ພັນລາວ.ຄອມ
ຊອກຫາ:
ຊອກຫາແບບລະອຽດ
ຂຽນເມື່ອ ຂຽນເມື່ອ: ພ.ພ.. 15, 2017 | ມີ 2 ຄຳເຫັນ ແລະ 0 trackback(s)
ມະເຮັງຕັບອ່ອນ Pancreatic Cancer
ແມ່ນເນື້ອງອກຮ້າຍ ຫຼື ມະເຮັງເຊິ່ງເກີດຂື້ນຈາກເຊວຂອງຕັບອ່ອນ, ຜູ້ທີ່ເປັນພະຍາດມະເຮັງຕັບອ່ອນ ສ່ວນຫຼາຍຈະມາພົບທ່ານໝໍ ກໍເມື່ອກ້ອນເນືອມະເຮັງມີຂະໜາດໃຫຍ່ແລ້ວ. ເນື່ອງຈາກອາການໃນໄລຍະທຳອິດຈະບໍ່ມີອາການໃດໆສະແດງອອກມາ ຈົນກວ່າຈະເປັນຂັ້ນຮຸນແຮງຈື່ງຈະມີອາການສແດງອອກມາ ເຊັ່ນ : ເຈັບທ້ອງ ຫຼື ເຈັບຫຼັງຊຳເຮຶ້ອ, ເບື່ອອາຫານ, ນ້ຳໜັກຫຼຸດລົງ, ຕົວເຫຼືອງ, ຕາເຫຼືອງ...
ໝາຍເຫດ: ຕັບອ່ອນ Pancreas ເປັນອະໄວຍະວະທີ່ຢູ່ໃນຊ່ວງທ້ອງ ຢູ່ກ້ອງທໍ່ຕໍ່ຂອງກະເພາະອາຫານ ( ຢູ່ລະຫວ່າງ ກະເພາະອາຫານ ແລະ ກະດູກສັນຫຼັງ ), ຕັບອ່ອນແມ່ນຈັດເປັນອະໄວຍະວະທາງເດີນອາຫານຄືກັນກັບຕັບ ( ແຕ່ຕັບອ່ອນບໍ່ແມ່ນສ່ວນໜື່ງຂອງຕັບ, ເປັນຄົນລະອະໄວຍະວະກັນ ແລະ ບໍໄດ້ມີຄວາມກ່ຽວຂ້ອງກັນ ). ຕັບອ່ອນມີລັກສະນະ ແລະຂະໜາດຄນໝາກກ້ວຍ ມີຄວາມຍາວປະມານ 6 cm, ມີເຊວ 2 ເຊວຄື :
  • ເຊວຈາກຕ່ອມມີທໍ່ Exocrine Gland  ທີ່ມີໜ້າທີ່ໃນການສ້າງງນ້ຳຍ່ອຍອາຫານ ເຊີ່ງຈະຊ່ວຍຍ່ອຍອາຫານໃນລຳໃສ້ນ້ອຍ
  • ເຊວຈາກຕ່ອມບໍ່ມີທໍ່ Endocrine Gland ທີ່ມີໜ້າທີ່ສ້າງ ຮໍໂມນ ຫຼາຍຊະນິດ ເຊັນ : ຮໍໂມນອິນຊູລິນ Insulin ທີ່ມີໜ້າທີ່ສ້າງນ້ຳຕານໃນເລືອດ ເຊີ່ງມີຄວາມສຳພັນກັບການເກີດພະຍາດເບົາຫວານ.
ຊະນິດຂອງມະເຮັງຕັບອ່ອນ
  • Neuroendocrine Tumor ແມ່ນເກີດຈາກເຊວຕ່ອມບໍ່ມີທໍ່ ເປັນຊະຮິດທີ່ພົບເຫັນໄດ້ໜ້ອຍ ( Stave Jobs ກໍເສຍຊີວິດຈາກມະເຮັງຊະນິດນີ້ ) ສ່ວຍຫຼາຍຈະມີຄວາມຮຸນແຮງຄ້ອນຂ້າງຕ່ຳ ແລະ ມີໄລຍະເວລາທີ່ດົນ
  • Adenocarcinoma ແມ່ນເກີດຈາກຕ່ອມທີ່ມີທໍ່ ມີຄວາມຮຸນແຮງສູງ ແລະ ມັກພົບເຫັນຜູ້ທີ່ເປັນພະຍາດນີ້ເຖີງ 90-95% ຂອງຜູ້ເປັນພະຍາດມະເຮັງຕັບອ່ອນ

