ຜູ້ຊ່ຽວຊານທາງດ້ານການແພດບອກວ່າ ການລ້າງມືເລື້ອຍໆ ເທື່ອລະ 20-30 ວິນາທີຫຼັງການຈາມ ໄອຫຼືເຮັດວຽກສ່ວນໂຕໃນຫ້ອງນ້ຳ ຄືວິທີທີ່ດີທີ່ສຸດໃນການລົດຄວາມສ່ຽງທີ່ຈະໄດ້ຮັບເຊື້ອໂລກເຂົ້າສູ່ຮ່າວກາຍ ທັງກັບໂຕເຈົ້າແລະຄົນອ້ອມຂ້າງ.

ຢ່າງໃດກໍ່ຕາມ ລາຍງານລ່າສຸດລະບຸວ່າ ການລ້າງມືດ້ວຍສະບູຕ້ານເຊື້ອແບັດທີເຣຍນັ້ນ ໃຫ້ຜົນບໍ່ແຕກຕ່າງຈາກການໃຊ້ສະບູທຳມະດາເພື່ອຂ້າເຊື້ອໂລກແຕ່ຢ່າງໃດ ແລະແພດບາງຄົນຍັງກັງວົນວ່າການໃຊ້ສະບູຕ້າຍແບັດທີເຮຍ ທີ່ແຜ່ຫຼາຍອາດກໍ່ໃຫ້ເກີດຄວາມສ່ຽງບາງຢ່າງໄດ້ອີກດ້ວຍ.

ການລາຍງາຍບາງອັນລະບຸວ່າ ສະບູທີ່ວາງຂາຍຕາມຮ້າຍທົ່ວໄປນັ້ນ 70% ມີສ່ວນປະສົມຂອງຢາຕ້ານເຊື້ອແບັດທີເຣຍ ເຊັ່ນສານໄຕຣໂຄຣຊານ ອາຈານ Allison Aiello ຜູ້ຊ່ຽວຊານດ້ານລະບາດວິທະຍາ ແຫ່ງ University of Michigan School of Public Health ໄດ້ກວດສອບລາຍງານກ່ຽວກັບສະບູທີ່ມີສ່ວນປະສົມຂອງສານໄຕຣໂຄຣຊານຫຼາຍກວ່າ 20 ອັນ ແລະຈັດເປັນລາຍງານເຊິ່ງຕີພິມ ຢູ່ໃນວາລະສານ Clinical Infectious Diseases ໃນລາຍງານດັ່ງກ່າວ ອາຈານ Aiello ລະບຸວ່າ ສານໄຕຣໂຄຣຊານສາມາດເຈາະທະລຸຜິວໜັງເຊວຂອງແບັດທີເຣຍ ແລະຂ້າແບັດທີເຣຍໂຕນັ້ນໄດ້ ຢ່າງໃດກໍ່ຕາມ ມີຫຼັກຖານຫຼາຍອັນທີ່ສະແດງໃຫ້ເກັນວ່າ ສະບູທີ່ປະສົມສານໄຕຣໂຄຣຊານຈະກຳຈັດເຊື້ອແບັດທີເຣຍໄດ້ແທ້ ແຕ່ກໍ່ບໍ່ົໄດ້ທີປະສິດທິພາບໃນການປ້ອງກັນເຊື້ອໂລກດີກວ່າສະບູທຳມະດາແຕ່ຢ່າງໃດ ເພາະສະບູທຳມະດາກໍ່ສາມາດກຳຈັດເຊື້ອໂລກແລະເຊື້ອໄວຣັດຕ່າງໆ ລວມເຖິງໄວຣັດຫວັດໝູທີ່ພວມລະບາດຢູ່ໃນຂະນະນີ້.

