸ່ນຍົນຄື ຄາກາມິເນາະ ຣິນ

ໃນຕອນນັ້ນ ຣິນໄດ້ພົບກັບຫຸ່ນຍົນຝາແຝດເຊິ່ງມີຫນ້າຕາຄ້າຍຄືກັນ…

ນ້ຳຕາຢົດຫນຶ່ງ ໄຫລລິນລົງມາຢ່າງບໍ່ຮູ້ສາເຫດ…

(ຈົບ...)


ເລນໃນເລື່ອງນີ້ ຜູ້ເສຍສະຫລະໂຄດໆ ຕອນຈົບໂຄດເສົ້າ + ຊຶ້ງ T^T
ສ່ວນຣິນ ເທີຊົ່ວຮ້າຍເກີນໄປແລ້ວ ແຕ່ກະຍັງຫນ້າຮັກ ຮາາາ
ມິກຸ ມາດນາງເອກສ່ອງປະກາຍ (ແຕ່ຄົນດີມັກຕາຍໄວ ອານະ)
ໄຄໂຕະ ຄົນນີ້ກະມາດພະເອກ
ສ່ວນເມໂກະ… ແບບວ່າຂ້ອນຂ້າງຈະຈືດຈາງໃນເລື່ອງນີ້ =w=’

ໂຄດມັກປະໂຫຍກຂອງເລນທີ່ວ່າ ເຖິງທຸກຄົນຈະເປັນສັດຕູກັບລາວກໍ່ຈະຂໍປົກປ້ອງລາວ T^T

ຈັ່ງໃດກະມັກຝາແຝດຄູ່ນີ້ທີ່ສຸດໃນໂວຄາລອຍແລ້ວແຫລະ
 

ເອົາເນື້ອເລື່ອງຂ້າວໆອີກເທື່ອ ເຜື່ອຄົນບໍ່ເຂົ້າໃຈ

ຢາກບອກວ່າ ໂວຄາລອຍ ມັນມີເພງທຸກແນວ ທຸກສະໄຕລ ທຸກຮູບແບບ ເພາະມັນມີຫລາຍຄົນແຕ່ງ ມີຕັ້ງແຕ່ເພງແນວຫນ້າຮັກ ໂມເອະ ຄິຂຸ ແນວຣັອກ ແນວຫລອນໆ ໂຫດໆ ແນວສຽດສີສັງຄົມ ແນວວາຍໆ(ອັນນີ້ມີຫລາຍ ຮາ) ແລະອື່ນໆ ແຕ່ໃນນັ້ນກະມີສ່ວນຫນຶ່ງທີ່ເປັນເພງ original ຂອງຕົ້ນສັງກັດ ຜູ້ສ້າງໂວຄາລອຍ

ໄດຯນີ້ມີແຕ່ຄຳສັບສະເພາະ ຮະໆໆ ໃຜບໍ່ເຂົ້າໃຈຄຳໃດ ໄປຫາອ່ານເອົາໃນ**ກະທູ້ນີ້** =w=

 

* ຂອບໃຈຄົນທີ່ອ່ານຈົນຈົບ (ມີ່ຮູ້ວ່າບາງຄົນອ່ານບໍ່ຫມົດ ຢ່າມາຊຶນເດເຣະ ຮາໆ)