ພັນລາວ.ຄອມ
ຊອກຫາ:
ຊອກຫາແບບລະອຽດ
  ກະທູ້ມາໃໝ່   ຫມວດ   ກະດານແຫ... » ພາສາ    

Forum
ເວັບບອດພັນລາວ
ເວັບບອດພັນລາວ ເປັນກະດານສົນທະນາສຳລັບສະມາຊິກພັນລາວທຸກທ່ານ ທ່ານສາມາດຕັ້ງກະທູ້ເພື່ອສອບຖາມ ສະແດງ ແລະຂໍຄຳເຫັນຈະສະມາຊິກຄົນອື່ນ ໆ ຕະຫຼອດຈົນເຖິງການສົນທະນາທົ່ວ ໆ ໄປໄດ້ໃນເວັບບອດແຫ່ງນີ້. ຫາກຕ້ອງການແຈ້ງກະທູ້ຜິດກົດລະບຽບ ໃຫ້ໂພສໄດ້ທີ່ http://punlao.com/webboard/topic/3/index/288147/
ກະດານແຫ່ງການຮຽນຮູ້ » ພາສາ » ຟັງສຽງຈົ່ມ: ເປັນຫ່ວງເຖິງອານາຄົດເພງລາວ

ໜ້າທີ່ 2 ຈາກທັງໝົດ 2 ໜ້າ <<<12>>>


໔໗ ກະທູ້
໖໘໗ ໂພສ
ຊຳນານການເວັບບອດ
ອ້າງເຖິງຂໍ້ຄວາມຈາກ Daodeng ຂຽນວ່າ...
ຂ້າພະເຈົ້າເປັນຄົນໜຶ່ງທີ່ມັກຟັງເພງລາວ ເຊິ່ງບໍ່ແມ່ນມັກແບບບັງເອີນ ແຕ່ຫາກແມ່ນມັກດ້ວຍສາຍເລືອດ
ບໍ່ວ່າສຽງຂັບສຽງລຳ ຫຼື ເພງລາວທັງຍຸກເກົ່າຍຸກໃໝ່ ແມ່ນມັກຟັງ ແລະ ສາມາດຮ້ອງນຳໄດ້ເກືອບໝົດທຸກເພງ

ໃນໄລຍະຜ່ານມາ ເວລາຂ້າພະະເຈົ້າອອກພົບປະສັງຄົມຕ່າງໆ ບໍ່ວ່າຈະຢູ່ສະຖານທີ່ໃດໆກໍຕາມ ແມ່ນປະກົດເຫັນວ່າ
ຄົນລາວເຮົາ ໂດຍສະເພາະໄວໜຸ່ມທັງຫຼາຍ ບໍ່ຢາກຟັງເພງລາວ, ຜ່ານເຫດການຕໍ່ໄປນີ້ ເຮັດໃຫ້ຂ້າພະເຈົ້າອົດ ທີ່ຈະເອົາມາເລົ່າສູ່ຟັງເພື່ອສົນທະນານຳບໍ່ໄດ້ ບາງທີມີຄົນທີ່ຍັງມີຄວາມຄິດຄືຂ້າພະເຈົ້າຫຼົງເຫຼືອຢູ່ເຊັ່ນກັນ.

