ຂຽນເມື່ອ: ມ.ກ.. 3, 2012
| ມີ
16 ຄຳເຫັນ
ແລະ
0 trackback(s)
ບົດບັນທຶກຊີວິດຮັກຂອງນັກປະພັນ " ພຸດທະວົງ ນາມສິງ " ນະວະນິຍາຍເລື່ອງ ” ອະດີດເກົ່າແລະຄວາມເສົ້າທີ່ຍາກຈະລືມ “. ຕໍ່ຈາກນະວະນິຍາຍເລື່ອງ " ຮັກແທ້ຕ້ອງເຂົ້າໃຈກັນ " punlao.com/Virus2011/diary/20154/
- ມອບແດ່ບຸນຫຼອມ ແກ້ວມະນີວັນ ( ນ້ອຍ )
...ຫຼອມ ເຈົ້າໄດ້ໃຫ້ຄວາມຮັກທີ່ເຈັບແສບທີ່ສຸດແກ່ຂ້ອຍ ຈະມີຫຍັງເຫຼືອໄວ້ແດ່ ໝົດແລ້ວຄວາມຮັກແລະຄວາມຫວັງ ຍັງພໍມີເຫຼືອໄວ້ກໍ່ພຽງຮ່ອງຮອຍຂອງຮູບພາບເບື້ອງຫຼັງ ທີ່ຄອຍຫຼອກຫຼອນຢູ່ໃນດວງໃຈກັບຮອຍມົນທີນທີ່ບໍ່ມີມື້ທີ່ຈະລຶບຫາຍ ແລະຄວາມເຈັບຊ້ຳເຊິ່ງກາຍເປັນແຜຫົວໃຈ ທີ່ບໍ່ອາດປີ່ນປົວໃຫ້ຊ່ວງເຊົາໃຫ້ລືມໄດ້ຢ່າງງ່າຍໆ.
...ຂ້ອຍຍັງບໍ່ລືມວັນທີ່ເຮົາໄດ້ພົບກັນຄັ້ງແລກ ວັນນັ້ນມັນເປັນວັນແຫ່ງຄວາມຮັກ ແລະເຈົ້າເອງທີ່ພາຂ້ອຍໄປຫຼີ້ນເຮືອນຂອງເຈົ້າ ແລ້ວເຈົ້າກໍ່ໄດ້ເປີດເຜີຍຄວາມໃນໃຈໃຫ້ຂ້ອຍຮູ້... ຫຼອມເຈົ້າເປັນຍິງຄົນແລກທີ່ເຂົ້າມາໃນຊີວິດຂ້ອຍ ແລະກ້າບອກຮັກຂ້ອຍ.
...ພໍຕົກມາຄືນທີ່ສອງຂອງບຸນທາດຫຼວງ ເຈົ້າເອງເປັນຄົນບອກໃຫ້ຂ້ອຍມາແລະຂ້ອຍກໍ່ໄດ້ມາຕາມການນັດພົບ ພວກເຮົາຍ່າງຄຽງຂ້າງກັນໄປບາງເທື່ອລົມໜາວພັດມາ ຂ້ອຍຢືນຄຽງຂ້າງເຈົ້າ ຮູ້ສືກວ່າມັນອົບອຸ່ນເຂົ້າໄປຮອດຫົວໃຈ. ເຖິງແນວໃດກໍ່ຂອບໃຈເທບພະເຈົ້າທີ່ຊ່ວຍມອບຄວາມຮັກໃຫ້ແກ່ພວກເຮົາ ຂ້ອຍອະທິຖານຢູ່ໃນໃຈວ່າຈະຮັກເຈົ້າຈົນຊົ່ວຟ້າດີນສະລາຍ... ສາຍຕາພວກເຮົາປະສານກັນຕັ້ງດົນນານ ຂ້ອຍຮູ້ສຶກອ່ອນໄຫວໄປທັ້ງຕົວ ຫົວໃຈເຕັ້ນແຮງກວ່າປົກກະຕິ...
...ແມ່ນແລ້ວ...ຫຼອມ...ຂ້ອຍຮັກເຈົ້າແລ້ວ ຮັກຈົນລົ້ນໃຈເລີຍ ຂ້ອຍກຽມພ້ອມທີ່ຈະມອບຫົວໃຈທັງໝ່ວຍໃຫ້ເຈົ້າຄົນດຽວ. ຕອນນັ້ນຫົວໃຈຂ້ອຍປ່ຽມລົ້ນໄປດ້ວຍຄວາມຮັກທີ່ບໍລິສຸດ ຄວາມຮັກແລະຄວາມຫວັງແມ່ນຂ້ອຍຢາກມອບໃຫ້ເຈົ້າ ເພາະມັນແມ່ນຄວາມຮັກຄັ້ງທຳອິດຂອງຂ້ອຍ ໃນຊີວິດທີ່ຂ້ອຍໄດ້ຕົກລົງປົງໃຈມອບໃຫ້ແກ່ເພດກົງກັນຂ້າມ... ຂ້ອຍຮູ້ດີວ່າຄວາມຮັກ ຄວາມອົບອຸ່ນທີ່ໄດ້ຮັບຈາກເຈົ້ານັ້ນ ແມ່ນບໍ່ສາມາດທີ່ຈະພັນລະນາໄດ້.