  ອາຈານ Aiello ບອກວ່າສະບູທຳມະດາມີສ່ວນປະສົມຂອງສານລົດຄວາມຕຶງຜິວໜັງທີ່ຈະຊ່ວຍລ້າງແບັດທີເຣບອອກໄປໃນຂະນະທີ່ເຮົາລ້າງມື ຜັນທີ່ໄດ້ຈິ່ງບໍ່ແຕກຕ່າງກັບການລ້າງມືດ້ວຍສະບູຕ້ານເຊື້ອແບັດທີເຣຍເທົ່າໃດ ເຖິງຢ່າງໃດກໍ່ດີ ເນື່ອງຈາກລາຍງານບົດນີ້ສຳຫຼວດຈາກກຸ່ມຕົວຢ່າງທີ່ສຸຂະພາບຄ່ອນຂ້າງດີ ຜູ້ຊ່ຽວຊານຜູ້ນີ້ຈິ່ງແນະນຳໃຫ້ມີງານວິໄຈເພີ່ມເຕີ່ມວ່າ ສະບູຕ້ານເຊື້ອແບັດທີເຣຍຈະມີປະໂຫຍດຫຼາຍກວ່າສຳຫຼັບຜູ້ສູງອາຍຸຫຼືຜູ້ປ່ວຍທີ່ເປັນໂລກລະບົບພູມຕ້ານທານບົກຜ່ອງ

ເຖິງຢ່າງໃດກໍ່ຕາມ ອາຈານຈາກ University of Michigan School of Public Health ຜູ້ນີ້ລະບຸວ່າ ຜະລິດຕະພັນຕ້ານເຊື້ອແບັດທີເຣຍ ອາດກໍ່ໃຫ້ເກີດຄວາມສ່ຽງຕາມມາເຊັ່ນກັນ ເພາະອາດເຮັດໃຫ້ແບັດທີເຣຍໂຕນັ້ນລື້ງຢາຫຼືປະຕິກິລິຍາ ສະທ້ອນຄືນໄດ້

ອາຈານ Aiello ລະບຸວ່າຈາກການທົດສອບໃນຫ້ອງທົດລອງ ມີຫຼັກຖານຊັດເຈນວ່າເຊື້ອແບັດທີເຣຍທີ່ຮັບສານໄຕຣໂຄຣຊານເຂົ້າໄປ ຈະມີຄວາມຕ້ານທານຕໍ່ຢາຫຼາຍຂື້ນ ເຊິ່ງນັກວິໄຈຄວນພະຍາຍາມສຶກສາເລື້ອງນີ້ຢ່າງຈິ່ງຈັງ ໃນຂະນະດຽວກັນອີດ້ານໜື່ງຜູ້ກ່ຽວຂ້ອງໃນອຸດສະຫະກຳສະບູຈ່າງພາກັນຄັດຕ້ານຜົນການວິໄຈດັ່ງກ່າວຢ່າງແຂງຂັນ

ທ່ານ Brian Sansoni ຈາກສະມາຄົຜູ້ຜະລິດສະບູແລະແຟັບກ່າວວ່າ ສະບູຕ້ານເຊື້ອແບັດທີເຣຍນັ້ນຜ່ານການພິສູດແລ້ວວ່າມີປະໂຫຍດແທ້ ທຸກມື້ນີ້ຜູ້ຄົນຫຼາຍລ້ານຄົນພາກັນໃຊ້ສະບູດັ່ງກ່າວຢ່າງປອດໄພ ແລະໄດ້ຜົນ ດັ່ງນັ້ນ ຜູ່ບໍລິໂພກຈິ່ງຄວນໃຊ້ສິນຄິານີ້ຕໍ່ໄປດ້ວຍຄວາມໝັ້ນໃຈ ເຖິງວ່າຮອດດຽວນີ້ ສຳນັກງານອາຫານແລະຢາຂອງສະຫະລັດຍັງບໍ່ມີກົດເກນຄວບຄຸມລະດັບສານຕ້ານເຊື້ອແບັດທີເຣຍໃນສະບູ ຕະຫຼອກຮອດກົນເກນດ້ານຕະລາດແລະສະລາກຢາທີ່ຊັດເຈນກໍ່ຕາມ.

