ໄດອາຣີ່ຂອງ ພັນທະ ຫົວໃຈ

ຂຽນເມື່ອ: ສ.ຫ.. 28, 2014 | ມີ 2 ຄຳເຫັນ ແລະ 0 trackback(s)

ໂຄງການກໍ່ສ້າງເຂື່ອນໄຟຟ້ານ້ຳສິມເມືອງວຽງໄຊ ແລະ ເຂື່ອນໄຟຟ້ານ້ຳຮາວ ເມືອງສົບເບົາ ແຂວງຫົວພັນ:

ໂຄງການກໍ່ສ້າງເຂື່ອນໄຟຟ້ານ້ຳສິມໄດ້ເລີ່ມລົງມືກໍ່ສ້າງມາແຕ່ຕົ້ນເດືອນທັນວາ 2013 ຮອດປະຈຸບັນສຳເລັດ 37% ຂອງບັນດາໜ້າວຽກໃນນັ້ນ ລວມມີການທະລຸເສັ້ນທາງເຂົ້າສູ່ສະໜາມກໍ່ສ້າງ 2 ເສັ້ນ ຍາວ 600 ແມັດ ແລະ 200 ແມັດ, ສ້າງປະຕູນ້ຳເຂົ້າ ແລະ ແກນເຂື່ອນທີ່ມີຄວາມສູງ 6 ແມັດ ປະກອບດ້ວຍທາງລະບາຍນ້ຳ, ສ້າງຄອງເໝືອງ ແລະ ເຮືອນຈັກປັ່ນໄຟຟ້າ, ໃນນີ້ ຄອງເໝືອງຈະໄດ້ເຈາະເປັນອຸມົງ ຍາວ 1.100 ແມັດ, ມີເສັ້ນຜ່າກາງ 4 ແມັດເຄິ່ງ.

ປະຈຸບັນ ອຸມົງດັ່ງກ່າວເຈາະສຳເລັດແລ້ວ 703 ແມັດ ໂດຍແມ່ນບໍລິສັດລຸງລໍ ຂອງຫວຽດນາມ ເປັນຜູ້ຮັບເໝົາກໍ່ສ້າງໃນມູນຄ່າທັງໝົດ 150,4 ຕື້ກີບ ຫຼື ເທົ່າກັບ 18,8 ລ້ານກວ່າໂດລາ ໂດຍເປັນທຶນຊ່ວຍເຫຼືອຈາກປະເທດນອກແວ 51,2 ຕື້ກວ່າກີບ ຫຼື 6,4 ລ້ານໂດລາ ແລະ ທຶນກູ້ຢືມຈາກອົງການການເງິນນອກພັນ ແລະ ສິນພັນ 12,4 ລ້ານໂດລາ ຫຼື ເທົ່າກັບ 99,2 ຕື້ກີບ ຄາດວ່າ ການກໍ່ສ້າງເຂື່ອນໄຟຟ້ານ້ຳສິມຈະໃຫ້ສຳເລັດໃນປີ 2015 ແລະ ຖ້າກໍ່ສ້າງສຳເລັດຈະສາມາດປັ່ນພະລັງງານໄຟຟ້າໄດ້ 8 ເມກາວັດ.

ສຳລັບການກໍ່ສ້າງເຂື່ອນໄຟຟ້ານ້ຳຮາວ ເມືອງສົບເບົາ ແລະ ເມືອງວຽງໄຊ ແຂວງຫົວພັນ ແມ່ນກຸ່ມບໍລິສັດດວງຈະເລີນກໍ່ສ້າງຈຳກັດ ເປັນຜູ້ຮັບເໝົາກໍ່ສ້າງ ແລະ ລົງທຶນກ່ອນ 100% ໃນມູນຄ່າການກໍ່ສ້າງເບື້ອງຕົ້ນ 360 ຕື້ກີບ ຫຼື 45 ລ້ານໂດລາ, ໂຄງການໄດ້ເລີ່ມລົງມືກໍ່ສ້າງແຕ່ເດືອນພະຈິກ 2013 ໜ້າວຽກທີ່ຈັດຕັ້ງປະຕິບັດໄດ້ກໍ່ສ້າງຫົວງານກວ້າງ 70 ແມັດ, ສູງ 5 ແມັດ ຢູ່ບ້ານວັງແຊງ ເມືອງວຽງໄຊ ແລະ ເຮືອນຈັກຢູ່ບ້ານນາຍົມເມືອງສົບເບົາ ຊຶ່ງຈະໄດ້ສ້າງຄອງເໝືອງຍາວ 8 ກິໂລແມັດ, ເຈາະເປັນອຸມົງ 4 ກິໂລແມັດ.

