- new update: FAM TRIP ສຳຫຼວດແຫ່ຼງທ່ອງທ່ຽວ ແຂວງສະຫວັນນະເຂດ 12 Dec 2010. ອາວະສານ (ເທັກໂນໂລຢີ ແລະຄອມພິວເຕີ

ເວັບບອດພັນລາວ

ເວັບບອດພັນລາວ ເປັນກະດານສົນທະນາສຳລັບສະມາຊິກພັນລາວທຸກທ່ານ ທ່ານສາມາດຕັ້ງກະທູ້ເພື່ອສອບຖາມ ສະແດງ ແລະຂໍຄຳເຫັນຈະສະມາຊິກຄົນອື່ນ ໆ ຕະຫຼອດຈົນເຖິງການສົນທະນາທົ່ວ ໆ ໄປໄດ້ໃນເວັບບອດແຫ່ງນີ້. ຫາກຕ້ອງການແຈ້ງກະທູ້ຜິດກົດລະບຽບ ໃຫ້ໂພສໄດ້ທີ່ http://punlao.com/webboard/topic/3/index/288147/

ເທັກໂນໂລຢີ ແລະຄອມພິວເຕີ » ກ້ອງ ແລະການຖ່າຍຮູບ » new update: FAM TRIP ສຳຫຼວດແຫ່ຼງທ່ອງທ່ຽວ ແຂວງສະຫວັນນະເຂດ 12 Dec 2010. ອາວະສານ

nookzar90

໑໑ ກະທູ້
໑໖ ໂພສ

ຂາປະຈຳເວັບບອດ

ຂຽນເມື່ອ ຫລາຍກວ່າ 13 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 13 ປີ ກ່ອນໜ້ານີ້

ຫຼັງຈາກທ່ຽວຊົມຫໍໄຕແລ້ວ ກໍ່ພັກທ່ຽງໜ້ອຍນຶ່ງ ແລ້ວກໍ່ອອກເດີນທາງຕໍ່ໄປຍັງວັດເກົ່າຕາແຫຼວ ໄລຍະທາງ 16km

ວັດເກົ່າຕາແຫຼວ ວັດແຫ່ງນີ້ ເປັນວັດທີ່ມີຄວາມງົດງາມ ແລະເປັນວັດທີ່ມີຄວາມໂດດເດັ່ນ ບໍ່ຄືວັດອື່ນໆທົ່ວໄປທີ່ພົບເຫັນ ເນື່ອຈາກມີລັກສະນະທີ່ ພິເສດໃນການປະສົມປະສານກັນທາງດ້ານສະຖາປັດຕິຍະກຳຂອງວັດທາງສາດສະໜາພຸດ ແລະ ໂບດກາໂຕລິກ ຄືຮູບຊົງດ້ານນອກທາງກາງ ມີຮູບ ຊົງຄ້າຍຄືກັບໂບດ ເຊິ່ງດ້ານໃນເມີຄວາມກວ້າງໃຫ່ຍ ແລະເປັນບ່ອນປະດິດສະຖານຂອງພະພຸດທະຮູບຂະໜາດໃຫ່ຍ ປາງສະມາທິ ນອກຈາກນີ້ ດ້ານໃນຂອງວັດຍັງຕົກແຕ່ງດ້ວຍສີລະປະເທິງຝາທີ່ສວຍງາມ ທີ່ບອກເລົ່າເຖິງປະຫວັດຄວາມເປັນມາຂອງວັດ. ຕາມການບອກເລົ່າຕໍ່ໆກັນມາ ວັດນີ້ຖືກສ້າງຂຶ້ນໃນຕົ້ນສັດຕະວັດທີ 20 ໂດຍພະອົງໜຶ່ງຕໍ່ມາໃນປີ 1969 ວັດໄດ້ຖືກທຳລາຍຈາກລະເບີດສົງຄາມ ປະຈຸບັນຍັງຄົງເຫຼືອໄວ້ພຽງແຕ່ ຫຼັງດຽວ ອີກຫຼັງໜຶ່ງໄດ້ຖືກທຳລາຍຍັງເຫຼືອພຽງຮອງຮອຍກ້ອນດິນຈີ່ເກົ່າເທົ່ານັ້ນ..

