ຮຽກຮ້ອງມາຍັງທ່ານ ສສຊ ທັ້ງຫລາຍ ຖ້າເຫັນຄວາມສຳຄັນ ຕໍ່ພະພຸດທະສາດສະຫນາ ທ່ານຕ້ອງຫັນຫນ້າສຸ່ມແນວຄິດທີ່ສອງໄສຂອງທ່ານນັ້ນໃຫ້ຄວາມສຳຄັນການສຶກສາສົງເເດ່ເດີ ເພາະຕອນນີ້ການສຶກສາສົງຂາດການຫລຽວແລຈາກພັກ ລັດ ການສຶກສາສົງຂາດການສະຫນັບສະຫນຸນຈາກພັກ ລັດ ເທົ່າທີ່ຄວນ ໂດຍສະເພາະພະສົງ ທີ່ຮຽນພາສາບາລີ ທາງພັກ ລັດ ມີວຽກ ງານ ເຮັດຮັບຮອງຫຍັງເເດ່ ເພາະຕ້ອງການໃຫ້ພະພຸດທະສາດສະຫນາຍືນຍົງຄົງຕົວຕະຫລອດໄປນັ້ນ ການສຶກສາພາສາບາລີ ຕ້ອງມາກ່ອນ ເພື່ອຮັກສາພາສາພຸດທະພົດ

ມາເປີດສົດ ໆໆໆ

ແນວນີ້ກະມີເນາະ

ໂຮງຮຽນພາສາບາລີ ຂອງພະສົງກ່ອນ 1975 ມີຢູ່ປະເທດລາວ ພໍສະຖາປານາລະບອບໃຫມ່ບໍ່ຮູ້ວ່າ ລະບອບໃຫມ່ເພີ່ນໄປລົບລ້າງເຮັດຫັຍງນໍ ງົງ

ພັກປະຕິວັດ
ກະບໍ່ເຂົ້າໃຈຄືກັນ ສິ່ງທີ່ດີ ກໍ່ຄວນສືບຕໍ່
ສີ່ງທີ່ບໍ່ດີກໍ່ຄວນແກ້ໄຂ
ປະຕິວັດມາແລ້ວ ຂະຫນາດ ຕຶກ ອາຄານ ຍັງທຸບ ຖິ້ມຈົນຫມົດ ຫາກ ອະນຸລັກໄວ້ ປານນີ້ ກະຄືຊິບໍ່ອຶດ ຄົນມາທ່ຽວ

ບໍ່ຮູ້ວ່າຕຶກທີ່ທຸບມີຈັກຫລັງ ແລະ ສ້າງໃໝ່ມີຈັກຫລັງ ຖ້າຮັກສາໄວ້ ໃຜຈະຢູ່....ສ່ວນໂຮງຮຽນບາລີ(ໂຮງຮຽນສົງ) ກໍຍັງມີ ແລະ ຂະຫຍາຍຮອດລະດັບປຣິນຍາຕຣີແລ້ວບໍ່ແມ່ນຫວາ...ຢູ່ຫ້ອງການອີ່ປາ ທີ່ເຮັດວຽກຮ່ວມກັນ ທຸກຄົນລ້ວນແຕ່ຜ່ານໂຮງຮຽນພະປະລິຍັດຕິທຳ ຫລື ເປັນນັກບິນມາກ່ອນທັງນັ້ນ....

ທ່ານອາດເຂົ້າໃຈຜິດ ລະຫວ່າງ ຮຮ ມໍປາຍສົງ ກັບ ໂຮງຮຽນບາລີ ນັກທັມ ຕອນນີ້ ຮຮ ປະລິຍັດຕິທຳ ມີຢູ່ ແຕ່ທີ່ຂ້າພະເຈົ້າເວົ້າແມ່ນ ຮຮ ບາລີ ຮຮນີ້ແມ່ນຮຽນສາຍທາງບາລີ ໂດຍກົງບໍ່ມີວິຊາທາງໂລກເຂົ້າກ່ຽວຂ້ອຍ ມີ 9 ລະດັບ ເຂົາເອີ້ນວ່າ ປະໂຫຍກ ເລີ້ມແຕ່ປະໂຫຍກ 1 ຮອດປະໂຫຍກ9 ຖືວ່າສູງສຸດແລ້ວທາງພຣະພຸດທະສາດສະຫນາ ແຕ່ ຮຮປະລິຍັດຕິທັມ ແມ່ນ ຮຽນວິຊາທາງນອກ ແລະທາງທັມປົນກັນ ຂໍໃຫ້ທ່ານທີ່ຍັງ ງົງໆເລື່ອງນີ້ຢູ່ໃຫ້ໄປທົບທວນປະຫວັດສາດລາວຂື້ນຕື່ມເດີ

