ຖ້າເວົ້າເຖິງໂອກາດການຮຽນຂອງເດັກນ້ອຍທີ່ຢູ່ຊົນນະບົດ ຫລືເດັກນ້ອຍທີ່ກຳເນີດໃນຖານະຄອບຄົວທີ່ທຸກຈົນ ສ່ວນໃຫຍ່ແມ່ນບໍ່ຄ່ອຍໄດ້ມີໂອກາດຮຽນສູງຍ້ອນເສດຖະກິດຄອບຄົວບໍ່ອຳນວຍ ຈຶ່ງເຮັດໃຫ້ເຂົາຕ້ອງໄດ້ລໍຄອຍໂອກາດຈາກສັງຄົມພຽງຢ່າງດຽວ. ແຕ່ແລ້ວສັງຄົມສ່ວນໃຫຍ່ມັກຈະເບິ່ງບໍ່ເຫັນ ຄວາມດີ, ຄວາມມຸ່ງຫມັ້ນຕັ້ງໃຈຂອງເດັກກຸ່ມນັ້ນ ອັນເນື່ອງມາຈາກຄວາມຢາກຈະລວຍດ້ວຍຄວາມໄຮ້ຢຸດຕິທຳໃນນາມສ່ວນຕົວຫລາຍກວ່າ ຈຶ່ງເຮັດໃຫ້ເດັກດີ-ຮຽນເກັ່ງທີ່ຢາກຈະຄວ້າໂອກາດເພື່ອສ້າງຄວາມຝັນຂອງຕົນ ພ້ອມທີ່ຈະພັດທະນາຕົວເອງ, ຄອບຄົວ ກໍ່ຄືສັງຄົມນັ້ນ ຕ້ອງຖືກອຳນາດຄົນອື່ນມາບັງຕາຈົນເຂົາບໍ່ມີປັນຍາເບິ່ງເຫັນວັດຖຸສິ່ງຂອງທີ່ເຂົາຈະຄວ້າເອົາ ທັ້ງໆທີ່ພວກເຂົາເຈົ້າກໍ່ຮູ້ຢູ່ແກ່ໃຈວ່າມັນຄູ່ຄວນກັບພວກເຂົາ ແລະ ເປັນສິ່ງທີ່ພວກເຂົາສົມຄວນຈະໄດ້ຮັບມັນ. ການທີ່ເວົ້າແບບນີ້ກໍ່ບໍ່ໄດ້ຫມາຍຄວາມວ່າຈະຕີລວດກວດພຽງແຕ່ຢ່າງໃດ ມັນກໍ່ເປັນພຽງຊ່ອງຫວ່າງຫນຶ່ງຂອງກຸ່ມຄົນບໍ່ດີຈຳນວນຫນຶ່ງເທົ່ານັ້ນ ທີ່ສວຍໃຊ້ໂອກາດເປັນບ່ອນຫາກິນໂດຍບໍ່ຄຳນຶງເຖິງພາບລວມທີ່ຈະອອກມາໃນຕໍ່ຫນ້າ. ສະນັ້ນ, ຖ້າເວົ້າເຖິງຄົນມີຖານະ ມັນບໍ່ແນ່ສະເຫມີໄປວ່າ ທຸກຄົນຈະໄດ້ມາດ້ວຍຄວາມສື່ສັດສຸດຈະລິດ ຈົນເຮັດໃຫ້ມີຄຳແຄ້ນຂອງຄົນລໍສອດຂຶ້ນຕາມສັງຄົມວ່າ: "ເຮັດດີແລ້ວໄດ້ດີມີຢູ່ໃສ ເຮັດຊົ່ວແລ້ວໄດ້ດີມີບໍ່ອຶດ" ຕໍ່ກັບຄຳເວົ້າດັ່ງກ່າວນີ້ເຖິງເນື້ອໃນຄວາມຫມາຍຂອງມັນຈະບໍ່ດີກໍ່ຕາມ ແຕ່ປະກົດວ່າມັນໃຊ້ໄດ້ກັບສັງຄົມປະຈຸບັນ ແລະ ໄດ້ແຕ່ຫວັງວ່າຄົງຈະບໍ່ໃຊ້ໄດ້ກັບສັງຄົມໃນອານາຄົດ.

