ນີ້ເປັນອີກຄັ້ງນຶ່ງທີ່ເວັບໄຊພັນລາວຖືກກໍ່ກວນໂດຍບຸກຄົນບໍ່ຫວັງດີ ຄົນເຫຼົ່ານີ້ເປັນຄົນມີການສຶກສາ ແຕ່ມາລະຍາດຜັດວ່າຕ່ຳຕິດດິນ ປານດັ່ງຂີ້ຕົມໃນຍາມຝົນສະນັ້ນ

ເລື່ອງທີ່ຂ້າພະເຈົ້າໃນຖານະຂອງທີມງານຈະມາປະກາດໃນມື້ນີ້ ກໍຄື ການກະທຳຂອງທ່ານ Santii ເຊິ່ງໄດ້ຮັບຂໍ້ມູນມາໄລຍະນຶ່ງແລ້ວ ແຕ່ທາງທີມງານກໍບໍ່ໄດ້ຖືຊາຫຍັງ ໄດ້ປ່ອຍໂອກາດໃຫ້ກັບໂຕກັບໃຈປ່ຽນນິໄສ ແຕ່ແນວໃດທ່ານ Santii ກໍຍັງບໍ່ຍອມປ່ຽນ ແລະຍັງສືບຕໍ່ສ້າງຄວາມປັ່ນປ່ວນຢູ່ຢ່າງບໍ່ຢຸດ ໂດຍກໍລະນີຫຼ້າສຸດແມ່ນການໄປປອມໂຕເປັນສະມາຊິກຄົນນຶ່ງຄື http://punlao.com/OB/

ການປອມໂຕແມ່ນ http://punlao.com/Santii/ ໄປກັອບຂໍ້ມູນ ຮວມເຖິງຮູບຕ່າງ ໆ ໃຫ້ເປັນແບບດຽວກັບ http://punlao.com/OB/ ຈົນຕອນນີ້ສະມາຊິກ OB ໄດ້ປ່ຽນຮູບແລະປ່ຽນການຕັ້ງຄ່າໂປຣໄຟລ໌ໃຫ້ເປັນແບບສ່ວນໂຕແທນ (ໝາຍຄວາມວ່າ ຖ້າທ່ານຄລິກເຂົ້າໄປເບິ່ງໂປຣໄຟລ໌ Santii ຈະເຫັນເປັນໂປຣໄຟລ໌ຂອງ OB ແທນ ເຊິ່ງເປັນຄົນລະຄົນກັນ ຖ້າຕ້ອງການເບິ່ງໂປຣໄຟລ໌ເກົ່າຂອງທ່ານ Santii ກະລຸນາເບິ່ງໄດ້ຈາກ cache ຂອງ google)

ທາງທີມງານເອງເມື່ອຮູ້ດັ່ງນັ້ນກໍບໍ່ໄດ້ປ່ອຍປະລະເລີຍແຕ່ຢ່າງໃດ ໄດ້ຈັດການຍົກເລີກສະຖານະສະມາຊິກຂອງທ່ານ Santii ແລະປາກົດວ່າ ທ່ານ Santii ໄດ້ສະໝັກມາໃນຊື່ໃໝ່ຄື http://punlao.com/SantiiODM/ ເຊິ່ງທີມງານກໍຈັດການຍົກເລີກສະຖານະສະມາຊິກໄວ້ອີກຮອບ ເນື່ອງຈາກຍັງມີຄະດີທີ່ຍັງບໍ່ແລ້ວເທື່ອ. ຕໍ່ມາ ທ່ານ OB ກໍໄດ້ຂຽນໄດອາຣີ່ ເພື່ອບອກກ່າວເຖິງຄວາມເປັນໄປ ສາມາດອ່ານໄດ້ຈາກ http://punlao.com/OB/diary/8099/.

ເມື່ອທາງທ່ານ Santii ຮູ້ວ່າຕົນບໍ່ສາມາດເຂົ້າໃຊ້ໂປຣໄຟລ໌ຕົນເອງໄດ້ ຈຶ່ງຂຽນຂໍ້ຄວາມມາຫາທີມງານໂດຍມີເນື້ອໃນດັ່ງລຸ່ມນີ້...



