ກອງລໍຄືຖ້ຳນ້ຳລອດທີ່ໃຫຍ່ທີ່ສຸດແຫ່ງຫນຶ່ງຂອງສປປລາວເປັນຄວາມຍິ່ງໃຫຍ່ທີ່ທຳມະຊາດສ້າງຂຶ້ນມາແລະນີ້ເປັນສ່ວນຫນຶ່ງຂອງລະບົບນິເວດປ່າຫີນບູນທີ່ຕັ້ງຢູ່ແຂວງຄຳ ມ່ວນໃນເຂດ ປ່າສະຫງວນແຫ່ງຊາດພູຫີນບູນລະຫວ່າງຫມູ່ບ້ານນາຕານເມືອງນາຍກາຍແລະກຸ່ມບ້ານກອງລໍເມືອງຫີນບູນ.

                   ຄວາມອາລັງການຂອງຖ້ຳແຫ່ງນີ້ເກີນກວ່າຈະບັນຍາຍໄດ້ສະນັ້ນຕ້ອງໃຊ້ຈິນຕະນາການຢ່າງດຽວເພາະເປັນພາບທີ່ທັງປະທັບໃຈແລະງຶດງໍ້ອັດສະຈັນກັບທຳມະຊາດທີ່ເຫມືອນມີ ຄົນປັ້ນແຕ່ງຂຶ້ນມາ, ເປັນນ້ຳລອດພື້ນດ້ວຍໄລຍະທາງ7 ກວ່າກິໂລແມັດທີ່ສັບຊ້ອນ, ພາຍໃນຖ້ຳເຕັມໄປດ້ວຍຫີນງອກ, ຫີນຍ້ອຍຂະຫນາດໃຫຍ່, ມີນ້ຳຕົກພາຍໃນ, ພ້ອມກັບແມ່ ນ້ຳທີ່ຄົດໂຄ້ງ, ຍັງບໍ່ທັນລວມເຖິງແກ້ງ, ຫີນແລະ  ຄວາມຫລາກຫລາຍທາງຊີວະພາບອື່ນໆທີ່ເຊື່ອງຊ້ອນປະສານກັບຫາດຊາຍທີ່ສວຍງານປະມານ20 ກວ່າຈຸດເຮັດໃຫ້ນັກທ່ອງ ທ່ຽວໄດ້ຊົມຂະນະທີ່ຂີ່ເຮືອລອດຜ່ານເຂົ້າໄປໃນຖ້ຳໄດ້ຕະຫລອດເວລາສຳລັບຍາມແລ້ງແມ່ນເຫມາະສົມທີ່ສຸດໃນການຂີ່ເຮືອເລາະຊົມຮູບຊົງສີສັນຂອງຖ້ຳແລ້ວສາມາດແວ່ຍ່າງເລາະ ຕາມຫາດຊາຍຂາວສຳຜັດກັບອາກາດທີ່ເຢັນສະບາຍຂອງທຳມະຊາດແຫ່ງນີ້. ປະຈຸບັນເປັນທີ່ຫນ້າຍິນດີທີ່ຊາວບ້ານໄດ້ເຂົ້າມາມີສ່ວນຮ່ວມໃນການຈັດການການທ່ອງທ່ຽວໂດຍ ຊຸມຊົນນອກຈາກຈະໄດ້ຕື່ນຕາກັບຄວາມງາມຂອງຖ້ຳແລ້ວຊາວບ້ານກໍ່ມີລາຍຮັບຈາກການທ່ອງທ່ຽວຫລາຍຂຶ້ນ.ໃນເມື່ອກ່ອນຊາວບ້ານກໍ່ໃຊ້ຖ້ຳນ້ຳລອດແຫ່ງນີ້ເປັນເສັ້ນທາງຄົມ ມະນາຄົມກ່ອນການທ່ອງທ່ຽວມາເຖິງເນື່ອງຈາກຫມູ່ບ້ານນາຕານເຊິ່ງມີທີ່ຕັ້ງຢູ່ອີກຟາກຂອງປາກຖ້ຳນັ້ນບໍ່ມີຖະຫນົນເຂົ້າອອກເພາະຖືກປິດລ້ອມດ້ວຍສາຍພູຫີນບູນທີ່ສູງຊັນດັ່ງ ນັ້ນຊາວບ້ານຈິ່ງຕ້ອງໃຊ້ເຮືອຫາງຍາວເປັນພາຫະນະໃນການເດີນທາງສູ່ໂລກພາຍນອກເປັນໄລຍະທາງ7 ກວ່າກິໂລແມັດພາຍໃນຖ້ຳທຸກໆມື້.  ຕາມການເລົ່າຂານກັນມາຖໍ້າແຫ່ງ ນີ້ມີຄວາມຫມາຍມາຈາກກອງທັບລໍບໍ່ແມ່ນກອງຫລໍ່, ຍ້ອນເຫດຜົນວ່າ: ຄຳວ່າກອງແມ່ນມາຈາກກອງທັບ, ສ່ວນລໍມາຈາກການລໍຖ້າຈິ່ງໄດ້ເອີ້ນຖ້ຳກອງລໍມາຮອດປະຈຸບັນນີ້.

         ຖ້ຳກອງລໍແມ່ນຢູ່ລະຫວ່າງອີກບ່ອນຫນຶ່ງຂອງເມືອງຄູນຄຳເຊິ່ງຫ່າງຈາກຕົວເມືອງທ່າແຂກໄປປະມານ196 ກິໂລແມັດ, ບັນດາທ່ານທີ່ຈະໄປທ່ຽວຊົມກໍ່ສາມາດຂີ່ລົດໄປຕາມ ເສັ້ນທາງເລກທີ13 ເຂົ້າໄປຕາມທາງເລກ8A ຈະຮອດບ້ານຄູນຄຳເຊິ່ງຫ່າງຈາກຖ້ຳໄປປະມານ40 ກິໂລແມັດ, ສຳລັບຜູ້ທີ່ມັກການຜະຈົນໄພແມ່ນແນະນຳໃຫ້ຂີ່ເຮືອກໍ່ຈະໄດ້ພົບ ບັນຍາກາດອີກແບບຫນຶ່ງ.ຖ້າເດີນທາງຈາກທ່າແຂກແຂວງຄຳມ່ວນຂຶ້ນລົດໂດຍສານຈາກທ່າແຂກຢູ່ຄິວລົດຫລັກສອງຂຶ້ນໄປຕາມເສັ້ນທາງຫມາຍເລກ13 ໃຕ້ຈົນຮອດບໍລິເວນ ບ້ານນ້ຳທອນລົງລົດທີ່ທາງແບ່ງຫລັກ20. ແລ້ວມຸ່ງຫນ້າສູ່ບ້ານນາຫີນ. ຈາກບ້ານນາຫີນສາມາດຂີ່ລົດສອງແຖວໄປຍັງຖ້ຳໂດຍກົງໃຊ້ເວລາທັງຫມົດປະມານ4-5 ຊົ່ວໂມງ (ໄລ ຍະທາງເກືອບ200 ກິໂລແມັດຈາກທ່າແຂກ) ຫລືຖ້າຈະເດີນ ທາງດ້ວຍລົດໂດຍສານຈາກວຽງຈັນ-ທ່າແຂກຫລື ວຽງຈັນ-ສະຫວັນ. ລົງໄປຕາມເສັ້ນທາງຫມາຍເລກ13 ໃຕ້ຈົນ ຮອດບໍລິເວນບ້ານນ້ຳທອນລົງລົດທີ່ບ້ານວຽງຄຳທາງແບ່ງຫລັກ20. ບໍລິເວນນ້ຳທອນຈາກທາງແບ່ງຫລັກ20 ຕໍ່ລົດສອງແຖວສາຍທາງແບ່ງ-ຫລັກຊາວຄ່າລົດ30.000 ກີບ (ຊາຍແດນຫວຽດ) ບອກໂຊເຟີລົດວ່າລົງຢູ່ບ້ານນາຫີນ. ລົດຄັນສຸດທ້າຍຫມົດ4 ໂມງແລງຂອງແຕ່ລະມື້ສ່ວນຄ່າເຮືອເຂົ້າຖ້ຳປະມານ1 ແສນກີບກຳນົດໃຫ້ຂີ່ບໍ່ເກີນ3-4 ຄົນ. ທ່ານສາມາດພັກແຮມຄືນຕາມເຮືອນຊາວບ້ານນາຫີນ, ນາຕານແລະບ້ານກອງລໍຫລືເຮືອນພັກສາລາຫີນບູນໃກ້ໆກັບຖ້ຳກອງລໍກໍ່ໄດ້ເຊັ່ນດຽວກັນ.

 1ສ ສະສາງ

ຕ້ອງສະສາງເລື້ອງຜູ້ຫຍິ່ງຄົນກ່ອນໃຫ້ຮຽບຮ້ອຍກ່ອນຈະມີຄົນໃໝ່

2ສ ສະດວກ

ຕ້ອງສາມາດຕິດຕໍ່ໄດ້ທຸກເວລາ

3ສ ສະອາດ

ຈິດໃຈຕ້ອງສະອາດຫ້າມມີຜູ້ຍິງຄົນອື່ນ ຕ້ອງມີພຽງຂ້ອຍຄົນດຽວ

4ສ ສ້າງມາດຕະຖານ

ມາດຕະຖານເຈົ້າຕ້ອງໃຊ້ກັບຂ້ອຍຄົນດຽວຫ້າມເອົາຜູ້ຍິງຄົນອື່ນມາກ່ຽວຂ້ອງ

5ສ ສ້າງນິໄສ

ຕ້ອງຮັກດຽວໃຈດຽວ ຮັກຄອບຄົວ ຫ້າມເຈົ້າຊູ້

ມູນນິທິ 7 ສິ່ງ​ມະຫັດ​ສະ​ຈັນ​​ເຜຍການ​ລົງມະຕິ 7 ສິ່ງ​ມະຫັດສະຈັນ​ທາງ​ທຳ​ມະ​ຊາດ​ຂອງ​ໂລກ​ຍຸກ​ໃໝ່​ທີ່​ກຸງ​ຊູ​ລິກປະ​ເທດ​ສະ​ວິດ​ເຊີ​ແລນ ກ່ອນ​ທີ່​ຈະ​ປະກາດ​ຜົນ​ຢ່າງ​ເປັນ​ທາງ​ການ​ປະມານ​ຕົ້ນ​ປີ 2013 ​ດັ່ງ​ນີ້:

1ປ່າ​ອະ​ເມ​ຊອນ​ໃນ​ອະ​ເໝ​ລິ​ກາ​ໃຕ້ມີ​ຂະໜາດ​ໃຫຍ່​ກວ່າ 5.5 ລ້ານ​ຕາ​ລາງ​ກິ​ໂລ​ແມັດກວມ​ເອົາ​ເນື້ອທີ່​ຫຼາຍກວ່າ 9 ປະເທດ​ໃນ​ອະ​ເໝ​ລິ​ກາ​ໃຕ້, ປ່າ​ອະ​ເມ​ຊອນ​ມີ​ຂະໜາດ​ຂອງ​ເນື້ອ​ທີ່​ປະມານ​​ເຄິ່ງ​ໜຶ່ງ​ຂອງ​ປ່າ​ຝົນ​ທີ່​ຍັງ​ເຫລືອ​ຢູ່​ເທິງ​ໂລກແລະ​ມີ​ຄວາມ​ຫລາກ​ຫລາຍ​ທາງ​ຊີວ​ະວິທະຍາຫລາຍ​ທີ່ສຸດ​ໃນ​ໂລກ

2ອ່າວ​ຮາ​ລອງ​ໃນ​ປະເທດ​ວຽດ​ນາມຂຶ້ນ​ຊື່​ເລື່ອງ​ຫິນ​ທີ່​ມີ​ຮູບ​ຮ່າງ​ແລະ​ຂະໜາດ​ທີ່​ແຕກ​ຕ່າງ​ກັນ ອ່າວ​ມີ​ຂະໜາດ​ໃຫຍ່​ກວ່າ 1,553 ຕາ​ລາງ​ກິ​ໂລ​ແມັດ ມີ​ຄວາມ​ຍາວ​ກວ່າ 120 ກິ​ໂລ​ແມັດ ແລະ​ມີ​ຫິນ​​ເລັກ​ເກາະ​ນ້ອຍ​ຫຼາຍກວ່າ 1,969 ເກາະ

3ນ້ຳຕົກອິກວາຊູໃນປະເທດອາເຈນຕິນາເປັນໜຶ່ງໃນນ້ຳຕົກທີ່ໃຫຍ່ທີ່ສຸດໃນໂລກມີຂະໜາດນ້ຳຕົກໃຫຍ່ 2.7 ກິໂລແມັດ ໂດຍມີນ້ຳຕົກນ້ອຍໆປະມານກະຈາຍຢູ່ປະມານ 275 ແຫ່ງ ແຕ່ແຫ່ງທີ່ມໃຫຍ່ທີ່ສຸດຄືນ້ຳຕົກຄໍປີສາດ(Devil’s Throat) ທີ່ມີຄວາມສູງກວ່າ 80ແມັດ.

4ເກາະ​ເຊ​ຈູ​ໃນ​ສາທາລະນະ​ລັດ​ເກົາ​ຫລີ​ໃຕ້ເປັນ​ເກາະ​ທີ່​ມີ​ຂະໜາດ​ໃຫຍ່​ທີ່ສຸດ​ໃນ​ເກົາ​ຫລີ​ໃຕ້ ມີ​​ເນື້ອ​ທີ່​ຫຼາຍກວ່າ 1,846 ຕາ​ລາງ​ກິ​ໂລ​ແມັດສູນກາງ​ເກາະ​ເຊ​ຈູ​ເປັນ​ທີ່​ຕັ້ງ​ຂອງ​ພູເຂົາ​ທີ່​ສູງ​ທີ່ສຸດ​ໃນ​ເກົາ​ຫລີ​ໃຕ້​ຊຶ່ງ​ເປັນ​ພູເຂົາ​ໄຟທີ່​ດັບ​ໄປ​ແລ້ວ

5ອຸດ​ຍານ​ແຫ່ງ​ຊາດ​ໂຄ​ໂມ​ໂດ​ໃນ​ປະເທດ​ອິນ​ໂດ​​ເນເຊຍຄວບ​ຄຸມ​​ເນື້ອ​ທີ່​ເຖິງ 3 ເກາະ​ໃນ​ປະເທດ​ອິນ​ໂດ​​ເນເຊຍ ມີ​ຂະໜາດ​ໃຫຍ່​ກວ່າ 1,817 ຕາ​ລາງ​ກິ​ໂລ​ແມັດ ແລະ​ມີ​ສັດ​ສະ​ຫງວນ​ທີ່​ສຳຄັນ​ຄື ມັງ​ກອນ​ໂຄ​ໂມ​ໂດ

6 ແມ່ນ້ຳໃຕ້ດິນເປີໂຕປິນເຊຊາ ປະເທດຟີລິບປິນ ເປັນແມ່ນ້ຳທີ່ຢູ່ພາຍໃນຖ້ຳຫີນປູນເຊິ່ງມີຄວາມຍາວຫຼາຍວ່າ 8.2 ກິໂລແມັດ ຈຸດເດັ່ນແມ່ນຈະມີລົມພັດຜ່ານຖ້ຳກ່ອນທີ່ຈະພັດໄປຫາທະເລຈີນໃຕ້ ແມ່ນ້ຳໃຕ້ດິນແຫ່ງນີ້ຖືວ່າເປັນແມ່ນ້ຳໃຕ້ດິນທີ່ໃຫຍ່ທີ່ສຸດໃນໂລກ

7ເທ​ເບີ້ນ​ເມົາທ໌​ເທນທ໌ ທີ່​ປະເທດ​ແອ​ຟະ​ລິ​ກາ​ໃຕ້ພູເຂົາ​ແຫ່ງ​ນີ້​ມີ​ຈຸດ​ເດັ່ນ​ທີ່​ເປັນ​ຫິນ​ທີ່​ມີ​ອາ​ຍຸ​ຍາວ-ນານ​ກວ່າ 6 ລ້ານ​ປີ ແລະ​ເປັນ​ພື້ນ​ທີ່​ອັນ​ອຸດົມ​ສົມບູນ​ຂອງ​ດອກ​ໄມ້​ກວ່າ 1,470 ຊະນິດ

ວັນທີ່21.06.2011

       ຂ້ອຍເຄີຍຄິດຜ່ານມາວ່າເປັນຫຍັງຄົນເຮົາຈຶ່ງໂງ່ ແລະ ຈ້າແທ້ ຍອມເຮັດທຸກຢ່າງເພື່ອໃຫ້ຄົນອື່ນພໍໃຈ

ໂດຍຄົນທີ່ໂຕເອງສົນໃຈບໍ່ເຄີຍສົນໃຈໃຍ່ດີນຳເລີຍ ເວົ້າງ່າຍໆກໍ່ຄືການແແອບຮັກເຂົາຂ້າງດຽວ, ຂ້ອຍບໍ່ເຄີຍເຂົາໃຈຄວາມໝາຍເລີຍວ່າເປັນຫຍັງຄົນທີ່ແອບຮັກຄົນອື່ນຕ້ອງຍອມເຮັດທຸກຢ່າງເພື່ອໃຫ້ຄົນທີ່ຕົນເອງແອບຮັກຫຼື ຄົນທີ່ຕົນຮັກນັ້ນພໍໃຈ ທັງໆທີຄົນໆນັ້ນບໍ່ໄດ້ສົນໃຈຫຼືຮັກເຮົາເລີຍ ຈົນກວ່າຂ້ອຍໄດ້ມາເຈີຜູ້ຍິງຄົນໜຶ່ງ ຫຼັງປີໃໝ່ລາວທີ່ຜ່ານມານີ້ ຂ້ອຍຮູ້ຈັກລາວໄດ້ປະມານເດືອນກວ່ານີ້ແລະ ແຕ່ວ່າຂ້ອຍກໍ່ໄດ້ຕົກລຸມຮັກລາວຢ່າງແຮງ ແລ້ວຂຸມຮັກທີ່ຂ້ອຍຕົກກະເລິກອີກ ຂ້ອຍໄດ້ເວົ້າແລະບອກຄວາມຮູ້ສຶກທຸກຢ່າງທີ່ຂ້ອຍຄິດ ໃຫ້ລາວຟັງເພື່ອຫວັງວ່າລາວຈະເປັນແລະຄິດກັບຂ້ອຍ ຄືຂ້ອຍຄິດກັບລາວ ແຕ່ບໍ່ເລີຍລາວກະເສີຍໆຕະຫຼອດ ແຕ່ຂ້ອຍກະຍັງພະຍາຍາມເຮັດດີນຳລາວຕະຫຼອດມາຕັ້ງແຕ່ມື້ທີ່ເຫັນຈົນຮອດມື້ນີ້ ຄວາມຮູ້ສຶກຂ້ອຍກໍ່ຍັງຮູ້ສຶກດີໆກັບລາວຄືເກົ່າ

ເຖິງວ່າລາວຈະສົນໃຈຫຼືບໍ່ສົນໃຈກໍ່ຕາມຄວາມຮູ້ສຶກດີໆທີ່ມີໃຫ້ລາວນັ້ນໄດ້ກາຍມາເປັນສ່ວນໜຶ່ງຂອງຄວາມສຸກແລະເປົ້າໝາຍອັນໜຶ່ງຂອງຊີວິດຂ້ອຍ

ຄືຫວັງວ່າມື້ໃດມື້ໜຶ່ງລາວຈະເຫັນຄວາມຈິງໃຈຂອງຂ້ອຍເຊື່ອແລະໄວ້ໃຈຂ້ອຍຫວັງວ່າ.

ດັ່ງນັ້ນ ຂ້ອຍຈຶ່ງຮູ້ແລ້ວວ່າການທີ່ເຮົາຮັກໃຜຄົນໜຶ່ງ ບໍ່ຈຳເປັນວ່າຕ້ອງໃຫ້ໃຜຄົນນັ້ນມາຮັກເຮົາ ຂໍພຽງໄດ້ຮູ້ຈັກ ແລະ ເຫັນເຂົາມີຄວາມສຸກກະພໍໃຈແລ້ວ

ມື້ໃໝ່ຫັດເລົ່າ.