ເຖິງວ່າ ຈະມີຄວາມຄິດເຫັນທີ່ແຕກຕ່າງກັນ ໃນເລື້ອງປະໂຫຍດຂອງສານຕ້ານເຊື້ອແບັດທີເຣຍ ແຕ່ທັງແພດແລະອຸດສະຫະກຳສະບູຕ່າງກໍມີຄວາມເຫັນຄືກັນວ່າ ປະຈຸບັນຊາວອາເມລິກາຍັງບໍ່ລ້າງມືເລື້ອຍໆ ບໍ່ວ່າຈະເປັນສະບູຊະນິດໃດ ໂດຍລາຍງານລ່າສຸດລະບຸວ່າ ຜູ້ຊາຍອາເມລິກາ 1 ໃນ 3 ຄົນ ບໍ່ໄດ້ລ້າງມືຫຼັງຈາກແລ້ວວຽກສ່ວນຕົວຢູ່ຫ້ອງນ້ຳ ໃນຂະນະຜູ້ຍິງອາເມລິກາປະມານ 1 ໃນ 10 ຄົນຢ່າງອອກຈາກຫ້ອງນ້ຳໂດຍບໍ່ໄດ້ລ້າງມືກ່ອນ ເຊິ່ງນັ້ນແຫຼະທີ່ແພດລະບຸວ່າເປັນຄວາມສ່ຽງຕໍ່ການເປີດຮັບເຊື້ອໂລກຢ່າງແທ້ຈິ່ງ ໂດຍບໍ່ກ່ຽວກັບປະເພດຂອງສະບູ.

ອັບເດດຄວາມຮູ້ໃໝ່ ແລະຖີ້ມຄວາມເຊື່ອເກົ່າທີ່ຜິດໆ...ເພາະມັນໃຫ້ຄຸ່ນຄ່າຫຼາຍກວ່າໂທດ

ຖ້າຮູ້ຈັກດື່ມ ແລະນີ້ຄື 6 ຂໍ້ແທ້ຈິງທີ່ເຮົາເອົາມາບອກໃຫ້ໝູ່ເພື່ອນໄດ້ຮູ້ນຳກັນ

1.ບໍ່ແມ່ນ...ວ່າການດື່ມກາແຟເຮັດໃຫ້ເກີດໂລກຫົວໃຈ ຄວາມດັນ ເປັນໝັນ ເຮັດໃຫ້ຜູ້ຍິງຖືພາລຸລູກໄດ້ ສົ່ງຜົນໃຫ້ລູກທີ່ອອກມານ້ຳໜັກໜ້ອຍ ເພີ່ມຄວາມສ່ຽງມະເຮັງຮັງໄຂ່ ແລະກະດູກຜຸ ຖ້າເຈົ້າດື່ມພຽງມື້ລະ 1-2 ຈອກ.

2. ຮູ້ບໍ່ວ່າ...ກາແຟຊ່ວຍລົດຄວາມສ່ຽງການເກີດນີ້ວໃນຖົງນ້ຳດີ ມະເຮັງລຳໄສ້ໃຫຍ່ ລົດອັນຕະລາຍຈາກຕັບໃນຜູ້ທີ່ມີຄວາມສ່ຽງໂລກຕັບ ລົດອາການຫອບໃນຜູ້ທີ່ມີຫອບຫືດ ເພີ່ມຄວາມຈຳ ແລະ ສຳຫຼັບນັກກິລາຈະຊ່ວຍຄວາມທົນ ແລະຄວາມອືດໃນກິລາທີ່ຕ້ອງໃຊ້ເວລາດົນ.

3. ຕ້ອງດື່ມເລື້ອຍໆ... ສຳຫຼັບຜູ້ທີ່ດື່ມແກ້ເຫງົານນອນ. ແນະນຳໃຫ້ດື່ມປະລິມານໜ້ອຍໆ ແຕ່ກະ ຈາຍການດື່ມອອກໄປໝົດມື້ເຊັ່ນ: ແທນທີ່ຈະດື່ມຈອກໃຫ່ຍ 16 ອອນ (500 ມລ) ໃນຕອນເຊົ້າ ໃຫ້ດື່ມພຽງຄັ້ງລະ 2-3 ອອນ (60-90 ມລ) ແຕ່ຫຼາຍເທື່ອຂື້ນ ກາແຟຈະເລີ່ມອອກລິດໃນ 15 ນາທີແລະຈະຢູ່ໃນຮ່າງກາຍຫຼາຍຊົ່ວໂມງ ແລະຕ້ອງໃຊ້ເວລາເຖິງ 6 ຊົ່ວໂມງທີ່ຈະຖືກຂັບອອກຈາກຮ່າງກາຍ.

