ມີແມ່ເຖົ້າຫນຶ່ງໄປຝາກຈົດຫມາຍຢູ່ໄປສະນີ, ຄ່າຝາກຈົດຫມາຍ 1500 ກີບ ແຕ່ແມ່ເຖົ້າຍື່ນເງິນໃຫ້ 2000 ກີບ, ພະນັກງານໄປສະນີ ບໍ່ມີເງີນທອນ ກໍ່ເລີຍ ເອົາຊອງຈົດຫມາຍທອນໃຫ້ແມ່ເຖົ້າ 2 ຊອງ.
ມື້ຕໍ່ມາແມ່ເຖົ້າໄປຝາກຈົດຫມາຍອີກ ລາວຢື່ນເງິນ 1000 ພ້ອມດ້ວຍຊອງ ຈົດຫມາຍ 2 ຊອງນັ້ນ.
ພະນັກງານໄປສະນີງົງເລີຍຖາມແມ່ເຖົ້າວ່າ :
"ແມ່ເຖົ້າເອີ໋ຍ ! ຄ່າຝາກຈົດຫມາຍ 1500 ກີບໄດ໋ "
ແມ່ເຖົ້າກໍ່ຕອບທັນທີວ່າ : ກໍ່ຊອງຈົດຫມາຍຫັ້ນ 500 ເດ ມື້ວານລູກຍັງ ທອນໃຫ້ແມ່ ມັນກໍ່ຄືກັນຕວ໋າ !
ພະນັກງານໄປສະນີ : ໆໆໆໆໆໆ

 ມີມື້ໜຶ່ງຜົວຂອງເອື້ອຍຈັນ ຊຶ່ວ່າແພງອອກໄປເຮັດວຽກຕັ້ງແຕ່ເຊົ້າຈົນຄ່ຳຍັງບໍ່ເຫັນມາ
ເອື້ອຍຈັນກໍ່ໃຈຮ້າຍສຸດຂີດ ເລີຍໂທລະສັບໄປຫາຜົວພໍແຕ່ໂທຕິດເອື້ອຍຈັນເລີຍເວົ້າ ຂື້ນວ່າ: ຮະໂຫຼ ! ມຶງຢູ່ໃສ
ເຈົ້າຂອງເບີ : ກະຢູ່ວັດນີ້ແລະ
ເອື້ອຍຈັນ : ມຶງໄປເຮັດຫຍັງຢູ່ຫັ້ນ
ເຈົ້າຂອງເບີອົດບໍ່ໄຫວເລີຍກ່າວຂື້ນວ່າ:ໂຢມໂທຜິດແລ້ວອະຕະມາບວດມາໄດ້ ສາມພັນສາແລ້ວ (ຂໍຫົວກ່ອນ 55555555 ) ປ່ອຍວາງຈິດໃຈລົງແນ່
ພໍແຕ່ພະເອິ່ຍວ່າ ປ່ອຍວາງ ແລ້ວເອື້ອຍຈັນກະວາງໂທລະສັບໄວບໍ່ຄ້ານ

 •ວັນທີ່ນາງຢ່າງເຂົ້າ…………….ກ້າວຢຽບມະຫາໄລ
ເປົາຫມາຍນາງຄືຮຽນ…………….ບໍ່ບິດບຽນຝືນຂໍ້
ກົດມະຫາໄລຕັ້ງ………………….ການຮຽນຕ້ອງຄົບສູດ
ທຸກວິຊາຜ່ານໄດ້…………………ຈິ່ງຊິໃຫ້ປະລິນຍາ ວ່າເດ!

•ທຸກວັນນັ່ງໃນຫ້ອງ…………….ນາງກໍ່ສຸມໃຈຮຽນ
ພາກພຽນຟັງຄຳຄູ……………….ຈົນວ່າເສັງຜ່ານພົ້ນ
ປີສອງວົນວຽນເຂົ້າ………………ວິຊາຮຽນອ່າວຍາກ
ຄົ້ນຄວ້າຫນັກຫນ່ວງລ້ຳ……………ຫວັງໄດ້ຄະແນນດີ

•ແຕ່ວ່າໃນປີນີ້………………ມີວິຊາແປກມາ
ນັ້ນຄືວິຊາຮັກ………………….ອ່ານຕຳລາຍັງງົງແລ້ວ
ແນວນາງບໍ່ເຄີຍຮູ້……………..ວິຊາຮັກມາກ່ອນ
ຄູສອນເພີ່ນພັດເວົ້າ…………….ຫວານຈ້ອຍປ່ອຍຄາລົມ

•ນາງກໍ່ທຸ່ມໃຈເຂົ້າ……………ຮຽນຕໍ່ຕາມວິຊາ
ປາຖະຫນາຮຽນຈົບ…………….ຄົບຕາມຫນ່ວຍກິດຕັ້ງ
ຈົນມາເຖິງຕອນທ້າຍ…………..ປາຍປິປິດພາກ
ວີຊາຮັກຕີວເລື້ອຍ……………..ແຕ່ບໍ່ພົ້ນເມື່ອເສັງ ເວນເອີ໋ຍ!

•ຫລາຍວິຊາເຄີຍເວົ້າ……………..ວ່າຍາກເຫລືອຫລາຍ
ໄຕມູມທັງເຄມີ………………ທິດສະດີຈົ່ມຍາກລ້ຳ
ແຕ່ເມື່ອຕິວຫລາຍຄັ້ງ………..ໄປເສັງຍັງພໍຜ່ານ
ວິຊາຮັກຮຽນງ່າຍແທ້………….ແຕ່ຍາກລົ້ນເມື່ອເສັງ

•ປີ 2-3 ແລ່ນຂ້າມ………….ປີ4ຊິວຽນມາ ແລ້ວເດ!
ນາງຍັງຕິດວິຊາ…………….ຕຳລາຮັກຄົງຄ້າງ
ເຮັດແນວໃດນາງຊິໄດ້……….ປະລິນຍາກັບຕ່າວ
ຫນວ່ຍກິດຕິດຫນີ້ໄວ້………….ແກ້ບໍ່ໄດ້ຮັກຖືກລືມ ອຸກໃຈເດ!

ສະບາຍດີເພື່ອນໆ ພັນລາວຫມົດທຸກຄົນ ປີໃຫມ່ນີ້ ເພື່ອນໆໄດ້ໄປຫລີ້ນໃສ?ມ່ວນບໍ? ເປັນແນວໃດກໍ່ເຂົ້າມາເລົ່າສູ່ກັນຟັງແດ່ເດີ້

ໂຊກດີປີໃຫມ່ເດີ້ຫມົດທຸກໆຄົນ  

ໃນຂະນະທີ່ແມ່ລ້າງຖ້ວຍຢູ່ເຮືອນຄົວ ລູກຊາຍກໍ່ຍ່າງເຂົ້າມາ ພ້ອມກັບເຈ້ຍນ້ອຍແຜ່ນຫນຶ່ງ ແລະ ຍື່ນໃຫ້ແມ່ຂອງຕົນເອງ, ແມ່ແນມເບິ່ງຫນ້າລູກຊາຍດ້ວຍຄວາມຮັກ ເຊັດມື ແລະ ຈັບເຈ້ຍຂຶ້ນມາອ່ານ.
ລູກຊາຍຂຽນວ່າ:
- ແປງຫ້ອງນ້ຳ 20,000 ກີບ,
- ຊັກເຄື່ອງໂຕເອງ 10,000 ກີບ,
- ໄປຮັບນ້ອງມາແຕ່ໂຮງຮຽນ 10,000 ກີບ,
- ໄປໂຮງຮຽນປົກກະຕິຫມົດອາທິດ 30,000 ກີບ,
- ກວດເດີ່ນບ້ານມື້ກີ້ນີ້ 5,000 ກີບ. ລວມທັງຫມົດ 75,000 ກີບ
ແມ່ແນມເບິ່ງຫນ້າລູກຊາຍທີ່ເຕັມໄປດ້ວຍຄວາມຫວັງ ແລະ ຫນ້ອຍຫນຶ່ງກໍ່ຍ່າງໄປຈັບເອົາບິກມາຂຽນໃສ່ທາງຫລັງເຈ້ຍແຜ່ນເກົ່າ ແລະ ຍື່ນໃຫ້ລູກຊາຍຄືນ.
ແມ່ຂຽນວ່າ:
- ເວລາ 9 ເດືອນເຄີ່ງແມ່ຖືພາລູກມາໃນທ້ອງຈົນກວ່າຊິອອກ ບໍ່ເອົາເງິນນຳ,
- ພາລູກໄປໂຮງ່ຮຽນແຕ່ ອະນຸບານຈົນຮອດ ປໍ 5 ບໍ່ເອົາເງິນນຳ,
- ນັ່ງອົດນອນເຝົ້າລູກຢູ່ໂຮງຫມໍ ກໍ່ບໍ່ເອົາເງິນນຳ,
- ປ້ອນເຂົ້າປ້ອນນ້ຳ ຊື້ຂອງຫລີ້ນ ເຊັດຂີ້ມູກໃຫ້ ອາບນ້ຳໃຫ້ ຈົນດຽວນີ້ລູກໃຫຍ່ເປັນບ່າວແລ້ວ ແມ່ກໍ່ບໍ່ເອົາເງິນນຳ,
- ເຫນືອສິ່ງອື່ນໃດ ຄວາມຮັກທີ່ແມ່ມີໃຫ້ລູກທັງຫມົດບໍ່ເອົາເງິນນຳ
.......... "ລວມທັງຫມົດ" ບໍ່ໄລ່ເງິນນຳຈັກກີບ........

