ພັນລາວ.ຄອມ | ຊຸມຊົນອອນໄລນ໌ສາຍເລືອດລາວ

ຫນ້າຫລັກ ຊອກຫມູ່ ເຊີນຫມູ່ເຂົ້າຮ່ວມ ຊ່ວຍເຫລືອ ເກມ ເວັບບອດ

ສະມັກສະມາຊິກ ເຂົ້າສູ່ລະບົບ

aznsandra's Blog

Life in Wuhan, China Part 1

6:58 PM Sep. 22, 2008 - 6 ຄຳເຫັນ

Filed under: ເລື່ອງຈິງ/ສາລະຄະດີ


	ມາຢູ່ຈີນໄດ້ເກືອບ 2 ອາທິດແລ້ວ. ມີຫຼາຍເລື້ອງຫຼາຍລາວເກີດຂື້ນ ມີທັງດີແລະບໍ່ດີ .... ມາຢູ່ນີ້ໄດ້ຮຽນຮູ້ຫຼາຍຢ່າງ ບໍ່ວ່າຈະເປັນວັດທະນະທຳແລະການດຳລົງຊີວິດຂອງຄົນຈີນ, ການປັບຕົວເຂົ້າກັບສະພາບແວດລ້ອມໃໝ່ໆ, ການຢູ່ແບບໄກໆຄອບຄົວ, ການໃຊ້ຊີວິດຄູ່, ການເບິ່ງແຍງດູແລຕົວເອງ ແລະ ອື່ນໆ ຢ່າງທຳອິດຂໍເວົ້າເຖິງການຮຽນຮູ້ທີ່ຈະເບິ່ງແຍງຕົວເອງ ມາຢູ່ຈີນເກືອບ 2 ອາທິດ. ພໍດີ 4 ມື້ກ່ອນເກີດອາການໜ້າຕົກໃຈຂື້ນກັບຕົວເອງ. ຫັຼງຈາກກັບມາແຕ່ກິນເຂົ້າແລງຮູ້ສຶກເຈັບທ້ອງຢ່າງແຮງ. ພໍດີໄປເຂົ້າຫ້ອງນ້ຳສັງເກດເຫັນປັດສະວະເປັນສີແດງ ທຳອິດຄິດວ່າແມ່ນປະຈຳເດືອນ ແຕ່ມາສັງເກດດີໆລະແມ່ນປັດສະວະອອກເລືອດ ແບບວ່າແສບແລະກະເຈັບທ້ອງສຸດໆເລີຍ. ທຽວເຂົ້າຫ້ອງນ້ຳຫຼາຍເທື່ອກະແຮງໃຈບໍ່ດີ ເພາະເລືອດອອກທຸກຄັ້ງທີ່ປັດສະວະ ກະເລີຍໂທກັບມາຫາແມ່ຢູ່ລາວ. ແມ່ບອກວ່າສົງໄສກະເພາະປັດສະວະອັກເສບ ເຊິ່ງກະມີສາເຫດມາຈາກການກັ້ນປັດສະວະຂອງເຮົານິລະ ເນື່ອງຈາກຢູ່ຈີນ ຫາຫ້ອງນ້ຳເຂົ້າຍາກໆ ແລະ ຫ້ອງນ້ຳບໍ່ຄ່ອຍສະອາດອີກ ('~_~) ແລ້ວຄືນນັ້ນກະນອນບໍ່ຫຼັບໝົດຄືນ ນັ່ງໄຫ້ຄົນດຽວ. ຈົນອ້າຍເມກ (ຄູ່ໝັ້ນ) ໄດ້ມາອອຍໄປນອນຈັ່ງວ່າໄດ້ຫຼັບ. ຕື່ນມາຕອນເຊົ້າ ອ້າຍເມກຟ້າວໄປຫາຊື້ຢາຕາມທີ່ແມ່ສັ່ງມາໃຫ້ ແລ້ວກະໃສ່ໃຈເອົາຢາໃຫ້ກິນຕາມໂມງແລະເບິ່ງແຍງເຮົາເປັນຢ່າງດີ. ບັນດານັກສຶກສາລາວທີ່ຢູ່ນີ້ກະເປັນຫ່ວງຖາມຂ່າວຕະຫຼອດ ... ຂອບໃຈແທ້ໆເລີຍ (_) ຜ່ານການກິນຢາມາ 3 ມື້ຮູ້ສືກວ່າອາການດີຂື້ນ ກະເລີຍໂລ່ງໃຈແດ່ ຄິດວ່າຊິມາຖິ້ມຊີວິດຢູ່ເມືອງຈີນແລ້ວຊັ້ນດອກ. ແຕ່ຕອນນີ້ດັນມາຖອກທ້ອງແທນ (T_T) ເລື້ອງຕໍ່ມາແມ່ນເລື້ອງອາຫານການກິນ ການມາທ່ຽວປະເທດຈີນຄັ້ງນີ້ ໄດ້ມາຊິມອາຫານຫຼາຍຢ່າງທີ່ບໍ່ເຄີຍໄດ້ກິນ ຫຼາຍເມນູກະໄດ້ຖ່າຍຮູບໄວ້ ຫຼາຍເມນູກະລືມຖ່າຍ ຍ້ອນຄວາມຫິວຄອບງຳ ກະເລີຍຟ້າວກິນ "^__^ ເມນູທຳອິດ ຈັກແມ່ນພາສາຈີນເອີ້ນວ່າຫຍັງ ແຕ່ນັກສຶກສາລາວຢູ່ນີ້ເອີ້ນມັນວ່າບຸບເຟ້ປາຈຸ່ມ ຈຸ່ມໃສ່ຊາມແບບນີ້ເລີຍ ນ້ຳຊຸບອອກເຜັດໆໜ້ອຍໜື່ງ. ອັນທີ່ເຫັນສີເຫືຼອງໆກ້ຽວໆ ຢູ່ໃນຮູບລະແມ່ນຂະໜົມ ເອົາໄວ້ຈຸ່ມຄືກັນ ອີກຢ່າງໜຶ່ງເມນູເສັ້ນໆຢູ່ຈີນລະແມ່ນແຊບໝົດ. ແບບວ່າ original ຫັ້ນນະ. ນີ້ເລີຍ ໝີ່ເສີນຫຼົງ ^_^ ບາດນີ້ມາເວົ້າເຖິງການດຳລົງຊີວິດຂອງຄົນຈີນອີກມູມໜື່ງ ມາຢູ່ນີ້ ຮູ້ເລີຍວ່າປະຊາກອນຈີນຫຼາຍແທ້ໆ ແບບວ່າຍ່າງຈົນຊິຢຽບກັນຕາຍ. ເວລາຂ້າມທາງກະຕ້ອງຟ້າວຂ້າມ ແລ້ວຢູ່ຈີນຂ້າມທາງແບບຫວາດສຽວອິຫຼີ ແບບວ່າບໍ່ຕ້ອງການທາງມ້າລາຍ ລົດແລ່ນເຕັມຫົນທາງກະພາກັນຍ່າງຕັດໜ້າລົດໂລດ ແຕ່ກະບໍ່ເຫັນໃຜຖືກລົດຕຳໃດ໋ລະ. ແລ້ວລົດຢູ່ນີ້ກະຂັບໄດ້ຫວາດສຽວຄືກັນ ຂື້ນແທັກຊີ້ຍາມໃດລະຫົວໃຈຊິວາຍ ແບບວ່າມັນຂັບຊອກແຊກໆ ປານຫຼີ້ນເກມ ('-_-) ເລື້ອງຕໍ່ມາແມ່ນການຮຽນຮູ້ການໃຊ້ຊີວິດຄູ່ ເນື່ອງຈາກການມາປະເທດຈີນຄັ້ງນີ້ແມ່ນມາກັບຄູ່ໝັ້ນແລະກະນ້ອງສາວນຳ ສະນັ້ນ ກະຖືໄດ້ວ່າເປັນເທື່ອທຳອິດທີ່ໄດ້ມາຢູ່ຮ່ວມກັນກັບຄູ່ໝັ້ນດົນໆແບບນີ້ ແບບວ່າເກືອບ 24/7 ເວລາທີ່ຢູ່ນຳກັນກະມີທັງສຸກແລະບາງຄັ້ງກະມີຄວາມເສົ້າມາປະປົນແດ່ ແຕ່ກໍ່ໄດ້ພະຍາຍາມທຸກວິທີທາງປັບຕົວເຂົ້າຫາກັນ ແລະ ໃຊ້ຄວາມອົດທົນອີກ ມາຢູ່ແບບນີ້ກະໄດ້ພິສູດຫຍັງຫຼາຍໆຢ່າງຄືກັນແລະທຸກຢ່າງກະຜ່ານໄປດ້ວຍດີ. ຕອນນີ້ກຳລັງຈະອອກເດີນທາງໄປທ່ຽວຕ່າງເມືອງລະ (ເດີນທາງດ້ວຍລົດໄຟ ໃຊ້ເວລາປະມານ 6 ຊົ່ວໂມງ). ຄົງຈະຫາຍໄປອີກເປັນທິດ ເອົາໄວ້ກັບມາລະຈັ່ງຊິມາອັບໄດໃໝ່. ຫວັງຢ່າງຍິ່ງວ່າຊິບໍ່ໄປຖອກທ້ອງລະຫວ່າງການເດີນທາງ -- ບັບບ່າຍ --

