- ຮ້ານອາຫານໃນລາວ ອັນດັບ3 ຂອງໂລກ (ກະດານແຫ່ງການຮຽນຮູ້ - ການຕະຫຼາດ/ບໍລິຫານ/ທຸລະກິດ) ພັນລາວ.ຄອມ

ເວັບບອດພັນລາວ

ເວັບບອດພັນລາວ ເປັນກະດານສົນທະນາສຳລັບສະມາຊິກພັນລາວທຸກທ່ານ ທ່ານສາມາດຕັ້ງກະທູ້ເພື່ອສອບຖາມ ສະແດງ ແລະຂໍຄຳເຫັນຈະສະມາຊິກຄົນອື່ນ ໆ ຕະຫຼອດຈົນເຖິງການສົນທະນາທົ່ວ ໆ ໄປໄດ້ໃນເວັບບອດແຫ່ງນີ້. ຫາກຕ້ອງການແຈ້ງກະທູ້ຜິດກົດລະບຽບ ໃຫ້ໂພສໄດ້ທີ່ http://punlao.com/webboard/topic/3/index/288147/

ກະດານແຫ່ງການຮຽນຮູ້ » ການຕະຫຼາດ/ບໍລິຫານ/ທຸລະກິດ » ຮ້ານອາຫານໃນລາວ ອັນດັບ3 ຂອງໂລກ

sengsvang ໑໐ ກະທູ້ ໖໒໗ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 11 ປີ ກ່ອນໜ້ານີ້ ຕາມລິງຄ໌ຂ້າງລຸ່ມເດີ ຮ້ານອາຫານ ແສງຕາເວັນ ມີຄວາມຮູ້ແຕ່ບໍ່ເຮັດຫຍັງໃຫ້ເກີດຜົນ ກໍ່ບໍ່ຕ່າງຫຍັງກັບຄົນໂງ່ຄົນໜຶ່ງ.
sengsvang ໑໐ ກະທູ້ ໖໒໗ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້ ແສງຕາເວັນ ເນັ້ນຄວາມພໍໃຈລູກຄ້າເປັນເລີດ ຫລ້າສຸດຕິດ 3 ໃນ 10 ອັນດັບຂອງໂລກ ໂດຍ: ສົມສະຫວິນ ໂຮງແຮມ ແລະ ຮ້ານອາຫານແສງຕາວັນເປັນອີກຫນຶ່ງໃນຫລາຍໂຮງແຮມຕັ້ງຢູ່ແຄມຂອງຫາດດອນຈັນທີ່ໃຫ້ການບໍລິການດ້ານທີ່ພັກ ແລະ ຮ້ານອາຫານສຳລັບແຂກຕ່າງປະເທດທີ່ເດີນທາງມາທ່ຽວໃນນະຄອນຫລວງວຽງຈັນສິ່ງສຳຄັນຮ້ານອາຫານແສງຕາວັນແຫ່ງນີ້ຢູ່ຊັ້ນສູງສຸດຂອງໂຮງແຮມເອີ້ນວ່າ “ຮ້ານອາຫານເທິງດາດຟ້າ”. ເນື່ອງຈາກລູກຄ້າທີ່ເຂົ້າມາໃຊ້ບໍລິການປະທັບໃຈກັບຄວາມສວຍງາມຂອງວິວທຳມະຊາດແຄມຂອງທີ່ສາມາດເບິ່ງໄດ້ທຸກຍາມບວກກັບການຕົກແຕ່ງພາຍໃນດ້ວຍໄມ້ແບບຊົງລາວ ແລະ ບັນຍາກາດທີ່ງຽບສະຫງົບ ຈິ່ງເປັນອີກຫລາຍປັດໄຈເຮັດໃຫ້ລູກຄ້າຊ່ວຍກັນໂປຣໂຫມດໃຫ້ເປັນຮ້ານອາຫານທີ່ດີທີ່ສຸດໃນລາວ, ຫລ້າສຸດໄດ້ຕິດອັນດັບທີ 3 ຂອງ 10 ອັນດັບ ຮ້ານອາຫານເທິງດາດຟ້າທີ່ສາມາດຊົມວິວໄດ້ຢ່າງສວຍງາມອີກແຫ່ງຫນຶ່ງຂອງໂລກຈາກການຈັດອັນດັບຂອງເວັບໄຊທຣີບແອັດວາຍເຊີ (tripadvisor.com) ທີ່ໄດ້ເປີດເຜີຍເມື່ອບໍ່ດົນມານີ້. ທ່ານ ນາງ ແສງດາວ ຜູ້ຈັດການໂຮງແຮມ ແລະ ຮ້ານອາຫານແສງຕາວັນໃຫ້ສຳພາດທີມຂ່າວເສດຖະກິດ-ສັງຄົມວ່າ: ຕົນເອງຮູ້ສຶກພາກພູມໃຈຫລາຍທີ່ໄດ້ເປັນສ່ວນຫນຶ່ງໃນການປະກອບສ່ວນເຮັດໃຫ້ປະເທດລາວເຮົາມີຊື່ສຽງ ໂດຍສະເພາະແມ່ນຮ້ານອາຫານແສງຕາວັນເປັນຮ້ານອາຫານແຫ່ງດຽວໃນລາວທີ່ໄດ້ຕິດອັນດັບທີ 3 ຂອງ 10 ອັນດັບຮ້ານອາຫານເທິງດາດຟ້າ ໃນປີ 2012 ວ່າເປັນຮ້ານອາຫານທີ່ສາມາດຊົມທິວທັດທຳມະຊາດໄດ້ຢ່າງສວຍງາມ ເຊິ່ງທ່ານຈະໄດ້ນັ່ງຊົມຕາເວັນຂຶ້ນ ແລະ ຕາເວັນຕົກໄດ້ຢ່າງເຕັມອີ່ມໃນຮ້ານອາຫານແຫ່ງນີ້. ປັດໄຈຫລັກໆທີ່ເຮັດໃຫ້ລູກຄ້າໂວດໃຫ້ຮ້ານອາຫານພວກເຮົາແມ່ນທິວທັດທຳມະຊາດທີ່ສວຍງາມສາມາດເບິ່ງວິວຢູ່ເທິງດາດຟ້າໄດ້ຢ່າງສະບາຍ, ການຕົກແຕ່ງປະດັບປະດາຮ້ານເຮັດດ້ວຍ ໄມ້ປະຍຸກເປັນແບບລາວໆທັງຫມົດ, ລົດຊາດອາຫານແຊບ ແລະ ລາຄາບໍ່ແພງ. ສິ່ງສຳຄັນເນັ້ນການບໍລິການເອົາຄວາມພໍໃຈຂອງລູກຄ້າເປັນຫລັກ ເຊິ່ງການເວົ້າສູ່ກັນຟັງຕໍ່ໆກັນໄປເຮັດໃຫ້ລູກຄ້າເຂົ້າມາທ່ຽວລາວຄິດເຖິງຮ້ານອາຫານແສງຕາວັນເປັນອັນດັບທຳອິດ. ນອກຈາກນັ້ນ ທາງໂຮງແຮມຍັງມີບໍລິການສະຖານທີ່ອອກກຳລັງກາຍໃຫ້ຫລິ້ນໂດຍບໍ່ເສຍຄ່າ, ນວດແຜນບູຮານໃນລາຄາຖືກ 40 ພັນກີບຕໍ່ 1 ຊົ່ວໂມງ, ບໍລິການຂີ່ລົດຖີບບໍ່ເສຍຄ່າທັງຫມົດ ມີ 7 ຄັນ, ສະເພາະແຂກທີ່ນອນໃນໂຮງແຮມມີອາຫານເຊົ້າໃຫ້ຮັບປະທານປະມານ 10 ຢ່າງໃຫ້ເລືອກຮັບປະທານບໍ່ເສຍຄ່ານັບ ແຕ່ 6:30 ໂມງເຊົ້າເປັນຕົ້ນໄປ, ມີການບໍລິການຮັບ-ສົ່ງແຂກ ແລະ ອື່ນໆ. ພິເສດທາງຮ້ານຍັງມີວາລະສານທີ່ພິມເປັນພາສາຍີ່ປຸ່ນອອກເປັນທຸກໆ 3 ເດືອນແຈກໃຫ້ລູກຄ້າ, ບໍລິສັດທ່ອງທ່ຽວອື່ນໆ, ມີແຜ່ນພັບບອກແຜນທີ່ທຸກລາຍ ລະອຽດຂອງເສັ້ນທາງ, ສະຖານທີ່ທ່ຽວ, ໂຮງແຮມ ແລະ ຮ້ານອາຫານໃນນະຄອນຫລວງນຳອີກ. ໂຮງແຮມ ແລະ ຮ້ານອາຫານແສງຕາວັນເປີດໃຫ້ບໍລິການໃນເດືອນ 11 ປີ 2009 ຜ່ານມາ, ໂຮງແຮມມີທັງຫມົດ 68 ຫ້ອງ ແລະ ຮ້ານອາຫານສາມາດບັນຈຸໄດ້ສູງສຸດ 