* ຮຽມຂໍເວົ້າ……….…ໄຂກ່າວກະວີ

ມີເນື້ອໃນ…………..….8ມີນານີ້

ປະຫວັດກີ້………....…ເປັນມາຄາວກ່ອນ

ດັງສະທ້ອນ….…..…..ໂລກາຮູ້ທົ່ວກັນ

* ຕອນຄາວນັ້ນ………..ຍິງຖືກຂົ່ມເຫັງ

ຖືກມອງເປັນ…………..ເພດອ່ອນແອລ້າ

ຖືກເຂັນຂ້າ…………….ຕົບຕີເຕະຕ່ອຍ

ປະປ່ອຍຖີ້ມ……………ມອງຂ້າມຄ່າຄຸນ

*ຍັງທັງໄດ້…………..ເຮັດວຽກຫນ່ວງຫນັກ

ບໍ່ມີພັກ……………..ທັງເວັນຄືນມື້

ແຖມຄ່າຊື້ …………ແຮງງານໄລ່ຕ່ຳ

ຍິ່ງກວ່ານັ້ນ ………..ຖືກຄ້າສົ່ງຂາຍ

* ທົນບໍ່ໄດ້……….….ໃນການຂົ່ມເຫັງ

8ມີນາ …………...….ຫນຶ່ງແປດເກົ້າເກົ້າ (1899)

ຍິງໂຮມເຕົ້າ ……..….ໃນຊີກາໂກ

ນິວຢອກພ້ອມ…….… ທວງຟ້ອງສິດຄືນ

* ນາຍທຶນໄດ້ …………ໄຂຮັບຄຳຂໍ

ກໍ່ເລີຍກາຍ……………. ເປັນໄຊລືກ້ອງ

ຍິງພ່ຳພ້ອມ …………….ລວມກັນເປັນກຸ່ມ

ລຸກຂື້ນຕ້ານ …………….ທຸກແຄວ້ນເຂດແດນ

*ຈົນເຖິງປີນີ້ ………..…..ຫນື່ງເກົ້າຫນຶ່ງສູນ (1910)

