ຂຽນເມື່ອ: ສ.ຫ.. 31, 2012
| ມີ
3 ຄຳເຫັນ
ແລະ
0 trackback(s)
3 ຢ່າງໃນການສ້າງສະຕິປັນຍາເພື່ອພັດທະນາຕົນເອງ
ຄົນເຮົາທີ່ຢູ່ໃນສັງຄົມປັດຈຸບັນນີ້ລ້ວນແລ້ວແຕ່ໄດ້ປະເຊີນໜ້າກັບບັນຫາຕ່າງໆທີ່ຜ່ານເຂົ້າມາໃນຊີວິດ ເຊີ່ງມັນເປັນສີ່ງທີ່ທ້າທາຍແລະຫຼີກລ່ຽງບໍ່ໄດ້ ແຕ່ມີສີ່ງໜື່ງທີ່ເຮັດໃຫ້ບັນຫານັ້ນມີທາງແກ້ໄຂຄື ຕ້ອງໃຊ້ສະຕິປັນຍາຄົ້ນຄິດພິຈາລະນາແນ່ນອນວ່າ ບັນຫາທຸກຢ່າງຕ້ອງມີທາງອອກແລະຜ່ານພົ້ນໄປໄດ້ດ້ວຍດີ.
ພຣະອາຈານ ໂພສີນ້ອຍ ຄຳປັດ ຄະນະສົງ ວັດດົງໂດກ ເມືອງໄຊທານີ ນະຄອນຫລວງວຽງຈັນ ໄດ້ໃຫ້ຮູ້ວ່າ “ການທີ່ຄົນເຮົາຈະແກ້ໄຂບັນຫາໃດໜຶ່ງໄດ້ກ່ອນອື່ນໜົດຕ້ອງທຳຄວາມເຂົ້າໃຈເຖິງບັນຫາເຫຼົ່ານັ້ນແລ້ວໃຊ້ສະຕິປັນຍາຄົ້ນຫາເຫດຜົນຢ່າງຖີ່ຖ້ວນເພື່ອຈະສາມາດແກ້ໄຂບັນຫາໄດ້ເຊີ່ງໃນທາງພຸດທະສາສະໜານັ້ນປັນຍາຂອງຄົນເຮົາແມ່ນຈະເກີດ ຈາກ 3 ຢ່າງຄື: ປັນຍາເກີດຈາກການຄິດທົບທວນ,ພິຈາລະນາຫາເຫດຜົນ ໝາຍເຖິງການໃຊ້ສະໜອງຄົ້ນຄິດຕຶກຕອງບັນ ຫາຢ່າງລະອຽດ ໂດຍມີການຄິດທົບທວນຮິ່ນຕອງໃຫ້ເຂົ້າໃຈເຖີ່ງບັນຫາ ວ່າເປັນສີ່ງທີ່ດີຫຼືບໍ່ດີ,ຕ້ອງຄິດໃຫ້ຮອບຄອບ ແລະຕ້ອງຄົ້ນຫາເຫດຜົນ ຢ່າງລະອຽດໃນສີ່ງທີ່ຈະເວົ້າ,ສີ່ງທີ່ຈະເຮັດໃຫ້ແນ່ໃຈວ່າເມື່ອເຮັດໄປແລ້ວຈະເກີດຄຸນງາມຄວາມດີ,ບໍ່ນຳ ໂທດຫຼືນຳຄວາມເດືອດຮ້ອນມາສູ່ຕົນເອງ ແລະຜູ້ອື່ນໃນພາຍພາກໜ້າ.
”ປັນຍາທີ່ເກີດຈາກການຟັງ,ການອ່ານ,ການຄົ້ນຄວ້າສຶກສາຮໍ່າຮຽນແລະການຖາມຄົນທີ່ຮູ້ມາກ່ອນ ໝາຍເຖີງເມື່ອໄດ້ຍິນ,ໄດ້ຟັງຫຼືໄດ້ອ່ານສີ່ງໃດສີ່ງໜື່ງແລ້ວຕ້ອງສຶກສາຄົ້ນຄ້ວາ,ປຶກສາຫາລືກັບຫລາຍໆຄົນແລ້ວນຳເອົາເຫດຜົນນັ້ນມາໄຈ້ແຍກໃຫ້ລະ ອຽດເພື່ອເປັນການຮູ້ແຈ້ງເຫັນຈິງຕື່ມ.