 

ຂຽນເມື່ອ ຂຽນເມື່ອ: ມ.ນ.. 31, 2017 | ມີ 0 ຄຳເຫັນ ແລະ 0 trackback(s)
  1. ໃນນ້ຳເຕົ້າຮູ້ ມີສານອາຫານຢ່າງຫຼວງຫຼາຍ ທີ່ປະໂຫຍດຕໍ່ຮ່າງກາຍ ເຊັ່ນ ໂປຼຕິນ, ເພາະໃນນ້ຳເຕົ້າຮູ້ ມີທາດໂປຼຕິນ ສູງທຽບເທົ່າ ທີ່ພົບເຫັນໃນຊີ້ນງົວ ແລະ ນອກຈາກນີ້ ຍັງມີກົດໄຂມັນບໍ່ອີ່ມຕົວ ຫຼາຍກ່ວາ ຊີ້ນງົວ ອີກດ້ວຍ.
  2. ໃນນ້ຳເຕົ້າຮູ້ ມີສານຊະນິດໜື່ງເອີ້ນວ່າ " ໄຟໂຕຼເອສໂຕຼເຈນ " Phaytroestrogen ເຊິ່ງສານດັ່ງກ່າວນີ້ ສາມາປ້ອງກັນພະຍາດມະເຮັງເຕົ້ານົມ ໃນແມ່ຍີງ ຖ້າຫາກຮັບປະທານນ້ຳເຕົ້າຮູ້ເປັນປະຈຳກໍຍັງສາມາຊ່ວຍຫຼຸດຜ່ອນການເປັນພະຍາດກະດູກຜ່ອຍ ແລະ ຫຼຼດຜ່ອນອາກາດວິຕົກກັງວົນຂອງແມ່ຍີງໃນໄວທອງໄດ້.
  3. ນຳ້ເຕົ້າຮູ້ ສາມາດຮັບປະທານໄດ້ງ່າຍ, ສະດວກໃນການຊື້ມາຮັບປະທານ ເພາະຢູ່ແຖວບ້ານເຂົາເຮັດມາຂາຍຫຼາຍ ແລະ ທີ່ສຳຄັນ ເປັນເຄື່ອງດື່ມທີ່ມີລາຄາບໍ່ແພງ.      
                 ພີ່ນ້ອງພັນລາວ ສາມາດປະກອບຄຳຄິດເຫັນຕື່ມໄດ້ ຖ້າຫາກ ຮູ້ປະໂຫຍດ ແລະ ຂໍ້ດີ ຂອງນ້ຳເຕົ້າຮູ້ຫຼາຍກວ່ານີ້.
    wink
ຂຽນເມື່ອ ຂຽນເມື່ອ: ສ.ຫ.. 3, 2015 | ມີ 2 ຄຳເຫັນ ແລະ 0 trackback(s)

ກ່ອງດຳ ແມ່ນກ່ອງທີ່ບໍ່ແມ່ນສີດຳ ແຕ່ແມ່ກ່ອງທີ່ມີສີສົ້ມສົດໃສ, ກ່ອງດຳ ແມ່ນມີຄຸນລັກສະນະ ທີ່ທົນທານຕໍ່ການທຳລາຍ, ກັນນ້ຳ ,ກັນໄຟໄໝ້ ແລະ ຍັງສາມາດກັນການກະທົບຮຸນແຮງອີກດ້ວຍ. ກ່ອງດຳ ແມ່ນຖືກສ້າງຂື້ນຈາກວັດສະດຸ ໜາ 3 ຊັ້ນ ສ່ວນຊັ້ນໃນສຸດ ຈະມີອຸປະກອນການບັນທຶກຂໍ້ມູນ ທີ່ມີແຜ່ນອາລູມີນຽມບາງໆຫຸ້ມຫໍ່ໄວ້.

ຕາມກົດການບິນ ຍົນ ( ເຮຶອບິນ )ຈະຕ້ອງຕິດຕັ້ງກ່ອວງດຳໄວ້ 2 ກ່ອງດັ່ງນີ້:

1. Flight Data Recorder ( FDR )

ແມ່ນກ່ອງດຳທີ່ບັນທຶກຂໍ້ມູນການບິນ ເຊິ່ງຈະບັນທຶກ ສະພາວະຕ່າງໆ ຂອງເຄື່ອງບິນ ເຊັ່ນ: ເວລາ, ຄວາມໄວ, ຄວາມສູງ, ໄລຍະທາງ, ຕຳແໜ່ງຄັນບັງຄັບ ແລະອຸປະກອນທາງການບິນອື່ນໆ. ສາມາດບັນທຶກ ຂໍ້ມູນທີ່ສຳຄັນແຕ່ 11-29 ປະເພດ ຕາມຂະໜາດຂອງຍົນ ( ເຮຶອບິນ ) . FDR ຈະຖຶກຕິດຕັ້ງໄວ້ໃນສ່ວນຫົວຂອງຍົນ.