ນີ້ຄືການກະທຳຂອງນັກສຶກສາລາວຢູ່ປະເທດຈີນຄົນນຶ່ງ ທີ່ສະແດງອອກເຖິງຮາກເຫງົ້າຂອງຕົນໄດ້ເປັນຢ່າງດີ. ຈາກເຫດການທີ່ຜ່ານມາຫຼາຍຄັ້ງ ທາງທີມງານສັງເກດວ່າ ບຸກຄົນທີ່ມັກສ້າງບັນຫາມັກຈະແມ່ນນັກສຶກສາລາວ ທີ່ມີຖິ່ນກຳເນີດຢູ່ພາກໃຕ້ ແລະໄດ້ມີໂອກາດໄປສຶກສາຕໍ່ຢູ່ຕ່າງປະເທດ ບໍ່ວ່າຈະເປັນຫວຽດນາມ ຫຼືປະເທດຈີນ ເຊິ່ງກໍຫວັງເປັນຢ່າງຍິ່ງວ່າ ຈະມີເປັນສ່ວນໜ້ອຍ ບໍ່ແມ່ນທັງໝົດເນາະ...

ໃນກະທູ້ນີ້ ຈຶ່ງຂໍປະຈານພຶດຕິກຳເສຍ ໆ ຂອງທ່ານສັນຕິ (ເພິ່ນຢູ່ຈຳປາສັກ ແລະກຳລັງຮຽນຢູ່ປະເທດຈີນ) ອີກຄັ້ງນຶ່ງ ຂໍໃຫ້ຢ່າໄດ້ເອົາເປັນແບບຢ່າງຕໍ່ໜ້າສືບໄປອີກເລີຍ.

ຂ້າພະເຈົ້າຕັ້ງໃຈສ້າງເວັບນີ້ມາ ເພື່ອໃຫ້ເປັນບ່ອນແລກປ່ຽນຄວາມເຫັນ ແລະໄດ້ຮູ້ຈັກກັບຄົນລາວນຳກັນທີ່ມີຢູ່ທົ່ວໂລກ ບໍ່ໄດ້ສ້າງມາໃຫ້ເປັນເວັບສຳລັບໂຈມຕີ ຫຼືປອມໂຕເປັນໃຜທັງສິ້ນທັງປວງ. ການສ້າງເວັບນີ້ ກໍບໍ່ໄດ້ງ່າຍ ຕ້ອງໃຊ້ເວລາ ແລະທຶນຮອນຫຼາຍ ໂດຍໂຕຂອງຂ້າພະເຈົ້າເອງກໍບໍ່ໄດ້ມີລາຍໄດ້ຫຍັງກັບມັນເລີຍ ແຕ່ສ້າງເພື່ອໃຫ້ເປັນຂອງພວກເຮົາຄົນລາວທຸກຄົນ. ທາງທີມງານ ຮວມເຖິງຂ້າພະເຈົ້າ ກໍມີພຽງແຕ່ເບິ່ງແຍງຄວາມເປັນລະບຽບຮຽບຮ້ອຍ ແລະຮັກສາກົດຕ່າງ ໆ ເພື່ອໃຫ້ພາຍໃນເວັບ ມີຄວາມເປັນລະບຽບຮຽບຮ້ອຍນັ້ນເອງ.

ເຖິງປານນັ້ນແລ້ວ ກໍຍັງມີກຸ່ມບຸກຄົນບາງຄົນ ທີ່ບໍ່ໄດ້ຮູ້ສຶກຮູ້ສາຫຍັງເລີຍໃນຄວາມຍາກລຳບາກຂອງການສ້າງພັນລາວ ເພື່ອໃຫ້ທຸກຄົນໄດ້ໃຊ້ລ້າ ໆ ແລະທີມງານກໍຕ້ອງມາເສຍຄວາມຮູ້ສຶກເພື່ອຮັບຟັງຄຳດ່າຂອງນັກສຶກສາ ທີ່ມີອາການປານດັ່ງຄົນບໍ່ມີການສຶກສາເຫຼົ່ານີ້ຢູ່ເປັນປະຈຳ.

ກໍຫວັງວ່າ ຄັ້ງນີ້ຈະເປັນຄັ້ງສຸດທ້າຍ ທີ່ຈະໄດ້ກ່າວຕັກເຕືອນບັນດານັກສຶກສາ ທີ່ອົດສາໄດ້ມີໂອກາດໄປຮຽນຕ່າງປະເທດ ແຕ່ຜັດວ່າມີຈິດຕົກຕ່ຳເຖິງປານນີ້.

