- ຄຳບູຮານວ່າ "ຫາບບໍ່ໜັກ, ຕັກບໍ່ເຕັມ, ເຄັມບໍ່ຈືດ, ມືດບໍ່ແຈ້ງ" ໝາຍຄວາມວ່າແນວໃດ ? (ກະດານແຫ່ງການຮຽນຮູ້

ເວັບບອດພັນລາວ

ເວັບບອດພັນລາວ ເປັນກະດານສົນທະນາສຳລັບສະມາຊິກພັນລາວທຸກທ່ານ ທ່ານສາມາດຕັ້ງກະທູ້ເພື່ອສອບຖາມ ສະແດງ ແລະຂໍຄຳເຫັນຈະສະມາຊິກຄົນອື່ນ ໆ ຕະຫຼອດຈົນເຖິງການສົນທະນາທົ່ວ ໆ ໄປໄດ້ໃນເວັບບອດແຫ່ງນີ້. ຫາກຕ້ອງການແຈ້ງກະທູ້ຜິດກົດລະບຽບ ໃຫ້ໂພສໄດ້ທີ່ http://punlao.com/webboard/topic/3/index/288147/

ກະດານແຫ່ງການຮຽນຮູ້ » ພາສາ » ຄຳບູຮານວ່າ "ຫາບບໍ່ໜັກ, ຕັກບໍ່ເຕັມ, ເຄັມບໍ່ຈືດ, ມືດບໍ່ແຈ້ງ" ໝາຍຄວາມວ່າແນວໃດ ?

ariya ໓໙໒ ກະທູ້ ໒໑໑໔ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ ຄຳບູຮານວ່າ "ຫາບບໍ່ໜັກ, ຕັກບໍ່ເຕັມ, ເຄັມບໍ່ຈືດ, ມືດບໍ່ແຈ້ງ" ໝາຍຄວາມວ່າແນວໃດ ? ຫາບບໍ່ໜັກ = ຄືບຸນ ແລະວິຊາຄວາມຮູ້ ຕັກບໍ່ເຕັມ = ຄວາມໂລບ ຢາກໄດ້ບໍ່ມີເຕັມຈັກເທື່ອ ໄດ້ແລ້ວກໍໄດ້ອີກ ເຄັມບໍ່ຈີດ = ຄຸນງາມຄວາມດີ ທີ່ທຳແລ້ວ. ມືດບໍ່ແຈ້ງ = ໄດ້ແກ່ຄວາມບໍ່ຮູ້ແຈ້ງ ຫຼືອະວິຊຊາ ແລະຄວາມຫຼົງໄຫຼມົວເມົາ ແລະຄວາມອວດໂຕໂອຫັງ . ເຊິ່ງອະທິບາຍໃຫ້ໄດ້ເນື້ອຄວາມ ດັ່ງລຸ່ມນີ້ ໑. ຫາບບໍ່ໜັກ: ໄດ້ແກ່ບຸນ ຫຼືວິຊາຄວາມຮູ້ຕ່າງໆ ທີ່ມີຢູ່ຢ່າງບໍ່ຈັກໝົດສິ້ນ ຄົນຜູ້ສະແຫວງຫາເອງ ກໍບໍ່ຈຳເປັນຕ້ອງແບບຫາບ ເມື່ອໄດ້ມາແລ້ວກໍບໍ່ໄດ້ແບກ ຫາບຫຼືຖືໄວ້ກະບໍ່ໜັກ ມີແຕ່ອຸດົມສົມບູນເພີ່ມພູນຂຶ້ນໃນໃນຊີວິດ ແນວຄິດແລະການກະທພຂອງເຂົາຄົນນັ້ນ, ກາຍເປັນຜູ້ມີມັນສະໝອງ ແລະອຸດົມສົມບູນພອກພູນປັນ ຍາຂຶ້ນຕື່ມຊັກໃຊ້ ເມື່ອເຖິງຄາວເອົາອອກມາໃຊ້ກໍໃຊ້ໄດ້ເລີຍ ບໍ່ມີອັນຍາກອັນຊາ ຫຼືຜູ້ມີບຸນບຸນນັ້ນມັນກະຢູ່ຄູຕົວເຮົາບໍ່ໜັກບໍ່ໜາ ຜູ້ມີບຸນກໍເບົາກາຍເບົາໃຈ ເມື່ອໄພມາເຖິງບຸນນັ້ນກໍປົກປ້ອງຄຸ້ມຄອງໄດ້ ສະນັ້ນຄວາມຮູ້ວິຊາການ ແລະບຸນຍະສົມພານນີ້ຫາກບໍ່ໜັກ. ໒. ຕັກບໍ່ເຕັມ: ໄດ້ແກ່ຄວາມໂລບ ອັນເປັນຄວາມຕ້ອງຢາກໄດ້ໂດຍບໍ່ມີທີ່ສິ້ນສຸດ ມະນຸດເຮົາຍິ່ງມີ ຍິ່ງຢາກໄດ້ໂດຍບໍ່ມີເມືອງພໍ ອັນນີ້ເຮົາບໍ່ຈຳເປັນຕ້ອງອະທິ ບາຍໃຫ້ຫຼາຍ ເພາະປະສົບການທີ່ພວກເຮົາເຈົ້າທ່ານປະສົບພົບພໍ້ກັນທຸກວັນນີ້ ກໍຫຼາຍເກີນທີ່ຈະບັນຍາຍແລ້ວ. ໓. ເຄັມບໍ່ຈືດ: ໄດ້ແກ່ຄຸນງາມຄວາມດີ ທີ່ບຸກຄົນໄດ້ທຳໄວ້ດີແລ້ວ ຍ່ອມສາມາດຄົງທົນຢູ່ຢ່າງນັ້ນເໝືອນດັ່ງເກືອຮັກສາຄວາມເຄັມສັນໃດ, ເຄັມໃນທີ່ນີ້ ໝາຍເຖິງ ຄົນທີ່ດີ ແລະຄົນທີ່ທຳບຸນໄວ້ແລ້ວ ແມ່ນສະພາວະການຈະປ່ຽນແປງໄປເຊັ່ນໃດ ຄົນຜູ້ນັ້ນຈະບໍ່ອັນຕະຣະທານໄປກັບສະພາບການ ປ່ຽນແປງ ດັ່ງກັບເກືອ ທີ່ຢູ່ໃນຖົງ ກັບເກືອທີ່ແທລົງຈອກນຳ້ແລ້ວ ມັນກໍຍັງມີຄວາມເຄັມຢູ່ ຫຼາຍຫຼືນ້ອຍ ກໍຢູ່ທີ່ປະຣິມານຂອງເກືອ ແລະນຳ້. ໔. ມືດບໍ່ແຈ້ງ: ໄດ້ແກ່ຄວາມບໍ່ຮູ້ແຈ້ງ ຫຼືອະວິຊຊາ ແລະຄວາມຫຼົງໄຫຼມົວເມົາ ແລະຄວາມອວດໂຕໂອຫັງ ນອກຈາກບໍ່ສາມາດທີ່ຈະໃຫ້ຜູ້ນັ້ນ ເຫັນແຈ້ງໃນທັມ ໃນຊີວິດແລ້ວ ຍັງຕ້ອງທຳລາຍໃຫ້ຄົນຜູ້ນັ້ນຕ້ອງເສື່ອມຊາມ ແລະອັນຕະຣະທານໄປໃນທີ່ສຸດໄດ້, ບໍ່ສະເພາະແຕ່ຕົວເຂົາ ຄອບຄົວ ສັງຄົມ ແລະປະເທດຊາດບ້ານເມືອງ ກໍຈັກຕ້ອງຕົກຕ່ຳລຳພອຍໄປກັບຄວາມມືດບອຂອງເຂົາດ້ວຍ. - ທັງໝົດນີ້ ຈຶ່ງເປັນອະມະຕະວາຈາ ທີ່ຄົນລາວບູຮານໄດ້ຝາກໄວ້ຢ່າງປິດສະໜາ ສອນລູກສອນຫຼານລາວໃຫ້ການເປັນຄົນມີຄວາມຮູ້ປົກປ້ອງຕົນ ຄົນ ແລະຊາດມາໄດ້ເຫິງນານ ຫາກຄົນປັດຈຸບັນຍັງບໍ່ທັນມອງເຫັນຄຳບູຮານເລັກໆນ້ອຍນີ້ວ່າເປັນຂອງດີແລ້ວ ລາວເຮົາກໍຈະກາຍເປັນພຽງແຕ່ຊື່ປະດັບໂລກ ໂດຍປາສະຈາກຄຸນນະໂຫຍດໃດໆ ຫາກຄົນລາວຍັງເຫັນວ່າຄົນບູຮານ ແລະຄະຕິບູຮານເປັນຂອງລ້າສະໄໝແລ້ວ ບໍ່ນຳເອົາສິ່ງເລົ່ານີ້ມາວິໄຈ ວິຈານ ເພື່ອພັດທະນາຕົນ ຄົນ ແລະຊາດແລ້ວ ມີແຕ່ປ່ອຍໃຫ້ອະວິຊາ ຕັນຫາ ແລະຄວາມມືດບອດເຂົ້າຄອບງຳ ຊາດລາວເຮົາຄົງຈະເປັນສິ່ງທີ່ຊາດອື່ນດູຖູກເອົາໄວ້ ແລ້ວມີແຕ່ຄຽດແຕ່ບໍ່ຈັກຄິດ ຊີວິດກໍເສົ້າໝອງ ແລ້ວລະນານວນນາ. *ອະດີດເປັນຂອງຜີ ປັດຈຸບັນນີ້ເປັນຂອງເຮົາ ອະນາຄົດເປັນຂອງເຂົາ* ສາຍເຊລຳເພົາ ໑, ສາຍເຊລຳເພົາ ໒
MightyM33 ໒ ກະທູ້ ໕໓໘ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ ooohhh ຄວາມຈິງກັບຄວາມຝັນບໍ່ມີວັນຈະບັນຈົບກັນ
ariya ໓໙໒ ກະທູ້ ໒໑໑໔ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ ທີ່ໃຫ້ມານັ້ນ ຄືຄວາມຈິງ ທີ່ຄິດອອກມາຈາກສະໝອງ ບໍ່ແມ່ນຄວາມຝັນແມ່ນແຕ່ໜ້ອຍດຽວ(ທີ່ນຳມາສະເໜີນັ້ນ ຄືຣົດແຫ່ງພາສາລາວ ຫາກບໍ່ໃຄ່ ຄວນມັນກໍມືດແປດດ້ານ ຕົກຢູ່ໃນປິດສະໜາແຫ່ງພາສາ ຂໍ້ທີ ໔ ນັ້ນແລ) *ອະດີດເປັນຂອງຜີ ປັດຈຸບັນນີ້ເປັນຂອງເຮົາ ອະນາຄົດເປັນຂອງເຂົາ* ສາຍເຊລຳເພົາ ໑, ສາຍເຊລຳເພົາ ໒
TOoooOOOOO ໑ ກະທູ້ ໕໗໔ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ yeahhhhhhh.. ຈຸດຢືນຂອງຄົນເຮົາແມ່ນ...ຝາ....