120 ຄົນ. ແຂກທີ່ເຂົ້າໃຊ້ບໍລິການໃນແຕ່ລະວັນກໍ່ບໍ່ຫລາຍສະເລ່ຍບາງມື້ບໍ່ຮອດ 20 ໂຕະຊ້ຳ. ທັງນີ້ກໍ່ຂຶ້ນກັບໄລຍະນັກທ່ອງທ່ຽວຫລາຍ ຫລື ນັກທ່ອງທ່ຽວຫນ້ອຍ. ແຕ່ເນື່ອງຈາກທີ່ຕັ້ງຂອງໂຮງແຮມ ແລະ ຮ້ານອາຫານເຫມາະສົມແກ່ການພັກຜ່ອນ, ຊົວທິວທັດແຄມຂອງໄດ້ທຸກຍາມ ແລະ ງຽບສະຫງົບ ຈິ່ງເຮັດໃຫ້ແຂກທີ່ພັກອາໄສໄດ້ໂປຣໂຫມດໃຫ້ວ່າເປັນຮ້ານອາຫານເທິງດາດຟ້າທີ່ຊົມວິວງາມທີ່ສຸດຂອງລາວໃນປີ 2012. ມີຄວາມຮູ້ແຕ່ບໍ່ເຮັດຫຍັງໃຫ້ເກີດຜົນ ກໍ່ບໍ່ຕ່າງຫຍັງກັບຄົນໂງ່ຄົນໜຶ່ງ.
KEOVATTHA ໐ ກະທູ້ ໔ ໂພສ ມືໃໝ່ຮຽນໃຊ້ເວັບບອດ	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ sengsvang ຂຽນວ່າ... ຕາມລິງຄ໌ຂ້າງລຸ່ມເດີ ຮ້ານອາຫານ ແສງຕາເວັນ
PHAS0UK ໗໓໙ ກະທູ້ ໙໔໕໙ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້ ຮ້ານເຈົ້າເອງຫວາ? ເປັນຕາໄປເນາະ
anu99 ໕໙ ກະທູ້ ໔໒໑ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 11 ປີ ກ່ອນໜ້ານີ້ ເງິນເດືອນອອກຊິໄປອຸດໜູນ!
laolovelao ໘໕ ກະທູ້ ໙໙໓ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ sengsvang ຂຽນວ່າ... ແສງຕາເວັນ ເນັ້ນຄວາມພໍໃຈລູກຄ້າເປັນເລີດ ຫລ້າສຸດຕິດ 3 ໃນ 10 ອັນດັບຂອງໂລກ ໂດຍ: ສົມສະຫວິນ ໂຮງແຮມ ແລະ ຮ້ານອາຫານແສງຕາວັນເປັນອີກຫນຶ່ງໃນຫລາຍໂຮງແຮມຕັ້ງຢູ່ແຄມຂອງຫາດດອນຈັນທີ່ໃຫ້ການບໍລິການດ້ານທີ່ພັກ ແລະ ຮ້ານອາຫານສຳລັບແຂກຕ່າງປະເທດທີ່ເດີນທາງມາທ່ຽວໃນນະຄອນຫລວງວຽງຈັນສິ່ງສຳຄັນຮ້ານອາຫານແສງຕາວັນແຫ່ງນີ້ຢູ່ຊັ້ນສູງສຸດຂອງໂຮງແຮມເອີ້ນວ່າ “ຮ້ານອາຫານເທິງດາດຟ້າ”. ເນື່ອງຈາກລູກຄ້າທີ່ເຂົ້າມາໃຊ້ບໍລິການປະທັບໃຈກັບຄວາມສວຍງາມຂອງວິວທຳມະຊາດແຄມຂອງທີ່ສາມາດເບິ່ງໄດ້ທຸກຍາມບວກກັບການຕົກແຕ່ງພາຍໃນດ້ວຍໄມ້ແບບຊົງລາວ ແລະ ບັນຍາກາດທີ່ງຽບສະຫງົບ ຈິ່ງເປັນອີກຫລາຍປັດໄຈເຮັດໃຫ້ລູກຄ້າຊ່ວຍກັນໂປຣໂຫມດໃຫ້ເປັນຮ້ານອາຫານທີ່ດີທີ່ສຸດໃນລາວ, ຫລ້າສຸດໄດ້ຕິດອັນດັບທີ 