ທະຫານໄທຜູ້ນຶ່ງເສຍຊີວິດ ໃນການປະທະຄັ້ງໃໝ່ ກັບກໍາປູເຈຍ

ລາຍງານໂດຍ Souphonh  02-05-2011

ຮູບຈາກ: Reuters

ທະຫານກຳປູເຈຍ ນັ່ງພັກຜ່ອນ ທີ່ວັດເຂົາພະວິຫານ ຫຼັງຈາກ ໄດ້ເກີດການປະທະກັນ ກັບທະຫານໄທ ເປັນເວລາສັ້ນໆ (5 ກຸມພາ 2011)

ມີທະຫານໄທຄົນນຶ່ງເສຍຊີວິດ ໃນວັນເສົາມື້ນີ້ ຫຼັງຈາກ
ທະຫານໄທແລະກຳປູເຈຍເລີ້ມຍິງປືນໃຫຍ່ໂຈມຕີກັນອີກ
ຢູ່ຕາມບໍລິເວນຊາຍແດນຮ່ວມ ຂອງປະເທດທັງສອງ.

ໂຄສົກຂອງກອງທັບບົກໄທ ພັນເອກສັນເສີນ ແກ້ວກຳ
ເນີດກ່າວວ່າ ນອກນັ້ນຍັງມີທະຫານໄທອີກ 4 ຄົນໄດ້ຮັບ
ບາດເຈັບ ໃນການປະທະກັນເປັນເວລາສັ້ນໆ ທີ່ລະເບີດ
ຂຶ້ນໃນຕອນເຊົ້າຂອງວັນເສົາມື້ນີ້.

ເຈົ້າໜ້າທີ່ກຳປູເຈຍ ກ່າວວ່າ ການສູ້ລົບໄດ້ເກີີດຂຶ້ນໃນ
ຕອນເຊົ້າ ຂອງວັນເສົາມື້ນີ້ ແຕ່ໄດ້ຢຸດເຊົາ ໃນເວລາບໍ່
ຮອດນຶ່ງຊົ່ວໂມງຕໍ່ມາ ຊຶ່ງເປັນການປະທະກັນເທື່ອລ່າສຸດ
ໃນກໍລະນີພິພາດກ່ຽວກັບເຂດນໍ້າແດນດິນໃນບໍລິເວນອ້ອມ ແອ້ມວັດສາສະໜາຮິນດູທີ່ມີອາຍຸ 900 ປີ.

ການປະທະກັນໄດ້ເລີ້ມຂຶ້ນໃນວັນສຸກວານນີ້ໃກ້ໆປາ

ສາດຫີນວັດເຂົາພະວິຫານທີ່ສ້າງຂຶ້ນໃນສັດຕະວັດທີ 11

ຊຶ່ງຍັງຜົນໃຫ້ທະຫານກຳປູເຈຍ 2 ຄົນ ແລະພໍ່ນາໄທຄົນນຶ່ງເສຍຊີວິດໄປນັ້ນ.