ສັງຄົມອອນລາຍໃນປັດຈຸບັນຂອງລາວທີ່ໄດ້ຮັບຄວາມນິຍົມຈາກຄົນລາວຫຼາຍໃນປັດຈຸບັນ ບໍ່ຕ່າງຈາກສັງຄົມອອນລາຍຂອງໂລກ ນັ້ນກໍ່ຄື ເວັບໄຊພັນລາວດອດຄອມ ມີບາງຄັ້ງເວັບໄຊນີ້ອາດຈະພົບກັນບັນຫານານັບປະການ ແຕ່ເຖິງຢ່າງໃດກໍ່ຕາມເວັບໄຊນີ້ກໍ່ມີການປ່ຽນແປງແລະພັດທະນາໃຫ້ດີຂຶ້ນເລື້ອຍໆ ເພື່ອຕອບສະໜອງໃຫ້ກັບຜູ້ຊົມໃຊ້ໃນໂລກອອນລາຍຂອງລາວ ເປັນບ່ອນແລກປ່ຽນຄວາມຄິດຄຳເຫັນ ບ່ອນສົນທະນາ ຫາຄວາມຮູ້ຊອກຊູ້ຫາແຟນ ລົມກັນຍາມເຫງົາເປັນບາງຄັ້ງຄາວ

ພັນລາວດອດຄອມ ເປັນເວັບໄຊທີ່ທ່ານສາມາດສ້າງໜ້າຂໍ້ມູນຜູ້ໃຊ້ ຂອງທ່ານເອງໄດ້, ມີບ່ອນຂຽນຂໍ້ຄວາມສົ່ງຫາກັນ ບ່ອນສະແດງຄວາມຄິດເຫັນ, ສາມາດອັບຮູບ, ເພງ ແລະ ວິດີໂອ ທີ່ທ່ານມັກລົງໄດ້ ພ້ອມກັນນີ້ຍັງມີ ການສ້າງກຸ່ມ, ການສ້າງແບບສຳຫຼວດ, ການຂຽນເລື້ອງ ຕ່າງໆ ພ້ອມກັບແນະນຳເວັບໄຊອື່ນໆໃຫ້ໝູ່ຈັກໄດ້ນຳອີກ ແລະ ອື່ນໆ.

ໂດຍປັດຈຸບັນນີ້ມີຜູ້ສົນໃຈເຂົ້າມາໃຊ້ ມາສະມັກເປັນສະມາຊິກເວັບໄຊພັນລາວດອດຄອມນີ້ປະມານ 16273 ຄົນ, ມິດຕະພາບ: 898685 ຄັ້ງ, ຄຳເຫັນ: 2285485 ຄັ້ງ,  ໄດອາຣີ່: 8567 ເລື່ອງ, ແບບສຳຫຼວດ: 7122 ເລື່ອງ, ອັລບັ້ມພາບ: 12445 ອັລບັ້ມ, ວິດີໂອຄລິບ: 3416 ຄລິບ,  ກະທູ້ເວັບບອດ: 5971 ກະທູ້, ຕອບເວັບບອດ: 186136 ເທື່ອ, ລິ້ງແນະນຳ: 712 ລິ້ງ, ກຸ່ມ: 905 ກຸ່ມ. ເຊິ່ງມາຜູ້ມາລົງທະບຽນນຳໃຊ້ປະມານ(  300 ຄົນ/ມື້) ຫຼື ອາດຈະຫຼາຍກວ່ານີ້ຫຼາຍ ຕາມຄວາມຄິດຂອງຂ້ອຍ.

ສິ່ງທີ່ເຮັດໃຫ້ພັນລາວໄດ້ຮັບຄວາມນິຍົມເພີ້ມຂຶ້ນເລື້ອຍໆຈາກ ຜູ້ໃຊ້ໂລກອອນລາຍນັ້ນ ເນື່ອງຈາກພັນລາວດອດຄອມນີ້ ມີເອກະລັກສະເພາະ ຂອງພັນລາວດອດຄອມ ພ້ອມກັນນີ້ກໍ່ມີການປັງປຸງ ແລະ ພັດທະນາຢູ່ເລື້ອຍໆເພື່ອບໍ່ໃຫ້ມີບັນຫາໃນການໃຊ້ງານ ແລະ ເຫມາະສົມກັບຄົນລາວໃນໂລກອອນລາຍປັດຈຸບັນ

ຈາກໃຈ ຜູ້ໃຊ້

            ເວລາຖືກເຊີນໄປຮ່ວມງານລ້ຽງຕ່າງໆ ມັນກໍບໍ່ແມ່ນເລື່ອງແປກ ທີ່ຕ້ອງມານັ່ງຄິດໃຫ້ມັນເຈັບສະໝອງແມ່ນບໍ ? ແຕ່ບາງທີສິ່ງເລັກໆນ້ອຍໆ ທີ່ຄິດວ່າງ່າຍໆໃນເບື້ອງຕົ້ນນັ້ນ ມັນກໍພາໃຫ້ເຮົາບໍ່ສະບາຍໃຈ ໂດຍສະເພາະ ໃນຍາມທີ່ຕ້ອງຢູ່ທ່າມກາງ ກັບຫຼາຍໆຄົນດ້ວຍຄວາມລຳບາກ ຈົນມີຄຳຢອກຫຼິ້ນໃນພາສາຂອງຄົນຮູ້ໃຈວ່າ: ກິນເຂົ້າກັບນາຍ ຟ້ອນລຳວົງກັບເມຍ ຈັ່ງແມ່ນມັນເພຍຫົວໃຈ... ຄືຈັ່ງວ່າ ! ມັນບໍ່ເປັນທຳມະຊາດ ຫຼື ຂາດສີສັນ ແລະ ຫຼົດຊາດຈັ່ງໃດຈັ່ງໜຶ່ງ ຈັ່ງຊັ້ນລະ ! ເພື່ອບໍ່ໃຫ້ທ່ານຮູ້ສຶກອຶດອັດ ຈົນ ຕ້ອງກິນເຂົ້າບໍ່ແຊບ ຫຼື ກິນບໍ່ອີ່ມ ຈົນຕ້ອງກັບມາຈ້ຳແຈ່ວປາແດກຢູ່ເຮືອນນັ້ນ ຂໍຍົກເອົາບາງບັນຫາມາແລກປ່ຽນດັ່ງນີ້:

- ເມື່ອຖືກເຊີນ ຄວນມາກົງເວລາ ເພື່ອຈະໄດ້ທຳຄວາມຮູ້ຈັກ ສະພາບຂອງງານໄດ້ຢ່າງລະອຽດ.

- ບໍ່ຄວນລຸກອອກໄປຫັ້ນມາໜີ້ ໂດຍບໍ່ຈຳເປັນ ລະວັງການໄອ ຈາມ ຫາວ ແລະ ເບະສົບທີ່ບໍ່ຕັ້ງໃຈ.

-ບໍ່ຄວນອ່ານໜັງສື ຫຼື ຈົດໝາຍ ຍົກເວັ້ນລາຍການອາຫານ ແລະ ກິດຈະກຳທີ່ເຈົ້າພາບຢາຍໄວ້.

-ບໍ່ຄວນກາງສອກ ເດ່ແຂນ ຄືກັບຕີມວຍ ອັນເປັນການກີດຂວາງຄົນ ທີ່ນັ່ງຢູ່ທາງຂ້າງ.

- ເວລາຍົກນ້ຳ ເບຍ ຫຼື ຍໍເຫຼົ້າດື່ມ ບໍ່ຄວນຍົກສູງຈົນໄດ້ແຫງນຄໍໃສ່.

- ບໍ່ຄວນໃຊ້ມືກ້ຳຊ້າຍຈັບຈອກ ຖ້ວຍ ຫຼື ເຄື່ອງໃຊ້ທີ່ເພິ່ນຈັດວາງໄວ້ ໃຫ້ສຳລັບຄົນແຮງກ້ຳຂວາ.

- ເວລາຕັກອາຫານ ຄວນລະວັງ ບໍ່ໃຫ້ເຮ່ຍ ຫຼື ຕົກໂຢດຊະຊາຍ ເຊິ່ງພາໃຫ້ບໍ່ງາມຕາ.

- ຖ້າບັງເອີນເຮົາເຮັດສິ່ງໃດສິ່ງໜຶ່ງຜິດ ກໍຈົ່ງວາງທ່າເສີຍເປັນທຳມະຊາດ ຢ່າແກ້ຕົວ.

- ບໍ່ຈັບບາຍ ຫຼິ້ນບ່ວງ ອົມສ້ອມ ແລະ ແພເຊັດປາກ ບໍ່ຄວນຍື່ນມືຢິບເອົາເຄື່ອງໃຊ້ຂອງຄົນອື່ນ.

- ຕ້ອງໃຈໃຫຍ່ ຊ່ວຍເຫຼືອຜູ້ທີ່ຢູ່ທາງຂ້າງ ໂດຍສະເພາະແມ່ຍິງ ໃນການບໍລິການເຂົ້າປາອາຫານ.

- ບໍ່ຄວນຕັກຈົນລົ້ນ ກິນຄຳໃຫຍ່ ບໍ່ຫຍ້ຳອາຫານໃຫ້ມີສຽງດັງ ແລະ ອາຫານທີ່ຕັກມາ ຄວນກິນໃຫ້ໝົດ.

- ບໍ່ໃຊ້ມີດສຽບຕັກອາຫານໃສ່ປາກ ບໍ່ຍົກບ່ວງ ຫຼື ສ້ອມສູງເກີນໄປ ບໍ່ເວົ້າລົມເມື່ອອາຫານຢູ່ປາກ.

- ບໍ່ຄາກຖົ່ມກ້າງ ກະດູກ ເມັດ ແກ່ນ ອອກຈາກປາກ ຄວນໃຊ້ຜ້າ ຫຼື ເຈ້ຍອະນາໄມຮອງຮັບ.

- ບໍ່ເອົາຜ້າເຊັດປາກ ເໜັບໃສ່ບ່ອນໃດບ່ອນໜຶ່ງ ແຕ່ຄວນພືອອກ ພາດໄວ້ກົກຄາ ໜັາຕັກ ຫຼື ໜ້າໂຕະ.

- ຢ່າພັບ ຫຼື ມ້ຽນຜ້າເຊັດມື ຄວນປະຕາມທຳມະຊາດ ຄືກັບຜ້າທີ່ເປື້ອນແລ້ວ.

ອາຫານທຸກປະເພດ ຖ້າເຮົາບໍ່ທັນເຄີຍສັນ ກໍຢ່າຟ້າວກິນ ຄວນສັງເກດຄົນຢູ່ທາງຂ້າງ ແລ້ວຈຶ່ງຄ່ອຍຮັບປະທານຊ້າໆ ບໍ່ຟ້າວບໍ່ຝັ່ງ ສຳລັບເມຍທີ່ຍິ້ມຢູ່ທາງຂ້າງນັ້ນ ໃຫ້ຄິດ ສາວ່າ ເປັນຄົນຮັກໃໝ່ ທີ່ເຮົາຫາກໍຮູ້ຈັກ ແລະ ຢາກຟ້ອນນຳຈົນໃຈຈະຂາດ ຖ້າເຮັດໄດ້ຊ່ຳນີ້ແລ້ວ ຍັງບໍ່ມີຄວາມສຸກ ກໍບໍ່ຄວນມີຄວາມຮັກ...