ທັງສຳເລັດການກໍ່ສ້າງຂົວເບຕົງທາງເຂົ້າເຮືອນຈັກ, ເອົາໄຟຟ້າລົງ 3 ຈຸດ ໝໍ້ແບ່ງ 4 ໜ່ວຍ ແຕ່ລະໜ່ວຍມີຂະໜາດ 250 ກິໂລວັດ, ຕັດດິນສະໜາມກໍ່ສ້າງ, ລະເບີດຫີນເຂດຫົວງານ, ປາກຄອງເໝືອງໃນບໍລິມາດ 6ພັນແມັດກ້ອນ, ສຳເລັດແລ້ວ 3.500 ແມັດກ້ອນ ແລະ ຕັດດິນ, ລະເບີດຫີນຈຸດກໍ່ສ້າງບັນດາໜ້າວຽກໃນຂົງເຂດເຮືອນຈັກໂຄງການນີ້ເມື່ອກໍ່ສ້າງສຳເລັດຈະສາມາດປັ່ນພະລັງງານໄຟຟ້າໄດ້ 15 ເມກາວັດ ແລະ ຄາດວ່າຈະໃຫ້ສຳເລັດສົມບູນໃນທ້າຍປີ 2015.

ກັອບປີ່ຈາກ ໜັງສືພິມ ເສຖະກິດສັງຄົມ

ຈຸດຜິດພາດຂອງນັກຂ່າວລາວ

ຂຽນເມື່ອ: ສ.ຫ.. 16, 2014 | ມີ 4 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ຕົວເລກສົ່ງອອກສິນຄ້າ 9 ເດືອນຂອງບໍລິຄຳໄຊ ຫຼຸດລົງເກືອບເຄິ່ງ

ເວັບໄຊໜັງສືພິມເສຖະກິດສັງຄົມ ພົດລົງ ວັນທີ 15 ສິງຫາ 2014 - ເວລາ 13:48:04 16

ໂດຍ: ໝີນ້ອຍ

ຕະຫຼອດໄລຍະ 9 ເດືອນຂອງສົກປີນີ້ ແຂວງບໍລິຄຳໄຊ ມີຕົວເລກສິນຄ້າຂາອອກປະມານຮ້ອຍຕື້ກີບ ຫຼື 14,2 ລ້ານກວ່າໂດລາ ໃນນີ້ ເປັນຕົວເລກສົ່ງອອກສິນຄ້າຂອງແຂວງມີປະມານ 70 ກວ່າຕື້ກີບ ຫຼື 9,5 ກວ່າໂດລາທຽບໃສ່ໄລຍະດຽວກັນຂອງປີກ່ອນຫຼຸດລົງ 46,79% ເຈົ້າໜ້າທີ່ກ່ຽວຂ້ອງເຜີຍຕົ້ນເຫດຍ້ອນເປັນໄລຍະລະດູຝົນ ແລະ ໝົດລະດູການຂອງການຜະລິດສິນຄ້າກະສິກຳອຸດສາຫະກຳ.

