ກະທູ້ມາໃໝ່ | ຫມວດ | ອື່ນ ໆ » ລົມໄປເລື້ອຍ ~ |
ເວັບບອດພັນລາວ
ເວັບບອດພັນລາວ ເປັນກະດານສົນທະນາສຳລັບສະມາຊິກພັນລາວທຸກທ່ານ ທ່ານສາມາດຕັ້ງກະທູ້ເພື່ອສອບຖາມ ສະແດງ ແລະຂໍຄຳເຫັນຈະສະມາຊິກຄົນອື່ນ ໆ ຕະຫຼອດຈົນເຖິງການສົນທະນາທົ່ວ ໆ ໄປໄດ້ໃນເວັບບອດແຫ່ງນີ້. ຫາກຕ້ອງການແຈ້ງກະທູ້ຜິດກົດລະບຽບ ໃຫ້ໂພສໄດ້ທີ່ http://punlao.com/webboard/topic/3/index/288147/
|
ຂຽນເມື່ອ ຫລາຍກວ່າ 9 ປີ ກ່ອນໜ້ານີ້
ບໍ່ແມ່ນນັກຂຽນ ບໍ່ໄດ້ຮຽນສູງ ຕາມພາສາຊາວບ້ານຢາກຈົ່ມສູ່ຟັງ ຄຸນງາມຄວາມດີ ຟັງແລະຮຽນຮູ້ໃນທາງທິດສະດີນັ້ນງ່າຍ, ພາກຕົວຈິງຕ່າງກັນຄົນລະໂລກ. ສັງຄົມເມື່ອຂາດສິນຂາດທັມກະເນົ່າເອບເຟບ ດັ່ງທີ່ມີປະກົດການຫຍໍ້ທໍ້ຕ່າງໆ... - ຫຼາຍຄົນມອງສິນທັມເປັນເລື່ອງຢູ່ວັດ! ມັນບໍ່ແມ່ນດອກສິນລະທັມຢູ່ໃນຈິຕໃຈຂອງທຸກຄົນນັ້ນລະ.. ທຸກຄົນມີສິດທີ່ຈະປະຕິບັດເອົາ ສ້າງເອົາ ເຮັດເອົາດ້ວຍຕົນເອງ(ຄືຈັ່ງເຮົາກິນເຂົ້າ ເຮົາກິນເຮົາກະອີ່ມ ມັນບໍ່ໄປອີ່ມທ້ອງເຂົາພຸ້ນຜູ້ບໍ່ກິນ) - ຊືວ່າຄຸນງາມຄວາມດີນີ້ມັນບໍ່ໄດ້ໝາຍຄວາມວ່າເຮົາຕ້ອງຮຽນຈົບ ປຍ ດຣ ມາແຕ່ໃສດອກ. ແຕ່ມັນຕ້ອງຢູ່ໃນສາມັນສຳນຶກຂອງເຮົາເອງຕ່າງຫາກ. ບາງຄົນຮຽນສູງດັອກຕອກດັອກເຕີ້ ແຕ່ກະສໍ້ໂກງທຸຈຈະລິດ.. ຫາກິນແນວບໍ່ຊອບທັມ ພຽງເພາະຄວາມໂລບແລະຢາກໄດ້ ສິ່ງທີ່ບໍ່ແມ່ນຂອງຕົນ. ລອງມອງເບິ່ງຄົນທຸກ ຄົນລວຍ ເຈົ້ານາຍ ຕາຍໄປແລ້ວມີຍາດພີ່ນ້ອງຄົນໃດຈູດລົດຈູດເຮືອນໃຫ້ ເຫັນແຕ່ກະໂລງນ້ອຍໆ ບ່ອນຢູ່ກະພໍແຕ່ຫຼົມຂວດໂຫຼກະດູກ(ເຮັດເອາະເຈາະຢູ່)... ນັ້ນຊີວິດບໍ່ມີແກ່ນສານ ເອົາສາຣະປະໂຫຍດບໍ່ໄດ້ , ຮຽນສູງໆບາງຄົນກະລືມສອງເຖົ້າທີ່ສົ່ງເຂົາຮຽນ ສອງເຖົ້າເປັນພຽງຊາວນາ ຊາວສວນ ແຕ່ເຊື່ອບໍ່ວ່າເພິ່ນສາມາດສົ່ງເຈົ້າຮຽນຈົບປະຣິນຍາໄດ້ ແຕ່ໜ້າລະອາຍບາງຄົນຫຼົງວິຊາຄວາມຮູ້ ຮຽນຈົບປະຣິນຍາມາຍັງບໍ່ສາມາດລ້ຽງຜູ້ເຖົ້າສອງຄົນໄດ້... - ແລ້ວທ່ານຜູ້ທີ່ກຳລັງອ່ານຢູ່ນີ້ ເປົ້າໝາຍໃນຊີວິດທ່ານແມ່ນຫຍັງ?