ພັນລາວ.ຄອມ
ຊອກຫາ:
ຊອກຫາແບບລະອຽດ
ຂຽນເມື່ອ ຂຽນເມື່ອ: ພ.ພ.. 4, 2012 | ມີ 10 ຄຳເຫັນ ແລະ 0 trackback(s)
ໜວດໝູ່: ດົນຕີ

                 ເພງ: ຂໍເວລາສ້າງຕົວ

    ເນື້ອຮ້ອງ-ທຳນອງໂດຍ: ບ່າວນິດນິລັນ ຄົນພັນລາວ

   *** ອ້າຍຂໍເວລາ                     ຫາເງິນຫາທອງຈັກໜ່ອຍ

   ຫາເພັດຫາພອຍ                       ມາເສີມຕໍເຕີມແຮງຝັນ

    ເງິນທອງທີ່ມີ                           ກໍ່ພໍແຕ່ໃຊ້ໄປວັນໆ

    ໄດ້ໂປດເຖີດນາຈອມຂວັນ            ເຫັນໃຈອ້າຍແດ່ເຖີດນາ

    *** ຖານະການງານ               ອ້າຍນັ້ນມັນກໍ່ລຳບາກ

    ລຳເຄັນຍິ່ງໜັກ                        ຍາກຈົນຢູ່ຕາມປະສາ

    ວິ່ງວອນໃຫ້ນ້ອງ                      ເຫັນໃຈເຖີດນາແກ້ວຕາ

    ອ້າຍຂໍເວລາ                           ສ້າງຕົວຂື້ນມາຈັກໜ່ອຍ

 R- ອ້າຍຈະຍອມທົນ                   ສູ້ງານເຖິງມັນຈະໜັກ

   ຈະເອົານ້ຳພັກ                         ນ້ຳແຮງສ້າງເຮືອນຫລັງນ້ອຍ

   ໃຫ້ພໍ່ກັບແມ່                           ເພິ່ນນັ້ນດີໃຈຈັກໜ່ອຍ

    ແລ້ວອ້າຍຈຶ່ງຄ່ອຍ                   ຫາເງິນສູ່ຂໍຈອມໃຈ

    *** ອ້າຍຂໍເວລາ                  ສ້າງຕົວໃຫ້ມັນດີຂື້ນ

    ຢ່າໄດ້ກ້ຳກືນ                         ແປຜັນເຖີດນາຊາມໄວ

    ອ້າຍຈະເງິນ                          ເກັບທອງເພື່ອນ້ອງຂວັນໃຈ

    ເພື່ອຄວາມຝັນຍິ່ງໃຫຍ່             ເພື່ອເຮົາສອງຄົນຄອຍລໍ

                         (ຈົບ) ບ່າວນິດນິລັນ ມືໃໝ່ຫັດຂຽນ

ຂຽນເມື່ອ ຂຽນເມື່ອ: ມ.ນ.. 7, 2012 | ມີ 3 ຄຳເຫັນ ແລະ 0 trackback(s)
ໜວດໝູ່: ດົນຕີ

                          ເພງ: ອົບອຸ່ນຕັກແມ່
                                        ເນື້ອຮ້ອງ-ທຳນອງໂດຍ: ອ.ຈ ເນຣະມິດ ດວງມະໂນ

                    *** ຕັກໃຜຈະອຸ່ນ                    ຄືໝູນຕັກແມ່

                    ອົບອຸ່ນແທ້ໆ                           ເຫັນມີພຽງແມ່ຄົນດຽວ

                    ຜູ້ໃດເດໜໍ້                               ຈະມີຄວາມຮັກແໜ້ນໜຽວ

                    ເຮົາມີພຽງແມ່ຄົນດຽວ               ສຸດແສນປະເສີດຍອດຄົນ

                                 *** ແມ່ອົດຕາຫຼັບ                     ແມ່ຂັບຕານອນ

                    ຍາມກິນຄ່ອຍປ້ອນ                  ຫ່ວງໄຍອາທອນທຸກທົນ

                    ເມື່ອລູກຂວັນຫາຍ                    ແມ່ຄອຍເປັນຄົນປອບໂຍນ

                    ແມ່ທຸກແມ່ທົນ                         ລ້ຽງດູປ້ອນເຂົ້າປ້ອນປາ

                    R- ** ເຈັບໄຂ້ໄດ້ປ່ວຍ               ແມ່ນັ້ນກໍ່ຊ່ວຍດູແລ

                    ເຮົາມີພຽງແມ່                          ເທົ່ານັ້ນຄອຍປ້ອນຢຸກຢາ

                    ສຸດແສນປະເສີດ                      ເລີດລ້ຳເຫຼືອພັນລະນາ

                    ເຖິງລູກເສເພຊົ່ວຊ້າ                  ແມ່ນັ້ນຍັງໃຫ້ອາໄພ

                    *** ແມ່ລ້ຽງລູກໃຫຍ່                ໃຫ້ໄດ້ດັ່ງຫວັງ

                    ຄຳສອນທຸກຄັ້ງ                       ຍັງກ້ອງຢູ່ໃນດວງໃຈ

                                 ໜຶ່ງດຽວຄືແມ່                         ດູແລໃຫ້ລູກສະບາຍ

                    ເພື່ອນຍິງຫຼືຊາຍ                      ຢ່າເປັນລູກເນຣະຄຸນ...

                                                                                (ຈົບແລ້ວ)

ຂອບໃຈສຳລັບແມ່ທຸກໆຄົນທີ່ໄດ້ໃຫ້ຊີວິດລູກໆເກີດມາເປັນຄົນໃນບົນໂລກແຫ່ງນີ້       

ພວກລູກໆສັນຍາວ່າ: ຈະເປັນຄົນດີຂອງສັງຄົມແລະເປັນລູກທີ່ດີຂອງແມ່ຕະຫຼອດໄປ

08.03.2012 ເນື່ອງໃນໂອກາດວັນແມ່ຍິງ ທີ 8 ມີນາ

ບ່າວນິດນິລັນ ຄົນພັນລາວ