ນຸ່ງສິ້ນໄໝ ໃຜວ່າເຊີຍ

ຍັງໄປ່ປານດວງເດືອນ        ໜ່ວຍດຽວເຮືອງແຈ້ງ

ແຖມຍັງວາຈາເວົ້າ        ສຽງນວນໆ ຄຳມ່ວນໆ

ງາມເດ ຍາມນ້ອງນຸ່ງສິ້ນຝ້າຍ        ໝຸກໝີ່ສີລາຍຄັດ

ລາຍມັດສາໄກວຄີ         ແກວ່ງຫາງສະບັດທ້າຍ

ລາຍດອກຄາຍ ເຂືອ ເອື້ອງ        ເຫຼືອງ ແດງຊ້ອນຊໍ່

ລາຍດອກຈິກ ດອກຍໍ         ພໍອ້າຍເຫັນແລ້ວຢາກຢື້

ໃຜວ່ານຸ່ງສິ້ນຝ້າຍ        ໄໝ ໝີ່ ວ່າມັນເຊີຍ

ຮຽມຊິນຳໄປຖຽງ        ໄລ່ຖາມເຖິງບ້ານ

ຍັງບໍ່ພໍຊິຂຶ້ນ          ສານໄຄຟົງຟ້ອງຕໍ່

ພໍໃຫ້ເຂົາຮຸ່ງຮູ້          ວ່າສິ້ນໄໝມີຄ່າລົ້ນ