ສັບ slang ທີ່ພົບເຫັນກັນໃນການໃຊ້ພາສາລາວໃນອິນເຕີເນັທ໌.
ບໍ່ມີຫຍັງເຮັດຊ່ວງນີ້ຫວ່າງກະເລີຍລວບລວມຄຳສັບທີ່ໄວລຸ້ນລາວທີ່ຫຼິ້ນອິນເຕີເນັທ໌ມັກໃຊ້.

# ອາເມກາ
ຄຳວ່າ "ອາເມກາ" ນັ້ນໄດ້ກາຍມາເປັນພາສາເວົ້າທີ່ໄດ້ຮັບການນິຍົມໃຊ້ແລະພົບເຫັນກັນຫຼາຍໃນພາສາເວົ້າແລະຢູ່ໃນ
ອິນເຕີເນັທ໌ກໍພົບເຫັນເຊັ່ນກັນ. ອາເມກາແມ່ນມາຈາກຄຳວ່າ ອາເມຣິກາ ຫຼື ອາເມລິການັ້ນເອງ. ເຊິ່ງຂຽນກ່າຍສຽງມາ
ຈາກຄຳວ່າ America ໃນພາສາອັງກິດເຊິ່ງມີຄວາມໝາຍໃນພາສາລາວແປວ່າປະເທດອາເມຣິກາ. ສາເຫດທີ່ເກີດມີ
ການໃຊ້ຄຳວ່າ ອາເມກາ ແທນທີ່ຈະໃຊ້ວ່າ ອາເມຣິກາ ຫຼື ອາເມລິກາ ກໍຍ້ອນວ່າຮູບຄຳເຕັມ ນັ້ນມີ 4
ພະຍາງດ້ວຍກັນ, ແຕ່ຄຳວ່າ ອາເມກາ ມີ 3 ພະຍ່າງ. ດັ່ງນັ້ນການອອກສຽງກໍຈະງ່າຍກວ່າກັນ. ແລະອີກຢ່າງໜຶ່ງແມ່ນຍ້ອນ
ມີການລື້ງເຄີຍເວົ້າຕິດປາກກັນມາແລະເວົ້າອີກຢ່າງໜຶ່ງກໍຄືຜູ້ທີ່ເວົ້າຄຳວ່າອາເມການັ້ນຈະມີລີ້ນຂີ້ຄ້ານ. ທັງໝົດນີ້ເຮັດ
ໃຫ້ອອກສຽງໄດ້ງ່າຍກວ່າຮູຍຄຳເຕັມ. ແຕ່ສິ່ງທີ່ໜ້າແປກກໍຄືເມື່ອເຮົາເວົ້າວ່າ ອາເມກາ ແຕ່ສຽງທີ່ອອກ
ມາຊ້ຳພັດຄ້າຍຄືກັນກັບຮູບຄຳເຕັມ. ເຊິ່ງເຮັດໃຫ້ຜູ້ຟັງສາມາດເຂົ້າໃຈໄດ້ວ່າໝາຍເຖິງ ອາເມຣິກາ ຫຼື ອາເມລິ
ການັ້ນເອງ. (ລອງເວົ້າແລ້ວກໍລອງຟັງເບິ່ງ).

# "ແລ້ວ" ປ່ຽນມາເປັນ "ແວ້ວ"
ຄຳວ່າ "ແລ້ວ" ປ່ຽນມາເປັນ "ແວ້ວ" ທີ່ພົບເຫັນໃນພາສາເວົ້າແລະໃນອິນເຕີເນັທ໌ເຊັ່ນກັນ (ສ່ວນຫຼາຍມັກພົບເຫັນໃນ
ກະດານຂຽນທີ່ຜູ້ຂຽນເລືອກທີ່ຈະບໍ່ຂຽນໃຫ້ຖືກຫຼັກໄວຍະກອນແຕ່ຈະໃຊ້ກະດານເປັນບ່ອນສົ່ງຜ່ານພາສາເວົ້າທີ່ຜູ້ເວົ້າຢາກ
ສື່ອອກມາ. ເວົ້າງ່າຍໆກໍຄືຖ່າຍທອດຄຳທີ່ເວົ້າຈາກປາກລົງໃນກະດານ ແລະ ກະດານທີ່ວ່ານັ້ນກໍໄດ້ແກ່ຂໍ້ຄວາມໃນໂທລະ
ສັບ, ກ່ອງຄັອມເມັນທ໌, ຂໍ້ຄວາມໃນໂປຣໄຟລ໌,ໂປຣແກຣມແຊທ໌, ຫ້ອງແຊັທ໌ຕ່າງໆເປັນຕົ້ນ. ເຊິ່ງການປ່ຽນແປງແບບນີ້ແມ່ນ
ເນື່ອງມາຈາກຜູ້ທີ່ເວົ້າຄຳນີ້ບໍ່ຢາກມີຂໍ້ຈຳກັດໃນການເວົ້າຕາມຄຳທີ່ຖືກຫຼັກໄວຍະກອນແລະຢາກສື່ອາລົມ ສື່ຄວາມຮູ້ສຶກໄປ
ນຳຄຳທີ່ຕົນຈິນຕະນາການຢາກໃຫ້ເປັນ. ເຊິ່ງອາລົມທີ່ວ່າໃນທີ່ນີ້ແມ່ນອາລົມໃນທຳນອງທີອາລົມດີແລະອອກທຳນອງທີ່
ຕາຫຼົກ. ເຊັ່ນ ເມື່ອຜູ້ເວົ້າມີອາລົມດີ ຫຼື ອາລົມທີ່ຢາກສື່ເຖິງຄວາມຕາຫຼົກມັກຈະປ່ຽນຄຳວ່າ "ແລ້ວ" ມາເປັນ "ແວ້ວ"
ຕົວຢ່າງ: ແມ່ນແວ້ວ. ຫຼື ມາແວ້ວ ເປັນຕົ້ນ.
ໝາຍເຫດ: ສິ່ງດັ່ງກ່າວບໍ່ໄດ້ໝາຍຄວາມວ່າຄົນທີ່ອາລົມດີຈະໃຊ້ແຕ່ຄຳດັ່ງກ່າວ. ການທີ່ບໍ່ປຽນຮູບຄຳຈາກ "ແລ້ວ"
ມາເປັນ "ແວ້ວ" ກໍໃຊ້ໄດ້ເຊັ່ນກັນ.

# "ໄດ໋" ປ່ຽນມາເປັນ "ດ໋ອຍ"
ຄຳທີ່ວ່າ "ດ໋ອຍ" ທີ່ມາຈາກ "ໄດ໋" ນັ້ນກໍຄືກັນກັບ "ແລ້ວ" ປ່ຽນມາເປັນ "ແວ້ວ" ທີ່ໄດ້ກ່າວມາແລ້ວນັ້ນ. ອາລົມທີ່ວ່າໃນທີ່
ນີ້ແມ່ນອາລົມດີ. ນອກຈາກນີ້ແລ້ວ ຜູ້ເວົ້າຈະຢູ່ໃນທຳນອງທີ່ຢາກສື່ຄວາມໜ້າຮັກໄປກັບຄຳເວົ້າແລະຢາກໃຫ້ຄວາມໜ້າ
ຮັກທີ່ສື່ໄປກັບຄຳເວົ້ານັ້ນມີຜົນຍ້ອນກັບສູ່ຕົວເອງເມື່ອຜູ້ຟັງຫຼືຜູ້ອ່ານໄດ້ຮູ້ຍິນຫຼືໄດ້ເຫັນກໍສາມາດຮູ້ສຶກໄດ້.
ຕົວຢ່າງ: ເອັມ: ສົ່ງຂໍ້ຄວາມມາຫາລິນດາວ່າ: ເຈົ້າໜ້າຮັກແທ້!
ລິນດາ: ສົ່ງຂໍ້ຄວາມຕອບ: ບໍ່ດ໋ອຍ ^^
ເຫຼົ່ານີ້ເປັນຕົ້ນ. ຄັນຢາກຮູ້ວ່າໜ້າຮັກສ່ຳດ໋ອຍກະລອງເວົ້າເບິ່ງນໍ. ຊິໄດ້ຮູ້ວ່າໜ້າຮັກຊ່ຳດ໋ອຍ ^^.

