ພັນລາວ.ຄອມ
ຊອກຫາ:
ຊອກຫາແບບລະອຽດ
ຂຽນເມື່ອ ຂຽນເມື່ອ: ມ.ສ.. 20, 2012 | ມີ 1 ຄຳເຫັນ ແລະ 0 trackback(s)
ໜວດໝູ່: ກາບກອນ

                                                                 ເງິນໂດລາພາປ່ຽນ

           ຄິດເຫັນເດຄິດເຫັນຄາວກ່ອນກີ້                                                     ທີ່ເຮົາເລີ່ມຮັກກັນ

ເຫມືອນວິມານສະຫວັນ                                                                           ຮັກແສນຫວານຊື່ນຊ້ອຍ

ຢ່າທຽບເລີຍນໍ້າອ້ອຍ                                                                              ນໍ້າຕານຫວານບໍ່ປຸນປຽບ

ຫາຫຍັງບໍ່ທຽບເທົ້າ                                                                                ຄືເຮົານັ້ນຮັກກັນ.(ຕອນນັ້ນຫນາ)     

           ນາງເອີຍ !  ຈຳບໍ່ເດຄໍານ້ອງເວົ້າ                                                     ວ່າຮັກເຮົາບໍ່ມີຫ່າງ

ບໍ່ມີທາງຊິເອົາຫຍັງທຽບໄດ້                                                                     ຄືໃຈຫມັ້ນຮັກຕໍ່ກັນ

ອັນວ່າຖານະເງິນຄໍານັ້ນ                                                                          ບໍ່ມີຝັນຊິມາທໍ່

ຊາຍກໍ່ຫລົງຄໍາເວົ້າ                                                                                 ຂອງເຈົ້າເອີ່ຍທີ່ແສນຫວານ.ນັ້ນຫນໍ

          ບາດນີ້ ! ສັງມາແປປ່ຽນປີ້ນ                                                          ດີ້ນໂດດນໍາເງິນຕາ

ແລ່ນຕາມເງິນໂດລາ                                                                              ຄົນອາເມລິກາເພີ່ນມາທ່ຽວ

ຊາຍຮັກດຽວກໍ່ຄືເຈົ້າ                                                                              ພຽນເຕືອນເວົ້າເຈົ້າບໍ່ສົນ

ນີ້ນໍນໍ້າໃຈຄົນ                                                                                       ເງິນບັນໂດນໃຫ້ນ້ອງປ່ຽນ.ໄປແລ້ວ

        ມັນກໍ່ສຸດແລ້ວແຕ່ນ້ອງ                                                                   ຜູ້ປອງຈາກຕາມເງິນໄປ

ຊາຍກໍ່ຂໍພາວະນາໃຫ້                                                                            ສົມໃຈເຈົ້າທຸກປະການ

ສຸກສໍາລານມີແກ່ນ້ອງ                                                                          ສົມປອງເຈົ້າປາຖະຫນາ

ຂໍອໍາລາແລ້ວຮັກນີ້                                                                                ຢ່າມີມື້ໄດ້ເຈິກັນ.ອີກເດີ

                                                                 ***

By : ST TBS

ໃຜຜູ້ປັນຍາກ້ວາງ                     ຢ່າເຄືອງໃຈຂ້ອຍຂຽນແຕ່ງ

ຊ່ວຍມາແຍງແປງພ້ອມ             ແລ້ວເຕືອນຂ້ອຍຜູ້ແຕ່ງກອນ

ຫລອນວ່າປັນຍາປູ້                    ຍັງຊິຮູ້ໄດ້ປ່ຽນແປງ   

ຂໍເປັນສິດຮັກຫລືຫມູ່ແພງ           ຕໍ່ໄປພາຍຫນ້າ,ແດ່ທ້ອນ

                                                                              

Delicious Digg Fark Twitter