ພັນລາວ.ຄອມ
ຊອກຫາ:
ຊອກຫາແບບລະອຽດ
  ກະທູ້ມາໃໝ່   ຫມວດ   ກະດານແຫ... » ພາສາ    

Forum
ເວັບບອດພັນລາວ
ເວັບບອດພັນລາວ ເປັນກະດານສົນທະນາສຳລັບສະມາຊິກພັນລາວທຸກທ່ານ ທ່ານສາມາດຕັ້ງກະທູ້ເພື່ອສອບຖາມ ສະແດງ ແລະຂໍຄຳເຫັນຈະສະມາຊິກຄົນອື່ນ ໆ ຕະຫຼອດຈົນເຖິງການສົນທະນາທົ່ວ ໆ ໄປໄດ້ໃນເວັບບອດແຫ່ງນີ້. ຫາກຕ້ອງການແຈ້ງກະທູ້ຜິດກົດລະບຽບ ໃຫ້ໂພສໄດ້ທີ່ http://punlao.com/webboard/topic/3/index/288147/
ກະດານແຫ່ງການຮຽນຮູ້ » ພາສາ » ລັກສະນະວິບັດຂອງພາສາລາວ(ບົດຄົ້ນຄວ້າ)

໓໙໒ ກະທູ້
໒໑໑໔ ໂພສ
ສຸດຍອດແຫ່ງເຈົ້າກະທູ້
ພາສາວິບັດ" ນັ້ນ ຄືການໃຊ້ພາສາຜິດໆ. ບາດນີ້ມາເຫັນໃນກະໜຶ່ງນັ້ນ ແມ່ນມີການໃຊ້ພາສາວິບັດ ກັນເຖິງສອງຢ່າງ ຄື ພາສາວິບັດ ກັບອັກສອນວິບັດ ເຊັ່ນຄຳວ່າ "ວັດທະຈັກ ກັບ ສັມພັດ" ບາດນີ້ເຮົາມາສຶກສານຳກັນວ່າ "ພາສາວິບັດ ແລະອັກສອນວິບັດ" ເປັນຈັ່ງໃດ.
໑. ພາສາວິບັດ : ໝາຍເຖິງຄຳເວົ້າທີ່ຄົນເຮົາ ເວົ້າອອກມາຜິດຜ້ຽນຈາກຄຳເດີມທີ່ເຄີຍເວົ້າ ແລະຜິດຜ້ຽນຈາກເຄົ້າສັບ ເຊັ່ນ "ວັດທະຈັກ, ສຳພັດ, ອານຸໂລມ, ຖະໜົນອານຸ, ລັກສະນະເຊັ່ນນີ້ຍັງວິບັດໄປຮອດຊື່ຄົນ "ອານຸຖາ" (ວີເຈ ໂທຣະທັດຂອງລາວ ໃຜຮູ້ລາວບອກລາວແນ່) ນອກຈາກນີ້​ຍັງມີ ຄຳວ່າ "ສົມບຸນ, ບໍຣິບຸນ, ແລະອື່ນໆ ເພື່ອໃຫ້ພວກເຮົາຮູ້ວ່າ ຄຳທີ່ຍົກມານີ້ ວິບັດເຊັ່ນໃດ ຈຶ່ງຂໍຊີ້ແຈງແຍກສັບໃຫ້ເຫັນ ດັ່ງນີ້:
ຕົວຢ່າງ:
- ພາສາລາວບໍ່ມີຄຳວ່າ "ວັດທະຈັກ" ມີແຕ່ຄຳວ່າ "ວັຕຕະຈັກ" ເຊິ່ງມາຈາກ ພາສາປາລີ ດັ່ງທີ່ທັມມະທາຣາ ອະທິບາຍແລ້ວ.
