ໄດອາຣີ່ຂອງ ສາວເບ້ (◡‿◡✿)

ຂຽນເມື່ອ: ມິ.ຖ.. 21, 2012 | ມີ 9 ຄຳເຫັນ ແລະ 0 trackback(s)

ຜູ້ທີ່ເປັນບັນດິດ ສາມາດເຕືອນທ່ານໄດ້ທັງສິ່ງດີ ແລະສິ່ງຊົ່ວ ທ່ານຈົງຄົບຄົນນັ້ນໃນຖານະບັນດິດຄວານເຂົ້າໃກ້, ພຣະພຸດທະຖືວ່າເປັນກັນລະຍານະມິດຂອງມະນຸດ ແລະເຫຼົາເທວະດາ ເພາະພຣະພຸດທະເຈົ້ານັ້ນ ຊີ້ທັງດີ ແລະຊົ່ວໃຫ້ເຫັນ ທ່ານທັງຫຼາຍຄວນແກ່ການສຶກສາ ດີແລະຊົ່ວທີ່ຊົ່ງຊີ້ນີ້ ດັ່ງນີ້:

ຫຼີກເວັ້ນກັມມະບົດ ໑໐ (ທາງໄປສະຫວັນ)
1. ເຮົາຕ້ອງບໍ່ຂ້າສັດ
2. ເຮົາຕ້ອງບໍ່ລັກຊັບ
3. ເຮົາບໍ່ປະພຶດຜິດໃນກາມ
4. ບໍ່ເວົ້າລ່າຍ ຕົວະ ແລະ ຫຼອກລວງ.
5. ບໍ່ເວົ້າສໍ່ສຽດ ຍຸຍົງ ສົ່ງເສີມໃຫ້ຣ້າວຣານ.
6. ບໍ່ເວົ້າຄໍາຫຍາບ
7. ບໍ່ເວົ້າເພີ້ ໂລເລ ຫາປະໂຫຍດບໍ່ໄດ້.
8. ບໍ່ເພັ່ງເລັງຢາກຈະລັກຊັບ ຂະໂມຍ ປຸ້ນ ຍາດແຍ່ງ ຄົດໂກງຊັບບຸກຄົນອື່ນ.
9. ບໍ່ຈ່ອງລ້າງຈ່ອງຜານ ອາຄາດພະຍາບາດ.
10. ບໍ່ມີຄວາມເຫັນບໍ່ກົງກັບພຣະພຸດທະເຈົ້າ (ສ່ວນທີ່ຖືກກັບວ່າຜິດ ສ່ວນທີຜິດກັບວ່າຖືກ ຄົນອື່ນຕັກເຕືອນແລ້ວບໍ່ເລີກ)

ທໍາອະກຸສົນກັມມະບົດ ໑໐(ທາງໄປນະຣົກ)
1. ຂ້າສັດເປັນອາຈີນ .
2. ລັກຊັບເປັນອາຈີນ.
3. ປະພຶດຜິດໃນກາມ
4. ເວົ້າລ່າຍ ຕົວະ ແລະຫຼອກລວງ.
5. ເວົ້າສໍ່ສຽດ ຍຸຍົງ ສົ່ງເສີມໃຫ້ຣ້າວຣານ.
6. ເວົ້າຄໍາຫຽາບ
7. ເວົ້າເພີ້ ໂລເລ ຫາປະໂຫຍດບໍ່ໄດ້.
8. ເພັ່ງເລັງຢາກຈະລັກຊັບ ຂະໂມຍ ປຸ້ນ ຍາດແຍ້ງ ຄົດ ໂກງຊັບບຸກຄົນອື່ນ.
9. ຈ່ອງລ້າງຈ່ອງຜານ ອາຄາດພະຍາບາດ.
10. ມີຄວາມເຫັນຜິດຈາກພຣະພຸດທະເຈົ້າ (ສ່ວນທີ່ຖືກກັບວ່າຜິດ ສ່ວນທີຜິດກັບວ່າຖືກ ຄົນອື່ນຕັກເຕືອນແລ້ວບໍ່ເລີກ)

ຂອບໃຈສີ່ງດີໆໆຈາກ : http://bailane.com/

ໄຫວ້ພຣະຈັ່ງໃດດີ ?

