ຄໍາສາລະພາບຕໍ່ໄປນີ້ເປັນຂອງສະມາຊິກພັນລາວທັງໝົດ4ຄົນທີ່ໄດ້ສົນທະນາກັນ
ແລະ ຕົກລົງນໍາເອົາມາບອກເຫຼົ່າໃຫ້ຊາວພັນລາວນໍາກັນໄດ້ຮູ້ຢ່າງໝົດເປືອກ
ແລະ ບໍ່ມີຄວາມອາຍ ທັງໝົດມີ4ເລື່ອງ ແລະ 4ຄົນປະກອບໄປດ້ວຍຊາຍ 3 ຍິງ 1
ເຊິ່ງເລື່ອງດັ່ງກ່າວເປັນຄວາມຈິງທີ່ເກີດຂຶ້ນ ດັ່ງນັ້ນຈົ່ງອ່ານດ້ວຍມີສະຕິ ແລະ
ອ່ານໃຫ້ເປັນປະໂຫຍດເພື່ອເປັນອຸດທາຫອນໃນການໃຊ້ຊີວິດ.
( ຄໍສາລະພາບທີສອງ " ສິ່ງທີ່ເຫັນ ກັບສິ່ງທີ່ຂ້ອຍເປັນ " )
ສະບາຍດີສະມາຊິກພັນລາວທຸກໆຄົນສໍາລັບຄົນທີ່ກໍາລັງອ່ານຢູ່ ຂ້ອຍເປັນຜູ້ຊາຍຄົນໜຶ່ງທີ່ມີຄວາມຫຼັງທີ່ບໍ່ຄ່ອຍດີເທົ່າໃດ
ຂ້ອຍລົມກັນກັບເຈົ້າຂອງໂປຟາຍນີ້ ແລະ ຕົກລົງທີ່ຈະໃຊ້ພື້ນທີ່ຂອງລາວເປັນບ່ອນລະບາຍ ເລື່ອງທີ່ຈະເອົາມາເລົ່າມັນອາດເປັນ
ເລື່ອງໜ້າອາຍຫຼາຍກ່ວາທີ່ຈະເອີ້ນວ່າມັນເປັນຄວາມຊົ່ວແຕ່ຄືສິບໍ່ມີຫຍັງເປັນຕາໜ້າອາຍທີ່ຈະເລົ່າເພາະຂ້ອຍໄດ້ຜ່ານຈຸດສຸດຂີດ
ຄວາມໜ້າອັບອາຍນັ້ນມາແລ້ວ ແລະ ຂ້ອຍນໍາມາເລົ່າເພາະຄິດວ່າມັນຄືສິມີປະໂຫຍດບໍ່ຫຼາຍກໍ່ໜ້ອຍໃຫ້ກັບຄົນທີ່ຄິດຈະເລືອກຄູ່ຮັກ
ເພາະເຈົ້າອາດຈະບໍ່ຮູ້ວ່າຄົນທີ່ເຈົ້າເລືອກທີ່ຈະຢູ່ນໍາຕະຫຼອດຊີວິດນັ້ນມື້ໜຶ່ງເຂົາຈະກາຍເປັນສິ່ງໃດ ! ລອງອ່ານແລ້ວສໍານຶກພາບໄປ
ກັບຂ້ອຍເດີ້.