- ສຳພັດ : ໃນພາສາລາວກໍຄົງບໍ່ມີ ຄຳເດີມມາຈາກພາສາປາລີເຊັ່ນກັນ ຄື "ສະມະ-ຜັສສະ" ສະມະ-ສົມ-ສັມ-ສຳ : ແປວ່າ ສະເໝີກໍໄດ້, ປົນກັນກໍໄດ້, ເອົາເຂົ້າກັນກໍໄດ້, ຜັສສະ-ຜັດ : ການຊູນ, ການຖືກຕ້ອງ, ການກະທົບໃນອາຍະຕະນະພາຍໃນ, ເມື່ອລວມກັນແລ້ວ ໄດ້ຄວາມວ່າ ການຊູນ ຫຼືການແຕະຕ້ອງລູບຄຳ (ສຳຜັດກາຍ) ຫາກສຳຜັດທາງໃນ ອັນໄດ້ແກ່ອະຍະະນະທັງຫົກ ຄື ຕາເຫັນຮູບ, ລີ້ນຊີມລົດ ເຫົຼ່ານີ້ເປັນຕົ້ນ.
- ອານຸໂລມ ບໍ່ປາກົດເຫັນໃຊ້ໃນພາສາລາວ ປາກົດໃຊ້ແຕ່ "ອະນຸໂລມ" ແປວ່າ ເຮັດນຳ, ບໍ່ຂັດຂືນ, ບໍ່ຂັດຂີນ, ໂດຍຕາມ.
- ຖະໜົນອານຸ ເດີມບໍ່ປາກົດໃຊ້ໃນພາສາລາວ ແຕ່ເຫັນຂຽນຊື່ຖະໜົນໜຶ່ງໃນວຽງຈັນ ສ່ວນຢູ່ໃນບາງໃນບາງກອກ ຂຽນວ່າຖະໜົນອະນຸ ຢູ່ຂ້າງວັດຈັກກະວັດ ຕົກໃສ່ຖະໜົນຣາຊະວົງ ໂດຍຕັ້ງເສີມພຣະນາມຂອງພຣະເຈົ້າອະນຸວົງ, ຄຳວ່າ "ອະນຸ" ເປັນຄຳປະກອບຄຳນຳໜ້າ ຄຳທີ່ມາຈາກພາສາປາລີ ໝາຍຄວາມວ່າ ນ້ອຍ, ລຸນ, ຫຼັງ, ນຳ, ຊ້ອຍ, ເນື່ອງໆ, ຫາກປະກອບກັບ "ວົງສາ" ເປັນ "ອະນຸວົງສາ ຫຼືອະນຸວົງສ໌" ເວລາແປ ແປວ່າ ວົງສຶບເນື່ອງກັນມາ ເຊື້ອພຣະວົງຂອກະສັດຜູ້ຫຼ້າ". (ວົງສ໌-ໝາຍເຖິງວົງກະສັດ ຫຼືພີ່ນ້ອງສືບທອດກັນມາ".
- ອານຸຖາ : ບໍ່ປາກົດເຫັນໃຊ້ໃນພາສາລາວ ແຕ່ຫາກຜສົມກັນ ຄຳກໍຍ່ອມໄດ້ ແຕ່ຕ້ອງຜສົມດ້ວຍ ອະນຸ+ຖາ ຫາກຂຽນ "ອານຸຖາ" ບໍ່ຈັດຊິແປ.
- ສົມບຸນ : ເປັນຄຳຜສົມ "ສະມະ+ປຸນຍະ" ມີປາກົດໃຊ້ໃນພາສາລາວ ແປວ່າ ເໝາະແກ່ທີ່ມີບຸນ, ສົມກັບຄວາມດີແທ້, ໃນນັ້ນຍັງ ມີຄຳວ່າ "ສົມບູນ" ອີກເປັນຄຳຜສົມ "ສະມະ-ປູຣະນະ" ແປວ່າ ເຕັມພ້ອມທຸກສິ່ງຢ່າງ, ອຸດົມຮັ່ງມີ, ບໍ່ມີສິ່ງບົກຜ່ອງ, ມີພ້ອມທຸກສິ່ງຢ່າງ ຕົວຢ່າງການໃຊ້"ຈັ່ງແມ່ນອຸດົມສົມບູນແທ້ນໍພໍ່ຕູ້ສີນີ້" ອາດບໍ່ໝາຍວ່າຮັ່ງກໍໄດ້ ເຫັນພໍ່ຕູ້ສີ ອ້ວນກໍບອກວ່າ ອຸດົມສົມບູນໄດ້ເຊັ່ນກັນ.