# "ບໍ່ຮູ້ລະ" ປ່ຽນມາເປັນ "ບຸລະ"
ຄືກັນກັບຂໍ້ "ໃດ໋" ປ່ຽນມາເປັນ "ດ໋ອຍ"ແລະ "ອາເມກາ" ທີ່ກ່າວມາຂ້າງເທິງນີ້. ແລະຂໍ້ນີ້ເອງກໍສື່ອາລົມໄດ້ໜ້າຮັກໂຄດໆ
ເລີຍ.
ຍົກຕົວຢ່າງ: ແທນທີ່ຈະເວົ້າວ່າ ຮຸ໋! ຈັກເວົ້າຫຍັງບໍ່ຮູ້ລະ ກໍກາຍມາເປັນ ຮຸ໋! ຈັກເວົ້າອີຫຍັງບຸລະ. ສື່ອາລົມໄດ້ໜ້າຮັກ
ໂຄດໆເລີຍ. ຢາກຮູ້ວ່າໜ້າຮັກສ່ຳໃດກະລອງເວົ້າເບິ່ງ 555. ໜ້າແປກອີກຄັ້ງກໍຄືເມື່ອເວົ້າວ່າ ບຸລະ ສຽງທີ່ອອກມາກໍຄ້າຍໆ
ຄືກັບບໍ່ຮູ້ລະ. ຜູ້ຟັງທີ່ຫຼືຜູ້ທີ່ໄດ້ອ່ານອ່ານທີ່ເປັນກຸ່ມ slang ກໍຟັງກັນເຂົ້າໃຈວ່າໝາຍເຖິງ "ບໍ່ຮູ້ລະ" ນັ້ນເອງ.


# "ເດີ" ປ່ຽນມາເປັນ "ດາ"
ຄືກັນກັບສາມຂໍ້ທີ່ໄດ້ເວົ້າມາ. ນອກຈາກນີ້ແລ້ວການທີ່ປ່ຽນຄຳວ່າ"ເດີ" ມາເປັນ "ດາ" ນັ້ນເຊິ່ງຜູ້ທີ່ເວົ້າຄຳນີ້ກໍຍັງສື່ໃຫ້ເຫັນ
ວ່າຜູ້ທີ່ເວົ້າຄຳນີ້ຄືກັນກັບຝຣັ່ງເວົ້າລາວບໍ່ຖ້ອງ.
ຕົວຢ່າງ: ກິນນຳແນ່ດາ, ກິນນຳກັນດາເປັນຕົ້ນເຊິ່ງການໃຊ້ແບບນີ້ກໍມັກພົບເຫັນໃນ pasa karaoke ເມື່ອຜູ້ຂຽນເລືອກ
ທີ່ຈະໃຊ້ສະກົດວ່າ der ຫຼາຍກ່ວາ da.


# "ຊ້ຳ " ປ່ຽນມາເປັນ "ຈ້ຳ"
ຂໍ້ນີ້ຄືກັນກັບຂໍ້ "ໄດ໋" ປ່ຽນມາເປັນ "ດ໋ອຍ" ແລະ "ແລ້ວ" ປ່ຽນມາເປັນ "ແວ້ວ".
ຕົວຢ່າງ: ບໍ່ໄດ້ຈ້ຳ = ບໍ່ໄດ້ຊ້ຳ,
ບໍ່ທັນເຫັນຈ້ຳ = ບໍ່ທັນເຫັນຊ້ຳ
ໝາຍເຫດ: "ຈ້ຳ "ໃນຄວາມໝາຍນີ້ບໍ່ໄດໝາຍເຖິງຈ້ຳເມັດແຕ່ເປັນພາສາເວົ້າທີ່ເຫັນໃຊ້ກັນ. ແລະຊ້ຳໃນຄວາມໝາຍ
ນີ້ກໍບໍ່ໄດ້ໝາຍເຖິງຊ້ຳທີ່ໝາຍເຖິງ "ເຮັດອີກ"

# "ຈຂກທ" ແລະ "ຂພຈ"
"ຈຂກທ" ເປັນຄຳຫຍໍ້ມາຈາກ "ເຈົ້າຂອງກະທູ້" ແລະ "ຂພຈ" ເປັນຄຳຫຍໍ້ມາຈາກ "ຂ້າພະເຈົ້າ" ເຊິ່ງຂຽນໃນຮູບແບບຫຍໍ້
ເພາະສະດວກໃນການຂຽນ, ແລະກາຍມາເປັນຮູບແບບການຂຽນຫຍໍ້ທີ່ເປັນເອກະລັກໄປແລ້ວ. ການຂຽນຫຍໍ້ແບບນີ້ບາງຄົນ
ອາດຍັງງົງຫຼືຍັງບໍ່ຮູ້ເນື່ອງຈາກຍັງບໍ່ທັນລຶ້ງເຄີຍ, ໂດຍສະເພາະຜູ້ທີ່ແອບຫຼິ້ນເນັທ໌
ໃໝ່ໆ.

# 555 ແລະ 555+
ສຳລັບຂໍ້ນີ້ທຸກໆຄົນຄົງຈະຄຸ້ນກັນດີ. 555 ມາຈາກຄຳວ່າ ຮ່າ ຮ່າ ຮ່າ ຫຼື hahaha nai pa sa karaoke. ເລກ 5
ໃນພາສາລາວຈະຂຽນວ່າ "ຫ້າ" ແລະຄຳນີ້ເອງທີ່ໄປມີສຽງຄ້າຍກັນກັບຄຳວ່າ ຮ່າ ຮ່າ ຮ່າ (ທີ່ເປັນຄຳທີ່ໃຊ້ເມື່ອຕອນ
ສະແດງອາລົມຂັນຫົວອອກມາໃຫ້ຜູ້ຟັງໄດ້ຮູ້ເຖິງອາລົມດັ່ງກ່າວໂດຍໃຊ້ຄຳດັ່ງກ່າວຂຽນລົງກະດານຂຽນເນື່ອງຈາກ
ຜູ້ເວົ້າແລະຜູ້ຟັງບໍ່ໄດ້ສື່ສານກັນທາງປາກ). ດັ່ງນັ້ນ ສັນຍາລັກເລກ 5 ຈຶ່ງເປັນຄຳທີ່ມາຈາກຄຳວ່າ "ຫ້າ" ແລະຄຳວ່າ
ຮ່າ ຮ່າ ຮ່າ ນັ້ນເອງ. ສ່ວນ 555+ ນັ້ນກໍຄືກັນກັບ 555ແຕ່ມີຄວາມໝາຍໜັກແໜ້ນກວ່າ 555. ເນື່ອງຈາກມີເຄື່ອງໝາຍ
+ ເຊິ່ງໝາຍເຖິງບວກຈຳນວນເລກ 5ເພິ່ມເຂົ້າໄປອີກນັ້ນເອງ. ຖ້າຫາກວ່າເລື່ອງຕາຫຼົກໃດຫຼືຄຳເວົ້າໃດທີ່ເຮັດໃຫ້ຜູ້ໄດ້
ອ່ານມີປະຕິກິລິຍາໂຕ້ຕອບດ້ວຍການພິມສັນຍາລັກ 555+ ນັ້ນ, ກໍສະແດງວ່າຄຳເວົ້ານັ້ນຫຼືເລື່ອງນັ້ນຕາຫຼົກຫຼາຍໆ. ຄຳ
ທີ່ກ່າວມານັ້ນເມື່ອປຽບທຽບກັນກັບພາສາອັງກິດແລ້ວ, ກໍຈະຄືກັນກັບຄຳວ່າ "lol" = "Laughing Out Loud" ນັ້ນເອງ.
ໝາຍເຫດ: ຈຳນວນຂອງເລກ 5 ແລະເຄື່ອງໝາຍ + ບໍ່ມີຈຳນວນທີ່ກຳນົດແນ່ນອນ. ແຕ່ລະຈຳນວນແມ່ນຂຶ້ນກັບອາ
ລົມຂອງຜູ້ທີ່ໂຕ້ຕອບຈະສະແດງອອກເຊິ່ງອາດຈະເປັນ 5, 55, 555, 555+ , 555555+, 555555555+++ ແລະ
ອື່ນໆ. ຕາມທີ່ສັງເກດຈະມັກນິຍົມໃຊ້ແຕ່ 55, 555 ແລະ 555+. ແລະເຫັນໃຊ້ແຕ່ເຄື່ອງໝາຍ (+) , ຍັງບໍ່ທັນເຫັນໃຊ້
ເຄື່ອງໝາຍ (x). 555x. ^^

# "ສະບາຍດີ" ປ່ຽນມາເປັນ "ບາຍດີ"
ຕັດຈາກ 3 ພະຍາງມາໃຫ້ເຫຼືອ 2 ພະຍາງ ເພື່ອສະດວກໃນການຂຽນ. ເມື່ອເຫັນກໍເຂົ້າໃຈໂລດວ່າມາຈາກຄຳວ່າ "ສະບາຍ
ດີ" ນັ້ນເອງ.