ຫຍໍ້ໜ້າສຸດທ້າຍ ຢາກຈະຝາກບຸກຄົນທີ່ມັກສ້າງຄວາມເດືອດຮ້ອນວ່າ “ຖ້າຄຶດຫຍັງສ້າງສັນບໍ່ເປັນ ກໍຢ່າໄປຄຶດຫຍັງເລີຍ ນອນລ້າ ໆ ດີກວ່າທ້ອນ ທ່ານເອີຍ”

ກົດ ຕ້ອງເປັນກົດ

ມາເປີດກະທູ້

ຕັ້ງເປັນຕາໜ່າຍເນາະຄົນພວກນີ້

ອັນເວົ້າວ່າເວບນີ້ຫ່ວຍໆ

ຄົນຫ່ວຍໆກາຍັງເຂົ້າມາຫຼິ້ນເສີຍ

ກໍ່ກວນຄົນອື່ນເຮັດຫຍັງ

ເພິ່ນສ້າງໃຫ້ໄວ້ເພື່ອແລກປ່ຽນຄວາມຄິດເຫັນຕ່າງໆ

ລະເຮົາກໍ່ບໍ່ໄດ້ໄປເສຍເງິນນຳເພິ່ນ

ແມ່ນຄວາມອ້າຍຫັນລະ ສ້າງມາລະມາເຮັດໃຫ້ເສຍກຳລັງໃຈ



ອ້າຍນີນນນນນນນສູ້ໆໆໆໆໆໆໆໆໆໆໆໆໆ

ທ້າວ ເອມາຕັດໜ້າ ກ່ອນຊ້ຳເນາະ ບໍ່ທັນໄດ້ເປີດຊ້ຳ

ຊົມເຊີຍການເອົາໃຈໄສ່ເບິ່ງແຍງເວັບບອດຂອງ au8ust ເດີ້ . . . ຢາກຊ່ວຍຢູ່ ແຕ່ບໍ່ມີຄວາມຮູ້ ຂໍເປັນກຳລັງໃຈເອົາສະເນາະ ອິອິອິ

ເປັນເຖິງນັກຮຽນທີ່ໄດ້ໂອກາດໄປສຶກສາຢູ່ຕ່າງປະເທດ ບໍ່ໜ້າເຊື່ອວ່າຈະມີພຶດຕິກັມຄືກັບວ່າບໍ່ໄດ້ຮັບການສຶກສາເລີຍ. ຖ້າໄປຮຽນທຶນຣັຖບາລ ນີ້ເປັນການສ່ອງແສງໃຫ້ເຫັນເຖິງຈຸດອ່ອນໃນການຄັດເລືອກຜູ້ທີ່ມີຄຸນສົມບັດທີ່ເໝາະສົມຂອງຄນະກັມມະການຄັດເລືອກກໍວ່າໄດ້.

ຕິດບ້ວງແຫ ລະບາດນິ

เหีแนวนี้กะมีน้ออ้ายน้อ
ขอโทษที้เขียนลาวบ่อได้เด้อ

ຕິດອິສັງເຈົ້າ?

ກໍພິນິຈພິຈາຣະນາຕາມອາກນຊື່ ໆ! ຢ່າຄິດໄປໄກຫລາຍ

ຈັງແມ່ນບໍ່ດີ ຢາກເຫັນໜ້າເດ ຜູ້ຊື່ ສັນຕິ ນິ

ໂລກນີ້ຕັ້ງປາສະຈາກ "ຫ້ຽນ" ບໍ່ໄດ້

ຂ້າພະເຈົ້າບໍ່ກ່ຽວເດີ້ ເເຕ່ມີລາງສັງຮອນວ່າຄົນເເຖວປະເທດຕ້າລີກໍາລັງຖືກຂອງເຮີເຮີ

ສັງຄົມກວ້າງເທົ່າໃດ ການແບ່ງແຍກ ຄວາມຂັດແຍ່ງ ກໍ່ຍິງມີຫລາຍເທົ່ານັ້ນ
ແຕ່ເຮົາຄົນລາວນຳກັນ ຄວນສາມັກຄີ ແລະ ຮັກແພງກັນໄວ້ໃຫ້ຫລາຍໆ...

umm ..wa sun jung man lao

ໂອຍ ເມື່ອຍໃຈນຳເດ ເຈັບຕັບອີກເທື່ອຫນຶ່ງ
ນິນເອີຍ.....
ກຳ......

