- ກາມມະເທບ, ກາມມະລົມ ແລະ ກາມມະຄຸນ ແປວ່າຫຍັງ? (ກະດານແຫ່ງການຮຽນຮູ້

ເວັບບອດພັນລາວ

ເວັບບອດພັນລາວ ເປັນກະດານສົນທະນາສຳລັບສະມາຊິກພັນລາວທຸກທ່ານ ທ່ານສາມາດຕັ້ງກະທູ້ເພື່ອສອບຖາມ ສະແດງ ແລະຂໍຄຳເຫັນຈະສະມາຊິກຄົນອື່ນ ໆ ຕະຫຼອດຈົນເຖິງການສົນທະນາທົ່ວ ໆ ໄປໄດ້ໃນເວັບບອດແຫ່ງນີ້. ຫາກຕ້ອງການແຈ້ງກະທູ້ຜິດກົດລະບຽບ ໃຫ້ໂພສໄດ້ທີ່ http://punlao.com/webboard/topic/3/index/288147/

ກະດານແຫ່ງການຮຽນຮູ້ » ພາສາ » ກາມມະເທບ, ກາມມະລົມ ແລະ ກາມມະຄຸນ ແປວ່າຫຍັງ?

PHAS0UK ໗໓໙ ກະທູ້ ໙໔໕໙ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 12 ປີ ກ່ອນໜ້ານີ້ ຕາມທີ່ຖາມອາຈານມາ ກາມມະເທບ ແລະ ກາມມະລົມ ແປວ່າ ອາລົມທາງເພດ ກາມມະຄຸນ ແປວ່າ ຮ່ວມເພດ ທ່ານໃດມີຄຳເຫັນຕ່າງ ປະກອບນຳເດີ
SumoGirl ໑໐໘ ກະທູ້ ໒໒໖໕ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ມາຈອບ ນຳ ຄົນສະຫລາດສະແຫວງຫາຄຳສອນສັ່ງ ແຕ່ຄົນໂງ່ເປັນທາດ ຂອງຄວາມມັກຍ້ອງ
PHAS0UK ໗໓໙ ກະທູ້ ໙໔໕໙ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ SumoGirl ຂຽນວ່າ... ມາຈອບ ນຳ ແຕ່ກີ້ອາຈານຖາມຂ້ອຍວ່າ: ກາມມະເທບ, ກາມມະລົມ ແລະ ກາມມະຄຸນ ແປວ່າຫຍັງ? ຂ້ອຍຕອບວ່າ: ຮູ້ແຕ່ກາມມະເທບ ອາຈານຖາມຕໍ່ວ່າ: ກາມມະເທບແປວ່າຫຍັງ? ຂ້ອຍຕອບວ່າ: ກາມມະເທບ ແປວ່າ ເທວະດານ້ອຍຖືທະນູຫົວໃຈຫັ້ນນະ! ຄົນໝົດຫ້ອງພາກັນຫົວຂວັນ ໂອ
໑໑ ກະທູ້ ໑໕໖ ໂພສ ນັກການກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ພາສາລາວຍາກນໍ ,ເປັນຄົນລາວຍັງແປຍາກ
໑໑ ກະທູ້ ໑໕໖ ໂພສ ນັກການກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ໃຫ້ຄົນໄທມາແປໃຫ້ເບິ່ງ
sengsvang ໑໐ ກະທູ້ ໖໒໗ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ກາມະເທບ - ຄວາມສຸກຈາກການຮ່ວມເພດ ກາມະລົມ - ອາລົມທາງເພດ ກາມະຄຸນ - ການຮ່ວມເພດ ມີຄວາມຮູ້ແຕ່ບໍ່ເຮັດຫຍັງໃຫ້ເກີດຜົນ ກໍ່ບໍ່ຕ່າງຫຍັງກັບຄົນໂງ່ຄົນໜຶ່ງ.