✿ຂຽນໄດອາລີ້ທັກທາຍ + ອຳລາ✿

8:22 PM Sep. 8, 2008 - 12 ຄຳເຫັນ


	ຫັຼງຈາກຫ່າງຫາຍຈາກການຂຽນໄດດົນພໍສົມຄວນເນື່ອງດ້ວຍເຫດຜົນຫຼາຍໆປະການ. ມື້ນີ້ເລີຍຈຽດເວລາວ່າງອັນໜ້ອຍນິດມາຂຽນ.... ເນື່ອງດ້ວຍມື້ອື່ນ (ອັງຄານທີ 09.09.08) ກະຊິໄດ້ອອກເດີນທາງໄປປະເທດຈີນແລ້ວ ແລະກະຄົງຢູ່ຫັ້ນດົນພໍສົມຄວນ (ຍັງບໍ່ຮູ້ກຳນົດກັບມາ). ເຮົາເອງກະມີຫຼາຍຢ່າງຄ້າງຄາທີ່ຢາກຂຽນ ແຕ່ຍັງຫາເວລາວ່າງບໍ່ໄດ້. ສະນັ້ນມື້ນີ້ຈະພະຍາຍາມຂຽນໃຫ້ມັນແລ້ວລະກັນ.... ຊ່ວງທີ່ຫ່າງຫາຍໄປ ໝູ່ເພື່ອນຫຼາຍຄົນກໍ່ຄົງຈະຮູ້ແລ້ວວ່າເຮົາຫາຍໄປເຮັດຫຍັງມາ. ເຮົາເອງກະບໍ່ຮູ້ວ່າໝູ່ເພື່ອນຫຼາຍຄົນຈະປ່ຽນຄວາມຮູ້ສຶກດີໆທີ່ເຄີຍມີໃຫ້ກັບເຮົາຫຼືບໍ່? ແຕ່ເຖິງແນວໃດກໍ່ຕາມ ເຮົາກໍ່ຍັງຄົງຂອບໃຈສຳລັບທຸກໆຄອມເມັ້ນແລະຄຳທັກທາຍ. ເຮົາອາດຈະບໍ່ຄ່ອຍມີເວລາມານັ່ງຕອບຄອມເມັ້່ນແລະນັ່ງຫຼີ້ນພັນລາວຄືແຕ່ກ່ອນ ເນື່ອງຈາກມີພາລະໜ້າທີ່ ທີ່ຕ້ອງຮັບຜິດຊອບ. ແຕ່ຈະພະຍາຍາມຫາເວລາມາຕອບທຸກໆຄອມເມັ້ນໃຫ້ໄດ້. ຊີວິດເຮົາຊ່ວງນີ້ກະຖືວ່າຢູ່ໃນຊ່ວງທີ່ຕ້ອງປັບຕົວໃນຫຼາຍໆຢ່າງ. ມີທັງຊ່ວງທີ່ສຸກ ແລະ ທຸກປະປົນກັນໄປ... ການຕັດສິນໃຈບາງຢ່າງຂອງເຮົາອາດເຮັດໃຫ້ໃຜຫຼາຍຄົນຕ້ອງເຈັບປວດ ແລະ ກໍ່ບໍ່ມີທາງໃດທີ່ເຮົາຈະລົບລ້າງຄວາມຮູ້ສຶກຜິດນີ້ອອກໄປຈາກໃຈໄດ້ຈົນເຖິງດຽວນີ້ (T_T) ຍັງຄົງຢາກຈະກ່າວຄຳວ່າ ຂໍໂທດ ຈາກໃຈຈິງແກ່ທຸກໆຄົນທີ່ຕ້ອງເຈັບປວດຍ້ອນເຮົາ. ຂໍໃຫ້ອະໂຫສິກຳໃຫ້ແກ່ກັນແລະກັນ... ຢ່າໄດ້ຈົງກຽດຈົງຊັງແລະຄຽດແຄ້ນກັນເລີຍ ເຮົາບໍ່ສາມາດຮູ້ອະນາຄົດຂອງເຮົາໄດ້ ແລະ ເຮົາກໍ່ບໍ່ຮູ້ວ່າເສັ້ນທາງທີ່ເຮົາຕັດສິນໃຈເລືອກເດີນນີ້ຈະດີແລະສວຍງາມຄືດັ່ງທີ່ເຮົາຄິດເອົາໄວ້ຫຼືບໍ່ ແຕ່ໃນເມື່ອໄດ້ເລືອກແລ້ວ ເຮົາກໍ່ຕ້ອງເຮັດໃຫ້ດີທີ່ສຸດ... ເທົ່າທີ່ເຮົາຈະເຮັດໄດ້ ທ້າຍນີ້ກໍ່ບໍ່ຮູ້ຊິຂຽນຫຍັງຕໍ່ລະ. ຖ້າມີເວລາວ່າງຢູ່ປະເທດຈີນກະຊິແວ່ເຂົ້າມາຂຽນໃໝ່... ຍັງຄົງຄິດຮອດມິດຕະພາບທີ່ດີໆຂອງໝູ່ເພື່ອນຊາວພັນລາວຢູ່ສະເໝີ ....

ເວລາກັບຄົນໜຶ່ງຄົນ ....

2:42 PM Jul. 31, 2008 - 12 ຄຳເຫັນ

ໄດອາຣີ້ມື້ນີ້ມີເພັງໃຫ້ຟັງນຳ.... ເພັງນີ້ເປັນເພັງໄທຊື່ເພັງ "ເວລາ"

** ຕ້ອງຂໍໂທດລ່ວງໜ້າ ທີ່ໄດອາຣີ້ມື້ນີ້ອາດຈະມີພາສາໄທປະປົນຢູ່ນຳເລັກນ້ອຍ **

ເນື່ອງຈາກວ່າຄວາມໝາຍຂອງເພັງນີ້ສາມາດໃຫ້ຂໍ້ຄິດທີ່ດີໆໄດ້ ກະເລີຍຂໍອະນຸຍາດໂພສລົງໃນໄດອາຣີ້ລະກັນ

- เวลา -

เคยคิดไหมทำไมคนเราต้องร้องไห้.... ทำไมต้องเสียใจกับสิ่งที่แล้วมา 
เคยคิดไหมทำไมคนเราต้องเสียน้ำตา.... กับวันที่เลยมากับเวลาที่เสียไป

ทุกๆความเจ็บฝังเป็นตะกอนแห่งความหลัง ไร้หนทางจะเปลี่ยนอะไร

ไม่มีใครที่จะย้อนเวลาคืนกลับมาเพื่อจะแก้ไข ทุกเรื่องราวที่เคยผิดไป
ไม่มีใครจะฉุดรั้งเวลามันผ่านมาเพื่อจะผ่านไป

แต่ชีวิตคนยังมีให้ก้าวไป เก็บความเจ็บไว้ในกาลเวลา .....

เคยคิดไหมทำไมคนเราต้องร้องไห้.... ทำไมต้องเสียใจกับสิ่งที่พ้นไป 
เคยคิดไหมทำไมเราจึงพึ่งรู้ได้.... ในวันที่สายไปเมื่อเวลาเดินล่วงเลย

ຄົນເຮົາເກີດມາ ບໍ່ມີໃຜທີ່ຈະເລືອດເກີດໄດ້
ບໍ່ມີໃຜທີ່ຈະສົມຫວັງກັບທຸກໆຢ່າງທີ່ປາດຖະໜາ
ບໍ່ມີໃຜທີ່ບໍ່ເຄີຍເສຍໃຈ ແລະ ຜິດຫວັງ
ບໍ່ມີໃຜທີ່ບໍ່ເຄີຍເຮັດຜິດ
ແລະ ທີ່ສຳຄັນ .... ບໍ່ມີໃຜທີ່ຈະສາມາດໝູນເວລາ ເພື່ອກັບໄປແກ້ໄຂເລື້ອງລາວຕ່າງໆໃນອະດີດໄດ້