# ໝາຍເຫດ: ຄຳທີ່ສື່ອາລົມທີ່ໄດ້ກ່າວມາຂ້າງເທິງນັ້ນຈະເວົ້າແຕ່ລັກສະນະໂດຍພື້ນຖານແຕ່ຄຳດັ່ງກ່າວເມື່ອ
ວິເຄາະເລິກໆລົງໄປອີກສາມາດສືອາລົມອື່ນໄດ້ອີງຕາມຜູ້ທີ່ຢາກສື່ອອກໄປ.

ວັດທະນະທຳການໃຊ້ສັບອິນເຕີເນັທ໌ຫຼືພາສາເວົ້າໃນພາສາລາວເກີດຂຶ້ນເນື່ອງຈາກຄົນລາວໂດຍສະເພາະໄວລຸ້ນຢາກຜັນ
ປ່ຽນຮູບແບບຄຳໃນພາສາລາວທີ່ຖືກໄວຍະກອນໄປເປັນຄຳຮູບແບບອື່ນຕາມຈິນຕະນາການຂອງຕົນ ກ່າວຄືບໍ່ຢາກມີຂໍ້
ຈຳກັດໃນການເວົ້າຕາມຄຳທີ່ຖືກຫຼັກໄວຍະກອນແລະຢາກສື່ອາລົມສື່ຄວາມຮູ້ສຶກໄປນຳຄຳທີ່ຕົນຈິນຕະນາການເຊິ່ງເມື່ອ
ຂຽນຖືກຫຼັກໄວຍະກ່ອນຈະສື່ບໍ່ໄດ້. ເຖິ່ງແມ່ນວ່າຈະມີການຜັນປ່ຽນຮູບເຊິ່ງສະກົດຕ່າງຈາກຄຳເດີມກໍຕາມ, ແຕ່ກໍຍັງຄົງສຽງ
ທີ່ຄ້າຍກັນກັບສຽງເດີມໄວ້ເຊິ່ງເຮັດໃຫ້ຜູ່ອ່ານຫຼືຜູ້ຟັງເຂົ້າໃຈ. ສ່ວນຫຼາຍການຜັນປ່ຽນແບບນີ້ມັກຈະຕັດພະຍາງອອກຈາກ
ຫຼາຍພະຍາງໃຫ້ໜ້ອຍລົງ, ໃຫ້ຂຽນສະດວກແລະເວົ້າສະດວກ. ຂ້າພະ
ເຈົ້າຄິດວ່າພາສາທີ່ໃຊ້ຂຽນໃນພື້ນທີ່ເຊັ່ນພາກ Introductory ໃນ website ທີ່ໃຊ້ຂຽນແນະນຳເວັບໄຊທ໌ຂອງຕົນ, ພາ
ສາທີ່ໃຊ້ຂຽນເລື່ອງໃນກະທູ້, ໄດອາຣີ ໃນກະດານຂຽນເຫຼົ່ານີ້ຈະເປັນພາສາທີ່ໃຊ້ຂຽນໃຫ້ຖືກໄວຍະກອນ, ສ່ວນບ່ອນອື່ນໆ
ເຊັ່ນ ຫ້ອງແຊທ໌, ບ່ອນຄັອມເມັນທ໌, ຂໍ້ຄວາມໃນໂປຣໄຟລ໌ ແລະໂປຣແກຣມແຊທ໌ຕ່າງໆຈະໃຊ້ພາສາເວົ້າເອົາ. ເຊິ່ງບ່ອນ
ນີ້ເອງທີ່ຜູ້ຂຽນເລືອກທີ່ຈະບໍ່ຂຽນໃຫ້ຖືກຫຼັກໄວຍະກອນແຕ່ຈະໃຊ້ກະດານເປັນບ່ອນສົ່ງຜ່ານພາສາເວົ້າທີ່ຜູ້ເວົ້າຢາກສື່ອອກ
ມາ. ເວົ້າງ່າຍໆກໍຄືຖ່າຍທອດຄຳທີ່ເວົ້າຈາກປາກລົງໃນກະດານ. ແລະນັ້ນກໍຄືພາສາອິນເຕີເນັທ໌ນັ້ນເອງ. ແລະອິນເຕີເນັທ໌
ກໍໄດ້ສ້າງວັດທະນະທຳໃໝ່ໆນັ້ນເອງ

ສິ່ງທີ່ຂຽນມານັ້ນກະຂຽນຕາມທີ່ໄດ້ເຄີຍເຫັນໄວລຸ້ນລາວໃຊ້ເປັນສ່ວນຫຼາຍ. ຖ້າຫາກຍັງເຫັນມີຄຳອື່ນອີກຢູ່ບ່ອນໃດທີ່ຄິດວ່າ
ໃຊ້ກັນຫຼາຍ ກໍເອົາມາ postໃສ່ດ້ານລຸ່ມນີ້ໄດ້. ບາງຄົນອາດຮູ້ດີກ່ຽວກັບສິ່ງທີ່ຂ້ອຍໄດ້ຂຽນມານີ້. ຂ້ອຍກະຂຽນໄປຈັ່ງຊັ້ນ
ລະ. ສາເຫດທີ່ຂຽນນັ້ນແມ່ນໄດ້ແຮງບັນດານໃຈມາຈາກວ່າ ມີມື້ໜຶ່ງມີຝຣັ່ງຜູ້ໜຶ່ງລາວສົນໃຈສາວລາວໄວລຸ້ນຜູ້ໜຶ່ງ. ທັງສອງ
ແຊທ໌ກັນ, ຝຣັ່ງຜູ້ນັ້ນລາວກະເວົ້າລາວໄດ້ຢູ່ໄດ໋ ພາສາໂອເກະລາວກະພໍຮູ້ຢູ່ລາວແອບຮຽນລາວເດແລະກະເຮັດວຽກຢູ່ລາວດົນ
ຝຣັ່ງທີ່ເຄີຍເຫັນມານິກະມີແຕ່ລາວນິລະເກັ່ງພາສາລາວແນ່. ແຕ່ສາວລາວໄວລຸ້ນຜູ້ນັ້ນຍິງແຕ່ slang ລາວພິມໂອເກະ ສົ່ງໃສ
ຢາກເຮັດເສັ້ນລາວ. ບາງຄັ້ງລາວກະບໍ່ຄ່ອຍຈະເຂົ້າໃຈປານໃດລາວກະເລີຍມາຖາມຂ້ອຍ. ໂຕໃດທີ່ຂ້ອຍຮູ້ຂ້ອຍກະບອກລາວ. ແລະອີກຢ່າງໜຶ່ງເມື່ອເວົ້າເຖິງ 555ເຮັດໃຫ້ນຶກເຖິງຕອນທີ່ເຄີຍແຊທ໌ກັນກັບນະບ່າວຢູ່ອາເມກາ. ແຊທ໌ໄປແຊທ໌ມາໂຕເອງຢາກ
ຫົວລາວເວົ້າ ກະເລີຍລືມໄປພິມ 555 ສົ່ງໄປ, ລາວກະມຶດຄາວໜຶ່ງແລ້ວລາວກະວ່າ what? what do you mean by 555?
Lottery? ຂ້ອຍກະເລີຍວ່າອ້າວ!ໄປກັນໃຫຍ່ 555.
________________
++Kujaslang++

ເວົ້າເລື່ອງຂຽນໂຕຫຍໍ້ລະຢາກຫົວ ຕອນນັ້ນມີຄົນສົ່ງ SMS ມາ ເຂົາສົ່ງມາເປັນ Karaoke ກໍຕອບເປັນພາສາອັງກິດໄປ ເພາະວ່າບໍ່ລຶ້ງພິມ Karaoke ຕອບໄປຕອບມາ ມີຕອນນຶ່ງເຂົາສົ່ງຫຍັງມາບໍ່ຈັກ ຮູ້ສຶກວ່າ ເປັນເລື່ອງທີ່ແປກ ໜ້າຕົກໃຈ ກໍເລີຍສົ່ງຕອບໄປວ່າ “omg” ພຽງເທົ່ານັ້ນລະ ເຂົາກໍຕອບກັບມາທັນທີວ່າ “ເວົ້າບໍ່ສຸພາບ” (ແນ່ນອນວ່າສົ່ງມາເປັນ karaoke)

ຕອນນັ້ນອ່ານຂໍ້ຄວາມແລ້ວງົງ ເອ໊ະ ແມ່ນຫຍັງບໍ່ສຸພາບ -_-?