ຂໍຂອບໄຈນຳທີມງານ ພັນລາວທຸກຄົນ

ກໍ່ກວນຄົນອື່ນແບບນີ້ແລ້ວທ້າວສັນຕິເພີ່ນໄດ້ຫຍັງຂື້ນມາເດນໍ
ບໍ່ເຂົ້າໃຈນຳລາວເລີຍ ປານນັ້ນຊື່ສັນຕິ ບໍ່ສົມຊື່ເລີຍ

ດຽວນີ້ຮູ້ສຶກວ່າເກີດປາກົດການແບບນີ້ຕະຫຼອດນໍ້
ແນວໃດກະມີ ອີຕົນເຈົ້າຂອງເວັບເດ້ ຖືກດ່າຕະຫຼອດ ອົດສາສ້າງເວັບນີ້ມາໂດຍເສຍສະຫລະເງິນສ່ວນຕົວຕົນເອງ ບໍໄດ້ຮັບຜົນກຳໄລອີຫຍັງ
ເຮັດດີປານນີ້ກະຍັງມີຄົນມາດ່າ ຕະຫຼອດ
ເມື່ອຍແທນ

ຄົນເຮົານະ ຊິເຮັດດີປານໃດກະຊ່າງ ບໍ່ດີປານໃດກະຊ່າງ ກະມີທັງຖືກຊົມຖືກດ່າດ້ວຍກັນ ແຕກຕ່າງຢູ່ບ່ອນວ່າຈະຊົມຫລືດ່າ ໜ້ອຍຫລືຫຼາຍເທົ່ານັ້ນ
ມີສິງດຽວກະຄືຄວາມອົດທົນ ( ຊິອົດໄປຮອດໃສລະ ເມື່ອຍອົດກະຊິດ່າກັບເທົ່ານັ້ນລະ ) ແຮະໆໆ
ສູ້ໆເດີ ນິນ

@ETarBank <<<<<<<<

ມີສິງດຽວກະຄືຄວາມອົດທົນ ( ຊິອົດໄປຮອດໃສລະ ເມື່ອຍອົດກະຊິດ່າກັບເທົ່ານັ້ນລະ ) ແຮະໆໆ
ສູ້ໆເດີ ນິນ

ໂອ໋ຍ...ຈັງແມ່ນຖືກໃຈແທ້ເດ່ປະໂຫຍກດັ່ງກ່າວ....ອາລົມຂ້ອຍກຳລັງເປັນແບບນັ້ນແລະ,ອົດຯຯອົດທົນ
ອົດທົນຈົນວ່າ ດຽວກູດ່າກັບເລີຍ "ສັງຄົມທັງຫຼາຍ" 5555

ການສຶກສາສູງບໍ່ໄດ້ໝາຍຄວາມວ່າຈະຂັດເກົາຈິດໃຈໃຫ້ເປັນຄົນດີມີລະດັບໃນສັງຄົມໄດ້,
ການສຶກສາປຽບຄືດາບສອງຄົມຖ້າຢູ່ໃນມືຂອງຄົນດີກໍ່ໃຊ້ໃຫ້ເປັນປະໂຫຍດກັບສັງຄົມໄດ້ແຕ່
ຖ້າຕົກຢູ່ໃນຄົນບໍ່ດີກໍ່ສາມາດສ້າງຄວາມເດືອດຮ້ອນໃຫ້ຄົນອື່ນໄດ້ເຊັ່ນດຽວກັນ. ຖືເອົາເປັນຕົວຢ່າງ
ທີ່ບໍ່ຄວນຮຽນແບບ ຄົນຜູ້ດຽວເຮັດໃຫ້ນັກຮຽນພາກໃຕ້ທີ່ຮຽນຢູ່ຈີນເສຍຫາຍໝົດ. ຖ້າເຕືອນສອງສາມເທື່ອ
ບໍ່ຟັງກໍ່ໂພດສຮູບເລີຍໂລດ ຈະໄດ້ຮູ້ຈັກຫນ້າຕາໄວ້ ເຫັນຫນ້າຈະໄດ້ແລ່ນໜີໄກໆ.

