ທ້າວ ສຸກສະບາຍ ໄດ້ຮ່ວມກັບນາຍບ້ານນາຂ່າ ແລະ ທ້າວ ທອງສັກດາ ເຮັດເອກະສານທີ່ດິນປອມເຄື່ອນໄຫວ ໂກງຊັບຫຼາຍລາຍ ໃນນີ້ ຍັງມີທ້າວ ສະຖາພອນ ຊື້ດິນນຳຜູ້ກ່ຽວ ໃນວົງເງິນຈຳນວນ 4 ລ້ານບາດ ທ້າວ ແສງຈັນ 2 ແສນບາດ ທ້າວ ໄພທູນ ພ້ອມກັບທ້າວ ສີພັນ 180 ລ້ານກີບ ແລະ ທ້າວ ທັດສະນະ 120 ລ້ານກີບ. ປັດຈຸບັນ ຄະດີສໍ້ໂກງຊັບພົນລະເມືອງລາຍນີ້ ເຈົ້າໜ້າທີ່ກອງບັນຊາການ ປກສ ເມືອງນາຊາຍທອງ ຈະໄດ້ປະສານສົມທົບກັບອົງການປົກຄອງ ເມືອງນາຊາຍທອງ ເພື່ອດຳເນີນຄະດີກັບນາຍບ້ານ ຮອງນາຍບ້ານນາຂ່າ ແລະ ທ້າວ ທອງສັກດາ ພະນັກງານທີ່ດິນເມືອງນາຊາຍທອງ ໄປ ຕາມຂັ້ນຕອນຂອງກົດໝາຍ.


ເຊີນອ່ານຂ່າວທັງເຫມິດຢູ່ນີ້:
ຫນັງສືພິມວຽງຈັນໃຫມ່

ດີໃຈນຳຖ້າຈັບໄດ້ແລ້ວ
ໝູ່ຂ້ອຍກໍ່ເຄີຍຖືກຫຼອກ ແຕ່ບໍ່ແມ່ນລາຍນີ້, ອັນນັ້ນຕຳຫຼວດກໍ່ຈັບໄດ້ແລ້ວ

ນັກຕົ້ມມີຫລາຍນໍ. ຮອດວ່າ ເປັນນາຍບ້ານ ພະນັກງານ ອຶກກະທິກ ໂອຍ......

ຫັ້ນລະ

ເລື່ອງນີ້ເຄີຍອ່ານໃນໜັງສືພິມຢູ່ ຮູ້ສຶກວ່າທ.ສຸກບໍ່ສະບາຍຫັ້ນຈະໄດ້ເງິນແຕ່20ລ້ານກີບເອງສ່ວນທີ່ເຫລືອໃຫ້ກັບທ.ທອງສັກດາໝົດ ແບບນີ້ຂົ່ວໄດ້ໃຈເປັນພະນັກລັດແທ້ໆຍັງຮ່ວມມືກັບໂຈນຢ່າງອອກນອກໜ້າ

ຕໍ່ໄປຊື້ດິນຕ້ອງໄດ້ລະວັງສຸດໆ
ລາຄາດິນແຮ່ງແພງຕັ້ງແຕ່ ເສດຖີ ຫວຽດກັບຈີນ ເຂົ້າມາລາວ

ຄົນທຳມະດາໜ້າຊື່ຕາໃສ ປາກນົວຫົວມ່ວນ ( ແມ່ຍ່າແມ່ຍິງ) ຮູ້ຈັກກັນຫຼາຍປີກໍ່ຍັງເປັນເດີແບບນັ້ນ ນະ

ໂອ..ສັງຄົມລາວແນວນີ້ກະມີເນາະ

ຫາກະຮູ້ຊັ້ນເບາະ
ມັນມີປະກົດການນີ້ແຕ່ດົນແລ້ວ ເລື່ອງອອກສິດນຳໃຊ້ທີ່ດິນທັບຊ້ອນກັນຫັ້ນນະ
ສະບັບທີ່ທັບຊ້ອນຫັ້ນລະ ມັນແມ່ນຂອງປອມ ໄດ້ຍິນມາແຕ່ມື້ອອກໃບຕາດິນທຳອິດພຸ້ນລະ

ສົມຄວນແລ້ວທີ່ຖືກຈັບ
ບາບໄລ່ເວນທັນແທ້ໆ

ຈັງແມ່ນຂວາງ...

ແນວເຮັດບໍ່ອຶດບໍ່ຢາກໄປເຮັດໆຫຍັງແນວຜິດບ້ານພານເມືອງ

ແນວເທວະດາ ໃຫ້ພອນສະຫວັນໃຫ້ເຂົາມາແບບນັ້ນເດ
ຄັນບໍ່ມີຄັນປະເພດນີ້ ຕຳຫຼວດກະສິບໍ່ມີວຽກຕິ 555

ອັນນີ້ແຫຼະ ເຂົາເອີ້ນວ່າ ສະຫຼາດແກມກົງ

ພວກນີ້ຢູ່ໄປ ກະຫົກໂລກ ຕາຍໄດ້ກະດີ

ຖ້າຄະດີຄືບໜ້າແລ້ວເອົາມາເວົ້າໃຫ້ຟັງແນ່ເດີ...ຢາກຮູ້ວ່າຜົນໄດ້ຮັບມັນແມ່ນຫຍັງ??

ບ້ານເຮົາກະເປັນຕາຢ້ານເນາະ ຄົນຄົດໂຄງຂາຍແທ້