ນີ້ແມ່ນເຄື່ອງເຈາະຢາງລົດ ສຳລັບໃຊ້ກັບຢາງລົດ ຂອງຜູ້ຝືນກົດລະບຽບ, ມັນບັນຊາດ້ວຍ remote control ສາມາດຢຸດລົດຈັກ ແລະ ແມ້ແຕ່ລົດໃຫຍ່ (ຖ້າລົດຕີນຮົ່ວ ກໍ່ຈະໄປຕໍ່ບໍ່ໄດ້). ເພິ່ນເອົາມາຈາກປະເທດຈີນ ຈຳນວນ 2 ເຄື່ອງ ແລະ ອາດຈະເອົາມາຕື່ມອີກ ໃນຕໍ່ຫນ້າ. ທີ່ມາ: ນສພ ລາວພັດທະນາ

ອ່ານຄຳເຫັນຕື່ມ ກ່ຽວກັບເລື້ອງນີ້ ທີ່ http://www.pnomsin.com/?p=509

ປະມານວ່າຕອນປີ 1980 ຫນັງຈີນກຳລັງພາຍໃນ ແມ່ນກຳລັງເປັນທີ່ນິຍົມ,  ເລີ້ມຈາກມັງກອນຢົກ ນາງເອກຕອນນັ້ນແມ່ນ ຫມີເຊັຍ ສາຍຕອນກາງຄືນ.

ຕໍ່ມາກໍ່ແມ່ນ ກຣະບີ່ໄຣ້ທຽມທານ ສາຍຕອນກາງເວັນ ວັນເສົາແລະອາທິດ, ພະເອກສີເສົ້າສຽນ ນາງເອກ ຫວີອັນອັນ. ຕອນນັ້ນ ຫມົດຄຸ້ມນາຫນອງແວງ ມີໂທລະທັດຫນ່ວຍດຽວ, ທຸກຄົນແມ່ນຍ່າງໄປເບິ່ງທີ່ເຮືອນນ້າສາວແສງ

ໃນຍຸກນັ້ນ ຫນັງຈີນ ແມ່ນຍົກໃຫ້ ເລື້ອງນີ້ ເປັນສຸດຍອດຫນັງກຳລັງພາຍໃນ. ພະເອກ ຝຶກວິຊາໄຫມຟ້າ ຕໍ່ສູ້ກັບ ເຈົ້າສຳນັກກຝ່າຍອະທຳ, ເນື້ອເລື້ອງສະຫລັບຊັບຊ້ອນ ຊວນຕິດຕາມ (ແຕ່ຖ້າເອົາມາສາຍຄືນໃນຍຸກນີ້ ກໍ່ບໍ່ມ່ວນປານໃດ). ທີ່ສຳຄັນ ເພງລະຄອນເລື້ອງນີ້ ມັນມີເອກະລັກ ແລະ ຕິດຫູທຸກຄົນທີ່ໄດ້ຊົມມາຮອດມື້ນີ້ ເຖິງວ່າຈະຜ່ານມາແລ້ວຊາວກວ່າປີ .

2 ເດືອນກ່ອນ ຂ້າພະເຈົ້າກັບຫມູ່ ພາກັນໄປກິນລ້ຽງຊຸມແຊວ ທີ່ຮ້ານອາຫານແຫ່ງຫນຶ່ງ. ບ່ອນນັ້ນ ໃກ້ກັບຫ້ອງການ ມີການສະແດງດົນຕີສົດ ແບບ folk song. ເມື່ອນັກສະແດງເມື່ອຍ ກໍ່ມີຊົ່ວໂມງພັກຜ່ອນ ແຕ່ເປີດເພງຈາກເຄື່ອງສຽງແທນ ແລະ ເພິ່ນກໍ່ເປີດເພງກະບີ່, ຟັງແລ້ວ ກໍ່ຄິດເຖິງຄວາມຫລັງ ຕອນຍັງນ້ອຍ

