ພັນລາວ.ຄອມ
ຊອກຫາ:
ຊອກຫາແບບລະອຽດ
ຂຽນເມື່ອ ຂຽນເມື່ອ: ມ.ນ.. 18, 2011 | ມີ 7 ຄຳເຫັນ ແລະ 0 trackback(s)
ໜວດໝູ່: ກະວີ

 

ຫລັບຝັນເສັຽເຖີດຄົນດີ
 

ຊີວິດນີ້ຊ່າງໂຫດຮ້າຍ 
ຜູ້ຄົນຊ່າງຜັນແປ 
ຫລຽວໄປມາທາງໃດ 
ເຈົ້າເຫັນແຕ່ຄວາມກິ້ງກອກວົກວົນ 
ດັ່ງກັບວ່າຄວາມດີຄວາມງາມ 
ຄວາມຊື່ຄວາມຕົງ 
ບໍ່ມີເຫລືອໄວ້ຢູ່ໃນໂລກນີ້ອີກຕໍ່ໄປ 
ເຈົ້າບອກຂ້ອຍວ່າ 
ເຈົ້າເມື່ອຍເຈົ້າທໍ້ແທ້ 
ເຈົ້າບໍ່ຢາກສູ້ອີກຕໍ່ໄປ 
ຫາກແມ້ນບໍ່ພຽງເພື່ອລູກ 
ເຈົ້າຢາກຈະໄລລາໂລກນີ້ໄປໃຫ້ມັນແລ້ວໆໄປສະ 
ຂ້ອຍຜູ້ຊຶ່ງເປັນຕົ້ນຕໍ່ຂອງຄວາມຜິດຫວັງ 
ຂອງຄວາມທໍ້ຖອຍເຈົ້າ 
ໄດ້ແຕ່ຖອດຖອນລົມຫາຍໃຈໃຫຍ່ 
ເພາະມີຊີວິດກໍເຫມືອນບໍ່ມີ 
ເພາະມີຄວາມຝັນກໍເຫມືອນດັ່ງເປັນລົມເປັນແລ້ງ 
ໃຜນໍຈະຮູ້ວ່າ 
ຂ້ອຍນີ້ຮັກເຈົ້າຍິ່ງກ່ວາສິ່ງໃດ 
ແລະນີ້ເອງຄືສິ່ງທີ່ເຮັດໃຫ້ຂອ້ຍເຈັບປວດຣວດຣ້າວ 
ຈົນເຫລືອທີ່ຈະປະມານ 
ໂອ້ຄົນດີຂອງຂ້ອຍ 
ມະມາລືມສະສິ່ງເກົ່າໆ 
ສິ່ງທີ່ພາໃຫ້ເຈັບປວດແລະທໍຣະມານ 
ມະມານອນລົງຂ້າງໆຂ້ອຍ 
ຝາມືນີ້ຈະຄ່ອຍຂັບກ່ອມເຈົ້າໃຫ້ໄດ້ຫລັບຝັນ 
ເຖີງຄວາມຫວັງທີ່ຍິ່ງໃຫຍ່ 
ເຖີງອານາຄົດທີ່ເຈີດຈ້າ 
ແລະເມື່ອເຈົ້າຕື່ນມືນຕາຂຶ້ນມາໃຫມ່ 
ເຈົ້າຈະໄດ້ມີເຫື່ອແຮງ 
ເຈົ້າຈະບໍ່ທໍ້ແທ້ 
ແລະເຈົ້າຈະໄດ້ຍີ້ມຫົວຕໍ່ສູ້ກັບຊີວິດ 
ຢ່າງຜູ້ມີໄຊຢູ່ຕລອດໄປ 

 

  •  
Delicious Digg Fark Twitter