ອັນນີ້ກະບໍ່ຈັກນຳ ເຂົ້າມາເບີ່ງຈື່ໆ

ຂໍສະໜັບສະໜູນຄວາມຄິດນີ້ ເພາະທຸກມື້ນີ້ພາສາບາລີກໍ່ຖືກໃຊ້ໃນພາສາລາວເຮົາຫຼາຍ ບາງຄົນຮອດບໍ່ຮູ້ວ່າພາສາບາລີ ຖ້າມີຄົນສອນກໍ່ຄົງຮູ້ເພີ່ມຂຶ້ນ
ພຣະແລະຄືຫັດທີ່ຮູ້ພາສາບາລີມີໜ້ອຍທຸກມື້ນີ້....

ແມ່ນແລ້ວ ທີ່ພຣະບໍ່ໄດ້ຮຽນພາສາບາລີ ເພາະພັກ ລັດ ໄປຕັດ ຮຮ ບາລີ ອອກຈາກລະບົບການສຶກສາສົງ ແຕ່ 1975 ພຸ້ນ ແທ້ຈີງມາຮຽນຢູ່ປະເທດໄທ ກໍໄດ້ຢູ່ ແຕ່ພຣະລາວບໍ່ຄ່ອຍຮຽນ ເພາະ ທາງ ພັກ ລັດ ບໍ່ສ້າງແຮງຈູງໃຈ ສ້າງວຽກສຳຮອງໃຫ້ຄົນຈົບສາຍນີ້ເຮັດ ເພາະເເຕ່ລະຄົນບໍ່ມີຄວາມຫມັ້ນໃຈວ່າຈະຢູ່ຕໍ່ສຶບທອດພຣະສາດສະຫນາອີກດົນຢູ່ບໍ່ ຖ້າສິກໄປແລ້ວ ຈົບສາຍບາລີໄປ ແມ່ນ ຍຸ້ງ ຫາວຽກເຮັດຍາກ ເພາະສະນັ້ນຖ້າພັກ ລັດ ຕ້ອງການສົ່ງເສີມສາດສະຫນາພຸດດ້ວຍຄວາມຈີງໃຈນັ້ນຕ້ອງ ສ້າງ ໂຮງຮຽນບາລີ ແລະ ສ້າງວຽກສຳຮອງ ເພື່ອຄົນຈົບສາຍບາລີໂດຍກົງ ຖ້າບໍ່ສະນັ້ນ ບໍ່ມີຄົນຮຽນ ເພາະຂາດເເຮງຈູງໃຈ

ບວດເພີ່ຶອຮຽນຊີ້ໆຫວາ ກະດຽວວ່າເປັນຄູບາແລ້ວຈະຕັດທາງໂລກທູກຢ່າງ ຢ່າໂທດລັດຖະບານຫລາຍເບີ່ງຄືນແນ່ວ່າພະເຮັດໂຕຖືກແລ້ວບໍ

ເລື່ອງການບວດ ກັບການຮຽນ ມັນເປັນຂອງຄູ່ກັນ ບວດແລ້ວຕ້ອງຮຽນ ຖ້າບໍ່ຮຽນແລ້ວຈະບັນລຸຕາມພຸດທະວັດຖຸປະສົງບໍ່ໄດ້ດອກ ເພາະພະພຸດທະເຈົ້າໃຫ້ພະສົງເປັນຜູ້ສັ່ງສອນຊາວບ້ານ ເລື່ອງການສຶກສາ ບໍ່ໂທດລັດຖະບານ ບໍ່ໄດ້ ເພາະລັດຖະບານ ມີອຳນາດການເມືອງ ກຳຫນົດທິດທາງການສຶກສາ ຫນຶ່ງໃນຫນວດການສຶກສາທີ່ລັດຖະບານຕ້ອງຮັບຜິດຊອບ ແມ່ນສຶກສາສົງ ຮຮ ສົງຂື້ນກັບ ກະຊວງສຶກສາທິການ ສ່ວນຮຽນຮຽນບາລີ ທີ່ເຄີຍມີ ກ່ອນ 1975 ແມ່ນກໍລັດຖະບານລະບອບໃຫມ່ນີ້ໄປຍົກເລິກ ຊິດ້ວຍເຫດຜົນຫຍັງນັ້ນຂ້າພະເຈົ້າບໍ່ຮັບຮູ້ນຳ ແຕ່ທີ່ຮັຮູ້ຕອນີ້ຄືບໍ່ສົມຄວນຍົກເລິກ