ຂ້າພະເຈົ້າ ຂໍໃຫ້ຜູ້ບໍລິການ save ລົງ USB ໃຫ້ແດ່. ຫລາຍນາທີຕໍ່ມາ ເຂົາກັບມາບອກວ່າ ເຮັດບໍ່ສຳເລັດ ເພາະວ່າ ພໍແຕ່ສຽບ USB ເຂົ້າໄປ ຄອມພິວເຕີຂອງຮ້ານ ກໍ່ດັບ ຕ້ອງຂໍອະໄພຫລາຍໆ ໃຫ້ໄປຫາໂຫລດເອົາຈາກອິນເຕີເນັດເດີ້, ຄອມເພິ່ນຄົງບໍ່ມີໂອກາດໄດ້ອັບເດດອັນຕີ້ໄວຣັດ ກາຍເປັນວ່າເຮົາໄປປ່ອຍໄວຣັດໃສ່ຄອມເພິ່ນ.

ຫລັງຈາກນັ້ນ ເກືອບເດືອນ ດ້ວຍຄວາມພະຍາຍາມອັນມຸ້ງຫມັ້ນ ຂ້າພະເຈົ້າ ກໍ່ໄດ້ພົບກັບເພງນີ້ ໃນອິນເຕີເນັດ ພ້ອມດ້ວຍເພງອື່ນໆອີກ ຈາກຫນັງຈີນຍຸກນັ້ນ. ຕອນນີ້ ເອົາໄປຕັ້ງເປັນສຽງໂທລະສັບມືຖື ເຊິ່ງຫມູ່ຄູ່ຄົນໃດໄດ້ຍິນ ແມ່ນຕ້ອງຂໍໂຫລດເອົາ,  ແລະ ກໍ່ຍັງເອົາໃສ່ໄວ້ໃນໂປຣໄຟລ໌ຂອງຂ້າພະເຈົ້າໃນພັນລາວອີກນຳ ແຕ່ຈັກຫນ່ອຍກໍ່ຄົງເອົາອອກ ບໍ່ຮູ້ວ່າສະມາຊິກໃນພັນລາວ ມີຜູ້ຢາກໄດ້ບໍ່ນໍ ຫລືວ່າເກີດບໍ່ທັນ.

 

ການທຳຄວາມເຢັນແບບທຳມະຊາດ



ພາບຈາກ ແຫລ່ງທ່ອງທ່ຽວທຳມະຊາດ ນ້ຳຕົກຕາດກວາງຊີ ແຂວງຫລວງພະບາງ


ການທຳຄວາມເຢັນແບບເຄິງທຳມະຊາດ ສຳລັບເຂດຕົວເມືອງທີ່ຂາດແຄນຫ້ວຍນ້ຳເຢັນ
ແຄ່ງນ້ຳສ້າງ ໃສ່ນ້ຳລົງໄປ ນ້ຳກ້ອນລົງໄປ ແລະ ເບຍລົງໄປ








ທີ່ມາ http://forum.pnomsin.com/index.php?topic=1106.0

ເວລາຈະຊື້ຫຍັງ ເບິ່ງໃຫ້ດີໆເດີ້ ບໍ່ດັ່ງນັ້ນ ຈະເສຍຄວາມຮູ້ສຶກ ເສຍເງິນ ...


ຄິດວ່າຊື້ຄອລເກດ ບາດໄດ້ມາ ຈັກແມ່ນຫຍັງບຸ ອ່ານກໍ່ບໍ່ອອກ

ອອກເດີນທາງຈາກສຳນັກງານໃຫຍ່ກຕຟ ຈາກໂພນຕ້ອງ ຜ່ານໂຮງຫມໍມິດຕະພາບ ໄປຫາດົງໂດກດ້ວຍຄວາມລຳບາກ ເນື່ອງຈາກລົດຕິດ ເສັ້ນທາງເປັນຂຸມ ນ້ຳຫົ້ງ ເກືອບວ່າຕະຫລອດ ເສັ້ນທາງ. ເມື່ອໃກ້ຈະຮອດດົງໂດກ ລົດຍິ່ງຕິດຫລາຍຂຶ້ນໄປອີກ ຕາມແຄມທາງມີການວາງຂາຍຊໍ່ດອກໄມ້. ຮອດສາມແຍກ ເຫັນຕຳຫລວດຈະລາຈອນກຳລັງເຮັດວຽກຢ່າງຫນັກ,