...ຄວາມຮັກແມ່ນຫຍັງ? ມີຫຼາຍຄົນໃຫ້ທັດສະນະແລະຄຳຕອບແຕກຕ່າງກັນ ແຕ່ສຳຫຼັບຂ້ອຍຄວາມຮັກແມ່ນ ຄວາມເຂົ້າອົກເຂົ້າໃຈກັນທັງສອງຝ່າຍ ແລະຈະບໍ່ມີສິ່ງໃດທີ່ຈະພັດພາກ ຮັກແທ້ໄປຈາກສອງຫົວໃຈທີ່ໝາຍໝັ້ນຕໍ່ກັນ...
...ຫຼອມເຈົ້າຍັງຈື່ບໍ່ ຕອນທີ່ເຮົາຍ່າງຄຽງຂ້າງກັນນັ້ນມັນມີຫຍັງເກີດຂື້ນ ສຳຫຼັບຂ້ອຍໆຍັງຈື່ບໍ່ມີວັນລືມ ເພາະມັນເປັນວັນທີ່ຂ້ອຍກ້າບັງອາດໄປແຍ້ງແຟນຂອງຄົນອື່ນ... ຂ້ອຍກັບເຂົາເກືອບຈະປະທະກັນ ແຕ່ພໍເຈົ້າໄປບອກເຂົາວ່າເຈົ້າຮັກຂ້ອຍ ແລະບໍ່ເຄີຍຮູ້ສຶກດີໆກັບເຂົາມາກ່ອນເຂົາກໍ່ເລີຍຍອມຖອນຕົວ. ແຕ່ມັນຄົງເປັນເວນກຳທີ່ຂ້ອຍເຮັດກັບເຂົາຫຼືຢ່າງໃດ ຟ້າຈິ່ງປັ້ນມືທີ່ສາມເຂົ້າມາແຊງ... ຂ້ອຍຮູ້ດີວ່າເຈົ້າບໍ່ໄດ້ຮັກເຂົາແຕ່ຢ່າງໃດເລີຍ ສິ່ງທີ່ເຈົ້າເຮັດໄປກໍ່ເພາະເພື່ອຕ້ອງການຕອບແທນພະຄຸນຂອງພໍ່ແມ່ ເລື່ອງນີ້ຂ້ອຍຮູ້ກ່ອນເຈົ້າບອກຂ້ອຍດ້ວຍຊ້ຳ ຂ້ອຍຈະບໍ່ໂທດພໍ່ແມ່ຂອງເຈົ້າແຕ່ຢ່າງໃດເລີຍ ສິ່ງທີ່ພວກເພີ່ນເຮັດແນວນັ້ນກໍ່ເພື່ອຕ້ອງການໃຫ້ລູກຂອງເພີ່ນມີຄວາມສຸກ ຄວາມສະບາຍ ໃຊ້ຈ່າຍເງີນຄຳຢ່າງໂກ້ເກ....
...ເມື່ອມືທີ່ສາມກ້າວເຂົ້າມາ ຄວາມຮັກຂອງເຮົາເກີດມີບັນຫາ ເພາະພໍ່ແມ່ຂອງເຈົ້າບັງຄັບໃຫ້ເຈົ້າແຕ່ງງານກັບເຂົາ ຕອນທີ່ເຈົ້າບອກຂ້ອຍນັ້ນເຈົ້າຮູ້ບໍ່ຂ້ອຍເຈັບພຽງໃດ ເຈົ້າສອນໃຫ້ຂ້ອຍຮູ້ຈັກຄວາມຫວານຊື່ນຂອງຄວາມຮັກ ບັດນີ້ຂ້ອຍໄດ້ຊີມລົດຊາດອັນຂົມຂື່ນຂອງຄວາມຜິດຫວັງ... ຂ້ອຍຈຳເປັນຕ້ອງໄປຈາກທີ່ນັ້ນ ໄປຢູ່ຫຼວງພະບາງບໍ່ພໍວັນກໍ່ມີຄົນມາຊອບຂ້ອຍ ແລະບອກຮັກຂ້ອຍ ແຕ່ຂ້ອຍບໍ່ໄດ້ຕອບຮັບເຂົາແຕ່ຢ່າງໃດເລີຍ ເພາະຂ້ອຍມີຫົວໃຈດວງດຽວ ແລະໃຈດວງນີ້ຂ້ອຍກໍ່ມີແຕ່ເຈົ້າຄົນດຽວ ຂ້ອຍບໍ່ຕ້ອງການຮັກຄົນໃດອີກນອກຈາກເຈົ້າ...
