- ລາວ ເປີດຕົວ ລະບົບ 4G ຂອງ Planet (ອື່ນ ໆ - ລົມໄປເລື້ອຍ ~) ພັນລາວ.ຄອມ

ເວັບບອດພັນລາວ

ເວັບບອດພັນລາວ ເປັນກະດານສົນທະນາສຳລັບສະມາຊິກພັນລາວທຸກທ່ານ ທ່ານສາມາດຕັ້ງກະທູ້ເພື່ອສອບຖາມ ສະແດງ ແລະຂໍຄຳເຫັນຈະສະມາຊິກຄົນອື່ນ ໆ ຕະຫຼອດຈົນເຖິງການສົນທະນາທົ່ວ ໆ ໄປໄດ້ໃນເວັບບອດແຫ່ງນີ້. ຫາກຕ້ອງການແຈ້ງກະທູ້ຜິດກົດລະບຽບ ໃຫ້ໂພສໄດ້ທີ່ http://punlao.com/webboard/topic/3/index/288147/

ອື່ນ ໆ » ລົມໄປເລື້ອຍ ~ » ລາວ ເປີດຕົວ ລະບົບ 4G ຂອງ Planet

khavy ໓໑ ກະທູ້ ໑໘໘ ໂພສ ນັກການກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ບໍລິສັດ ພລາເນັດຄອມພິວເຕີ ໄດ້ເປີດບໍລິການນຳໃຊ້ອິນເຕີເນັດ 4G ມີຄວາມໄວສູງເຖິງ 10 ເມກາໄບ, ໃນຂະນະທີ່ຜູ້ປະກອບການເປີດເຜີຍເບື້ອງຕົ້ນບໍ່ໄດ້ຫວັງຕະຫລາດສູງປານ ໃດ ພຽງຢາກໂຄສະນາໃຫ້ຄົນຮັບຮູ້ວ່າ ສປປ ລາວ ກໍ່ມີການພັດທະນາລະບົບສື່ສານທີ່ທັນສະໄຫມໃນລະດັບສາກົນ. ຂະນະທີ່ງານເປີດຕົວ 4G ຄັ້ງນີ້ ສ້າງຄວາມສົນໃຈຕໍ່ລູກຄ້າ ເຊິ່ງຄາດວ່າອະນາຄົດຈະສາມາດດຶງເຂົ້າຫາລະບົບສື່ສານທີ່ໄວຂຶ້ນໄດ້. ງານເປີດຕົວ 4G ກໍ່ຄືງານວາງສະແດງສິນຄ້າພລາເນັດເອັກສະໂປ ຈັດຂຶ້ນໃນລະຫວ່າງ ທີ 19-21 ສິງຫານີ້ທີ່ໂຮງແຮມດອນຈັນພາເລດ ນະຄອນຫລວງວຽງຈັນ. ທ່ານ ຮາລີ້ ເພັດຣາສີ ຜູ້ຈັດການຝ່າຍຂາຍ ແລະ ການຕະຫລາດ ບໍລິສັດພລາເນັດຄອມພິວເຕີ ເປີດເຜີຍຕໍ່ທີມຂ່າວເສດຖະກິດວ່າ: ງານພລາເນັດເອັກສະໂປທີ່ຈັດຂຶ້ນແມ່ນເພື່ອເປີດຕົວ 4G ອິນເຕີເນັດ ແລະ ນຳສະເຫນີຜະລິດຕະພັນເຄື່ອງຮັບສັນຍານອິນເຕີເນັດ, ຖືເປັນການໂຄສະນາປະຊາສຳພັນໃຫ້ຄົນທັງພາຍໃນ ແລະ ຕ່າງປະເທດຮັບຮູ້ວ່າ ຄົນລາວສາມາດພັດທະນາລະບົບອິນເຕີເນັດທີ່ມີຄວາມໄວສູງທຽບເທົ່າກັບສາກົນ ກໍ່ຄືການນຳສະເຫນີຜະລິດຕະພັນໃຫມ່ທັນສະໄຫມຄວາມໄວສູງໃຫ້ແກ່ລູກຄ້າເປົ້າຫມາຍທີ່ຕ້ອງການສື່ສານທາງດ້ານອິນເຕີເນັດໄດ້ໄວຂຶ້ນ. ການເປີດລະບົບ 4G ອິນເຕີເນັດຂອງບໍລິສັດພລາເນັດຄອມພິວເຕີ ພວກເຮົານີ້ ເບື້ອງຕົ້ນຍັງບໍ່ໄດ້ຄາດຫວັງຫຍັງຫລາຍຈາກລູກຄ້າໃນຕະຫລາດອິນເຕີເນັດຂອງລາວ ໂດຍຈະເບິ່ງຕະຫລາດໄປກ່ອນທັງສູ້ຊົນຂະຫຍາຍຕະຫລາດໃຫ້ປົກຄຸມທົ່ວນະຄອນຫລວງ ຫລັງຈາກນັ້ນກໍ່ຈະຂະຫຍາຍໄປຍັງຕ່າງແຂວງໃນທົ່ວປະເທດ. ຈາກການເປີດງານສອງສາມວັນຜ່ານມາ ກໍ່ເຫັນວ່າລູກຄ້າມີຄວາມສົນໃຈບໍ່ຫນ້ອຍຕໍ່ລະບົບ 4G ອິນເຕີເນັດ ສຳລັບຄ່າບໍລິການເບື້ອງຕົ້ນປະມານ 2 ແສນກີບ ແລະ ຂຶ້ນກັບການໃຊ້ງານນ້ອຍ ຫລື ຫລາຍ. ງານດັ່ງກ່າວ ບໍລິສັດພລາເນັດ ຍັງໄດ້ເຊີນບໍລິສັດດາຕາຄອມ, ເຄພຣາຊາ, ຈີໂຣ ຄອມພິວ ເຕີ ແລະ micc ນຳເອົາຜະລິດຕະພັນຂອງຕົນເຂົ້າຮ່ວມ ແລະ ປາກົດວ່າສິນຄ້າຫລາຍຢ່າງກໍ່ໄດ້ຮັບການຕອບຮັບດີຈາກລູກຄ້າ, ເປັນຕົ້ນ: ໂນດບຸກ, ແອວຊີ ດີ, ໂທລະສັບ ແລະ ອຸປະກອນຕ່າງໆທາງອິນເຕີເນັດ. ທ່ານ ທັນສະໃຫມ ກົມມະສິດ ລັດຖະມົນຕີຊ່ວຍວ່າການກະຊວງໄປສະນີ, ໂທລະຄົມມະນາຄົມ ແລະ ການສື່ສານກ່າວວ່າ: ບໍລິສັດພລາເນັດໄດ້ມີການພັດທະນາ ແລະ ນຳຜະລິດຕະພັນໃຫມ່ໆເຂົ້າມາຊ່ວຍເຮັດໃຫ້ລະບົບຂໍ້ມູນ-ຂ່າວສານມີການປ່ຽນແປງຫັນໄປສູ່ຄວາມທັນສະໄຫມໄວພໍສົມຄວນ ແລະ ກ່ອນຫນ້ານີ້ລາວເຮົາ ກໍ່ມີການເປີດບໍລິການລະບົບ 3G ເທື່ອນີ້ເປັນການເປີດລະບົບ 4G ອິນເຕີເນັດຖືວ່າລະບົບການສື່ສານຂອງລາວໄດ້ມີການພັດທະນາໄວ. ລາຍລະອຽດລາຄາ: http://www.laopdr.com/home/home.html
khavy ໓໑ ກະທູ້ ໑໘໘ ໂພສ ນັກການກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ບໍລິສັດ Planet computers ເປັນຜູ້ສະໜອງບໍລິການອິນເຕີເນັດ (ISP) ຢູ່ລາວ ແຕ່ປີ 2000 ເປັນຕົ້ນມາ ແລະ ເປັນບໍລິສັດທຳອິດທີ່ສະໜອງບໍລິການອິນເຕີເນັດແບບບໍ່ໃຊ້ສາຍຄວາມໄວສູງໃນປີ 2005 