ຂຽນເມື່ອ: ພ.ພ.. 17, 2012 | ມີ 13 ຄຳເຫັນ ແລະ 0 trackback(s)

ໜວດໝູ່: ທັມມະ

- ມີຜູ້ສົນໃຈທັມມາຖາມບັນຫາ ເລື່ອງໄຫວ້ພຣະ ເຂົາເປັນຄົນສງົບສງຽມດີ ແລະເວົ້າຈາດ້ວຍຄວາມຕັ້ງໃຈ ເຂົາແຕ່ງຂັນ 5 ມາແຕ່ບ້ານຄັກແນ່ໃຕ້ໄຟແລ້ວຍົກຂັນນັ້ນ ຂຶນໃສ່ຫົວແລ້ວຖາມ ດ້ວຍຄວາມນອບນ້ອມວ່າ.
- ແມ່ອອກ: ພຣະອາຈານ ຂ້ານ້ອຍມັກໄຫວ້່ພຣະ ແຕ່ຂ້ານ້ອຍໄຫວ້ມານີ້ຖືກບໍ ?
- ພຣະອາຈານ: ແມ່ອອກໄຫວ້ຈັງໃດ ?
- ແມ່ອອກ: ຂ້ານ້ອຍໃຕ້ທູບ ໃຕ້ທຽນຂຶ້ນແລ້ວກ່າວຄໍາບູຊາດອກໄມ້ ແລະກໍກ່າວອິມິນາໄປເລື້ອຍໆ ໄຫວ້ບົດພຸດທະຄຸນ ທັມມະຄຸນ ສັງຄະຄຸນ ແລ້ວກໍສູດມົນບົດອື່ນໆ ທັງຍອດພຣະກັນໄຕປິດົກ ພາຫຸງ ມະຫາກາ ແລ້ວກໍຄາຣະວະ ຢາດນໍ້າ ແລະວັນທານ້ອຍ ວັນທາໃຫຍ່ແລ້ວກໍຂາບ 3 ຫົນແລ້ວກໍຈົບ.
- ພຣະອາຈານ: ແມ່ອອກ ໄຫວ້ຖືກແລ້ວເດ.
- ແມ່ອອກ: ເຂົາວ່າໄຫວ້ບໍ່ຖືກ.
- ພຣະອາຈານ: ໃຜວ່າ.
- ແມ່ອອກ: ມີອາຈານອີກຄົນໜຶ່ງ ເປັນແມ່ອອກ.
- ພຣະອາຈານ: ເຂົາວ່າຈັ່ງໃດ ?
- ແມ່ອອກ: ເຂົາວ່າໃຫ້ຂ້ານ້ອຍຫາພຣະວັນເກີດມາ.
- ພຣະອາຈານ: ພຣະວັນເກີດ ເປັນຈັ່ງໃດ ?
- ແມ່ອອກ: ຈັກແລ້ວ ຂ້ານ້ອຍ, ຂ້ານ້ອຍກະບໍ່ຮູ້ ຈຶ່ງມາຖາມພຣະອາຈານນີ້ແລ້ວ.
- ພຣະອາຈານ: ບໍ່ຮູ້ຈັກດອກພຣະວັນເກີດ ຮູ້ແຕ່ພຣະປາງຕ່າງໆ ເຊັ່ນ ພຣະປາຊະນະມານ ພຣະນັ່ງສະມາທິ ປາງລີລາຈັ່ງຊີ້ ເປັນຕົ້ນ, ໄຫວ້ພຣະຈັ່ງຊີ້ ບໍ່ໄດ້ບໍ່ ?
- ແມ່ອອກ: ເຂົາວ່າບໍ່ຖືກ ເຂົາໃຫ້ຂ້ານ້ອຍໄປຊອກພຣະວັນເກີດມາຈຶ່ງຊິຖືກ.
- ພຣະອາຈານ: ພຣະອົງອື່ນໆ ມີແລ້ວບໍ ?
- ແມ່ອອກ: ມີແລ້ວຂ້ານ້ອຍ.
- ພຣະອາຈານ: ພຣະອົງອື່ນໆ ບໍ່ໄດ້ໄຫວ້ບໍ ?
- ແມ່ອອກ: ໄຫວ້ ຂ້ານ້ອຍ.
- ພຣະອາຈານ: ເອົາຈັ່ງຊີ້ ຊິບອກແມ່ອອກເດີ, ພຣະວັນເກີດນັ້ນ ແມ່ນພໍ່ແມ່ນແມ່ຂອງແມ່ອອກຫັ້ນແລ້ວ ຄັນເຮົາໄຫວ້ພຣະບໍ່ເປັນ ເຮົາກໍໄຫວ້ເຫຼັກໄຫວ້ທອງ ໄຫວ້ດິຮຈີ່ສີເມັນ, ຄັນເຮົາຮູ້ວ່າພຣະຢູ່ທີ່ໃດ ແມ່ນບໍ່ມີຮູບພຣະເຮົາກໍໄຫວ້ຖືກເດີແມ່ອອກ, ອີກອັນໜຶ່ງ ມີພຣະວັນເກີດ ແຕ່ໄຫວ້ພຣະບໍ່ເປັນກໍບໍ່ໄດ້ ຕ້ອງໄຫວ້ໃຫ້ຖືກພາສາ ປາລີ ການໄຫວ້ພຣະຕ້ອງໄຫວ້ທີ່ໃຈ ໄຫວ້ໄດ້ທຸກໆ ທີ່ ປະຕິບັດກາຍ ວາຈາ ໃຈ ໃຫ້ບໍຣິສຸດ ກໍຊື່ວ່າໄດ້ໄຫວ້ພຣະພຸດທະເຈົ້າແລ້ວ ຄືເຄົາຣົບເພິ່ນນັ້ນເອງ ເພາະການໄຫວ້ ເປັນການສະແດງຄວາມເຄົາຣົບ ຫາກເຮົາບໍ່ທໍາຄວາມດີ ແສນຊິໄຫວ້ພຣະ 1000 ຄັ້ງກໍບໍ່ໄດ້ຜົນເດີ ເພາະຍັງມີຄວາມໂລບ ໂກດ ແລະຫຼົງຢູ່ນັ້ນເອງ.