ປັນຍາທີ່ເກີດຈາກການຝຶກຝົນຫຼໍ່ຫຼອມ,ລົງມືເຮັດ ແລະປະຕິບັດຕົວຈິງຢ່າງຕໍ່ເນື່ອງ ໝາຍເຖິງປັນຍາທີ່ເກີດຈາກການທົດລອງ ພິສູດ,ລົງມືເຮັດດ້ວຍຕົນເອງ ເຊີ່ງກ່ອນຈະເກີດຂື້ນໄດ້ກໍຕ້ອງໃຊ້ຄວາມອົດທົນ,ຝຶກຝົນຫຼໍ່ຫຼອມຕົນເອງໃຫ້ເຮັດໃນສີ່ທີ່ດີ,ບໍ່ເຫັນ ຜິດເປັນຖືກ ຫຼືບໍ່ເຫັນຖຶກເປັນຜິດມີຫຼັກໜັ້ນໃນຕົນເອງ ແລະຕ້ອງອາໄສການປະຕິບັດຢ່າງຕໍ່ເນື່ອງສີ່ງນີ້ເຮັດໃຫ້ຫຼາຍຄົນມີປະສົບການຈົນກາຍເປັນຄວາມຊຳນິຊຳນານ ພ້ອມທັງເປັນຄົນສຸຂຸມຮອບຄອບ ສາມາດປະສົບຜົນສຳເລັດໃນຫຼາຍດ້ານນຳອີກ.
ໂດຍລວມແລ້ວສັງຄົມປັດຈຸບັນ,ຜູ້ທີ່ໃຊ້ສະຕິປັນຍາສ່ວນຫຼາຍແມ່ນກຸ່ມຄົນທີ່ເປັນພະນັກງານ ທັງພາກລັດແລະເອກະ ຊົນ ແຕ່ຜູ້ທີ່ບໍ່ມັກໃຊ້ສະຕິປັນຍານັ້ນຈະແມ່ນໄວລຸ້ນໄວຄະນອງທີ່ມີຄວາມໃຈຮ້ອນ,ຂາດສະຕິ ບໍ່ມີຄວາມອົດທົນຫຼາຍອັນກໍ່ໃຫ້ ເກີດບັນຫາປະກົດການຫຍໍ້ທໍ້ໃນສັງຄົມປັດຈຸບັນ.ສະນັ້ນ,ພໍ່-ແມ່ ຜູ້ປົກຄອງຄວນບົ່ມສອນລູກຫຼານຕົນເອງໃຫ້ມີການຄິດດີ,ກະ ທຳດີ ແລະອະທິບາຍເຫດຜົນໃຫ້ເຂົາເຈົ້າເຂົ້າໃຈວ່າສີ່ງທີ່ດີຫຼືບໍ່ດີ,ຄວນເຮັດຫຼືບໍ່ຄວນເຮັດທັງນີ້ກໍ່ເພື່ອເປັນການປູກຈິດສຳນຶກ ໃຫ້ແກ່ເຂົາເຈົ້າຕັ້ງແຕ່ໄວເຍົາໃຫ້ເປັນຄົນດີຂອງສັງຄົມໃນອານາຄົດ.
ເກັບມາ ແຕ່ໜັງສືພິມ ເຫັນວ່າມີສາລະດີ ແຕ່ ບໍ່ ໄດ້ເບີ່ງວ່າ ແມ່ນໜັງສືພິມ ອີ່ຫັຍງ
ໜວດໝູ່:
ຮັກໜົດທຸກຄົນ ເຮົາໄດ້ອ່ານຄຳສອນດີໆຂອງ ຄູບາ 