ອີງຕາມຂໍ້ມູນຈາກພະແນກອຸດສາຫະກຳ ແລະ ການຄ້າແຂວງບໍລິຄຳໄຊ ລາຍງານຕໍ່ນັກຂ່າວໃຫ້ຮູ້ວ່າ: ສະພາບລວມຂອງແຂວງໃນໄລຍະ 9 ເດືອນຕົ້ນປີສົກ 20132014 ເຫັນວ່າວຽກງານອຸດສາຫະກຳ ແລະ ການຄ້າແມ່ນມີລັກສະນະການຂະຫຍາຍຕົວຕາມລຳດັບຕາມຈັງຫວະການຂະຫຍາຍຕົວຂອງເສດຖະກິດການຜະລິດ ແລະ ການຈໍລະຈອນສິນຄ້າປົກກະຕິ ແລະ ຕໍ່ເນື່ອງສ່ວນການພັດທະນາທາງດ້ານອຸດສາຫະກຳ ແລະ ຫັດຖະກຳກໍນັບມື້ຍົກສະມັດຖະພາບການຜະລິດຂຶ້ນເທື່ອລະ ກ້າວ.

ຄຽງຄູ່ກັນນັ້ນ ມັນຕົ້ນ ຢາງພາລາ ສາລີ ຜະ ລິດຕະພັນແກະສະລັກຈາກຕໍໄມ້ພືດຜັກປອດສານພິດ ເພື່ອຈຳໜ່າຍກໍມີລັກສະນະເພິ່ມຂຶ້ນ ແລະ ເປັນວຽກທີ່ຕິດພັນກັບວຽກງານສາມສ້າງເຮັດໃຫ້ຕົວເລກເງິນຈໍລະຈອນຊື້ຂາຍທີ່ເປັນຕົວເລກເສດຖະກິດຂອງແຂວງມີທ່າຂະຫຍາຍຕົວເຊັ່ນກັນ ແຕ່ກໍຍັງປະເຊີນກັບສະພາບວິກິດການການຂຶ້ນລົງ ແລະ ການຜັນແປຂອງລາຄານ້ຳມັນເຊື້ອໄຟ ແລະ ສະບຽງອາຫານກໍມີການປັບຕົວສູງຂຶ້ນການແຂ່ງຂັນທາງດ້ານການຄ້າທັງພາກພື້ນ ແລະ ໃນ ສາກົນນັບມື້ຍິ່ງເພີ່ມທະວີຂຶ້ນ ຊຶ່ງເປັນສິ່ງທາທາຍ ແລະ ເປັນຜົນສະທ້ອນເຖິງການຂະຫຍາຍຕົວໃນ ວຽກງານອຸດສາຫະກຳ ແລະ ການຄ້າ.

ສຳລັບວຽກງານຂະແໜງຄຸ້ມຄອງການນຳເຂົ້າ ແລະ ສົ່ງອອກ ໄດ້ເຂົ້າຮ່ວມການລົງເຜີຍແຜ່ການພົວພັນການຄ້າກັບຕ່າງປະເທດອ້ອມຂ້າງ ເຊື່ອມໂຍງເສດຖະກິດສາກົນ ແລະ ການເຜີຍແຜ່ພາລະບົດບາດສະບັບໃໝ່ຂອງກົມນະໂຍບາຍການຕ່າງປະເທດເຂົ້າຮ່ວມກອງປະຊຸມກ່ຽວກັບ ການຢັ້ງຢືນແຫຼ່ງກຳເນີດສິນຄ້າທີ່ໄດ້ຮັບສິດພິເສດຂອງ ສປປ ລາວ ແລະ ວຽກງານອື່ນໆທີ່ຕິດພັນກັບການຄຸ້ມຄອງການນຳເຂົ້າສົ່ງອອກ.

ພະແນກອຸດສາຫະກຳ ແລະ ການຄ້າໃຫ້ຮູ້ຕື່ມວ່າ: ຕົວເລກສິນຄ້າຂາອອກທົ່ວແຂວງໃນ 9 ເດືອນ ມີ 14,23 ລ້ານກວ່າໂດລາ ໃນນີ້ ຕົວເລກສົ່ງອອກສິນຄ້າຂອງແຂວງມີ 9,57 ລ້ານກວ່າໂດລາ ຖ້າທຽບໃສ່ໄລຍະດຽວກັນຂອງປີຜ່ານມາທີ່ມີ 17,99 ລ້ານກວ່າໂດລາ ຫຼຸດລົງ 46,79% ສາເຫດທີ່ພາ ໃຫ້ຫຼຸດລົງຍ້ອນວ່າເປັນລະດູຝົນ ແລະ ເປັນໄລຍະໝົດລະດູການຂອງການຜະລິດສິນຄ້າກະສິກຳອຸດສາຫະກຳ.