ທັ້ງໆທີ່ຮູ້ ວ່າແກ້ໄຂອະດີດບໍ່ໄດ້ ແຕ່ຫຼາຍຄົນກໍ່ຍັງຄົງຈົມຢູ່ກັບອະດີດ
ໂດຍທີ່ລືມຄິດໄປວ່າປັດຈຸບັນແລະອະນາຄົດ ຄືສິ່ງທີ່ເຮົາຄວນຈະຄິດເຖິງຫຼາຍກວ່າ

alt

ອະດີດຂອງຄົນເຮົາຍ່ອມມີທັງອະດີດທີ່ດີແລະຮ້າຍ
ສິ່ງທີ່ດີໆ ເຮົາກໍ່ຄວນເກັບມັນໄວ້ໃນຄວາມຊົງຈຳ
ແຕ່ສິ່ງທີ່ຮ້າຍໆ ກະຂໍໃຫ້ເກັບເປັນບົດຮຽນຊີວິດ

alt

ຄົນເຮົານີ້ກະແປກຢ່າງໜຶ່ງ.... ສິ່ງທີ່ຢາກລືມ ເຮົາພັດຈື່ດີ ແຕ່ສິ່ງທີ່ຢາກຈື່ ຊ້ຳພັດລືມ
ເຊັ່ນວ່າ ຢາກລືມຄວາມຮູ້ສຶກທີ່ເຄີຍຮູ້ສຶກກັບໃຜຈັກຄົນໜຶ່ງ... ມັນພັດຈື່ດີແທ້ໆ
ແຕ່ຖ້າຢາກຈື່ເອົາບົດຮຽນທີ່ອາຈານສອນໄວ້ດົນໆ... ມັນພັດລືມໄວຂະໜາດ ("-_-)

ຄົນເຮົາຈະເຮັດຫຍັງກໍ່ຕາມ ມັນອາດຈະຕ້ອງໃຊ້ເວລາ ...
ເຊິ່ງວ່າຈະໃຊ້ເວລາດົນປານໃດ ມັນກໍ່ຂື້້ນນຳຕົວເຮົາເອງ

ແຕ່ທີ່ສຳຄັນກໍ່ຄືຕ້ອງໃຫ້ກຳລັງໃຈຕົວເອງ
ລວມເຖິງກຳລັງໃຈຈາກຄົນອ້ອມຂ້າງກໍ່ສຳຄັນເຊັ່ນກັນ ........

ເຮົາບໍ່ສາມາດແກ້ໄຂເລື້ອງທີ່ເກີດຂື້ນໃນອະດີດໄດ້
ແຕ່ເຮົາຍັງສາມາດກຳນົດສິ່ງທີ່ເຮັດໃນປັດຈຸບັນແລະອະນາຄົດໄດ້

ສຳລັບຄົນທີ່ຮັກເຮົາແທ້.... ຄົນໆນັ້ນຕ້ອງຍອມຮັບອະດີດຂອງເຮົາໄດ້
ແລະພ້ອມໃຫ້ກຳລັງໃຈເຮົາ ເພື່ອຜ່ານເລື້ອງເຫົຼ່ານັ້ນ ໄປເລີມຕົ້ນໃໝ່ນຳກັນ

ບາງເທື່ອເວລາທີ່ຄົນເຮົາມີຫຍັງຢູ່ນຳເຮົາແລ້ວ ເຮົາຈະບໍ່ເຫັນຄຸນຄ່າຂອງສິ່ງນັ້ນ
ແຕ່ຫາກມື້ໜຶ່ງທີ່ເສຍສິ່ງນັ້ນໄປແລ້ວ ເຮົາຈະຮູ້ສຶກເຫັນຄຸນຄ່າຂອງມັນທັນທີ....
ເຊິ່ງບາງທີມັນອາດຈະສາຍເກີນໄປແລ້ວ
ແລະ ເຮົາກໍ່ຄົງບໍ່ສາມາດໝູນເວລາກັບມາບອກສິ່ງໆນັ້ນໄດ້ອີກ
ວ່າເຮົາຫາກໍ່ເຫັນຄຸນຄ່າຂອງມັນໃນຕອນທີ່ເຮົາເສຍມັນໄປ.............