ມີປະຊຸມ………………...ຍິງສາກົນຕັ້ງ

ນັບເປັນຄັ້ງ…………… ທຳອິດເກີດກໍ່

ກຳນົດຂໍ້ ………………ສິດເທົ້າທຽມຊາຍ

* ປະຊຸມໄດ້………… ໄຂຂານຄ່າຍິງ

ດຶງຄືນສິດ……………. ທີ່ຕົນຄວນໄດ້

ກຳນົດໃຫ້ ……………ມີນາວັນແມ່

ຕັ້ງແຕ່ນັ້ນ…………….ຫມາຍແຈ້ງວັນຍິງ

ຫລັງຈາກສືບຮູ້ແນ່ນອນແລ້ວວ່າ  ຈະມີລົດຈັກຄັນຫນຶ່ງລັກລອບຂົນຢາມ້າຜ່ານດ່ານ  ນາຍຕຳຫລວດທ່ານ  1  ຈິ່ງສັ່ງໃຫ້ຕຳຫລວດນ້ອຍ  ທີ່ຫາກໍ່ເຂົ້າປະຈຳການໃຫມ່ໆ  ໄປລັດຈັບຄົນຮ້າຍຢູ່ຈຸດເປົ້າຫມາຍ  
ເມື່ອມີລົດຈັກມາ  ຕຳຫລວດກໍ່ເປົ່າຫມາກຫວີດໃຫ້ຢຸດ  
ຕຳຫລວດ  :  ອັນນີ້ແມ່ນລົດຫຍັງ?
ຜູ້ຂັບຂີ່  :  ແມ່ນລົດເທນ້າ!
ຕຳຫລວດ  :  ໄປໆບໍ່ກວດ
ພໍລົດຄັນໃຫມ່ມາຕຳຫລວດກໍ່ເປົ່າຫມາກຫວີດໃຫ້ລົດຢຸດອີກ  ແລ້ວຖາມວ່າ  ”ອັນນີ້ແມ່ນລົດຫຍັງ?”
ຜູ້ຂັບຂີ່  :  ແມ່ນລົດຮອນດ້າ  !
ຕຳຫລວດ  :  ໄປໆບໍ່ກວດ
ພໍລົດຄັນໃຫມ່ມາຕຳຫລວດກໍ່ເປົ່າຫມາກຫວີດໃຫ້ລົດຢຸດອີກ  ແລ້ວຖາມວ່າ  ”ອັນນີ້ແມ່ນລົດຫຍັງ?”
ຜູ້ຂັບຂີ່  :  ອັນນີ້ແມ່ນຢາມາຮ້າ  !
ຕຳຫລວດ  :  ເຮິ!ຢາມ້າກະວ່າແດ່ຍັງຕື່ມ  "ຮ້າ"  ໃສ່ອີກ!

 -ຖ້າມື້ໃດເຈົ້າຢາກຮ້ອງໄຫ້...  ເຈົ້າຈົ່ງມາຫາຂ້ອຍ...  ຂ້ອຍບໍ່ສັນຍາວ່າຈະເຮັດໃຫ້ເຈົ້າມີຮອຍຍີ້ມ  ແຕ່ຂ້ອຍສັນຍາວ່າຈະນັ່ງຮ້ອງໃຫ້ກັບເຈົ້າ.

   -ຖ້າມື້ໃດເຈົ້າເຊັງ  ແລະ  ຢາກຫລີກຫນີຈາກບັນຫາທີ່ລົ້ມເຫລວໃນຊີວິດ  ເຈົ້າຈົ່ງມາຫາຂ້ອຍ  ຂ້ອຍບໍ່ສັນຍາວ່າຈະ  ຢຸດມັນໃຫ້ເຈົ້າ  ແຕ່  ຂ້ອຍສັນຍາວ່າຈະລຸກແລ່ນໄປພ້ອມໆກັບເຈົ້າ.

   -  ວັນໃດທີ່ເຈົ້າຜິດຫວັງຈາກຄົນຄົນນັ້ນ  ເຈົ້າຈົ່ງມາຫາຂ້ອຍ  ຂ້ອຍບໍ່ສັນຍາວ່າຈະເຮັດໃຫ້ເຈົ້າສົມຫວັງ  ແຕ່ຂ້ອຍສັນຍາວ່າຈະຮັບຟັງ  ແລະ  ແກ້ໄຂບັນຫາຊ່ວຍເຈົ້າ.

   -ຖ້າມື້ໃດເຈົ້າງຽບເຫງົາ  ເຈົ້າມາຫາຂ້ອຍ  ແຕ່ບໍ່ພົບເຫັນການເອົາໃຈໃສ່ດູແລ  ສະແດງວ່າ  ວັນນັ້ນຂ້ອຍໄດ*********ນລົມຫາຍໃຈໄປແລ້ວ...