ເລື່ອງມັນຜ່ານມາໄດ້ 3 ປີແລ້ວ ຂ້ອຍກໍາລັງຈະແຕ່ງງານ ຄໍາວ່າແຕ່ງງານມັນກໍ່ໝາຍເຖິງການເຂົ້າພິທີສູ່ຂັວນ, ງານລ້ຽງສະຫຼອງການຟ້ອນລໍາວົງ
ແລະ ແຂກຄົນຈໍານວນຫຼວງຫຼາຍທີ່ຈະລັງໄຫຼເຂົ້າມາເປັນສັກຄີພະຍານໃຫ້ແກ່ຄູ່ບ່າວສາວ ຊ່າງເປັນພາບທີ່ໜ້າສວຍງາມ ແຕ່ສໍາລັບເຈົ້າຂອງງານມັນ
ຊ່າງເປັນຄວາມສັບສົນວຸ້ນວາຍເຫຼືອເກີນຂັ້ນຕອນການກຽມງານນັບຕັ້ງແຕ່ການສູ່ຂໍຈົນຮອດມື້ງານ ແລະ ສຸດທ້າຍກໍ່ຄືການນັ່ງແຍ່ງແວ່ນຕາມດ້ວຍແຂນ
ກາຍໜ້າຜາກຕອນນອນພ້ອມຄໍາຖາມທີ່ວ່າ “ ແມ່ນແລ້ວຫຼືຍັງ ? ຄົນນີ້ຫວາທີ່ເຮົາຈະໃຊ້ຊີວິດຢູ່ນໍາໄປຮອດມື້ຕາຍ ເຮົາສິມີຄວາມສຸກບໍ່ ?
ເຂົາເດ້ສິມີຄວາມສຸກບໍ່ ? “ ຂ້ອຍບໍ່ຮູ້ວ່າເຈົ້າບ່າວຄົນອື່ນຄິດຫຼາຍຄືຂ້ອຍບໍ່ແຕ່ວ່າຂ້ອຍຄິດ.
ກ່ອນວັນງານພຽງໜຶ່ງເດືອນທຸກໆຢ່າງເບິ່ງຄືວ່າສິບໍ່ຄ່ອຍພ້ອມເທົ່າໃດ ບັດເຊີນສັ່ງພຶມ 500 ໃບກັບພັນຕະຄານທີ່ທັງສອງຝ່າຍຕົກລົງສັ່ງຈອງໄວ້
ເປັນເດືອນໆ ຂ້ອຍເຫັນຊ່ອງບັດເຊີນແລ້ວຈັບມັນຂຶ້ນມາເປີດອ່ານວົນໄປວົນມາເຫັນຊື່ຂອງຕົນເອງຢູ່ທາງໃນຫັ້ນຍາມໃດກະຍັງຕົກໃຈວາບໆຢູ່ໃນຫົວໃຈ
ຂ້ອຍຫັ້ນໜ້າໄປຫາວ່າທີ່ເຈົ້າສາວຂອງຂ້ອຍ ແລະ ຖາມຄໍາຖາມຊໍ້າໆສະເໝີວ່າ “ ເຈົ້າແນ່ໃຈລະຫວາທີ່ຈະຢູ່ນໍາຂ້ອຍ ? “ ລາວກໍ່ຍິ້ມແລະຕອບວ່າ
“ ຂ້ອຍບໍ່ເຄີຍແນ່ໃຈໃນອີ່ຫຍັງດອກຂ້ອຍສິເຮັດຫຍັງຂ້ອຍເຮັດໂລດເມື່ອເຮັດແລ້ວມີຄວາມສຸກກັບສິ່ງທີ່ເຮັດມັນຫາກສິກາຍເປັນຄວາມ
ໝັ້ນໃຈເອງດອກ “ ຍ້ອນລາວເປັນຄົນແບບນີ້ລະຂ້ອຍຈຶ່ງຮູ້ສຶກມັກລາວມາຕັ້ງແຕ່ຕົ້ນທີ່ໄດ້ພົບກັນ.