ສ່ວນຕົວເລກສິນຄ້າຂາເຂົ້າສິນຄ້າທັງໝົດທີ່ນຳເຂົ້າດ່ານພາຍໃນແຂວງປະຈຳ 9 ເດືອນຕົ້ນມີ 103,05 ລ້ານກວ່າໂດລາ ໃນນີ້ມີ ຕົວເລກສິນຄ້າຂາເຂົ້າທີ່ສູນກາງຄຸ້ມຄອງ 29,77 ລ້ານກວ່າໂດລາ, ຂາເຂົ້າຮັບໃຊ້ໂຄງການ 45,51 ລ້ານກວ່າໂດລາ, ເຂົ້າວາງສະແດງ 5,03 ແສນກວ່າໂດລາ, ນຳເຂົ້າຊົ່ວຄາວ 2,3 ລ້ານກວ່າໂດລາ, ສິນຄ້າທີ່ແຂວງຄຸ້ມຄອງ 24,7 ລ້ານກວ່າໂດລາ ສະເພາະສິນຄ້າທີ່ບໍລິສັດພາຍໃນແຂວງນຳເຂົ້າມີ 13 ລ້ານກວ່າໂດລາ.

ສຳລັບສິນຄ້າຜ່ານແດນມີທັງໜົດ 21,13 ລ້ານກວ່າໂດລາ ທຽບໃສ່ໄລຍະດຽວກັນຂອງປີຜ່ານມາຫຼຸດລົງ 18,67% ສິນຄ້ານຳເຂົ້າເພື່ອສົ່ງຕໍ່ (ຜ່ານແດນ) ສ່ວນໃຫ່ຍແມ່ນ: ສັດລ້ຽງມີຊິວິດ ແລະ ເຄື່ອງດື່ມກະທິງແດງ, ເຄື່ອງໄຟຟ້າສາເຫດຍ້ອນການຍ້າຍທຸລະກິດນີ້ໄປເຮັດຢູ່ແຂວງອື່ນທີ່ມີຄວາມສະດວກດ້ານພື້ນຖານໂຄງລ່າງ ແລະ ຕົ້ນທຶນຕ່ຳກວ່າ ຂະນະທີ່ດູນການຄ້າຂອງ ແຂວງບໍລິຄຳໄຊ ກັບຕ່າງປະເທດໃນ 9 ເດືອນມີ 2,36 ລ້ານກວ່າໂດລາ.

ຂໍ້ມູນຈາ http://www.ecom.org.la/home/khao/19954.html

.......................................................................................................................................................................................................

1 ປີມີ 4ໄຕມາດ:

1 ໄຕມາດມີ 3 ເດຶອນ:

ໄຕມາດທີ 1 ຄື: 10-11-12

ໄຕມາດທີ 2 ຄື: 1-2-3

ໄຕມາດທີ 3 ຄື: 4-5-6

ໄຕມາດທີ 4 ຄື: 7-8-9

ຖ້ານັກຂ່າວຄິດທັນຄວນຖາມຕໍ່ວ່າ: ໃນ 9 ເດືອນຜ່ານມາຄື 10,11,12,1,2,3,4,5, 6 ທ່ານແນ່ໃຈບໍ່ວ່າເປັນໄລຍະລະດູຝົນຈິ່ງເປັນສາເຫດໃຫ້ການສົ່ງອອກລຸດລົງ?

ແລະ ອີກ 3 ເດືອນຕໍ່ໜ້າກໍ່ຄື: 7-8-9 ທ່ານຄິດວ່າເປັນລະດູແລ້ງນັ້ນທ່ານຈະສູ້ຊົນສົ່ງອອກສິນຄ້າໃຫ້ບັນລຸຫຼາຍປານໃດ?,ທຽບໃສ່ແຜນການຈັກເປີເຊັນ?