2. Cockpit Voice Recorder ( CVR )

ແມ່ນກ່ອງດຳ ທີ່ບັນທຶກສຽງສົນທະນານັກບິນ. CVR ຈະບັນທຶກສຽງທີ່ຢູ່ໃນຫ້ອງນັກບິນ; ຈະມີໄມໂຄໂຟນ ຂອງນັກບິນ ແລະ ຕິດຕັ້ງຢູ່ເທິ່ງເພດານ ລະຫວ່າງກາງບ່ອນນັ່ງຂອງນັກບິນທັງສອງ ເຊີ່ງຈະເຮັດໃຫ້ຮູ້ການສົນທະນາຂອງນັກບິນ ວ່າມີເກີດເລື່ອງຫຍັງຂື້ນ. CVR ແມ່ນຕິດຕັ້ງໄວ້ທາງຫາງຍົນ.

ດັ່ງນັ້ນ ເວລາຍົນ (​ ເຮຶອບິນ ) ຂັດຂ້ອງ ຫຼື ເກີດອຸບັດຕິເຫດກໍ່ຕ້ອງຫາກ່ອງດຳໃຫ້ພົບ ເພາະກ່ອງດຳປຽບເປັນກະແຈສຳຄັນ ທີ່ໄຂປິດສະໜາກັບເຫດການທີ່ເກີດຂື້ນ.

ຂຽນເມື່ອ ຂຽນເມື່ອ: ມ.ສ.. 2, 2015 | ມີ 2 ຄຳເຫັນ ແລະ 0 trackback(s)

ນ້ຳ​ແຮ່ ​ແມ່​ນນ້ຳບາ​ດານ ທີ່​ໄດ້​ມາ​ຈາກ​ແຫລ່ງ ທຳ​ມະ​ຊາດ ​ເຊັ່ນ:​ ນ້ຳພຸ ທຳ​ມະຊາດ, ນ້ຳພຸ​ຮ້ອນ… ​ເຊິ່ງ​ໃນ​ນ້ຳ​ດັ່ງ​ກ່າວ ຈະ​ປະກອບ​ມີ​ແຮ່​ທາດ​ປົນ​ຢູ່​ນຳ​ໂດຍ​ທຳມະ​ຊາດ. ​ໂດຍ​ທົ່ວ​ໄປ ນ້ຳ​ແຮ່ ຈະ​ມີ ​ແຮ່​ທາດ ທຳ​ມະ​ຊາດ 5 ຊະນິດ​ຄື:

  • ​ແຄລຊ່ຽມ.
  • ​ໂຊດຽມ.
  • ​ແມັກ​ນີຊ່ຽມ.
  • ​ໂຟທັດ​ຊ່ຽມ.
  • ກຳ​ມະ​ທັນ.

ນອກຈາກ​ນີ້ ນ້ຳ​ແຮ່​ໃນ​ແຕ່ລະ​ພື້ນ​ທີ່ ຈະ​ມີຣົດຊາດ​ທີ່​ແຕກ​ຕ່າງ​ກັນ ຍ້ອນ​ວ່າ​ໃນ​ບໍລິ​ເວນທີ່​ມີ​ນ້ຳ​ແຮ່​ນັ້ນ ຈະ​ມີ​ປະລິ​ມານ​​ແຮ່​ທາດ ນ້ອຍຫລາຍ ຕ່າງ​ກັນ ​, ຖ້າ​ຫາກ​ນ້ຳ​ແຮ່​ມີ​ຣົດ​ເຄັມ ກໍ​ເພາະວ່າ ມີ​ໂຊດຽມ​ຫລາຍ​ກ່ວາ​ທາດ​ອື່ນ.