ນັບເວລາຖອຍຫຼັງໃກ້ຮອດວັນງານບັດເຊີນຖືກທະຍ່ອຍຢາຍອອກໄປເທື່ອລະໜ້ອຍ ແລະ ສອງອາທິດກ່ອນວັນງານຂ້ອຍຂໍອະນຸຍາດເຈົ້າສາວໄປສະ
ຫຼອງສະຫຼະໂສດກັບໝູ່ຂອງຂ້ອຍທີ່ຮ້ານອາຫານຂອບໃຈເດີ້ ! ພໍແຕ່ເຂົ້າໄປນັ່ງເຫຼົ້າຂອດໃຫ່ຍກໍ່ໝົດພາຍໃນເວລາບໍ່ເຖິ່ງເຄິ່ງຊົ່ວໂມງກັບບົດສົນທະນາ
ເລື່ອງສະໄໝເກົ່າໆທີ່ເລົ່າຍາມໃດກໍ່ສ້າງຮອຍຍິ້ມໃຫ້ບັນດາໝູ່ເພື່ອນໃນວົງເທື່ອນັ້ນ ! ມື້ນີ້ຂ້ອຍຮູ້ສຶກມ່ວນຫຼາຍ ແລະ ກໍ່ເມົາຫຼາຍເຖິງເວລາແກ່ການ
ສະຫຼາຍກຸ່ມແລ້ວ ກ່ອນຂ້ອຍຍ່າງຂຶ້ນລົດໝູ່ທີ່ສະໜິດທີ່ສຸດໃນກຸ່ມຂອງຂ້ອຍຍ່າງເຂົ້າມາຫາຂ້ອຍແລ້ວເວົ້າກັບຂ້ອຍວ່າ “ ໂຕແນ່ໃຈແລ້ວຫວາ
ສ່ຽວທີ່ໂຕຈະແຕ່ງງານ ? ໂຕພ້ອມເທົ່າໃດແລ້ວ ? ມັນເປັນທັງຊີວິດເລີຍໄດ່ ! ແລະກໍ່ບໍ່ແມ່ນຊີວິດໂຕຄົນດຽວອີກ ! ເຮົາເປັນສ່ຽວ
ໂຕມາຕັ້ງແຕ່ໃດແລ້ວເຮົາກ້າເວົ້າໄດ້ເລີຍວ່າບໍ່ມີໃຜໃນບັນດາໝູ່ເຮົາຮູ້ຈັກໂຕດີໄປກ່ວາເຮົາດອກ ! “ ຂ້ອຍໄດ້ຍິນຄໍາເວົ້ານັ້ນກັບສາຍ
ຕາຂອງມັນຂ້ອຍກໍ່ເຂົ້າໃຈດີວ່າມັນໝາຍເຖິງສິ່ງໃດຂ້ອຍບອກມັນວ່າ :” ມັນບໍ່ທັນແລ້ວລະສ່ຽວເຮົາບໍ່ມີສິດເລືອກທາງອື່ນແລ້ວ
ໂຕເມົາແລ້ວກັບບ້ານໄປນອນສາ ! " ຂ້ອຍຂັບລົດກັບບ້ານພ້ອມຄໍາຖາມພວກນັ້ນດ້ວຍຄວາມຫົດຫູໃນຫົວໃຈ ແລະ ກໍ່ພະຍາຍາມຄິດໃນໃຈ
ໄວ້ວ່າເຮົາມີຄວາມສຸກທີ່ຈະແຕ່ງງານ, ກັບຮອດບ້ານແລ້ວ ແລະ ກໍ່ເມົາຈົນສິຍ່າງຂຶ້ນຂັ້ນໄດຫ້ອງບໍ່ໄຫວແລ້ວ ຂ້ອຍຈັບໂທລະສັບຂຶ້ນມາກົດໄປຫາ
ວ່າທີ່ເຈົ້າສາວຂອງຂ້ອຍແລ້ວກໍ່ເລີ່ມເວົ້າສິ່ງຕ່າງໆນາໆທີ່ໂງ່ໆພ້ອມກັບນໍ້າຕາທີ່ໄຫຼລົງແບບບໍ່ຮູ້ສຶກໂຕ ແລະຂ້ອຍກໍ່ຫຼັບໄປຍາມໃດກໍ່ບໍ່ຮູ້ ?