ຄິດເອົາເອງ

ເປັນການຮຽກຮ້ອງ ທີ່ ໝ້າເຫັນໃຈນໍ!

ແຕ່ຕົ້ນຂອງການສຖາປະນາ ຣັຖຕາມແນວທາງສັງຄົມນິຍົມ ຫັ້ນ ສາສນາກັບຣະບອບການປົກຄອງແນວນີ້ມັນກົງກັນຂ້າມມາຕຼອດແລ້ວ!
ເພາະພັກທີ່ມີນະໂຍບາຍແລະພື້ນຖານ ທາງແນວຄິດແບບສັງຄົມນິຍົມເຂົາປະນາມແລະຖືວ່າສານາຄື ສິ່ງທີ່ໄຮ້ປະໂຫຍດແລະເປັນຢາເບື່ອແກ່ຝູງຊົນ!
ແລ້ວຈະໃຫ້ເຂົາມາສົນໃຈໄດ້ແນວໃດ?

ຂອບໃຈຫລາຍໆເດີທ່ານ ທີ່ອອກມາແຊໄອເດຍນຳກັນ ພໍດີວ່າຂ້າພະເຈົ້າເວົ້າໄປຕາມເນື້ອຜ້າ ກົງໄປກົງມາ ໃນປະຫວັດສາດ ກໍຂຽນແບບນັ້ນ ທີທ່ານເວົ້າວ່າຄູບາຕັດທາງໂລກນັ້ນ ຖືວ່າເປັນມຸມມອງຂອງທ່ານເອງ ແທ້ຈີງນັ້ນພຣະສົງກັບສັງຄົມ ບໍ່ສາມາດແຍກຈາກັນໄດ້ ບ້ານຊ່ວຍວັດ ຜັດກັນຂັດໃຫ້ສວຍສົດ ຖ້າບ້ານວັດຂັດກັນກໍບັນໄລ ບົ່ງບອກເຖິງຕ້ອງອາໄສຊ່ວຍເຫລືອກັນ ແລະກັນ

ເວົ້າແລ້ວກໍເປັນເລື່ອງທີ່ຫນ້າເຫັນໃຈຜູ້ທີ່ມີຄວາມປະສົງດີ(ຕ້ອງການສືບທອດພຣະພຸທສານາ) ເພາະວ່າພາສາບາລີເປັນກົກເຄົ້າຂອງພາສາລາວເຮົາ
ເຮົາຄວນອະນຸລັກ ຂ້າພະເຈົ້າເອງກໍເປັນອີກຄົນຫນຶ່ງທີ່ຜ່ານການເປັນນັກບິນມາກ່ອນ(ບິນທະບາດ) ຮູ້ດີວ່າທີ່ທ່ານວ່າມານັ້ນແມ່ນຄວາມຈິງທຸກປະການ ແລະການທີ່ຂ້າພະເຈົ້າຜ່ານບວດນີ້ເອງສິ່ງທີ່ຂ້າພະເຈົ້າໄດ້ສຶກສາມາ(ພາສາບາລີ)ເປັນສິ່ງສຳຄັນ ເນື່ອງຈາກວ່າຂ້າພະເຈົ້າໄດ້ເອົາຄວາມຮູ້ທີ່ໄດ້
ມາຕໍ່ຍອດໃນການສຶກສາ(ມາສຶກສາທີ່ປະເທດໄທຍ) ແລະເນື່ອງຈາກວ່າຂ້າພະເຈົ້າໄດ້ມາສຶກສາທີ່ປະເທດໄທຍນີ້ເອງຂ້າພະເຈົ້າຈຶງໄດ້ເຫັນຄວາມສຳຄັນຂອງວິຊາບາລີ ເພາະວ່າພາສາບາລີເປັນພື້ນຖານໃນການຂຽນພາສາໄທຍກໍວ່າໄດ້(ການສະກົດຄຳ) ແລະສາເຫດນີ້ເອງຂ້າພະເຈົ້າຈຶງເຂົ້າໃຈຫລັກການໃນການຂຽນພາສາໄທຍໄດ້ໄວກວ່າເພື່ອນໆທີ່ມາສຶກສາພ້ອມກັນ