alt

ຖ້າອ່ານ Diary ຂອງໃຜບາງຄົນ

11:35 PM Jul. 22, 2008 - 24 ຄຳເຫັນ


	ມື້ນີ້ໄປ Chill out ກັບຕາເບີດຕາມເຄີຍ .... ແລະຄົນຂັບລົດກະຕ້ອງເປັນຕາເບີດຕາມເຄີຍ ... ໄປວຽກຕັ້ງຫຼາຍບ່ອນມື້ນີ້.... ຮູ້ສຶກວ່າເບີດຂັບໄປ ເບິ່ງໜ້າຕາກະຄືເຊັງໆ ເບື່ອໆ ແນວໃດບຸ ... ກັ່ກໆໆໆ ^o^ ແນວນີ້ລະ ... ຕ້ອງທົດສອບຄວາມອົດທົນກັນແດ່ ... ເຫິໆໆໆ ເບິ່ງດຸວ່າຊິທົນໄດ້ຈັກເດືອນ ^__^ ແຖມແມ່ເຮົາຍັງສັ່ງໃຫ້ເອົາຕາເບີດໄປໃຫ້ແມ່ໃຊ້ວຽກຢູ່ບ້ານອີກ... ເສັດລະບາດນີ້ ເບີດຊິຖືກບົດທົດສອບຫຼາຍບົດລະບາດນີ້ ... ຈັກຊິເປັນແນວໃດ ເລີ້ມເປັນຫ່ວງ ('~_~) ວ່າແຕ່ຕອນນີ້ ເບີດຂຽນໄດອາຣີ້ຮອດໃສລະນໍ້ ??? ວ່າຊິຂຽນໄດອາຣີ້ໃຫ້ເຮົາອ່ານ ເຮົາກະຖ້າມາຫຼາຍມື້ລະ ວ່າຊິຂຽນອະຫຍັງ ບໍ່ຮູ້ປານໃດຊິໄດ້ອ່ານ .... ສົງໄສອອກພັນສາພຸ້ນຕິເບາະ ໂອ້ .... ແຕ່ເຮົາຖາມຕາເບີດວ່າປານໃດຊິຂຽນແລ້ວ ຕາເບີດກະບອກວ່າກຳລັງສ້າງອາລົມໃນການຂຽນ ຟັງເບິ່ງຄືຊື້໊ງເນາະ ^__^ ແຕ່ການສ້າງອາລົມຂອງຕາເບີດກະຄື....... ນັ່ງຟັງ CD ເລື້ອງຜີທີ່ເຮົາເອົາໃຫ້ຢືມ !!! ປ໊າດດດດດດດດ ...... ຟັງເລື້ອງຜີເພື່ອ Built ອາລົມໃນການຂຽນ Diary ໃຫ້ແຟນອ່ານ ຊື້ງຂະໜາດແຟນຂ້ອຍ (V_V) ແນວໃດກະຊິຖ້າອ່ານລະກັນ ... ສົງໄສຊິອອກມາໃນຮູບແບບ Diary ສະຫຍອງຂັວນຫຼາຍກວ່າ .. ເຮີ້ ໆໆໆ

Diary ຂອບໃຈເພື່ອນໆຊາວພັນລາວ ....

10:49 AM Jul. 22, 2008 - 10 ຄຳເຫັນ


	ກ່ອນອື່ນໝົດຕ້ອງຂໍຂອບໃຈເພື່ອນໆຊາວພັນລາວໝົດທຸກຄົນທີ່ໄດ້ແວ່ມາອ່ານໄດອາຣີ້ແລະເມັ້ນໃຫ້ກຳລັງໃຈກັນ ຕ້ອງຂໍບອກເລີຍວ່າທຸກໆຄັ້ງທີ່ເຂົ້າມາຂຽນໄດອາຣີ້ ບໍ່ວ່າຈະແມ່ນເລື້ອງຫຍັງກໍ່ຕາມ ບໍ່ເຄີຍຄິດເລີຍວ່າຈະມີຄົນສົນໃຈຄລິກເຂົ້າມາອ່ານແລະເມັ້ນໃຫ້ ^__^ ໂດຍສະເພາະໄດອາຣີ້ ເລື້ອງ "ກຸ້ມໃຈ" ທີ່ເຮົາຂຽນຂື້ນມາພຽງແຕ່ຢາກລະບາຍຄວາມອຸກໃຈ ແຕ່ບໍ່ຄິດວ່າຊິມີຄົນມາອ່ານມາເມັ້ນໃຫ້ກຳລັງໃຈເຮົາ .... ແນວໃດກະຕ້ອງຂໍຂອບໃຈທຸກຄົນທີ່ເຂົ້າມາອ່ານແລະຂອບໃຈທຸກຄອມເມັ້ນທີ່ດີໆ ເຖິງວ່າເຮົາຈະບໍ່ສາມາດບອກເພື່ອນໆໄດ້ ກ່ຽວກັບປັນຫາຂອງເຮົາ ແຕ່ຢ່າງໜ້ອຍກະເຮັດໃຫ້ເຮົາຮູ້ສຶກດີທີ່ຍັງມີຄົນຢາກຮູ້ສາລະທຸກສຸກດິບຂອງເຮົາ ເຮົາອາດຈະບໍ່ໄດ້ໄປເມ້ັນກັບ ເພື່ອຂອບໃຈໝົດທຸກໆຄົນ ... ແຕ່ເຮົາກະຢາກບອກວ່າ ຂອບໃຈຫຼາຍໆ Thanks indeed 감사합니다

ກຸ້ມໃຈ (T_T)

1:29 AM Jul. 21, 2008 - 20 ຄຳເຫັນ


	ໂອ້ຍຍຍຍຍຍຍຍຍ ກຸ້ມມມມມມມມ ....... ນອນບໍ່ຫຼັບ ຊິເອົາແນວໃດກັບຊີວິດດີ (Y_Y) ສິ່ງທີ່ຄວນເຮັດກະບໍ່ເຮັດ ໄປເຮັດໃນສິ່ງທີ່ບໍ່ຄວນເຮັດ ເກີດມາບໍ່ງາມ ບໍ່ລວຍ ບໍ່ສະຫຼາດ ນິໄສກະຍັງບໍ່ດີອີກ.... ສະຫຼຸບບໍ່ມີຫຍັງດີເລີ້ຍ (T_T) ເປັນຫຍັງເຮົາຄືເປັນຄົນແນວນີ້... ບໍ່ຢາກເປັນແບບນີ້ເລີຍ ຊັງຕົວເອງທີ່ສຸດດດດດດ (V_V) ຖ້າຮູ້ຈັກຫັກຫ້າມໃຈຕົວເອງ ປານນີ້ຄົງຈະບໍ່ຕ້ອງມານັ່ງກັງວົນແລະຄິດຫຼາຍແບບນີ້ ຖ້າຫາກການຕາຍຂອງຄົນເຮົາຫາກເປັນເລື້ອງປົກກະຕິຄືການໄປໂຮງຮຽນກະຄືຊິດີ ... ຊິໄດ້ຕາຍໆໆໆໄປຊະ ເບື່ອ ເຊັງ ເມື່ອຍ ທໍ້ແທ້ ສັບສົນ ............. (V_V)