ທັງໝົດແມ່ນ ພາສາວິບັດ ເຊິ່ງໄດ້ຍົກຄຳວິບັດມາອະທິບາຍ ພໍເປັນຕົວຢ່າງ ໂດຍການນຳໃຊ້ຜິດເຄົ້າທີ່ມີ ແລະມັກຈະເປັນການວິບັດ ໂດຍຜູ້ນຳເອົາມາໃຊ້ບໍ່ຮູ້ເຄົ້າ ແລະທີ່ມາຂອງພາສາ ນອກຈາກວິບັດໂດຍຜິດຈາກເຄົ້າທີ່ມີແລ້ວ ພາສາລາວຍັງວິບັດ ໂດຍການນຳເອົາພາສາອື່ນມາໃຊ້ແທນຄຳເວົ້າເດີມຂອງລາວທີ່ມີຢູ່ ເຊັ່ນ
- ອຸກໃຈ ວ່າກຸ້ມໃຈ.
- ອຸກໃຈ ຫຼືເສົ້າໃຈ ວ່າ ເຊັງ.
- ກຸ້ມຄ່າ ວ່າ ຄຸ້ມຄ່າ (ຄຸ້ມ ເປັນນາມຮຽກຄຸ້ມທີ່ອາໄສ). ແລະອື່ນໆ ພາສາວິບັດແບບນີ້ ເປັນການຈົງໃຈໃຫ້ເກີດຄວາມວິບັດ ແລະບໍ່ຮູ້ເຄົ້າພາສາເຊັ່ນກັນ.
ນອກຈາກພາສາວິບັດແລ້ວ ຍັງມີອັກສອນວິບັດອີກ ອັນວ່າອັກສອນວິບັດນັ້ນ ອັນນີ້ບໍ່ຈຳເປັນຕ້ອງອະທິບາຍແລ້ວ ເພາະວ່າເຮົາຮູ້ນຳກັນແລ້ວວ່າ ເພາະເຫດເຊັ່ນໃດ ? ຄືລັກສະນະການໃຊ້ອັກສອນຂອງລາວເຮົາປັດຈຸບັນນີ້ແລ້ວ ຄື ການໃຊ້ອັກສອນວິບັດ ລັກສະນະອັກສອນວິບັດ ມີລັກສະນະເຊັ່ນນີ້ ຄື.
ກ. ອັກສອນວິບັດ ເພາະຕັດອັກສອນອອກ ເຮັດໃຫ້ອັກສອນບໍ່ຄົບຕບປະເພດຂອງຄຳເວົ້າ ຫຼືເວົ້າທີ່ມີຢູ່.
ຂ. ອັກສອນວິບັດ ເນື່ອງຈາກອັກສອນມີ ແຕ່ບໍ່ສາມາດໃຊ້ການໄດ້ ເຊັ່ນ ບໍຣິບູນ, ບໍຣິການ, ບໍຣິບົດ. (ຄືໂຕ ຣ ບໍ່ທຳໜ້າທີ່ຂອງມັນ)
ຄ. ອັກສອນວິບັດ ເພາະບໍ່ໃຊ້ຫຼັກໄວຍາກອນຄົບຖ້ວນ ໃນຫຼັກສະກົດກາງຄຳ, ຫຼັກສົນທິ, ຫຼັກຄຳເສື່ອມ, ການສະກົດພິເສດ ແລະອື່ນໆ.
ງ. ອັກສອນວິບັດ ເພາະໃຊ້ບໍ່ຖືກອັກສອນ ເຊັ່ນ ສັມຜັມ ເປັນ ສຳພັດ, ຊິອິ໊ວ ເປັນ ຊິອິ້ວ, ລາວສຕາຣ໌ແຊນແນ້ວ, ອາລຸນ.
ຈ. ອັກສອນວິບັດ ເພາະບໍ່ໃຊ້ແມ່ສະກົດທັງ ໘ ໃຫ້ຄົບຕາມຫຼັກຫານ ທຳມະກາຣ, ພຍາລາລ, ແລະອື່ນໆ
ສ. ອັກສອນວິບັດ ເພາະບໍ່ຮູ້ພາສາ ຜູ້ໃຊ້ "ໃຊ້ອັດຕະພາວະວິຊຊາ".[/size]