ຄຶດໄປປະມານ 2 ວິ ຈຶ່ງຮູ້ວ່າໂຕຫຍໍ້ “omg” ນັ້ນຄົນທີ່ບໍ່ຮູ້ພາສາອັງກິດ ຈະບໍ່ເຂົ້າໃຈວ່າມັນຫຍໍ້ມາຈາກ “Oh! my god” ເພາະໃນພາສາ Karaoke ເຂົາເຈົ້າແປວ່າ “ໂອ ມຶ ງ”

ນັ້ນເອງ -_-'

555555555++++++

ຈຂກທດຸນໍ້

^
^
ເລື່ອງຈິງເບາະຫັ່ນ..
--------------------------
ເຮົາວ່າຫມາຍເຖິງ ຈັກເວົ້າອີຫຍັງບຸລະຫັ່ນ ຟັງບໍ່ທັນ ຫລື ຈັກເວົ້າອີຫຍັງບຸລະຫັ່ນ ບໍ່ເຂົ້າໃຈ

ສອງອັນທາງລຸ່ມນິ ເຮົາກະໃຊ້...
# " ຊ້ຳ " ປ່ຽນມາເປັນ " ຈ້ຳ "
# " ສະບາຍດີ " ປ່ຽນມາເປັນ " ບາຍດີ "

ເຫັນໃນຂໍ້ຄວາມ.. dr = ເດີ້..ແທນທີ່ຈະແມ່ນ ດ໋ອກເຕີ້..
eieie = ອິອິ ຕິເບາະ..
ืnop = ແທນທີ່ຈະເປັນນົບ ແຕ່ມັນເປັນ ໂນ! = ບໍ່

ຈຂກທ ລືມຢ່າງຫນຶ່ງ..
ລືມແປຄຳວ່າ slang

--------------------------------------
ດຽວແປໃຫ້ເລີຍ slang ຫມາຍເຖິງຄຳສັບທີ່
ບໍ່ເປັນທາງການ ໃຊ້ກັນຕາມກຸ່ມຄົນໃດຫນຶ່ງ
ຄຳສັບພາສາອັງກິດບາງຄຳມີທັງຄວາມຫມາຍ
ທີ່ເປັນທາງການ ແລະ ຄວາມຫມາຍທີ່ເປັນ
slang

ໜ້າຍົກຍ້ອງ ຊ່າງສ້າງສັນດີເນາະ ລວບລວມໄດ້ເກັ່ງຫຼາຍ

ກະພໍໄດ້ເຂົ້າໃຈແນ່ແລ້ວບາດນີ້ພາສາ ຈັ່ງຊີ້!

ແຕ່ຫາກວ່າພໍ ຈະເວົ້າຫຍັງໄດ້ຕຶ່ມ ຄຶ ມີຄວາມສົງສັຍ ການໃຊ້ໂຕ ໝ ກັບໂຕ ໜ; ມີຫຼາຍໆຄົນຂຽນແບບດຽວກັນນີ້ ຫຼຶວ່າເປັນຍ້ອນ ໃນ ປຸ່ມດຽວກັນແຕ່ຂື້ນກັບ ວ່າຕ້ອງກົດປຸ່ມ Shift + ເພຶ່ອໃຫ້ເປັນ ໂຕ ໝ !!
ໃຊ້ໂຕໜ ແທນບ່ອນໂຕ ໜ .

ນົບ ນັ້ນເມື່ອສະກົດເປັນພາສາໂອເກ໊ລາວແລ້ວຈະສະກົດວ່າ Nob ໂຕ b ແທນໃຫ້ໂຕ
" ບ " ໃນພາສາລາວແຕ່ເຖິງຢ່າງໃດກໍຕາມຄົນທີ່ໃຊ້ພາສາໂອເກ໊ມັກຈະສະກົດຈັ່ງໃດກໍໄດ້ໂດຍຢາກອຽງໄປທາງອັງກິດໂດຍຄິດວ່າ
ເມຶ່ອສະກົດແລ້ວມີສຽງທີ່ອ່ານຄືໃນພາສາອັງກິດລະກະຄິດວ່າ ok ເນື່ງຈາກ ໂຕ b ແລະ p ໃນພາສາອັງກິດເມື່ອສະກົດເປັນພາສາໂອເກ໊ໃນ
ພາສາລາວຈະແທນສຽງໂຕ ບ ໄດ້ທັງສອງ.
ສ່ວນໂຕທີ່ວ່າ nop = ແທນທີ່ຈະເປັນນົບ ແຕ່ມັນເປັນ ໂນ! = ບໍ່ ອັນນີ້ຜູ້ທີ່ຂຽນຢາກໝາຍເຖິງ Nope ນັ້ນເອງ ເຊິ່ງໃນພາສາອັງກິດ Nope
ແປວ່າ A negative reply, no; ເຊິ່ງແປວ່າ"ບໍ່" ນັ້ນເອງ. ຜູ້ຂຽນບໍ່ຢາກຕື່ມຕົວ e ເພາະຄິດວ່າຢາກຫຍໍ້ຄຳລົງເພາະຄິດວ່າສະດວກໃນການໃຊ້
ແລະຢາກໃຫ້ຄຳນັ້ນເປັນການສະກົດທີ່ເປັນເອກະລັກນັ້ນເອງ.
ຍົກຕົວຢ່າງ ໃນພາໂອເກ໊ "berng" ເຊິ່ງແປວ່າ "ເບິ່ງ" ນັ້ນ ກໍຈະຫຍໍ້ໃຫ້ເຫຼືອແຕ່ "bg" ໂດຍການຕັດ ໂຕ "ern " ອອກ. ກໍລະ
ນນີ້ຢູ່ໃນກໍລະນີດຽວກັນກັບ omg ທີ່ໝາຍຄວາມວ່າ "ໂອ*********" . meung ຫຼື mueng ເປັນຄຳເຕັມຂອງ "mg" = ********* (ເບິ່ງໂຕທີ່ Mr ນິນ ເອົາມາສະເໜີ)

ໜ ກັບ ໝ ຈະຕ່າງກັນ. ຢາກພິມໂຕ ໜ ກໍຕ້ອງ ກົດ Shift + ນ. ຢາກພິມໂຕ ໝ ກໍຕ້ອງ ກົດ Shift + ມ. ຄັນເຫັນມີການໃຊ້ໂຕ ໝ ແທນ ໂຕ ໜ
ຫຼືໂຕ ໜ ແທນໂຕ ໝ ກໍສະແດງວ່າ ຜູ້ ພິມ ພິມຜິດ. ການຂຽນກໍເຊັ່ນກັນ.

ອ່ານເບິ່ງດີໆ

ບໍ່ຮູ້ລະ ຄ້າຍທີ່ສຸດກັບ ບຸລະ ແລະ ບໍ່ຮູ້ລະ ສືສື່ ບໍ່ມີ "ຫັ້ນ" ຄັນຢາກຕື່ມຫັ້ນໃສກະບໍ່ເປັນຫຍັງ ຄວາມໝາຍກະອັນດຽວກັນ. ແຕ່ຢ່າລືມວ່າພາສາ
slang ລາວ ມັກຈະຫຍໍ້ຄຳໃຫ້ສັ້ນລົງ. ບຸລະ ກັບ ບຸລະຫັ້ນ ໂຕໃດທີ່ເວົ້າງ່າຍກ່ວາກັນລະ?