ມື້ໜຶ່ງຂ້າພະເຈົ້າພ້ອມໝູ່ເພື່ອນ ໄດ້ນັດກັນອອກກິນເຂົ້ານອກບ້ານ ໂດຍນັດເອົາຮ້ານອາຫານແຫ່ງໜຶ່ງໃນນະຄອນຫຼວງ
ວຽງຈັນ, ນັບຕັ້ງແຕ່ກ້າວຂາເຂົ້າຮ້ານຈົນເຖິງກ້າວຂາອອກ ບໍ່ປະກົດມີເພງລາວໃຫ້ຟັງແມ່ນແຕ່ເພງດຽວ, ຊ້ຳບໍ່ໜຳທາງ
ຮ້ານຍັງເອົານັກຮ້ອງສຽງດີມາດີດກິຕ້າຮ້ອງເພງພາສາເພື່ອນບ້ານໃຫ້ຟັງ ເຊິ່ງພວກກ່ຽວກໍຮ້ອງເພງໄດ້ດີຄືກັບເຈົ້າຂອງ
ພາສາອ້ອຍຕ້ອຍ ອີກທັງໄວໜຸ່ມໄວແກ່ທັງຫຼາຍຕົບມືພືຜ້າຊົມເຊີຍເອົາແທ້ເອົາວ່າ ແຖມຍັງຮ້ອງນຳກົ້ນເຂົາໄດ້ເກືອບໝົດ
ທຸກຄົນ. ດ້ວຍສາຍເລືອດລາວ ແລະ ຄວາມມັກໃນເພງລາວ ຂ້າພະເຈົ້າຂຽນເຈ້ຍນ້ອຍໄປຂໍຟັງເພງລາວ ຢູ່ດົນເຕີບແຕ່ກໍ
ບໍ່ໄດ້ຍິນຈັກເທື່ອ ຈິ່ງທ້ວງຖາມນາງສາວເສີບວ່າເພິ່ນເອົາໃຫ້ນັກດົນຕີແລ້ວບໍ, ສາວເສີບຕອບຂ້ອຍສັ້ນໆວ່າ:
... ເຂົາເຈົ້າຫຼິ້ນບໍ່ໄດ້ອ້າຍ! ອັນນີ້ເຂົາຫລິ້ນແຕ່ໂຟກຊອງ ຫຼິ້ນແຕ່ເພງໄທນະ.,. ຂ້າພະເຈົ້າຈັກແນວໃດບໍ່ເຄີຍໃຈຮ້າຍໃຫ້
ສາວເສີບຈັກເທື່ອມື້ນັ້ນໄດ້ຈັດໃຫ້ເພິ່ນຄືນວ່າ:... ຫ້ວຍ! ຢູ່ປະເທດລາວ ຂໍຟັງເພງລາວບໍ່ໄດ້ຟັງ ມັນເປັນຈັ່ງໃດຫວາ?
ພວກເຈົ້າຫາວ່ານິແມ່ນເມືອງໄທຊັ້ນຕິ? ສາວຄົນນັ້ນຕອບວ່າຊິໄປຂໍໃຫ້ເພິ່ນເປີດເພງໃຫ້, ນັ່ງຢູ່ດົນເຕີບໝົດໄລຍະດົນຕີ
ໂຟກຊອງໂຟກແຊັງຂອງເຂົາແລ້ວ ເຂົາກໍເອົາແຜ່ນຊີດີມາເປີດໃຫ້ແຂກຟັງແທນ ຂ້ອຍຄິດວ່າບາດນິແຫຼະຄົງຈະໄດ້ຍິນບໍ່
1 ກະ 2 ເພງທີ່ໄດ້ຂໍໄປ ແຕ່ນັ່ງຕໍ່ອີກດົນເຕີບກໍບໍ່ມີສຽງເພງລາວຈັກເພງ, ເຫັນສາວເສີບຄົນເກົ່າຍ່າງກາຍມາ ຂ້ອຍກໍທ້ວງ
ຖາມຄືນອີກ ແລະ ໄດ້ຄຳຕອບແບບສະຫຼຸບຈົບຂ່າວຫຍໍ້ໆຈາກນາງວ່າ:...ບໍ່ມີນະອ້າຍ, ບໍ່ມີແຜ່ນເພງລາວ... ໄດ້ຍິນແນວ
ນັ້ນຂ້າພະເຈົ້າຈ່າຍເງິນແລ້ວຊວນໝູ່ໜີໄວບໍ່ຊ້າ ເພາະເໝັນຂີ້່ໜ້າພວກລືມກຳພືດເຈົ້າຂອງແຮງ.

ບໍ່ແມ່ນຂອງຄ່ອຍເດີ້ພີ່ນ້ອງ! ພົບເຫດການແນວນີ້ມາຫຼາຍຄັ້ງແລ້ວ ແຕ່ຄັ້ງນີ້ເຫັນວ່າໜັກສົມຄວນ ໝົດຮ້ານອາຫານບັກໃຫຍ່
ບໍ່ມີແຜ່ນເພງລາວຈັກແຜ່ນ ແລະ ບໍ່ມີນັກຮ້ອງທີ່ເປັນຄົນລາວ (ແທ້) ຈັກຄົນ. ຂ້າພະເຈົ້າຄິດຄຽດ ແລະ ອຸກອັ່ງເປັນຫ່ວງເປັນ
ໄຍນຳອານາຄົດເພງລາວມາຫຼາຍມື້ແລ້ວ ມື້ນີ້ພໍດີມີເວລາຫວ່າງຂໍເລົ່າໃຫ້ຟັງແດ່ເທາະ!! ມັນໂພດ ແລະ ໂພດໆ ອີ່ຫຼີແລ້ວ
ວັດທະນະທຳລາວເຮົານິນະ.

ເຫັນຂ້າພະເຈົ້າຈົ່ມ ແລະ ມັກຟັງໝໍລຳແນວນີ້ ຢ່າຫາວ່າຂ້າພະເຈົ້າເຖົ້າແລ້ວເດີ້! ຂ້າພະເຈົ້າກໍເປັນໄວໜຸ່ມຄືກັນ ອາຍຸ 21 ປີ
ແຕ່ຂ້າພະເຈົ້າສັງເກດເຫັນວ່າ ໄວໜຸ່ມອາຍຸປະມານຂ້າພະເຈົ້າ ແລະ ນ້ອງນຸ່ງທັງຫຼາຍນີ້ ສ່ວນຫຼາຍບໍ່ຟັງແລ້ວເພງລາວ,
ບໍ່ຟັງແລ້ວສຽງແຄນສຽງຂັບສຽງລຳ, ນັ່ງກິນເບຍຮ່ວມວົງຢູ່ນຳກັນ ເປີດເພງລາວຟັງກໍຜິດກັນຍ້ອນ ເພາະເພິ່ນຫາວ່າຟັງບໍ່
ໄດ້ໃຈຊິຂາດວ່າຊັ້ນ! ບາດຈັງຫວະຮິບຮອບເທັກໂນຂຶ້ນແລ້ວລະແມ່ນແຕກກັນວຶ້ນໆ... ໂອ່ເດ.. ອານາຄົດເພງລາວເອີ້ຍ!!