ກ.) ພະຍາດຮູບນອກ:ເຮັດວຽກບໍ່ຈິງໃຈ ບໍ່ເຮັດຕັ້ງແຕ່ກົກແຕ່ເຄົ້າ ແຕ່ບ່ອນຕົ້ນມາ ບໍ່ເຮັດຕັ້ງແຕ່ຕ່ຳໄປເຖິງສູງ ເຮັດພໍແລ້ວເລື່ອງ ເຮັດພໍໃຫ້ເຫັນວ່າໄດ້ເຮັດ ເຮັດໄດ້ພຽງ ເລັກນ້ອຍ ກໍເວົ້າຍົກເວົ້າຍໍຂຶ້ນໃຫ້ເປັນຫຼາຍ ເພື່ອຈະໄດ້ເຮັດລາຍງານໃຫ້ໂກ້ໃຫ້ງາມ ແຕ່ວ່າເມື່ອກວດເບິ່ງຄັກກໍເຫັນວ່າ ເປັນຂອງເປົ່າຫວ່າງເນື້ອໃນ.

ຍົກຕົວຢ່າງ ກໍຄືການຈັດຕັ້ງໃນແຫ່ງໜຶ່ງ ໃນລາຍງານເວົ້າວ່າ: ການຈັດຕັ້ງໄດ້ມີຢູ່ທຸກບ້ານ ທຸກເມືອງ ທຸກແຂວງແລ້ວ ຄົນຊັ້ນໃດ ກໍໄດ້ເອົາເຂົ້າໃນການຈັດຕັ້ງແລ້ວ ນັບ ຈຳນວນກໍມີເຖິງພັນ ເຖິງໝື່ນຄົນແລ້ວ ແຕ່ເມື່ອຍົກເອົາແຕ່ລະຂໍ້ຂອງລາຍງານນັ້ນ ມາກວດກາເບິ່ງຄັກແນ່ ແລະ ຖາມເຂົ້າລາຍລະອຽດວ່າ ແຕ່ລະການຈັດຕັ້ງນັ້ນ ເຮັດ ວຽກຫຍັງ ? ພະນັກງານໄດ້ໄປເຖິງທ້ອງຖິ່ນທີ່ຕັ້ງນັ້ນຈັກເທື່ອ ໄດ້ເຮັດຫຍັງຊ່ວຍອົງການຈັດຕັ້ງນັ້ນ ແລ້ວດັ່ງນັ້ນ ກໍເລີຍບໍ່ເຫັນມີສິ່ງໃດເປັນຄວາມຈິງ.

ເຮັດແນວນັ້ນ ບໍ່ແມ່ນເຮັດຫຼ້ອນໜ້າທີ່ຂອງຕົນ ແມ່ນຂີ້ຕົວະ ແລະ ຫຼອກລວງພັກ ການເຮັດວຽກບໍ່ແທດເຖິງຕົວຈິງ ແລະ ລາຍງານບໍ່ຈິງໃຈ ກໍເປັນພະຍາດທີ່ເປັນໄພອັນຕະ ລາຍທີ່ສຸດ.

ຂ.) ພະຍາດຍົກພັກຍົກພວກ:ພະຍາດຕົວນີ້ ກໍເປັນອັນຕະລາຍຄືກັນ ຕັ້ງແຕ່ບ່ອນຖືພັກຖືພວກ ກໍຈະກາຍເປັນການແບ່ງແຍກ ຜູ້ໃດຖືກໃຈໂຕ ແມ່ນວ່າມັນຈະຊົ່ວປານໃດ ກໍຖືວ່າມັນດີ ມັນເຮັດວຽກການອັນຊົ່ວ ກໍຖືວ່າເປັນອັນຈົບງາມ ແລ້ວກໍປົກປິດເອົາກັນ ສະໜັບສະໜູນກັນ ຜູ້ໃດບໍ່ຖືກໃຈໂຕ ແມ່ນມັນຈະເປັນຜົນດີພຽງໃດ ກໍເວົ້າວ່າເປັນອັນ ຊົ່ວ ແລ້ວກໍຊອກວິທີທັບຖົມຕິຕຽນ ແລະ ຢຽບຢ່ຳໃຫ້ຈົມລົງ.

ພະຍາດຕົວນີ້ ເປັນອັນຕະລາຍໃຫ້ແກ່ພັກຫຼາຍທີ່ສຸດ ມັນເຮັດໃຫ້ເສຍຫາຍເຖິງ ຄວາມເປັນເອກະພາບຂອງພັກ ມັນເຮັດໃຫ້ພັກຫຼຸດຜ່ອນ ຄວາມສາມາດຂອງສະມາຊິກລົງ ແລະ ບໍ່ປະຕິບັດນະໂຍບາຍຂອງຕົນ ໄດ້ຢ່າງຄົບຖ້ວນ ມັນເຮັດໃຫ້ເສຍຄວາມຮັກແພງ ສະໜິດສະໜົມລະຫວ່າງສະມາຊິກດ້ວຍກັນ ແລະ ກໍ່ໃຫ້ເກີດຄວາມລະແວງສົງໄສ ກັນຂຶ້ນ ແລ້ວກໍແຕກສາມັກຄີພາຍໃນ ເປັນເຫດໃຫ້ພັກອ່ອນແຮງລົງ.

ຄ.) ພະຍາດຜີວເຜີນ:ບໍ່ເບິ່ງກ້ວາງເຫັນໄກ ບໍ່ຄິດຮອດບັນຫາທີ່ໃຫຍ່ຫຼວງ ແຕ່ແລ້ວຊ້ຳພັດກະຈູ້ກະຈີ້ ນຳແຕ່ວຽກລະອຽດມຸ່ນຍ່ອຍ ຍົກຕົວຢ່າງ ກໍຄືການເພີ່ມພູນຜະລິດຜົນ ແລະ ລຳລຽງສະບຽງອາຫານໃຫ້ກອງທັບ ຊ້ຳບໍ່ຄິດຮອດ ແລ້ວຊ້ຳພັດ ມາຄິດຮອດແຕ່ເລື່ອງຈະໃຊ້ເຂົ້າເຢັນ ແລະ ນ້ຳແກງເຫຼືອຢູ່ໃນເຮືອນຄົວ.

ຄົນຜູ້ເປັນແນວນັ້ນ ຈະມອງເຫັນໄດ້ແຕ່ຜົນໄດ້ ຜົນເສຍອັນນ້ອຍໆ ແຕ່ບໍ່ເຫັນຜົນໄດ້ຜົນເສຍອັນໃຫຍ່ຫຼວງ.

ງ.) ພະຍາດຖືກຽດສ່ວນຕົວ:ພະຍາດຕົວນີ້ ມີຫຼາຍປະກົດການທີ່ສະແດງອອກດັ່ງລຸ່ມນີ້:

1. ມີເລື່ອງຫຍັງບໍ່ມັກຕຳໜິຕໍ່ໜ້າແລ້ວ ຊ້ຳພັດເອົາໄປເວົ້າລັບຫຼັງ ເວລາເປີດກອງປະຊຸມບໍ່ເວົ້າຫຍັງ ຫຼັງຈາກປິດກອງປະຊຸມແລ້ວຈິ່ງເວົ້າ ບໍ່ມີຈັກເທື່ອ ທີ່ຈະສະເໜີອັນນັ້ນ ອັນນີ້ຕໍ່ພັກ ບໍ່ປະຕິບັດຕາມຫຼັກດຳເນີນຊີວິດຂອງພັກ ໂຕມັກແນວໃດກໍເຮັດແນວນັ້ນ.

2. ຢາກເຮັດໃຫ້ແຕ່ແລ້ວວຽກ ຜູ້ໃດມີຈຸດດີກໍບໍ່ຮ່ຳຮຽນນຳຜູ້ໃດ ມີຂໍ້ບົກຜ່ອງກໍບໍ່ຢາກຕຳໜິ.

3. ບໍ່ນັບຖືຄຳສັ່ງຂອງຊັ້ນສູງ ບໍ່ປະຕິບັດຕາມລະບຽບວິໄນ ມີແຕ່ເຮັດຕາມໃຈໂຕມັກ.

4. ເວລາຕຳໜິຜູ້ໃດ ກໍບໍ່ແມ່ນເຮັດເພື່ອຜົນປະໂຫຍດຂອງພັກ ບໍ່ແມ່ນເຮັດເພື່ອຊ່ວຍກັນກ້າວໜ້າ ບໍ່ແມ່ນເຮັດເພື່ອປະໂຫຍດທີ່ວຽກງານຕ້ອງການ ມີແຕ່ຕິຕຽນສ່ວນຕົວ ຖຽງເພື່ອຊະນະ ຖຽງເພື່ອແກ້ແຄ້ນ ເພື່ອທຳລາຍບັນຍາກາດອັນດີຕໍ່ກັນ.

5. ໄດ້ຍິນຄວາມວິພາກວິຈານອັນບໍ່ຖືກ ກໍເຮັດເພີດເສີຍ ບໍ່ສູ້ຖຽງ ຮອດວ່າໄດ້ຍິນຄວາມເວົ້າທີ່ຕ້ານການປະຕິວັດ ກໍບໍ່ເອົາລາຍງານໃຫ້ຂັ້ນສູງຮູ້ ໃຜເວົ້າຫຍັງ ໃຜເຮັດຫຍັງ ກໍຕາມຊ່າງ.

6. ພົບປະຊາຊົນກໍບໍ່ສືບສວນເບິ່ງ ບໍ່ຖ້ອຍຖາມຂະເຈົ້າ ບໍ່ໂຄສະນາ ບໍ່ຊີ້ແຈງອະທິບາຍ ເຮັດຄືປະຊາຊົນບໍ່ມີສິ່ງພົວພັນຫຍັງກັບໂຕ.

7. ເຫັນສິ່ງທີ່ເປັນການເສຍຫາຍ ໃຫ້ແກ່ປະຊາຊົນກໍຕາມຊ່າງ ບໍ່ຕັກເຕືອນ ບໍ່ກີດຂວາງ ບໍ່ຊອກຊ່ອງທາງຫຼີກເວັ້ນ.

8. ເຮັດວຽກບໍ່ມີແຜນການ ພົບຫຍັງເຮັດອັນນັ້ນ ເຮັດບໍ່ເປັນພິທີ ເຮັດບໍ່ມີຂອບເຂດ ເຮັດບໍ່ເຖິງຕົ້ນເຖິງປາຍ.

9. ຖືຕົວເອງວ່າເປັນ ນັກປະຕິວັດແກ່ພັນສາ ນັກປະຕິວັດຮຸ່ນເກົ່າ ອ້າງຄຸນງາມຄວາມດີແຕ່ກ່ອນມາ ເພື່ອທວງໃຫ້ຜູ້ອື່ນນັບຖື ແລະ ທວງເອົາຖານະຕຳແໜ່ງ ໃຫ້ເຮັດວຽກ ໃຫຍ່ ຊ້ຳພັດເຮັດບໍ່ຫຼ້ອນ ໃຫ້ເຮັດວຽກນ້ອຍຊ້ຳບໍ່ຍອມເຮັດ ເຮັດວຽກແບບຖາມວາດ ຮ່ຳຮຽນຊ້ຳຂີ້ຄ້ານ ເມື່ອເຫັນຜູ້ອື່ນຮ່ຳຮຽນກ້າວໜ້າກ່ວາ ຊ້ຳພັດຄຽດຊັງເຂົາ.