ເວົ້າເລື່ອງ slang ມື້ວານນີ້ ນ້ອງ ຂ້ອຍວ່າ "ແມງ" . ຂ້ອຍກະງົງວ່າແມ່ນຍັງ ຂ້ອຍວ່າແມງໄມ້ອີຫຍັງແທ່ແທ້ລາວໝາຍຄວາມວ່າ "ແມ່*********" 555 ເຊິ່ງໂຕນີ້
ກໍພົບເຫັນໃນພາສາໄທໃນການເວົ້າ. ເຊິ່ງວ່າ ແມ້ ແລ້ວມີສຽງສະຫຼະ ອຶງ ຄ່ອຍໆໃນຄໍ ລອງເວົ້າໄວໆ ເບິ່ງນໍ 555 ຢ່າມາເວົ້າໃສຂ້ອຍໄດ໋ລະ.

ຄຳວ່າ ບຸ ຫຼື ບຸລະ ເປັນພາສາທ້ອງຖິ່ນບ້ານຂ້ອຍເລີຍ ໃຊ້ກັນແບບນີ້ມາຕະຫຼອດ ເຊັ່ນ: ຈັກເວົ້າຫຍັງບຸ ຫຼື ຈັກເວົ້າຫຍັງບຸລະ
ຈັກແມ່ນຫຍັງບຸ?(ບຸໃນທີ່ນີ້ບໍ່ແມ່ນໝາຍເຖິງ ຄວາຍບຸຮົ້ວເດີ້)

ບໍ່ເຫັນ...

ມີແນວຢາກແນະນຳໜ້ອຍນຶ່ງ ຖ້າ Miniskirt ຢາກສົນທະນາເລື່ອງພາສາລາວແບບຈິງ ໆ ຈັງ ໆ ຢາກໃຫ້ຊອກວັດຈະນານຸກົມພາສາລາວມາອ້າງອີງນຳ ຢ່າໃຊ້ປະສົບການຕັດສິນ ບໍ່ຊັ້ນພວກເຮົາຈະໄດ້ອາຈານພາສາລາວເພີ່ມອີກຄົນ (ເຊິ່ງຕອນນີ້ກໍມີຫຼາຍເກີນຢູ່ແລ້ວ 55)

ຄຳວ່າ ບຸ ນັ້ນ ໃນວັດຈະນານຸກົມເພິ່ນວ່າແບບນີ້



ມັນມີຄຳສັບຫຼາຍຢ່າງໃນພາສາລາວທີ່ຂ້າພະເຈົ້າເອງກໍບໍ່ຮູ້ວ່າມັນມີ ຫຼືບໍ່ຮູ້ວ່າ ແທ້ຈິງແລ້ວມັນສະກົດແນວໃດແທ້ ເຊັ່ນຄຳວ່າ “ກໍ” ບໍ່ໃສ່ໄມ້ເອກ ບາງຄົນອ່ານແລ້ວຄຶດວ່າ ຂ້າພະເຈົ້າພິມຜິດ ແຕ່ບໍ່ແມ່ນດອກທ່ານ ຂ້າພະເຈົ້າພິມຕາມແບບສະກົດທີ່ເພິ່ນລະບຸໄວ້ໃນວັດຈະນານຸກົມ ແຕ່ກີ້ເພິ່ນຂຽນແນວນີ້ແທ້. ຄຳວ່າ “ກໍ່” ມີໄມ້ເອກ ໝາຍເຖິງກໍ່ເຮືອນ ກໍ່ສ້າງ ມັນຄົນລະຄວາມໝາຍກັບ “ກໍ” ທີ່ບໍ່ມີໄມ້ເອກ. ອັນນີ້ເປັນຕົວຢ່າງນ້ອຍ ໆ ທີ່ຍົກຂຶ້ນມາ.

ນອກຈາກນັ້ນແລ້ວ ກໍຍັງມີຄຳສັບອື່ນ ໆ ອີກຫຼາຍ ທີ່ເຮົາຍັງບໍ່ຮູ້ ຫຼືຮູ້ບໍ່ດີພໍ ຈຶ່ງຂໍຮຽກໃຫ້ເຮົາພວກເຮົາໄວໜຸ່ມລາວ ຊ່ວຍກັນສຶກສາຢ່າງລະອຽດ ຈະແຈ້ງ ມີລະບຽບຄັກແນ່ ຮູ້ຈັກໃຊ້ຫຼັກການອ້າງອີງທີ່ຖືກຕ້ອງ ຈຶ່ງຈະເປັນຜົນດີຕໍ່ພາສາລາວເຮົາຢ່າງແທ້ຈິງ!

ກະນິເດະ ຈາກ ຈັກເວົ້າອີຫຍັງບຸລະຫັ່ນ ຟັງບໍ່ທັນ ຫລື ຈັກເວົ້າອີຫຍັງບຸລະຫັ່ນ ບໍ່ເຂົ້າໃຈ
ມາເປັນ ຈັກເວົ້າອີຫຍັງບຸລະ... ກະສັ້ນລົງລະເດະ

------------------------------------------------------------------

ແລ້ວ '' ຈັກເວົ້າອີຫຍັງບໍ່ຮູ້ລະ '' ທິ່ ຈຂກທ ບອກ ແປວ່າຫຍັງລະ...

see good..

ຄຳວ່າ ກໍ ກັບກໍ່ ນັ້ນມັນແມ່ນແບບນັ້ນຢູ່ແລ້ວ...ຄືເຈົ້າວ່າຫັ້ນລະເຮົາກະເຄີຍໄດ້ເວົ້າກັນແລ້ວບໍ່ແມ່ນບໍ່

ແກ້ໄຂໃຫ້ແຕ່ໂຕດຽວນິວະ 555

ກະຄື Miniskirt ວ່າຫັ້ນລະ ຄັນຊິໃຫ້ແປງໝົດຄຳທີ່ Miniskirt ຂຽນມານັ້ນມັນບໍ່ອຶດດອກຈ່າໂຕຜິດ. ແລະກະຂອງຜູ້ອື່ນໆ ນຳກະຄືກັນ. Miniskirt
ສົນໃຈກ່ຽວກັບພາສາລາວຫຼາຍ ເອົາຈິງເອົາຈັງແນ່ນອນຢູ່ແລ້ວ. ເອົາມາ share ກັນແບບນີ້ລະ Miniskirt ມັກ. ເພາະສ່ວນຫຼາຍບໍ່ເຫັນໃຜຈະມັກ
ເອົາເອກະສານມາອ້າງອີງນຳ. ແຕ່ການທີ່ຈະໃຫ້ Miniskirt ເອົາເອກະສານອ້າງອີງທີ່ກ່ຽວຂ້ອງກັບເນື່ອຫາທີ່ Miniskirt ໄດ້ຂຽນນັ້ນ Miniskirt
ກະຢາກເອົາມາອ້າງອີງຖ້າຫາກເຈົ້າເຫັນຢູ່ໃສ່ທີ່ຄິດວ່າຈະເປັນເອກະສານອ້າງອີງຄືດັ່ງທີ່ຂ້ອຍໄດ້ຂຽນນັ້ນ..ເອົາມາໃຫ້ເບິ່ງແດ່. ຄວາມຄິດໃໝ່ກະຢາກນຳເອົາມາສະເໜີ.ໃຫ້ມາໄດ້ discuss ນຳກັນແລະຍັງຊິໄດ້ discuss ອີກຫຼາຍຢູ່ລະບໍ່ຕ້ອງຫ່ວງ. ສຳລັບເອກະສານອ້າງອີງກ່ຽວກັບພາສາລາວນັ້ນ 555 ກະພວກທ່ານຫັ້ນລະເປັນ. ອືມ....ໄປເອົາມາຈາກ
ວັດຈະນານຸກົມລາວໃດຂອງມະຫາສີລາຫັ້ນບໍ່ນອກຈາກວັດຈະນານຸກົມຂອງທ່ານມະຫາສີລາແລ້ວ ຂອງຜູ້ອື່ນມີຢູ່ວະ. ມີຜູ້ມາແກ້ຄຳຜິດໃຫ້ນິ
Miniskirt ມັກຫຼາຍ Miniskirt ຈະບໍ່ຄະຕິຄິດເຄືອງໃຈຜູ້ທີ່ມາແກ້ຄຳຜິດໃຫ້ແຕ່ຢ່າງໃດ.