               **** ທັງຫມົດນີ້ ເພາະວ່າ ຂ້ອຍ ເກີດມາເພື່ອເຈົ້າ  ****

www.laohot.net

*  ວັນຈັນນີ້...............ຂ້ອຍຊິມີເສັງ
ບໍ່ເຄີຍເກງ.................ຄິດກົວສັ່ນຢ້ານ
ແລງອອກບ້ານ...........ຕາມເຄີຍຫາທ່ຽວ
8ໂມງແລ້ວ................ຫາຂ້ອຍໃນເຮືອນ      ບໍ່ເຫັນດ໋ອກ

*  ຢາກຊອກຂ້ອຍ.........ໄປພຸ້ນ3ດາວ
ຫລືເມືອງລາວ.............ບາງຄືນແວ່ເຂົ້າ
ໄປຊອດເຊົ້າ................ໃນມາລີນ່າ
ຫາຊອກຂ້ອຍ..............ແຖວນີ້ແມ່ນມີ

*  ມາວັນນີ້.............ເສັງຫນຶ່ງວິຊາ
ກັບຄືນມາ..............ຫນ້າຕາຂ້ອຍເສົ້າ
ເຊົາໆແລ້ວ...............ເທັກບ໊າບໍ່ທ່ຽວ
ຊິຢູ່ບ້ານ.................ຫາປື້ມເປີດຮຽນ

*  ອ່ານວຽນກ້ຽວ..........ຫລາຍຮອບກັບຄືນ
ຍັງຢືນງົງ..................ບໍ່ເຂົ້າໃຈເລື້ອງ
ເລີຍເຄືອງແຄ້ນ..........ຈັບໂຍນປື້ມແກວ່ງ
ແລ່ນເຂົ້າຫ້ອງ............ນັ່ງຈ້ອງເບິ່ງຫນັງ

*  ຟັງເພັງເສົ້າ...........ຫງຽບເຫງົາໃນໃຈ
ເລີຍໂທໄປ..............ຫາແຟນລົມຫລີ້ນ
ບໍ່ຄິດຄົ້ນ...............ໃນເລື່ອງຄ່າບັດ
ເຕີມຍັດເຂົ້າ............ຫມົດມື້ລະແສນ

*  ເສັງແລ່ນພົ້ນ..........ຫມົດທຸກວິຊາ
ປາທິໂທ..................ຄະແນນງາມລ້ຳ
ສອງ,ສາມ  ນັ້ນ..........ລຽນກັນຊ່າຍລ່າຍ
ພໍຢາກໄຫ້..............ຮຽນຊ້ຳອີກປີ

*  ເພື່ອນເອີ໋ຍເພື້ອນ........ຮຽນຮ່ຳສຶກສາ
ຢ່າໄດ້ເອົາ.................ແບບຢ່າງຕົວຂ້ອຍ
ຊິມິດມ້ອຍ..................ຈົມໃນມຸມມືດ
ຊວາດຄຶດພໍ້...............ວັນນັ້ນອາດສາຍ

ຈາກ laohot.net/blogcdoc.php

ຕ່ກີ້ ບໍ່ທັນມີລົດໃຫຍ່ ແລະ ລົດຈັກຫລາຍ, ຄົນສ່ວນໃຫຍ່ຂີ່ແຕ່ລົດຖີບ.ມີຄູ່ບ່າວສາວຫນື່ງຊ້ອນລົດຖີບກັນຂື້ນຄ້ອຍໂພນເຄັງ ຫມຸ່ງຫນ້າໄປຕະຫລາດເຊົ້າ (ຜູ້ບ່າວຖີບ,ຜູ້ສາວຊ້ອນ)….... ຖີບຂື້ນໄດ້ເຄິ່ງຄ້ອຍ ຜູ້ສາວກໍ່ຖາມວ່າ :
" ອ້າຍເມື່ອຍບໍ? "
ຜູ້ບ່າວ : " ບໍ່ເມື່ຍ…" (ທັງຕອບທັງຖອນລົມຫາຍໃຈງາບໆແບບຄົນຊິຫມົດ ແຮງ) ເວົ້າແລ້ວຜູ້ບ່າວກໍ່ລຸກຂື້ນກະຈະຖີບຫມົດແຮງ…….. ”ແປ໋ດ”…. ສຽງດັງ ມາຈາກຂ້າງລຸ່ມ (ຜູ້ບ່າວຕົດ)
ຜູ້ສາວກໍ່ຖາມຂື້ນທັນທີວ່າ : " ສຽງຫຍັງອ້າຍ? "
ຜູ້ບາວ : " ກົງລົດແຕກ "
ພ່າຍຜູ້ສາວກໍ່ບໍ່ເວົ້າຫຍັງຍາກ ສັ່ງຂີ້ມູກອອກມາດັງ ” ກ໋າດ! ” ແລ້ວກໍ່ຍື່ນ ໃຫ້ຜູ້ບ່າວ ພ້ອມທັງເວົ້າວ່າ :
” ເອົາອ້າຍຢາງຕາບລົດ! ”....
.....55555555.........(ໄປນຳກັນໄດ້).........