ຫນ້າທາງເຂົ້າໂຮງຮຽນ ມີລົດໃຫຍ່ຈອດລຽນກັນຍາວຢຽດ. ແນມຫາບ່ອນຈອດລົດຈັກ ປາໂທ ໃນເດີ່ນຫໍພັກ ຫນ້າທາງເຂົ້າໂຮງຮຽນເຕັມແຕ່ລົດຈັກ


ຝາກລົດເປັນທີ່ຮຽບຮ້ອຍແລ້ວ, ແລ້ວຂ້າມທາງໄປຫາທາງເຂົ້າ ມີການກວດກາຕາມຮ່າງກາຍຕາມລະບຽບ ກ່ອນຜ່ານເຂົ້າໄປ. ຄົນຫລາຍປານວ່າມົດວ່າປວກ.


ຍ່າງຊອກຫາກັນ, ໂທຫາກັນຢ່າງວຸ້ນວາຍ ສັນຍານໂທລະສັບ ບ່ອນນີ້ ເປັນອຳມະພາດໄປເລີຍ, ຖ້າລອງໂທຫລາຍໆເທື່ອກໍ່ໂທຕິດຈົນໄດ້. ຜູ້ທີ່ຊອກຫາກັນເຫັນແລ້ວກໍ່ມ່ວນຊື່ນ ຍິ້ມແຍ້ມ ມອບຊໍ່ດອກໄມ້ ຖ່າຍຮູບ ກັນຢ່າງມີຄວາມສຸກ ຜູ້ທີ່ຫາກັນບໍ່ເຫັນເທື່ອ ກໍ່ຫນ້າເສົ້າ ຢ້ານບໍ່ມີໃຜເອົາດອກໄມ້ມາໃຫ້ ອາຍຫມູ່ເຂົາ. ໄປທາງໃດກະມີແຕ່ຄົນ ຜູ້ຈົບຜູ້ງາມກໍ່ຫລາຍ ສະຫນຸກແຍງ

ທີ່ມາ:

ລຳນ້ຳເຊກອງ ແມ່ນກຳເນີດຈາກສາຍພູຫລວງ ໄຫລຜ່ານແຂວງເຊກອງ ຫາ ອັດຕະປື
ຊາວບ້ານແຖວນີ້ ສ່ວນຫລາຍແມ່ນຊົນເຜົ່າແງະ
ບໍ່ວ່າຊາຍຫລືຍິງ ຈະມີບັ້ງຢາສູບຂອງຕົວເອງ ໄປໃສເອົາໄປນຳ
ຜູ້ສາວຊຸມນີ້ອາຍຸປະມານສິບຫ້າ ມາຮ່ອນຄຳຢູ່ແຄມນ້ຳເຊກອງເປັນປະຈຳ ແລະ ກໍ່ມີບັ້ງຢາສູບຂອງຕົວເອງມານຳ



ການຮ່ອນຄຳແບບດັ້ງເດີມ ຂອງປະຊາຊົນລຽບຕາມລຳນ້ຳເຊກອງ


ປະຊາຊົນລຽບຕາມແມ່ນ້ຳເຊກອງເຄີຍໃຊ້ແຕ່ບ້າງໃນການຮ່ອນຄຳ
ມາບາດນີ້ ມີເຮືອຈັກຮ່ອນຄຳຂອງບໍລິສັດຈີນ ລ່ອງໄປມາ