10. ຮູ້ວ່າໂຕມີຂໍ້ບົກຜ່ອງ ກໍບໍ່ພະຍາຍາມອົດທົນ ແກ້ໄຂປ່ຽນແປງ.

ພະຍາດຕ່າງໆທີ່ກ່າວມາຂ້າງເທິງນີ້ ເຮັດໃຫ້ພັກເຮົາໂຊເຊ ມີຄຳຄິດມີຄຳເຫັນແບບກະວົນກະວາຍ ລະບຽບວິໄນຫຼົ້ມເຫຼວ ວຽກການຊັກຊ້າ ນະໂຍບາຍບໍ່ປະຕິບັດໄດ້ສຸດຂີດ ພັກກໍຫ່າງໄກຈາກປະຊາຊົນ ຜູ້ໃດຕິດພະຍາດນີ້ ກໍມັກກ້າວໄປເຖິງບ່ອນຍົກຜົນປະໂຫຍດສ່ວນຕົວຂຶ້ນເທິງ ເອົາຜົນປະໂຫຍດຂອງພັກ ແລະ ປະຊາຊົນລົງຕ່ຳກ່ວາ.

ນັກປະຕິວັດ ຍາມໃດກໍຕ້ອງສັດຊື່ ຫ້າວຫັນ ຖືນະໂຍບາຍຂອງພັກ ແລະ ຂອງຊາດ ປະເສີດກ່ວາຊີວິດຂອງຕົນເອງ ຍາມໃດກໍຕ້ອງໃສສະອາດ ບໍລິສຸດ ມັກການດຳເນີນຊີ ວິດລວມໝູ່ ຊຸກຍູ້ສົ່ງເສີມ ຈິດໃຈປະຊາຊົນຢູ່ສະເໝີ ຮັກສາລະບຽບວິໄນຢູ່ສະເໝີ ຕ້ານຢັນພະຍາດຖືກຽດສ່ວນຕົວຢູ່ສະເໝີ.

ຈ.) ພະຍາດຂີ້ຄ້ານ:ປະກົດການທີ່ສະແດງໃຫ້ເຫັນລັກສະນະຂອງພະຍາດຂີ້ຄ້ານ ເປັນຄືດັ່ງລຸ່ມນີ້:

- ຖືວ່າອັນໃດຕົນເອງກໍເກັ່ງພໍແລ້ວ ວຽກອັນໃດຕົນເອງກໍຮູ້ພໍແລ້ວ ຂີ້ຄ້ານຮ່ຳຮຽນ ຂີ້ຄ້ານຄິດ ຄານພິຈາລະນາ ວຽກການອັນໃດງ່າຍໆ ກໍຍາດເອົາມາໃຫ້ແກ່ຕົນເອງ ວຽກ ອັນໃດຍາກກໍຊຸກໄປໃຫ້ຜູ້ອື່ນເຮັດ ເມື່ອພົບສິ່ງທີ່ເປັນອັນຕະລາຍ ກໍຊອກຫາວິທີຫຼົບຫຼີກໄປ.

- ເມື່ອໄດ້ຮັບຄຳສັ່ງ ຫຼື ມະຕິຕົກລົງຂອງຊັ້ນສູງ ກໍບໍ່ມັກຄົ້ນຄ້ວາເບິ່ງໃຫ້ແຈ່ມແຈ້ງ ບໍ່ຮີບນຳສົ່ງຄຳສັ່ງ ຫຼື ມະຕິຕົກລົງນັ້ນ ລົງໄປໃຫ້ຂັ້ນລຸ່ມ ໃຫ້ສະມາຊິກຂອງພັກ ແລະ ພົນທະຫານ ມັກເອົາມ້ຽນໄວ້ນຳຕົນເອງ ໂດຍບໍ່ເອົາອອກມາອ່ານຄືນອີກ.

ເວລາປະຕິບັດຄຳສັ່ງ ກໍກະຕຸກກະຕັກ ບໍ່ມ່ວນຊື່ນເບີກບານ ບໍ່ວ່ອງໄວ ມັກປະຕິບັດພໍແລ້ວເລື່ອງ ບໍ່ຕັ້ງໃຈໃສ່ເຖິງຕົ້ນເຖິງປາຍ ຜົນທີ່ໄດ້ຮັບ ກ່ອນອື່ນ ກໍຄືມະຕິເຕັມຖົງສົ້ງ ຄຳສັ່ງເຕັມຖົງເສື້ອ.

ຜົນທີ່ໄດ້ຮັບທີ່ມັນໜັກກໍຄື: ມ້າງເພການຈັດຕັ້ງຂອງພັກ ຫຼຸດຜ່ອນລະບຽບວິໄນຂອງພັກ ປະໃຫ້ເສຍໂອກາດທີ່ຄວນເຮັດກໍບໍ່ເຮັດ ເວລາເຮັດກໍຫຼ້າຊ້າໄປແລ້ວ ນັ້ນແມ່ນເປັນ ຍ້ອນແນວຄິດຂີ້ຄ້ານ ຊັກຊ້າ ຄົນເຮົາມີແນວນັ້ນ ກໍເພາະບໍ່ເຂົ້າໃຈວ່າ ພັກກໍຄືດຽວກັບຕົນຕົວເຮົາ ມະຕິຕົກລົງ ແລະ ຄຳສັ່ງ ກໍຄືສາຍເລືອດ ສາຍເລືອດແລ່ນດີໄປທົ່ວຕົນ ຕົວ ກໍເຮັດໃຫ້ຄົນບໍ່ເຈັບໄຂ້ ສາຍເລືອດຢຸດຢູ່ບ່ອນໃດບ່ອນນັ້ນ ກໍຈະເປັນເປ້ຍຫຼ່ອຍ ແລະ ເກີດພະຍາດທັນທີ ມະຕິຕົກລົງ ແລະ ຄຳສັ່ງກໍໄປໄວໄປເຖິງແຕ່ຊັ້ນເທິງຫາຊັ້ນ ລຸ່ມ ວຽກການກໍແລ່ນໄວ ອັນໃດກໍແລ້ວທົ່ວປົວດີ ມັນຢຸດສະງັກຢູ່ບ່ອນໃດຊັ້ນໃດ ຕັ້ງແຕ່ຊັ້ນນັ້ນລົງມາເຖິງລຸ່ມ ກໍເປັນເປ້ຍຫຼ່ອຍ ບໍ່ຮູ້ທາງໃດຈະເຮັດວຽກ.

ສ.) ພະຍາດອິດສາ:ອັນໃດກໍຢາກໃຫ້ສະເໝີກັນໝົດ ເມື່ອຊັ້ນເທິງມີວຽກຟ້າວໄດ້ຂີ່ມ້າ ຫຼື ຂີ່ລົດໄປເຮັດວຽກ ຊັ້ນລຸ່ມກໍຢາກຂີ່ມ້າ ຂີ່ລົດຄືກັນ ເມື່ອມີຜູ້ຮັບຜິດຊອບຫຼາຍວຽກ ໄດ້ຢູ່ເຮືອນກ້ວາງ ຜູ້ທີ່ບໍ່ມີວຽກຫຼາຍ ກໍທວງເອົາເຮືອນກ້ວາງຄືກັນ ເວລາເພີ່ມອາຫານໃຫ້ທະຫານທີ່ຖືກບາດເຈັບ ກໍຢາກໃຫ້ເພີ່ນເພິ່ມທໍ່ກັນໝົດ ບໍ່ວ່າຜູ້ເຈັບໜັກ ຫຼື ເຈັບ ເບົາ ເວລາເຮັດວຽກຫຍັງ ກໍຢາກໃຫ້ທັງຜູ້ເຖົ້າຜູ້ໜຸ່ມ ເດັກນ້ອຍຜູ້ແຂງແຮງ ແລະ ຜູ້ບໍ່ແຂງແຮງ ເຮັດເທົ່າກັນໝົດ ບໍ່ໃຫ້ໃຜລື່ນໃຜ ວຽກຢ່າງໜຶ່ງ ຜູ້ດຽວເຮັດກໍໄດ້ ກໍບໍ່ຍອມ ເຮັດ ຢາກໃຫ້ໝົດທຸກຄົນ ເຮັດນຳກັນຈຶ່ງຍອມເຮັດ.

ພະຍາດນີ້ ເກີດຂຶ້ນໄດ້ກໍຍ້ອນຜູ້ຕິດພະຍາດນັ້ນ ເຂົ້າໃຈຜິດວ່າ ຄວາມ ສະເໝີພາບ ບໍ່ເຂົ້າໃຈວ່າຜູ້ແຂງແຮງຕ້ອງຫາບໜັກ ຜູ້ບໍ່ແຂງແຮງຫາບເບົາກ່ວາ ຜູ້ເຮັດວຽກໜັກ ຕ້ອງກິນຫຼາຍ ຜູ້ເຮັດວຽກເບົາ ກິນໜ້ອຍ ດັ່ງນັ້ນ ຈຶ່ງແມ່ນສະເໝີພາບ.

ຊ.) ພະຍາດປະຈົບປະແຈງ:ຍັງມີຄົນຈຳພວກໜຶ່ງ ເມື່ອເວົ້າຕໍ່ໜ້າໃຜກໍດີໝົດ ລັບຫຼັງຊ້ຳພັດເວົ້າວ່າ: ໃຜກໍຊົ່ວໝົດ ຢູ່ຕໍ່ໜ້າຜູ້ໃດ ກໍວ່າເຂົາຊົ່ວ ຢູ່ກໍຍັງໄປຍ້ອງວ່າເຂົາດີ ຜູ້ ໃດດຶງໄປເຮັດຜິດ ຫຼື ເຮັດຖືກ ກໍໄປນຳໝົດ ອ້າງທິດສະດີວ່າ ຕົກໝູ່ແຮ້ງເປັນແຮ້ງ ຕົກໝູ່ກາເປັນກາ ບໍ່ກ້າຕິຕຽນສິ່ງທີ່ຜິດ ແລະ ບໍ່ກ້າຍ້ອງສິ່ງທີ່ຖືກ.