ຕື່ນເຊົ້າຂຶ້ນມາສຽງແມ່ຂອງຂ້ອຍເຄາະປະຕູບອກໃຫ້ຕື່ນໄປລອງຊຸດເຈົ້າບ່າວທີ່ຮ້ານ ຂ້ອຍລຸກຈາກຕຽງດ້ວຍອາການມືນເມົາ ກ່ອນທີ່ຈະຂັບລົດອອກ
ໄປຮັບວ່າທີ່ເຈົ້າສາວອອກໄປລອງຊຸດນໍາກັນ ລະຫ່ວາງທາງທີ່ຈະຮອດບ້ານວ່າທີ່ເຈົ້າສາວແມ່ຂອງຂ້ອຍທີ່ນັ່ງຢູ່ທາງຂ້າງຂ້ອຍໄດ້ຖາມຂ້ອຍວ່າ
“ ມີບັນຫາຫຍັງກັນກັບເຈົ້າສາວເພິ່ນບໍ່ ? “ ຂ້ອຍເຮັດສີໜ້າງົງແລ້ວບໍ່ປັດໄປວ່າບໍ່ມີຫຍັງດອກ ! ແມ່ບອກວ່າມື້ຄືນນີ້ລາວມາທີ່ບ້ານຂອງຂ້ອຍ
ແຕ່ຂ້ອຍເມົາຫຼາຍລາວກະເລີຍເອົາແພມາຈຸບນໍ້າເຊັດໂຕໃຫ້ຂ້ອຍ ແຕ່ຂ້ອຍກັບບໍ່ຮູ້ເມື່ອຫຍັງເລີຍ ! ແລະ ລາວກໍ່ຂໍກອດແມ່ຂອງຂ້ອຍກ່ອນທີ່ລາວສິກັບ !
ຄວາມຄິດຂອງຂ້ອຍສະດຸດແລະຂ້ອຍກໍ່ຈື່ໄດ້ໝົດທຸກໆຄໍາທີ່ຂ້ອຍເວົ້າກັບລາວທາງໂທລະສັບມື້ຄືນນີ້ ຮອດບ້ານເຈົ້າສາວແລ້ວ ແມ່ຂອງຂ້ອຍຍ້າຍລົງໄປນັ່ງ
ດ້ານຫຼັງໃຫ້ເຈົ້າສາວມານັ່ງທາງດ້ານໜ້າ ດວງຕາຂອງລາວແດງກໍ້າຄ້າຍກັບຄົນທີ່ອຶດຫຼັບອຶດນອນຫຼືບໍ່ກໍ່ເໝືອກັບຄົນທີ່ນັ່ງໃຫ້ມາໝົດຄືນ ບັນຍາກາດ
ພາຍໃນລົດເລີ່ມເຄັ່ງຕຶງແຕ່ແມ່ຂອງຂ້ອຍໄດ້ພະຍາຍາມຖາມໄຖ່ສ້າງບັນຍາກາດໃຫ້ຕະຫຼອດຮອດຮ້ານລອງຊຸດແລ້ວ ລາວເຂົ້າໄປລອງຊຸດແລ້ວຫັນໜ້າ
ມາທາງຂ້ອຍແລ້ວຖາມຂ້ອຍວ່າ :“ ຂ້ອຍງາມບໍ່ ? ຂ້ອຍເໝາະສົມແລ້ວບໍ່ທີ່ຈະເປັນເຈົ້າສາວຂອງເຈົ້າ ? “ ພ້ອມກັບຮອຍຍິ້ມທີ່ຂາດໆເກີນໆ
ຂ້ອຍພະຍາຍາມທີ່ຈະຂໍນັ່ງລົມກັບລາວດີໆແຕ່ລາວກໍ່ບໍ່ຍອມເປີດໂອກາດໃຫ້ຂ້ອຍເລີຍຈົນມາຮອດມື້ອຸ່ນດອງແລ້ວທຸກໆຢ່າງເກືອບຈະສົມບູນແບບ
ບັດເຊີນ500ໃບຖືກຢາຍອອກໄປຈົນໝົດກ້ຽງ ຄໍ່າຂອງມື້ນີ້ເປັນຄໍ່າຄືນແຫ່ງການອົບອຸ່ນຍາດຕິພີ່ນ້ອງ ແລະ ໝູ່ຄູ່ຄົນສະໜິດວ່າທີ່ເຈົ້າສາວຂອງຂ້ອຍ
ເຮັດໜ້າທີ່ໄດ້ຢ່າງບໍ່ຂາດຕົກພົກພ່ອງຫຍັງທຸກຄົນຕ່າງຍ້ອງວ່າເປັນຄວາມໂຊກດີຂອງຂ້ອຍທີ່ໄດ້ເຈົ້າສາວແບບນີ້ ແມ່ນຂ້ອຍຄວນຈະດີໃຈແມ່ນບໍ່ ?
