ເພງ : ໃຜມີໃຈຮັກແທ້

ປະພັນໂດຍ : ອາຈາຣຍ໌ ສ.ແສງສິຣິວັນ

ຂັບຮ້ອງໂດຍ​ : ທ່ານ ຄຳເຕີມ ຊານຸບານ

    I. ໃຜມີຫົວໃຈ     ຊື່ຕຣົງຮັກແທ້    

     ໃຜຮັກແນ່ວແນ່     ບອກມາເຖີດໜາ

          ຈະເອົາຫົວໃຈໄປຝາກ      ຈະເອົາຄວາມຮັກແລະຊີວາ

ມອບແດ່ຂວັນຕາ       ຜູ້ມີຮັກດຽວ

  II. ຣຶທັຍອ້າຍເຄີຍ       ຂື່ນຂົມຊ້ຳຊອກ

ດ້ວຍຮັກລວງຫຼອກ     ຈາກຍິງໃຈລ້ຽວ

          ບາດແຜຫົວໃຈຍັງຢູ່       ຢາກມີຍອດຊູ້ຜູ້ໃຈດຽວ

ຮັກແທ້ໝັ້ນໜຽວ       ເພື່ອປົວຫົວໃຈ

R. ຈຶ່ງ..ຮ້ອງເພງນີ້ຊອກຫາ     ແມ້ນຍິງໃດເມຕຕາ

ສົ່ງຍິ້ມມາ           ໜ້ອຍດຽວກໍໄດ້

             ຈະຝັນເຖິງນາງ           ຈະຮັກແຕ່ນາງຜູ້ດຽວເລື້ອ້ຍໄປ

ເຖິງຢູ່ຂອບຟ້າແດນໃດ     ໃກ້ຫຼືໄກຈະໄປສືບຫາ.....

III. ຍາກຈົນກໍຕາມ     ບໍ່ງາມຊ່າງເຖີດ

ຮັກນ້ອງຈົ່ງເກີດ     ຈາກໃຈເຖີດໜາ

ຢ່າຝືນຫົວໃຈເພື່ອຫຼອກ     ເມື່ອບອກວ່າຮັກຢ່າລືມ

ຮັກແລ້ວຢ່າພາ      ອຸຣາອ້າຍຕຣົມ..

http://www.youtube.com/watch?v=FGIRDcDIgHo  <<< ຕົ້ນຕຳຣັບຈາກ ຄຳເຕີມ ຊານຸບານ

www.youtube.com/watch <<< ເວີຊັ່ນຂອງ ອູ່ແກ້ວ ໄຊຍະວົງ