ຂຽນເມື່ອ ຂຽນເມື່ອ: ກ.ຍ.. 22, 2014 | ມີ 1 ຄຳເຫັນ ແລະ 0 trackback(s)

    ເນື້ອງອກມົດລູກ

ແມ່ນເນື້ອງອກທີ່ເກີດຂື້ນໃນຕົວມົດລູກ ເຊິ່ງເປັນເນື້ອທີ່ປົ່ງອອກມາ ປພເພດທຳມະດາ ບໍ່ແມ່ນມະເຮັງ, ສ່ວນຫຼາຍແມ່ນເກີດກັບແມ່ຍິງໄວຈະເລີນພັນ ອາດຈະພົບເຫັນຢູ່ບ່ອນໃດ ບ່ອນໜື່ງ ຂອງມົດລູກ, ຈະມີຂະໜາດທີ່ຕ່າງກັນໄປ ເຊິ່ງອາດຈະເປັນກ້ອນດຽວ ຫຼື ຫຼາຍກ້ອນ ບາງຊະນິດອາດຈະໃຫຍ່ໄວ ແລະ ບາງຊະນິດອາດຈະໃຫຍ່ຊ້າ.

  •    ຖ້າແມ່ນເນື້ອງງອກກ້ອນນ້ອຍ ຄົນເຈັບຈະບໍ່ມີອາການຜິດປົກກະຕິໃດໆ ແລະ ອາດຈະພົບໂດຍບັງເອີນ  ເມື່ອເວລາໄປກວດສຸຂະພາບ ຫຼື ປຶກສານາຍໝໍດ້ວບບັນຫາອື່ນ ແລະ ກໍບໍ່ຈຳເປັນທີ່ຈະຕ້ອງຮັກສາ.
  •    ຖ້າແມ່ນເນື້ອງອກທີ່ມີຂະໜາດໃຫຍ່ ຄົນເຈັບຈະມີອາການຜິດປົກກະຕິ ເຊັ່ນ: ເຈັບທ້ອງ, ເລຶອດອອກ, ລະບົບປັດສະວະອັກເສບຊ່ຳເຮື້ອ. ກໍລະນີນີ້ ຄວນໄດ້ຮັບການປີ່ນປົວຮັກສາ ໂດຍວິທີກິນຢາ ຫຼື ວິທີຜ່າຕັດອອກ ຫຼື ອາດຈະໃສ່ທັງສອງວິທີ.

ຊື່ພາສາລາວ : ເນື້ອງອກມົດລູກ

ຊື່ພາສາອັງກິດ : Uterine fibroids, Myoma Uteri, Fibromyomas, Leiomyomas

       ( ຕິດຕາມຕອນຕໍ່ໄປ )

ຂຽນເມື່ອ ຂຽນເມື່ອ: ມິ.ຖ.. 3, 2014 | ມີ 8 ຄຳເຫັນ ແລະ 0 trackback(s)
ໜວດໝູ່: ທັມມະ

             ເມື່ອຊາວອິນເດຍບູຮານແຫງນເບີ່ງປ່າ ພວກເຂົາສາມາດ ບອກໄດ້ວ່າ ໃບໄມ້ໃບໃດ ກຳລັງຈະຫຼົ່ນອອກຈາກຕົ້ນ; ຍ້ອນໃບໄມ້ເປັນສີເຫຼື່ອງ, ສີສົ້ມ ຫຼື ສີນ້ຳຕານ.

     ຍ້ອນເຫດນີ້ເອງ ໃນປະເທດອິນເດຍ ສີເຫຼືອງ ຈີ່ງເປັນສີຂອງເນກຂຳມະ (ເນກຂັມມະ = ສັນຍາລັກຂອງການອອກບວດ ). ຜ້າຄຸມຂອງພຣະສົງ ແລະ ພິກຂຸນີ  ຈື່ງເປັນສີເຫຼືອງ ເພື່ອວ່າພວກເຂົາຈະສາມາດປະພຶດຕົນ ເປັນສີ່ງເຕືອນໃຈຢູ່ເລື້ອງໆ ກ່ຽວກັບ ຄວາມສຳຄັນ ຂອງການບໍ່ຍຶດໝັ້ນ ຖືໝັ້ນ, ການປ່ອຍວາງ ແລະ ການເສຍສະຫຼະ

 

 

ຂຽນໂດຍ : Ven.S.Dhammika

ແປໂດຍ : ພຣະ ໄຊຍະເດດ ວົງໂສພາ

ບັນນາທິການພາສາລາວໂດຍ : ດຣ. ທອງຄຳ ອ່ອນມະນີສອນ

ຂຽນເມື່ອ ຂຽນເມື່ອ: ພ.ພ.. 23, 2014 | ມີ 1 ຄຳເຫັນ ແລະ 0 trackback(s)