10 ບໍລິສັດຈາກ ສ.ເກົາຫລີ ແລະ 4 ບໍລິສັດຂອງລາວຮ່ວມລົງທຶນ 2.000 ລ້ານໂດລາສະຫະລັດ ເພື່ອດຳເນີນການກໍ່ສ້າງເມືອງ ໃຫມ່ ໃນເນື້ອທີ່ 3.000 ເຮັກຕາໃນເຂດ ແຂວງຫລວງພະບາງ. ຂະນະທີ່ ກຸ່ມບໍລິສັດນ້ຳມັນ ແລະ ອາຍແກ໊ສຈາກ ສສ ຫວຽດນາມກໍ່ ຄາດວ່າຈະດຳເນີນການກໍ່ສ້າງເຂື່ອນຂະຫນາດໃຫຍ່ຢູ່ນ້ຳຂອງ ໂດຍຈະໃຊ້ເງິນປະມານ 2.000 ລ້ານໂດລາສະຫະລັດເຊັ່ນດຽວກັນ. ການລົງນາມບົດບັນທຶກໃນການຮ່ວມທຶນລະຫວ່າງ 10 ບໍລິສັດເອກະຊົນຈາກ ສ.ເກົາຫລີກັບ 4 ບໍລິສັດເອກະຊົນຈາກລາວໄດ້ມີຂຶ້ນ ຢ່າງເປັນທາງການເມື່ອຕົ້ນເດືອນພະຈິກນີ້ ໂດຍມີທ່ານ ບຸນເຮືອງ ດວງພະຈັນ ເຈົ້າແຂວງໆຫລວງພະບາງເປັນສັກຂີພິຍານໃນພິທີການ ຮ່ວມລົງນາມດັ່ງກ່າວ. ການລົງທຶນດັ່ງກ່າວມີມູນຄ່າເຖິງ 2.000 ລ້ານໂດລາສະຫະລັດເພື່ອໃຊ້ເຂົ້າໃນການກໍ່ສ້າງເມືອງໃຫມ່ທີ່ທັນສະໄຫມໃນເນື້ອທີ່ 3.000 ເຮັກຕາ ຢູ່ໃນເຂດເມືອງຈອມເພັດແຂວງຫລວງພະບາງພາຍໃຕ້ເປົ້າຫມາຍທີ່ຈະພັດທະນາໃຫ້ກາຍເປັນສູນກາງໃນການບໍລິການທຸລະກິດ, ການຄ້າ ແລະ ການທ່ອງທ່ຽວແບບຄົບວົງຈອນທີ່ເປັນການເຊື່ອມຕໍ່ຈາກຈີນ ຜ່ານລາວ ແລະ ເຊື່ອມຕໍ່ເຂົ້າປະເທດໄທໃນອະນາຄົດ. ກຸ່ມບໍລິສັດຮ່ວມລົງທຶນໃຊ້ເວລາປະມານ 5 ປີເພື່ອຈະດຳເນີນໂຄງການພັດທະນາໃຫ້ສຳເລັດ ເຊິ່ງຈະມີທັງໂຮງແຮມລະດັບ 5 ດາວ, ຣີສອດ, ສູນການຄ້າ, ສະຫນາມກ໊ອຟ, ທີ່ພັກອາໄສ, ສູນກາງບໍລິການທຸລະກິດ, ການຄ້າ ແລະ ການທ່ອງທ່ຽວຄົບວົງຈອນລວມເຖິງສິ່ງ ອຳນວຍຄວາມສະດວກຕ່າງໆຢ່າງຄົບຊຸດ. ໄລຍະເວລາຂອງການສຳປະ ທານທີ່ດິນແມ່ນ 50 ປີ ແລະ ສາ ມາດຕໍ່ອາຍຸສຳປະທານໄດ້ອີກເຖິງ 20 ປີ. ການລົງທຶນດັ່ງກ່າວຈະບໍ່ ເປັນຜົນກະທົບຕໍ່ການເປັນເມືອງມໍລະ ດົກຂອງແຂວງຫລວງພະບາງແຕ່ ຢ່າງໃດ ແລະ ຍັງຈະເປັນເມືອງມໍລະ ດົກໂລກທີ່ຍືນຍົງ. ຂະນະທີ່ສະຫະບໍລິສັດນ້ຳມັນອາຍແກ໊ສ ຈາກ ສສ ຫວຽດນາມ ກໍ່ໄດ້ມີການຄາດການໄວ້ວ່າ ຈະເລີ່ມລົງມືການກໍ່ສ້າງເຂື່ອນໄຟຟ້າໃນ ແລວ ແມ່ນ້ຳຂອງທີ່ບ້ານຄົກເມືອງປາກອູ ແຂວງຫລວງພະບາງ ນັບແຕ່ປີ 2010 ເປັນຕົ້ນໄປ ເພື່ອໃຫ້ສຳເລັດ ແລະ ສາມາດສົ່ງກະ ແສໄຟຟ້າໃຫ້ ສສ ຫວຽດນາມ ໃນປີ 2016. ໂຄງການດັ່ງກ່າວ ໄດ້ເລີ່ມລົງມືສຳຫລວດຄວາມເປັນໄປໄດ້ແຕ່ປີ 2007 ໂດຍອີງຕາມບົດບັນທຶກຊ່ວຍຈຳລະຫວ່າງລັດຖະບານລາວ ກັບສະຫະບໍລິສັດນ້ຳມັນອາຍເແກ໊ສ ສສ ຫວຽດນາມ. ເຂື່ອນດັ່ງກ່າວ ຈະສາມາດຜະລິດກະແສໄຟຟ້າໄດ້ເຖິງ 1.410 ເມກາວັດ ຄາດວ່າຈະໃຊ້ເງິນລົງທຶນກໍ່ສ້າງປະມານ 2.000 ລ້ານໂດ ລາສະຫະລັດ. ນັບຈາກນີ້ເປັນຕົ້ນໄປເຖິງທ້າຍປີ 2009 ນັ້ນ ກຸ່ມບໍລິສັດຈາກ ສສ ຫວຽດນາມ ຈະດຳເນີນການສຶກສາວິໄຈ ເພື່ອປ້ອງກັນບັນຫາຜົນ ກະທົບຕໍ່ສິ່ງແວດລ້ອມໃຫ້ເປັນທີ່ຍອມຮັບ ແລະ ໄດ້ມາດຕະຖານສາກົນ ລວມທັງເປັນທີ່ຍອມຮັບຂອງສະມາຊິກກອງບັນນາທິການແມ່ນ້ຳ ຂອງ ອີກດ້ວຍລວມມີ: ລາວ, ຫວຽດນາມ, ກຳປູເຈຍ ແລະ ໄທ. ຖ້າຫາກໂຄງການດັ່ງກ່າວສຳເລັດ ຈະມີຄວາມສຳຄັນທາງດ້ານແນວທາງນະໂຍບາຍເສດຖະກິດ-ສັງຄົມຂອງລາວ ພ້ອມນັ້ນ ຍັງເປັນ ການຄ້ຳປະກັນທາງດ້ານພະລັງງານໃຫ້ແກ່ ສປປ ລາວ ແລະ ສສ ຫວຽດນາມອີກດ້ວຍ.