ຈຳແນກໃຫ້ໄດ້ວ່າອັນໃດເປັນ slang ອັນໃດເປັນຄຳທີ່ຖືກໃນໄວຍະກອນກໍຈະດີ.. ຂ້ອຍຈະຂຽນວ່າ ບຸ ນັ້ນເນື່ອງຈາກຍັງບໍ່ທັນຮູ້ແນ່ຊັດວ່າແມ່ນ ບຸ໊
ທີ່ເຈົ້າເອົາມາອ້າງອີງ. ແລະຂ້ອຍກະຍັງຂຽນອີກວ່າ ບຸ໋ ສາເຫດທີ່ຂຽນແບບນີ້ນັ້ນເຈົ້າລອງໄປອ່ານເບິ່ງສິ່ງທີ່ຂ້ອຍຂຽນອ່ານໃຫ້ລະອຽດດາ.

ແລະໂຕອັນນີ້ ໊ ນັ້ນ ເອີ້ນອີຫຍັງລະ..ໄມຈັດຕະວາວະ ເອີ ໂຕນີ້ລະ Miniskirt ຊິເອົາມາ discuss ໃນກະທູ້ຕໍ່ໄປ.

ອັນນັ້ນ.. ຢາກຈະບອກວ່າ Miniskirt ພິມລາວໝົດກໍໄດ້ ບໍ່ຈຳເປັນຕ້ອງ english ຄຳ laos ຄຳ because ຄົນໃນພັນລາວສ່ວນຄືຊິອ່ານພາສາລາວໄດ້ better than ພາສາອັງກິດ ຫຼືທ່ານອື່ນ ໆ ມີ idea ອື່ນຕື່ມບໍ່ນໍ້? ກ່ຽວກັບການໃຊ້ພາສາອັງກິດປົນພາສາລາວ ເພາະວ່າ in reality ນັ້ນ ພາສາລາວກໍຄົບຖ້ວນດີຢູ່ besides ພວກຄຳສັບ technical ຕ່າງ ໆ ອາດຈະຕ້ອງ borrow ມາຈາກພາສາອື່ນແດ່ ຫຼືອ້າງອີງເພື່ອໃຫ້ໄດ້ລົດຊາດດັ້ງເດີມຂອງຄຳສັບທີ່ຍົກມາ.

ກໍຫວັງວ່າຈະ get ນໍ້ ອິອິ...

ເລື່ອງແຫຼ່ງອ້າງອີງຫັ້ນ ເອົາຈາກວັດຈະນານຸກົມເຫຼັ້ມອື່ນກໍໄດ້ ແຕ່ອັນທີ່ຈິງບາງເຫຼັ້ມເຂົາກໍອ້າງອີງຈາກວັດຈະນານຸກົມຂອງມະຫາສິລາຯ ຄືກັນ ແຕ່ເຫດທີ່ອ້າງອີງຂອງມະຫາສິລາຯ ເປັນຫຼັກ ກໍດ້ວຍເຫດວ່າ ເພິ່ນເປັນຜູ່ຄົ້ນຄວ້າເລື່ອງນີ້ມາດົນກວ່າໝູ່ (ປີ ພ.ສ. 2503 ກົງກັບປີ ຄ.ສ. 1960) ລຸ້ນຫຼັງກໍຄົ້ນຄວ້າຕໍ່ຈາກຂອງເພິ່ນ.

ປ.ລ. ຄຳວ່າ “ຈ້ຳ” ທີ່ລົງທ້າຍນັ້ນ ບາງທີ ອາດຈະເປັນໄປໄດ້ວ່າ ຍ້ອນໂຕ ຈ ກັບໂຕ ຊ ມັນຢູ່ໃກ້ກັນໃນແປ້ນພິມດີດ ບາງຄົນພິມໄວລືມເບິ່ງ ເວລາພິມ ຊ້ຳ ກາຍເປັນ ຈ້ຳ ແລ້ວຄຶດວ່າ ໜ້າຮັກດີ ກໍເລີຍພິມຕໍ່ໄປຕິ 55

ກ ໜ ຣ

ສຳລັບເຮົາ 555+ = ຫ້າ ຫ້າ ຫ້າ ສົມ (ສົມ ນ ໜ ຫັ່ນແຫລະ)
+ ບາງຄົນເອີ້ນ ສົມ ແມ່ນບໍ່? 555+

ເຄີຍເຈິບໍ່ມີຄົນສົ່ງ SMS ມາແລ້ວພິມວ່າ
h y u? ປົກຕິມັນກໍແປວ່າ ເຮັດຫຍັງຢູ່? (ຕິເບາະ)
ແຕ່ຄັນຢາກຕີຄວາມຫມາຍເປັນແນວອື່ນກໍໄດ້ນິ
ຮຽນຫຍັງຢູ່? ຫລືໄປຈົນຮອດ how's your underwear?
ພະຍາຍາມພິມໃຫ້ມັນເຕັມໆນັ້ນລະບັນດາທ່ານເອີ່ຍ
ການພິມເຮັດໃຫ້ເປັນເຫດ ເຈິມາຫລາຍແລ້ວ ຖ້າໃຜບໍ່ຢາກເຈິກໍລະວັງໄວ້ XD

ໝາຍເຫດ: ພິມເຕັມບໍ່ເຕັມມັນຂຶ້ນກັບ ຄສທນ ຂອງແຕ່ລະຄົນ

ເປັນຄະຕິແລະມີປະໂຫຍດໃນການໂອ້ໂລມກັນຈັ່ງຊີ້.
ຫຼາຍຄົນກະມີແນວມາອ້າງອິງໄດ້ແຕ່ກະມີອີກໃຜໆທີ່ຫາແນວອ້າງອິງບໍ່ມີແຕ່
ກະຄຶດວ່າບໍ່ ປະຖີ້ມເຊິ່ງຄວາມມີເຫດຜົນທັງຫມົດໄປ.
ແລ້ວ ທາງ ພັນລາວບໍ່ມີໂຄງການທີ່ຈະນຳເອົາ ວັກຈະນານຸກົມພາສາລາວເຂົ້າມາໃຫ້ໄດ້ໃຊ້ແນ່ຫຼຶບໍ່?

ຕອບລຸງເທົາ ຕ້ອງຖ້າຖາມເບິ່ງກ່ອນ ວ່າເພິ່ນຊິໃຫ້ນຳເນື້ອຫາມາເຜີຍແຜ່ໄດ້ໃນລັກສະນະໃດແດ່ ຖ້າເຮັດໄດ້ ກໍຄ່ອຍວ່າກັນວ່າຈະດຳເນີນການແນວໃດ.

ແຕ່ຫາກວ່າພໍ ຈະເວົ້າຫຍັງໄດ້ຕຶ່ມ ຄຶ ມີຄວາມສົງສັຍ ການໃຊ້ໂຕ ໝ ກັບໂຕ ໜ; ມີຫຼາຍໆຄົນຂຽນແບບດຽວກັນນີ້ ຫຼຶວ່າເປັນຍ້ອນ ໃນ ປຸ່ມດຽວກັນແຕ່ຂື້ນກັບ ວ່າຕ້ອງກົດປຸ່ມ Shift + ເພຶ່ອໃຫ້ເປັນ ໂຕ ໝ !!
ໃຊ້ໂຕໜ ແທນບ່ອນໂຕ ໜ .

ໜ ກັບ ໝ ຈະຕ່າງກັນ. ຢາກພິມໂຕ ໜ ກໍຕ້ອງ ກົດ Shift + ນ. ຢາກພິມໂຕ ໝ ກໍຕ້ອງ ກົດ Shift + ມ. ຄັນເຫັນມີການໃຊ້ໂຕ ໝ ແທນ ໂຕ ໜ
ຫຼືໂຕ ໜ ແທນໂຕ ໝ ກໍສະແດງວ່າ ຜູ້ ພິມ ພິມຜິດ. ການຂຽນກໍເຊັ່ນກັນ.

