ພັນລາວ.ຄອມ
ຊອກຫາ:
ຊອກຫາແບບລະອຽດ
ຂຽນເມື່ອ ຂຽນເມື່ອ: ມິ.ຖ.. 12, 2011 | ມີ 9 ຄຳເຫັນ ແລະ 0 trackback(s)

 

ຂ້ອຍ​ເຄີຍ​ເຫັນ​ຄົນ​ກິນ​ຢາຂ້າ​ຕົວ​ຕາຍ​ມາ​ຫຼາຍ​ຄົນ​ແລ້ວ,ຈະ​​ເລົ່າ​ບາງ​ເຫດການ​ໃຫ້​ຟັງ.

ຄົນ​ທຳ​ອິດທີ່ພົບ ​ຊື່​ນາງ ມໍ ​ເປັນ​ເຜົ່າ​ມົ້ງ. ຢູ່​ບ້ານ​ນ້ຳ​ຢ້າງ,​ເມືອງວຽງ​ທອງ,​ແຂວງ​ບໍລິ​ຄຳ​ໄຊ ​ເຊິ່ງ​ເປັນ​ບ້ານ​ຂ້ອຍ​ເອງ.—ເຫດເກີດ​ຂຶ້ນ​ໃນ​ປີ 2007 ສາຍ​​ເຫດແມ່ນ​ຍ້ອນ​ຜູ່​ບ່າວ​ບໍ່​ເອົາ​ເລີຍ​ຄິດ​ນ້ອຍ​ໃຈ​ຈິ່ງ​ກິນ​ຢ່​າ​ຕາຍ,ກ່ອນ​ຕາຍ​ໄດ້​ໂທ

ບ​ອກຜູ້​ບ່າວ​ວ່າ​ຂ້ອຍ​ຈະ​ຕາຍ​ແລ້ວ,ຂ້ອຍ​ຈະ​ທໍລະມານ​ເຈົ້າ ​ແລ້ວ​ກໍ່​ກິນ​ຢາ​ຕາຍ​ອີ່ຫຼີ.

ການ​ຕາຍ​ຂອງ​ນາງ​ມໍໄດ້​ສ້າງ​ບັນຫາ​ໃຫ້​ແກ່​ຜູ້​ບ່າວ,​ໂດຍ​ຝ່າຍ​ຜູ້​ບ່າວ​ຕ້ອງ​ໄດ້​ມາ​ຈັດ​ພິທີ​ແຕ່ງດອງ​ຜູກ​ແຂນກັບ​ສົບ​ຂອງນາງ​ມໍຜູ້​ຕາຍຕາມ​ຮີດຄອງ​ຫຼື​ວ່າ​ຂໍ້​ບັງຄັບ​ອັນ​ໃດ​ກໍ່​ບໍ່​ຮູ້ນຳ ແລ້ວ​ຈີ່​ງ​ເຮັດ​ພິທີ​ປົງ​ສົບ. ​ເມື​່ອສຳ​ເລັດ​ງານ​ທັງ​ໝົດ​ແລ້ວ​ມາສະ​ຫຼຸບ​ເບິ່ງ​ການສິ້ນ​ເປຶ​ອງຫຼາຍ​ຢ່າງ,​ສະ​ເພາະ​ເງິນ​ຂັນໝົດ 16 ຂັນ.ຖ້າ​ທຽບ​ເປັນ​ເງິນ​ກີບ​ໃນ​ຕອນ​ນີ້ 1 ຂັນ ຂາຍ​ໄດ້ 4.100.000 ກີບ,ຖ້າ 16 ຂັນ​ກໍ່​ຫຼາຍ​ລ້ານ​ເຕີບ

ທັດ​ຈາກ​ຜູ້ນັ້ນມາປະກົດ​ວ່າການກິນ​ຢາ​ຂ້າ​ຕົວ​ຕາຍ​ຂອງ​​ເຜົ່າມົ້ງ​​ເຂດ​ນີ້​ເລີ່​ມມີ​ໃຫ້​ເຫັນ​ທຸກໆປີ​ບໍ່​ຂາດ,ນັບ​ແຕ່​ນັ້ນມາຮອດ​ປີ 2011ນີ້ ​ຮອດ 10 ກວ່າ​ລາຍ​ແລ້ວ ​ໃນ​ນັ້ນ​ເປັນ​ຜູ້​ຊາຍ 1 ຄົນ​ຄື:

ເຫດ​ເກີດ​ເມື່ອ​ປີ 2010, ຊາຍ​ທີ່​ກິນ​ຢາ​ຕາຍ​ນັ້ນ​ຢູ່​ບ້ານ​ວັງ​​ແປ້ນ,​ເມືອງ​ວຽທອງ,​ເປັນ​ນັກ​ສຶກສາປີ​ທີ່ 4 ແລ້ວ ​ຢູ່ໂຮງຮຽນ​ວິຊາ​ຊີບ​ແຫ່ງ​ໜຶ່ງ​ໃນ​ນະຄອນຫຼວງ,ສາຍ​ເຫດ​ແມ່ນຊາຍ​ຄົນ​ນັ້ນ​ຫຼີ້ນສາວ​ມານ(ຜູ້​ສາວ​ມີ​ລູກ) ຜູ້​ສາວ​ຄົນ​ນັ້ນ​ໄດ້​ມາ​ຢູ່ໃນເຮືອນຂອງ​ພໍ່​ແມ່​ແລ້ວ,​ເວລາ​ຕາຍ​ແມ່ນ​ຍາດ​ພີ່ນ້ອງ​ທັງສອງຝ່າຍກຳລັງ​ເວົ້າຄວາມ​ບໍ່​ທັນ​ຕົກ​ແຕກ​ກັນ​ໄດ້​ເທື່ອ.

ການ​ຕາຍ​ຂອງ​ຊາຍ​ຄົນ​ນັ້ນ​ໄດ້​ເຮັດ​ໃຫ້ການ​ເວົ້າຄວາມ​ຈົບ​ສິ້ນຢູ່​ບ່ອນ​ຈ່າວ​ກັນ(ບໍ່ມີຝ່າຍ​ໃດ​ເສຍ​ເງິນ​ໃຫ້​ຝ່າຍ​ໃດ).

ສະ​ເພາະປີ2011​ນີ້ມີ​ປະມານ 4 ລາຍ ຫຼ້າ​ສຸດ

      ​ໃນ​ວັນ​ທີ່ 25.4.2011 ກໍ່—​ເຫດເກີດ​ທີ່​ບ້ານ​ສົບ​ນາ,ສາຍ​ເຫດ​ຜົວ​ເມຍ​ຜິດ​ກັນເລື່ອງຜົວ​ຫຼີ້ນສາວ,​ເມຍ​ກໍ່​ເລີຍ​ກິນ​ງ້ວນ​ຕາຍ.

      ວັນ​ທີ່  26.4.2011 ມີ​ອີກ​ຜູ້​ໜຶ່ງ​ເປັນ​ຍິງ​ສາວ​ທີ່​ຮຽນ​ຈົບ​ວິຊາ​ບໍລິຫານ​ທຸລະ​ກິດ​ແລ້ວ,ບ້ານຂອງ​ນາງ​ຢູ່​ແຖວ​ຜາລະ​ແວກ,​ເມື່ອ​ງຮົ່ມ,​ແຂວງ​ວຽງ​ຈັນ​ພຸ້ນ​ລະ,ນາງ​​ໄດ້ມາ​ກັບ​ຜູ້​ບ່າວ​ທີ່​ມັກຮັກກັນ​ຢູ່​ໂຮງຮຽນ​ນຳ​ກັນ,ພາຍຫຼັງ​ຈົບ​ແລ້ວ​ກໍ່​ມາສະ​ມັກ​ວຽກ​ຢູ່​ເມືອງ​ວຽງ​ທອງນຳ​ກັນ,ອາດ​ເກີດ​ຄວາມ​ນ້ອຍ​ໃຈ​ທີ່​ພໍ່​ແມ່​ຝ່າຍ​ຊາຍ​ບໍ່​ຄ່ອຍ​ເຫັນ​ຊອບ​ນຳ​ ຈິ່ງ​ກິນ​ງ້ວນ​ຕາຍ,ການ​ຕາຍ​ຂອງ​ນາງ​ໄດ້​ເຮັດ​ໃຫ້​ຝ່າຍ​ຊາຍ​ຕ້ອງ​ເສຍ​ເງິນ​ຄ່າ​ຫົວ 23 ລ້ານ.

