ເຄັດ​ລັບ​ແກ້​ແຄ້ນ​ຜີ

-    ຢ່າ​ນອນ​ຕຽງ​ທີ່​ມີ​ກ້ອງ​ຕຽງ​​ໂລ່ງ ຖ້າ​ຢ້ານ​ຫຼາຍ​ກໍ​ໃຫ້​ໄປ​ນອນ​ກ້ອງ​ຕຽງ​ແທນ ປ່ອຍ​ໃຫ້ຜີ​ມັນ​ນອນ​ເທິງ​ຕຽງ​ໄປ.

-    ​ຖ້າ​ຢ້ານ​ດອກ​ໄຟ ​ເປີດ​ເອງ​ປິດ​ເອງ​ໄດ້ ​ໃຫ້​ຖອດ​ດອກ​ໄຟ​ອອກ​ທຸກ​ດວງ ​ເຊັ່ນ​ດຽວ​ກັບກ໋ອກນ້ຳທີ່​ເປີດ​ເອງ ກໍ​ໃຫ້​ເປີດ​ມັນ​ຖິ້ມ​ໄວ້.

-    ຖ້າ​ຢູ່ດີໆ​ໄດ້​ກິ່ນ​ທູບ ​ໃຫ້​ເອົາ​ຢາ​ມ່ອງ​ມາ​ດົມ.

-    ຖ້າ​ຢູ່ດີໆ​ໄດ້​ຍິນ​ສຽງ​ເພງ​ບູຮານ ​ໃຫ້​​ເອົາ Ipod ມາ​ເປີດ Hip hop ຟັງ.

-    ຖ້າ​ຢູ່ດີໆ​ໄດ້​ຍິນ​ສຽງ​ເດັກນ້ອຍ ຫຼື ຜູ້ຍິງ​ຮ້ອງ​ໃຫ້ ​ໃຫ້​ລຸກ​ຂຶ້ນ​ມາ​ປອບ​ໃຈ​ຜີ.

-    ຖ້າ​ໝູ່​ຂອງ​ເຈົ້າ​ຖືກ​ຜີ​ເຂົ້າ ​ໃຫ້​ເຮັດ​ບໍ່​ສົນ​​ໃຈ​ມັນ​ແລ້ວ​ໄປ​ນອນ ພໍ​ບໍ່​ມີ​ໃຜ​ສົນ​ໃຈ​ຜີ​ກໍ​ຈະ​ເຊັງ​ອອກ​ໄປ​ເອງ.

-    ຖ້າ​ມີ​ເງົາ​ແວັບຜ່ານ​ປະຕູ​ໄປ ​ໃຫ້​​ໄປ​ຍືນ​ແຖວໆ​ປະຕູ​ແລ້ວ​ເຮັດ​ເງົາ​ແວັບ​ກັບ​ໄປ​ຄືນ.

-    ຖ້າ​ຢ້ານ​ວ່າ​ຈະ​ມີ​​ໃຜ​ມາ​ຢືນ​ຢູ່​ປາຍ​ຕຽງ ກໍ​ໃຫ້​ນອນ​ເອົາ​ຫົວ​ມາ​ໄວ້​ປາຍ​ຕຽງ​ແທນ ( ​ເບິ່ງ​ດຸ​ຜີ​ມັນ​ຊິ​ໄປ​ຢືນ​ໝ້ອງ​ໄດ້ ).

-    ຖ້າ​ຜີ​ມາ​ຂໍ​ສ່ວນ​ບຸນ ​ໃຫ້​ຖາມ​ກັບ​ໄປ​ວ່າ​ສາມາດ​ໂອນ​ເຂົ້າ​ບັນຊີ​​ໃດ, ທີ່​ວັດ​​ໃດ, ສາຂາ​ໃດ, ຮັບ​ບັດ​ເຄດິດ​ໄດ້​ຫຼື​ບໍ່.

