- ຕຳນິຕິຕຽນ (ກະດານແຫ່ງການຮຽນຮູ້

ເວັບບອດພັນລາວ

ເວັບບອດພັນລາວ ເປັນກະດານສົນທະນາສຳລັບສະມາຊິກພັນລາວທຸກທ່ານ ທ່ານສາມາດຕັ້ງກະທູ້ເພື່ອສອບຖາມ ສະແດງ ແລະຂໍຄຳເຫັນຈະສະມາຊິກຄົນອື່ນ ໆ ຕະຫຼອດຈົນເຖິງການສົນທະນາທົ່ວ ໆ ໄປໄດ້ໃນເວັບບອດແຫ່ງນີ້. ຫາກຕ້ອງການແຈ້ງກະທູ້ຜິດກົດລະບຽບ ໃຫ້ໂພສໄດ້ທີ່ http://punlao.com/webboard/topic/3/index/288147/

ກະດານແຫ່ງການຮຽນຮູ້ » ພາສາ » ຕຳນິຕິຕຽນ

ariya ໓໙໒ ກະທູ້ ໒໑໑໔ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 15 ປີ ກ່ອນໜ້ານີ້ - ຕິຕຽນເຕາະຕ່ອຍຕ້ອງ........................ຕຶກຕອງ ໃຫ້ເຫັນທາງສອດສ່ອງ..........................ຈະແຈ້ງ ເປັນແວ່ນແຍງເຍືອງສ່ອງ........................ທາງເດີນ ເພື່ອໃຫ້ຊາດ ແລະຄົນຈະເຣີນ..................ກ້າວໜ້າ - ການຕິຕຽນເຕາະຕ່ອຍຕ້ອງຕາມຄອງ.......ຄິດດູ ຫາກແມ່ນທາງຕັກເຕືອນ.........................ເພື່ອຮູ້ ຕົນຕາຍພັນຊັ້ນຊາດຊົ່ວກັບກັນ..................ຕາມທ້ອນ ຊາດຢ່າຕາຍຕາມຕ້ອຍສູນຊິ້ນ...................ເຊື່ອມສູນ - ຕົນຈັກສູນເສັຍເຊື້ອວົງສາ.....................ເພາະໃບ້ ຊາດຕາຍຕາມນັ້ນ.................................ເສັຍສັກ ຊາດຍືນຍົງຢູ່ໝັ້ນ...................................ຈະເຣີນ ຄົນລາວຈະເຣີນຄູ່ໂລກກວ້າງປັນຍາກ້າວ.......ລາວຄົງ - ຄຳຕິ ຕິເພື່ອກໍ່.....................................ຈົ່ງຮູ້ ຕິເພື່ອແລ້ວປູ້ຖົດຖອຍປັນຍາ..................ຢ່າຍອມ ຕິເພື່ອສ້າງຄຸນຄ້ຳຄູນຄວາມຮູ້......................ຍອມຮັບ ນັ້ນຄືປັນຍາຍອດຄົນລາວພ້ອມ.....................ເທີດທູນ *ອະດີດເປັນຂອງຜີ ປັດຈຸບັນນີ້ເປັນຂອງເຮົາ ອະນາຄົດເປັນຂອງເຂົາ* ສາຍເຊລຳເພົາ ໑, ສາຍເຊລຳເພົາ ໒
ThaoK ໒໘ ກະທູ້ ໓໓໒໕ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ ນີ້ແມ່ນ ກອນວິດສຸມາລີບໍ ອາຈານ?
Joehunt ໗໕ ກະທູ້ ໒໐໘໙ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ ໂອອອອອ ຕາມຫາທີມເວີກເປົ້າໝາຍດຽວກັນເພື່ອເປັນມະຫາເສດຖີນຳກັນ
ariya ໓໙໒ ກະທູ້ ໒໑໑໔ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ ແມ່ນຫັ້ນຕິ *ອະດີດເປັນຂອງຜີ ປັດຈຸບັນນີ້ເປັນຂອງເຮົາ ອະນາຄົດເປັນຂອງເຂົາ* ສາຍເຊລຳເພົາ ໑, ສາຍເຊລຳເພົາ ໒
ThaoK ໒໘ ກະທູ້ ໓໓໒໕ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ ຫາກໃນການຕິຕ້ອງ........ເຕຶອນກັນ ຫາກມີແນວດີຝັ້ນ............ບໍ່ແກ້ງ ບໍ່ໜາຍມຸ້ງໃຈໜັ້ນ...........ທິມແທງ ເພຶ່ອຂັນຊິງແຂ່ງແຍ້ງ.......ແບ່ງຊັ້ນຕໍ່ກັນ ກໍວ່າດີ ແທ້ດາຍ.
