ກະທູ້ມາໃໝ່ | ຫມວດ | ກະດານແຫ... » ການຕະຫຼາດ/ບໍລິຫານ... |
ເວັບບອດພັນລາວ
ເວັບບອດພັນລາວ ເປັນກະດານສົນທະນາສຳລັບສະມາຊິກພັນລາວທຸກທ່ານ ທ່ານສາມາດຕັ້ງກະທູ້ເພື່ອສອບຖາມ ສະແດງ ແລະຂໍຄຳເຫັນຈະສະມາຊິກຄົນອື່ນ ໆ ຕະຫຼອດຈົນເຖິງການສົນທະນາທົ່ວ ໆ ໄປໄດ້ໃນເວັບບອດແຫ່ງນີ້. ຫາກຕ້ອງການແຈ້ງກະທູ້ຜິດກົດລະບຽບ ໃຫ້ໂພສໄດ້ທີ່ http://punlao.com/webboard/topic/3/index/288147/
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 12 ປີ ກ່ອນໜ້ານີ້
ທ່ານ ທອງສິງ ທຳມະວົງ ນາຍົກລັດຖະມົນຕີ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂ່ຳນັບຂອງຄະນະຜູ້ແທນຂັ້ນສູງ ຂອງກຸ່ມບໍລິສັດອຸດສາຫະກຳຂໍ້ມູນຂ່າວສານ ລິນໄຮ ເຊິນຕູ ສປ.ຈີນ ນຳໂດຍທ່ານ ສຈ.ດຣ. ຊາວ ຮີບິງ ສາສະດາຈານປະຈຳມະຫາວິທະຍາໄລນັກເສດຖະກິດຂອງກຸ່ມບໍລິສັດລິນໄຮ ໃນໂອກາດທີ່ໄດ້ເດີນທາງເຂົ້າມາຢ້ຽມຢາມ ແລະ ເຮັດວຽກຢູ່ ສປປ ລາວ ຊຶ່ງພິທີຕ້ອນຮັບໄດ້ຈັດຂຶ້ນໃນວັນທີ 11 ກໍລະກົດ 2012 ທີ່ຫ້ອງວ່າການລັດຖະບານ. ໃນໂອກາດດັ່ງກ່າວ ທ່ານນາຍົກລັດຖະມົນຕີ ໄດ້ໃຫ້ການຕ້ອນຮັບຢ່າງອົບອຸ່ນ ພ້ອມທັງສະແດງຄວາມຊົມເຊີຍໃນການເດີນທາງຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ຊຶ່ງເປັນການເສີມສ້າງສາຍພົວພັນລະຫວ່າງສອງປະເທດ ກໍຄືປະຊາຊົນ ລາວ-ຈີນ ທີ່ມີມາດົນນານ ໃຫ້ໄດ້ຮັບການຂະຫຍາຍຕົວ ໂດຍສະເພາະການມາຢ້ຽມຢາມຄັ້ງນີ້ ແມ່ນເພື່ອຊຸກຍູ້ການຈັດຕັ້ງປະຕິບັດສັນຍາ ແລະ ພັດທະນາໂຄງການດາວທຽມ ຊຶ່ງຈະເປັນການປະກອບສ່ວນສຳຄັນເຂົ້າໃນອຸດສາຫະກຳການສື່ສານຜ່ານດາວທຽມຂອງລາວ. ສຳລັບຈຸດປະສົງຂອງການເດີນທາງມາ ສປປ ລາວ ຄັ້ງນີ້ ແມ່ນເພື່ອມາພົວພັນການລົງທຶນເພື່ອພັດທະນາໂຄງການດາວທຽມລາວ ນຳໃຊ້ຕຳແໜ່ງວົງໂຄຈອນ 126°E ຂອງ ສປປ ລາວ ແລະ ໄດ້ເຊັນສັນຍາກັບລັດຖະບານລາວ ໃນວັນທີ 15 ມິຖຸນາ 2012 ຜ່ານມາ ວ່າດ້ວຍບໍລິສັດຮ່ວມທຶນ ໂຄງການພັດທະນາທຸລະກິດການນຳໃຊ້ຕຳແໜ່ງວົງໂຄຈອນ 