ໄດ້ບອກໄວ້ໃນ ກະທູ້ທີ່ ຂຽນກ່ຽວກັບບັນຫານີ້ແລ້ວ ແຕ່ ຍ້ອນວ່າ ຂ້ອຍໃຊ້ຣະບົບ Linux ການຂຽນ ໂຕ ຫນ ຫຼຶ ຫມ ນີ້ ມາປ່ຽນ ໃນຣະບົບ ຕ່າງຫາກ, ເພາະໃນຫນ້າຈໍຂອງຂ້ອຍນັ້ນ ທຸກຢ່າງເປັນດັ່ງທີ່ຂ້ອຍຕ້ອງການຢາກຂຽນ :ຫມາ ກະເປັນ
ຫມາ ຫນ້າ ກະ ເປັນຫນ້າ ແຕ່ບາດມາ ຫາເຈົ້າເທິງຈໍຂອງເຈົ້າພັດເປັນໄປທາງອຶ່ນຈ້ອຍ!!!
ບາດນີ້ກະເລີຍຄຶນມາໃຊ້ ຫນ ຫມ ເພຶ່ອກັນຄວາມເຂົ້າໃຈຜິດ.
ຈົ່ງເບິ່ງນີ້ ທີ່ກ່າຍອອກມາ ຈາກບົດສົນທະນາຂ້າງເທິງ: ໜ້າຮັກດີ ກໍເລີຍພິມ!
ແລະຢາກຫົວແຕ່ລາງເທຶ່ອກະຢາກຮ້າຍເພາະຄຶດວ່າຜູ້ອຶ່ນຂຽນຜິດແທນທີ່ຈະເປັນຫນ້າຮັກ ເປັນຫມ້າ ຮັກ!!

ຂອບໃຈຫຼານ ນິນ ທີ່ຕອບຂໍ້ຂ້ອງໃຈແລະກໍຈະຄອຍເບິ່ງຜົນງານ.
ລູງຄຶດວ່າຍາມນີ້ ການຂີດຂຽນພາສາເຮົາບໍ່ທັນມີກົດເກັນທີ່ຕາຍໂຕກະຄຶດວ່າຄົງບໍ່ມີບັນຫາຫຍັງຕິເບາະ!
ແຕ່ ວ່າທັງຫມົດມັນກະອະນິຈັງວັທສັງຄະລາ ຫັ້ນ ລະນໍ!!
ຍາມບໍ່ມີລົມກະ ພະຍາຍາມເປົ່າເອົາໃຫ້ມີລົມ.
ແຕ່ໄດ້ງິນວ່າທາງຣັຖບານໄດ້ ພະຍາຍາມຊອກຫາບັນດິດລາວກ່ຽວກັບພາສາສາດ-ລາວ
ທີ່ຫຼົງເຫຼຶອຢູ່ໃນທົ່ວໂລກໃຫ້ມາຊ່ອຍກັນແກ້ໄຂບັນຫານີ້ຢູ່ ບໍ່ແມ່ນບໍ?
ຕາມຂ່າວເປົ່າປິວຫັ້ນດອກ ວ່າ.
ຫາກເປັນໄປໄດ້ ກະ ສາທຸນຳ.

ຊ້ຳ ກັບ ຈ້ຳ


ນ່າຈະແມ່ນພິມຜິດຫລາຍກວ່າ ແຕ່ເບິ່ງໄປເບິ່ງມາ ມັນດູດີ ປັນຍາອ່ອນເລີຍໃຊ້ ຕິບເບາະ

ອິກຄຳ1ແມ່ນ ບຸ ເຫີໆໆໆ ອັນນີ້ຂ້ອຍງົງ ບໍ່ຮູ້ແປວ່າຫຍັງ 5555+

ໂຄດຫລຸດຍຸກເລີຍ

ຕອບau8ust: ອັນນີ້ ກະໂປ່ງສັ້ນຢາກແນະນຳໃຫ້ເຈົ້າຂອງເວັບໄຊທ໌ reconsider ການໃຊ້ພາສາຢູ່ໃນພັນລາວແນ່. ອືມ..ຄົງຊິກຳລັງຄິດຢູ່ດອກ
ຫາກແຕ່ວ່າຄິດຍັງບໍ່ທັນອອກ. ເພາະຖ້າບໍ່ມີຄວາມເປັນເອກະສັນກັນມັນກໍຈະມີການໃຊ້ແບບນີ້ລະ, ບໍ່ມີຫຼັກການຄືພາສາລາວປັດຈຸບັນນີ້ລະ. ຕ້ອງກຳ
ນົດວ່າຄວນຈະອະນຸຍາດໃຫ້ໃຊ້ພາສາໃດແນ່ແລະບໍ່ອະນຸຍາດໃຫ້ໃຊ້ພາສາໃດແນ່ໃນພັນລາວ. ແລະອະນຸຍາດຈັ່ງໃດບໍ່ອະນຸຍາດຈັ່ງໃດ.tu ຄິດ
ວ່າຄັນບໍ່ອະນຸຍາດກໍຕ້ອງເດັດຂາດໂລດ.ໂຕໜຶ່ງກໍບໍ່ໃຫ້ໃຊ້ຄັນໃຜໃຊ້ກະ go to a jail ເອິ໋! ບໍ່ແມ່ນເຈົ້າຈັບເຂົາບໍ່ໄດ້ດອກເຈົ້າ bo ມີສິດ to do dat.ແຕ່ສິດຂອງເຈົ້າທີ່ເຮັດໄດ້ກໍຄື band ຜູ້ທີ່ລະເມີດ ຫຼື block / lock ກະທູ້ໄວ້ແລະອື່ນໆທີ່ເປັນສິດອຳນາດທີ່ເຈົ້າຂອງເວັບໄຊທ໌ຈະເຮັດໄດ້ ເຮັດແບບນີ້ພິລະຈັ່ງຊິຊິຊິໄດ້ ຊິໄດ້ຜົນ. ຄິດວ່າ u ຄົງຊິບໍ່ຢາກເຮັດແບບນັ້ນດອກ ^^
ສາເຫດທີ່ tu use english ຄຳ lao ຄຳ ນັ້ນກໍຍ້ອນວ່າໄດ້ໄປອ່ານເຫັນເຈົ້າຂອງເວັບເວົ້າວ່າເວັທ໌ໄຊທ໌ນີ້ເຈົ້າຂອງເວັບເປັນຜູ້ສ້າງສ່ວນທີ່ເຫຼືດ
ນັ້ນແມ່ນສຳມະຊິກພັນລາວເປັນຜູ້ສ້າງຂຶ້ນມາແລະກໍບໍ່ໄດ້ເຫັນຂຽນບອກໄວ້ວ່າຫ້າມໃຫ້ສະມາຊິກພັນລາວໃຊ້ພາສາອັງກິດໂຕດຽວກໍບໍ່ໃຫ້ໃຊ້.
ໃຫ້ໃຊ້ໄດ້ແຕ່ພາສາລາວເທົ່ານັ້ນ. ຂ້ອຍກໍບໍ່ໄດ້ຜິດເດ. ແລະອີກຢ່າງໜຶ່ງ ມີຂໍ້ຄວາມຂຽນໄວ້ອີກວ່າເຫຼືອນັ້ນແມ່ນຂອງສຳມະຊິກພັນລາວ
ເປັນຜູ້ສ້າງ.ນັ້ນສະແດງວ່າ ກະທູ້ນີ້ໜ້ານີ້ ກໍແມ່ນຂອງຂ້ອຍຕິຊັ້ນ 5555ແລ້ວກ່ອນຊິສະໝັກເປັນສຳມະຊິກຂ້ອຍກໍໄດ້ອ່ານແລ້ວຍອມຮັບກ່ອນ
ຈະເປັນສຳມະຊິກແລະຂໍ້ຄວາມຢູ່ບ່ອນນັ້ນກໍບໍໄດ້ລະບຸໄວ້ວ່າບໍ່ໃຫ້ໃຊ້ພາສາອັງກິດຈັກໂຕຂ້ອຍກະບໍ່ໄດ້ຜິດເດ.