sorsuksith ໒໘ ກະທູ້ ໑໘໔ ໂພສ ນັກການກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ^ ^ ^ ກາມະເທບ - ຄື ເທວະດາ ທີ່ດົນບັນດານກ່ຽວກັບກາມ,ຄວາມຮັກ,ຄວາມພໍໃຈ,................ ກາມະລົມ - ຄື ອາລົມກ່ຽວກັບຄວາມຮັກ,ຄວາມພໍໃຈ,ຄວາມຍິນດີໃນບາງສິ່ງ ,.............. ກາມະຄຸນ ຄື ຜົນຂອງກາມ ,ສຸກ,ພໍໃຈ,ຫຼົງໄຫຼ..................:
໕໗ ກະທູ້ ໒໑໐໖ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 12 ປີ ກ່ອນໜ້ານີ້ ກາມາເທບ = kamadeva = ເທບພະເຈົ້າແຫ່ງຄວາມຮັກ = the god of love, Cupid ກາມາລົມ = kamatura = ອາລົມທາງເພດ = lustful mood ກາມາຄຸນ = ສິ່ງປາດຖະໜາດ້ວຍວິນຍານທັງ5 = five sensual desires
nipit ໓ ກະທູ້ ໔໐ ໂພສ ຂາປະຈຳເວັບບອດ	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ກາມະເທບ ສ່ວນຫຼາຍເຂົ້າໃຈກັນວ່າເປັນເທວະດານ້ອຍ ມີປີກ ຖືທະນູ ອັນນັ້ນເປັນກາມະໃນຕຳນານຂອງກຣີກໂລມັນ ເປັນ ເທບພະເຈົ້າແຫ່ງຄວາມຮັກ ທີ່ຄອຍບັນດານຄວາມຮັກຂອງຫນຸ່ມສາວ ຄວາມເປັນມາຂອງເພິ່ນຍາວຫຼາຍ ເອາລິ້ງຄົ ແນບມານຳ http://th.wikipedia.org/wiki/%E0%B8%84%E0%B8%B4%E0%B8%A7%E0%B8%9B%E0%B8%B4%E0%B8%94 (ຂ້າພະເຈົ້າເຮັດແບບກດເຂົ້າເບິ່ງເລີຍບໍ່ເປັນ)ມີສອງອັນ http://th.wikipedia.org/wiki/%E0%B8%81%E0%B8%B2%E0%B8%A1%E0%B9%80%E0%B8%97%E0%B8%9E ກາມະລົມ ບໍ່ແມ່ນການມີອາລົມທາງເພດຫຼືຮ່ວມເພດທໍນັ້ນ ແຕ່ໝາຍເຖິງ ອາລົມຮັກ ອາລົມປາດຖະຫນາ ອາລົມພອໃຈ ອາລົມຢາກໄດ້ໃນສິ່ງທີ່ ເຫັນ ໄດ້ຍິນ ໄດ້ກິ່ນ ໄດ້ກິນ ແລະໄດ້ສຳຜັດ (ແຕ່ວ່າການນຳໃຊ້ ສ່ວນຫຼາຍເຂົ້າໃຈກັນວ່າ ຫມາຍເຖິງມີອາລົມທາງເພດ) ກາມະຄຸນ ມີ 5 ຢ່າງ ຄື ຮູບ ສຽງ ກິ່ນ ລົດ(ຣສ) ແລ້ວກະການສຳຜັດ ຍາມໜ່ວຍຕາເຫັນຮູບ ເກິດຄວາມພອໃຈ ເພິດເພິນ ມ່ວນຊື່ນ ເອິ້ນວ່າ ຮູປາລົມ ຫຼືອາລົມທາງຕາ (ກາມະລົມທາງຕາ ອື່ນໆ) ທັ້ງ 3 ຄຳນີ້ ບໍ່ແມ່ນຄຳໄທ ແຕ່ເປັນພາສາ ບາລີ ລ້ວນໆ ເລຍ ຈິງໆ ຍັງມີອີກ ກາມະພົບ ກາມະສຸກ ຂໍຂອບໃຈ
PHAS0UK ໗໓໙ ກະທູ້ ໙໔໕໙ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 12 ປີ ກ່ອນໜ້ານີ້ ແຕ່ລະຄໍາເຫັນຄັກຫຼາຍ