ແມ່ນແລ້ວເຈົ້າເວົ້າຖືກເພງລາວເຮົາມ່ວນຫຼາຍໆເພງຢູ່ແຕ່ເພິ່ນພັດບໍ່ຄ່ອຍຮ້ອງຊ້ຳ ໄປຮ້ອງແຕ່ເພງຂອງຊາດອື່ນບໍ່ຮູ້ວ່າຊິມີການຄອບຄຸມແນວໃດ ຢາກໃຫ້ທາງຂັ້ນເທິງເບິ່ງຄືນອີກຕື່ມເລື່ອງຮ້ອງເພງຊາດໃດກະບໍ່ວ່າດອກແຕ່ຂໍໃຫ້ມີເພງລາວເຮົາສັບປົນແດ່ ເພື່ອເປັນການເອົາໃຈລູກຄ້າຫຼາຍໆຄົນແມ່ນບໍ່?

ເປັນຄົນດີຂອງສັງຄົມ-ເປັນລູກທີ່ດີຂອງພໍ່ແມ່

໒ ກະທູ້
໗໐ ໂພສ
ຂາປະຈຳເວັບບອດ
ອ້າງເຖິງຂໍ້ຄວາມຈາກ laxtalong ຂຽນວ່າ...
ອ້າງເຖິງຂໍ້ຄວາມຈາກ Daodeng ຂຽນວ່າ...
ອ້າງເຖິງຂໍ້ຄວາມຈາກ laxtalong ຂຽນວ່າ...
ລອງ ເປີດ TV ຊ່ອງ3 ລາວ ຕອນ10ໂມງ ເຊົ້າ ເບິ່ງ ຈະເຫັນລາຍການຂອງຂ້າພະເຈົ້າເປັນລາຍການດຽວ ຊື່ວ່າ ລາຍການ ສະເຫນ່ງເພງລາວ ເປັນລາຍການທີ່ ສົ່ງເສີມເພງລາວເຂົ້າສູ່ສາກົນຢູ່ ເພງທີ່ດັງໆ ກະຊິແມ່ນ ເພງ ຂີ້ໂມ້ ຕໍ່ມາກະ ປາຄໍ່ໃຫຍ່


ເຄີິຍເບິ່ງຢູ່ເດີ້!! ຊົມເຊີຍນຳເຈົ້າທີ່ຍັງຮັກສາຄວາມເປັນລາວໄວ້ ແລະ ຊ່ວຍສົ່ງເສີມມັນອີກຊ່ອງທາງໜຶ່ງ.. ແຕ່ຂ້ອຍຄິດວ່າມັນມີຜົນຕໍ່ໄວໜຸ່ມ
ລາວໃນປະຈຸບັນໜ້ອຍໂພດ.. ເຖິງເຮົາຈະພະຍາຍາມສົ່ງເສີມຫຼາຍເທົ່າໃດ ກໍບໍ່ສາມາດເຮັດໃຫ້ໄວໜຸ່ມພວກນິຫັນມານິຍົມເພງລາວແທ້ໆໄດ້
ດອກ.. ຂ້ອຍຍອມຮັບວ່າຄົນທີ່ມັກ ແລະ ຮັກເພງລາວຍັງມີ ເຊັ່ນດຽວກັບຂ້າພະເຈົ້າ ແລະ ທ່ານເອງ ແລະ ອີກຄົນອື່ນໆ.. ແຕ່ເວົ້າໄດ້ຢ່າງເຕັມ
ສົບເຕັມປາກເລີຍວ່າ ຄົນຈຳພວກຄືເຮົານີ້ມັນມີໜ້ອຍລົງເຕັມທີແລ້ວ.

ຮັກແພງ.




ຮັກແພງ.
ເຈົ້າເຊື່ອບໍ່ວ່າໄວລຸ້ນສຳພວກເຮົານິ ບໍ່ແມ່ນຍ້ອງລາຍການຂ້ອຍເດີ້ ສ່ວນຫລາຍແລ້ວໄວລຸ້ນທີ່ຢູ່ໃນເມືອງສ່ວນຫລາຍເຖິງ80 % ບໍ່ສົນໃຈໃນເພງ ລູກທົ່ງເດາະ ແຕ່ຜູ້ທີ່ສົນໃຈກັບເປັນໄວລຸ້ນທີ່ຢູ່ນອກຕົວເມືອງ ມີເຖິງ 95% ພຸ້ນຕວະ ຈາກທີ່ຂ້າພະ້ຈົາເຄີຍພົບມາ



ເຫັນດີນຳ.. ການທີ່ມີແຟນລາຍການຫຼາຍອາດຈະສະແດງໃຫ້ເຫັນເຖິງຍັງມີໄວໜຸ່ມນິຍົມເພງລາວຢູ່ ແຕ່ມັນບໍ່ອາດຈະອ້າງອີງໃຫ້ທັງໝົດ
6 ລ້ານຄົນ ເຊິ່ງອາດຈະບໍ່ເຄີຍເບິ່ງຮອດລາຍການນີ້.

ສະຫາຍ ດາວແດງ

໒ ກະທູ້
໗໐ ໂພສ
ຂາປະຈຳເວັບບອດ
ອ້າງເຖິງຂໍ້ຄວາມຈາກ Lao4Lao ຂຽນວ່າ...
ອ້າງເຖິງຂໍ້ຄວາມຈາກ Daodeng ຂຽນວ່າ...
..... ບັນຫານີ້ລັດໄດ້ວາງກົດລະບຽບໄວ້ໃຫ້ແລ້ວວ່າ ຮ້ານອາຫານບັນເທີງຕ່າງໆແມ່ນ
ໃຫ້ຫຼິ້ນເພງຕ່າງປະເທດບໍ່ໃຫ້ກາຍ 30%.....