ທີ່ມາ: http://bailane.com/Blog/ViewBlog.aspx?sid=114&hid=31651

ລວຍບາບແຕ່ທຸກບຸນ

ຂຽນເມື່ອ: ພ.ຈ.. 25, 2011 | ມີ 9 ຄຳເຫັນ ແລະ 0 trackback(s)

ໜວດໝູ່: ທັມມະ

ຄຳສັ່ງຂອງຄົນຕາຍ

ຂຽນເມື່ອ: ພ.ຈ.. 20, 2011 | ມີ 10 ຄຳເຫັນ ແລະ 0 trackback(s)

ໜວດໝູ່: ທັມມະ

ຄຳສັ່ງຂອງຄົນຕາຍ

- ວານີ້ ໄດ້ມີຍິງຄົນໜຶ່ງມາຫາ ບອກວ່າຈະເຮັດບຸນ ເພາະແມ່ເຂົາຜູ້ຕາຍໄປແລ້ວສັ່ງໄວ້.
- ສືບຖາມຄັກແລ້ວ ມີເລື່ອງຢູ່ວ່າ.

- ແມ່ນເຂົາ ມີອາຍຸ ໔໙ ປີ ຕາຍໄປແລ້ວປີກາຍ, ຕອນຍັງມີຊີວິດຢູ່ແມ່ເຂົາ ມັກຈະບໍ່ຄ່ອນເຮັດບຸນ ບໍ່ວ່າບຸນທີ່ວັດ ຫຼືບຸນເຮືອນ ເພາະແມ່ເຂົາເຊື່ອວ່າ "ອາຍຸຍັງບໍ່ທັນເຖິງ ເຮັດບຸນແລ້ວກໍຈັກຕາຍໄປຮັບກອງບຸນ" ເຊິ່ງອັນນີ້ ແມ່ຂອງເຂົາກໍບອກເຂົາ ແລະເຄີຍຫ້າມເຂົາ ຕອນເຂົາເອງຂຶ້ນເຮືອນໃໝ່ ເມື່ອປີ ໒໐໐໗ ເຂົາຈະເຮັດບຸນນິມົນພຣະມາຕັ້ງກອງອັດຖະໃນວັນຂຶ້ນເຮືອນໃໝ່ນັ້ນເລີຍ ແຕ່ແມ່ຂອງເຂົາຫ້າມໄວ້ ເພາະເຂົາເອງອາຍຸຈັ່ງຫາໄດ້ ໒໕-໒໖ ປີ, ຫຼັງຈາກນັ້ນເຂົາກໍຊື້ລົດໃຫຍ່ ເງິນກໍໝົດໄປແນ່ແລ້ວ ແຕ່ຈິດໃຈຄິດຢາກເຮັດບຸນ ແມ່ເຂົາກໍໄດ້ແຕ່ບອກວ່າອາຍຸບໍ່ທັນເຖິງ.