ການທີ່ໃຊ້ຄຳໃນພາສາອັງກິດແນ່ແລະຄຳລາວແນ່ນັ້ນຂ້ອຍກໍເຄີຍໄດ້ອ່ານໜັງສືເຫຼັ້ມໜຶ່ງຢູ່ ເຂົາເວົ້າວ່າ ຢູ່ໃນການ lecture , ໃນກອງປະຊຸມແລະບ່ອນ
ອື່ນໆ ການທີ່ເວົ້າອັງກິດນຳລາວນຳກໍບໍ່ໄດ້ຜິດດອກແຕ່ຈະບໍ່ເໝາະສົມເມື່ອໃຊ້ສັບພາສາອັງກິດຫຼາຍຈົນເກີນໄປແລະບໍ່ໃຫ້ໃຊ້ຄຳສັບທີ່ເຂົ້າໃຈຍາກອີກ .ແນ່ນອນຜູ້ທີ່ເກັ່ງພາສາອັງກິດກໍຈະເຂົ້າໃຈແຕ່ຕ້ອງຄຳນຶງເຖິງຜູ້ທີ່ບໍ່ຮູ້ເພາະເຂົາຈະບໍ່ເຂົ້າໃຈ. ດັ່ງນັ້ນຈຶ່ງບໍ່ໃຫ້ໃຊ້ສັບອັງກິດຫຼາຍຈົນເກີນໄປ. ຂພຈ ກໍຄິດ
ວ່າ ການທີ່ໃຊ້ຄຳສັບອັງກິດຫຼາຍເກີນໄປນັ້ນມັນຈະເບິ່ງບໍ່ເໝາະສົມຟັງເບິ່ງຂັດໆຈັ່ງໃດກະບຸລະແຕ່ກົງກັນຂ້າມກັບຜູ້ທີ່ໃຊ້ເປັນຈະເປັນການບໍລິຫານສະເໜ່
ອີກຢ່າງໜຶ່ງ.
ສະຫຼຸບໃຊ້ໃຫ້ຖືກກາລະເທຊະ ຖືກກາລະເທຊະຢູ່ບ່ອນໃດນັ້ນວະ ກະຄືທີ່ຂ້ອຍໄດ້ນຳໃຊ້ຢູ່ໃນອີນເຕີເນັທ໌ນີ້ລະເພາະຄິດວ່າຄົນທີ່ຫຼິ້ນສ່ວນຫຼາຍຂະເຈົ້າກໍຍ່ອມ
ຢາກຮັບຮູ້ໂລກໃໝ່ໆແລະຜູ້ທີ່ມັກຊອກຮູ້ແນ່ກໍຈະນັ່ງຫຼິ້ນອິນເຕີເນັດທ໌ຢູ່ຫັ້ນລະໝົດມື້ໝົດເວັນ. ແລະອີກຢ່າງໜຶ່ງຜູ້ທີ່ຫຼິ້ນເອງເຂົາກະຊິຮູ້ພາສາອັງກິດບໍ່ ໜ້ອຍກະຫຼາຍລະ ສັບ slang ພາສາອັງກິດທີ່ຄິດວ່າເອົາມານຳໃຊ້ແລ້ວຄັກຫຼືເທ້ຈັ່ງໃດລະ. ແລະເມື່ອເອົາມານຳໃຊ້ແລ້ວກໍຈະເຮັດໃຫ້ degree ຂອງຕົນເພີ່ມຂຶ້ນ. ແລະເປັນເລື່ອງທີ່ບໍ່ແປກເລີຍທີ່ຈະມີຄົນສະແຫວງຫາມັນບໍ່ໜ້ອຍກະຫຼາຍຫຼະ. ເພາະວ່າ knowledge is power . ຄັນມີການຂຽນທີ່ມີ slang ອັງກິດແນ່ ຄຳສັບອັງກິດແນ່ປົນກັບຄຳລາວແນ່ແລ້ວເຮັດໃຫ້ບໍ່ເຂົ້າໃຈແຕ່ ຄັນຜູ້ອ່ານສົນໃຈຢາກຮູ້ໃນສິ່ງທີ່ຜູ້ຂຽນໄດ້ຂຽນ ກະໄປຊອກແປເອົາຕິວະ! ເຂົາຂຽນຂ້ອຍບໍ່ເຂົ້າໃຈຂ້ອຍຍັງໄປຊອກແປເອົາ. ຂຽນໄວ້ໃສ່ກະດ້ານມີເວລະຊອກຍາມໃດກະໄດ້ບໍ່ຄືກັບການເວົ້າ. ແຕ່ຄັນບໍ່ສົນໃຈສິ່ງທີ່ຜູ້ຂຽນໄດ້ຂຽນເພາະຄິດວ່າຂີ້ຄ້ານບໍ່ຢາກໄດ້ຄວາມຮູ້ກະເລື້້ອງຂອງເຈົ້າ dog.
ຕາບໃດທີ່ບໍ່ມີຂໍ້ບັງຄັບໃຫ້ໃຊ້ໃດ້ແຕ່ພາສານັ້ນພາສານີ້ຂ້ອຍກະຊິຂຽນຢູ່ນີ້ລະຄັນບໍ່ໃຊ້ ຂ້ອຍກະຊິລືມມັນ.ຄັນຊິໃຫ້ໄປໃຊ້ຢູ່ບ່ອນອື່ນ..ບອ່ນອື່ນຂ້ອຍ
ກະໃຊ້ມາໝົດລະ ແລະກະອີກຢ່າງໜື່ງບໍ່ມີພຽງແຕ່ພາສາອັງກິດທີ່ຂ້ອຍຂຽນພາສາໄທຂ້ອຍກະຂຽນຄືກັນ.ຄັນມີຂໍ້ບັງຄັບທີ່ຊັດເຈນແລະເປັນທີ່ຍອມຮັບ
ເມື່ອເອົາໄປຈັດຕັ້ງປະຕິບັດຂ້ອຍກະຊິບໍ່ເຮັດ ຕາມຢູ່ dork.

ອັນທີ່ຈິ່ງສ່ວນຫຼ່າຍຜູ້ຫຼິ້ນອິນເຕີເນັດທ໌ຄິດວ່າ ເຂົາກະພໍຮູ້ພາສາອັງກິດຫຼາຍຢູ່ດອກ. ຂ້ອຍກະບໍ່ແມ່ນຊິໄດ້ເກັ່ງມາແຕ່ທາງໃດກະຊອກຮູ້ຄືກັນແລະຄິດວ່າ
ໃຊ້ຢູ່ບອ່ນນີ້ກະຄົງຊິເໝາະສົມຄັນຊິໃຫ້ຂ້ອຍໄປໃຊ້ slang ກັບຜູ້ເຖົ້າຜູ້ແກ່ຂ້ອຍກະບໍ່ເຮັດລະນໍ. ການທີ່ຂຽນອັງກິດສັບລາວແນ່ຄິດວ່າມັນກະບໍ່ເສຍຫາຍ
ປານໃດດອກຄັນໃຊ້ໃຫ້ເໝາະສົມແລະ ມັນກະຊິບໍ່ເຮັດໃຫ້ຄົນລາວລືມພາສາຂອງຕົນຍ້ອນພາສາອັງກິດດອກ.ພາສາໄທເຮົາແຫ່ງຮູ້ແລະໃຊ້ຫຼາຍ
ກວ່າພາສາ
ອັງກິດເຮົາກະຍັງບໍ່ໄດ້ລືມພາສາລາວເລີຍ ຢ່າງໜ້ອຍກະຄິດສາວ່າໃຫ້ມັນປະດັບເວັບໄຊທ໌ໃຫ້ຊາວໂລກໄດ້ຮູ້ແນ່ວ່າ Lao people use English.


ສຳລັບການຂຽນຂອງຂ້ອຍແລ້ວຢູ່ໃນກະດານທີ່ຂ້ອຍຄິດວ່າຕ້ອງໃຊ້ພາສາເວົ້າການຂຽນຂອງຂ້ອຍກະແລ້ວແຕ່ອາລົມທີ່ຢາກຂຽນມື້ໃດທີ່ຢາກ
ຂຽນອັງກິດປົນນຳຂ້ອຍກໍຈະຂຽນມື້ໃດທີ່ບໍ່ຢາກຂຽນກໍຈະບໍ່ຂຽນ. ແລະກະຢາກຮູ້ຢູ່ວ່າເຈົ້າຂອງເວັບໄຊທ໌ຊິມີຂໍ້ບັງຄັບໃນການໃຊ້ພາສາຢູ່ໃນພັນ
ລາວແນວໃດແດ່.ແລະສຸດທ້າຍ ຢາກຖາມວ່າເຈົ້າຂອງເວັບໄຊທ໌ເດບໍ່ເຄີຍພິມອັງກິດປົນລາວແນ່ບໍ່...
ອືມ...ເຈົ້າອາດຈະໃຊ້ໜ້ອຍດຽວສະແດງວ່າຂ້ອຍໃຊ້ຫຼາຍໂພດຊັ້ນ...ສະແດງວ່າຂ້ອຍເກັ່ງກວ່າເຈົ້າ..555+ ^^