ຂຽນເມື່ອ: ຕ.ລ.. 23, 2011
| ມີ
3 ຄຳເຫັນ
ແລະ
0 trackback(s)
ຄວາມຮັກນັ້ນເປັນສິ່ງທີ່ຢູ່ຄູ່ກັບມະນຸດເຮົາມານານແສນນານ ແລະມະນຸດທຸກຄົນມີຄວາມຮັກຢູ່ພາຍໃນໃຈ ຫລາຍຫລືຫນ້ອຍແຕກຕ່າງກັນໄປ
ຄວາມຮັກຄືຫຍັງລະ? ພວກທ່ານທັງຫລາຍທີ່ຢູ່ໃນສະມະຊິກພັນລາວເຮົາທີ່ກຳລັງອ່ານກໍ່ຄົງມີຄຳຕອບສຳຫລັບຕົນເອງຢູ່ແລ້ວບາງຄົນອາດຕອບວ່າ ຄວາມຮັກຄື ສິ່ງເຕີມເຕັມໃຫ້ຊີວິດ
ບາງຄົນອາດຕອບວ່າ ຄວາມຮັກຄືທຸກສິ່ງທຸກຢ່າງຂອງຊີວິດ ຫລືບາງຄົນອາດຕອບວ່າ ຄວາມຮັກຄື ນາມທັມທີ່ເບິ່ງບໍ່ເຫັນແຕ່ສາມາດສຳຜັດໄດ້ດ້ວຍຫົວໃຈ ເປັນຕົ້ນ
ເຊິ່ງມີຜູ້ຄິດຈຳແນກຄຳວ່າຄວາມຮັກອອກເປັນແຕ່ລະສ່ວນຄືແບບສຳພັດຕົວອັກສອນຄື ພາສາອັງກິດຄຳວ່າຮັກຄື LOVE
L ຕົວທຳອິດໜ້າຈະໝາຍເຖິງ Lake of sorrow ທະເລສາບແຫ່ງຄວາມເສົ້າໂສກ
O ຕົວທີສອງໜ້າຈະໝາຍເຖິງ Ocean of tear ມະຫາສະມຸດແຫ່ງນ້ຳຕາ
V ຕົວທີສາມໜ້າຈະໝາຍເຖິງ Valley of death ຫຸບເຂົາແຫ່ງຄວາມຕາຍ ຫລືອາດເປັນ V Valentine ກໍ່ໄດ້
E ຕົວທີສີ່ໜ້າຈະໝາຍເຖິງ End of life ຈຸດຈົບຂອງຊີວິດ
ຖ້າຫາກຄວາມຮັກມີຄວາມຫມາຍເປັນຈິງຕາມແບບສຳພັດອັກສອນ ອັງກິດ ສີ່ຕົວນີ້ແລ້ວ ຄວາມຮັກມັນຈະເປັນສິ່ງສວຍງາມຈິງໄດ້ບໍ?
ແຕ່ໃນທາງພຣະພຸທທະສາສນາມີຫລັກຄຳສອນປະການຫນຶ່ງກ່ຽວກັບຄວາມຮັກ ນັ້ນຄືຫລັກແຫ່ງເມຕຕາ ຫລືຄວາມຮັກຄວາມປາດຖະໜາດີຕໍ່ຜູ້ອື່ນ ຫລືໃນຄວາມຫມາຍທີ່ກວ້າງອອກໄປ
ຄືຄວາມຮັກທີ່ມີຕໍ່ມະນຸດດ້ວຍກັນ ຕະຫລອດເຖິງສັບພະສັດທີ່ເປັນເພື່ອນທຸກ ເກີດ ແກ່ ເຈັບ ຕາຍ ດ້ວຍກັນທັງຫມົດ ໃນທາງພຣະພຸທທະສາສນາໄດ້ກ່າວເຖິງການເກີດຂອງຄວາມຮັກໄວ້ຫລາຍ
ແບບດ້ວຍກັນ ແຕ່ໃນທີ່ນີ້ຈະຂໍນຳມາກ່າວພຽງ ສອງແບບ
1. ບຸພເພສັນນິວາດ ການຢູ່ຮ່ວມກັນໃນອະດີດຊາດ ຄືການທີ່ເຄີຍຢູ່ຮ່ວມກັນ ເຄີຍສະໜິດສະໜົມມັກຮັກກັນມາ ເຄີຍລ້ຽງດູກັນມາ ເຄີຍທຳບຸນດ້ວຍກັນແລະອື່ນໆ ດັ່ງນັ້ນເມືອມາພົບກັນໃນ
ຊາດນີ້ ເຖິງແມ່ນວ່າຫາກໍ່ພົບກັນ ກໍ່ເກີດຄວາມຮັກຂຶ້ນທັນທີ ຮູ່ສຶກສະໜິດສະໜົມ ເຫມືອນເຄີຍຮູ້ຈັກກັນມາກ່ອນ ເຊິ່ງຕົນເອງກໍ່ບໍ່ຮູ້ສາເຫດເລີຍວ່າເປັນຫຍັງຄືຮັກ ດັ່ງຄຳທີ່ມັກເວົ້າວ່າ
ເຮົາທັ້ງສອງຄົງເຄີຍທຳບຸນຮ່ວມຊາດ ຕັກບາດຮ່ວມຂັນ ເປັນຕົ້ນ
2. ການຊ່ອຍເຫລືອເກື້ອກູນກັນໃນຊາດປະຈຸບັນ ຄືການຊ່ອຍເຫລືອກັນໃນເລື່ອງຕ່າງໆ ສ້າງຄວາມຮັກຄວາມໄວ້ວາງໃຈຕໍ່ກັນ ຊ່ອຍເຫລືອແລະແບ່ງປັນກັນໃນຄວາມສຸກທຸກຕ່າງໆ
ໄກ້ຊິດໄກ້ເລື້ອຍໆ ສ່ວນຫລາຍແມ່ນຄົນທີ່ຢູ່ໃນທີ່ດຽວກັນເຊັ່ນ ຮຽນດ້ວຍກັນ ເຮັດວຽກດ້ວຍກັນ ເປັນຕົ້ນ ເຊິ່ງຄວາມຮັກແບບນີ້ກໍ່ສາມາດເກີດຂຶ້ນ ເຖິງແມ່ນວ່າຈະບໍ່ມີຮັກແບບທີໜຶ່ງ
(ພວກທ່ານເດເຄີຍມີຄວາມຮັກປະເພດໃດເກີດຂຶ້ນແລ້ວ ຫລືກຳລັງເກີດຂຶ້ນຢູ່ຕອນນີ້...)
ພໍເທົ່ານີ້ກ່ອນເນາະ........ ເລື່ອງຄວາມຮັກນີ້ຍັງມີຕໍ່ໃນຄັ້ງໜ້າ ຢ່າລືມຕິດຕາມເລື່ອງອ່ານຕໍ່ໄປ......... ສ.......ສະຫວັນນາ