      ຕົ້ນ​ເດືອນ 5 .11 ກໍ່​ມີ​ອີກ​ລາຍ​ໜື່ງ ຜົວ​ເມຍ​ຜິດ​ກັນ ​ເມຍ​ກໍ່​ກິນ​ງ້ວນ​ ແຕ່​ໄປ​ໂຮງ​ໝໍ​ທັນລອດ​ຕາຍ

ທີ່​ເຫັນ​ຜ່ານ​ມາ​ເປັນ​ເຜົ່າ​ມົ້ງລ້ວນໆ ​ແລະ ​​ເປັນ​ບ້ານ​ສົບ​ນາທີ່​ມີ​ເຫດ​ແບບ​ນີ້​ເກີດ​ຂຶ້ນຫຼາຍກວ່າ​ໝູ່,

ບຸກຄົນ​ທີ່​ຕາຍ​ໄປ​ນັ້ນ ຖານະ ​ແລະ ຕະກຸນ​ຂອງ​ເຂົາ​ກໍ່​ບໍ່​ໄດ້ຕ້ອຍ​ຕ່ຳ​ຫຍັງ​ຈັກຢ່າງ.

ເມື່ອ​ມີ​ຂ່າວ​ການ​ກິນ​ຢາ​ຕາຍ​ແບບ​ນີ້ອອກ​ມາ ສັງ​ເກດ​ຍິນ​ຫາງ​ສຽງ​ສັງຄົມພາຍ​ໃນ​ເມືອງ​ນັ້ນ​ສ່ວນ​ໃຫຍ່​ແລ້ວມັກ​ເວົ້າວ່າ: ​ໃຫ້​ເຂົາ​ຕາຍ​ໝົດ​ສາ,ກິນ​ຢາ​ຕາຍ​ແມ່ນ​ຊົ່ວ​ສຸດ,ຄົນ​ຜູ້​ເປັນ​ແນວ​ນັ້ນກໍ່​ຍັງ​ມີ​ເນາະຕາຍ​​ເທົ່າ​ໃດ​ກໍ່ບໍ່​ເສຍດາຍ​ດອກ..​ແຕ່​ບໍ່​ມີ​ຜູ້​ໃດ​ເລີຍ​ ຫຼື ອົງການ​ຈັດຕັ້ງສົງ​ຄົມ​ໃດໆ​ເລີຍ ທີ່​ສະ​ແດງ​ຄວາມ​ເສຍ​ໃຈ,​ເມດ​ຕາ​ສົງສານຝ່າຍ​ໃດ​ຝ່າຍ​ໜຶ່ງ​ ຫຼື ​ເບິ່ງ​ເຫັນ​ບັນຫານີ້​ເປັນ​ສຳຄັນ ນອກຈາກ​ພີ່ນ້ອງ​ຊັ້ນຈຳ ​ແລະ ​ເຈົ້າໜ້າ​ທີ່​ລົງ​ໄປ​ກວດກາ​ຫາ​ສາຍ​ເຫດ ຫາກ​ວ່າ​ໄດ້​ຮັບ​ແຈ້ງ​ເທົ່າ​ນັ້ນ.