ແມ່ນແລ້ວທ່ານ ທຸກຄຳເວົ້າອອກມາຈາກຫົວໃຈ ທີ່ບໍລິສຸດຜຸດຜ່ອງຂອງຂ້າພະເຈົ້າ

ຂໍໃຫ້ທ່ານຈະເຣີນໃນທັມຕໍ່ໄປ

ຄືບໍ່ຍືນໜັງສື ຂື້ນສະພາສົງເລີຍ

ຍືນໄປແລ້ວຄຳຕອບ ກໍຄື ພະສົງຊິເອົາຫຍັງຫລາຍ ເຮືອນບໍ່ເຊົ່າ ເຂົ້!ບໍ່ໄດ້ຊື້ ວ່າຊັ້ນເດ ນີ້ເປັນຄຳຕອບສຸດທ້າຍ

ຕິດຕາມຢູ່ເດີ້ ແຕ່ຍັງບໍ່ມີຄຳເຫັນເທື່ອຕອນນີ້ ພຽງແຕ່ຢາກຖາມທ່ານ ວ່າຄຳຕອບສຸດທ້າຍ ຂີ້ລ້າຍປານນັ້ນບໍ່? ແມ່ນຄວາມຈິງແທ້ແນວໄດໄຂໃຫ້ຟັງຕື່ມແນ່ເດີ້ !

ເປັນຄຳຕອບສຸດທ້າຍຂອງຄະນະພະນັກງານບາງຄົນໃນກະຊວງສຶກສາ ທີ່ຮັບຜິດຊອບສຶກສາຄະນະສົງ ເຂົາເວົ້າມາແບບນັ້ນ ພະມິດຈິຫລີ

ຫນ້າເຫັນໃຈ

ເພີ່ນມັກຮຽນແຕ່ພາສາອັງກິດຫລາຍກວ່າ ຕີເບາະ ? ແຮະໆ

ມາຈອບເບິ່ງ

ແຕ່ກ່ອນເອົາວັດ ເປັນຈຸດສູນກາງການສຶກສາ ແຕ່ຕອນນີ້ວັດກາຍເປັນຫຍັງໄປບູ່ ພັກ ລັດ ຂາດຄວາມເອົາໃຈໃສ່ຕໍ່ວັດຫລາຍ ຢ່າລືມເດີ ຜູ້ນຳລະດັບທ໊ອບຂອງປະເທດ ສ່ວນຫລາຍມາຈາກວັດທາງນັ້ນເດີ

ຍາກເນາະ...!! ຖ້າເປັນໄປໄດ້ໃຫ້ພະສົງເປັນລັດຖະບານເລີຍຄົງຈະດີຫຼາຍ

ພຣະສົງເປັນບໍ່ໄດ້ດອກ ຜິດລັກສະນະວິໄສຂອງພະສົງ ທາງການເມືອງເປັນເລື່ອງຂອງການສະແຫວງຫາອຳນາດໃນການປົກຄອງ ພະສົງບໍ່ຄວນສະເເຫວງຫາອຳນາດທາງການເມືອງ ແຕ່ພະສົງບໍ່ສາມາດປີກແຍກອອກຈາກສັງຄົມເປັນສ່ວນຫນຶ່ງຂອງສັງຄົມ ເພາະສະນັ້ນປັນຫາຂອງສັງຄົມ ຄືຫນ້າທີ່ຂອງສົງ ຄວນເຂົ້າໄປແກ້ໄຂ ໃນຮູບແບບອົບຮົ່ມສັ່ງສອນ ຊີ້ຜິດ ຊີ້ຖືກ ສິ່ງທີ່ຜິດຄວນຫລີກລ້ຽງ ສິ່ງທີ່ຖືກຕ້ອງປະຕິບັດ

ມາແວະເບິ່ງ