ຮັກແພງ.



ໂອ ພັກ ລັດ ໄດ້ວາງກົດລະບຽບ ໄວ້ແນວນີ້ບໍ?
ຄັນຮ້ານໃດ ບໍ່ປະຕິບັດຕາມ ຊິຖືກລົງໂທດ ຖືກປັບໃໝບໍ? ຄັນວ່າ ມີການປັບໃໝ ລັດຖະບານ ກະຄືຊິມີລາຍໄດ້ຕື່ມຫລາຍນໍ ເພາະ ຫລາຍຮ້ານບໍ່ພາກັນປະຕິບັດ


ທຸກໆລະບຽບການແມ່ນແນໃສ່ດັດປັບສາຍພົວພັນໃນສັງຄົມ. ສະນັ້ນ, ລະບຽບການໃດກໍຕ້ອງມີການກຳນົດບົດລົງວິໄນ ແລະ ການ
ຍ້ອງຍໍຊົມເຊີຍ.. ເຊັ່ນດຽວກັນກັບລະບຽບການດັ່ງກ່າວນີ້ ຍ່ອມມີມາດຕະການລົງໂທດປັບໄໝແນ່ນອນ ແຕ່ຂ້າພະເຈົ້າບໍ່ໄດ້ສຶກສາ
ລະອຽດວ່າເພິ່ນມີມາດຕະການລົງໂທດ ຫຼື ປັບໄໝກັນແນວໃດ.. ແຕ່ທີ່ຮູ້ແທ້ໆແມ່ນລັດເຮົາມີຄວາມຫຍຸ້ງຍາກຫຼາຍກ່ຽວກັບການນຳ
ໃຊ້ມາດຕະການດັ່ງກ່າວນີ້ ເພາະມັນເປັນເລື່ອງລະອຽດອ່ອນ, ເປັນເລື່ອງຂອງສິດທິເສລີພາບຂອງພົນລະເມືອງທີ່ຈະມັກ, ຈະຟັງ,
ຈະນິຍົມເພງຂອງຊາດໃດ, ບັນຫາດັ່ງກ່າວນີ້ເຮົາຖ້າລັດເຮົາຫາກມີການປັບໄໝຈັບກຸມຄຸມຂັງຜູ້ລະເມີດລະບຽບນັ້ນແທ້ໆ ແນ່ນອນ
ຈະພາໃຫ້ເກີດຄວາມບໍ່ພໍໃຈຕໍ່ໄວໜຸ່ມຜູ້ນິຍົມທັງຫຼາຍ ເຊິ່ງກວມເປັນຈຳນວນສ່ວນຫຼາຍອີກດ້ວຍ, ດີບໍ່ດີອາດກາຍເປັນເຫດບານປາຍ
ເປັນບັນຫາທາງການເມືອງໄດ້. ສະນັ້ນ, ລັດວາງລະບຽບການດັ່ງກ່າວນີ້ອອກມາ ແມ່ນແນໃສ່ດັດປັບ, ແນໃສ່ສຶກສາອົບຮົມໃຫ້ພົນ
ລະເມືອງ ແລະ ຜູ້ປະກອບການໄດ້ຫຼິງເຫັນເຖິງວັດທະນະທຳຂອງຊົນຊາດຕົນ. ທີ່ເຫູືອຈາກນີ້ ກໍແມ່ນຂຶ້ນກັບຊົນຊາດລາວທັງຫຼາຍ
ວ່າຕົນຈະປະຕິບັດຕົນເອງຄືແນວໃດ ໃນເມື່ອລັດວາງບັນທັດຖານໄວ້ແນວນັ້ນ ແຕ່ຍັງພາກັນລະເມີດ? ຫຼື ພວກກ່ຽວບໍ່ແມ່ນຄົນລາວ
ແລ້ວ?

ຮັກແພງ.