ຄົນຊະນິດນັ້ນ ເປັນຫຍ້າຄາກາງແກ່ວລົ້ມນຳໝົດທຸກລົມ ເປັນນັກສວຍໂອກາດ ເປັນນົກສອງຫົວ ມີວາດສະໜາເປັນແຕ່ລູກນ້ອງຂອງຄົນອື່ນ ອາໄສເພິ່ງແຕ່ຄົນອື່ນ ບໍ່ສາ ມາດເປັນຫົວໜ້າຄົນໄດ້

      ໃນສັງຄົມເມືອງໃຫຍ່ ສັງຄົມໃນເມືອງ ທີ່ມີນ້ຳໄຫຼໄຟສະຫວ່າງ ເປັນຍຸກທີ່ຮ້ານແຄມທາງເພິ່ນ ຫັນໃຈເຂົ້າ-ອອກ ເປັນພາສາອັງກິດ ແລະ ຄອມພິວເຕີ ຖ້າຜູ້ໃດບໍ່ຮູ້ຈັກຄຳວ່າ ກິກ ກໍຕ້ອງຂໍອະນຸຍາດເວົ້າວ່າ: ນຳບໍ່ທັນຍຸກໂລກາພິວັດ ຫຼື ຫ່າງໄກ ແວດວົງທຸລະກິດອັນທັນສະໄໝ ແລະ ບໍ່ເປີດໃຈຕໍ່ຂໍ້ມູນຂ່າວສານ IT ອີ່ຫຼີ ເພາະເວົ້າເລື່ອງ USB ກິກ ແມ່ນຄັງຂໍ້ມູນນ້ອຍໆ ທີ່ມີປະໂຫຍດຫຼວງຫຼາຍ ສາມາດສຽບໃສກໍໄດ້ ໃນເວລາຕ້ອງການໃຊ້ວຽກ ຊຶ່ງມີຂະໜາດ 1 ກິກ 2 ກິກ ຫຼື 4 ກິກ ອັນນີ້ແມ່ນຂຶ້ນກັບຈຸດປະສົງໃນການນຳໃຊ້ ແຕ່ສິ່ງທີ່ຢາກນຳມາແລກປ່ຽນໃນມື້ນີ້ ແມ່ນກິກທີ່ເກີດຂຶ້ນຢູ່ໃນໃຈ ແລະ ຖືກບັນທຶກເຂົ້າໃນສະໝອງຂອງຄົນເຮົາ ເຮັດໃຫ້ການຈື່ຈຳໃນເລື່ອງຄວາມຮັກ ຄວາມຜູກພັນບໍ່ຈະແຈ້ງ ແລະ ບໍ່ຊັດເຈນ ເຊິ່ງມີຫຼາຍຄົນຕ່າງ ກໍໃຫ້ນິຍາມທີ່ຫຼາຍສີສັນ ແລະ ແຕກຕ່າງກັນອອກໄປ.

       ຄຳວ່າ ກິກ ອາຈານສອນເສດຖະສາດ ໃຫ້ຄວາມໝາຍວ່າ: ແມ່ນຄູ່ຮັກທີ່ບໍ່ຈິງໃຈ ຊຶ່ງຕ່າງຝ່າຍກໍມີເປົ້າໝາຍ ເພື່ອຫຼອກລວງຍົວະເຍົ້າຕົວະຕົ້ມ ຊື້-ຂາຍ ສາຍພົວພັນການຄ້າແບບລົມໆແລ້ງໆ ທີ່ບໍ່ຜ່ານນາຍໜ້າ ຫຼື ພໍ່ຄ້າມືກາງ ຜູ້ຍິງຢາກໄດ້ສິນຄ້າ ເປັນວັດຖຸໃຊ້ສອຍປະຈຳວັນ ຄື: ໂທລະສັບ ບັດເຕີມມູນຄ່າ ... ຈຶ່ງມີກິກໄວ້ເປັນຕົວຊ່ວຍ ໃນເວລາຄ່າໂທໝົດ ສ່ວນຜູ້ຊາຍພັດຢາກໄດ້ຈິດໃຈ ຄືໃຫ້ມີຄົນນັ່ງເຝົ້ານັ່ງເວົ້າລົມ ແລະ ຢອກຫຼິ້ນ ພໍຜ່ອນຄາຍອາລົມ ເສຍເງິນເລັກໜ້ອຍບໍ່ສຳຄັນ ຄູບາສອນທຳມະວາໄລຕີ ເພິ່ນນິຍາມວ່າ: ກິກ ມາຈາກຄຳວ່າ ກຸກກິກ ໝາຍເຖິງໝົດທັງໂລກ ແຕ່ບໍ່ແມ່ນໃຜ ? ໝາຍເຖິງມີໃຜກໍໄດ້ ມານັ່ງວີ ຢາກຫຼິ້ນພໍມ່ວນໃຈ ຫຼື ມີໃຜກໍໄດ້ໃນໂລກນີ້ ທີ່ມາເຍົ້າໃຫ້ຍິ້ມ ອອຍໃຫ້ຫົວ ແຕ່ບໍ່ເຄີຍຊິຄິດຮັກແບບຊູ້ແຟນຈັກຄົນ ນັກກີລາບານເຕະໃຫ້ທັດສະນະວ່າ: ຄຳວ່າກິກ ແມ່ນໝາຍເຖິງຄົນທີ່ມີເມຍແລ້ວ ແຕ່ໄປລົມຜູ້ສາວ ແລະ ຜູ້ສາວທີ່ລາວຕິດຫັ້ນ ລະ ເອີ້ນວ່າ ກິກ ... ຫຼືຊິຖືວ່າເປັນໝາກບານກໍໄດ້ ທີ່ໃຜໆກໍຢາກຍາດກັນເຕະ ແຕ່ເວລາອອກຈາກເດີ່ນແລ້ວ ກໍບໍ່ເຄີຍມີນັກເຕະຄົນໃດສົນໃຈດູແລ ແລະ ເອົາໃຈໃສ່ ແລະ ອາຈານປັດຊະຍາພັດ ບອກວ່າ: ກິກ ແມ່ນຄູ່ມາດຕະເກນສັງຄົມ ທີ່ເປັນນາມມະທຳ ໝາຍຄວາມວ່າ: ເຟີ້ຝັນຊື່ໆ ບໍ່ມີຕົນຕົວ ... ແຕ່ໄວລຸ້ນພວກເຮົາຊ້ຳຄິດຕ່າງວ່າ: ກິກແມ່ນເພື່ອນລົມແກ້ເຫງົາຊື່ໆ ຄືຜູ້ທີ່ເຮົາລົມແລ້ວຮູ້ສຶກມ່ວນຊື່ນ ສະບາຍໃຈ ກໍຄືກິກ ເອີ ! ເນາະ ໂລກຂອງກິກ ... ມີແຕ່ເລື່ອງແປກພິກໄປປີ້ນມາ ໃຜຍັງບໍ່ທັນໄດ້ນິຍາມກໍສົ່ງມານຳຫຼັງ ! ອັນນີ້ບໍ່ວ່າກັນ.

       ສຳລັບຂ້າພະເຈົ້າແລ້ວ ກໍໄດ້ພະຍາຍາມຊອກຫາ ເຊື້ອສາຍລາຍລ່ອງ ຫຼື ກົກເຄົ້າເຫງົ້າກໍຄືກັນວ່າ ກິກ ນີ້ ມັນມີຕົ້ນຕະກຸນຢູ່ໃສ ? ມາຈາກແຊງໃດຂອງຫົວໄຮ່ປາຍນາ ສ່ວນນັກຂຽນ ນັກກະວີ ແລະ  ນັກພາສາລາງວັນຊີໄຣທ່ານໜຶ່ງ ໃຫ້ຄຳເຫັນວ່າ: ບໍ່ຮູ້ວ່າ ໝໍນີ້ ມັນລອດເຂົ້າມາບ້ານເຮົາໄດ້ແນວໃດ ? ແລະ ເຂົ້າມາແຕ່ມື້ໃດ ? ເພາະຜ່ານການກວດຫາໃບເດີນທາງ ປະກົດວ່າ ບໍ່ພໍ້ ! ບໍ່ທັນມີຂໍ້ມູນ ... ຄຳວ່າ ກິກ ມັນບໍ່ແມ່ນພາສາລາວ ບໍ່ແມ່ນພາສາອີ່ແມ່ ແຕ່ຄົນເຮົາພັດຮູ້ມັນດີ ໃນຖານະຕົວການ ທີ່ເຂົ້າມາກໍ່ກວນປັ່ນປວນ ສະຖາບັນຄວາມຮັກ ຄວາມອົບອຸ່ນ ຜົວທີ່ມີກິກ ເມຍກໍກິນເຂົ້າບໍ່ແຊບນອນບໍ່ຫຼັບ ເມຍທີ່ມີກິກ ຜົວກໍຢູ່ບໍ່ໄດ້ ອອກຟືນອອກໄຟ ຮ້ອນໆໜາວໆ ບ່າວສາວທີ່ມີກິກກໍຜິດຖຽງ ແລະ ເບິ່ງໜ້າກັນບໍ່ຄ່ອຍເຕັມຈໍ.

       ການມີ ກິກ ບໍ່ຊ່ວຍໃຫ້ມີລາຍໄດ້ ແລະ ບໍ່ສ້າງປະໂຫຍດອັນໃດຈັກຢ່າງ ໃຫ້ແກ່ຄອບຄົວ ແລະ ຕົວເຮົາເອງ ກໍຄືວຽກງານ ແລະ ຄົນອ້ອມຂ້າງ ກົງກັນຂ້າມ ມັນນຳເອົາແຕ່ເລື່ອງສັບສົນວົນວາຍ ແລະ ບໍ່ສະບາຍໃຈ ເຂົ້າມາໃຫ້ແກ້ໄຂໃນແຕ່ລະມື້ ສະນັ້ນ ຈົ່ງມາຮ່ວມແຮງຮ່ວມໃຈກັນ ເຮັດໃຫ້ຕົວທ່ານ ແລະ ຄອບຄົວ ໃຫ້ປອດໄພຈາກ ກິກ ບູຮານວ່າ: ມີຮັກຫຼາຍຫົວໃຈພິກ ມີກິກຫຼາຍສະໝອງແຕກ ຍິກໄດ້ຢ່າພາກັນລົງມືກໍພໍ.

