ກະທູ້ມາໃໝ່ | ຫມວດ | ກະດານແຫ... » ພາສາ |
ເວັບບອດພັນລາວ
ເວັບບອດພັນລາວ ເປັນກະດານສົນທະນາສຳລັບສະມາຊິກພັນລາວທຸກທ່ານ ທ່ານສາມາດຕັ້ງກະທູ້ເພື່ອສອບຖາມ ສະແດງ ແລະຂໍຄຳເຫັນຈະສະມາຊິກຄົນອື່ນ ໆ ຕະຫຼອດຈົນເຖິງການສົນທະນາທົ່ວ ໆ ໄປໄດ້ໃນເວັບບອດແຫ່ງນີ້. ຫາກຕ້ອງການແຈ້ງກະທູ້ຜິດກົດລະບຽບ ໃຫ້ໂພສໄດ້ທີ່ http://punlao.com/webboard/topic/3/index/288147/
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ຫນ ຫນ້າ ........ .ຫມາ ຫມ ຫມາກແຫນ່ງ ຢາກກິນແກງ..... .ທັງຫມົກຫນໍ່ໄມ້ ໄຟໃຫມ້ຫມໍ້..........ເຫມັນກູ້ມຫນ້າຫນ່າຍ ແຫນງເພກໄມ້..... ມີປ້ອງຮອດປາຍ....ຫນໍນາງ. |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ຫາກມີຄຳຄົມ ໃຫ້ສົມກັນກັບຫນ້າຂີ້ກະສິວຂອງສາວໆຂື້ນໃຫມ່, ຄິດໄປໄກວ່າ ເປັນຫຍັງສາວຂື້ນໃຫມ່ຈຶ່ງມີຂີ້ກະສິວເຕັມຫນ້າ? ອີ່ຕົນສາວນ້ອຍກຳລັງແຮງສູງ. ມັນກະຂື້ນຢູ່ແນ່ນອນນຳການຮັກສາຄວາມສອາດຜິວຫນ້າ. ແຕ່ສາວນ້ອຍຜູ່ທີ່ກາກກຳດຳນາຊ່ອຍພໍ່ແມ່ຊິເອົາເວລາໃດມາບົວຣະບັດຂັດສີໄດ້. ຫາກຢາກມີຫນ້າຂາວງາມກ້ຽງປ່ອຍລ່ອຍ ກະຕ້ອງເສັຍສະລະເວລາໃຫ້ໃບຫນ້າຂອງຕົນສເມິ...ບໍ່ຊັ້ນແລ້ວຊິໄດ້ໄປຂີ້ອາຍບ່າວແວງຈາກບ້ານອື່ນ.. ແຕ່ຄວາມຈິງກະກາກກຳນຳແຕ່ວຽກມັນກະຕ້ອງໄດ້ຫນຶ່ງເສັຍຫນຶ່ງໄປ.. ຫາກແຕ່ວ່າຖ້າສາວນ້ອຍທີ່ຢູ່ໃນເມືອງ,ຢູ່ນຳພໍ່ແມ່ຜູ່ທີ່ມີເງິນມີຄຳປານ ດອກ ເຫັດຍາມຝົນຕົກແລ້ວກະບໍ່ມີບັນຫາຫຍັງ, ໄປຮ້ານເສີມສວຍ ໃຫ້ເຂົາຊ່ອຍລ້າງຫນ້າ ທາສີຄີ້ວໃຫ້ຢ່າງສບາຍ. ແຕ່ມັນກະມີອີກບັນຫາຫນຶ່ງທີ່ອາຈບໍ່ຂື້ນກັບຈຳນວນເງິນທີ່ຕິດຖົງນັ້ນ ແຕ່ວ່າ ມັນມີສ່ວນໃນສ່ວນປະກອບທີ່ຕົກທອດມາຈາກພໍ່ແມ່ກະມີ..ທີ່ວ່າ ເຣັດຈັ່ງໃດແສນວ່າຈະເອົາໃຈໃສ່ນຳໃບຫນ້າຫັ້ນແຕ່ມັນກະຍັງມີສິວເຕັມຢູ່.. ອາຈເປັນເພາະ ກິນເຜັດໂພດບໍ? ອາຈເປັນຍ້ອນຮໍໂມນທາງເພດສູງ?(ສົມຄວນຫາທາງຣະບາຍອອກ!) ອາຈເປັນເພາະມັກນອນເດິກໂພດ!? ມີແຕ່ຄຳຖາມຫາຫັຍງມາຕອບພໍໃຫ້ອຸ່ນໃຈກະບໍ່ມີ. ແຕ່ທີ່ຈິງສາວໆຂື້ນໃຫມ່ສົມຄວນເປັນຄົນງາມກັນໄປຫມົດທັງໂລກ... ແຕ່ອີກປະການຫນຶ່ງ ຄວາມອ່ອນໃຫວທາງອາຣົມໂກດແຄ້ນກະອາຈເປັນສ່ວນຫນຶ່ງຂອງການມີຂີ້ກະສິວ!! ເວົ້າໄປແບບບໍ່ມີຫຼັກການ!!ໃຫ້ສາວນ້ອຍຫຶນ, ໃຈຮ້າຍ ຫນ້າງໍ ຍາມນັ້ນແຮ່ງຊິມີຂີ້ກະສິວເຕັມຫນ້າ!!! ແຕ່ກະມີອີກວ່າ ໃຜມີຈິດໃຈຜ່ອງໃສ, ເບີກບານ ນັ້ນກະເປັນແນວທາງຫນຶ່ງທີ່ອາຈລົດການມີສິວໄດ້... ຈັ່ງຊັ້ນຢ່າສູ້ເປັນຄົນໃຈຫວຶດຫວື່ ຫນ້າຊິຂື້ນຝ້າ ແລະສິວ!!! |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ຄິດໃດທີ່ເພິ່ນວ່າ