(ຊິແມ່ນຫຍັງກະແລ້ວແຕ່ເຈົ້າເທາະ!) !! ຢາກອກວ່າ ຢ່າລືມຄົນທີ່ໃຫ້ເລືອດເນື້ອຮ່າງກາຍເຈົ້າມາ... ຢ່າປະໝາດຄຸນສອງເຖົ້າ ເພາະເຈົ້າຈະບໍ່ມີວັນຈະເຣີນ.. 1ໃ ປາຖະໜາຢາກມີຄອບຄົວອົບອຸ່ນ (ຕອນນີ້ເຮົາໃຫ້ຄວາມອົບອຸ່ນກັບຄອບຄົວຫຼືຍັງ?) 2 ຢາກໄດ້ແຟນຜູ້ຮູ້ໄດ້ຊູ້ຜູ້ງາມ (ຢ່າທຳຮ້າຍຈິຕໃຈຂອງຜູ້ເປັນພໍ່ແມ່) 3 ຢາກໄດ້ລູກ ສະຫຼາດ ຄຳຮູ້ ວ່າງ່າຍສອນງ່າຍຟັງຄວາມເປັນເດັກດີ (ຕອນນີ້ເຈົ້າເປັນລູກທີ່ດີຫຼືຍັງ?) 4 ຢາກໄດ້ມິຕດີທີ່ຈິງໃຈ ຊູ້ແຟນບໍ່ນອກໃຈ (ຄິດເບິ່ງແຕ່ລະວັນເວົ້າດີເວົ້າມ່ວນກັບພໍ່ແມ່ລະເບາະ? ເວົ້າກັນແຟນໂດຍໆ ...ທີ່ຮັກ (ໂອ໊ຍກູຢາກຮາກ) ກັບມາບ້ານແມ່ຖາມຄືກັບເດິກແທ້ລູກ? = ຊິມາຫຍຸ້ງຫຍັງກັບເຮົາເກາະເຮົາໃຫຍ່ລະນ່າ ກັບຈັກໂມງກະຊິເປັນຫຍັງຊີວິດເຮົານ່າຢ່າລຳໄລຫຼາຍ(ມັນວ່າ)) 5 ຄວາມກະຕັນຍູ ເປັນເຄື່ອງບອກຄຸນງາມຄວາມດີເດີ້ທ່ານທັງຫຼາຍ... ເຮັດດີກັບພໍ່ແມ່ເຂົ້າໄວ້ ຊີວິດຈະໄດ້ຈະເຣີນ - ຫົວອົກຂອງພໍ່ແມ່ ລູກຊິເປັນໃຜ ລູກກະຍັງເປັນລູກ ຊິຍິ່ງໃຫຍ່ຊ່ຳໃດກັບຄົນອື່ນ ແຕ່ກັບພໍ່ແມ່ ມຶງກະຍັງເປັນລູກກູຄືເກົ່າ..... (ຈົບ ) ຊິມີຫຼືບໍ່ມີບຸ ສາລາ ສາຣະ
ມີພຽງຮັກແທ້ໃຜແນ່ຊິມາເອົາ
|
|
ຂຽນເມື່ອ ຫລາຍກວ່າ 9 ປີ ກ່ອນໜ້ານີ້
ໂອຍອ້າຍເອີ້ຍ ຄົນເຮົາສະໄໝນີ້ ບາງຄົນກໍວ່າຕົວເອງສິນທຳ ຕົວເອງເຮັດຖືກ ແຕ່ທີ່ຈິງກະເຫ້ຍ ບໍ່ຍອມຮັບຕົວເອງ |
|
ຂຽນເມື່ອ ຫລາຍກວ່າ 9 ປີ ກ່ອນໜ້ານີ້
ອ້າງເຖິງຂໍ້ຄວາມຈາກ EndlessStory ຂຽນວ່າ... ໂອຍອ້າຍເອີ້ຍ ຄົນເຮົາສະໄໝນີ້ ບາງຄົນກໍວ່າຕົວເອງສິນທຳ ຕົວເອງເຮັດຖືກ ແຕ່ທີ່ຈິງກະເຫ້ຍ ບໍ່ຍອມຮັບຕົວເອງ ແມ່ນແລ້ວການທີ່ຈະໃຫ້ຄົນອື່ນຫຼືສັງຄົມຍອມຮັບນັ້ນ.. ເຮົາຕ້ອງຍອມຮັບໂຕເອງກ່ອນ. ພໍໃຈໃນສິ່ງທີ່ມີ ດີໃຈໃນສິ່ງທີ່ເປັນ ເຊື່ອໝັ້ນໃນຄຸນງາມຄວາມດີ... ມີຄວາມຮັກແລະເມຕຕາ ຊ່ວຍເຫຼືອພໍ່ແມ່.(ແບບນີ້ບໍ່ຕ້ອງໄປຍອກໃຜດອກ ສັງຄົມແລະຄົນອື່ນຊິຮັບເຮົາເອງ)
ມີພຽງຮັກແທ້ໃຜແນ່ຊິມາເອົາ
|