ຂຽນເມື່ອ ຫລາຍກວ່າ 15 ປີ ກ່ອນໜ້ານີ້,
ແກ້ໄຂເມື່ອ ຫລາຍກວ່າ 15 ປີ ກ່ອນໜ້ານີ້
- ຕາມສັນນິຖານນັ້ນ ພູເຂົາຄວາຍ ບໍ່ອາດຊິແມ່ນ "ພູທີ່ເຕັມດ້ວຍເຂົາຄວາຍ ຫຼຶພູທີ່ມີຮູບຮ່າງເໝືອນເຂົາຄວາຍ" ດອກ, ແຕ່ຫາກແມ່ນພູເຂົາທີ່ມີຄວາຍ ຫຼືພູແຫ່ງຄວາຍ ຫຼືພູຄວາຍຫຼາຍກວ່າ.
- ດ້ວຍເຫດທີ່ໄດ້ສັນນິຖານຈາກພາສາທີ່ໃຊ້ ຄື ພູ ກັບ ເຂົາ ລ້ວນແຕ່ແມ່ນ ພູ ບໍ່ໝາຍເຖິງເຂົາຄວາຍ.
- ໃນພາສາລາວດຽວນີ້ອາດຊິຄົ້ນຄວ້າຫາຮາກສັບຢາກ ເພາະເຫັນວ່າ "ເຖິງພາສາລາວເຮົາຈະໃຊ້ກັນຕາມສຽງທ້ອງຖິ່ນໃຜມັນກໍຕາມ ແຕ່ພາສານັ້ນ ສ່ວນຫຼາຍ ຈະຖືກພັດທະນາການມາເປັນອັນດຽວກັນເກືອບ ຈະເໝືອນກັນໝົດ".
- ເຮົາຈຶ່ງໄດ້ຄົ້ນຄວ້າ ໃນນັ້ນສີ ຈະເຫັນວ່າ "ພູກັບເຂົາ" ນີ້ ໃນພາສາລາວຈະຮຽກເປັນຄຳດຽວກັນເລີຍ ຄື "ພູເຂົາ" ສ່ວນຫຼາຍໃນພາສາລາວ ໃນວັນນະຄະດີ ຕ່າງໆ.
ແຕ່ຫາກເຮົາຂ້າມໄປທາງຝັ່ງໄທຍ໌ແລ້ວຈະເຫັນມີການແຍກກັນຈະແຈ້ງຄື ທາງພາກເໜືອຮຽກວ່າ ພູເຂົາ, ທາງພາກອີສານ ຈະຮຽນວ່າ ພູຢ່າງດຽວກໍມີ ພູເຂົາ ຄວບກັນກໍມີ ສ່ວນພາກກາງລົງພາກໃຕ້ ຈະຮຽກວ່າເຂົາ.
- ເມື່ອມາເບິ່ງທັດສະນະລວມຄວາມແລ້ວ ຈະເຫັນວ່າ "ພູເຂົາ" ເປັນພາສາລາວເດີມ, ພາສາໄທຍ໌ເອງກໍຮຽກ "ພູເຂົາ" ເຊັ່ນກັນ, ທຳມະດາແລ້ວ ຄົນລາວເຮົາ ຫາກເປັນພາສາເວົ້າ ຫາກຄຳໃດສາມາດເວົ້າຄຳດຽວແລ້ວ ສືສານກັນຮູ້ເລື່ອງກໍຈະເວົ້າຄຳດຽວໄປເລີຍ ຈະເປັນຄຳໜ້າ ຫຼືຄຳຫຼັງກໍຕາມ ເຊັ່ນດຽວກັນ "ທອງຄຳ" ຈະເວົ້າວ່າທອງ ຫຼືຄຳ ກໍໄດ້ ແຕ່ທີ່ນີ້ລາວເຮົາເລືອກເອົາ "ຄຳ" ມາຮຽກ "ໄທຍ" ຈຶ່ງໄປຮຽກເອົາ "ທອງ", ກະຍັງດີ ທີ່ລາວຮຽກ ເອົາຄຳໄວ້ກ່ອນ ຫາກໄປຮຽກເອົາທອງ ຄົງຈະຫຍຸ້ງຍິ່ງກວ່ານີ້ ຮ່າໆໆໆໆໆໆໆໆໆໆໆໆໆໆໆໆໆໆໆໆໆໆ
- ຂຽວງາມອຸ່ມທຸ່ມ ຍາມຟ້າເງື້ອມງຸ່ມບັງບົດ
ທ້ອງຟ້າເມກໝອກບັງໝົດ ແລ່ນລົດໄປຕາມສາຍທາງບ້ານເກີນ
ຫຼຽວເຫັນພູເຂົາຄວາຍຍາມສວຍ ງາມເກີນກຳນົດ
ທົ່ງນາຂຽວງາມໄປໝົດ ສຸກຊື່ນອຸຣາແທ້ໜັກໜາ
- ພຸ້ນພູເຂົາຄວາຍ ສວຍງາມໜ້າຊົມ
ທົ່ງນາສວຍຊື່ນພິລົມ ງາມສົມສົດຊື່ນລື່ນໃຈ
ໂອພູເຂົາຄວາຍຊ່າງສວຍງາມກະດັກກະດໍ້
ເມກໝອກບັງຟ້າຫຼາຍຕໍ່ ແສງທອງຍັງທໍໃຫ້ເຈົ້າສວຍງາມ