...ພໍຂ້ອຍກັບມາຈາກຫຼວງພະບາງ ຂ້ອຍກໍ່ໄດ້ມາຫຼີ້ນນຳເຈົ້າອີກຄັ້ງ. ເຈົ້າໄດ້ເລີກລົ້ມການແຕ່ງງານມາຄົບກັບຂ້ອຍ. ໃນຕອນນີ້ຄວາມຮັກທີ່ເຈົ້າມີໃຫ້ຂ້ອຍນັ້ນ ຂ້ອຍຄິດວ່າມັນຄົງເປັນຄວາມຮັກທີ່ອຳມະຕະ. ຂ້ອຍແລະເຈົ້າເດີນຄຽງຂ້າງກັນອີກຄັ້ງ ຈົນເຮັດໃຫ້ຄົນອື່ນແທບອິດສາ. ມີເທື່ອໜຶ່ງເຈົ້າມາຫາຂ້ອຍ ພວກເຮົານັ່ງຢູ່ເທິງແປ້ນມ້າແຫ່ງໜຶ່ງ ຂ້ອຍແລະເຈົ້າຟັງເພງນຳກັນ.... ເຈົ້າຍັງຈື່ບໍ່ລະເພງນັ້ນແມ່ນເພງຫຍັງ? ເພງນັ້ນແມ່ນເພງຂອງຕິກຊີໂລ ”ຮັກໄມ່ຍອມປ່ຽນແປງ“ ແລະຂ້ອຍຍັງຫວັງວ່າຄວາມຮັກທີ່ເຈົ້າມີໃຫ້ຂ້ອຍນັ້ນ ຄົງບໍ່ມີວັນປ່ຽນແປງ. ອີກບໍ່ດົນຂ້ອຍຄົງໄດ້ຈາກເຈົ້າໄປຄົນລະທີ່ແລ້ວລະຫຼອມ ຂ້ອຍເວົ້າກັບເຈົ້າແລະເຈົ້າບອກຂ້ອຍວ່າເຈົ້າຈະລໍຂ້ອຍ ລໍຈົບກວ່າຂ້ອຍຈະກັບມາ ແລ້ວເຈົ້າຈະໃຫ້ຂ້ອຍລໍຈັກປີ ຊາດໜ້າຂ້ອຍບອກເຈົ້າໄປຫຼີ້ນໆແບບນັ້ນ ເຖິງຊາດໜ້າຂ້ອຍກໍ່ລໍໄດ້ຖ້າເຈົ້າຮັກຂ້ອຍ... ຫຼອມຂ້ອຍຮັກເຈົ້າ100% ແຕ່ເຈົ້າບອກຂ້ອຍວ່າເຈົ້າຮັກຂ້ອຍຫຼາຍກວ່ານັ້ນ ຕັ້ງ500%ພຸ້ນນ່າ....
...ບຸນຫຼອມ...ທີ່ຮັກ..! ຂ້ອຍຂໍຂອບໃຈຕໍ່ຄວາມຮັກທີ່ບໍລິສຸດຂອງເຈົ້າທີ່ມີຕໍ່ຂ້ອຍ ຂ້ອຍຈະຈົດຈຳມັນໄວ້ບໍ່ມີວັນລືມ... ເຖິງວ່າຂ້ອຍຈະຈາກເຈົ້າໄປແລ້ວກໍ່ຕາມ ແຕ່ຍາມໃດຂ້ອຍກໍ່ຍັງຮັກແລະຄິດຮອດເຈົ້າຢູ່ຕະຫຼອດເວລາ ຮູບພາບຄວາມຫຼັງທີ່ຫວານຊື່ນ ຍັງສະຖິດຢູ່ໃນຫົວໃຈຂ້ອຍໂດຍບໍ່ມີວັນຈະຫຼົງລືມໄດ້. ເມື່ອເຖິງເວລາຈະຈາກກັນ ຂ້ອຍຮູ້ສຶກວ່າຫົວໃຈມັນສິສະລາຍອອກເປັນປ່ຽງໆ ຍ້ອນຄວາມໂດດດ໋ຽວປ່ຽວພອຍແລະຫງອຍເຫງົາ ຢູ່ເບື້ອງຫຼັງຂອງຂ້ອຍເຕີມໄປດ້ວຍຄວາມອ້າງຫວ້າງ ຄວາມຫງຽບເຫງົາແລະຄວາມເສົ້າທີ່ພວມຄອງຄອຍ. ຍາມໃດຂ້ອຍກໍ່ຄິດເປັນຫ່ວງຢ້ານເຈົ້າຈະຫຼົງລືມ ແລະປ໋ະຖີ້ມຂ້ອຍໄປຫາຊາຍອື່ນເວລາຢູ່ຫ່າງໄກກັນ.