ປະຈຸບັນ ກາເຝ ທີ່ນິຍົມປູກໃນໂລກ ແມ່ນມີ 02 ສາຍພັນ:

 

ພັນ ໂລບັສຕ້າ ROBUSTA ແລະ ພັນ ອາລາບິກ້າ ARABICA

  • ພັນ ROBUSTA ເປັນກາເຝ ທີ່ມີຕົ້ນກຳເນີດ ທີ່ ຄອງໂກ້ ທະວີບ ອາຟຣິກາ. ແມ່ນກາເຝ ທີ່ປູກງ່າຍ ຕາຍຍາກ ຍ້ອນວ່າ ມີຄວາມຕ້ານທານສູງ ແຕ່ເມັດກາເຝ ມີຄຸນະພາບຕ່ຳກວ່າ ARABICA ແລະ ຄວາມຫອມມີໜ້ອຍ ເຊີ່ງເຮັດໃຫ້ມີລາຄາບໍ່ສູງ ພ້ອມກັນນັ້ນ ROBUSTA ຍັງມີສານ ຄາເຝອິນ ສູງກວ່າ ARABICA 01 ເທົ່າ.

 

  • ພັນ ອາລາບິກ້າ ARABICA ເປັນກາເຝ່ທີ່ມີ ຕົ້ນກຳເນີດ ທີ່ປະເທດ ເອທິໂອເປຍ. ສ່ວນຫຼາຍແມ່ນນິຍົມປູກ ໃນປະເທດ ອິນໂດເນເຊຍ, ອາຟຣິກາຕາເວັນອອກ ແລະ ອາຟຣິກາໃຕ້. ARABICA ແມ່ນມີລົດຊາດ ລະມຸນລະໄມ, ຊຸ່ມຄໍ ແລະ ມີກິ່ນ ທີ່ຫອມຫວນ. ກາເຝ ສາຍພັນ ນີ້ຕ້ອງປູກຕາມພູສຸງ ສະເລ່ຍ 3.000-5.000 ຟຣຸດ ຄວາມສູງຈາກໜ້ານ້ຳທະເລ. ຖ້າຫາກປູກໃນພືນທີ່ທີຕ່ຳກວ່ານີ້ ແມ່ນຈະໄດ້ຮັບປະລິມານນ້ຳຝົນບໍ່ພຽງພໍ ກໍຈະສົ່ງຜົນໃຫ້ ຜົນຜະລິດມີຄຸນະພາບຕ່ຳ.
ຂຽນເມື່ອ ຂຽນເມື່ອ: ພ.ພ.. 22, 2014 | ມີ 3 ຄຳເຫັນ ແລະ 0 trackback(s)

              ລາຍຮັບງົບປະມານແຫ່ງລັດ ປະກອບດ້ວຍ ລາຍຮັບປົກກະຕິ ແລະ ລາຍຮັບຈາກຊັບສິນຂອງລັດ

  1. ລາຍຮັບປົກກະຕິ ແມ່ນລາຍຮັບທີ່ໄດ້ຈາກ:
  • ພາສີ, ສ່ວຍສາອາກອນ ແລະ ຄ່າທຳນຽມທຸກປະເພດ
  • ຄ່າທຳນຽມຂອງການບໍລິການ ຂອງອົງການບໍລິຫານ - ວິຊາການຂອງລັດ
  • ທຸກການປັບໃໝ ແລະ ການຂາຍຊັບ ຫຼື ສິນຄ້າທີ່ຖືກຍຶດ ແລະ ຮິບ
  • ລາຍໄດ້ຈາກການໃຫ້ເຊົ່າທີ່ດິນ, ເຮືອນ ແລະ ຊັບອື່ນໆຂອງລັດ
  • ລາຍໄດ້ຈາກາກເກັບດອກເບ້ຍ ແລະ ຄ່າບໍລິການເງິນກູ້, ຈາກສ່ວນແບ່ງປັນຜົນກຳໄລນຳວິສະຫະກິດຂອງລັດ ຫຼື ນຳບໍລິສັດທີ່ລັດໄດ້ຮ່ວມທຶນ
  • ລາຍຮັບຈາກການປະກອບສ່ວນຂອງປະຊາຊົນ, ຈາການຊ່ວຍເຫຼືອຂອງຕ່າງປະເທດ ໂດຍບໍ່ມີຜົນທົດແທນຄືນ
  • ລາຍຮັບອື່ນໆ

     2.  ລາຍຮັບຈາກຊັຍສິນຂອງລັດ ແມ່ນລາຍຮັບທີ່ໄດ້ມາຈາກ:

         .  ການທົດແທນຕົ້ນທຶນເງິນກູ້ ແລະ ຊັບອື່ນໆ

         .  ການຂາຍຊັບ, ທຶນ ແລະ ຮຸ້ນຂອງລັດ

 

 

( ຄັດຈາກ ກົດໝາຍວ່າດ້ວຍງົບປະມານແຫ່ງລັດ ເລກທີ 05/94/ສພຊ , 18/07/1994

 

 

ຂຽນເມື່ອ ຂຽນເມື່ອ: ມິ.ຖ.. 28, 2012 | ມີ 12 ຄຳເຫັນ ແລະ 0 trackback(s)

               ສຳລັບຜູ້ທີ່ຕ້ອງການ ໝາກແອບເປີ້ນ ທີ່ມີສີເປັນຕາແຊບ ບໍ່ດຳຊ້ຳ ຄືກັນກັບຕອນປອກໃໝ່ ນັ້ນມີວິທີດັ່ງນີ້:

  •    ວິທີທຳອິດ.

             ໃຫ້ປອກໝາກແອບເປີ້ນແຊ່ນ້ຳເກືອ ,           ເກຶອ 1 ບ່ວງກາເຝ ແລະ ນ້ຳ 1 ລິດ.

  • ວິທີທີ່ສອງ

          ໃຫ້ປອກໝາກແອບເປີ້ນແຊ່ນ້ຳໝາກນາວ,          ນ້ຳໝາກນາວ 1 ບ່ວງກາເຝ ແລະ ນ້ຳ 1 ລິດ.

             ຫຼັງຈາກນັ້ນ ເອົາໝາກແອບເປີ້ນ ທີ່ບອກ ຈາກ ວິທີໜື່ງໃນ ສອງທີ່ບອກກ່ອນໜ້ານີ້  ໄປລ້າງນຳອີກເທື່ອໜື່ງ ຈົນສະເດັດນ້ຳ ສຸດທ້າຍແມ່ນເອົາໃສ່ກ້ອງ ຫຼື ກັບ ແຊ່ເຢັນໄວ້.

ຂຽນເມື່ອ ຂຽນເມື່ອ: ມິ.ຖ.. 21, 2012 | ມີ 5 ຄຳເຫັນ ແລະ 0 trackback(s)

ເມັດຊາຍເກີດມາຈາກໃສ?


                 ເມັດຊາຍໃນທະເລ ແມ່ນມາຈາກກ້ອນຫີນໃນທະເລຊາ ຍ້ອນວ່າໃນທະເລຊາຍມີລັກສະນະພິເສດທາງດ້ານອຸ່ນຫະພູມ ເພາະຈະມີການປ່ຽນແປງຂອງອຸນຫະພູມ ນຕອນກາງເວັນອາກາດຈະຮ້ອນຫຼາຍ ແລະ ໃນຕອນກາງຄືນອາກາດຈະເຢັນທີ່ສຸດ


              ດັ່ງນັ້ນ ໃນຕອນກາງເວັນກ້ອນຫີນຈະຂະຫຍາຍຕົວ ສ່ວນຕອນກາງຄືນຈະຫົດຕົວ ຈະເປັນແບບນີ້ທຸກໆມື້ ຈື່ງເຮັດໃຫ້ກ້ອນຫີນມີການແຍກຕົວເປັນຕອນນ້ອຍໆ ຈົນກາຍເປັນເມັດດິນຊາຍ ແລະ ໃນທີ່ສຸດກໍ່ຈະກາຍເປັນດິນ


ຂອບໃຈ.
 ຈາກປື້ມ ທໍລະນີສາດ ປະເທດ ຝັ່ຣງ

ຂຽນເມື່ອ ຂຽນເມື່ອ: ກ.ລ.. 7, 2011 | ມີ 16 ຄຳເຫັນ ແລະ 0 trackback(s)
ໜວດໝູ່: ຄວາມຮັກ

ເຄີຍບໍ່... ນັ່ງອົມຍີ້ມໃນເວລາທີ່ຄິດຮອດພາບຂອງ '' ຄວາມຮັກຄັ້ງແລກ" ທີ່ບໍ່ວ່າເວລາຈະຜ່ານມານານແສນນານເທົ່າໃດ ກໍລືມບໍ່ລົງ ແລະ ບໍ່ວ່າຈະຂົບລົງດ້ວຍຮອຍຍີ້ມ ຫຼື ນ້ຳຕາ ກໍ່ບໍ່ສາມາດ Delete ອອກໄປຈາກໃຈໄດ້ເລີຍ.

