ທັມຄຸ້ມຄອງໂລກ ໒ ຢ່າງ ຄື

 ໑. ຫິຣິ ຄວາມລະອາຍແກ່ໃຈ

 ໒.ໂອຕຕັບປະ ຄວາມເກງກົວຢ້ານຕໍ່ບາບ

ຫິຣິ ຄື ຄວາມລະອາຍໃຈຕົນເອງເມື່ອຈະປະພຶດທຸຈະຣິດຕໍ່ການທຳບາບທຳຄວາມຊົ່ວກໍ່ບໍ່ກ້າທຳທັງທີ່ລັບແລະທີ່ແຈ້ງ ກຽດຕໍ່ການທຳບາບທຳຊົ່ວ ເຫມືອນຄົນມັກສະອາດກໍ່ບໍ່ຢາກແຕະຕ້ອງຂອງສົກກະປົກ

ໂອຕຕັບປະ ຄື ຄວາມເກງກົວຢ້ານຕໍ່ຜົນຂອງການທຳຊົ່ວໂດຍຄິດວ່າ ຄົນທຳດີໄດ້ດີ ຄົນທຳຊົ່ວໄດ້ຊົ່ວ ຈຶ່ງຢ້ານກົວຜົນຂອງກຳນັ້ນຈະຕາມສະຫນອງຈຶ່ງບໍ່ກ້າທຳຊົ່ວທັງໃນທີ່ລັບແລະທີ່ແຈ້ງ

ຫິຣິແລະໂອຕຕັບປະ ມີຊື່ວ່າທັມຄຸ້ມຄອງໂລກ ເພາະຖ້າມະນຸດທຸກຄົນມີທຳສອງຂໍ້ນີ້ໂລກກໍ່ຈະມີແຕ່ຄວາມສຸກຄວາມສະງົບບໍ່ບຽດບຽນກັນແລະກັນປາສະຈາກຄວາມລະແວງສົງໃສຕ່າງໆດັ່ງນັ້ນຈຶ່ງໄດ້ ຊື່ວ່າ ທັມຄຸ້ມຄອງໂລກ

ຄະຕິທັມຝາກໃຫ້ຄິດ

® ການປ່ອຍເວລາໃຫ້ຜ່ານໄປ             ເປັນການທຳລາຍອະນາຄົດ