ຄັດຈາກ http://www.activeboard.com/forum.spark?forumID=119371&p=3&topicID=22249777

* ຄິດຄຳນຶງຄາວກີ້                ເຮົາຮ່ວມຮັກກັນ

ສາຍສຳພັນແສນຫວານ         ເພື່ອນພາກັນເຢີ້ຍ

ວັນເວລາເລີຍພົ້ນ                ມີແນວຈຳຈາກ

ພັດພາກກັນຄົນກ້ຳ               ອາໄລຊຶ້ງກ່ອນໄກ

* ຊາຍຍັງໄຂຂານເວົ້າ           ເຮົາຈະຫ່າງພຽງກາຍ

ຊາຍຈະຄອງຄອຍວັນ            ມາພົບກັນຄຽງຂ້າງ

ສາຍສຳພັນຝັງແຫນ້ນ           ບໍ່ປໍແປງເປັນອື່ນ

ທຸກວັນຄືນຄ່ຳເຊົ້າ              ຊິຄອຍນ້ອງຜູ້ດຽວ

* ນັບຕັ້ງແຕ່ວັນນັ້ນ               ເຮົາຍັງຕິດຕໍ່ກັນ

ສື່ສານຜ່ານMessages        ສົ່ງເປັນTextຄຳເວົ້າ

ກິນເຂົ້າຫລືຍັງນ້ອງ            ນອງໄວຊາຍເປັນຫວ່ງ

ທັງຂໍ້ຄວາມGood night        ອ້າຍສົ່ງໃຫ້ທຸກຄືນ

* ຄວາມຮັກເຮົາຫວານຊຶ້ງ       ຈົນວັນຫນຶ່ງນາງເຫັນ

SMSຂອງຊາຍ                   ສົ່ງມາຫານ້ອງ

ນາງວອງໄວໄຂຟ້າວ            ຈັບເອົາມາອ່ານ

ທາງຂ້າງໃນແສນຫວານ...ພັນລະນາສຸດຊຶ້ງ      ແຕ່ນາມນັ້ນບໍ່ແມ່ນນາງ ເສຍດາຍເດ!

* ຊາຍເອີ໋ຍ ! ອັນວ່ານາມໃນນັ້ນ       ເປັນນາມເພິ່ນທາງໃດ

ມາແອບແຝງໃນໃຈຊາຍ             ດົນປານໃດແລ້ວອ້າຍ

ໃຈຊາຍມີຄົນຊ້ອນ                  ຊອນສອງສັງບໍ່ກ່າວ ເດນໍ

ສັງມາປະປ່ອຍນ້ອງ                 ຄອງອ້າຍວ່າຮັກຈິງ

* ຊາຍເອີຍ ! ນັບຕັ້ງແຕ່ວັນນີ້        ຊິບໍ່ຮັບສາຍຊາຍ

ຫລາຍສິ່ງມີຄວາມຫມາຍ           ໃນວັນວານລົບລ້າງ

ນາງຂໍສົ່ງຄືນອ້າຍ                 ຕາງໄລລາເອີ້ນສັ່ງ

ເປັນຂໍ້ຄວາມສຸດທ້າຍ              ຄືSMSອ້າຍທີ່ຜິດເບີ ນີ້ເດີ.

 ເຊົ້າ ຂອງວັນທີ່ 8 ເດືອນ 10 ປີ 2008

ຂ້ອຍນັ່ງຢູ່ທີ່ກ້ອງຕົ້ນໄມ້ ກວາດສາຍຕາໄປຮອບໆ ມື້ນີ້ອາກາດເຢືອກເຢັນ,ມີສາຍລົມພັດມາເປັນຮູດໆ… ຂ້ອຍນັ່ງຊຶງລຶງ ວາດພາບໃຜບາງຄົນໃຕ້ຈິດສຳນຶກ, ເຂົາມີຮູບຮ່າງພໍປະມານ, ຫນ້າຕາບໍ່ແມ່ນອາວຸດອັນສຽບຄົມສຳຫລັບເຂົາ ສີສັນທີ່ພົ້ນເດັ່ນທີ່ສຸດແມ່ນຄາລົມແລະຄວາມດີ ພໍແຕ່ຂ້ອຍວາດພາບຈົບລົງ ເຂົາກໍ່ຄ່ອຍໆຈາງຫາຍໄປຈາກທ້ອງຟ້າ… ເພາະວ່າເຂົ້າຄົນນັ້ນຍັງບໍ່ມີຕົວຕົນໃນໂລກ.

      8/10/2008

          tonoy.