ພັນລາວ.ຄອມ
ຊອກຫາ:
ຊອກຫາແບບລະອຽດ
ຂຽນເມື່ອ ຂຽນເມື່ອ: ກ.ຍ.. 20, 2011 | ມີ 9 ຄຳເຫັນ ແລະ 0 trackback(s)

 

ແຕ່ກີ້ແຕ່ກ່ອນ ໃນສະໄຫມທີ່ບໍ່ທັນມີແປງຖູແຂ້ວໃຊ້

ມີພໍ່ຄົນໜຶ່ງມີຄວາມຮັກ ແລະ ເອັນດູລູກສາວຂອງຕົນເອງຫລາຍ

ເພາະລູກສາວຂອງເຂົານັ້ນ ງາມທັງໜ້າຕາ ແລະ ກິລິຍາ

ມື້ຫນຶ່ງເຫັນວ່າລູກສາວຂອງຕົນນັ້ນມີຂີ້ແຂ້ວຫລາຍ...ເວລາເວົ້າຫລືເຂົ້າໃກ້ກະຈະມີກິ່ນເຫມັນຮຸນແຮງ

ພໍ່ຄົນນັ້ນຄິດວ່າຖ້າປ່ອຍໃຫ້ສະພາບການເປັນແບບນີ້ຄືຊິບໍ່ດີແນ່ນອນ

ນອກຈາກຊາຍໜຸ່ມທີ່ເຂົ້າມາຈີບຈະຮັບບໍ່ໄດ້ແລ້ວ ຍັງເປັນທີ່ລັງກຽດຂອງສັງຄົມອີກ

ແຕ່ກະບໍ່ກ້າບອກລູກສາວກົງໆເພາະຢ້ານລູກສາວຈະອັບອາຍ

ກະເລີຍອອກອຸບາຍໃຫ້ລູກສາວໄປຫາອ້ອຍມາກິນຫລາຍໆ

ເພື່ອຜິວພັນຈະໄດ້ງາມຂຶ້ນ ເຊິ່ງຄວາມຈິງແລ້ວອ້ອຍນັ້ນຈະຊ່ວຍຖູແຂ້ວໃຫ້ຂີ້ແຂ້ວຫມົດໄປ

 

ລາວຈຶ່ງໃຫ້ເງິນລູກສາວໄປເປັນຈຳນວນຫລາຍ ເພື່ອໄປຊື້ອ້ອຍມາໄວ້ກິນ

ແຕ່ໃນລະຫວ່າງທາງທີ່ຍ່າງໄປທາງຍັງບໍ່ທັນຮອດສວນອ້ອຍ

ເຫັນພໍ່ຄ້າຂາຍເຜືອກຕົ້ມສວນທາງມາ

ລູກສາວຢາກກິນເພື່ອຈະໄດ້ມີກຳລັງ ຈຶ່ງຊື້ເຜືອກກິນຈົນໝົດເງິນລະຈຶ່ງກັບບ້ານ

ພໍ່ເຫັນລູກສາວຍ່າງມາແຕ່ໄກຈຶ່ງນຶກດີໃຈຄິດວ່າຂີ້ແຂ້ວລູກສາວຄືຊິຫມດແລ້ວ

ແຕ່ເມື່ອນາງເຂົ້າມາໃກ້ໆແລ້ວຍິ້ມເທົ່ານັ້ນລະ

ຂີ້ແຂ້ວພັດແຮງຫລາຍຂຶ້ນກວ່າເກົ່າ

ເພາະເຜືອກໄດ້ເຂົ້າໄປຈັບເກາະເຕັມແຂ້ວ ຜູ້ເປັນພໍ່ເກືອບລົ້ມທັງຢືນ

 

ຜູ້ເປັນພໍ່ຈຶ່ງຖາມລູກສາວວ່າ " ອີ່ຫລ້າ ລູກບໍ່ໄດ້ຊື້ອ້ອຍກິນຫວາ???"

"ບໍ່ ລູກຢາກກິນເຜືອກຕົ້ມລູກກະເລີຍຊື້ກິນຈົນອີ່ມ" ລູກສາວຕອບ

ສົມພໍ ຂີ້ແຂ້ວລູກຈຶ່ງຫລາຍຂຶ້ນກວ່າເກົ່າ

 

ເມື່ອລູກສາວໄດ້ຍິນແນວນັ້ນຈຶ່ງຮູ້ເຖິງອຸບາຍຂອງຜູ້ເປັນພໍ່

ຕັ້ງແຕ່ນັ້ນເປັນຕົ້ນມາ ນາງຈຶ່ງຫມັ່ນກິນອ້ອຍທຸກໆມື້ ແຂວນາງກະເລີຍສະອາດຂຶ້ນ

 

 

-ຈົບ-

 

 

 

 

 

 

 

Delicious Digg Fark Twitter


LaoUpload.com au8ust.org LaoJobs.net UploadDer.com Tamsang.com 5tutor.net