ທີ່ມາ

ຂາຍຈືນປອດ ຊື້ຊ່ອຍຫລານແນ່ ພະນັກງານພວກເຮົາ ເຖິງວ່າເງິນເດືອນຫນ້ອຍ ແຕ່ກໍ່ເຂົ້າຮ້ານເບຍເລື້ອຍຢູ່ ບໍ່ວ່າສິໄປຮ້ານໃດ ໃກ້ຫລືໄກ ກໍ່ຄືວ່າ ຕ້ອງພົບກັບເດັກກຸ່ມຫນຶ່ງ ທີ່ມາເປັນກຸ່ມ ເທື່ອລະສອງສາມຄົນ ມາຂາຍຈືນປອດ ພົບແນ່ນອນ ບໍ່ພາດຈັກຮ້ານ ພວກເຂົາຫາເງິນກັນແບບນີ້ຕັ້ງແຕ່ເປັນເດັກນ້ອຍຈົນກາຍເປັນໄວລຸ້ນ ເຊື່ອແນ່ວ່າທຸກຄົນຕ້ອງເຄີຍພໍ້ພວກເຂົາ ເມື່ອເຂົ້າຮ້ານມາກະເລາະໄປເທື່ອລະໂຕະ ເພື່ອຈ່າວຂາຍສິນຄ້າ ແລະ ຖ້າເຂົາບໍ່ຊື້ກໍ່ຈະບີບນວດເອົາອົກເອົາໃຈ ເມື່ອເບິ່ງພວກເຂົາແລ້ວ ຮູ້ສຶກວ່າ ທີ່ເຂົາເປັນເດັກນ້ອຍຍັງສາມາດຫາກຸ້ມຕົນເອງ ດຽວນີ້ ທ້າວ ຫນຶ່ງໃນຈຳນວນພວກເຂົາ ຊື່ ທ້າວໂຕເລັກ ໄດ້ເຂົ້າຮຽນາການຊ່າງລາວ-ເຍຍລະມັນ ມີຄວາມຫວັງຢາກເປັນຊ່າງແປງລົດໃຫຍ່ ຫນ້າສົ່ງເສີມບໍ່ລະ http://forum.pnomsin.com/index.php?topic=450.0

ຂໍສືບຕໍ່ເລື້ອງຂອງກຳມະກອນ ເພາະວ່າ ຍັງຢູ່ໃນເດືອນພຶດສະພາ ເດືອນຂອງວັນກຳມະກອນ
ຂ້າພະເຈົ້າໄດ້ມີໂອກາດສຳຜັດຊີວິດ ຂອງກຳມະກອນກໍ່ສ້າງລະບົບໄຟຟ້າ ໃນປີ 2005
ໃນໂຄງການກໍ່ສ້າງສົ່ງໄຟຟ້າ ຈາກ ບ້ານນາ  (ໃຕ້ປາກເຊລົງໄປ 60 ກິໂລແມັດ) ຫາອັດຕະປື
ໃນໂຄງການດັ່ງກ່າວ ຂ້າພະເຈົ້າ ໄດ້ປະກອບສ່ວນ ວຽກສ່ອງກ້ອງ ສຳຫລວດແລວຄືນ (ເປັນວຽກທີ່ຕ້ອງເຂົ້າປ່າ ເປັນນັກເດີນປ່າ)
ຈາກນັ້ນ ກໍ່ເຂົ້າຮ່ວມວຽກງານ ຕັ້ງຕີນເສົາ (ເປັນວຽກສົກກະປົກ ທັງ ເປັນວຽກໃຕ້ດິນ, ວຽກຊັ້ນຕ່ຳ)
ຕໍ່ມາ ໄດ້ຍ້າຍໄປວຽກ ດຶງສາຍ ( ອັນນີ້ໄຄແດ່ ເປັນວຽກຊັ້ນສູງ ເຮັດວຽກກາງອາກາດ ໄດ້ປີນເສົາ)

