- ມື້ອື່ນນັ້ນ ວັນທີ ໒໘ ເມສາ ໒໐໑໐ ກົງກັບວັນພຸດ ເພັງ ໑໕ ຄ່ຳເດືອນ ໖ ປີ ເປັນວັນປ່ຽນ ພ.ສ (ພຸດທະສັກຣາຊ) ຈາກ ໒໕໕໒ ເປັນ ໒໕໕໓ ເຕັມຕົວ ໝາຍຄວາມວ່າ ພຣະພຸດທະເຈົ້າຂອງເຮົາ ປະຣິນິບພານຈາກພວກເຮົາໄປແລ້ວ ໒໕໕໓ ປີເຕັມ.
- ທີ່ນີ້ ເຮົາມາເບິ່ງເຣື່ອງຂອງການນັບປີພຸດທະສັງກາດ ຄືວ່າມີຄວາມແຕກຕ່າງກັນແທ້ ຣະຫວ່າງໄທຍ໌ລາວ ຂະເໝນ ແລະປະເທດພຸດທະສາສນາອື່ນໆ
- ຄວາມແຕກຕ່າງກັນຕາມທຳມະດານັ້ນ ມີຄວາມແຕກຕ່າງກັນຢູ່ກ່ອນແລ້ວ ໒ ແນວຄິດຄື
ກ. ສີລັງກາ, ພະມ້າ ແລະຂະເໝນນັ້ນ ເຂົາຈະຕັ້ງ ພ.ສ ເມື່ອພຣະພຸດທະເຈົ້າປະຣິນິພພານແລ້ວ ເປັນ ພ.ສ ໑
ຂ. ລາວ, ໄທຍ໌ ຈະຕັ້ງພຸດທະສັງກາດ ເມື່ອພຣະພຸດທະເຈົ້າປະຣິນິພພານໄປແລ້ວ ໑ ປີ ຈຶ່ງຕັ້ງ ພ.ສ ເປັນ ໑

ດ້ວຍເຫດນັ້ນ ເຮົາຈຶ່ງເຫັນວ່າປີນີ້ ນັບແຕ່ເດືອນມັງກອນມາເຖິງ ວັນນີ້ ວັນທີ ໒໗ ເມສາ ໒໐໑໐ ທາງທາງລາວຍັງເປັນ ພ.ສ ໒໕໕໒ ຢູ່ ຈົນຮອດມື້ອື່ນ ວັນທີ ໒໘ ເມສາ ໒໐໑໐ ຈຶ່ງເປັນ ພ.ສ ໒໕໕໓ ເຕັມບໍຣິບູນ.
- ແຕ່ໄລຍະຜ່ານມາ ເຮົາຈະເຫັນວ່າ ໃນຂະນະທີ່ລາວໃຊ້ ພ.ສ ໒໕໕໒ ແຕ່ໄທຍ ພ.ສ ໒໕໕໓ ກ່ອນແລ້ວຕັ້ງແຕ່ວັນທີ ໑ ມັງກອນ ໒໐໑໐ ພຸ້ນ ອັນນີ້ນັບວ່າໄທຍ໌ ໄດ້ປ່ຽນ ພຸດທະສັງກາດ ກ່ອນທີ່ວັນຄົບຮອບຂອງ ພ.ສ ຈະມາເຖິງຈິງ ຮອດ ໖ ເດືອນ, ຄືເຂົາປ່ຽນຕາມປະຕິທິນສາກົນ, ສ່ວນທາງຂະເໝນ, ພະມ້າ ສີລັງກາ ເຂົາປ່ຽນ ພ.ສ ຕອນໃດ ເຂົາກໍປ່ຽນເດືອນ ໖ ເພັງແບບລ່ວນີ້ແລ້ວ ແຕ່ເຂົາຈະລື່ນລາວໄປ ໑ ປີ ເພາະເຂົານັບ ໑ ຕອນທີ່ພຣະພຸດທະເຈົ້າປະຣິນິພພານໄປນັ້ນເປັນໜຶ່ງ ເຂົາຈະບໍ່ຜິດ ເພາະ ວັນຄົບຮອບ ຂອງການປະຣິນິພພານຖືວັນດຽວກັນ.