ສະຫາຍ ດາວແດງ

໒ ກະທູ້
໗໐ ໂພສ
ຂາປະຈຳເວັບບອດ
ອ້າງເຖິງຂໍ້ຄວາມຈາກ elghteenagain ຂຽນວ່າ...
ອາຫານໄດແຊບ ຄົນກະມັກກິນ !
ເຄື່ອງດື່ມໄດ ຄັກ ຄົນກະມັກດື່ມ ນີ້ເປັນກົດເກນທຳມະຊາດ !
ວົງການເພັງລາວ ເສຍຫລັກ ມາເປັນເວລາດົນນານ ເນັ້ນຮັບໃຊ້ເປົ້າຫມາຍໃດຫນຶ່ງ ຂາດລັກສະນະມະຫາຊົນ ຈຶ່ງເຮັດໃຫ້ມັນບໍ່ຈະເລີນ
ແລະ ເກືອບວ່າ ຕາຍໄປພຸ້ນລະ. ແຕ່ 4-5 ປີມານີ້ ກະມີທ່າກ້າວ ຢ່າງໄວວາ ຍ້ອນຖອດຖອນໄດ້ຈຸດບົກຜ່ອງຜ່ານມານັ້ນ ຈົນເຮັດໃຫ້ສິນລະປິນຫລາຍຄົນ ພົ້ນເດັ່ນ ແລະ ໂກອິນເຕີໄປແລ້ວກະມີ ຂໍຊົມເຊີຍເດີ້ ! . ແຕ່ ຈະເຮັດໃຫ້ ທັງຫມົດໄດ້ຮັບການຕອບສະຫນອງຈາກຜູ້ຟັງທັນທີ ມັນກະເປັນໄປບໍ່ໄດ້ ສິນລະປິນສ່ວນ ຫລາຍຕ້ອງໄດ້ອອກແຮງຕື່ມ ກ່ອນຊິນຳເພັງອອກຕະຫລາດ ຕ້ອງໄດ້ໃຫ້ທ່ານອາຈານລຽບລຽງເນື້ອຮ້ອງໃຫ້ສອດ ຄ່ອງກັບທຳນອງຕື່ມ(ຈ່າຍຕື່ມຢ່າຫນຽວຫລາຍ) ໂດຍສະເພາະ ເພງສະຕິງເອົາແຕ່ຊິເວົ້າໃສ່ດົນຕຮີ ບາງເພັງເຂີນກັນກັບ ທຳນອງປານໂສ້ງຢ້ານຂີ້ ! ຄັນໄດ້ຟັງເທື່ອຫນຶ່ງບໍ່ຄັກແລ້ວ ກະບໍ່ຢາກໃຫ້ໃຜມາເປີດຢູ່ໄກ້ອີກລະ ຂ້ອຍນະ !
ສ່ວນລູກທົ່ງນັ້ນ ເຮັດໄດ້ດີແລ້ວ ແຕ່ເນື້ອຫາ ກະຍັງບໍ່ກວ້າງຂວງ ມຸ່ງເນັ້ນແຕ່ເລື່ອງເນື້ອໃນ ໃຫ້ຕີຄວາມປັນເລື່ອງລາມົກໄດ້ ລະວ່າຄັກ! ອີກກັບສາວບ້ານນັ້ນ ບ້ານນີ້ ຈົນເກືອບຊິຄົບຫມົດທຸກໆບ້ານໃນ ສປປລາວລະ ! ບາດເວົ້າເຖິງຄວາມຮັກ ກະແຮ່ງຄັບແຄບ ຍາມໄດ ກະ ອ້າຍນີ້ທຸກຫລາຍ ຈົນບໍ່ມີອັນຊິກິນ ລົດບໍ່ມີຂີ່ ແຕ່ຢາກໃຫ້ສາວມັກ ມີສາວໄດບໍ່ ? ຂໍຄວາມກະລຸນາເຖາະ ! ຮຶ ! ຟັງແລ້ວ ຫນ້າສົມເພດຊ້ຳ ທັງເພິ່ນທັງໂຕ ແລ້ວເຮັດແນວໃດຊິໃຫ້ໄດ້ຮັບຄວາມນິຍົມ ຈາກຜູ້ຟັງ ທີ່ມີຄວາມຫລາກຫລາຍອາຊີບ ຫລາກຫາຍຊົນຊັ້ນວັນນະ. ສ່ວນຂ້ອຍ ກະເປັນພຽງຜູ້ບໍລິໂພກເພັງ ທີ່ບໍ່ຢາກໃຫ້ຜູ້ຜະລິດເພັງເອົາປຽບເທົ່ານັນ! ຊິໃຫ້ແຕ່ງເປັນ ຮ້ອງມ່ວນ ຄືສິນລະປິນ ກະບໍ່ມີຄວາມສາມາດລະ ໄດ້ແຕ່ຕຳນິນີ້ລະ ! ແລະ ຝັນໄຝ່ ຢາກໃຫ້ວົງການເພັງລາວ ກ້າວຫນ້າທຽມທັນຊາດອື່ນເຂົາ !
ຄັນເວົາເຖິງກິລາ ກະວ່າແຮງບໍ່ເຖິງ ທຶນບໍ່ມີ ແຕ່ສິນລະປະ ນີ້ ສຽງຮ້ອງກະມີໃນຕົວ ກິຕ້າກະມີຂອງດີຄືເພີ່ນ ເຄື່ອງສຽງ ແລະ ຫ້ອງອັດ ກະດີຫມົດແລ້ວ ! ສູ້ເດີ້ ເລົ່າສິນລະປິນຜູ້ກ້າທັງຫລາຍ !



ເປັນກຳລັງໃຈໃຫ້ສີລະປິນລາວເຊັ່ນດຽວກັນ.. ແຕ່ໃນເມື່ອເຂົາເຈົ້າຫາກຜະລິດເພງດີໆອອກມາແລ້ວ ກໍຊ່ວຍພາກັນນິຍົມຊົມຊອບ
ໃຫ້ສົມກັບຄວາມເປັນລາວນຳກັນແດ່.

ຮັກແພງ.

ສະຫາຍ ດາວແດງ

໑໒໙ ກະທູ້
໓໓໙໒ ໂພສ
ສຸດຍອດແຫ່ງເຈົ້າກະທູ້
ອ້າງເຖິງຂໍ້ຄວາມຈາກ Daodeng ຂຽນວ່າ...
ອ້າງເຖິງຂໍ້ຄວາມຈາກ Thy ຂຽນວ່າ...
ອ້າງເຖິງຂໍ້ຄວາມຈາກ Daodeng ຂຽນວ່າ...
ອ້າງເຖິງຂໍ້ຄວາມຈາກ Thy ຂຽນວ່າ...
ຢາກໃຫ້ເພງລາວຢູ່ໄດ້ ທັງຄົນຮ້ອງ ແລະຄົນສ້າງ ອັນດັບແລກລັດຖະບານຕ້ອງເອົາຈິງກັບການລະເມີດລິຂະສິດ ກວດລ້າງແຜ່ນຊີດີປອມທີ່ມີຢູ່ເກື່ອນບ້ານ ເກື່ອນເມືອງໃຫ້ຄ່ອຍໆໝົດໄປ ເພງລາວຢູ່ໄດ້ແນ່ນອນ...