ຜູ້ຊາຍບໍ່ຊົ່ວຜູ້ຍິງບໍ່ມັກ |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ອ້າງເຖິງຂໍ້ຄວາມຈາກ paype ຂຽນວ່າ... ຄິດວ່າປີໃຫມ່ນີ້ ຄົງບໍ່ມີຂີ້ກະສິວແລ້ວຕິເຈົ້າ? ເພາະວ່າອ່ອວຍພອນອັນປະເສິດແກ່ສາວໆລາວທັງນ້ອຍໃຫຍ່ທຸກຖ້ວນຫນ້າ!!! |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 13 ປີ ກ່ອນໜ້ານີ້
ປ່ຽນທິດທາງ.. ມາຫຼີ້ນພັນລາວນີ້ໄດ້ ທົບທວນແລະເຫັນຄ່າຂອງຄຳເວົ້າຫຼາຍຄຳທີ່ຂາດຫຫາຍໄປຈາກຄວາມຈື່ຈຳ... ແຕ່ກະມີບາງຢ່າງທີ່ຫນ້າອານາດໃຈ ກະຄືວ່າຫຼາຍຄົນບໍ່ຂຽນຄວາມລາວແຕ່ວ່າແປມາຈາກໃສຂຽນລົງໄປ ດ້ວຍອັກສອນລາວແຕ່ບໍ່ແມ່ນຄວາມລາວ!! ບໍ່ອຸກໃຈເພາະເຂົ້າໃຈດີ ວ່າເຂົາເຈົ້າບໍ່ຮູ້.. ເພາະພາສາລາວຫຼາຍບາດຕອນໄດ້ເກິດມີ amnesty ໄປ ຂາດກົກເຄົ້າ,ຂາດຄວາມ ມີ logic ຫຼາຍຄົນຄິດວ່າ ສັກ ທີ່ເອົາມາໃຊ້ ມັນແມ່ນຄຳດຽວກັນກັບ ຈັກ. ແຕ່ທີ່ຈິງ ສັກ ໃນຄວາມຫມາຍເດີມແມ່ນຍົດສັກ ບໍ່ແມ່ນ ຈັກທໍ່ໃດ, ຈັກເມື່ອໃດ, ຈັກກິ່ຂັ້ນ, ແລ້ວເມື່ອໃດ.. ເວົ້າມາຈັ່ງຊີ້ຫຼາຍທ່ານຄົງຖືກຕຳໃຈເພາະເພິ່ນທັງຫຼາຍເປັນລາວຮ້ອຍເປິເຊັນ!! ຫຼາຍຄົນຂີດຂຽນກອນ ທີ່ຈັດເຂົ້າໃນ ຫຼັກການແບບແຜນຂອງວັນນະກອນລາວບໍ່ໄດ້ ແຕ່ກະເອີ້ນກັນວ່າກອນ,ກາບ... ທັງໆທີ່ຮູ້ກັນດີວ່າກອນລາວຫັ້ນມີແບບມີແຜນທາງການຂຽນຢ່າງຄັກແນ່ບົ່ງບອກໄວ້, ມີຊື່ວ່າ ກອນ,ກາບ, ໂຄງ..ນາໆປະການ.. ແຕ່ເຮົາຜູ່ຢູ່ໄກຈາກດິນທີ່ຝັງສາຍແຫ່ບໍ່ອາຈມີຄວາມສຳຄັນແລະເຫດຜົນທໍ່ຜູ່ຢູ່ກັບທີ່ກັບຖານ(ບໍ່ແມ່ນຫມາຍເຖິງສ້ວມຖ່າຍເດິ!) ເວົ້າຫຍັງກະບໍ່ຂື້ນປານເພິ່ນແຫຼະ! ກະຕາມ! ເຮົາມີມານະແລະອຸດົມການຂອງເຮົາສເມິມາ ແລະຄົງຈະ ຕລອດໄປ.. ຫຼາຍຄັ້ງໄດ້ຟັງການສຳພາດໃນວິທຍຸ ສຽງເອເຊັຍເສຣີທີ່ອອກກະຈາຍສຽງໄປໃຫ້ຄົນລາວຟັງຫັ້ນ ເຈັບໃຈທີ່ເຈົ້ານາຍຄົນລາວໃຫ້ສຳພາດ ແທນທີ່ຈະເວົ້າຄວາມລາວກັບເວົ້າໄທປົນລາວ ປານວ່າ ເຈັກທີ່ເກິດຢູ່ລາວແຕ່ໄປທຳມາຄ້າຂາຍຢູ່ໄທແລ້ວເວົ້າສັບສົນປົນເລປານວ່າແກງ ເຜັດສຳມະພັດ!! ຈັບຕົ້ນຊົນປາຍແບບວ່າບໍ່ຮູ້ຂີ້ຫມູຂີ້ຫມາຫຍັງນີ້ລະ!! ຫາກວ່າຂ້ອຍເປັນຫົວຫນ້າແລ້ວສົງໃສວ່າຈະໃຫ້ຜູ່ກ່ຽວໄປຊອກຫາວຽກໃຫມ່ແຫຼະ!!