ປັດຈຸບັນໄດ້ຕິດຕັ້ງເຕັກໂນໂລຊີໃໝ່ຫຼ້າສຸດ ເອີ້ນວ່າ WiMAX ເຊິ່ງຫຼາຍປະເທດເອີ້ນວ່າ 4G ອິນເຕີເນັດ. Planet ມີເງິນລົງທຶນເພີ່ມເບື້ອງຕົ້ນປະມານ 12ຕື້ກີບ ຈາກກອງທຶນພັດທະນາ ກຳປູເຈຍ-ລາວ ເຊິ່ງເປັນບໍລິສັດລົງທຶນຕັ້ງຢູ່ໃນສະຫະພາບເອີຣົບ ໂດຍມີແຫຼ່ງທຶນຫຼັກຈາກປະເທດແຟັງລັງ ສະວິດ ໂຮນລັງ ແລະ ສະຖາບັນການເງິນສາກົນ Planet ໄດ້ຕິດຕັ້ງສະຖານີ WiMAX ຢູ່ນະຄອນຫຼວງວຽງຈັນ ໃນມໍ່ໆມານີ້ ແລະ ຈະຕິດຕັ້ງຢູ່ຫຼວງພະບາງ ສະຫວັນນະເຂດ ຈຳປາສັກ ແລະ ຄຳມ່ວນ ເພື່ອສະໜອງບໍລິການອິນເຕີເນັດແບບບໍ່ມີສາຍຄວາມໄວສູງ ແລະ ສະໜອງບໍລິການອິນເຕີເນັດຄວາມໄວສູງຢູ່ຊົນນະບົດ. ທ່ານ ດຣ.ໂລເບີດ ວິນຊ ປະທານບໍລິສັດ Planet computers Co Ltd ກ່າວວ່າ: WiMAX ເປັນເຕັກໂນໂລຊີໃຫ້ບໍລິການອິນເຕີເນັດແບບບໍ່ມີສາຍ ທີ່ເຊື່ອມລະບົບທີ່ນຳໃຊ້ໃນປັດຈຸບັນ ເພື່ອສະໜອງບໍລິການຂໍ້ມູນທາງອິນເຕີເນັດ ແລະ ຄ້າຍຄືກັບເທັກໂນໂລຢີ 4G ເຊິ່ງນຳໃຊ້ຢູ່ຫຼາຍປະເທດທົ່ວໂລກ ໂດຍບໍລິສັດສະໜອງບໍລິການໂທລະຄົມ ເອີ້ນວ່າ Long Term Evolution ສະພາໂທລະຄົມມະນາຄົມລະຫວ່າງປະເທດຂອງອົງການສະຫະປະຊາຊາດ ໄດ້ກຳນົດເຕັກໂນໂລຢີແບບບໍ່ມີສາຍ ໂດຍເນັ້ນໃຫ້ສາມາດສະໜອງການບໍລິການ End to End Internet Mobile DATA ທີ່ສາມາດລວມເອົາບໍລິການຂໍ້ມູນ ຂໍ້ມູນສຽງ ແລະ ຂໍ້ມູນໂທລະພາບ ກ່ອນໜ້ານີ້ Planet ໄດ້ສະໜອງການບໍລິການອິນເຕີເນັດ ເອີ້ນວ່າ fixed ຫຼື nomadic ເປັນຄຳສັບທີ່ນຳໃຊ້ເພື່ອອະທິບາຍຄື້ນເຄື່ອນຍ້າຍ ໂດຍນຳໃຊ້ກ່ອງໂມເດັມສຽບໄຟເພື່ອສະໜອງສັນຍານເຊື່ອມຕໍ່ເຄືອຂ່າຍ WiMAX ແລະ ອິນເຕີເນັດທົ່ວໂລກ ມີສາຍໄຟຈາກໂມເດັມເຊື່ອມຕໍ່ຈາກຄອມພິວເຕີ ເຮັດໃຫ້ສາມາດຕໍ່ອິນເຕີເນັດໄດ້ໃນບໍລິເວນຂອງສະຖານີ WiMAX ຄືກັນກັບເຕັກໂນໂລຊີບໍ່ມີສາຍອື່ນໆ ທ່ານ ທະນຸສອນ ພົນນະມາດ ຜູ້ອຳນວຍການຝ່າຍບໍລິຫານບໍລິສັດ Planet ກ່າວວ່າ: ພວກເຮົາຕ້ອງການເຊື່ອມແລັບທອບ ຫຼື ໂທລະສັບມືຖືຕໍ່ອິນເຕີເນັດ ເມື່ອເຄື່ອນຍ້າຍໂດຍບໍ່ໃຊ້ອິນເຕີເນັດຢູ່ບ້ານຢ່າງດຽວ ແຕ່ຕ້ອງການໃຊ້ຢູ່ຫ້ອງການ ແລະ ຈຸດອື່ນໆ ໂດຍການພົກອຸປະກອນໜ້ອຍທີ່ສຸດ ງານເທດສະການຖະແຫຼງເປີດຕົວຂອງເຄືອຂ່າຍຜະລິດຕະພັນ ແລະ ການບໍລິການໃໝ່ຂອງ WiMAX ໄດ້ມີຂຶ້ນວັນທີ 19-22 ສິງຫາ 2011 ຢູ່ໂຮງແຮມດອນຈັນພາເລດ ໂດຍມີບັນດາຜູ້ຊ່ຽວຊານດ້ານໄອທີ ຜູ້ຈຳໜ່າຍຄອມພິວເຕີທີ່ມີຊື່ສຽງໃນລາວ ເຊິ່ງຈຸດປະສົງຂອງງານນີ້ ໄດ້ເນັ້ນໃສ່ວິທີການລວມຂອງຄອມພິວເຕີ ກັບການເຊື່ອມຕໍ່ອິນເຕີເນັດທີ່ດີທີ່ສຸດ ເພື່ອບັນລຸເປົ້າໝາຍການເຕີບໂຕຂອງທຸລະກິດ ແລະ ການພັດທະນາເສດຖະກິດ-ສັງຄົມຢູ່ລາວ.
Thy ໑໒໙ ກະທູ້ ໓໓໙໒ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ 3G ຍັງໃຊ້ໄດ້ບໍ່ເຕັມທີ່ 4G ມາລະວະນິ?
OnoyO ໒ ກະທູ້ ໒໔໐ ໂພສ ນັກການກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 13 ປີ ກ່ອນໜ້ານີ້ ຄືຊິໄວເນາະ (ຫລືຊິຊ້າລົງຫວະ)
Alars ໕ ກະທູ້ ໕໒໐ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ດີໆ liverpool you"ll never walk alone
kompm ໑໙ ກະທູ້ ໗໔ ໂພສ ຂາປະຈຳເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ຊິເປີດໃຊ້ມື້ໃດ
0v3r3d ໐ ກະທູ້ ໔໐໑ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ເປັນການເປີດໂຕຕໍ່ສື່ມວນຊົນໄດ້ດີ... ແຕ່ວ່າ ລາຄາແພງໂຄດໆ ບໍ່ມີປັນຍາເອົາມາໃຊ້ ເຮັດໃຫ້ດີທີ່ສຸດ... ກ່ອນຈະບໍ່ມີໂອກາດທີ່ຈະເຮັດຫຍັງ
thailove ໒ ກະທູ້ ໑໖໗໗ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ 3G ຍັງໃຊ້ໄດ້ບໍ່ເຕັມທີ່ 4G ມາລະວະນິ?

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.