The Heuk Club @ Tennis Court

4:01 PM Jul. 16, 2008 - 8 ຄຳເຫັນ


	ຫຼາຍມື້ມານີ້ ພະຍາຍາມ up ຮູບເຂົ້າພັນລາວແຕ່ບໍ່ສຳເລັດວຸ້ຍຍຍ ມື້ນີ້ກະເລີຍມາ post ຮູບບາງສ່ວນໃສ່ diary ດີກວ່າ ຮູບ Set ນີ້ເປັນຮູບທີ່ຖ່າຍມື້ວັນເສົາກ່ອນນິລະ (12-07-08) ເປັນຮູບຂອງສະມາຊິກ The Heuk Club (THC) ທີ່ Tennis Court ເປັນມື້ທີ່ຮຽນ tennis ແບບໃຈເອົາສຸດໆ ເພາະວ່າຝົນຕົກ ແຕ່ກະຍັງພາກັນຕາກຝົນຮຽນ..... ການຮຽນກະຍັງ Backhand, Forehand, Top Spin ... ໄປໆມາໆ ຢູ່ THC --- No. 1 ເອ໋ No.2 ອາປ໊າຍ ແລະ No.4 ເປົ້າ ຮຽນມາຈົນຝົນຢຸດຕົກ ກະພໍດີແນມໄປເຫັນສາຍຮຸ້ງຢູ່ເທິງຟ້າ .... ນາງອ້ອຍແລະນາງເປົ້າກະເລີຍພາກັນຟ້າວໄປຈັບກ້ອງມາຖ່າຍໄວ້ ຮູບນີ້ເປົ້າມັນລະແວງ ຢ້ານເຂົາຕີລູກ tennis ໃສ່ຫຼັງມັນ .... ກັ່ກໆໆໆ ສ່ວນລູກແບບນີ້... ມີສາວນ້ຳອ້ອຍ THC No.3 ເທົ່ານັ້ນທີ່ເຮັດແບບນີ້ ('~_~) ປິດທ້າຍດ້ວຍຮູບນ້ຳອ້ອຍແລະເປົ້າຕອນຝົນຕົກ (^o^) Honey, as long as you miss me, Everyday will always be my nice day ^__^

ການຮຽນ Tennis Part II

2:21 AM Jul. 12, 2008 - 9 ຄຳເຫັນ


	ມື້ນີ້ຫີ້ຼນ tennis ມັນສຸດໆ... ໄດ້ທ່າໃໝ່ມາຕັ້ງຫຼາຍ ^o^ ຮຽນ Tennis ມາໄກອີກ step ໜຶ່ງລະເດ໋... ມື້ນີ້ຮູ້ສຶກວ່າການເຮັດ Top Spin ຂອງສະມາຊິກ The Heuk Club ແມ່ນຜ່ານໄປດ້ວຍດີ (ຈົນໄດ້) .... ກັ່ກໆໆໆ ^o^ ເລີ້ມພາກັນອືດ + ດ້ານ + ມືນ ກັບຄວາມເຈັບປວດແດ່ລະ ^o^ ມື້ນີ້ Trainer ສອນຕີແບບ Forehand ແລ້ວ. ອີກບໍ່ດົນຄົງຈະໄປລົງແຂ່ງໄດ້ລະນິ ... ເຫິໆໆໆ ອີກຢ່າງໜຶ່ງສະມາຊິກ THC ຄົງຈະເພີ້ມມາອີກໜຶ່ງຄົນໃນໄວໆນີ້ລະ... ວ່າແຕ່ພາກັນມາເປັນສະມາຊິກທີມ Tennis ດຽວກັບຂ້ອຍແລະນາງເປົ້າ (ເດັກກໍ່ສ້າງ) ນິ ຄິດດີແລ້ວບໍ່ນໍ້ ??? ('~_~) ເອົາລະ... ແນວໃດກະມາຮອດນີ້ແລ້ວ ກະຕ້ອງສູ້ຕໍ່ໄປແຫຼະ .... ຂ້າພະເຈົ້າໃນນາມສະມາຊິກ THC No. 3 ຂໍສູ້ຕາຍຍຍຍຍ (^___^)

ການເອົາຮູບໃສ່ໃນ diary

7:13 PM Jul. 9, 2008 - 5 ຄຳເຫັນ


	ເນື່ອງຈາກນ້ອງໆຫຼາຍຄົນພາກັນມາຖາມວ່າເອົາຮູບໃສ່ໃນ diary ແນວໃດ ຄວາມຈິງມັນງ່າຍໆໆໆນະ...... ນ້ອງດ່ຽວກະຂຽນໄວ້ແລ້ວ ແຕ່ນ້ອງໆກະຍັງພາກັນມາຖາມເອື້ອຍອ້ອຍຢູ່.... ແນວໃດກະຕາມ... ຖາມມາກະຊິຕອບໃຫ້.... ເບິ່ງຕາມຮູບເລີຍເດີ້ .... ຄ້ານຂຽນ ^o^ ຂັ້ນຕອນທີ 1 ຂັ້ນຕອນທີ 2 ຂັ້ນຕອນທີ 3 - ຈົບ -

