ພັນລາວ.ຄອມ
ຊອກຫາ:
ຊອກຫາແບບລະອຽດ
ຂຽນເມື່ອ ຂຽນເມື່ອ: ຕ.ລ.. 4, 2011 | ມີ 9 ຄຳເຫັນ ແລະ 0 trackback(s)
ໜວດໝູ່: ກາບກອນ

              ກາບກອນ “ພຣະຄຸນແມ່”

ພຣະຄຸນແມ່                                        ເລີດຟ້າມະຫາສະໝຸດ

ພຣະຄຸນແມ່                                        ສູງສຸດມະຫາສານ

ພຣະຄຸນແມ່                                        ເລີດກ່ວາສຸທາທານ

ແມ່ສະລະງາມຍາມສາວ                       ຄາອູ້ມທ້ອງ

ແມ່ບໍ່ຮ້ອງ                                              ແມ່ທົນໄດ້

ແມ່ເຝົ້າຖະໝອມ                                  ຈົນຄັນແກ່

ຄົບສິບເດືອນ                                       ເຄື່ອນຄອດຫຼອດຊີວິດ

ແມ່ໃກ້ຊິດ                                             ລ້ຽງລູກນ້ອຍ  ຄອຍເຝິກຝົນ

ແມ່ລຳບາກ                                           ປານໃດ  ໃຈແມ່ທົນ

ຍາມອັບຈົບ                                          ແມ່ຊອກ   ລູກອູ້ມລູກຫາ

ຍາມສົງສານ                                        ຫ່ວງລູກ  ກ່ວາຊັບສິນ

ຍາມລູກກິນ                                         ແມ່ນັ່ງປ້ອນ  ນັ່ງເຝົ້າ

ແມ່ບໍ່ຜືນ                                              ບໍ່ດ່າວາຈາ  ທຸກວັນເວລາ

ຍາມລູກສຸກ                                         ແມ່ສຸກສົມ  ອາລົມຊື່ນ

ຍາມລູກຂື່ນ                                         ແມ່ຂົມ  ລະທົມກ່ວາ

ຍາມລູກໄຂ້                                          ແມ່ອົດນອນ  ຮ້ອນອຸລາ

ຍາມລູກຢາ                                          ອັບໂຊກ    ແມ່ໂສກໃຈ

ຄາວລູກຫິວ                                        ແມ່ຫິວກ່ວາ  ນ້ຳຕາຮ່ວງ

ແມ່ເປັນຫ່ວງ                                       ດິ້ນລົນຫາ  ເອົາມາໃຫ້

ຈິ່ງເຕີບໃຫຍ່                                        ດ້ວຍໄອອຸ່ນ  ທັງກ່ອມກ້ຽງ

ລ້ຽງລູກມາ                                           ດ້ວຍກະລູນາ  ຊ່ວຍຄ້ຳຈຸນ

ຈົນລອດພົ້ນ                                         ເປັນຄົນມາ

ເຖິງລຳບາກຮ່າງກາຍ                          ໃຈຫ່ວງລູກ

ດ້ວຍພັນຜູກດວງໃຈ                            ໃຫ້ຫ່ວງຫາ

ດ້ວຍວາຈາ ອັນຊາບຊື້ນ                       ທຸກວິແມ່ບົ່ງສອນ

ຄອຍເຊັດນ້ຳຕາ                                    ຍາມລະທົມ

ຄວາມຮັກປ່ຽມເມດຕາ                          ໜ້ານິຍົມ

ປະດຸລົມ ໂຊຍເຢັນ                               ໃຜເຫັນດີ

ຫອບສັງຂານ                                       ທຳງານລ້ຽງລູກນ້ອຍ

ຈົນໃຫຍ່ນ້ອຍ                                      ຈົນເຕິບໃຫ່ຽ

ຈິ່ງສົ່ງໃຫ້                                             ໄດ້ສຶກສາ ວິຊາມີ

ໃຫ້ໄດ້ດີ                                               ກ່ວາພໍ່ແມ່  ຫວັງລໍຄອຍ

ເໝືອນນົກກາ                                       ຫາເຫຍື່ອມາໃຫ້ລູກ

ໃຫ້ຄວາມສຸກ                                       ຫາຊັບໃຫ້ໃຊ້ສອຍ

ຍາມໄກພາກຈາກອຸລາ                         ຕັ້ງຕາຄອຍ ໃຈລະຫ້ອຍ  ນອນສະອື້ນຂື່ນຂົມ.

 

 

 

Delicious Digg Fark Twitter