ສ່ວນ​ບຸກຄົນ​ອື່ນ,ອົງການ​ຈັດຕັ້ງອື່ນ​ປະກົດ​ວ່າ​ບໍ່​ເຫັນ​ຖື​ສຳຄັນ​ຫຍັງ,ບໍ່ມີພາກສ່ວນ​ໃດ​ເລີຍ​ທີ່​ຈັບ​ຍົກ​ເອົາ​ຂຶ້ນມາ​ສົນທະນາ​ຫາ​ສາຍ​ເຫດ​ອັນ​ເລິ່ກ​ເຊິ່ງຂອງ​ບັນຫາ​ເພື່ອ​ຊອກ​ຫາ​ທາງ​ອອກ​ຊ່ວຍ​ເຂົາ.

ໃນ​ຄວາມ​ເຂົ້າ​ໃຈ​ຂອງ​ຂ້ອຍ​ຄິດວ່າ:ມະນຸດ​ທີ່​ຕາຍ​ໄປເລົ່າ​ນັ້ນ​ເຂົາ​ມີ​ຄຸນຄ່າ​ພຽງພໍ​ຕໍ່​ກັບ​ສັງຄົມ​ເຮົາ ຫາກ​​ເຂົາໄດ້ຮັບການສຶກ​ສາ​ອົບຮົມ​ຢ່າ​ຖືກຕ້ອງ​ແລະ​ລຽນຕິດ,ຮູ້ຈັກ​ແກ້​ໄຂ​ບັນຫາ

ການ​ຕັດສິນ​ໃຈ​ຂ້າ​ຕົວ​ຕາຍ​ຂອງ​ມະນຸດ​ທຸກ​ຄົນ​ມັນ​ເກີດ​ຂຶ້ນພຽງ​ເວລາ​ອັນ​ສັ້ນ,ບໍ່​ແມ່ນ​ວ່າ​ເຂົາ​ຢາກ​ຕາຍ​ທຸກ​ເວລາດອກ,ສ່ວນ​ໃຫຍ່​ແມ່ນ​ບໍ່​ຢາກ​ຕາຍ,ຫາກ​ສັງຄົມ​​ເຮົາ​ເຫັນ​ບັນຫາ​ແລ້ວ​ຊ່ວຍ​ແກ້​ທັນ​ກໍ່​ຈະ​ພົ້ນ​ໄປ.

      ຂ້ອຍ​ມີ​ໂອກາດ​ໄດ້​ລົມ​ກັບ​ແມ່ຍິງ​ເຜົ່າ​ມົ້ງ​ແຖວ​ນີ້ ຂ້ອຍ​ມັກ​ເອົາ​ເລື່ອງ​ຄົນ​ກິນ​ງ້ວນ​ຕາຍ​ເຫຼົ່າ​ນັ້ນຍົກ​ຂຶ້ນມາ​ຕະລົກ​ຊວນ​ຫົວ​ໃນ​ໝູ່​ສາວໆ ກໍ່​ຄື​ຄົນທີ່​​ແຕ່​ງານ​ແລ້ວ,​ເພື່ອ​ຢາກ​ຮູ້​ເຖິງ​ແນວ​ຄິດຂອງ​ເຂົາ,​ເຂົາກໍ່​ສະທ້ອນແນວ​ຄິດ​ຂອງ​ເຂົາ​ອອກ​ມາ​ໃຫ້​ເຫັນ​ຢ່າງ​ຊັດ​ເຈນ.