ພາສາເກົາຫຼີແບບຫວານໆ ຼ^ㅇ^

1:13 AM Jul. 9, 2008 - 2 ຄຳເຫັນ


	Part ທີເທົ່າໃດກະຈື່ບໍ່ໄດ້ແລ້ວ... ເອົາເປັນວ່າ Part ນີ້ມາແບບຫວານໆ ດ້ວຍຄຳເວົ້າທີ່ຊື້ງໆພາສາເກົາຫຼີ..... 사랑해요 ຂ້ອຍຮັກເຈົ້າ ຊາຣັງແຮໂຢ 당신을 영원히 사랑할 거예요 ຂ້ອຍຈະຮັກເຈົ້າຕະຫຼອດໄປ ທັງຊິນຶນ ອຍອງວານຮີ ຊາຣັງ ຄໍຈເຍໂຢ 보고싶어요 ຂ້ອຍຄິດຮອດເຈົ້າ ໂບໂກຊິພໍໂຢ 애인이 있었어요? ເຈົ້າມີແຟນລະ? ແອອິິນອິ ອິຊັອດຊໍໂຢ? 나의 남자친구는 섹시해요 ! ແຟນຂ້ອຍ sexy ! ນາອຶຍ ນາມຈາຊິນໂກນຶນ ເຊັກຊີແຮໂຢ 그 남자가 영쁩니다 ຜູ້ຊາຍຄົນນັ້ນຫຼໍ່ ຄື ນາມຈາກາ ອຍອງປຶບນີດາ 그 여자가 영쁩니다 ຜູ້ຍິງຄົນນັ້ນງາມ ຄື ອຍໍຈາກາ ອຍອງປຶບນີດາ 그 남자가 내 애인이에요 ຜູ້ຊາຍຄົນນັ້ນແມ່ນແຟນຂ້ອຍ ຄື ນາມຈາກາ ແນ ແອອິນອີເອໂຢ 그 여자가 내 애인이에요 ຜູ້ຍິງຄົນນັ້ນແມ່ນແຟນຂ້ອຍ ຄື ອຍໍຈາກາ ແນ ແອອິນອີເອໂຢ TO BE CONTINUED .....

ຄຳສັບສຳລັບການສົນທະນາພາສາເກົາຫຼີ

11:53 AM Jul. 8, 2008 - 6 ຄຳເຫັນ


	ຄຳສັບພື້ນຖານທີ່ຄວນຮູ້ໃນການສົນທະນາພາສາເກົາຫຼີ 한국 읽기 ເຊື້ອຊາດ 힌국 사람 ຄົນເກົາຫຼີ ຮັນກຸກ ຊາລຳ 라오스 사람 ຄົນລາວ ລາໂອຊຶ ຊາລຳ 일본 사람 ຄົນຍີ່ປຸ່ນ ອິລບົນ ຊາລຳ 중국 사람 ຄົນຈີນ ຈຸງກຸກ ຊາລຳ 영국 사람 ຄົນອັງກິດ ຍອງກຸກ ຊາລຳ 미국 사람 ຄົນອາເມລິກັນ ມີກຸກ ຊາລຳ 테국 사람 ຄົນໄທ ເທກຸກ ຊາລຳ 외국 ຕ່າງປະເທດ ອເວກຸກ ອາຊີບ 학생 ນັກຮຽນ ຮັກແຊ໊ງ 선생님 ອາຈານ ຊອນແຊງນິມ 프로그래머 ໂປຣແກຣມເມີ້ ປືໂຣກືແຣມໍ 경찰관 ຕຳຫຼວດ ກຍອງຈັລກວານ 외교관 ນັກການທູດ ອເວ-ກໂຢ-ກວານ 간호사 ນາງພະຍາບານ ກັນໂຮຊາ 법호사 ນັກກົດໝາຍ ບົບໂຮຊາ 의사 ນາຍໝໍ ອຶຍຊາ 가수 ນັກຮ້ອງ ກາຊູ

ສົນທະນາພາສາເກົາຫຼີ 1

11:03 AM Jul. 8, 2008 - 11 ຄຳເຫັນ


	ສົນທະນາພາສາເກົາຫຼີ 1 Part 1 ການທັກທາຍ 안녕하세요 ສະບາຍດີ ອັນນຍອງຮາເຊໂຢ 오랜만 이에요 ດົນແລ້ວທີ່ບໍ່ໄດ້ພົບກັນ ໂອແຣ້ນມານີເອໂຢ 잘 지냈어요? ເຈົ້າສະບາຍດີບໍ່? ຈັລ ຈີແນຊຊໍໂຢ? 저는 ( ຊື່ ) 입니다 ຂ້ອຍຊື່ ....... ຈໍນຶນ ... ອິມນີດາ 당실은 누구입니까 ? ເຈົ້າຊື່ຫຍັງ? ທັງຊິນຶນ ນູກູອິມນິກະ? 저는 ( ເຊື້ອຊາດ) 사람 입니다 ຂ້ອຍເປັນຄົນປະເທດ ...... ຈໍນຶນ ... ຊາລຳ ອິມນີດາ 당실은 무엇을 합니까 ? ເຈົ້າເຮັດອາຊີບຫຍັງ? ທັງຊິນຶນ ມູອອຊຊຶນ ຮຳນິກະ? 저는 ( ອາຊີບ ) 입니다 ຂ້ອຍເປັນ ..... ຈໍນຶນ .... ອິມນິດາ 만나서 반갑습니다 ຍິນດີທີ່ໄດ້ຮູ້ຈັກ ມັນນາຊໍ ພັນກັບຊຶມນິດາ 그럼 다음에 안나요 ໄວ້ພົບກັນໃໝ່ ກືຣອມ ດາອືເມ ມັນນາໂຢ 안녕히 가세요 ລາກ່ອນ ອັນນຍອງຮີ ຄາເຊໂຢ To Be Continued Part 2