ຂໍນຳສະເຫນີ ຮູບພາບ ບາງຢ່າງ ທີ່ເກັບກຳມາ ໃຫ້ທ່ານຜູ້ອ່ານໄດ້ປະກອບຄຳເຫັນ


ເຮືອນນອນ ຫລື ແຄ້ມ


ຫ້ອງອາບນ້ຳ ລວມຫມູ່ ອາບໄດ້ພ້ອມກັນ ທັງຍິງແລະຊາຍ


ໂຮງອາຫານເຄື່ອງທີ່ ກິນແບບສາມັກຄີ ກິນໃຫ້ໄວ ກ່ອນທີ່ຈະບໍ່ເຫລືອຫຍັງໃຫ້ກິນ


ໄດ້ຂີ່ລົດລາຄາແພງ ອອກໄປວຽກ ແພງກວ່າລົດອຳນວຍການອີກເດີ້ ລົດຄັນນີ້


ຖ້າຈະຕັດຜົມ ກໍ່ມີຄົນໄປບໍລິການໃຫ້ເຖິງທີ່


ບໍ່ມີໄຟຟ້າ ບໍ່ມີເຄກ ກໍ່ຈັດວັນເກີດ ກັນໄດ້


ບໍ່ມີນ້ຳກ້ອນ ບໍ່ມີວິສກີ້ ບໍ່ມີເຄື່ອງສຽງ ມີແຕ່ປາຈາກຫ້ວຍ ເຫລົ້າຂາວ ຕົບມື ຮ້ອງເພງ ກໍ່ມ່ວນຊື່ນຄືກັນ


ຢູ່ໃນປ່າ ໄກແພດໄກຫມໍ ແຕ່ບໍ່ອຶດຢາ


ຢູ່ໃນປ່າ ຍຸງມັນມັກມາຖາມຂ່າວ ມາກັນເປັນພັນ ເປັນຫມື່ນໂຕ ຕ້ອງປິດຫນ້າປິດຕາ ປິດຂາປິດແຂນ

ແຈກ free code ສຳລັບອວຍພອນປີໃຫມ່
ສຳລັບໄປ post comments
ສາມາດໃຊ້ກັບ hi5, taged, multiply...
ທ່ານຍັງໃຊ້ກັບ punlao ບໍ່ໄດ້





ຢາກເອົາມາແຈກກ່ອນປີໃຫມ່ ແຕ່ວ່າ ບໍ່ສາມາດເຂົ້າຫາອິນເຕີເນັດໄດ້ເລີຍ
ເອົາຕາມຫລັງເນາະ ບໍ່ເອົາກໍ່ບໍ່ເປັນຫຍັງ
copy ເອົາ code ຈາກ comment ລຸ່ມນີ້ເດີ້

ວັດນາກເປັນວັດເກົ່າແກ່ ມາແຕ່ສະໄຫມສ້າງເມືອງວຽງຈັນ
ພະເຈົ້າໄຊເສດຖາເຄີຍມາບູລະນະວັດນີ້
ເມື່ອວຽງຈັນຖືກເຜົາທຳລາຍໃນປາງສົງຄາມ ວັດນີ້ກໍ່ຖືກທຳລາຍໄປນຳ
ແຕ່ສິ່ງທີ່ເຫລືອ ໃຫ້ເຫັນມາຮອດມື້ນີ້ ແມ່ນໂພນອັນຫນຶ່ງ ສັນນິຖານຕາມແບບນັກບູຮານຄະດີ ຫນ້າຈະເປັນເຈດີເກົ່າ ເຫັນມີດິນຈີ່ກໍ່ຂຶ້ນຄັກແນ່
ແຕ່ວ່າ ຕາມຊາວບ້ານເລົ່າຂານ ກັນມາ ເຂົາເຈົ້າເຊື່ອວ່າ ແມ່ນເພິ່ນກໍ່ໂພນອັດຮູພະຍານາກ