ອ່ານບໍ່ຄັກອາດຈະງົງ

ຂຽນເມື່ອ: ສ.ຫ.. 15, 2014 | ມີ 6 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ວິທະຍຸກະຈາຍສຽງແຫ່ງຊາດເສີມຂະຫຍາຍບົດບາດເປັນເວທີ
ສະແດງຄວາມເຫັນຂອງປະຊາຊົນ

ຂປລ. ໃນວັນທີ 12 ເດືອນສິງຫາ ປີ 2014 ນີ້ ຄະນະພັກຮາກຖານ, ຄະນະອຳນວຍການໃຫຍ່ ວິທະຍຸກະຈາຍສຽງແຫ່ງຊາດລາວ ໄດ້ຈັດຕັ້ງ ການປາຖະກະຖາຫວນຄືນມູນເຊື້ອວັນສ້າງຕັ້ງວິທະຍຸກະຈາຍສຽງ ຄົບຮອບ 54 ປີ.

ໂອກາດດັ່ງກ່າວ ທ່ານ ທອງພິມ ດີມະນີວົງ, ຮອງອຳນວຍການວິທະຍຸກະຈາຍສຽງແຫ່ງຊາດ ໄດ້ຂຶ້ນເລົ່າຫວນຄືນມູນເຊື້ອແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວໃນໄລຍະ 54 ປີ ຜ່ານມາ ໂດຍມີບາງຕອນ ໃຫ້ຮູ້ວ່າ : ວິທະຍຸກະຈາຍສຽງແຫ່ງຊາດລາວ ໄດ້ຮັບການສ້າງຕັ້ງຂຶ້ນ ໃນວັນທີ 13 ເດືອນສິງຫາ ປີ 1960 ທີ່ເມືອງວຽງໄຊ ແຂວງຫົວພັນ, ຕະຫລອດໄລຍະ 54 ປີ ໄດ້ເສີມຂະຫຍາຍມູນເຊື້ອອັນດີງາມຂອງຕົນ ໃນການເປັນກະບອກ ສຽງຂອງ ພັກ-ລັດ ແລະ ເປັນເວທີສະແດງຄຳຄິດເຫັນອັນກວ້າງຂວາງຂອງປະຊາຊົນ ຢ່າງໄດ້ຮັບຜົນສຳເລັດເປັນລຳດັບມາ. ຍ້ອນເຫັນໄດ້ຄວາມ ໝາຍສຳຄັນຂອງວຽກງານຂະແໜງນີ້ ພັກ-ລັດຖະບານ ຈຶ່ງລົງທຶນຈຳນວນໜຶ່ງ ເພື່ອສ້າງ ແລະ ຍົກລະດັບສະຖານີເຄື່ອງສົ່ງສັນຍານລະບົບເອເອັມ ຈາກ 150 ກິໂລວັດ ໃນປີ 1985 ມາເປັນ 200 ກິໂລວັດ ໃນປີ 1998 ນອກນີ້ ຍັງມີສະຖານີເຄືອຂ່າຍສົ່ງສັນຍານຕໍ່ 4 ເຂດ, ສ້າງສຳເລັດ ແລະ ນຳໃຊ້ແລ້ວ 2 ເຂດຄື: ແຂວງຫລວງພະບາງ ແລະ ຈຳປາສັກ ພ້ອມທັງພັດທະນາລະບົບເຕັກນິກ ແລະ ສົ່ງກະແສຄື້ນຜ່ານລະບົບດາວທຽມຕື່ມອີກ ອັນໄດ້ເພີ່ມກຳລັງແຮງສົ່ງໄປໄກກວ່າເກົ່າ ແລະ ຄຸນນະພາບສຽງກໍດີຂຶ້ນກວ່າເກົ່າ.