      ​ເຂົ້າ​ເຈົ້າ​ເວົ້າວ່າ: ຜູ້​ຊາຍ​ຕາຍ​ບໍ່ມີຄຸນຄ່າ​ຫຍັງ​ເລີຍ ​ແລ້ວ ​ເຂົາ​ຍົກ​ຕົວຢ່າງ​ຂອງ​ຊາຍ​ທີ່​ກິນ​ງ້ວນ​ຕາຍຄົນ​ນັ້ນອອກ​ມາ​ວັດ​ແທດ ​​ແລະ ​​ເລື່ອງ​ລາວກໍ່​ຈົບ​ລົງ​ທີ່​ຈາວ​ກັນ(ຝ່າຍ​ຕາຍ​ບໍ່​ໄດ້​ເງິນ,ຕາຍ​ລ້າໆ)

      ສ່ວນ​ຜູ້ຍິງ​ຕາຍ​ແມ່ນ​ມີ​ຄຸນຄ່າ​ຫຼາຍ,ເພາະມັນ​ສ້າງ​ຄວາມ​ຫຍຸ້ງຍາກສັບສົນ​ຫຼາຍ​ຢ່າງ​ແກ່​ຝ່າ​ຍຊາຍ,​ເຮັດ​ໃຫ້​ຝ່າຍ​ຊາຍ​ເຈັບ​ປວດ​ທໍລະມານ​ທາງ​ຈິດ​ໃຈ,ຝ່າຍ​ຊາຍ​ໄດ້​ປະຕິບັດ​ຕາມ​ການສະ​ເໜີ​ຂອງ​ຍາດ​ຝ່າ​ຍິງຜູ້​ທີ​ຕາຍ

ເມື່ອ​ເປັນ​ແບບ​ນັ້ນກໍ່​ສະ​ແດງ​ວ່າ:ຜູ້ຍິງ​ມົ້ງ​ເຂດ​ນັ້ນ​ເຂົາ​ຖື​ວ່າການ​ຕໍ່ສູ້​ດ້ວຍ​ການ​ຂ້າ​ຕົວ​ຕາຍ ​ເປັນ​ການ​ຕໍ່ສູ້​ທີ່​ຖືກຕ້ອງ ​ແລະ ໄດ້​ຮັບ​ໄຊຊະນະ ​,​ເຂົາ​ຄິດ​ວ່າ​ຜູ້​ທີ່​ຂ້າ​ຕົວຕາຍ​ໄປ​ນັ້ນກາຍ​ເປັນ​ວິລະ​ຊົນ

​ເມື່ອ​ແນວ​ຄິດ​ແບບ​ນີ້ຝັງ​ໃນ​ໃຈ​ຂອງ​ກຸ່ມ​ຄົນ​ໃດ​ ກໍ່​ເຊື່ອ​ວ່າ​ຕ້ອງ​ມີ​ປະກົດ​ການ​ແບບ​ນີ້​ເກີດ​ຂຶ້ນຢ່າງ​ຕໍ່​ເນື່ອງ​ແນ່ນອນ,

ຂ້ອຍ​ກໍ່​ບໍ່​ຮູ້​ຄື​ກັນ​ວ່າ:ມີ ອົງການ​ຈັດຕັ້ງ​ໃດໃນສັງຄົມ​ທີ່​ມີ​ບົດບາດ ​ແລະ ສາມາດ​ແກ້​ໄຂ​ໄດ້​ຫຼື​ວ່າ​ຈະ​ປ່ອຍ​ໃຫ້​ມັນ​ເປັນ​ແບບ​ນີ້ຕໍ່​ໄປ​ບໍ່?

ທ່ານ​ອື່ນ​ພໍ​ມອງ​ເຫັນ​ບໍ່​ວ່າ​ມີ​ອົງການ​ຈັດຕັ້ງ​ໃດ​ແດ່​ໜ້າ​ຈະ​ມີ​ສ່ວນ​ຮ່ວມ​ໃນ​ການ​ແກ້​ໄຂ​ບັນຫານີ້ຊ່ວຍ​ແນະນຳ​ດ້ວຍ​ນະ

Delicious Digg Fark Twitter


LaoUpload.com au8ust.org LaoJobs.net UploadDer.com Tamsang.com 5tutor.net