126°E ຂອງ ສປປ ລາວ ແລະ ກໍ່ສ້າງອຸດສາຫະກຳການສື່ສານຜ່ານດາວທຽມຢູ່ ສປປ ລາວ ເປັນຕົ້ນ ສ້າງເຂດອຸດສາຫະກຳດາວທຽມ ລວມມີສະຖານທີ່ຄົ້ນຄວ້າ ສູນຜະລິດລະບົບອຸປະກອນສື່ສານຜ່ານດາວທຽມ ວິທະຍາການໂທລະຄົມມະນາຄົມ ແລະ ເຕັກໂນໂລຊີຊອບແວ ບ້ານພັກຜູ້ຊ່ຽວຊານ ແລະ ບໍລິສັດຜູ້ຮ່ວມທຶນ ການລົງທຶນທັງໝົດ ປະມານ 960 ລ້ານໂດລາສະຫະລັດ ຫຼືປະມານ 7.680 ຕື້ກີບ ຄ່າຈົດທະບຽນ 300 ລ້ານໂດລາສະຫະລັດ ຫຼື ປະມານ 2.400 ຕື້ກີບ ຊຶ່ງບໍລິສັດເອເລັກໂຕຣນິກ ລິນໄຮ ເຊິນຕູ ຈຳກັດ ຈະປະກອບການລົງທຶນເປັນເງິນສົດ ແລະ ວັດຖຸອຸປະກອນເຕັກນິກ ຊຶ່ງລັດຖະບານລາວ ຈະປະກອບທຶນໂດຍເອົາມູນຄ່າຊັບພະຍາກອນ ສິດນຳໃຊ້ຕຳແໜ່ງ 126°E ແລະ ຊັບພະຍາກອນຄື້ນຄວາມຖີ່ ທີ່ດິນສຳລັບການກໍ່ສ້າງສະຖານີດາວທຽມພາກພື້ນດິນ ການກໍ່ສ້າງອຸດສາຫະກຳເອເລັກໂຕຼນິກການສື່ສານຜ່ານດາວທຽມ ແລະ ຊັບສິນອື່ນໆ (ຖ້າມີ). ປັດຈຸບັນ ບໍລິສັດ ເອເລັກໂຕຼນິກ ລິນໄຮ ເຊິນຕູ ຈຳກັດ ພວມກະກຽມການຈັດຕັ້ງປະຕິບັດຂຶ້ນທະບຽນວິສາຫະກິດສ້າງຕັ້ງບໍລິສັດຈຳກັດ ແລະ ກຽມດຳເນີນການລົງມື ຊຶ່ງກ່ອນອື່ນໝົດ ເລີ່ມສ້າງດາວທຽວ ແລະ ສະຖານີຄວບຄຸມບັນຊາພາກພື້ນດິນ ຕິດຕໍ່ດ້ວຍການກໍ່ສ້າງອຸດສາຫະກຳດ້ານການສື່ສານຜ່ານດາວທຽມ ເພື່ອເລັ່ງລັດໃຫ້ການຈັດຕັ້ງປະຕິບັດໂຄງການນີ້ໃຫ້ເປັນຮູບປະທຳ ແລະ ມີຜົນສຳເລັດທັນກຳນົດເວລາໂດຍໄວ. ອ້າງອີງຈາກ http://www.vientianemai.net/teen/khao/1/6958
ໂຈນຫ້າຮ້ອຍສອງເທື່ອເປັນພັນ
|
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້
ເປີດສົດ!!! ທູ້!!!! |
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້
ດີ
ພັນທະຫົວໃຈ::
|
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 12 ປີ ກ່ອນໜ້ານີ້