" ຕົວຢ່າງອັກສອນທີ່ຂຽນຕາມເຄົ້າ ເຄີຍໃຊ້ໃນການບັນທຶກພາສາລາວ ໃນຕົ້ນສະຕະວັດທີ ໒໐ ຜ່ານມາ ແລະຖືກຍົກເລີກໃຊ້ ໂດຍພຣະຣາຊະດຳຣັດເລກ ທີ ໑໐ ຄ.ສ ໑໙໓໐ ຫຼາຍຄົນບອກວ່າ ເປັນພາສາປາລີ ອັນນັ້ນແມ່ນເວົ້າຜິດ ເພາະທີ່ອ່ານໄດ້ນັ້ນເປັນຄວາມລາວ ແລະອັກສອນນີ້ກໍບໍ່ແມ່ນອັກສອນປາລີດ້ວຍ ຫາກແມ່ນອັກສອນລາວທັງໝົດ ແຕ່ຂຽນວິທີໜຶ່ງອີກຕ່າງຫາກ"

ອະດີດເປັນຂອງຜີ ປັດຈຸບັນນີ້ເປັນຂອງເຮົາ ອະນາຄົດເປັນຂອງເຂົາ
ສາຍເຊລຳເພົາ ໑,
ສາຍເຊລຳເພົາ ໒

໑໒ ກະທູ້
໗໘໐ ໂພສ
ຊຳນານການເວັບບອດ
ທ່ານຄືຊິມັກຄົ້ນຄວາເລື່ອງກ່ຽວກັບພາສານໍ ຂ້ອຍຄິດວ່າດີ ທີ່ຍັງມີເຈົ້າຊ່ວຍອະນຸລັກມັນໄວ້

ສິ່ງທີ່ຢາກເຮັດຈົ່ງລົງມືເຮັດ ຢ່າປ່ອຍໃຫ້ໂອກາດຜ່ານໄປ

໓໙໒ ກະທູ້
໒໑໑໔ ໂພສ
ສຸດຍອດແຫ່ງເຈົ້າກະທູ້
ອ້າງເຖິງຂໍ້ຄວາມຈາກ OleTer ຂຽນວ່າ...
ທ່ານຄືຊິມັກຄົ້ນຄວາເລື່ອງກ່ຽວກັບພາສານໍ ຂ້ອຍຄິດວ່າດີ ທີ່ຍັງມີເຈົ້າຊ່ວຍອະນຸລັກມັນໄວ້


ຖາມວ່າມັກຄົ້ນຄວ້າບໍ ? ຕອບວ່າສຸດຍອດຂອງຂ້ອຍເລີຍ (ຊົ່ວຊີວິດນີ້ ຂ້ອຍຈະໃຫ້ຄົນລາວຮູ້ ປະຫວັດສາດຊາດ ອັກສອນສອນລາວ ທີ່ເປັນຂອງແທ້ໆເລີຍ)

ອະດີດເປັນຂອງຜີ ປັດຈຸບັນນີ້ເປັນຂອງເຮົາ ອະນາຄົດເປັນຂອງເຂົາ
ສາຍເຊລຳເພົາ ໑,
ສາຍເຊລຳເພົາ ໒

໗ ກະທູ້
໙໔໒ ໂພສ
ຊຳນານການເວັບບອດ
ຄວາມຮູ້ໃໝ່ໄດ້ອິກແລ້ວ ອິອິ

ຂອບໃຈຫລາຍໆເດີ້ອາຈານ

ຄົນອືນຫລອກບໍເຈັບເທົ່າຕົວເອງຫລອກຕົວເອງ

໓໙໒ ກະທູ້
໒໑໑໔ ໂພສ
ສຸດຍອດແຫ່ງເຈົ້າກະທູ້
ຮຽນໄປເລື້ອຍໆ

ອະດີດເປັນຂອງຜີ ປັດຈຸບັນນີ້ເປັນຂອງເຮົາ ອະນາຄົດເປັນຂອງເຂົາ
ສາຍເຊລຳເພົາ ໑,
ສາຍເຊລຳເພົາ ໒

໓໔ ກະທູ້
໓໕໙ ໂພສ
ຊຳນານການເວັບບອດ
ດີ

ພັນທະຫົວໃຈ::