PHAS0UK ໗໓໙ ກະທູ້ ໙໔໕໙ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ o0o0 ຂຽນວ່າ... ພາສາລາວຍາກນໍ ,ເປັນຄົນລາວຍັງແປຍາກ ເຈົ້າແມ່ນຄົນໄທ ຫຼື ລາວ?
khamsavan ໔໑ ກະທູ້ ໑໑໑ ໂພສ ນັກການກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 12 ປີ ກ່ອນໜ້ານີ້ ຕາມຄວາມເຂົ້າໃຈຂອງຂ້າພະເຈົ້ານັ້ນ ສາມຄຳເຫຼົ່ານີ້ກ່ຽວພັນກັນແນ່ນອນ ທຸກຄຳຈະມີຄຳນຳໜ້າດ້ວຍ “ກາມ” ຫຼື “ກາມະ” ທັ້ງສິ້ນ ກາມະ+ເທບ= ກາມມະ+ເທພຫຼືເທວະ ກາມະ+ລົມ= ກາມ+ອາລົມ ກາມະ+ຄຸນ= ກາມະ+ຄຸນ ຈະຂໍລອງວິເຄາະຕາມຄວາມຮູ້ອັນໜ້ອຍຂອງຂ້າພະເຈົ້າທີ່ມີເບິ່ງ ກາມ ຫຼືກາມະ ໜ້າຈະເປັນພາສາບາລີສັນສະກິດ ເຊິ່ງແປວ່າ ຄວາມຕ້ອງການຕາມທຳມະຊາດຄວາມຮູ້ສຶກຄວາມຕ້ອງການທີ່ເປັນແບບນັ້ນເອງ -ກາມະເທບ ຄຳນີ້ ກໍ່ໝາຍເຖິງເທບຫຼືເທວະດາແຫ່ງຄວາມຮັກທີ່ເອົາຄວາມຮັກທີ່ໄດ້ຈາກກາມະຕົວນີ້ເປັນຕົວສື່ໃນຕົວມະນຸດ ເຊິ່ງກາມະເທບນີ້ ມີໃນນະວະນິຍາຍແລະຄັມພີສາສນາຄຣິສຕ໌ແລະສາສນາພຣາມ-ຮິນດູ -ກາມະລົມ ຄຳນີ້ກໍ່ໝາຍເຖິງອາລົມທາງຈິດຫຼືຄວາມຮູ້ສຶກອາລົມຄວາມປາດຖະໜາທີ່ມີຕໍ່ກາມວ່າເປັນແນວໃດເຊັ່ນ: ພໍໃຈ ສຸກ........ເປັນຕົ້ນ -ກາມຄຸນ ຄຳນີ້ກໍ່ໝາຍເຖິງ ຄຸນທັງ 5 ທີ່ໄປສ້າງໃຫ້ເກີດກາມໂດຍອາໃສອີກຕົວກະທົບເຊິ່ງກັນແລະກັນຄື: -ຕາກະທົບກັບຮູບ -ສຽງໄດຍິນດ້ວຍຫູ -ກິ່ນໄດ້ຮັບຮູ້ດ້ວຍດັງ -ລົດ(ຣສ)ໄດ້ຮູ້ດ້ວຍລິ້ນ -ກາຍຕ້ອງສຳພັດເພື່ອໃຫ້ເກີດຄວາມຮູ້ສຶກ ແລະກາມຄຸນນີ້ກໍ່ອາດສາມາດເພີ່ມໄດ້ອີກຕົວຄື ໃຈຈະຮັບຮູ້ໄດ້ໂດຍທັມມາລົມ ລວມເປັນ 6 ເຊິ່ງໃນຫຼັກນີ້ກໍ່ກົງກັບຄຳວ່າ ອາຍະຕະນະ 12 ນັ້ນເອງ
VirusInformation ໖໘ ກະທູ້ ໓໓໒໐ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 12 ປີ ກ່ອນໜ້ານີ້ ອືມ... ເຫັນດີຕາມນີ້ ແຮ່ໆເຮັດແບບບໍ່ເປືອງສະໜອງຄິດຫຍັງເລີຍເຮົາ ຮິຮິ ພຣະພຸດທະອົງກ່າວໄວ້ : ຫາກກິເລດເຮັດໃຫ້ເຮົາລົ້ມຫຼຽວໄດ້ສັນໃດ ທັມມະກໍ່ເຮັດໃຫ້ເຮົາເລີ່ມຕົ້ນໃໝ່ໄດ້ສັນນັ້ນ !
PHAS0UK ໗໓໙ ກະທູ້ ໙໔໕໙ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 12 ປີ ກ່ອນໜ້ານີ້ ພວກເຈົ້າຄືວ່າຮູ້ດີເນາະ ໄປຮຽນແຕ່ໃສຄຳສັບແນວນີ້

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.