ariya ໓໙໒ ກະທູ້ ໒໑໑໔ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ ThaoK ຂຽນວ່າ... ຫາກໃນການຕິຕ້ອງ........ເຕຶອນກັນ ຫາກມີແນວດີຝັ້ນ............ບໍ່ແກ້ງ ບໍ່ໜາຍມຸ້ງໃຈໜັ້ນ...........ທິມແທງ ເພຶ່ອຂັນຊິງແຂ່ງແຍ້ງ.......ແບ່ງຊັ້ນຕໍ່ກັນ ກໍວ່າດີ ແທ້ດາຍ. ສຸດຍອດສຸດຍອດຮູ້........................ຕີຄວາມ ສາທະຍາຍກວາມພາບລວມ...........ເກ່ງແທ້ ທັງຊຳນານສຳນວນກອນ...............ຄັກແນ່ ຈົ່ງຮັກສາແນວທາງແລະທາດແທ້....ໃຫ້ຍົງ *ອະດີດເປັນຂອງຜີ ປັດຈຸບັນນີ້ເປັນຂອງເຮົາ ອະນາຄົດເປັນຂອງເຂົາ* ສາຍເຊລຳເພົາ ໑, ສາຍເຊລຳເພົາ ໒
ThaoK ໒໘ ກະທູ້ ໓໓໒໕ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 15 ປີ ກ່ອນໜ້ານີ້ ຈົ່ງບອກເຕຶອນໃຫ້ຮູ້............ຍາມເຫັນ ບໍ່ມີໃຜເກິດເປັນ...............ນັກປຼາສ ໃຫ້ຫ່ າງໝີຫຼີກເວັ້ນ...........ປະໜາດ ຊ່ອຍບອກຄົນໃນຊາດ........ຢ່າຄິດຂ້ອງຮ່ຳຮອງ ຕໍ່ກັນ.
OleTer ໑໒ ກະທູ້ ໗໘໐ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ oh oh....cool ສິ່ງທີ່ຢາກເຮັດຈົ່ງລົງມືເຮັດ ຢ່າປ່ອຍໃຫ້ໂອກາດຜ່ານໄປ
ariya ໓໙໒ ກະທູ້ ໒໑໑໔ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ ບອກເຕືອນຫຼາຍແບບແທ້................ຄວນຈຳ ເຕືອນແບບຈຳນຳ..........................ອ່ອນຊ້ອຍ ເດືອນແບບເອົາຄ້ອນຕີ...................ຕະປູ ເຕືອນແບບຟ້າຟາດຕ້ອງພູຜາ.........ແນ່ແທ້ *ອະດີດເປັນຂອງຜີ ປັດຈຸບັນນີ້ເປັນຂອງເຮົາ ອະນາຄົດເປັນຂອງເຂົາ* ສາຍເຊລຳເພົາ ໑, ສາຍເຊລຳເພົາ ໒
Pman ໑໗ ກະທູ້ ໑໗໑ ໂພສ ນັກການກະທູ້	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ ຂພຈ ຍັງບໍ່ເກັ່ງພາສາລາວປ່ານໃດ ຈະພະຍາຍາມອ່ານໄປທຳຄວາມເຂ້າໃຈໄປນຳ - - ພິມກໍ່ຍັງບໍ່ຖຶກ ຮ່າຮ່າ
ThaoK ໒໘ ກະທູ້ ໓໓໒໕ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ ຫາກໃຜຖາມຢາກຮູ້..........ເພິ່ນວ່າ ຈົ່ງໃຫ້ຂ່າວຂາວຄືຜ້າ.........ແທ້ໆ ບໍ່ບິດເບຶອນຢ່າຫາ..............ຄຳແຜ່ ລ່າຍພາງຫາທາງແກ້..........ເຊຶ່ອງຂວັ້ນຄວາມຈິງ ທ່ານເອິຍ.
ariya ໓໙໒ ກະທູ້ ໒໑໑໔ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ ຕັກເຕືອນຕິດຕາມເລື່ອງ......................ຈົດຈຳ ຄິດໄຄ່ຄວນຕາມຕິດຄິດນຳ.................,ເພື່ອຮູ້ ຈິດເຈດໃຈຕັ້ງຕໍ່ບໍ່ອື້ງອຳ.......................ພ່ຳສູ້ ຕັ້ງໃຈຢູ່ແນວທາງສູ້..............................ສຶກສາ *ອະດີດເປັນຂອງຜີ ປັດຈຸບັນນີ້ເປັນຂອງເຮົາ ອະນາຄົດເປັນຂອງເຂົາ* ສາຍເຊລຳເພົາ ໑, ສາຍເຊລຳເພົາ ໒
Noflyman ໑ ກະທູ້ ໒໒໓ ໂພສ ນັກການກະທູ້	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ ຮ່າຮ່າ....ມ່ວນເນາະ....
ariya ໓໙໒ ກະທູ້ ໒໑໑໔ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ ຫັດແຕ່ງ *ອະດີດເປັນຂອງຜີ ປັດຈຸບັນນີ້ເປັນຂອງເຮົາ ອະນາຄົດເປັນຂອງເຂົາ* ສາຍເຊລຳເພົາ ໑, ສາຍເຊລຳເພົາ ໒

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.