ຫຼືເປັນເພາະວ່າ '' ຄວາມຮັກຄັ້ງແລກ" ແມ່ນຄວາມຮູ້ສຶກ ທີ່ເຮັດໃຫ້ເຮົາຫົວຍີ້ມ ມີຄວາມສຸກ ຮ້ອງໄຫ້ ( ບໍ່ໄດ້ໄຫ້ລ້າໆ ມີຮ້ອງພ້ອມ ) ເສຍໃຈ ໄປພ້ອມໆກັນ ( ໃກ້ຈະເປັນບ້າຍ້ອນ...) ທີ່ສຳຄັນມັນແມ່ນຄວາມຮູ້ສຶກແປກໃໝ່ທີ່ເກີດຂື້ນກັບຫົວໃຈ ເຮັດໃຫ້ຫົວໃຈເຕັ້ນແຮງ ຫັ່ວໄຫວ ເຝົ້າລໍຄອຍ...

ເຊື່ອວ່າອາດມີຫຼາຍໆຄົນ ເມື່ອໃຫຍ່ຂື້ນມາ ເມື່ອມີປະສົບການຫຼາຍຂື້ນ ຮຽນຮູ້ສີ່ງໃໝ່ໆ ຫຼາຍກ່ວາເກົ່າ ກໍ່ຢາກກັບໄປແກ້ໄຂ '' ຄວາມຮັກຄັ້ງແລກ" ໃຫ້ດີກ່ວາເກົ່າ.

ເປັນຍ້ອນຫຍັງ ? ກໍຍ້ອນມັນແມ່ນ '' ຄວາມຮັກຄັ້ງແລກ" ຈະເຮັດຫຍັງ ກໍຄາດຫວັງໄປໝົດ...

ຂົນກາຍເປັນສະນວນໃຫ້ຄວາມຮັກນັ້ນ '' ຈົບລົງ'' ແລະເມື່ອຜິດຫວັງ ກໍເຈັບຝັງເລິກໃນໃຈ ເພາະບ”ໄດ້ເຜື່ອພື້ນທີ່ໃນໃຈໃຫ້ກັບ '' ຄວາມຜຶດຫັວງ'' ທີ່ເຮົາບໍ່ເຄີຍພົບມາກ່ອນ ຂົນເກັບຮູ້ສືກໄວ້ໃນຄວາມຊົງຈຳແບບບໍ່ມີມື້ລຶມ.

ຈົ່ງຢ່າລືມເວລາທຳໃຈຂອງຄົນເຮົາມັນຕ່າງກັນ ທາງທີ່ດີເຮົາຄວນປ່ອຍໃຫ້ '' ຄວາມຮັກຄັ້ງແລກ" ຄືຄວາມຊົງຈຳດີໆ ທີ່ຫວນຄີດຫາຂື້ນມາເທື່ອໃດ ແລ້ວປະກາຍຄວາມສຸກຈະໄລ່ຕາມມາສະເໝີ ແຕ່ຢ່ານຳເອົາໄປທຳຮ້າຍໃຫ້ກັບ ''ຄວາມຮັກຄັ້ງໃໝ່.

 ຫັ້ນແນ່! ກຳລັງລັກຄິດຮອດ ''ຄວາມຮັກຄັ້ງແລກ'' ຢູ່ແມ່ນບໍ່? 

ຂຽນເມື່ອ ຂຽນເມື່ອ: ກ.ລ.. 6, 2011 | ມີ 7 ຄຳເຫັນ ແລະ 0 trackback(s)
ໜວດໝູ່: ວິທະຍາສາດ

ນີ້ແມ່ນເລື່ອງຈີງທີ່ເກີດຂື້ນກັບເດັກນ້ອຍເກີດໃໝ່ເກືອບໝົດທຸກຄົນ ເພາະມັນແມ່ນຄວາມຮອບຄອບຂອງທຳມະຊາດ ທຳມະຊາດຮູ້ດີວ່າເດັກນ້ອຍເກີດໃໝ່ສ່ວນຫຼາຍແມ່ນດື່ມນ້ຳນົມແມ່ ສະນັ້ນ ຕ້ອງບໍ່ມີແຂ້ວເກີດພ້ອມກັບເດັກ ດ້ວຍສາເຫດ 2 ຢ່າງດັ່ງນີ້:

ປະການທຳອິດ ເມື່ອບໍ່ມີແຂ້ວ ມີແຕ່ໃຊ້ເຫືອກເທົ່ານັ້ນ ກັດນົມແມ່ໃນເວລາດື່ມນົມ ຈະບໍ່ເຈັບຫຼາຍຕືກັບຕອນຖືກແຂ້ວກັດ.