ເຖິງຢ່າງໃດກໍຕາມ ຖ້າທຽບໃສ່ຄວາມຮຽກຮ້ອງຕ້ອງການໃນໄລຍະໃໝ່ແລ້ວເຫັນວ່າ: ການພັດທະນາຂອງວິທະຍຸກະຈາຍສຽງແຫ່ງຊາດລາວ ໃນໄລຍະ 54 ປີຜ່ານມາ ຍັງມີຫລາຍອັນຕ້ອງປັບປຸງແກ້ໄຂ ເປັນຕົ້ນແມ່ນ ກຳລັງແຮງສົ່ງບໍ່ທັນສາມາດກວມລວມໄດ້ເນື້ອທີ່ ແລະ ພົນລະເມືອງໃນທົ່ວປະເທດ, ພື້ນ ຖານເຕັກນິກບໍ່ທັນຄົບຊຸດ, ບໍ່ທັນມີລະບົບມາດຕະຖານເທົ່າທີ່ຄວນ, ເນື້ອໃນກໍຍັງບໍ່ທັນດຶງດູດ ແລະ ຂໍ້ມູນຂ່າວສານທີ່ເປັນປະໂຫຍດຍັງບໍ່ທັນ ມີຫລາຍຮູບຫລາຍສີ. ທັງນີ້ ແມ່ນຈຸດໝາຍສູ້ຊົນທີ່ຕ້ອງໄດ້ເອົາໃຈໃສ່ແກ້ໄຂໃນຂັ້ນຕໍ່ໄປ ເພື່ອແນໃສ່ເຮັດໃຫ້ວິທະຍຸກະຈາຍສຽງ ກາຍເປັນ ພາຫະນະສື່ມວນຊົນ ທີ່ມີການລົງທຶນໜ້ອຍແຕ່ມີປະສິດທິຜົນສູງ, ວ່ອງໄວທັນການ ໄປເຖິງເຂດຫ່າງໄກສອກຫລີກ ແລະ ເປັນພາຫະນະທີ່ໃຫ້ຄວາມຮູ້ ແລະ ມີປະໂຫຍດສູງໃນການປະກອບສ່ວນຍົກສູງຄຸນນະພາບຊີວິດຂອງປະຊາຊົນໃຫ້ດີຂຶ້ນ.

ມາຮອດປະຈຸບັນ ໄດ້ມີການກະຈາຍສຽງທັງ 4 ສະຖານີເຄືອຂ່າຍ, ມີເຖິງ 140 ກວ່າລາຍການ ແລະ ກະຈາຍສຽງ 75 ຊົ່ວໂມງ 35 ນາທີ ຕໍ່ວັນ ກວມເນື້ອທີ່ 80-90% ຂອງປະເທດ ແລະ ກວມເອົາ 90% ຂອງພົນລະເມືອງທັງໝົດ. ບັນຫາທີ່ພົ້ນເດັ່ນກວ່າໝູ່ແມ່ນໄດ້ປັບປຸງລາຍການອອກອາ ກາດຄືນໃໝ່, ປັບປຸງຮູບແບບ ແລະ ເນື້ອໃນຂອງລາຍງານວິທະຍຸໃຫ້ເຂົ້າສູ່ມາດຕະຖານ ແລະ ດຳເນີນລາຍການອອກອາກາດສົດໃນຮູບແບບ ພົບປະໂອ້ລົມກັບຜູ້ຟັງຢ່າງເປັນກັນເອງ ໄດ້ເຖິງ 60-70% ຂອງລາຍການທັງໝົດ, ສາມາດຕອບສະໜອງໄດ້ຕາມທິດທາງໂຄສະນາໃນແຕ່ລະໄລຍະ./

ສາວເລຂາ

ຂຽນເມື່ອ: ສ.ຫ.. 9, 2014 | ມີ 10 ຄຳເຫັນ ແລະ 0 trackback(s)

ໜວດໝູ່: ຄວາມຮັກ

ເລື່ອງທີ່ 2

ກອບປີ່ຈາກ ໂກຫີບ

ຜູ້ເຖົ້າ ກັບນົມ

ຂຽນເມື່ອ: ສ.ຫ.. 9, 2014 | ມີ 4 ຄຳເຫັນ ແລະ 0 trackback(s)

ໜວດໝູ່: ຄວາມຮັກ

ກອບປີ່ຈາກເວບໄຊໂກຫິບ

ພັນທະ ຫົວໃຈ

ເບິ່ງທັງໝົດ

ອ່ານຄືນຫຼັງ

2015 (4)
2014 (17)
2013 (26)
2012 (43)
2011 (103)
2010 (14)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.