ບໍ່ແມ່ນວ່າລັງກຽດພາສາໄທປະການໃດ ແຕ່ໃນນາມພນັກງານຂອງຣັຖບານແລະພນັກງານຂອງຊາດລາວສົມຄວນຮູ້ຫຼັກການແລະພາສາແມ່ຂອງໂຕເອັງ!! ວ່າບໍ? ຢ່າງນ້ອຍກະຄວນຫນ້າອາຍໂຕເອັງຫາກວ່າບ່ຫນ້າອາຍຊາດເກິດ! ຫາກວ່າຜູ່ໄປຮຽນມາແຕ່ໄທກະເວົ້າສັບສົນປົນເປພາສາໄທພາສາລາວ ,ຫາກຜູ່ໄປຮຽນມາແຕ່ຫວຽດຫາກເວົ້າສັບສົນປົນເປຫວຽດປະສົມລາວ, ຫາກຜູ່ໄປຮຽນຍິ່ປຸ່ນເວົ້າຍີ່ປຸ່ນສັບລາວ.. ແລ້ວແບບນີ້ກະຄືຫົນທາງທີ່ດີທີ່ປູໃຫ້ໄວ້ເປັນທາງໄປສູ່ ສູ່ສານພາສາລາວໃນບໍ່ຊ້າ!!! |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ມາແວະເບິ່ງ |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ຫ+ນ=ໜ ຫ+ມ=ໝ |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 14 ປີ ກ່ອນໜ້ານີ້
ອ້າງເຖິງຂໍ້ຄວາມຈາກ jianghamoli ຂຽນວ່າ... ຫ+ນ=ໜຫ+ມ=ໝ ເບິ່ງແມຫັ້ນວ່າມັນເປັນຈັ່ງໃດ? ຫ+ນ=ໜ ຫ+ມ=ໝ ມັນປີ້ນເຈົ້າແລ້ວ!! ສົງໃສມີການປະຕິຫວັດ ອັກສອນຄວບນີ້ ແລ້ວ!!! |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ອ້າງເຖິງຂໍ້ຄວາມຈາກ aliks ຂຽນວ່າ... ມາແວະເບິ່ງມີສາວງາມໆຂຽນ ຫ + ນ = ໝ ແລະ ຫ+ມ= ໜ ຮອດຕອນນີ້ ຂ້ອຍຍັງເຫັນວ່າ ທັງສອງໂຕປະກອບນີ້ ເປັນດັ່ງທີ່ຢາກໃຫ້ເປັນ! ແຕ່ບໍ່ຮູ້ຈະເປັນໄປໃນຮູບໃດຫາກສົ່ງຜ່ານອາວະກາດ!ຈົ່ງຖ້າເບິ່ງເດິ! |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ມັນບໍ່ມີຫຍັງປ່ຽນແປງເລີຍ! ຫຼືວ່າພຽງແຕ່ຍາມມັນຢູ່ໃນຫນ້າຄອມຂອງຂ້ອຍຫັ້ນຕິເບາະ! ແລ້ວເຈົ້າເຫັນຈັ່ງໃດ? |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 14 ປີ ກ່ອນໜ້ານີ້
ໜີດຳ!! ອະດີດ ເປັນທະຫານ ແຕ່ວຽກງານສ່ວນໃຫຍ່ຄົງແມ່ນ ເປັນນັກແຕ່ງເພັງໃຫ້ວົງດົນຕຣີ ກອງທັບ``ຣາບອາກາດວັງວຽງ``ແຕ່ປາງໂລກຍັງພໍມີສີສັນແກມຄວັນຫມື້ ແລະກິ່ນ``ນາປາມ``. ທ່ານໜີດຳ ແມ່ນນາມປາກກາ ຫາກວ່າ ຢາກກັບໄປຫາຊື່ແທ້ຂອງເພິ່ນຫັ້ນຄືຊິໄດ້ຢູ່ ແຕ່ບໍ່ແນ່ໃຈວ່າຈະແມ່ນ ທ່າ ສ. ອຸ່ນວົງ ບໍ ຫຼືຈັ່ງໃດນີແຫຼະ!!! ທ່ານເປັນໜີດຳໂຕດຽວທີ່ເປັນແຮງດັນໃນການຂີດຂຽນເພັງໃຫ້ ກ. ວິເສດ ຮ້ອງ ໂດ່ງດັງຜ່ານມາ. ຈາກເພັງຕ່າງໆທີ່ມີຄວາມນິຍົມຕລອດມາ. ຈະເປັນເພັງ - ທຳມະຊາດ ເມືອງສູ້ຍ; - ໝາວໜອກ; - ຊີວີດທະຫານ; - ໄທດຳລຳພັນ; - ຊັງຄົນຫຼາຍໃຈ; - ສາວໂພນຮົງ; - ຈອມໃຈຄົນຈົນ; - ບ້ານແມ້ວ( ຕາມຄວາມຈື່ ຍັງມີວ່າເພັງນີ້ແຕ່ງຂື້ນຕອນທ່ານໄປຝຶກຝົນທາງທະຫານທີ່ອະເມຣິກາ-ທີ່ຮາວາຍ!?) ເພື່ອເຂົ້າເສັງເພັງທີ່ມີຂື້ນຢູ່ວຽງຈັນຄາວນັ້ນ ບໍ່ໄດ້ຮັບຣາງວັນເພາະບໍ່ຖືກກະຕິກາ.