ຕົກເດີກແຂກແລະໝູ່ເພື່ອນຄົນສະໜິດຖະຍອຍກັບບ້ານເກືອບໝົດແລ້ວຂ້ອຍຕ້ອງລົມກັບລາວດີໆແລ້ວລະ ! ຂ້ອຍດຶງລາວໄປໃນຫ້ອງ
ລາວໄດ້ແຕ່ບອກວ່າຂ້ອຍຄາວຽກຢູ່ຂ້ອຍຮ້ອງໃສ່ລາວສຽງດັ່ງວ່າ ” ເຈົ້າຄິດຫຍັງຢູ່ ? ເຈົ້າບອກຂ້ອຍແດ່ ! ຢ່າເຮັດເປັນບໍ່ຮູ້ບໍ່ເຫັນອີ່
ຫຍັງແບບນີ້ ! “ ລາວບອກຂ້ອຍວ່າ “ ຂ້ອຍຮູ້ແລ້ວ ແລະ ຂ້ອຍກະເຂົ້າໃຈທຸກໆຢ່າງເປັນຢ່າງດີຂ້ອຍກະບໍ່ໄດ້ໂງ່ຈົນວ່າຈະສັງເກດ
ບໍ່ອອກດອກເວລາສອງປີກ່ວາທີ່ເຮົາຄົບກັນມາຫັ້ນມັນອາດເບິ່ງຄືສັ້ນໆ ແຕ່ວ່າມັນມີຄວາມຜູກພັນເກີນກ່ວາສິໃຫ້ຕັດໃຈເປັນຍ່າງ
ອື່ນແລ້ວເດ້ຊັ້ນນະ !”ຂ້ອຍກົມໜ້າລົງ ແລ້ວກັ້ນໃຈບອກລາວວ່າ:” ຊັ້ນເຮົາຢຸດສາຕອນນີ້ດີບໍ່ ? ມັນເບິ່ງຄືວ່າສິຊ້າເກີນໄປແຕ່ກະຍັງ
ບໍ່ສວຍເກີນໄປທີ່ຈະຢຸດແມ່ນບໍ່ ? ຂ້ອຍສິແກ້ໜ້າໃຫ້ເຈົ້າເອງ ແລະ ສິຂໍຮັບຜິດຊອບໝົດທຸກຢ່າງ “ ນໍ້າຕາຂອງລາວໄຫຼເປັນສາຍລົງ
ມາ ຂ້ອຍທໍາຮ້າຍຫົວໃຈຂອງຜູ້ຍິງຄົນໜຶ່ງແລ້ວລາວບອກວ່າ “ ເຈົ້າສິຊົດໃຊ້ໃຫ້ຂ້ອຍແບບໃດລະ ? ມັນງ່າຍປານນັ້ນພຸ້ນຫວາ ?