4. ກາແຟດີກວ່າເຫຼົ້າແວັງ ແລະຊາສະມຸນໄພ ເມັດກາແຟມີສານຕ້ານອະນຸມູນອິດສະຫຼະ ຫຼາຍກວ່າຊາຂຽວເຖິງ 4 ເທົ່າແລະຍັງຫຼາຍກວ່າໂກໂກ້ ຊາສະມຸນໄພແລະເຫຼົ້າແວັງແດງ ທີ່ຫຼາຍກວ່າເພາະ ຜູ້ບໍລິໂພກດມກາແຟຫຼາຍກວ່າເຄື່ອງດື່ມອື່ນໆ ແລະສານຕ້ານອະນຸມູນອິດສະຫຼະໃນກາແຟ ແຕ່ລະຈອກ ແລະແຕ່ລະຍີ່ຫໍ້ນັ້ນບໍ່ເທົ່າກັນ ເຊິ່ງຂື້ນກັບກາແຟແຕ່ລະຊະນິດຂອງກາແຟ

5. ລະວັງໄວ້ໜ້ອຍໜື່່ງກໍ່ຄືສ່ວນປະກອບຫຼັກຂອງກາແຟຄື ສານກາແຟອິນ ເຊິ່ງເປັນສານກະຕຸ້ນ ທີ່ມີຜົນຕໍ່ລະບົບຫຼອດເລືອດ ແລະຫົວໃຈເຮັດໃຫ້ໃຈເຕັ້ນໄວຂື້ນ ຫຼືເຕັ້ນຜິດປົກກະຕຶໃນບາງຄັ້ງ ແລະເພີ່ມຄວາມດັນ. ວຽກວິໄຈລ່າສຸດຈາກ ມະຫາວິທະຍາໄລໂທຣອນໂທ ເປີດເຜີຍວ່າ ການດື່ມກາແຟອາດເພີ່ມຄວາມສ່ຽງຫົວໃຈວາຍກະທັນຫັນ ໃນຜູ້ທີ່ມີຢີນຂັບຖ່າຍສານກາແຟອິນຊ້າ ເຮັດໃຫ້ກາແຟອິນຢູ່ໃນກະແສເລືອດດົນຂື້ນ ແຕ່ສຳຫຼັບຄົນທີ່ມີຢີນປົກກະຕິທີ່ຂັບຖ່າຍກາແຟອິນໄດ້ໄວກ່ວາກາແຟກໍ່ຈະບໍ່ມີຜົນ

6. ດີແຄຟ ບໍ່ຊ່ວຍຫຍັງ... ຜູ້ທີ່ດື່ມກາແຟກັ່ນຕອງກາແຟອິນ ອາດຄິດວ່າປອດໄພ ແຕ່ນັກວິໄຈເຕືອນວ່າ: ກາແຟກັ່ນຕອງຈາກກາແຟອິນ ອາດເພີ່ມລະດັບກົດໄຂມັນໃນເລືອດໃຫ້ສ້າງ ແອລດີແອລ ເຊິ່ງເປັນຄໍຣເລັດສເຕີຣໍໂຕຮ້າຍໄດ້ ເພາະໃນຂະບວນການກັ່ນຕອງກາແຟອິນ ຈະສະກັດເອົາສານເຟລໂວນອຍ ເຊິ່ງມີລິດຕ້ານອະນຸມູນອິດສະຫຼະແລະສານອື່ນໆ ທີ່ເຮັດໃຫ້ລົດຊາດກາແຟແທ້ໆນັ້ນອອກໄປນຳ. ດັ່ງນັ້ນ, ການດື່ມດີແຄຟ ນອກຈາກຈະແຊບໜ້ອຍລົງແລ້ວ ຍັງມີຜົນສ່ຽງຕໍ່ສຸຂະພາບອີກດ້ວຍ.

 ແມ່ນຫຍັງກໍ່ຕາມທີ່ຫຼາຍຫຼືໜ້ອຍເກີຍພໍດີ ລ້ວນມີໂທດທັງນັ້ນ ເພາະສະນັ້ນ ຖ້າເຈົ້າຢາກດື່ມກາແຟໃຫ້ໄດ້ປະໂຫຍດກໍ່ຕ້ອງເລືອກໃນປະລິມານ ແລະລົດຊາດທີ່ພໍດີ ແລ້ວຈະມີຄວາມສຸກກັບຈອກກາແຟທີ່ເຈົ້າມັກໄປອີກດົນ.