ຮຽນເທັນນິສແບບຈິງຈັງລະເດີ້

10:52 PM Jul. 7, 2008 - 4 ຄຳເຫັນ


	ຈາກທີ່ເຄີຍຫຼີ້ນເທັນນິສແບບກັນເອງ ຮູ້ສຶກວ່າມັນຈະບໍ່ມັນປານໃດ ກະເລີຍຕົກລົງຈ້າງ trainer ມາສອນຄັກແນ່.... ບໍ່ເຄີຍຄິດເລີຍວ່າການຮຽນເທັນນິສທີ່ຈິງຈັງຈະຍາກປານນີ້ (T_T) ເລີ້້ມຈາກການຈັບໄມ້ ... ທີ່ຖືກ trainer ເວົ້າໃຫ້ເລື້ອງຂໍ້ແຂນ ແລ້ວກະການເຮັດ Top Spin ທີ່ເຮັດແນວໃດກະບໍ່ໄດ້ ຮຽນນຳກັນ 4 ຄົນ .... ຄົນທີ່ມີໄຫວພິບກ່ອນໝູ່ກະ ນາງເອ໋ ມັນໄປຮອດ Step 2 ລະ (~_~) ສ່ວນຄົນທີ່ຫຶກພໍກັນກະ ນາງເປົ້າ (ເດັກກໍ່ສ້າງ) ກັບ ຂ້ອຍນິລະ ... ກັ່ກໆໆໆ ຄົນທີ່ຄິດວ່າບໍ່ໜ້າຈະຫິ້ຼນໄດ້ ພັດຫີ້ຼນຄືໆໄດ໋ລະ... ຕົວຢ່າງເຊັ່ນ ອີ່ຕາເບີດສຸດທີ່ love ອົດສາໄປນັ່ງເຝົ້າເຮົາ... ຊວນມາຕີນຳກັນກະບໍ່ຕີ ວ່າແຕ່ຕີບໍ່ເປັນ ບາດເພິ່ນໄດ້ມາຕີລະ ... ປາດໂທທທທ ແຮງແທ້ແຮງວ່າ ... ເປັນຕາຢ້ານນນ ^o^ ວັນສຸກໜ້າມີຮຽນອີກ... ຫວັງວ່າຊິຜ່ານໄປ next step ໄວໆໆ

ພາສາເກົາຫຼີຂັ້ນພື້ນຖານ 2

4:38 PM Jul. 7, 2008 - 6 ຄຳເຫັນ


	ສະຫຼະພາສາເກົາຫຼີ 모음 ㅏ ອາ ㅑ ຈຍາ ㅓ ອໍ ㅕ ຈຍໍ ㅗ ໂອ ㅛ ຈໂຍ ㅜ ອູ ㅠ ຈຍູ ㅡ ອື ㅣ ອີ ㅔ ເອ ㅖ ເຍ ㅐ ແອ ㅒ ແຍ ㅚ ອເວ ㅟ ອວີ ㅘ ອວາ ㅝ ແວ ㅢ ວືຍ ㅞ ເວ ㅙ ແວ To be Continued --- Part 3

ພາສາເກົາຫຼີຂັ້ນພື້ນຖານ 1

12:38 PM Jul. 7, 2008 - 6 ຄຳເຫັນ


	ພະຍັນຊະນະເກົາຫຼີ 한글 ㄱ ຄິຍອກ g, k ㄴ ນີອຶນ n ㄷ ທິກຶດ t, d ㄹ ຣິອຶລ r, l ㅁ ມີອຶມ m ㅂ ພິອຶບ p, b ㅅ ຊິໂອຊ s ㅇ ອີອຶງ ອອກສຽງ ງ ㅈ ຊິອຶຈ sh, j ㅊ ຊິອຶຊ ch ㅋ ຄິອຶກ k, kh ㅌ ທິອຶດ t, th ㅍ ພິອຶພ p. ph ㅎ ຮິອຶດ h To be Continued --- Part 3

서신 : ຈົດໝາຍ

2:59 PM Jul. 6, 2008 - 13 ຄຳເຫັນ

이 편지는 누군가를 ...

ໄດອາຣີ້ມື້ນີ້ ຢາກຂຽນມອບໃຫ້ໃຜບາງຄົນ.....

ຄົນໆນັ້ນ... ຂ້ອຍຄິດວ່າເຈົ້າຄົງຮູ້ຕົວດີ

alt

들려줄게요 나의 이야기를
ຂ້ອຍຢາກໃຫ້ເຈົ້າຮູ້ກ່ຽວກັບເລື້ອງລາວຂອງຂອ້ຍ

그대 없던 그 시간들을 헌데 난 슬퍼요
ເມື່ອບໍ່ມີເຈົ້າແລ້ວ ຊ່ວງເວລານັ້ນມັນເຮັດໃຫ້ຂ້ອຍເຈັບປວດ

그대를 웃게 할 얘기가 하나 없다는 게
ຄົງຈະບໍ່ມີອີກແລ້ວ ສຽງຫົວຂອງເຈົ້າໃນຍາມທີ່ເຮົາລົມກັນ

미안해 말아요
ຢາກຈະບອກວ່າ ຂໍໂທດ

그대 울어도 돼요
ທີ່ເຮັດໃຫ້ເຈົ້າຕ້ອງໄຫ້

alt

충분히 참아온 그대죠
ເຈົ້າອົດທົນກັບມັນມາພໍແລ້ວ

마음을 꼭 닫아줄게요
ຫົວໃຈຂ້ອຍທີ່ຈະຖືກປິດລົງ

나를 담은 채
ແຕ່ເຈົ້າພັດມາເຕົີມເຕັມໃຫ້

미안해 말아요
ຢາກຈະບອກວ່າຂໍໂທດ

그대 울어도 돼요
ທີ່ເຮັດໃຫ້ເຈົ້າຕ້ອງໄຫ້

충분히 참아온 그대죠
ເຈົ້າອົດທົນກັບມັນມາພໍແລ້ວ

마음을 꼭 닫아줄게요
ຫົວໃຈເຈົ້າທີ່ຈະຖືກປິດລົງ

그댈 담은 채
ຂ້ອຍກໍ່ໄປເຕີມເຕັມໃຫ້ເຈົ້າ

alt

모든 것에 감사드립니다....
ຂອບໃຈສຳລັບທຸກໆຢ່າງ....