ຂ້ອຍບໍ່ໄດ້ຕົກລົງແຕ່ງງານກັບເຈົ້າຍ້ອນວ່າເຈົ້າລວຍເຈົ້າໜ້າຕາດີດອກ ເຈົ້າສິມັກຜູ້ຍິງຫຼືຜູ້ຊາຍມັນກະບໍ່ກ່ຽວດອກເຈົ້າຄິດໃຫ້ດີ
ເດີ້ຕອນນີ້ເຈົ້າທໍາຮ້າຍຂ້ອຍຄົນດຽວຢ່າໄດ້ທໍາຮ້າຍພໍ່ແມ່ເຈົ້າ ແລະ ພໍ່ແມ່ຂອງຂ້ອຍອີກ ຂ້ອຍຂໍຮ້ອງນໍາເຈົ້າຫຼາຍໆ ! “
ຂ້ອຍເວົ້າຫຍັງບໍ່ອອກ ແມ່ນແລ້ວຄືນນັ້ນທີ່ຂ້ອຍລົມໂທລະສັບກັບລາວມັນເປັນຄໍາສາລະພາບໝົດທຸກຢ່າງຂອງຂ້ອຍເຖິງສິ່ງທີ່ຂ້ອຍເປັນ
ຂ້ອຍເປັນເກ ! ມາຮອດນີ້ຂ້ອຍເຮັດຫຍັງບໍ່ໄດ້ແລ້ວ ຂ້ອຍຄຸກເຄົ້າລົງພ້ອມກັບຍໍມືນົບກົ່ມຫົວລົງກ້ອງຝາຕີນຂອງລາວພ້ອມນໍ້າຕາທີ່ໄຫຼ
ຍ້ອຍເປັນສາຍຕົກລົງພື້ນ ແລະ ບໍ່ມີຄໍາເວົ້າໃດໆຕໍ່ຈາກນີ້ຫຼືແມ້ແຕ່ຄໍາວ່າຂໍໂທດຂ້ອຍກໍ່ເວົ້າບໍ່ອອກ…………
ເຊົ້າວັນງານທຸກຍ່າງສັບສົນວຸ້ນວາຍໄປໝົດຈົນຮອດພິທີ່ສູ່ຂັວນຮອຍຍິ້ມຂອງເຈົ້າສາວທີ່ຂ້ອຍສັງເກດໄດ້ວ່າມັນມາຈາກຫົວໃຈທີ່ສຸດຂອງ
ລາວແລ້ວ ແລະ ຂ້ອຍກໍ່ຍິ້ມຕອບກັບໄປດ້ວຍຫົວໃຈຂອງຂ້ອຍເຊັ່ນດຽວກັນ ນໍ້າຕາທີ່ໄຫຼລົງດ້ວຍຄວາມຕື້ນຕັນໃຈຂອງແມ່ຂ້ອຍເຮັດໃຫ້ຂ້ອຍ
ອົດບໍ່ໄຫວທີ່ຈະເຂົ້າໄປກອດ ! ກ່ອນຮອດງານລ້ຽງຕອນຄໍ່າທີ່ພັດຕະຄານ ແມ່ຂອງຂ້ອຍໄດ້ເວົ້າກັບຂ້ອຍອີກວ່າ: “ ລູກມີຄວາມສຸກບໍ່ ?
ພໍ່ກັບແມ່ດີໃຈເດີ້ກັບການຕັດສິນໃຈຂອງລູກ ແຕ່ລູກເອີຍ ! ບໍ່ມີພໍ່ແມ່ຄົນໃດໂງ່ດອກ ! ລູກທີ່ລ້ຽງມາຕັ້ງແຕ່ນ້ອຍລູກມັກອັນ
ໃດບໍ່ມັກອັນໃດພໍ່ແມ່ຮູ້ແກ່ໃຈ ! ຫາກລູກຕັດໃຈແລ້ວໃຫ້ອົດສາເຮັດດີເອົາບຸນກຸສົນໃຫ້ພໍ່ກັບແມ່ສາເດີ້ລູກເອີຍ ! “
ຂ້ອຍຍໍມືນົບເອົາຄໍາຂໍຂອງແມ່ຂ້ອຍພ້ອມກັບກອດແມ່ໄວ້ນໍ້າຕາຂອງຂ້ອຍໄຫຼຕົກລົງໃສ່ບ່າຂອງແມ່ຖືກເສື້ອໄໝຜືນງາມຂອງແມ່ຈົນ
