ການເວລາຜ່ານໄປວັນແລ້ວ ວັນອີກຈົນນານແສນນານ ແຕ່ເຈົ້າຍັງຢູ່ໃນຄວາມຊົງຈຳຂອງຂ້ອຍສະເໝີມາ ມັນຄືຄວາມຊົງຈຳທີ່ງົດງາມ ຊົງພະລັງ ແລະ ບໍ່ມີວັນຈະເລືອນຫາຍໄປຈາກຂ້ອຍຈົນຊົ່ວກາລະນານ. ມີຮອຍຍິ້ມທຸກຄັ້ງທີ່ນຶກເຖິງມັນຂຶ້ນມາ ແຕ່ກໍແປກທີ່ບາງຄັ້ງກັບເຮັດໃຫ້ຂ້ອຍມີນ້ຳຕາ ແລະ ຂ້ອຍພໍໃຈທີ່ຈະນຶກເຖິງມັນຄັ້ງແລ້ວຄັ້ງອີກແບບນີ້ຕະຫຼອດໄປ. ມັນຊັດເຈນແລ້ວວ່າຂ້ອຍຍັງລືມເຈົ້າບໍ່ໄດ້ ຂ້ອຍຍັງຄົງຮັກ ຫວັງດີຕໍ່ເຈົ້າຕະຫຼອດມາ ແລະ ຈະຕະຫຼອດໄປ.