ເລື່ອງລິຂະສິດເປັນບັນຫາສຳຄັນ ແຕ່ຫາກບໍ່ແມ່ນບັນຫາຕັດສິນວ່າຈະເຮັດໃຫ້ຄົນລາວທຸກຄົນຮັກເພງລາວ ແລະ ເຮັດໃຫ້ເພງ
ລາວຢູ່ໄດ້, ບັນຫາຕັດສິນສຳລັບເລື່ອງນີ້ແມ່ນເລື່ອງຈິດຕະສາດ ເລື່ອງຄ່ານິຍົມທີ່ຜິດພາດຂອງຄົນລາວຍຸກໃໝ່ເຮົານິເອງເປັນ
ອັນຕັດສິນ. ເພາະວ່າ:
- ຖ້າຄົນລາວທຸກຄົນບໍ່ຮັກເພງລາວ ແລ້ວໄປເສບສົບກັບເພງຕ່າງປະເທດເກີນຄວນ ເຖິງຈະເອົາໃຈໃສ່ປ້ອງ
ກັນລິຂະສິດໄດ້ດີຫຼາຍເທົ່າໃດ ກໍບໍ່ມີຄົນຊື້ຟັງ.
- ກົງກັນຂ້າມ, ຖ້າຄົນລາວທຸກຄົນຮັກເພງລາວ, ຟັງເພງລາວ ເຖິງແມ່ນຈະມີການລະເມີດລິຂະສິດກໍຕາມ ເມື່ອມີຄົນນິຍົມຊົມຊອບ
ຫຼາຍເທົ່າໃດແລ້ວ ນັກຮ້ອງນັກລຳກໍຈະຢູ່ໄດ້ດ້ວຍປັດໃຈທາງອ້ອມອື່ນໆເຊັ່ນ: ການອອກສະແດງຮັບໃຊ້ສັງຄົມ ແລະ ອື່ນໆ ເຊິ່ງ
ດຽວນິນັກຮ້ອງນັກລຳເພງລາວລູກທົ່ງທັງຫຼາຍ ແມ່ນອາໄສປັດໃຈດັ່ງກ່າວນີ້ແທນການຂາຍແຜ່ນສຽງເປັນຫຼັກ. ແຕ່ເວົ້າແນວນີ້
ບໍ່ແມ່ນຖືເບົາຫັນຫາລິຂະສິດ ເຊິ່ງເປັນບັນຫາສຳຄັນຈະຕ້ອງໄດ້ເອົາໃຈໃສ່ ຫາກຍົກໃຫ້ເຫັນວ່າມັນບໍ່ເປັນສິ່ງຕັດສິນເທົ່ານັ້ນ.

ຮັກແພງ.


ແຕ່ຖ້າວ່າຕະຫລາດມີແຕ່ແຜ່ນແທ້ນະລາຄາກະເປັນພາກບັງຄັບໃຫ້ຄົນລາວຫັນມາຟັງເພງລາວໃນໂຕຄືກັນ ໃນຄະນະທີ່ເພງໄທແຜ່ນລະ 199 - 500 ບາດ ຕໍ່ແຜ່ນ ແຕ່ແຜ່ນກ໋ອບນີ້ຕິລະ 5,000 kip\\\\\\\\\\\\\\\\3ແຜ່ນ ລະແມ່ນໃຜສິບໍ່ຊື້ຟັງ???
ຊ້ຳບໍ່ພໍແຜ່ນດຽວນະມີເກືອບທຸກຄ້າຍເພງທີ່ດັງໆ



ຄວາມໝາຍຂອງທ່ານ ແມ່ນຢາກໃຫ້ເພງລາວລາຄາຖືກລົງຊັ້ນບໍ? ຊ່ວຍອະທິບາຍຕື່ມ.

ຮັກແພງ


ບໍ່ແມ່ນຄວາມໝາຍວ່າຖ້າມີແຕ່ແຜ່ນແທ້ ທັງເພງໄທ-ລາວ ແລະສາກົນ ລາຄາຈະເປັນພາກບັງຄັບໃຫ້ຄົນຫັນມາຟັງເພງລາວຫລາຍຂື້ນ ເພາະຖ້າເປັນແຜ່ນແທ້ທັງໝົດ ເພງໄທ-ເພງ ສາກົນແມ່ນຈະມີລາຄາທີ່ສູງກ່ວາເພງລາວຢູ່ແລ້ວ


໓໔ ກະທູ້
໓໕໙ ໂພສ
ຊຳນານການເວັບບອດ
ລາວຕົ້ມລາວ
ລາວກິນລາວ
ລາວລືມລາວ
ລາວຂາຍລາວ
ລາວບໍ່ເປັນລາວ

ພັນທະຫົວໃຈ::