ເປືອກໝົດ ເອົາລະເດີ້ !ຈັ່ງໃດສາກະມາຮອດປານນີ້ລະ ! ເຈົ້າສາວຍ່າງເຂົ້າມາຫາຂ້ອຍພ້ອມກັບຢືນເຈ້ຍສີຂາວທີ່ພັບໄວ້ແໜ້ນແລະເ
ປືອກຊຸ່ມໄປດ້ວຍເຮື່ອ ລາວບອກໃຫ້ຂ້ອຍເປີດອ່ານກ່ອນທີ່ຈະເປີດພິທີ່ງານ ຂ້ອຍເປີດມັນອອກອ່ານທາງໃນຂຽນໄວ້ວ່າ :
“ ຂ້ອຍດີໃຈທີ່ໄດ້ແຕ່ງານກັບເຈົ້າເດີ້ບໍ່ວ່າສິເປັນແນວໃດກະຢ່າຍ່າງທີ່ຂ້ອຍບອກຫັ້ນລະ
ວ່າຖ້າຂ້ອຍຕັດສິນໃຈເຮັດຫັຍງແລ້ວຂ້ອຍເຮັດເລີຍ ແລະ ກໍ່ຈະບໍ່ຢຸດອີກຂ້ອຍເວົ້າຕໍ່ໜ້າເຈົ້າບໍ່
ໄດ້ດອກຂ້ອຍຢ້ານວ່າຂ້ອຍສິຫຼົງຕົບໜ້າເຈົ້າ ແຕ່ຫຼັງຈາກມື້ນີ້ນັບໄປໜ້າອີກໜຶ່ງປີເຮົາຈຶ່ງແຍກ
ທາງກັນເດີ້ ຂ້ອຍຂໍເວລາເຈົ້າເທົ່ານີ້ ແລະ ຂໍໃຫ້ເຈົ້າສະແດງລະຄອນຕໍ່ໄປອີກຈັກໜຶ່ງປີຄືກັບ
ທີ່ເຈົ້າສະແດງຕະຫຼອດເວລາທີ່ຜ່ານມາຫັ້ນ ! ຮັກສະເໝີເດີ້ ! “
ຂ້ອຍຂໍແບ່ງປັນປະສົບການຂອງຂ້ອຍທີ່ມີໄວ້ພຽງແຕ່ເທົ່ານີ້ ແລະ ຫວັງວ່າຄົນອື່ນຄື
ສິມີທາງເລືອກໃຫ້ຕົນເອງດີກ່ວານີ້ເມື່ອຮູ້ວ່າຕົນເອງເປັນສິ່ງໃດ ! ຊີວິດມັນບໍ່ໄດ້ງ່າຍ ແລະ ກໍ່
ບໍ່ໄດ້ຍາກຢ່າງທີ່ຄິດ ຫາກຄິດທີ່ຈະຂ້າມຜ່ານຊ່ວງທີ່ຊົ່ວຮ້າຍ ແລະ ຫາກເຈົ້າຜ່ານມັນໄປໄດ້
ມື້ນັ້ນເຈົ້າກໍ່ຈະຍິ້ມໄດ້ຢ່າງຜູ້ຊະນະ !
( ຄໍາສາລະພາບທີ່ສາມ “ ຂໍແລກມັນກັບສັກສີຂອງລູກຜູ້ຍິ່ງຄົນໜຶ່ງ “ ) ສະບັບຕໍ່ໄປ !
ອ່ານຄໍາສາລະພາບທີໜຶ່ງ( ຂ້ອຍຂາຍທຸກສິ່ງທີ່ຂ້ອຍມີ ) ກົດເລີຍທາງລຸ່ມນີ້ :
ຂຽນເມື່ອ: ກ.ຍ.. 20, 2010
| ມີ
ໜວດໝູ່:
ກັບໄປໄດອາຣີ່ຂອງ I'm A Bad Guy, 'user_report.php?return_url=http%253A%252F%252Fpunlao.com%252Fblog.php%253Fuser%253Dbouakeo%2526blogentry_id%253D14128&TB_iframe=true&height=300&width=450', '', './images/trans.gif');){kind=spacer}
ແຈ້ງເນື້ອຫາບໍ່ເໝາະສົມ