ວັດເກົ່າຕາແຫຼວ

ພະພຸດທະຮູບ ປາງສະມາທິ

ສີລະປະເທິງຝາ

ບໍລິເວນປະຕູເຂົ້າວັດ

ຕົ້ນໂພໃຫ່ຍ

ເອກະລັກ ສີລະປະກຳ

ຫຼັງຈາກນັ້ນພວກເຮົາກໍ່ໄປແຫ່ງທ່ອງທ່ຽວ ບ່ອນສຸດທ້າຍຂອງ Trip ນີ້ນັ້ນກໍ່ຄືໜອງປາຝາ ຫ່າງຈາກວັດເກົ່າຕາແຫຼວ 6km

ໜອງປາຝາແຫ່ງນີ້ແມ່ນເກີດຂື້ນເອງຕາມທຳມະຊາດໃນໝູ່ບ້ານດອນແດງຊາວບ້ານເຊື່ອກັນວ່າມີສິ່ງສັກສິດອາໃສຢູ່ໃນສາລາທີ່ຕັ້ງສະຫງ່າຢູ່ກາງ ໜອງ ເພື່ອປົກປັກຮັກສາປາຝາ ທີ່ອາໃສຢູ່ໃນໜອງນ້ຳແຫ່ງນີ້. ປາຝາທີ່ອາໃສຢູ່ໃນໜອງນີ້ມີດ້ວຍກັນຢູ່ 3 ຊະນິດນິິດທີ່ 1 ແມ່ນປາຝາດ່ອນ ຫຼື ປາຝາເງິນ. 2 ປາຝາເຫຼືງ ຫຼຶວ່າປາຝາຄຳ ແລະ 3 ແມ່ນປາຝາທີ່ພົບໄດ້ທົ່ວໄປ. ປາຝາທັງໃຫ່ຍ-ນ້ອຍທີ່ອາໃສຢູ່ໜອງນີ້ປະມານ 200 ກວ່າໂຕ ແລະໂຕທີ່ໃຫ່ຍ ກວ່າໝູ່ອາດຈະມີນ້ຳໜັກ ປະມານ 40-50 ກິໂລ. ປາຝາເປັນສັດທີ່ສະຫຼາດ ແລະມີອາຍຸຍືນຍາວ ແລະນັກທ່ອງທ່ຽວບໍ່ຄວນ ໃຊ້ວາຈາທີ່ບໍ່ສຸພາບໃນເວລາໃຫ້ອາຫານແກ່ປາຝາ...

ໜອງປາຝາ

ປ້າຍແນະນຳຕ່າງໆ ທີ່ນັກທ່ອງທ່ຽວຄວນປະຕິບັດຕາມ

ປາຝາກຳລັງກິນອາຫານທີ່ນັກທ່ອງທ່ຽວເອົາໃຫ້

ຮູບເສັ້ນທາງອອກມາຫາຕະຫຼາດແກ້ງກອກ ເສັ້ນທາງຖ້າຫາກວ່າໄດ້ຮັບການພັດທະນາ ປູທາງຍ່າງ ຖ້າຫາກຕັດຕົ້ນຕານອອກຄົງຈະຂາດ ຄວາມງາມ ແລະເອກະລັກຂອງເມືອງ

ສີ້ນສຸດພາລະກິດການສຳຫຼວດແຫ່ຼງທ່ອງຂອງຂ້າພະເຈົ້າພຽງເທົ່ານີ້ ໂອກາດໜ້າພໍ້ກັນໃໝ່ເດີ້ພີ່ ພັນລາວ

ຂໍຂອບໃຈເປັນຢ່າງສູງມາຍັງ ພະແນກທ່ອງທ່ຽວແຂວງ ແຂວງ ສະຫວັນນະເຂດ ທີ່ໄດ້ໃຫ້ກຽດເຊີນຂ້າພະເຈົ້າໄປຮ່ວມສຳຫຼວດແຫຼ່ງທ່ອງທ່ຽວ ໃນຄັ້ງນີ້

ສຳຫຼັບຂໍ້ມູນການທ່ອງທ່ຽວ
ກະລຸນາຕິດຕໍ່ ພະແນກທ່ອງທ່ຽວແຂວງ ແຂວງ ສະຫວັນນະເຂດ
ບ້ານ ໄຊຍະພູມ, ຖະໜົນ ຈະເລີນເມືອງ ແຂວງ ສະຫວັນນະເຂດ
Tel & Fax: 856-041 212 755, 214 206
www.tourismlaos.org

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.