- ມາດຕາ 153 ການສວຍໃຊ້ອຳນາດ. (ອື່ນ ໆ - ລົມໄປເລື້ອຍ ~) ພັນລາວ.ຄອມ

ເວັບບອດພັນລາວ

ເວັບບອດພັນລາວ ເປັນກະດານສົນທະນາສຳລັບສະມາຊິກພັນລາວທຸກທ່ານ ທ່ານສາມາດຕັ້ງກະທູ້ເພື່ອສອບຖາມ ສະແດງ ແລະຂໍຄຳເຫັນຈະສະມາຊິກຄົນອື່ນ ໆ ຕະຫຼອດຈົນເຖິງການສົນທະນາທົ່ວ ໆ ໄປໄດ້ໃນເວັບບອດແຫ່ງນີ້. ຫາກຕ້ອງການແຈ້ງກະທູ້ຜິດກົດລະບຽບ ໃຫ້ໂພສໄດ້ທີ່ http://punlao.com/webboard/topic/3/index/288147/

ອື່ນ ໆ » ລົມໄປເລື້ອຍ ~ » ມາດຕາ 153 ການສວຍໃຊ້ອຳນາດ.

Thim ໔໔ ກະທູ້ ໓໗໗ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 8 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 8 ປີ ກ່ອນໜ້ານີ້ ມາດຕາ 153 ການສວຍໃຊ້ອຳນາດ. ພະນັກງານຜູ້ໃດ ຫາກອີງໃສ່ອຳນາດ, ຕຳແໜ່ງ, ໜ້າທີ່ຂອງຕົນໄດ້ຫາຜົນປະໂຫຍດສ່ວນຕົວ ເຊິ່ງເປັນການກໍ່ຄວາມເສຍຫາຍແກ່ຜົນປະໂຫຍດຂອງລັດ, ສັງຄົມ ຫລື ສິດ ແລະ ຜົນປະໂຫຍດຂອງພົນລະເມືອງ ຈະຖືກລົງໂທດ ຕັດອິດສະລະພາບແຕ່ 3 ເດືອນຫາ 2 ປີ ແລະ ຈະຖືກປັບໃຫມແຕ່ 300.000 ກີບ ຫາ 3.000.000 ກີບ. ໃນກໍລະນີທີ່ ການສວຍໃຊ້ອຳນາດໄດ້ເຮັດໃຫ້ມີຄວາມເສຍຫາຍຢ່າງຫລວງຫລາຍ ຈະຖືກລົງໂທດ ຕັດອິດສະລະພາບແຕ່ 2 ປີິ ຫາ 5 ປີິ ແລະ ຈະຖືກປັບໃໝແຕ່ 1.000.000 ກີບ ຫາ 50.000.000 ກີບ. ພະນັກງານຜູ້ໃດຫາກໄດ້ທວງເອົາ, ຂໍເອົາ, ຮັບເອົາ ຫລື ຕົກລົງຮັບເອົາສິນບົນຈາກຜູ້ອື່ນ ດ້ວຍການໃຊ້ໜ້າທີ່ຕຳແໜ່ງຂອງຕົນເພື່ອຜົນປະໂຫຍດຂອງຜູ້ໃຫ້ສິນບົນ ຈະຖືກລົງໂທດຕັດອິດສະລະພາບແຕ່ 1 ປີິ ຫາ 3 ປີິ ແລະ ຈະຖືກປັບໃໝເທົ່າກັບຈຳນວນເງິນ ຫລື ມູນຄ່າຂອງສິນບົນ. ຜູ້ໃຫ້ສິນບົນ ຫລື ຜູ້ຕົກລົງໃຫ້ສິນບົນແກ່ພະນັກງານຈະຖືກລົງໂທດ ຕັດອິດສະລະພາບແຕ່ 6 ເດືອນ ຫາ 2 ປີ ແລະ ຈະຖືກປັບໃໝເທົ່າກັບຈຳນວນເງິນ ຫລື ມູນຄ່າຂອງສິນບົນ. ໃນກໍລະນີິທີ່ ສິນບົນນັ້ນຫາກເປັນຈຳນວນຫລວງຫລາຍ ຜູ້ຮັບ ແລະ ຜູ້ໃຫ້ສິນບົນຈະຖືກລົງໂທດ ຕັດອິດສະລະພາບແຕ່ 3 ປິີຫາ 5 ປີິ ແລະ ຈະຖືກປັບໃໝສອງເທົ່າຂອງຈຳນວນເງິນຫລືມູນຄ່າຂອງສິນບົນ. ຜູ້ເປັນສື່ກາງໃນການຮັບສິນບົນ ແລະ ໃນການໃຫ້ສິນບົນ ຈະຖືກລົງໂທດ ຕັດອິດສະລະພາບແຕ່ 6 ເດືອນ ຫາ 2 ປີິ ແລະ ຈະຖືກປັບໃໝເທົ່າກັບຈຳນວນເງິນ ຫລື ມູນຄ່າຂອງສິນບົນ. ຜູ້ທີ່ໃຫ້ສິນບົນຍ້ອນຖືກບັງຄັບ, ຂົ່ມຂູ່ ແລະ ພາຍຫລັງທີ່ໄດ້ໃຫ້ສິນບົນແລ້ວຈິງໃຈໄປລາຍງານຕໍ່ເຈົ້າໜ້າທີ່ ຈະບໍ່ຖືວ່າເປັນຜູ້ກະທຳຜິດໃນສະຖານໃຫ້ສິນບົນ.
gt701 ໑໔ ກະທູ້ ໑໐໗໘ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 8 ປີ ກ່ອນໜ້ານີ້ ຂໍໃຫ້ປະຕິບັດຕາມວ່າໃຫ້ໄດ້ ເດີ້
Thim ໔໔ ກະທູ້ ໓໗໗ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 8 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ gt701 ຂຽນວ່າ... ຂໍໃຫ້ປະຕິບັດຕາມວ່າໃຫ້ໄດ້ ເດີ້ ຂ້ອຍເຫັນຮູບເຈົ້າແລ້ວພາໃຫ້ນຶກເຖິງພະນັກງານລັດ ຮູ້ສຶກຫວນຄືນເຖິງສະໄຫມທີ່ແມ່ຂ້ອຍຍັງເປັນສາວ.
laolovelao ໘໕ ກະທູ້ ໙໙໓ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 8 ປີ ກ່ອນໜ້ານີ້
Hgsp ໒໓ ກະທູ້ ໖໙ ໂພສ ຂາປະຈຳເວັບບອດ	ຂຽນເມື່ອ ຫລາຍກວ່າ 8 ປີ ກ່ອນໜ້ານີ້ ດຽວນີ້ ເພິ່ນໄດ້ເທືອນຶ່ງເປັນລ້ານໆ ໂດລາ ບໍ່ໄດ້ຢ້ານສຳ່ປັບໃຫມທໍ່ນັ້ນ 5555

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.