ຍາມນັ້ນແມ່ນ ຫົວຂໍ້ເຣື້ອງແມ່ນ ການສືກສາ. ບາດບ້ານແມ້ວພັດບໍ່ກ່ຽວສາກັບການຮຽນ.ກະໄດ້ທີ່ສີ່ໄປ.ສ່ວນທີຫນຶ່ງແມ່ນເພັງຂອງຄຳຫຼ້າຫນໍ່ແກ້ວ ຄືເພັງ``ປູ່ສອນຫຼານ``ທີສອງ ແມ່ນຂອງສີລາວົງ``ຫນຸ່ມລາວຝັນເພີ້``ແລະທີ່ສາມກະແມ່ນຂອງ ຄຳພູທະວີວັນ``ຈົດຫມາຍນ້ອຍ``. ຜົນງານຂອງເພິ່ນແມ່ນມີຫຼາຍທີ່ວ່າຫາກໃຜຢາກຮູ້ກະຊິເອົາມາເວົ້າສູ່ຟັງໄດ້!! ແຕ່ດຽວນີ້ ກາຍມາເປັນ ບ້ານໂມ້ງ!! ໜີດຳ ໂຕນີ້ ມີ ເລັບ ແຫຼມກວ່າ ໂຕອື່ນ ແຕ່ ຄວາມນິຍົມຊົມຊອບສ່ວນຫຼາຍແມ່ນນັກຮ້ອງເປັນຜູ່ໄດ້ຮັບຫຼາຍກວ່າ . ທຸກຄົນຮູ້ ກ.ວິເສດ ແຕ່ບໍ່ມີໃຜຈື່ໄດ້ວ່າ ຢູ່ທາງຫຼັງຂອງ ກ.ວິເສດນັ້ນແມ່ນໜີດຳຫັ້ນເປັນເຈົ້າກີ້ເຈົ້າການ.. Linkບ້ານແມ້ວ |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 14 ປີ ກ່ອນໜ້ານີ້
ຢູ່ເມືອງລາວ- ຢູ່ໃນປ່າຂອງເມືອງລາວ ມີນັກຄົ້ນຄົ້ວທາງສັດສາວາສິ່ງໄດ້ຄົ້ນພົບເຫັນ ``ໜີແດງ``! ເວົ້າແທ້ໃດ໋ນີ້ ແລະກະບໍ່ໄດ້ ສຽດແທງອີ່ຫຍັງ. ເປັນໜີ ຂ້ອນຂ້າງໂຕນ້ອຍ ຫາກຈື່ບໍ່ຜິດ ຊື່ທາງພາສາ ອັງກິດຊື່ຫນຶ່ງບອກວ່າ``Fire fox" ຄືກັນກັບຣະບົບການເຮັດວຽກຂອງເນດ ຫັ້ນແຫຼະ. ບາດແລ້ວຊິຫາເອົາຮູບມັນມາໃຫ້ເບິ່ງ, ມື້ນີ້ຕິດຫນີ້ກ່ອນ ເພາະວ່າຄວາມຄິດມັນມາໄວກ່ອນການກະກຽມ ກະຈຶ່ງຂຽນແລະຕິດຫນີ້ໄວ້. ເພິ່ນວ່າໄວ້ ວ່າມັນເປັນໜີພັນດຽວຄ້າຍຄືກັນກັບ ໜີ ``ພັນດາ``ທີ່ຢູ່ຈີນຫັ້ນ.ແຕ່ວ່າມີຂົນສີແດງ! ຫາກວ່າ ພວກເດິນປ່າ!!ພວກກວນປ່າໄປເຫັນມັນກະຄິດວ່າເປັນມື້ສຸດທ້າຍຂອງມັນແລ້ວ...ໂຊກມັນຮ້າຍເກິນໄປ.. ແຕ່ຂ້ອຍກະໄຫວ້ວອນພາວະນາຢ່າໃຫ້ພວກຜີປ່າຫັ້ນໄປພໍ້ມັນເລິຍ!! ເພາະມັນຈະສູນພັນໄປຈາກໂລກ ຈາກດິນແດນທີ່``ອຸດົມຮັ່ງມີ``ຫັ້ນໄປຫມົດ. ຫາກໃຜຮູ້ເຣື້ອງນີ້ ກະມາເວົ້າສູ່ກັນຟັງຕໍ່ ຂ້ອຍມັກຟັງອີ່ຫຍັງທີ່ກ໋ຽວກັບສັດສາວາສິ່ງ ຮີດຄອງປະເພນີລາວ... ຫາກວ່າຂິນໃຈທີ່ເວົ້າໄປແບບບໍ່ມີຂື່ມີແປ ກະແລ້ວແຕ່ໃຈເຈົ້າຊິຄິດ.. ຂ້ອຍໄດ້ເຫັນຮູບໜີ ແດງນີ້ແລ້ວ.. ຢາກເຫັນໂຕເປັນໆ ໃນແດນດິນຖິ່ນໄກ ເຫຼຶອຕາ... |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ເຂົ້າມາລະງົງ້ລີຍ ມັນກ່ຽວກັບຫຍັງລະນິ |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ອ້າງເຖິງຂໍ້ຄວາມຈາກ spngieng ຂຽນວ່າ... ເຂົ້າມາລະງົງ້ລີຍມັນກ່ຽວກັບຫຍັງລະນິ ຄຳເຫັນສຸດທ້າຍຫັ້ນເບາະ ? ແມ່ນເວົ້າເຖິງໜີແດງທີ່ມີພູມລຳເນົາຢູ່ໃນລາວມາຊົ່ວຟ້າຊົ່ວປີ ທີ່ອາຈສູນພັນໄປໃນບໍ່ຊ້າບໍ່ນານນີ້ ຫັ້ນດອກ ທ້າວ ບໍ່ແມ່ນການເມຶອງເດິ ໜີແດງນີ້ ແມ່ນໂຕໜີແດງ ແທ້ໆນີ້ແຫຼະ.