ດາວທຽມໂຕເກົ່າຊື່ ລາວສະຕ່າ ຫັ້ນເດ້ຊັ້ນຫາຍໄປໃສລະໄດ້ຍິນວ່າສິຍິງຂຶ້ນສູ່ວົງໂຄຈອນແຕ່ປີ 2000ຕອນນັ້ນຂ້ອຍກະຍັງນ້ອຍ ແລະກະບໍ່ໄດ້ອອກຈາກປະເທດລາວເທື່ອຊ້ຳ ດຽວນີ້ຂ້ອຍຈົນໃຫຍ່ເປັນບ່າວລະຫາຍຈ້ອຍໄລ້ວີ່ແວວ ຮູ້ສຶກວ່າເລື່ອງນີ້ເຄີຍໄດ້ຍິນຊື່ໃຜວ່າາາາາາາ ອອກຜິດສະໄຫມນີ້ແລະຈື່ບໍ່ໄດ້ເວີຍ ຕອນນັ້ນປະເທດເພື່ອນບ້ານຍັງອິດສາ ວ່າລາວຊິມີດາວທຽມເປັນຂອງຕົວເອງເຖິງ 2 ດວງແຕ່ມາບັດນີ້ພັດວ່າຊິພັດທະນາໃຫມ່ງົງ ລະໂຕເກົ່າເອົາໄປໄວ້ໃສ??? |
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້
ຢ່າອິດສາຄົນອື່ນ ແຕ່ຢູ່ແບບໃຫ້ຄົນອື່ນອິດສາ
|
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້
ດີຫຼາຍ |
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້
ອ້າງເຖິງຂໍ້ຄວາມຈາກ dee99 ຂຽນວ່າ... ດາວທຽມໂຕເກົ່າຊື່ ລາວສະຕ່າ ຫັ້ນເດ້ຊັ້ນຫາຍໄປໃສລະໄດ້ຍິນວ່າສິຍິງຂຶ້ນສູ່ວົງໂຄຈອນແຕ່ປີ 2000ຕອນນັ້ນຂ້ອຍກະຍັງນ້ອຍ ແລະກະບໍ່ໄດ້ອອກຈາກປະເທດລາວເທື່ອຊ້ຳດຽວນີ້ຂ້ອຍຈົນໃຫຍ່ເປັນບ່າວລະຫາຍຈ້ອຍໄລ້ວີ່ແວວ ຮູ້ສຶກວ່າເລື່ອງນີ້ເຄີຍໄດ້ຍິນຊື່ໃຜວ່າາາາາາາ ອອກຜິດສະໄຫມນີ້ແລະຈື່ບໍ່ໄດ້ເວີຍ ຕອນນັ້ນປະເທດເພື່ອນບ້ານຍັງອິດສາ ວ່າລາວຊິມີດາວທຽມເປັນຂອງຕົວເອງເຖິງ 2 ດວງແຕ່ມາບັດນີ້ພັດວ່າຊິພັດທະນາໃຫມ່ງົງ ລະໂຕເກົ່າເອົາໄປໄວ້ໃສ??? ເຫັນວຽດເລາະຊື້ເສດເຫຼັກ ຈັກຊິແມ່ນບໍ່? |
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້
ອ້າງເຖິງຂໍ້ຄວາມຈາກ dee99 ຂຽນວ່າ... ດາວທຽມໂຕເກົ່າຊື່ ລາວສະຕ່າ ຫັ້ນເດ້ຊັ້ນຫາຍໄປໃສລະໄດ້ຍິນວ່າສິຍິງຂຶ້ນສູ່ວົງໂຄຈອນແຕ່ປີ 2000ຕອນນັ້ນຂ້ອຍກະຍັງນ້ອຍ ແລະກະບໍ່ໄດ້ອອກຈາກປະເທດລາວເທື່ອຊ້ຳດຽວນີ້ຂ້ອຍຈົນໃຫຍ່ເປັນບ່າວລະຫາຍຈ້ອຍໄລ້ວີ່ແວວ ຮູ້ສຶກວ່າເລື່ອງນີ້ເຄີຍໄດ້ຍິນຊື່ໃຜວ່າາາາາາາ ອອກຜິດສະໄຫມນີ້ແລະຈື່ບໍ່ໄດ້ເວີຍ ຕອນນັ້ນປະເທດເພື່ອນບ້ານຍັງອິດສາ ວ່າລາວຊິມີດາວທຽມເປັນຂອງຕົວເອງເຖິງ 2 ດວງແຕ່ມາບັດນີ້ພັດວ່າຊິພັດທະນາໃຫມ່ງົງ ລະໂຕເກົ່າເອົາໄປໄວ້ໃສ??? ເຄີຍໄດ້ຍິນ ວ່າເຮັດ ກັບ ເພື່ອນບ້ານ ແລ້ວ ລົ້ມເຫຼວ |