ປະການທີສຸດທ້າຍ ຖ້າຫາກລູກກັດນົມແມ່ຕະຫຼອດໃນເວລາດື່ມນົມ ແມ່ຈະເຈັບ ແລະ ແມ່ອາດຈະບໍ່ໃຫ້ລູກດື່ມນົມອີກ.

ແຕ່ມີບາງກໍລະນີ ທີ່ເດັກນ້ອຍເກີດມາພ້ອມກັບແຂ້ວກະຕ່າຍ ຢ່າງໜ້ອຍ 1 - 2 ເຫຼັ້ມ ໂດຍກໍລະນີນີ້ ຂະເກີດຂື້ນປະມານ 1 ຄົນ / 2.000 ຄົນ.

ແຕ່ກໍເປັນເລື່ອງທີ່ແປກ ເພາະຄົນດັງໃນໂລກ ເຊັ່ນ: ຈູເລຍ ລີຊາສ, ຫັນນີໂບສ, ຊາກເລີມານ, ນະໂປລຽນ, ມູດສະລີນີ ແລະ ຮິດເລີ ເກີດອອກຈາກທ້ອງແມ່ພ້ອມກັບແຂ້ວ ທີ່ໄດ້ຮັບການພັດທະນາແຕ່ຢູ່ໃນທ້ອງ 1 ເຫຼັ້ມ.

ຈື່ງມີຄຳຖາມວ່າ ແມ່ຂອງພວກເຂົາຕ້ອງເຈັບປວດທຸກຄັ້ງ ທີ່ລູກດູດນົມ ຈື່ງເປັນສາເຫດໃຫ້ເກີດການຕອບສະໜອງຄວາມຕ້ອງການຂອງລູກໃນທາງລົບ ເຖິງຂັ້ນປະຕິເສດທີ່ຈະໃຫ້ນົມລູກ ຫຼື ຄວາມຮັກ ຄວາມອົບອຸ່ນ ຫຼື ບໍ່? ສົ່ງຜົນໃຫ້ລູກຊົດເຊີຍສີ່ງທີ່ຂາດຫາຍໄປໃນໄວເດັກ ໂດຍການສະແຫວງຫາອຳນາດໃນການເປັນຜູ້ນຳໂລກໃນເວລາຕໍ່ມາ

ຄີດແບບຕະຫຼົກ

ຂຽນເມື່ອ ຂຽນເມື່ອ: ກ.ລ.. 5, 2011 | ມີ 6 ຄຳເຫັນ ແລະ 0 trackback(s)

ການລວກເສັ້ນສະປາເກັດຕີ້ ຈະວ່າງ່າຍ ກໍບໍ່ງ່າຍ ຍາກກໍບໍ່ຍາກ ເພາະບາງຄັ້ງລວກບໍ່ພໍດີ ເສັ້ນອາດຈະແຂງ ຫຼື ອາດຈະເລາະ ເຊີ່ງຈະເຮັດໃຫ້ເສັ້ນສະປາເກັດຕີ້ບໍ່ແຊບ. ການຈະລວກເສັ້ນສະປາເກັດຕີ້ໃຫ້ແຊບ ແມ່ນຕ້ອງເລີ່ມຈາກການໃສ່ເກືອລົງໄປໃນນຳລວກເສັ້ນເລັກນ້ອຍ, ເມື່ອນ້ຳົດແລ້ວຈື່ງເອົາເສັ້ນສະປາເກັດຕີ້ລົງຕົ້ມຈົນເສັ້ນອ່ອນໂຕລົງ ແລ້ວຕັກອອກໄປແຊ່ໃສ່ນ້ຳເຢັນທັນທີ ເມື່ອເສັ້ນສະປາເກັດຕີ້ເຢັນແລ້ວ ຈື່ງຕັກຂື້ນໃຫ້ສະເດັດນ້ຳ ຕໍ່ມາແມ່ນນ້ຳມັນຢອດລົງໃສ່ນ້ອຍໜື່ງແລ້ວຄົນ ສຸດທ້າຍກໍ່ເອົາໄປປຸງລົດຊາດໄດ້ຕາມໃຈ....



Tamsang.com 5tutor.net