ຈະເອົາຮູບມັນມາໃຫ້ເບິ່ງມື້ວັນຈັນ. |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ແມ່ນຫວາ |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ຂອບໃຈຫຼາຍເດີລຸງເທົາ |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ແລ້ວສິຖ້າເບິ່ງ |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 14 ປີ ກ່ອນໜ້ານີ້
ນີ້ຄືຮູບ ໜີແດງພ້ອມທັງຊື່ອື່ນໆທີ່ອາຈເອີ້ນກັນ. ຕ້ອງຂໍໂທດທີ່ບໍ່ໄດ້ແປເປັນລາວ.. ເຂົ້າເບິ່ງໃນນີ້ກະໄດ້ ຫາກວ່າ ຮູບທີ່ສົ່ງມາບໍ່ສາມາດປະກົດຂື້ນ. http://en.wikipedia.org/wiki/Red_Panda |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 14 ປີ ກ່ອນໜ້ານີ້
ບໍ່ຮູ້ວ່າໃຜເຂົ້າໄປເບິ່ງໄປອ່ານແລ້ວຫຼືບໍ່ວ່າມັນເຄີຍມີຈິງ ກ່ຽວກັບໜີແດງນີ້ ຢູ່ລາວຄາວກ່ອນ! ຢາກໃຫ້ຄົນລາວເຮົາທຸກຄົນແນມເຫັນຄວາມສຳຄັນຂອງສັດສານາໆພັນທີ່ເຄີຍຢູ່ອາສັຍໃນແຜ່ນດິນລາວຄືກັນກັບຄົນລາວ, ຄືກັນກັບກົບຂຽດທີ່ເຕັມປ່າເຕັມດົງ, ດັ່ງກົກໄມ້ກົກຕອກທີ່ເຄີຍພຸ່ງພົ້ນເຕັມປ່າເຕັມດົງ.. ຢູ່ແຈຕລາດເກົ່າຂອງເມືອງປາກເຊຫັ້ນມີຄອກສັດນ້ອຍໆຢູ່ແຈໃກ້ໆຕຶກຂອງຄອບຄົວສີສົມບັດ(ຫ້າຊັ້ນຫັ້ນ!) ມີຄອກສັດທີ່ໃຜຮັບຊື້ແລະຂັງໄວ້.. ທຳອິດກະໂຕຫນຶ່ງ.ຄາວໄດ້ໄປເຫັນແມ່ນມັນຢູ່ໃນຄອກແຄບໆຫັ້ນນໄກັນຫ້າໂຕ!! ບໍ່ຮູ້ວ່າຊື່ຈັ່ງໃດ ແຕ່ເປັນພາສາຕ່າງປະເທດເອີ້ນວ່າ:"BITURONG" ຂ້ອຍໄດ້ຢຸດເບິ່ງເປັນເວລານານເພາະກັບມາແຕ່ວຽງຈັນຕອນເຊົ້າ ບັງເອີນຍ່າງເລາະໄປແຖວເກົ່າທີ່ເຄີຍຍ່າງຊື້ຂອງໃນຕລາດເກົ່າຄາວຍັງຮຽນຢູ່ວິທຍາລັຍປາກເຊ... ໂຕສັດທັງຫ້ານີ້ ມັນກະຫນ້າຮັກ ທຳອິດກະຄິດຢ້ານບໍ່ກ້າເຂົ້າໃກ້.ແຕ່ຕໍ່ມາຄົນທີ່ລ້ຽງເກຶອພວກມັນຫັ້ນມາເອົາອາຫານໃຫ້ກິນ, ມີແຕ່ນ້ຳ ກັບຫມາກກ້ວຍ,, ເຫັນເຂົາເອົາມືເຂົ້າໄປຢອກຫຼີ້ນກັບມັນ ຂ້ອຍກະໃຈດີຂື້ນແລະກ້າຍື່ນມືເຂົ້າໄປຄືກັນ... ໂຕບິຕູຣົງມັນກະເລັຍມືຂ້ອຍ, ທຳອິດຄິດວ່າມັນຊິເປັນທີ່ຫນ້າຂີ້ດຽດ ແຕ່ ນ້ຳລາຍຂອງມັນຫັ້ນມີກິ່ນ ຄ້າຍໆກັບນ້ຳມັນຫອມທີ່ມີຣາຄາແພງສະນິດຫນຶ່ງທີ່ເຄີຍຕ້ອງດັງມານານ ແຕ່ຄິດບໍ່ອອກໃນຍາມນັ້ນວ່າຊື່ຈັ່ງໃດ ແຕ່ທົບທວນຫາກິ່ນນັ້ນໄດ້ກະຈົນວ່າຕອນກັບໄປແລ້ວ ຈຳໄດ້ວ່າກິ່ນນ້ຳລາຍນັ້ນມັນຄ້າຍກັນກັບກິ່ນຂອງ " Chanel"!! ແຕ່ຫາກໄດ້ກັບໄປກໍຊິເອົາ ຊາແນນໄປນຳເພື່ອປຽບທຽບ ຫາກວ່າຄອກສັດນັ້ນຫາກຍັງຈະຄົງຢູ່! ຮູບສັດນີ້ມີຢູ່ໃນ ອາລບັ້ມຂອງຂ້ອຍ ຫາກໃຜຢາກເບິ່ງກະແວະໄປເບິ່ງໄດ້ເດິ!! |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 14 ປີ ກ່ອນໜ້ານີ້
ມີ ຄຳ ເວົ້າຄຳຫນຶ່ງ ທີ່ຄິດທົບທວນຄືນມາໄດ້ຄື`` ແໝ`` ແຕ່ຄິດຫາບໍ່ເຫັນວ່າ ມັນມີຮູບຮ່າງຈັ່ງໃດ! ຄີດທົບທວນໄປມາຮ້ອຍເທື່ອກະຄີດບໍ່ເຫັນ ແໝນີ້ ເລີຍ!! ກະປານວ່າຕົກໄປໃນຫ້ວງຂອງຄວາມຫວ່າງເປົ່າແບບຫນຶ່ງໃນສະຫມອງ.. ມັນເວີ້ງວ້າງເປົ່າແປນແທ້ໆ. ແມ່ນມັນເປັນພຶດພັນທີ່ເກີດຢູ່ໃນນ້ຳແມ່ນຫຼຶບໍ່? ແຕ່ ເທົານັ້ນຍັງຄີດຫາເຫັນແລະແນມເຫັນເທົາ ທີ່ມີສີຂຽວໆ ຍາມນ້ຳ ໄຫຼມັນກະຫວັ່ນໄຫວໄປນ້ຳ ແປວນ້ຳ! ໄຄຫິນ! ເຄີຍໄດ້ຈັບບາຍຄາວຍັງນ້ອຍຕອນໄປໃສ່ເບັດຢູ່ແກ້ງຫິນທີ່ທາບສອງຝັ່ງ ຈາກບ້ານຂ້ອຍໄປຫາດອນໂຄ! ໃນປະຫວັດສາດ ປາງຝຣັ່ງ ດອນໂຄນີ້ ເປັນຈຸດສຳຄັນທາງຍຸທສາດ ບ່ອນຫນຶ່ງຂອງການເດິນເຮຶອ ກ່ຳປັ່ນ ຂອງທະຫານແຕ່ກີ້ ແຕ່ກ່ອນ ເພາະຢູ່ດອນໂຄນີ້ ພວກທະຫານຝຣັ່ງໄດ້ມາຕັ້ງເປັນຄ້າຍເພື່ອ ການກໍ່ສ້າງຫຼັກປັກຫມາຍແປວປ່ອງນ້ຳ ບ່ອນໃດເລິກຕື້ນໃນລຳນ້ຳຂອງ. ແຕ່ວ່າ ແໝ ກັບນ້ຳຂອງຄົງບໍ່ກ່ຽວກັນ ຍິ່ງໄກອອກໄປຈາກດອນໂຄ ກັບທະຫານຝຣັ່ງ..ດັງໂມຫັ້ນ! ແຕ່ດຽວນີ້ ສາວໆຊາວຜົມທອງພາກັນມາພັກຕາກອາກາດແລະຢູ່ດອນໂຄນີ້ ເປັນອາທີດ, ຢູ່ນຳຊາວບ້ານ ກະເປັນວິທີຫນຶ່ງທີ່ພາກັນຫວນຫາອະດີດປາງປູ່ປາງພໍ່ເຖົ້າຂອງເຂົາເຈົ້າມາເອົາບ້ານເຮົາເປັນຫົວເມຶອງຂື້ນ.. ແຕ່ແໝ ກະຍັງບໍ່ກັບຄືນມາຫາໃນສະຫມອງຂອງ ຜຂ ຢູ່ຈັ່ງໃດ່ກະຈັ່ງຊັ້ນ ຊ່າງດື້ດຶງ ສົມຄວນກັບມາຫາຄົນທີ່ຫວັງຢາກຍົກຖານະແໝໃຫ້ຂື້ນໃນຍຸກ ໂລກ ໄຮ້ພົມແດນ ໃນເຄຶອຂ່າຍ ອິນເຕິເນດ!! ຊ່າງເທາະນໍມື້ຫນ້າມັນຫາກຊິມາງໍ້ຂໍຄືນດີ. |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 14 ປີ ກ່ອນໜ້ານີ້
ຕໍ່ມາຢາກເອົາຄຳວ່າ ``ໜາກແໝ່ງ`` ມາເວົ້າເຖິງ ເພາະມັນມີ ສອງໂຕ ໜ ກັບ ໝ ມາຄູ່ກັນອີກ ເອົາເປັນວ່າ ສັບລາວ ແຕ່ລະວັນ ລະວັນ.. ແຕ່ທັງໜົດມັນກະເປັນພຽງຄຳລຳພຶງລຳພັນຂອງຂ້ອຍຜູ່ດຽວ - ທີ່ລົງຄຳເຫັນສັ້ນໆຈັ່ງຊີ້ ກະຍ້ອນວ່າທີ່ຂຽນມາເປັນກອງ ບໍ່ເຫັນໃຜມາສົນໃຈ ຫຼື ອອກຄຳເຫັນໃດໆນຳ ຫຼືວ່າ ກະບໍ່ຮູ້ຄືກັນ ຫຼືວ່າ ຄ້ານອ່ານ ເປັນ ການຂຽນທີ່ໄຮ້ປະໂຫຍດ! ສຳຫຼັບບາງຄົນທີ່ເຫັນພ້ອມແບບນີ້ ກະຊິວ່າຫຍັງໄດ້ນໍ ເພາະເຮົາຖຶຫຼັກການ ແບບ ປະຊາທິປະໄຕ, ທີ່ທຸກຄົນ ມີອິສຣະເສຣີໃນການຂີດຂຽນ, ປາກເວົ້າ ຫຼຶ ສແດງຄວາມຄີດຄວາມເຫັນຕາມໃຈໂຕເອັງ.. ປ່ອຍໃຫ້ນ້ຳ ລົ້ນແອ່ງອີກແລ້ວ!! ກັບມາຫາໜາກແໝ່ງ ກັນດີກວ່າ ຖຶວ່າ ບ້ານເຮົາກະມີໜາກແໝ່ງປ່າ ກັນ ຫຼວງຫຼາຍ.. ປາງໝຶ່ງທີ່ໄດ້ເປັນຜູ່ແປພາສາໃຫ້ທ່ານທູດລາວຜູ່ທຳອິດທີ່ໄປປະຈຳການທີ່ປະເທດ ທີ່ຂ້ອຍປະຈຳການຕລອດມານີ້ ວ່າ ໃນການໄປສເນິຕົວໃນນາມນັກການທູດມາໃໜ່ໆ ຢູ່ ທີ່ສະຖານທູດ ອິນເດັຍ.. ການໂອ້ໂລມກັນຂອງບັນດາທ່ານທູດທັງສອງຍຶດຍາວ ແຕ່ກະ ມີກຳໝົດຄື ຫາກເປັນນັກການທູດທີ່ມີພູມຖານ ກະບໍ່ໃຫ້ກາຍ ຊົ່ວໂມງລະ..ແຕ່ການຄັ້ງນີ້ ກະຍາວສົມຄວນ ສັງເກດໄດ້ທີ່ນັກການທູດອິນເດັຍມັກແນມເບິ່ງໂມງໂຕເອັງເລື້ອຍ!! ແຕ່ ກະໄດ້ຄວັກຂ້າງທູດເຮົາແຕ່ເພິ່ນມັນນັກການທູດ ສາກົນ!!!ຊິໄປຕິໄດ້ນໍ!!ເຮົາເປັນພຽງຄົນແປພາສາ.. ແຕ່ເມື່ອການສົນທະນາແກ່ດຶງໄປທຸກຄອກທຸກແຈ ເຮົາເລີຍ ເວົ້າສູ່ທູດອິນເດັຍຟັງແບບນອກ ໂປຣໂຕໂກວ ວ່າ ທີ່ທ່ານວ່າຢູ່ອິນເດັຍມີໜາກແໝ່ງຫຼາຍ ແຕ່ທ່ານຮູ້ບໍ່ວ່າ ຢູ່ເມຶອງລາວ ກ ະມີໜາກແໝ່ງສົ່ງອອກຂາຍຄືກັນ !! ເມຶອ່ໄດ້ງິນຈັ່ງຊັ້ນທ່ານທູດອິນເດັຍກະສົນໃຈແລະກ່າວຄຳວ່າ`` ໂອ``ຂື້ນມາ ຢູ່ລາວກະມີໜາກແໝ່ງ ຜູ່ຂ້າບໍ່ຮູ້ເລີຍ!! ເປັນອັນວ່າ ຂໍໂຕກັບຈາກສະຖານທູດອິນເດັຍດ້ວຍໜາກແໝ່ງ ພໍບໍ່ໃຫ້ເຂົາຄີດວ່າເຮົາກິນເວລາເຂົາແບບເປົ່າປະໂຫຍດ.. ເກັບມາເວົ້າເຖິງໜາກແໝ່ງ ກະບັນຫານີ້ ເປັນສ່ວນໝຶ່ງ ທີ່ເຮົາ ຫຼາຍຄົນຮອດບໍ່ຮູ້ວ່າໜາກແໝ່ງເປັນໜ່ວຍຈັງໃດ? ໂຕເອັງກະເກັບກຳຮູບພາບຕ່າງໆມາໃຫ້ເບິ່ງບໍ່ໄດ້ຄືກັນ ຖ້າຫາກວ່າ ຜາສຸກ ຫຼື ຫຼານກິເດດ ຫາມາໃຫ້ໜູ່ເບິ່ງນຳກັນໄດ້ກະຈະບໍ່ລືມບຸນຄຸນ. ໜາກແໝ່ງ ເອົາມາເຮັດຫຍັງໄດ້? ມີປະໂຫຍດແນວໃດໃນຊີວີດແລະໃນເຮຶອນຄົວ? ໃຜຮູ້ ບອກກັນແນ່! |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ໂອກາດບໍ່ເຄີຍມາຫາເຮົາ ມີແຕ່ເຮົາສ້າງໂອກາດເອົາເອງ
|
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ເຊົາເມົາ,ເຊົາເຫຼົ້າເຂົ້າພັນສາ,ແຕ່ເຊົາໂສດຫັນຕິເຊົາແນວໃດກະບໍ່ໄດ້ຈັກເທື່ອ
|
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
|