     ຊ້າໆໄດ້ພ້າດວງງາມ ເປັນແນວຄິດທີ່ດີສຳລັບການພັດທະນາ Firefox 4 ຂອງ Mozilla ໂດຍສະເພາະເວີເຊິນ 4 ທີ່ທາງບໍລິສັດ ອອກຮຸ່ນທົດລອງມາເຖິງ 8 ເທື່ອແລ້ວ 

ເປົ້າຫມາຍຂອງການພັດທະນາກໍ່ຄືການເປັນບຣາວເຊີທີ່ສົມບູນແບບ, ແຂງແຮງ ແລະ ມີຄວາມ ສາມາດທີ່ຖິ້ມຫ່າງ Internet Explorer 9 ຂອງ Microsoft ໃນ Firefox 4

ຮຸ່ນທົດລອງຫລ້າສຸດ, ທາງ Mozilla ໄດ້ພັດທະນາໃນ ການສະແດງກຣາຟິກສາມມິຕິຫລື 3D ເຂົ້າໄປ ລວມເຖິງລະບົບຈັດການ Add-On ທີ່ດີຂຶ້ນອີກດ້ວຍ.

     ອ້າງອີງຂໍ້ມູນຈາກ Mozilla ລະບຸວ່າ Firefox 4.0 Beta 8 ໄດ້ຮັບການປັງປຸງ ແລະ ແກ້ໄຂບັ໊ກເພີ່ມເຕີມອີກ 1.400 ກວ່າແຫ່ງ ອີກທັງຍັງສາມາດຣັນ JavaScript 

ໄດ້ໄວກວ່າ Beta 7 ອີກ 5% ອີກດ້ວຍ ແຕ່ປານນັ້ນຄວາມຫນ້າສົນໃຈຂອງ Firefox4.0 Beta 8 ກໍ່ຄືການພັດທະນາໃຫ້ຄຸນສົມບັດ Firefox Sync

ສາມາດຕິດຕັ້ງບັນຊີຜູ້ໃຊ້ຕະຫລອດຮອດການເຂົ້າກັນກັບອຸປະກອນໃຫມ່ໆເຮັດໄດ້ ງ່າຍຂຶ້ນ ແລະ ເຫນືອອື່ນໃດໃນເວີເຊິນທົດລອງຫລ້າສຸດນີ້ ທາງ Mozilla

ຍັງໄດ້ເພີ່ມການສະຫນັບສະຫນູນກຣາຟິກສາມມິຕິເຂົ້າໄປໃນ ບຣາວເຊີ ລວມເຖິງການປັບໂສມຄຸນສົມບັດການຈັດການສ່ວນເພີ່ມເຕີການເຮັດວຽກ (Add-ons Manager)

ຂອງບຣາວເຊີ ອີກດ້ວຍ.

   Firefox 4 Beta 8 ຈະມາພ້ອມກັບຄວາມສາມາດໃນການຕິດຕັ້ງ Firefox Sync ທີ່ໄວຂຶ້ນເຮັດໃຫ້ຜູ້ໃຊ້ສາມາດເປີດ ເພື່ອ Awe some bar ເບິ່ງ History, Bookmarks,

ແທັບຕ່າງໆ ຕະຫລອດຮອດພາດສເວິດເທິງຄອມພິວເຕີແລະສະມາດໂຟນໄດ້ສະດວກງ່າຍ ດາຍກວ່າເດີມສ່ວນການສະຫນັບສະຫນູນ 3D Graphics ໃນ Firefox 4 Beta 8

ຈະສາມາດໃຊ້ WebGL ທີ່ມີຢູ່ໃນກ໊າດສະແດງ ຜົນໄດ້ຮັບກຣາຟິກຮຸ່ນໃຫມ່ໆເຮັດໃຫ້ນັກພັດທະນາສາມາດສ້າງເກມ 3D ທີ່ມີກຣາຟິກສວຍງາມໄດ້ງ່າຍຂຶ້ນ

ທີ່ສຳຄັນມັນສາມາດຫລິ້ນໄດ້ ໃນບຣາວເຊີ Firefox ໂດຍບໍ່ຕ້ອງປັກອິນເພີ່ມເຕີມແຕ່່ຢ່າງໃດລອງດາວໂຫລດມາໃຊ້ດ້ວຍຕົວທ່ານເອງທີ່

http://www.mozilla.com/ en-US/firefox/beta/

    ໃຜກໍ່ຕາມ​ທີ່​ຕ້ອງ​ເຮັດ​ວຽກ​ຢູ່​ໜ້າ​ຈໍ​ຄອມ​ໝົດ​ມື້ ອາດ​ເຮັດ​ໃຫ້​ມີຄວາມ​ອິດ​ເມື່ອຍ​ໄດ້ ມື້​ນີ້​ເຮົາ​ມີ​ເຄັດ​ບໍ່​ລັບ ວິ​ທີ່​ຫຼຸດຜ່ອນຄວາມ​ອິດ​ເມື່ອຍ​ແບບ​ງ່າຍໆ ມາ​ຝາກ​ເດີ 

     ທຸ​ກໆ ​ເຄິ່ງຊົ່ວ​ໂມງ ຄວນ​ລຸກ​ຂຶ້ນ​ຍືດ​ເສັ້ນ​ຍືດສາຍ​ແບບ​ງ່າຍໆ(ຫຼື ບິດ​ຂ້າງ​ບິດ​ແອວ​ແບບ​ຂີ້ຄ້ານ​ກະ​ໄດ້)  

      ຕອນ​ທີ່​ນັ່ງ​ເຮັດ​ວຽກ​ຄວນ ປ່ອຍ​ຕີນ​ໃຫ້​ພຽງ​ກັບ​ພື້ນ​ຫ້ອງ​ເຮັດ​ວຽກ

      ບໍ່​ຄວນ​ປະ​ໃຫ້​ມື້ ທັງ​ສອງ​ເບື້ອງ​ຢູ່​ເທິງ​ແປ້ນ​ພິມ ບ່ອນເກົ່າ​ເປັນ​ເວລາ​ດົນ ​ເພາະ​ຈະ​ເຮັດ​ໃຫ້​ແຂນ ​ແລະ ມື​ເມື່ອຍ​ຫຼາຍ​ຂຶ້ນ  

       ​ຖື​ຕາມ​ຫຼັກ 20-20-20 ຄື ລັບ​ຕາ20 ​ເທື່ອ ​ເມື່ອ​ເບິ່ງ​ວັດຖຸ​ອື່ນໆ​ນອກ​ຈໍ​ໃນ​ໄລຍະ20 ຟຸດ​ທຸກໆ 20ນາ​ທີ່

       ຫຼີກ​ເວັ້ນການ​ເຄື່ອນ​ໄຫວ​ທີ່​ຈະ​ເຮັດ​ໃຫ້​ຄໍ​ຢູ່​ໃນ ​ຕຳແໜ່​ງທີ່​ບໍ່​ເໝາະ​ສົມ  

​   ໃຜ​ທີ່​ໃຊ້​ຄອມ​ຕະຫຼອດ​ກະ​ລອງ​ໃຊ້​ເບິ່ງ​ໄດ້ຜົນ​ແນວ​ໃດ ບອກ​ແດ່​ເດີ!

      ປີ2010ຢູ່ນະຄອນຫຼວງວຽງຈັນມີຄະດີເກີດຂຶ້ນຢ່າງຕໍ່ເນື່ອງປະກົດການຫຍໍ້ທໍ້ເຫຼົ່ານີ້ກາຍເປັນສ້ຽນໜາມຂອງສັງຄົມ ເຮັດໃຫ້ສັງຄົມ ຂາດຄວາມສະຫງົບ ຄວາມເປັນລະ ບຽບຮຽບຮ້ອຍ ໃນນີ້ ຄະດີທີ່ສະເທືອນຂວັນ ອັນໄດ້ສ້າງຄວາມຢ້ານກົວ ໃຫ້ແກ່ພໍ່ແມ່ປະຊາຊົນ ມີ 10 ກໍລະນີຄື:

ອັນດັບ 10: ຄະດີຄາດຕະກຳເມຍ ຢູ່ເມືອງຫາດຊາຍຟອງ ຄະດີນີ້ ເກີດຂຶ້ນໃນວັນທີ 10 ທັນວາ 2010 ເມື່ອທ້າວ ລີຈຸຊົງ ອາຍຸ 60 ປີ ບ້ານໜອງແວງ ເມືອງຫາດຊາຍ ຟອງ ໄດ້ຜິດຖຽງກັບເມຍ ໃນຂະນະທີ່ພາກັນໄປຫາປາ ພາຍຫຼັງຜູ້ເປັນເມຍບອກຜົວກາງກະດຸ້ງ ແຕ່ຜົວບໍ່ເຮັດ ຈາກນັ້ນ ເມຍກໍຈົ່ມວ່າ ຈົນເຮັດໃຫ້ຜົວລຳຄານ ດ້ວຍຄວາມ ໂມໂຫ ຈຶ່ງແກ່ວງມີດສຽບທ້ອງເມຍ ຈົນເສຍຊີວິດ ໃນຂະນະທີ່ພວມນຳສົ່ງໂຮງໝໍ.

ອັນດັບ 9: ຄະດີທຳຮ້າຍຮ່າງກາຍຈົນເສຍຊີວິດ ຢູ່ເມືອງໄຊເຊດຖາ ເຫດການເກີດຂຶ້ນໃນວັນທີ 20 ມິຖຸນາ 2010 ເວລາປະມານ 20:00 ໂມງ ນາງ ໄພວັນ ອາຍຸ 19 ປີ ບ້ານໜອງແປນໃຕ້ ເມືອງຫາດຊາຍຟອງ ພັກເຊົາຢູ່ບ້ານໜອງໜ່ຽງ ເມືອງໄຊເຊດຖາ ໄດ້ຜິດຖຽງກັບທ້າວ ດຳ ໃນຂະນະທີ່ມີປາກສຽງກັນນັ້ນ ນາງ ໄພວັນ ໄດ້ຈັບມີດ ຍາວປະມານ 20 ຊັງຕີແມັດ ແທງກົກຂາຊ້າຍທ້າວ ດຳ ໄດ້ຮັບບາດເຈັບ ພາຍຫຼັງນຳສົ່ງໂຮງໝໍ ຜູ້ກ່ຽວກໍເສຍຊີວິດ.

ອັນດັບ 8: ຄະດີທຳຮ້າຍຮ່າງກາຍຈົນເສຍຊີວິດ ເຫດການສະເທືອນຂວັນນີ້ ເກີດຂຶ້ນໃນວັນທີ 13 ເມສາ 2010 ເວລາປະມານ 15:00 ໂມງ ທ້າວ ອານັນ ອາຍຸ 20 ປີ ບ້ານທ່າເດື່ອ ເມືອງຫາດຊາຍຟອງ ໄດ້ກໍ່ເຫດອາລະວາດຕີກັບໄວລຸ້ນຢູ່ບ້ານທ່າເດື່ອ ປະມານ 15 ຄົນ ແລະ ຜູ້ກ່ຽວໄດ້ນຳໃຊ້ມີດ ຍາວປະມານ 20 ຊັງຕີແມັດ ແທງກຸ່ມ ໄວລຸ້ນດັ່ງກ່າວ 5 ຄົນ ສົ່ງຜົນໃຫ້ທ້າວ ສົມສັກ ອາຍຸ 34 ປີ ບ້ານທ່າເດື່ອ ເສຍຊີວິດຄາທີ່ ແລະ ບາດເຈັບອີກ 4 ຄົນ.