ເມື່ອກ່ອນ ຊາຍຄົນຫນຶ່ງໄດ້ຊ່ວຍຊີວິດລູກຊາຍພະຍານາກ ພະຍານາກໄດ້ໃຫ້ສັນຍາວ່າຈະຊ່ວຍເຫລືອຊາຍຄົນນັ້ນ ຖ້າມີຫຍັງ ໃຫ້ຕີກອງ ພະຍານາກຈະອອກມາຊ່ອຍ
ເມື່ອຊາຍຄົນນັ້ນໄດ້ຄອງເມືອງວຽງຈັນ ພະຍານາກ ໄດ້ອອກມາຊ່ວຍຊາວເມືອງວຽງຈັນຫລາຍເທື່ອ
ຈົນວ່າມີກໍລະນີມີນາກອອກມາທຳຮ້າຍຜູ້ຄົນ ຈຶ່ງໄດ້ອັດຮູນາກນັ້ນເສຍ
ໃນໂອກາດປີໃຫມ່ລາວນີ້ ຖ້າໃຜໄດ້ມາສົງພະທີ່ ວັດນາກໃຫຍ່ ຢ່າລືມ ຂໍບູຊາເອົາປຶ້ມ ປະຫວັດວັດນາກໃຫຍ່ ນຳອາຈານຍາດ ແລະ ທ່ານອາຈານຍາດໄດ້ຖ່າຍຮູບພະຍານາກ ໄວ້ ໃຫ້ຄົນໄປບູຊາ ໃນແບບເປັນໃບຮູບຖ່າຍ ທຳມະດາ ແລະ ຮູບຖ່າຍໃສ່ຂອບແກ້ວແລ້ວ
ຂ້າພະເຈົ້າໄດ້ເຫັນແລ້ວ ເບິ່ງແລ້ວກະແມ່ນງູ ແຕ່ສີຂອງງູນັ້ນ ບໍ່ແຕກຕ່າງຈາກສີຂອງພະຍານາກທີ່ເພິ່ນປັ້ນໄວ້ວັດ


ໂພນ ຮູນາກ ຫລັງຈາກ ບູລະນະໃຫມ່


ຮູບພະຍານາກ ທີ່ຖ່າຍໃນມື້ສະຫລອງການບູລະນະ ໂພນຮູນາກ

ເພື່ອນອາດບໍ່ສາມາດດຶງເຮົາຂຶ້ນ ແຕ່ກໍ່ຍັງຫາທາງທີ່ຈະບໍ່ເຮັດໃຫ້ເຮົາຕົກ

Administrator Hero Member ທຸກຄຳຖາມ ເວັບນີ້ມີຄຳຕອບ	ຫມານັ່ງຊ້ອນທ້າຍລົດຈັກ-ບໍ່ຕົກ « on: 11-07-2006, 15:06:20 » ຮູບນີ້ຖ່າຍຢູ່ໄຟແດງ ແຖວດົງຫມ້ຽງ ເບິ່ງຊ່ອຍກັນເດີ້ ໝາມັນນຸ່ງເສື້ອຄືຄົນ ແລ້ວຍັງຊ້ອນລົດຈັກໄດ້ຄືຄົນອີກ ທ່ານ ສະກົດ ແລະ ໂພໄຊ ຈາກສາຂາ ນະຄອນຫລວງວຽງຈັນ ກະໄດ້ຖ່າຍຮູບມາຄືກັນ

ຜົນດີຂອງຄວາມເມົາ ມີ5ຢ່າງ

Posted by admin in joke, wisdom

ຂ້າພະເຈົ້າກໍ່ເຄີຍໃຊ້ບໍລິການເວັບ social network ຫລາຍອັນຢູ່ ແຕ່ກໍ່ບໍ່ຄ່ອຍຈິງຈັງຫຍັງ
ເຫັນເພື່ອນຂ້າພະເຈົ້າບາງຄົນ ຫລິ້ນ hi5 ແບບຕັ້ງໃຈ
ລາວມີເພື່ອນໃນລາຍຊື່ ເປັນ 2-3 ພັນຄົນ ຂ້າພະເຈົ້າມີແຕ່ 100

ຂ້າພະເຈົ້າ ບໍ່ໄດ້ເຈດຕະນາ ທັບຖົມເວັບນີ້ ແຕ່ຢາກໃຫ້ພວກເຮົາ ຊ່ວຍທ່ານເວັບມາສເຕີ ຊອກຫາສິ່ງທີ່ສະມາຊິກມັກ ເພື່ອນຳໄປປັບປຸງໃຫ້ດີ ເຫມາະສົມກັບຄົນລາວ ແລະ ຖືກໃຈຄົນລາວ ຂໍໃຫ້ຊ່ວຍປະກອບຄຳເຫັນດ້ວຍ