໒ ກະທູ້
໗໐ ໂພສ
ຂາປະຈຳເວັບບອດ
ທ່ານໄອໂຟນຫ້າເວົ້າວ່າ:
'' ບໍ່ແມ່ນຄວາມໝາຍວ່າຖ້າມີແຕ່ແຜ່ນແທ້ ທັງເພງໄທ-ລາວ ແລະສາກົນ ລາຄາຈະເປັນພາກບັງຄັບໃຫ້ຄົນຫັນມາຟັງເພງລາວຫລາຍຂື້ນ ເພາະຖ້າເປັນແຜ່ນແທ້ທັງໝົດ ເພງໄທ-ເພງ ສາກົນແມ່ນຈະມີລາຄາທີ່ສູງກ່ວາເພງລາວຢູ່ແລ້ວ''
-------------------------------------------------------------------------------------------------------------------------------------------------------------------------
ແຕ່ຂ້າພະເຈົ້າຄິດວ່າເລື່ອງລາຄາມັນບໍ່ແມ່ນເປັນປັດໃຈຕັດສິນໃຫ້ຄົນມາຟັງເພງລາວດອກ ເພາະທຳມະຊາດຂອງຄົນຖ້າເຮົາມັກເຮົາຕ້ອງການ ຫຼື ເຮົານິຍົມສິ່ງໃດ
ເຖິງມັນຈະລາຄາແພງ ຫຼື ຫຍຸ້ງຍາກຊ່ຳໃດກໍຈະດິ້ນຮົນຊອກຫາມາໃຫ້ໄດ້. ຕົວຢ່າງວ່າ: ລົດຈັກຮອນດ້າເວັບ ກັບລົດຈັກເຟເກິນຂອງຈີນ ຮູ້ທັງຮູ້ວ່າເຟເກິນລາຄາຖືກ
ກ່ວາ ແລະ ຮອນດ້າເພງກ່ວາ ແຕ່ເຖິງປານນັ້ນຄົນຍັງບໍ່ຢາກຊື້ເຟເກິນຂີ່ ແລະ ພະຍາຍາມດິ້ນຮົນຫາເງິນຊື້ຮອນດ້າມາຂີ່ໃຫ້ໄດ້. ນີ້ແຫລະຄືທຳມະຊາດຂອງຄົນເຮົາ

ເພງລາວເພງໄທເພງສາກົນກໍເຊັ່ນດຽວກັນ, ລາຄາເພງໄທຈະແພງກ່ວາເພງລາວຮອດສິບເທົ່າກໍຕາມ ຖ້າຫາກຄົນລາວທັງມັກທັງນິຍົມຟັງຢູ່ແລ້ວ ເຮັດແນວໃດກໍ
ຈະພະຍາຍາມຊື້ມາຟັງໃຫ້ໄດ້.

ຮັກແພງ.

ສະຫາຍ ດາວແດງ

໑ ກະທູ້
໕໙໗ ໂພສ
ຊຳນານການເວັບບອດ
ປັນຫາມັນມີຍູ່ວ່າ ເປັນຫຍັງຄົນເຖິງບໍ່ຢາກຊື້ເຟເກິນຂີ່


໑ ກະທູ້
໕໙໗ ໂພສ
ຊຳນານການເວັບບອດ
ແຕ່ອັນຄຳທີ່ບອກວ່າບໍ່ມີເພງລາວໃຫ້ຟັງໃຫ້ຮ້ອງ ແມ້ແຕ່ແຜ່ນເປິດເລີຍນີ່ຕິ ເຈັບປວດ


໒ ກະທູ້
໗໐ ໂພສ
ຂາປະຈຳເວັບບອດ
ອ້າງເຖິງຂໍ້ຄວາມຈາກ Cupcake ຂຽນວ່າ...
ປັນຫາມັນມີຍູ່ວ່າ ເປັນຫຍັງຄົນເຖິງບໍ່ຢາກຊື້ເຟເກິນຂີ່


ຄຳຕອບກໍງ່າຍໆ ຍ້ອນຄ່ານິຍົມຂອງສັງຄົມ
ຄົນບໍ່ຟັງເພງລາວ ກໍຍ້ອນຄ່ານິຍົມຂອງສັງຄົມທີ່ມັກເພງຕ່າງປະເທດຫຼາຍກ່ວາ

ຄຳຖາມທີ່ຂ້ອຍບໍ່ສາມາດຕອບໄດ້ແມ່ນຍ້ອນຫຍັງຈິ່ງບໍ່ມັກເພງລາວ? ທີ່ຕອບບໍ່ໄດ້ເພາະຂ້ອຍມັກຢູ່ແລ້ວ ບໍ່ມີເຫດຜົນໃດທີ່ຂ້ອຍຈະບໍ່ມັກ
ສ່ວນຄົນທີ່ບໍ່ມັກ ກໍພໍເດົາເຫດຜົນຢູ່ສອງສາມປະການຄື:
- ເພງລາວລ່າສະໄໝ
- ດົນຕີ ວີດີໂອປະກອບ ບໍ່ຫວືຫວາຄືເພງບ້ານເພິ່ນ (ແຕ່ຢ່າລືມວ່າທີ່ເປັນແນວນີ້ ເພາະວັດທະນະທຳເຮົາໃຫ້ສະຫງ່ຽມຄ່ຽມຄົມ ບໍ່ໂລດໂຜນ)
- ບາງເທື່ອກໍຢາກຟັງ ແຕ່ຫາກຍ້ອນເຫັນໝູ່ຟັງແຕ່ເພງໄທ ເລີຍບໍ່ກ້າເປີດຟັງເພາະຮູ້ສຶກລະອາຍ.
- ອື່ນໆ..