ນິນກໍ່ບໍ່ຕ້ອງຄິດຫຍັງຫຼາຍ ຢ່າເອົາໃຈໄປໃສ່ກັບກຸ່ມຄົນທີ່ເຮັດໂຕເປັນຂີ້ເຫຍື້ອສັງຄົມ
ເອົາດີບໍ່ໄດ້ ເລີຍຮຽກຮ້ອງຄວາມສົນໃຈຈາກສັງຄົມດ້ວຍການກວນບ້ານເມືອງໄປແຕ່ລະມື້.
ເສຍດາຍທຶນທີ່ຜູ້ກ່ຽວໄດ້ໄປຮຽນ ຫນ້າຈະໃຫ້ຜູ້ທີ່ຢາກຮຽນທີ່ດ້ອຍໂອກາດຍັງມີຫຼາຍ.

ເອົາອີກແລ້ວ
ບໍ່ຊຶ່ນໃຈເລີຍຍາມໄດ້ຮູ້ຂ່າວ ແບບນີ້!

ໃນນາມຂ້າພະເຈົ້າຮູ້ສຶກບໍ່ພໍໃຈຫຼາຍ ຕໍ່ກັບຄຳວ່າ “ເວບໄຊຫ່ວຍໆ”
ຄົນແນວນີ້ຮຽນໄປກໍ່ບໍ່ມີຄຸນປະໂຫຍດຫຍັງ ຄົນບໍ່ມີຄຸນສົມບັດເຖີງການສືກສາຈະສູງແຕ່ບໍ່ມີວັນທີ່ຈະກ້າວໜ້າຍ້ອນຄວາມປາກບໍ່ມີສະມາຄະລະວະ
ເວບໄຊ້ຄົນລາວໜ້າຈະສັນລະເສີນ ແລະ ຮັກສາໄວ້ຄຽງຄູ່ຄົນລາວ ນີ້ແລະເຂົາວ່າ ເປັນຄົນລືມຫົວເປັນງົວລືມຕີນ

ຄຳທີ່ໄດ້ highlightໄວ້ຂ້ອຍຄິດວ່າມັນບໍ່ຄວນທີ່ຢ່າງຍິ່ງເພາະທີ່ກ່າວມານັ້ນມັນກາເປັນນິໃສສ່ວນໂຕຂອງໃຜມັນ ບໍ່ແມ່ນນິໃສ່ຂອງຄົນທີ່ມີຖິ່ນກຳເນິດຢູ່ພາກໃຕ້ທັງໝົດ ເຈົ້າຢ່າມາໃຊ້ອາລົມມາຕັດສິນຄົນທີີ່ມີຖິ່ນກຳເນິດຢູ່ພາກໃຕ້

@sirilattana
ອ່ານໃຫ້ຄົບທັງວັກໜ້າ ແລະວັກຫຼັງເດີ້ ມັນເປັນປະໂຫຍກເງື່ອນໄຂ ບໍ່ໄດ້ເປັນປະໂຫຍກດ່ຽວ ບໍ່ໄດ້ໝາຍຄວາມວ່າ ທຸກຄົນທີ່ຢູ່ພາກໃຕ້ເປັນແນວນັ້ນ ຂ້າພະເຈົ້າເຄີຍໄປຢູ່ໃຕ້ ອັດຖະຍາໄສຂອງຄົນຢູ່ໃຕ້ກໍດີຫຼາຍ. ຢາກໃຫ້ອ່ານວັກໜ້າແລະວັກຫຼັງໃຫ້ຄົບ ພ້ອມທັງເຂົ້າໃຈເງື່ອນໄຂຂອງປະໂຫຍກ (ໃນປະໂຫຍກນັ້ນມີຄຳເຊື່ອມປະກອບນຳ ສັງເກດບໍ່?)

ຂຶ້ນຊື່ວ່າຄົນບໍ່ດີ ຢູ່ໃສກໍມີ ໃນຕ່າງປະເທດ ທີ່ເປັນປະເທດຈະເລີນແລ້ວ ມີຄວາມສິວິໄລເຂົາກໍມີຄົນບໍ່ດີ ມັນກໍບໍ່ແປກບ່ອນໃດ.

ແຕ່ແນວໃດກໍຕາມ ເພື່ອໃຫ້ບໍ່ເປັນທີ່ເຄືອງໃຈຊາວໃຕ້ ກໍຄືຊາວລາວທົ່ວປະເທດ ຂ້າພະເຈົ້າໄດ້ຂີດຂ້າປະໂຫຍກນັ້ນໄວ້ແລ້ວເດີ.