au8ust ໗໘ ກະທູ້ ໑໒໑໓ ໂພສ ຜູ່ເບິ່ງແຍງເວັບບອດ	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ ariya ຂຽນວ່າ... ທີ່ໃຫ້ມານັ້ນ ຄືຄວາມຈິງ ທີ່ຄິດອອກມາຈາກສະໝອງ ບໍ່ແມ່ນຄວາມຝັນແມ່ນແຕ່ໜ້ອຍດຽວ(ທີ່ນຳມາສະເໜີນັ້ນ ຄືຣົດແຫ່ງພາສາລາວ ຫາກບໍ່ໃຄ່ ຄວນມັນກໍມືດແປດດ້ານ ຕົກຢູ່ໃນປິດສະໜາແຫ່ງພາສາ ຂໍ້ທີ ໔ ນັ້ນແລ) ອັນນັ້ນ ອັນຂໍ້ຄວາມກ້ອງຄຳວ່າ Signature ອັນນັ້ນເປັນລາຍເຊັນ ບໍ່ກ່ຽວກັບເນື້ອຫາທີ່ຂຽນເດີ້ ດຽວຊິຫລົງຄຶດວ່າ M33 ຕອບແນວນັ້ນ ຄວາມຈິງລາວຕອບສັ້ນ ໆ ແຖວດຽວ ແຕ່ລາຍເຊັນສອງແຖວ ກ່ຽວກັບລາຍເຊັນ ເບິ່ງໃນ http://punlao.com/webboard/settings
ariya ໓໙໒ ກະທູ້ ໒໑໑໔ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ ທົດລອງໃຊ້ລາຍເຊັນ *ອະດີດເປັນຂອງຜີ ປັດຈຸບັນນີ້ເປັນຂອງເຮົາ ອະນາຄົດເປັນຂອງເຂົາ* ສາຍເຊລຳເພົາ ໑, ສາຍເຊລຳເພົາ ໒
ariya ໓໙໒ ກະທູ້ ໒໑໑໔ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ ຂອບໃຈ ທ່ານເດືອນ ໘ ສ່ວນ MightyM33 ຕອບໃຫ້ແລ້ວເດີວ່າ ຄວາມຝັນເປັນເຊັ່ນໃດ ? *ອະດີດເປັນຂອງຜີ ປັດຈຸບັນນີ້ເປັນຂອງເຮົາ ອະນາຄົດເປັນຂອງເຂົາ* ສາຍເຊລຳເພົາ ໑, ສາຍເຊລຳເພົາ ໒
ariya ໓໙໒ ກະທູ້ ໒໑໑໔ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ ariya ຂຽນວ່າ... ທີ່ໃຫ້ມານັ້ນ ຄືຄວາມຈິງ ທີ່ຄິດອອກມາຈາກສະໝອງ ບໍ່ແມ່ນຄວາມຝັນແມ່ນແຕ່ໜ້ອຍດຽວ(ທີ່ນຳມາສະເໜີນັ້ນ ຄືຣົດແຫ່ງພາສາລາວ ຫາກບໍ່ໃຄ່ ຄວນມັນກໍມືດແປດດ້ານ ຕົກຢູ່ໃນປິດສະໜາແຫ່ງພາສາ ຂໍ້ທີ ໔ ນັ້ນແລ) *ອະດີດເປັນຂອງຜີ ປັດຈຸບັນນີ້ເປັນຂອງເຮົາ ອະນາຄົດເປັນຂອງເຂົາ* ສາຍເຊລຳເພົາ ໑, ສາຍເຊລຳເພົາ ໒
ariya ໓໙໒ ກະທູ້ ໒໑໑໔ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ MightyM33 ຂຽນວ່າ... ooohhh ເວົ້າຢອກເດີ ຄວາມຝັນຈັ່ງໃດມັນກໍຝັນ, ຫຼັບຝັນບໍ່ເຖິງວັນມັນກໍສິ້ນສຸດ ຫາກຢືນຝັນນັ້ນບໍ່ມີວັນສິ້ນສຸດ ອິອິອິ ເວົ້າຢອກ *ອະດີດເປັນຂອງຜີ ປັດຈຸບັນນີ້ເປັນຂອງເຮົາ ອະນາຄົດເປັນຂອງເຂົາ* ສາຍເຊລຳເພົາ ໑, ສາຍເຊລຳເພົາ ໒