ລູກຊາຍ ອາຍຸ ເກົ້າປີ, ມື້ໃດກໍວົນເຂົ້າອາບນ້ຳນຳແມ່. ມາມື້ນຶ່ງ, ແມ່ກໍໃຫ້ເຂົ້າອາບນ້ຳນຳ. ດ້ວຍຄວາມ
ດຽງສາ ລູກກໍຖາມ ທັງຊີ້ໃສ່ ຂອງແມ່.
ລູກ:: ແມ່ ! ແມ່ ! ແມ່ນຫຍັງຫັ່ນ ?
ແມ່ ຕົກສະເງີ້ ກໍເລີຍຕອບລູກວ່າ = ໂຕຫນູ, ລູກເອີຍ. ຢ່າບາຍມັນໃດ໋ ! ມັນກັດໄດ໋ !
ຫລາຍມື້ຕໍ່ມາ, ລູກກໍເຂົ້າອາບນ້ຳນຳແມ່ອີກ. ຕອນນີ້ແມ່ໄດ້ແຖ ຂົນໂຕເອງອອກຫມົດແລ້ວ.
ລູກ :: ອ່າວ ! ອີ່ແມ່ ! ຫນູອີ່ແມ່ໄປໃສແລ້ວ ! ຄືບໍ່ເຫັນ ?
ແມ່ = ມັນຫນີແລ້ວ ລູກເອີຍ, ຈັກວ່າ ມັນໄປລີ້ຢູ່ໃສ?
ແຕ່ລະມື້, ກັບມາແຕ່ໂຮງຮຽນ ລູກກໍ່ຊອກຫາຫນູອີ່ແມ່ ຕາມຄອກແຄແຈເຮືອນ.
ຕອນແລງຂອງມື້ນຶ່ງ, ແມ່ກຳລັງ ຕຳແຈ່ວຫມາກເຜັດ ກຽມເຮັດພາເຂົ້າເພື່ອກິນແລງ. ລູກຊາຍແລ້ນ
ຫນ້າຕີ່ ຕາລານມາ.
ລູກ :: ແມ່ ! ແມ່ ! ເຮົາເຫັນລະເດ້ ຫນູອີ່ແມ່.
ແມ່ = ມຶງເຫັນຢູ່ໃສ ?
ລູກ :: ອີ່ແມ່, ຫນູເຈົ້າ ມັນໄປຢູ່ນຳ ນ່າສາວ, ນ້ອງສາວອີ່ແມ່ ພຸ້ນນ່າ. ດຽວນີ້ ມັນລີ້ຢູ່ຫລັງເລົ່າເຂົ້າ
ເຫັນ ອີ່ພໍ່ລູບຫົວ ມັນຢູ່ໄດ໋. ຫນູກະບໍ່ກັດມືອີ່ພໍ່ໃດ໋ລະ !
ແມ່...  ຫນ້າແດງ, ພະລາດລຸກຂື້ນ ມືຖືສາກຕຳແຈ່ວ ໂຕນລົງເຮືອນ ຈ້ອນສິ້ນ,
" ມຶງ ບໍ່ຕາຍໃຫ້ກູມື້ນີ້, ມຶງບໍ່ມີມື້ຊິຕາຍ "
ລູກ :: ອ່າວ ! ອີ່ແມ່ ! ອີ່ແມ່ເປັນຫບັງ , ອີ່ແມ່ຊິໄປຍາດ ເອົາຫນູ ຄືນມາຫວ໋ະ !

55555  55555  55555  55555
ຜູ້ຂຽນ: dokbua
ເມື່ອວັນທີ່: 29/9/07 21:48
ຈາກ: naitom
ອາຊີບ: gebdokbua bouxa pra yu wat par himmaparn
ງານອະດີເລກ: lieng bae tah noii!!!!!!

http://www.inlao.net/Forums/AUBlogLA.aspx?tp=3170