ອັນດັບທີ 7: ຄະດີຄາດຕະກຳແຟນສາວ ເຫດການນີ້ເກີດຂຶ້ນຢູ່ບ້ານທາດຫຼວງໃຕ້ ເມືອງໄຊເຊດຖາ ມື້ເກີດເຫດເວລາປະມານ 10:00 ໂມງເຊົ້າຂອງວັນທີ 28 ກັນຍາ 2010 ທ້າວ ມະນັດ ອາຍຸ 21 ປີ ໄດ້ລົງມືຄາດຕະກຳແຟນສາວ ຄືນາງ ຮັນນີ ອາຍຸ 19 ປີ ບ້ານໂນນ ເມືອງປາກງື່ມ ພັກເຊົາຢູ່ບ້ານທາດຫຼວງໃຕ້ ຜູ້ຕ້ອງຫາລາຍນີ້ ເກີດມີຄວາມຫຶງຫວງ ແລະ ມີຄວາມໂມໂຫ ຍ້ອນແຟນສາວຕີໂຕອອກຫ່າງ ແລະ ຄິດວ່າແຟນສາວໄປມີຄົນໃໝ່ ຈຶ່ງໄດ້ເອົາຜ້າຫົ່ມປົກຫົວ ແລ້ວບີບຄໍແຟນສາວ ຈົນເສຍຊີ ວິດ.

ອັນດັນທີ 6: ຄະດີຄົນຮ້າຍປຸ້ນຊັບຢູ່ໄຊທານີ ເຫດການນີ້ເກີດຂຶ້ນເວລາປະມານ 1 ໂມງເຊົ້າຂອງວັນທີ 28 ຕຸລາ 2010 ເຊິ່ງໄດ້ມີຄົນຮ້າຍ 4 ຄົນ ມີອາວຸດຄົບມື ງ້າວ ແລະ ເຫຼັກແປບ ຮ່ວມກັນອອກມາປຸ້ນລົດໃຫຍ່ 5 ຄັນ ຢູ່ຕາມເສັ້ນທາງເລກທີ 10 ເຂດບ້ານໂພນຄໍ້ ເມືອງໄຊທານີ ພາຍຫຼັງທີ່ຜູ້ເສຍຫາຍແຈ້ງຕໍ່ເຈົ້າໜ້າທີ່ ປກສ ເມືອງ ດັ່ງກ່າວ ລົງກວດກາຈຸດເກີດເຫດ ກໍໄດ້ພົບເຫັນຄົນຮ້າຍທັງ 4 ຄົນ ພວກກ່ຽວບໍ່ຍອມມອບໂຕ ແລະ ຕໍ່ສູ້ກັບເຈົ້າໜ້າທີ່ ໃນທີ່ສຸດ ໜຶ່ງໃນຄົນຮ້າຍ ຄື: ທ້າວ ສົມຄວນ ອາຍຸ 28 ປີ ບ້ານທົ່ງມັ່ງ ເມືອງໄຊທານີ ກໍໄດ້ເສຍຊີວິດ.

ອັນດັບທີ 5: ຄະດີຂ້າປຸ້ນຊັບ ເກີດຂຶ້ນເວລາປະມານ 1 ໂມງເຊົ້າຂອງວັນທີ 16 ມີນາ 2010 ເຊິ່ງໄດ້ມີຄົນຮ້າຍ 3 ຄົນ ໜຶ່ງໃນນັ້ນ ໄດ້ໃຊ້ອາວຸດປືນສັ້ນ ຍິງເຈົ້າຂອງຊັບ ເສຍຊີວິດ 1 ຄົນ ແລະ ບາດເຈັບອີກ 2 ຄົນ ເຫດການນີ້ ເກີດຂຶ້ນຢູ່ເສັ້ນທາງ T2 ເຂດບ້ານທົ່ງຕູມ ເມືອງຈັນທະບູລີ ພາຍຫຼັງກໍ່ເຫດ ເຈົ້າໜ້າທີ່ ປກສ ນະຄອນຫຼວງ ກໍສາມາດຈັບກຸມຜູ້ຕ້ອງຫາໄດ້ 1 ຄົນ.

ອັນດັບທີ 4: ຄະດີປຸ້ນຈີ້-ຊິງຊັບ-ລັກຊັບ ໃຊ້ອາວຸດ ປືນສັ້ນ CP ຍິງຕໍ່ສູ້ກັບເຈົ້າໜ້າທີ່ ເພື່ອຜ່າວົງປິດລ້ອມ ຢູ່ບ້ານສີດຳດວນ ເມືອງຈັນທະບູລີ ຄະດີນີ້ ເກີດຂຶ້ນເວລາປະ ມານ 14:00 ໂມງຂອງວັນທີ 4 ກັນຍາ 2010 ເມື່ອຄົນຮ້າຍ 2 ຄົນ ໄດ້ຂີ່ລົດ BYD ຜ່າວົງປິດລ້ອມຂອງເຈົ້າໜ້າທີ່ ແລະ ໄດ້ໃຊ້ປືນ CP ຍິງກະໜ່ຳໃສ່ເຈົ້າໜ້າທີ່ ໃນທີ່ ສຸດ ເຫດການສະເທືອນຂວັນກໍເກີດຂຶ້ນ ເມື່ອເຈົ້າໜ້າທີ່ຍິງຕອບໂຕ້ ຈົນຄົນຮ້າຍທັງ 2 ຄົນ ເສຍຊີວິດ.

ອັນດັບທີ 3: ຄະດີໄວລຸ້ນໄທ ຍິງຄົນຕ່າງປະເທດ ຢູ່ບ້ານຫາຍໂສກ ຄະດີນີ້ເກີດຂຶ້ນໃນວັນທີ 25 ສິງຫາ 2010 ເວລາປະມານ 2:00 ໂມງເຊົ້າ ຜູ້ຕ້ອງຫາລາຍນີ້ຄື: ທ້າວ ປະລັນ ສຸກອາລາມ ອາຍຸ 29 ປີ ເມືອງຊຽງແສນ ແຂວງຊຽງລາຍ ປະເທດໄທ ໄດ້ລົງມືກໍ່ເຫດ ໂດຍໃຊ້ອາວຸດປືນສັ້ນ ຍິງຂາຄົນອາເມລິກາ ແລະ ຍິງໜ້າເອິກ ແຂນ ຄົນອົດສະຕຣາລີ ຈົນເຮັດໃຫ້ຄົນຕ່າງປະເທດທັງ 2 ຄົນ ໄດ້ຮັບບາດເຈັບສາຫັດ.

ອັນດັບທີ 2: ຄົນຮ້າຍໄດ້ໃຊ້ອາວຸດປືນຍິງລົດກະບະ ຢູ່ບ້ານດອນໜູນ ເຮັດໃຫ້ມີຜູ້ເສຍຊີວິດ 4ຄົນ ເຫດການນີ້ ເກີດຂຶ້ນເວລາປະມານ 10:00 ໂມງເຊົ້າຂອງວັນທີ 10 ພຶດສະພາ 2010 ຢູ່ຮ່ອມ 10 ບ້ານດອນໜູນ ເມືອງໄຊທານີ ຜ່ານການກວດກາລົດກະບະດັ່ງກ່າວ ພົບເຫັນຢາເສບຕິດ ຢາບ້າ ຈຳນວນ 659 ເມັດ ປືນ AK 2 ກະ ບອກ ພ້ອມລູກ 203 ລູກ ປືນ CP ແລະ K 59 ຊະນິດລະກະບອກ ພ້ອມລູກ 8 ລູກ ແລະ ໝາກແຕກອີກ 3 ໜ່ວຍ.

ອັນດັບ 1: ຄະດີປະຫານຊີວິດ ກຸ່ມຄົນຂາຍຢາເສບຕິດ ຈຳນວນ 4 ຄົນ ສະເພາະຄະດີນີ້ ເກີດຂຶ້ນໃນວັນທີ 21 ກຸມພາ 2010 ເມື່ອເຈົ້າໜ້າທີ່ປະຈຳດ່ານນ້ຳອຸ່ນ ເມືອງ ກາສີ ແຂວງວຽງຈັນ ໄດ້ກວດກາລົດສະແຕັກນ້ຳມັນ ເລກທະບຽນ ບກ 6070 ກຳແພງນະຄອນ ພົບເຫັນຢາເສບຕິດ ຢາບ້າ ຊຸກເຊື່ອງຢູ່ໃນສະແຕັກລົດ ຈຳນວນ 2.183 ກິໂລກຼາມ ໃນຂະນະພວກກ່ຽວ ພວມເຄື່ອນຍ້າຍຈາກແຂວງຫຼວງນ້ຳທາ ລົງມານະຄອນຫຼວງວຽງຈັນ ສະເພາະຄະດີນີ້ ມີຂອງກາງ ອາວຸດເສິກ 5 ກະບອກ ປືນ AK 1 ກະບອກ ພ້ອມລູກ 90 ລູກ ປືນ T77 2 ກະບອກ ພ້ອມລູກ 6 ລູກ ປືນ K 59 1 ກະບອກ ພ້ອມລູກ 8 ລູກ ປືນ VZ 1 ກະບອກ ພ້ອມລູກ 8 ລູກ ແລະ ມີເງິນຈຳ ນວນ 5.010.000 ບາດ ແລະ 866.000 ກີບ ຜູ້ຕ້ອງຫາ ຄື: 1. ທ້າວ ທອງພັນ ອາຍຸ 32 ປີ ບ້ານດົງສະຫວາດ ເມືອງສີສັດຕະນາກ 2. ທ້າວ ແສງອຸທິດ ອາຍຸ 47 ປີ ບ້ານສົມສະໜຸກ ເມືອງຫາດຊາຍຟອງ 3. ທ້າວ ໂຕບີເຮີ ບ້ານເມືອງງາ ເມືອງ ແລະ ແຂວງຫຼວງພະບາງ ແລະ 4. ທ້າວ ໄຊວິສິດ ອາຍຸ 35 ປີ ບ້ານໜອງໄຮ ເມືອງຫາດຊາຍຟອງ ນະຄອນຫຼວງວຽງຈັນ ມາຮອດວັນທີ 9 ທັນວາ 2010 ສານປະຊາຊົນພາກກາງ ຢືນຢັນຕາມສານຊັ້ນຕົ້ນ ໃຫ້ປະຫານຊີວິດຈຳເລີຍທັງ 4 ຄົນ.