ຂຽນເມື່ອ ຫລາຍກວ່າ 8 ປີ ກ່ອນໜ້ານີ້
ຕາມຄວາມເຫັນຂອງຂ້ອຍແມ່ນໃຊ້ໄດ້ທັງສອງແບບ
ຄຳວ່າ ຜູ້ ຕົ້ນຕໍແລ້ວແມ່ນການເອີ້ນເພດຊາຍ ຜູ້ ແມ່ ຜູ້ ເມັຽ
ແຕ່ຄຳວ່າ ຜູ້ ກໍ່ໄດ້ຖືກເອົາໃຊ້ເວົ້າໃຫ້ມີຄວາມໝາຍບໍ່ມີເພດວ່າ ຄົນ
ເຊັ່ນ ຜູ້ນັ້ນຜູ້ນີ້ (ຄົນນັ້ນຄົນນີ້)
ຜູ້ໃດ (ຄົນໃດ ໃຜ)
ເປັນຜູ້ເປັນຄົນ
ຜູ້ທີ່ໜຶ່ງ(ຄົນທີໜຶ່ງ)
ຜູ້ທຳອິດ
ດັ່ງນັ້ນ ຊາຍ ຍິງ ເຊິ່ງກໍ່ບອກເຖິງເພດຢູ່ແລ້ວ ຈະຕື່ມ ຜູ້ ໃສນຳກໍ່ບໍ່ໄດ້ເຮັດໃຫ້ສະຖານະທາງເພດປ່ຽນໄປ
ແຕ່ເຮັດໃຫ້ຄຳເວົ້ນມີນ້ຳໜັກຂື້ນທໍ່ນັ້ນ ຜູ້ຊາຍ ຄື ຄົນເພດຊາຍ ຜູ້ຍິງ ຄືຄົນເພດຍິງ
ຖ້າເວົ້າວ່າເພດຜູ້ ເພດແມ່ ໂຕຜູ້ໂຕແມ່ ຜູ້ ຈຶ່ງມີຄວາມໝາຍເຖິງເພດໂດຍກົງແບບບໍ່ຕ້ອງມີຄຳວ່າ ຊາຍ ຕື່ມອີກກໍ່ໄດ້
ແຕ່ທຸກມື້ນີ້ຄົນລາວເຊົາໃຊ້ຄຳວ່າ ຜູ້ ເອີ້ນເພດຂອງຄົນແລ້ວ
ສ່ວນຫຼາຍຈະຍັງເອີ້ນເພດຂອງສັດ ພືດ ແລະສິ່ງຂອງ ເຊັ່ນ ງົວໂຕຜູ້ ເກສອນໂຕຜູ້ ປັກໄຟໂຕຜູ້
ແລະ.... ຖ້າມີການເອົາຄຳວ່າ ຜູ້ ມາເວົ້າເຖິງເພດໃສ່ຄົນ ຈະເປັນທຳນອງຄຳເວົ້າສຽດສີຫລືຄຳດ່າດ່າຫຼາຍກວ່າ ເຊັ່ນ ບັກຜູ້ແມ່ (ກະເທີຍ)
|