ທ້າຍນີ້ຢາກຂໍຝາກແຮງໃຈເຖິງພາກສ່ວນທີ່ກ່ຽວຂ້ອງຈົ່ງໃຊ້ຈັນຍາບັນຢ່າງເຕັມທີ່ ເພື່ອກຳຈັດຊ່ອງຫວ່າງຂອງການສວຍໂອກາດໃຫ້ຫມົດໄປ ເພື່ອເຫັນແກ່ເດັກດ້ອຍໂອກາດຄົນເກັ່ງ-ຄົນດີທີ່ບໍ່ມີປັນຍາສູ້ ໃຫ້ເຂົາໄດ້ໃຊ້ຄວາມສາມາດເຕັມປ່ຽມໃນການພັດທະນາສັງຄົມ

ຂໍຂອບໃຈ.

ຫມັ່ນຮຽນເນາະ ຫນ້າສົ່ງເສີມ....

ເຮົາວ່າການເຂົ້າເຮັດວຽກຄູ່ມື້ນີ້ກະຄັດກັນບໍ່ແມ່ນງ່າຍໃດ່ ແລະ ໃນພາກລັດແລ້ວຖ້າບໍ່ເກັ່ງແທ້ບໍ່ມີຜົນງານເຖິງເຈົ້າຈະມີອະພິສິດແນວໃດເຈົ້າກະຈະຢູ່ໃນລະດັບເກົ່ຕະລອດນັ້ນແຫລະ

hehehehhehe

ບໍ່ມີ ເສັ້ນກະຄືເກົ່າຫັນແຫຼະ

ຮຽນໄດ້ແຕ່ ຄຸນນະພາບດ້ອຍ ນະສະໄຫມນີ້

ຄົນເກັ່ງ-ຄົນດີ ທີ່ລໍໂອກາດ ບໍ່ແມ່ນຂຽນວ່າຄົນເກັ່ງຄົນດີທີ່ຖ້າໂອກາດຫວາ

ອຸ໋ຍ ຫຼົງໄປຢູ່ເບື້ອງຂວາ ( ນ້ຳຂອງ )ລະຫັ້ນ

ເອົາ ລໍ + ຖ້າ = ລໍຖ້າ = ມີຄວາມໝາຍຂຶ້ນກວ່າເກົ່າ

ເດັກນ້ອຍພວກນີ້ ແມ່ນລູກຫຼານຜູ້ໃດ ເຂົາພໍຈະມີໂອກາດບໍ່?

ຈັ່ງແມ່ນຕົກພາສາລາວພວກນີ້ນະ ລໍ, ລໍຄອຍ, ລໍຖ້າ, ຖ້າ ທັງຫມົດນີ້ກ່າແມ່ນມີຄວາມຫມາຍດຽວກັນຫັ້ນແລະ ບາງທີເຮົາບໍ່ຢາກເວົ້າຍາວ ເຮົາກໍ່ເວົ້າສັ້ນໆ ຕົວຢ່າງ: ບາງທີ ເຮົາກຳລັງເຮັດຫຍັງຢູ່ກັບເຫດການໃດຫນຶ່ງເຮົາບໍ່ແນ່ໃຈ ແຕ່ເຮົາພະຍາຍາມທີ່ຈະຜ່ານຜ່າມັນໃຫ້ໄດ້ ເຮົາກໍ່ມັກເວົ້າວ່າ: ດຽວ! ລໍໂອກາດໃຫ້ມັນໄດ້ຈັງຫວະກ່ອນ ແລ້ວຄ່ອຍບຸກເຂົ້າຕອນນັ້ນ. ຖາມແດ່ ເປັນຄົນລາວແທ້ວະນິ?
ຈັ່ງແມ່ນຊາດ ສົງໄສສອງຄົນນີ້ຄົງຈະເປັນຕົວແທນຈາກພາກກາງປະເທດເພື່ອນບ້ານສົ່ງເຂົ້າມາກໍ່ກວນຫລາຍກວ່າ

ນີ້ກໍ່ເປັນອີກເຫດຜົນຫນຶ່ງ

ແມ່ນແລະ ເປັນຕາດີຕົນ. ຊົນນະບົດບາງເຂດບໍ່ມີໄຟຟ້າໃຊ້ ເຂົາຕ້ອງໄຕ້ຕະກຽງຮຽນຫນັງສື ແຕ່ກ່າສົມກັບຄວາມຕັ້ງໃຈຂອງເຂົາແທ້ໄດ໋ ເຂົາຮຽນເກັ່ງອີ່ຫລີ ຖ້າເຂົາມີໂອກາດໄດ້ຮຽນສູງ ເຂົາຄືຊິເປັນບຸກຄະລາກອນອັນປະເສີດຂອງຊາດ ແລະ ປະກອບສ່ວນພັດທະນາຊາດໄດ້ດີ ວ່າແຕ່ວ່າຊິມີຄົນໃຈບຸນແນມເຫັນຄວາມດີຈຸດນີ້ບໍ່ນໍ້?