Bambina ໒ ກະທູ້ ໑໘໘ ໂພສ ນັກການກະທູ້	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ ເຫ່ເຫ່ ອ້າງເຖິງຂໍ້ຄວາມຈາກ au8ust ຂຽນວ່າ... ອ້າງເຖິງຂໍ້ຄວາມຈາກ ariya ຂຽນວ່າ... ທີ່ໃຫ້ມານັ້ນ ຄືຄວາມຈິງ ທີ່ຄິດອອກມາຈາກສະໝອງ ບໍ່ແມ່ນຄວາມຝັນແມ່ນແຕ່ໜ້ອຍດຽວ(ທີ່ນຳມາສະເໜີນັ້ນ ຄືຣົດແຫ່ງພາສາລາວ ຫາກບໍ່ໃຄ່ ຄວນມັນກໍມືດແປດດ້ານ ຕົກຢູ່ໃນປິດສະໜາແຫ່ງພາສາ ຂໍ້ທີ ໔ ນັ້ນແລ) ອັນນັ້ນ ອັນຂໍ້ຄວາມກ້ອງຄຳວ່າ Signature ອັນນັ້ນເປັນລາຍເຊັນ ບໍ່ກ່ຽວກັບເນື້ອຫາທີ່ຂຽນເດີ້ ດຽວຊິຫລົງຄຶດວ່າ M33 ຕອບແນວນັ້ນ ຄວາມຈິງລາວຕອບສັ້ນ ໆ ແຖວດຽວ ແຕ່ລາຍເຊັນສອງແຖວ ກ່ຽວກັບລາຍເຊັນ ເບິ່ງໃນ http://punlao.com/webboard/settings ຄຳຂໍໂທດອາດຈະບໍ່ໄດ້ຮັບການອະໄພສະເໝີໄປ
ariya ໓໙໒ ກະທູ້ ໒໑໑໔ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 15 ປີ ກ່ອນໜ້ານີ້ ແມ່ນອີຫຼີ ໃຜມາຂໍໂທດ ບໍ່ເຄີຍໃຫ້ໃຜເລີຍ ອິອິ *ອະດີດເປັນຂອງຜີ ປັດຈຸບັນນີ້ເປັນຂອງເຮົາ ອະນາຄົດເປັນຂອງເຂົາ* ສາຍເຊລຳເພົາ ໑, ສາຍເຊລຳເພົາ ໒
Noyys ໑໒ ກະທູ້ ໙໑ ໂພສ ນັກການກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ຊີວິດຂອງຂ້ອຍ
zuzuki ໕໕ ກະທູ້ ໔໓໕໒ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ນັກສຶກສາ ປັນຍາຊົນ ຄົນແຫ່ງສະຕະວັດທີ 21 ເຫັນແກ່ຕົວສຸດໆໆໆໆໆໆໆໆໆໆໆໆໆໆໆໆໆໆໆໆ
thailove ໒ ກະທູ້ ໑໖໗໗ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້
One2 ໐ ກະທູ້ ໑໔໕໖ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ຮາໆໆໆໆ
93 ໔ ກະທູ້ ໘໙ ໂພສ ຂາປະຈຳເວັບບອດ	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ A men...
khommunistlaos ໐ ກະທູ້ ໒໖໒ ໂພສ ນັກການກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ຂອບໃຈ ຫຼາຽໆ!!!
ariya ໓໙໒ ກະທູ້ ໒໑໑໔ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ Amthone ຂຽນວ່າ... ຂອບໃຈ ຫຼາຽໆ!!! ດີໆໆໆ *ອະດີດເປັນຂອງຜີ ປັດຈຸບັນນີ້ເປັນຂອງເຮົາ ອະນາຄົດເປັນຂອງເຂົາ* ສາຍເຊລຳເພົາ ໑, ສາຍເຊລຳເພົາ ໒
Daopilavong ໖ ກະທູ້ ໑໐໖ ໂພສ ນັກການກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ມັກຄຳວ່າບຸນ

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.