- ~ລອງມາເປີດໃຈໃສ່ກັນເບີ່ງດຸໂລກນີ້ຄືສິເປັນຕາຢູ່ຫຼາຍຂື້ນ~ (ອື່ນ ໆ

ເວັບບອດພັນລາວ

ເວັບບອດພັນລາວ ເປັນກະດານສົນທະນາສຳລັບສະມາຊິກພັນລາວທຸກທ່ານ ທ່ານສາມາດຕັ້ງກະທູ້ເພື່ອສອບຖາມ ສະແດງ ແລະຂໍຄຳເຫັນຈະສະມາຊິກຄົນອື່ນ ໆ ຕະຫຼອດຈົນເຖິງການສົນທະນາທົ່ວ ໆ ໄປໄດ້ໃນເວັບບອດແຫ່ງນີ້. ຫາກຕ້ອງການແຈ້ງກະທູ້ຜິດກົດລະບຽບ ໃຫ້ໂພສໄດ້ທີ່ http://punlao.com/webboard/topic/3/index/288147/

ອື່ນ ໆ » ລົມໄປເລື້ອຍ ~ » ~ລອງມາເປີດໃຈໃສ່ກັນເບີ່ງດຸໂລກນີ້ຄືສິເປັນຕາຢູ່ຫຼາຍຂື້ນ~

VirusInformation ໖໘ ກະທູ້ ໓໓໒໐ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 11 ປີ ກ່ອນໜ້ານີ້ ... ມັນຄົງເປັນເລື່ອງທີ່ໜ້າເສົ້າຫາກຄົນເຮົາຕ້ອງບິດບຽນຄວາມຈິງໃນໃຈ ແລ້ວຫັນໄປໃສ່ໜ້າກາກເຂົ້າຫາກັນ ຊີວິດກໍ່ມີແຕ່ຄວາມວາດລະແວງ ພາໃຫ້ຢູ່ບໍ່ເປັນສຸກ ເຖິງຈະສຸກກໍ່ເປັນຄວາມສຸກທີ່ຈອມປອມ ຫາຊື່ນຊົມໃຈໄດ້ຍາກ. ... ມາໆ ເຮົາລອງມາຖອດໜ້າກາກອອກດີບໍ່ ? ຈິ່ງຈະບໍ່ໄດ້ວາດລະແວງຕໍ່ກັນອີກ ຈະເປັນຫຍັງໄປຫາກວ່າຄົນອື່ນ ຈະອ່ານສາຍຕາຂອງເຮົາໄດ້ ຫຼື ແມ້ກະທັ້ງມອງທະລຸເຂົ້າໄປຮອດຫົວໃຈຂອງເຮົາ ເພາະເມື່ອໃດກໍ່ຕາມທີ່ເຮົາບໍ່ໄດ້ປິດບັງ, ອຳພາງ, ບໍ່ຕ້ອງວາງທ່າທີ ຫຼື ເລ່ຫ່ຽມໃດໆອອກມາ. .... ເມື່ອນັ້ນໃຈຂອງເຮົາຈະໄດ້ມີພະລັງຢ່າງເຕັມທີ່ ທີ່ຈະສ້າງສັນສິ່ງດີໆໃຫ້ມັນເກີດຂື້ນ ແລ້ວເຮົາກໍ່ຈະໄດ້ຄົ້ນພົບພະລັງແຫ່ງຄວາມຈິງໃຈ ມັນເປັນພະລັງທີ່ເກີດຂື້ນຢ່າງລຽບງ່າຍ ເປັນທຳມະຊາດ ແຕ່ມີອານຸພາບເຫຼືອປະມານ. .... ສະນັ້ນບໍ່ຕ້ອງໄປຢ້ານເລີຍທີ່ຈະເປັນຄົນຈິງໃຈ ເປັນຄົນຊື່ໆ ໃສໆ ປາກກັບໃຈຕົງກັນ ເຖິງເຮົາຈະບໍ່ເກັ່ງ ບໍ່ດີ ບໍ່ເດັ່ນ ບໍ່ໄດ້ເປັນຄົນສຳຄັນ ຂໍພຽງເຮົາມີຄວາມຈິງໃຈຕໍ່ກັນ ໂລກນີ້ກໍ່ຈະມີແຕ່ຄວາມສຸກແລະໜ້າຢູ່ແລ້ວວວວວວ ພຣະພຸດທະອົງກ່າວໄວ້ : ຫາກກິເລດເຮັດໃຫ້ເຮົາລົ້ມຫຼຽວໄດ້ສັນໃດ ທັມມະກໍ່ເຮັດໃຫ້ເຮົາເລີ່ມຕົ້ນໃໝ່ໄດ້ສັນນັ້ນ !
badboys ໑໓ ກະທູ້ ໒໖໖ ໂພສ ນັກການກະທູ້	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້ ຄົນດີບໍ່ມີທີ່ຢູ່ໃນໂລກຂອງຄວາມເປັນຈິງ ແຕ່ຂ້ອຍກະຄິດວ່າຂ້ອຍຜູ້ໜຶ່ງລະທີ່ບໍ່ໄດ້ໃສ່ໜ້າກາກນະ ເຂົ້າຂ້າງໂຕເອງໄວ້ກ່ອນ................. ຊີວິດຄືສິ່ງທີ່ບໍ່ແນ່ນອນ ເພາະທຸກຢ່າງປ່ຽນຕາມການເວລາ
Thy ໑໒໙ ກະທູ້ ໓໓໙໒ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້ ຂ້ອຍຮູ້ແຕ່ວ່າດີມາ ກະດີໄປ ອີກຢ່າງຂ້ອຍຈະເປັນຄົນທີ່ມັກໃຫ້ຄົນອື່ນ ໂດຍສະເພາະແມ່ນຄົນຂໍທານ. ຄົນພິການ ໃນຄວາມຮູ້ສຶກເດີ ຖ້າກິນທານຫລາຍເທົ່າໃດຍິ່ງຮູ້ສຶກວ່າຍິ່ງມີຄວາມສຸກ ແລະຈະໄດ້ກັບຄືນມາຫລາຍໆເທົ່າຕົວທີ່ທານໄປ (ອາດເປັນເພາະເຮົາເຄີຍລົ້ມ) ສິ່ງທີ່ບໍ່ຄິດວ່າຈະໄດ້ກະໄດ້ມີສອງຄັ້ງທີ່ຄົນຮູ້ຈັກຢູ່ຕ່າງແຂວງເປັນໜີ້ໄດ້ 5 ກ່ວາປີແຕ່ມັນນານມາແລ້ວຈົນລືມ ແລະກະບໍ່ເຄີຍຄິດວ່າຈະໄປຖາມເມື່ອບໍ່ໄດ້ແລ້ວກະແລ້ວໄປ ຈຳນວນເງິນກະບໍ່ໄດ້ຫລາຍດອກ ແຕ່ກະພໍຕັ້ງເນື້ອຕັ້ງຕົວໄດ້ ຢູ່ໆມາເດືອນແລ້ວຫັ້ນລະໂທຫາຈັກໄດ້ເບີມາແຕ່ທາງໃດເພາະຂ້ອຍກະເປັນຄົນມັກປ່ຽນເບີຢູ່ແລ້ວ ໃນທີ່ສຸດເຂົາກະຢືນຢູ່ໄດ້ດ້ວຍເງິນກ້ອນນັ້ນທີ່ເຮົາໃຫ້ໄປ ແລະພ້ອມທີ່ຈະໄຊ້ແທນເຮົາ ນີ້ແລະຄືຄວາມສຸກທີ່ເຮົາຫາໄດ້ ເກີດເປັນຄົນຢ່າໄດ້ໄປຫວັງແຕ່ເອົາລັກເອົາປຽບຄົນອື່ນ ຄວນຮູ້ຈັກຜ່ອນສັ້ນຜ່ອນຍາວໃຫ້ກັນ ທີ່ສຳຄັນຢ່າເວົ້າດູຖູກ ແລະເວົ້າປະໝາດຄົນອື່ນ ເພາະຄົນເຮົາມັນບໍ່ມີຫຍັງທີ່ເປັນຂອງເຮົາດອກ ເຮົາມາຕົວເປົ່າ ເຮົາກະຕ້ອງກັບໄປຕົວເປົ່າ
໓໒ ກະທູ້ ໒໘໒ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 11 ປີ ກ່ອນໜ້ານີ້ ມັນຂື້ນກັບການສຶກສາ ແລະປູກຈິດສຳນຶກ ຄົນລາວໄວທຳງານໃນຍຸກນີ້ໄດ້ປູກຈິດສຳນຶກໄວ້ແບບນີ້ !
Labom ໓ ກະທູ້ ໓໒໐ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້ ໜ້າຄິດ ສອຍໆ ຄຸສອງໜ່ວຍ ເປັນຫາບ

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.