- ຢູ່ຕໍ່ມາເມື່ອປີກາຍນີ້ ຄືທ້າຍປີ ໒໐໑໐ ແມ່ຂອງເຂົາເລີ່ມປ່ວຍຕອນອາຍຸ ໔໙ ປີປາຍ, ໄປນອນໂຮງມໍ່ພຽງ ໑ ເດືອນ ວັນນັ້ນແມ່ນເຂົາກໍຕາຍໄປໃນໂຮງໝໍ ເມື່ອຕາຍແລ້ວ ແພດກໍລົງມະຕິວ່າຕາຍແລ້ວ ເຂົາກໍເອົາສົບມາຍັງເຮືອນ ເມື່ອເອົາມາເຮືອນແລ້ວ ກໍາລັງຈະເອົາຟອກໂມນໃສ່ ແມ່ເຂົາກັບຟື້ນຄືນມາ, ໄດ້ເລົ່າເລື່ອງຕ່າງໆ ທີ່ເຂົາພົບໃຫ້ລູກ ແລະຄົນທັງຫຼາຍຟັງ ກໍາລັງເລົ່າເລື່ອງນັ້ນ "ແມ່ເຂົາວ່າ ຍົມພິບານບອກວ່າ ເຂົາບໍ່ໄດ້ເຮັດບຸນຫັຍງ ແຖມຍັງຊັກຊວນຄົນໃຫ້ຫຼົງຜິດອີກ ແມ່ເຂົາຈະຕ້ອງໄດ້ໄປຮັບກັມ" ແມ່ຂອງເຂົາ ກໍາລັງເລົ່າຢູ່ນັ້ນ ເໝືອນກັບເລື່ອງລາວທີ່ເລົ່າຍັງບໍ່ທັນຈົບ ແມ່ຂອງເຂົາກໍສລົບໄປອີກ ຄືກໍາມະຈອນກໍບໍ່ເຕັ້ນ ພີ້ນ້ອງທັງຫຼາຍກໍລົງມະຕິວ່າຕາຍອີຫຼີແລ້ວ ເພາະປະໄຫວ້ຫຼາຍຊົ່ວໂມງ ໃນທີ່ສຸດລູກຫຼານຍາດພີ່ນ້ອງ ກໍສັ່ງໃຫ້ຄົນເອົາຟອກໂມນມາໃສ່ ກໍາລັງຈະໃສ່ຟອກໂມນຢູ່ນັ້ນ ແມ່ເຂົາກໍຟື້ນຄືນມາອີກ ແຕ່ເວົ້າໄດ້ແຕ່ພຽງວ໋າ "ໃຫ້ພວກລູກໆເຮັດບຸນໃຫ້ແມ່ແນ່ເດີ....ແມ່ໄປແລ້ວ" ເທົ່ານັ້ນແມ່ເຂົາກໍສິ້ນລົມຫາຍໃຈໄປຄັ້ງສຸດທ້າຍ ປະໄວ້ຫຼາຍຊົ່ວໂມງ.
- ຜ່ານໄລຍະປີ ໑ ແລ້ວ ລູກຂອງເຂົາ ກໍເຮັດບຸນໃຫ້ແມ່ຂອງເຂົາ ຈຶ່ງມາເວົ້າເລື່ອງນີ້ໃຫ້ຟັງ, ເມື່ອຟັງແລ້ວບໍ່ເປັນຕ່າເຊື່ອ ແຕ່ກໍຕ້ອງເຊື່ອ ເພາະລູກຂອງເຂົາເວົ້າເອງ.

- ແຕ່ສິ່ງ ທີ່ໜ້າຄິດນັ້ນ ຄື ຍິງຄົນນີ້ ເປັນຄົນມີມິດສາທິດຖີ ເພາະເກີດໃນຖ່າມກາງສັງຄົມມີມິດສາທິດຖີ ເສັຍເວລາເກີດ ຈົນຮອດວັນຕາຍ ຈຶ່ງຮູ້ເມື່ອຄິງວ່າ ຕົນຄິດຜິດ ແລະເຂົ້າໃຈຜິດ ໃນທີ່ສຸດກໍບໍ່ມີເວລາທໍາບຸນ ແຖມຍັງຜູກມັດລູກຕົນເອງອີກ.

- ທ່ານທັງຫຼາຍເກີດຂຶ້ນມາເປັນຄົນແລ້ວ ຢ່າຄິດຜິດ ຈົ່ງເຂົ້າເຖິງບັນດິດ ອາຈານ ນັກປາດ ເພິ່ນຈະແນະນໍາສິ່ງດີໆ ຖືກຕ້ອງໃຫ້ເຮົາ ເພື່ອປະຕິບັດຕົນຖືກຕ້ອງ.

ສາວເບ້ (◡‿◡✿)

ເບິ່ງທັງໝົດ

ອ່ານຄືນຫຼັງ

2012 (8)
2011 (14)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.