...ມີຮັກກໍ່ຕ້ອງມີຈາກເປັນຂອງທຳມະດາ ແຕ່ພວກເຮົາກໍ່ບໍ່ແມ່ນວ່າຈະຈາກກັນໄປໄກຈົນສຸດຂອບຟ້າ ຫົນທາງແລະເວລາທີ່ພວກເຮົາຈະພົບກັນນັ້ນມີຢູ່ສະເໝີ... ພໍຂ້ອຍຈາກເຈົ້າໄປຢູ່ເມືອງທົ່ງມີໄຊບໍ່ນານ ຂ້ອຍກໍ່ໄດ້ຮັບຂ່າວວ່າເຈົ້າມີແຟນໃໝ່ແລ້ວ ທັງຫຼໍ່ອີກດ້ວຍ ເມື່ອຂ້ອຍໄດ້ຮັບຂ່າວນັ້ນຄວາມແຄ້ນ ບໍ່ໄດ້ເຮັດໃຫ້ຂ້ອຍເສຍໃຈແມ່ນແຕ່ນ້ອຍເລີຍ. ດຽວນີ້ຂ້ອຍຄອງຄອຍປານໃດປີເກົ່າຈະໝົດໄປ ຂ້ອຍຢາກໃຫ້ທຸກສິ່ງງທຸກຢ່າງມັນໝົດໄປນຳປີເກົ່າ ແລະໃຫ້ມັນເຫຼືອໄວ້ພຽງຄວາມຫວັງອັນໃໝ່ ຊີວິດທີ່ປາສະຈາກຮອຍມົນທີນ...
...ບຸນຫຼອມ ບົດບັນທືກຂອງຂ້ອຍຄົງຈະສີ້ນສຸດລົງພຽງເທົ່ານີ້ ເພາະເສັ້ນທາງເດີນຂອງພວກເຮົາໄດ້ຖຶກຂີດເປັນເສັ້ນຂະໜານກັນແລ້ວ....ຂໍໃຫ້ໂຊກດີ...
- ຄວາມຮັກກໍ່ເປັນກິລາຊະນິດໜຶ່ງ ເຊິ່ງໃຜໆກໍ່ຕ້ອງປະສົບພາວະໃດພາວະໜຶ່ງ ນັ້ນກໍ່ຄືບໍ່ແພ້ກໍ່ຊະນະ ແຕ່ການຜ່າຍຮັກມີຜົນກະທົບ ກະເທືອນແລະຝັງໃຈຫຼາຍກວ່າການແພ້ກິລາຊະນິດອື່ນ ບາງຄົນລະທົມໝົ່ນໝອງໄປຕະຫຼອດຊີວິດ ບາງຄົນໃຊ້ເວລາຮັກສາແຜໃຈເປັນເວລານານປີ ກິລາຮັກເປັນການລົງແຂ່ງສະໝາມກັບຂູ່ຕໍ່ສູ້ພຽງຕົວຕໍ່ຕົວ ຄົນທີ່ກ້າຫຼີ້ນກັບຄວາມຮັກຕ້ອງກ້າໄດ້ກ້າເຜີຍຄວາມຈິງ. ເຖິງແມ່ນວ່າທຸກຄົນຕ້ອງການໄຊຊະນະແລະຄວາມຫວັງໃນຄວາມຮັກ ຄວາມຮັກກໍ່ໃຫ້ຄວາມຫວັງແກ່ຄົນໄດ້ພຽງບໍ່ເທົ່າໃດຄົນ ແຕ່ບາງຄົນຊະນະໃນເບື້ອງຕົ້ນ ແຕ່ໄປຜ່າຍແພ້ໃນບັ້ນປາຍ ເໝືອນດັ່ງຊາຍທີ່ຕ້ອງຜ່າຍຮັກ....ແຮະໆໆ
ໜວດໝູ່:
ກັບໄປໄດອາຣີ່ຂອງ Virus 2011, 'user_report.php?return_url=http%253A%252F%252Fpunlao.com%252Fblog.php%253Fuser%253DVirusInformation%2526blogentry_id%253D21140&TB_iframe=true&height=300&width=450', '', './images/trans.gif');){kind=spacer}
ແຈ້ງເນື້ອຫາບໍ່ເໝາະສົມ