3 ຂອງ 10 ອັນດັບ ຮ້ານອາຫານເທິງດາດຟ້າທີ່ສາມາດຊົມວິວໄດ້ຢ່າງສວຍງາມອີກແຫ່ງຫນຶ່ງຂອງໂລກຈາກການຈັດອັນດັບຂອງເວັບໄຊທຣີບແອັດວາຍເຊີ (tripadvisor.com) ທີ່ໄດ້ເປີດເຜີຍເມື່ອບໍ່ດົນມານີ້. ທ່ານ ນາງ ແສງດາວ ຜູ້ຈັດການໂຮງແຮມ ແລະ ຮ້ານອາຫານແສງຕາວັນໃຫ້ສຳພາດທີມຂ່າວເສດຖະກິດ-ສັງຄົມວ່າ: ຕົນເອງຮູ້ສຶກພາກພູມໃຈຫລາຍທີ່ໄດ້ເປັນສ່ວນຫນຶ່ງໃນການປະກອບສ່ວນເຮັດໃຫ້ປະເທດລາວເຮົາມີຊື່ສຽງ ໂດຍສະເພາະແມ່ນຮ້ານອາຫານແສງຕາວັນເປັນຮ້ານອາຫານແຫ່ງດຽວໃນລາວທີ່ໄດ້ຕິດອັນດັບທີ 3 ຂອງ 10 ອັນດັບຮ້ານອາຫານເທິງດາດຟ້າ ໃນປີ 2012 ວ່າເປັນຮ້ານອາຫານທີ່ສາມາດຊົມທິວທັດທຳມະຊາດໄດ້ຢ່າງສວຍງາມ ເຊິ່ງທ່ານຈະໄດ້ນັ່ງຊົມຕາເວັນຂຶ້ນ ແລະ ຕາເວັນຕົກໄດ້ຢ່າງເຕັມອີ່ມໃນຮ້ານອາຫານແຫ່ງນີ້. ປັດໄຈຫລັກໆທີ່ເຮັດໃຫ້ລູກຄ້າໂວດໃຫ້ຮ້ານອາຫານພວກເຮົາແມ່ນທິວທັດທຳມະຊາດທີ່ສວຍງາມສາມາດເບິ່ງວິວຢູ່ເທິງດາດຟ້າໄດ້ຢ່າງສະບາຍ, ການຕົກແຕ່ງປະດັບປະດາຮ້ານເຮັດດ້ວຍ ໄມ້ປະຍຸກເປັນແບບລາວໆທັງຫມົດ, ລົດຊາດອາຫານແຊບ ແລະ ລາຄາບໍ່ແພງ. ສິ່ງສຳຄັນເນັ້ນການບໍລິການເອົາຄວາມພໍໃຈຂອງລູກຄ້າເປັນຫລັກ ເຊິ່ງການເວົ້າສູ່ກັນຟັງຕໍ່ໆກັນໄປເຮັດໃຫ້ລູກຄ້າເຂົ້າມາທ່ຽວລາວຄິດເຖິງຮ້ານອາຫານແສງຕາວັນເປັນອັນດັບທຳອິດ. ນອກຈາກນັ້ນ ທາງໂຮງແຮມຍັງມີບໍລິການສະຖານທີ່ອອກກຳລັງກາຍໃຫ້ຫລິ້ນໂດຍບໍ່ເສຍຄ່າ, ນວດແຜນບູຮານໃນລາຄາຖືກ 40 ພັນກີບຕໍ່ 1 ຊົ່ວໂມງ, ບໍລິການຂີ່ລົດຖີບບໍ່ເສຍຄ່າທັງຫມົດ ມີ 7 ຄັນ, ສະເພາະແຂກທີ່ນອນໃນໂຮງແຮມມີອາຫານເຊົ້າໃຫ້ຮັບປະທານປະມານ 10 ຢ່າງໃຫ້ເລືອກຮັບປະທານບໍ່ເສຍຄ່ານັບ ແຕ່ 6:30 ໂມງເຊົ້າເປັນຕົ້ນໄປ, ມີການບໍລິການຮັບ-ສົ່ງແຂກ ແລະ ອື່ນໆ. ພິເສດທາງຮ້ານຍັງມີວາລະສານທີ່ພິມເປັນພາສາຍີ່ປຸ່ນອອກເປັນທຸກໆ 3 ເດືອນແຈກໃຫ້ລູກຄ້າ, ບໍລິສັດທ່ອງທ່ຽວອື່ນໆ, ມີແຜ່ນພັບບອກແຜນທີ່ທຸກລາຍ ລະອຽດຂອງເສັ້ນທາງ, ສະຖານທີ່ທ່ຽວ, ໂຮງແຮມ ແລະ ຮ້ານອາຫານໃນນະຄອນຫລວງນຳອີກ. ໂຮງແຮມ ແລະ ຮ້ານອາຫານແສງຕາວັນເປີດໃຫ້ບໍລິການໃນເດືອນ 11 ປີ 2009 ຜ່ານມາ, ໂຮງແຮມມີທັງຫມົດ 68 ຫ້ອງ ແລະ ຮ້ານອາຫານສາມາດບັນຈຸໄດ້ສູງສຸດ 120 ຄົນ. ແຂກທີ່ເຂົ້າໃຊ້ບໍລິການໃນແຕ່ລະວັນກໍ່ບໍ່ຫລາຍສະເລ່ຍບາງມື້ບໍ່ຮອດ 20 ໂຕະຊ້ຳ. ທັງນີ້ກໍ່ຂຶ້ນກັບໄລຍະນັກທ່ອງທ່ຽວຫລາຍ ຫລື ນັກທ່ອງທ່ຽວຫນ້ອຍ. ແຕ່ເນື່ອງຈາກທີ່ຕັ້ງຂອງໂຮງແຮມ ແລະ ຮ້ານອາຫານເຫມາະສົມແກ່ການພັກຜ່ອນ, ຊົວທິວທັດແຄມຂອງໄດ້ທຸກຍາມ ແລະ ງຽບສະຫງົບ ຈິ່ງເຮັດໃຫ້ແຂກທີ່ພັກອາໄສໄດ້ໂປຣໂຫມດໃຫ້ວ່າເປັນຮ້ານອາຫານເທິງດາດຟ້າທີ່ຊົມວິວງາມທີ່ສຸດຂອງລາວໃນປີ 2012. ດີໃຈນຳ
luffy ໑໔໐ ກະທູ້ ໑໗໙໐ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້ ບໍ່ວ່າ 1 ໃນ 3 ຂອງໂລກ ...ເຂົາເອົາຫຍັງມາແທກ ຄັນ 1 ໃນ 3 ຄົນຄືບໍ່ຫລາຍ ຫລືວ່າຄ່າບໍລິການແພງ
aaekk ໐ ກະທູ້ ໑໗໗໔ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້ ມື້ແລງຊິພາກິກໄປກ່ອນ ອຶອຶ
poay ໔ ກະທູ້ ໑໒໗໑ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້ ຮ້ານຢູ່ແຖວໃດ...
Thim ໔໔ ກະທູ້ ໓໗໗ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້ ເປັນເລື່ອງທີ່ຫນ້າຍິນດີ!
sengsvang ໑໐ ກະທູ້ ໖໒໗ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້ ບໍ່ແມ່ນຮ້ານຂ້ອຍດອກ ແຕ່ດີໃຈນຳ ທີ່ມີຊາວໂລກ ໂຫວດໃຫ້ໄດ້ ອັນດັບ3 ນະ ມີຄວາມຮູ້ແຕ່ບໍ່ເຮັດຫຍັງໃຫ້ເກີດຜົນ ກໍ່ບໍ່ຕ່າງຫຍັງກັບຄົນໂງ່ຄົນໜຶ່ງ.
laolovelao ໘໕ ກະທູ້ ໙໙໓ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້ ເຄີຍນຳເບິ່ງເວັບ ແມ່ນແທ້ຕາມປີເພິນໂວດ ແຕ່ເລື່ອງການບໍລິການ ມັນພັດທະນາໄປເຫຼື້ອຍໆ ຕອນນີ້ຈົກປະເທດໄດໃດ້ເຮົາກໍ່ຍັງບໍ່ຮູ້ ຊ່ວາຍເຈົ້າຂອງກະທູ້ອັບເດດ ຂໍ້ມູນຕື່ມ

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.