ຮັກແພງ.

ສະຫາຍ ດາວແດງ

໑ ກະທູ້
໕໙໗ ໂພສ
ຊຳນານການເວັບບອດ
ອ້າງເຖິງຂໍ້ຄວາມຈາກ Daodeng ຂຽນວ່າ...
ອ້າງເຖິງຂໍ້ຄວາມຈາກ Cupcake ຂຽນວ່າ...
ປັນຫາມັນມີຍູ່ວ່າ ເປັນຫຍັງຄົນເຖິງບໍ່ຢາກຊື້ເຟເກິນຂີ່


ຄຳຕອບກໍງ່າຍໆ ຍ້ອນຄ່ານິຍົມຂອງສັງຄົມ
ຄົນບໍ່ຟັງເພງລາວ ກໍຍ້ອນຄ່ານິຍົມຂອງສັງຄົມທີ່ມັກເພງຕ່າງປະເທດຫຼາຍກ່ວາ



ມັນບໍ່ແມ່ນຄຸນນະພາບຕິ


໗ ກະທູ້
໒໑໒ ໂພສ
ນັກການກະທູ້
ຂພຈ ກະມັກຟັງຄືກັນ ສ່ວນທີ່ເຮັດໃຫ້ບໍ່ຢາກຟັງແມ່ນເພັງທີ່ເຮັດເປັນກຸ່ມ4 - 5 ຄົນບໍນິບໍ່ມີຫຍັງເປັນຕາຟັງ.......( ບາງວົງເດີ )

i love laos '' n u ''

໒ ກະທູ້
໗໐ ໂພສ
ຂາປະຈຳເວັບບອດ
ອ້າງເຖິງຂໍ້ຄວາມຈາກ Cupcake ຂຽນວ່າ...
ອ້າງເຖິງຂໍ້ຄວາມຈາກ Daodeng ຂຽນວ່າ...
ອ້າງເຖິງຂໍ້ຄວາມຈາກ Cupcake ຂຽນວ່າ...
ປັນຫາມັນມີຍູ່ວ່າ ເປັນຫຍັງຄົນເຖິງບໍ່ຢາກຊື້ເຟເກິນຂີ່


ຄຳຕອບກໍງ່າຍໆ ຍ້ອນຄ່ານິຍົມຂອງສັງຄົມ
ຄົນບໍ່ຟັງເພງລາວ ກໍຍ້ອນຄ່ານິຍົມຂອງສັງຄົມທີ່ມັກເພງຕ່າງປະເທດຫຼາຍກ່ວາ



ມັນບໍ່ແມ່ນຄຸນນະພາບຕິ



ທ່ານຄິດວ່າມັນບໍ່ມີຄຸນນະພາບ ຍ້ອນທ່ານກຳນົດຄຸນນະພາບຂອງທ່ານເອງ, ແລ້ວຄຸນນະພາບທີ່ວ່ານີ້ເອົາຫຍັງມາກຳນົດ?
ສຳລັບຂ້າພະເຈົ້າແລ້ວ ຍ້ອນເກີດເປັນລາວ ແລະ ພໍ່ແມ່ກໍປູກຝັງໃຫ້ຮັກວັດທະນະທຳລາວມາຕັ້ງແຕ່ນ້ອຍ ຈິ່ງສາມາດເວົ້າ
ໄດ້ວ່າ ສຽງຂັບສຽງລຳລາວແຕ່ເໜືອຮອດໃຕ້ ລວມເຖິງເພງລາວລູກທົ່ງບ້ານນາແຕ່ອາດີດຮອດປະຈຸບັນ ແມ່ນລ້ວນແຕ່
ສ່ອງແສງໃຫ້ເຫັນເຖິງວິຖີຊີວິດ ສ່ອງແສງໃຫ້ເຫັນເຖິງຈິດວິນຍານ ສ່ອງແສງໃຫ້ເຫັນເຖິງວັດທະນະທຳ ແລະ ຄວາມເປັນ
ລາວໄດ້ຢ່າງບໍ່ຕ້ອງສົງໃສ. ສະນັ້ນ, ຄຸນນະພາບຂອງຂ້ອຍແມ່ນຈຸດນີ້ ຂ້ອຍຈິ່ງມັກເພງລາວ ແລະ ຂ້ອຍຖືວ່າເພງລາວມັນ
ມີຄຸນນະພາບເກີນກ່ວາເພງສາກົນທີ່ຫຼາຍຄົນນິຍົມອີກຫຼາຍຮ້ອຍພັນເທົ່າ ເພາະເພງພວກນັ້ນ ມັນບໍ່ໄດ້ຮ້ອງເປັນພາສາທີ່ຂ້ອຍ
ເວົ້າ ແລະ ເພງພວກນັ້ນມັນບໍ່ໄດ້ເວົ້າເຖິງແນວຄິດຈິດໃຈຂອງຄົນລາວຄືຂ້ອຍ.

ຮັກແພງ.

ສະຫາຍ ດາວແດງ

ໜ້າທີ່ 2 ຈາກທັງໝົດ 2 ໜ້າ <<<12>>>