- ບາດນີ້ ມາເວົ້າເຣື່ອງວັນບຸນວິສາຂາບູຊາ ເຂົາເຮັດວັນໃດ ?
- ຕາມຮີດ ໑໒ ຂອງລາວ ເຂົາເຮັດບຸນວິສາຂະບູຊາ ແມ່ນວັນເພັງ ເດືອນ ໖ ລາວ, ທຸກໆປີ ເພາະໃນຮີດສິບສອງກຳນົດຕາຍໂຕວ່າ "ເດຶອນຫ້າບຸນສັງຂານປີໃໝ່, ເດືອນຫົກ ບູນວິສາຂະບູຊາ ແລະເດືອນເຈັດບຸນບັ້ງໄຟ ແລະບຸນສູດຊຳຮະ" ສະນັ້ນ ມື້ອື່ນວັນທີ ໒໘ ເມສາ ເປັນເດືອນຫົກເພັງ ຊາວລາວຈຶ່ງເຮັດບຸນວິຊາຂະບູຊາ ເຖິງປີນີ້ຈະເປັນ ເດືອນ ອະທິກະມາດ ໘|໘ ສອງຫົນກໍຕາມ.

- ສ່ວນທາງໄທຍ໌ ຈະສະຫຼອງມາຄະບູຊາ ແລະວິສາຂະບູຊາ ໃນເດືອນ ໔ ເພັງ ແລະຫົກເພັງ ຫາກເປັນປີອະທິກະມາດ ໘/໘ ສອງຫົນ; ຄວາມຈິງການປະຕິບັດແບບນີ້ ຄັນມັນເປັນປະເພຣີແລ້ວ ມັນກະບໍ່ຜິດ ແຕ່ຫາກອິງຕາມປະຕິທິນຈັນທະຣະຄະຕິ ແບບຊາວອາຊີຖືແລ້ວ ນັບວ່າຜີດ ເພາະປີອະທິກະມາດແບບຈັນທະຣະຄະຕິ ຈະເພີ່ມວັນໄປ ໑ ວັນ ເຂົາຂະເພີ່ມວັນໃນເດືອນ ໘ ຈຶ່ງກາຍເປັນ ໘ ສອງຫົນ, ຄືວັນຈະເຄື່ອນໃນເດືອນ ໘ ບໍ່ເໝືອນປະຕິທິນສຸຣິຍະຄະຕິ ເດືອນຈະເຄື່ອນໃນເດືອນກຸມພາ ຄື ໒໘ ເປັນ ໒໙ ວັນ.
- ສະນັ້ນ, ການເຮັດບຸນມາຄະບູຊາ ແລະວິສາຂະບູຊາໃນ ເດືອນ ໔ ແລະ ເດືອນ ໗ ເພັງຕາມແບບໄທຍ໌ນັ້ນ ນັບວ່າບໍ່ກົງກັບວັນທາງປະຕິທີນທີ່ກຳນົດ.
- ຢ່າງໃດກໍຕາມ ທາງລາວເຮົາ ຖືເອົາເດືອນ ໓ ສະຫຼອງບຸນມາຄະ ແລະ ເດືອນ ໖ ສະຫຼອງວິສາຂະບູຊາ ກໍໃຫ້ຢືດຖືຕາມປະເພນີວັດທະນະທັມລາວເຮົາແທ້ ເພາະເຮົາມາຫຼັກຖານ ທີ່ເປັນຄູ່ມີວັດທະນະທັມລາວ ຄື ຮີດ ໑໒ ນັ້ນເອງ.

ເອົາ ຄິດວ່າ ພສ ປ່ຽນຕອນປີໄຫມ່ລາວລະຊັນດອກ

ປີໃໝ່ລາວປ່ຽນ ແຕ່ປີຈັກກະລາສີ ສລຸ ເປັນຂານ ແລະຈູນລະສັກກາດ

ຂອບໃຈເດີ ທີ່ບອກ...

ຂອບໃຈເດີ ທີ່ບອກ...