-    ຖ້າ​ຜີ​ຍ່າງ​ຕາມ​ຫຼັງ​ກັບ​ໄປ​ຢູ່​ທີ່​ບ້ານ​ນຳ ບອກ​ໃຫ້​ຜີ​ເຮັດ​ເລື້ອງຍ້າຍ​ສຳມະ​ໂນ​ຄົວ​ໃນ​ຖານະ​ຜູ້​ຢູ່​ອາ​ໄສ​ໃຫ້​ຖືກຕ້ອງ​ຕາມ​ກົດໝາຍ​ສາກ່ອນ.

-    ຖ້າ​ເປີດ​ໂທລະທັດ​ແລ້ວ​ເຫັນ​ຜີ ​ໃຫ້​ເອົາ​ໂທລະທັດ​ໄປ​ວາງ​ໄວ້​​ແຄມ​ປ່ອງຢ້ຽມ ຫຼື ລະບຽງ ( ​ໃນ​ກໍລະນີ​ທີ່​ເປັນ​ຕຶກ 3 ຊັ້ນ​ຂຶ້ນ​ໄປ ) ຜີ​ທີ່​ຄານ​ອອກ​ມາ​ຈາກ​ໂທລະທັດ​ຈະ​ໄດ້ຕົກ​ຕຶກ​ຕາຍ​ເອງ.

-    ຖ້າ​ຢູ່ດີໆ​ນ້ຳ​ທີ່​ໃຊ້​ກາຍ​ເປັນ​ເລືອດ ​ໃຫ້​ເອົາ​ຖົງ, ຄຸ ຫຼື ຖັງ ມາ​​ໂຕ່ງ ​ແລ້ວ​ນຳ​ເອົາ​ເລືອດ​ໄປ​ຂາຍ​ຕາມ​ໂຮງ​ໝໍ.

-    ຖ້າ​ຢູ່ດີໆ​ຮູບ​ໜ້າ​ໂຕ​ເອງ​ໃນ​ແວ່ນ​ກາຍ​ເປັນ​ໜ້າ​ຜີ ຢ່າ​ຕົກ​ໃຈ ​ໃຫ້​ຟ້າວ​ເອົາ​ສໍ​ມາ1​ແທ່ງ​ແລ້ວ​ແຕ້ມ​ໜວດ​ລົງ​ໄປໜ້າ​ຜີ​ທີ່ຢູ່​ໃນ​ແວ່ນນັ້ນ.

-    ຖ້າ​ບໍ່​ຢາກ​ສ່ຽງ​ກັບ​ຜີ​ໃນ​ຕູ້​ເສື້ອ​ຜ້າ ໃຫ້ຂຽນປ້າຍແປະໄວ້ວ່າ “ ບ່ອນໝານອນ ”

-    ຖ້າຢ້ານຜີໃນລິບ ໃຫ້ຍົກເຄື່ອງໜັກໄປນຳ ຜີຈະນຳມາບໍ່ໄດ້ເພາະນ້ຳໜັກຈະເກີນ

-    ຖ້າຖ່າຍຮູບແລ້ວຕິດຜີ ໃຫ້ນຳຜີໄປຕັດຕໍ່ກັບພາບໂປ້ ຜີຈະອາຍບໍ່ກ້າມາຫຼອກອີກ.

-    ຖ້າເຈົ້າບໍ່ແນ່ໃຈວ່າຜູ້ຍິງທີ່ໂບກລົດມາກັບເຈົ້າຈະເປັນຜີຫຼືບໍ່ ໃຫ້ເອີ້ນເກັບຄ່າໂດຍສານ ກ່ອນທີ່ມັນຈະຫາຍໄປ.

-    ຖ້າເຈົ້າເຫັນຜີເປດໃນມື້ຝົນຕົກຟ້າຮ້ອງ, ຟ້າຜ່າ ໃຫ້ກົ້ມຕ່ຳໆໆ ຟ້າຈະໄດ້ຜ່າຖືກຜີກ່ອນ.