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ເຈົ້າກະແຮງ ຕື່ມເປັນສອງເທົ່າ!! ຍິ່ງງົງໂຕເອັງກະດາຍ!! |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ແບບວ່າ ອ່ານບໍ່ຈົບ ມັນຍາວໂພດຫັ້ນນາ ບໍ່ຮູ້ເວັ້ນອັນຫຍັງກັນ ໜີແດງ ໜີດຳຢູ່ ໂອຍ!!! ມຶນຕຶບ
ໂອກາດບໍ່ເຄີຍມາຫາເຮົາ ມີແຕ່ເຮົາສ້າງໂອກາດເອົາເອງ
|
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ອ້າງເຖິງຂໍ້ຄວາມຈາກ ker ຂຽນວ່າ... ແບບວ່າ ອ່ານບໍ່ຈົບ ມັນຍາວໂພດຫັ້ນນາ ບໍ່ຮູ້ເວັ້ນອັນຫຍັງກັນ ໜີແດງ ໜີດຳຢູ່ ໂອຍ!!! ມຶນຕຶບ ໜີແດງເປັນໜີທີ່ມີຂົນສີແດງ ເປັນພັນດຽວກັນກັບ ໜີ ພັນດາ ແຕ່ມັນຢູ່ເຂດພູສູງ ແລະອາຫານການກິນຂອງມັນມີທາດອີ່ຫຍັງທີ່ພາໃຫ້ຂົນມັນແດງ!! ສ່ວນໜີດຳ ມັນກະດຳ ປານໜີດຳ!! ຂົນດຳ ແຕ່ໃຈມັນໃຫຍ່ກວ່າ ມະນຸດບາງຈຳພວກ!! ຈຶ່ງວ່າໜີແດງກັບໜີດຳ.. ອີກໜີດຳ ໂຕໝຶ່ງ ກະຄື ນັກແຕ່ງ ເພັງແຕ່ກີ້ ທີ່ແຕ່ງເພັງ: ສາວໂພນຮົງ, ບ້ານແມ້ວ, ໄທດຳລຳພັນ... |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ໜ ໜ
ເຫັນອ້າຍເປັນຕອກມັດກ້າ ດຳນາແລ້ວຢຽບໃສ່ຕົມ
|
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 14 ປີ ກ່ອນໜ້ານີ້
ອ້າງເຖິງຂໍ້ຄວາມຈາກ wantiya ຂຽນວ່າ... ໜໜ ການໃຊ້ ອັກສອນສອງໂຕໃນຣະບົບ ``ລິນຸກສ`` ຍາກເດິ.ເພາະບໍ່ຮູ້ຍາມໃດມັນເປັນໂຕ ໜ ຫຼື ໂຕໝ ຫັ້ນ ທີ່ເຈົ້າສົ່ງໄປ ເປັນໂຕດຽວຈ້ອຍ..ໂຕ ໜ ທັງສອງ ຄື ຫມ ຊັ້ນເດ! |
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ກັບມາຫາບັນຫາໂຕ ໝ ກັບໂຕ ໜ ອີກ! ເວົ້າເຖິງໜີດຳ, ໜີແດງ ແລະໜີດຳນັກປະພັນເພັງມາແລ້ວ.. ແຕ່ຍັງມີອີ່ຫຍັງທີ່ຢາກເວົ້າຕື່ມກ່ຽວກັບໜີນນີ້ຢູ່! ກະຄືຟາມລ້ຽງໜີ ໃນເມືອງລາວ ທີ່ຜິດສິນທຳ!! ເພາະພາກັນລ້ຽງໜີເພື່ອເຈາະເອົາບີມັນມາໃຫ້ ພວກຜີບ້າ ຜູ່ເຖົ້າຫົວງູ ທີ່ຫວັງຢາກຄອງ ອານາຈັກແຫ່ງກາມ!! ໃນປາກຖືສິນ ແຕ່ລັບຫຼັງແລ້ວເອົາຕິນຢຽບ!! ໄດ້ຕັ້ງກະທູ້ພິເສດຂື້ນມາກ່ຽວກັບບັນຫານີ້ ແຕ່ຄົງເປັນບັນຫາທີ່ບໍ່ໂດ່ງດັງແລະໃຫ້ຄວາມສົນໃຈພໍ ເພາະມັນບໍ່ກ່ຽວກັບຄວາມຮັກ ແລະ ສັລເສີນໃຜ,... ເປັນພຽງການຍົກບັນຫາ ທີ່ກ່ຽວກັບມະນຸສຍະທຳແລະ ຄວາມກະຫາຍຢາກຮັ່ງຢາກມີເທິງຄວາມເຈັບແສບແລະທໍຣະມານຂອງຜູ່ອື່ນ. ຫາກຢາກຮູ້ກະເຂົ້າໄປອ່ານຫຼີ້ນໃນກະທູ້`` ຟາມລ້ຽງໜີ...`` ໜີໜາເໜັ້ນ ເປັນພຽງສັດຊາດຕ່ຳ ເພິ່ນວ່າດາຍ ແຕ່ວ່າມັນບໍ່ຂ້າ ສັດຫັ້ນເພື່ອກິລາ ດັ່ງຄົນເອີຍ. |