ກ່ອນອື່ນ ຂ້າພະເຈົ້າ ຕ້ອງຂໍອະໄພນຳທິມງານພັນລາວພ້ອມດ້ວຍບັນດາສະມາຊິກພັນລາວທຸກຄົນ
ຂ້າພະເຈົ້າ ເປັນໜື່ງຂອງນັກສຶກສາຈາກ ສູນສຶກສາທາງໄກແລະຕໍ່ເນື່ອງ ຂ້າພະເຈົ້າຮູ້ສຶກເສຍໃຈຫລາຍກັບການກະທຳຂອງ ອາຈານ ສິຣິ ສຸວັນນະສີ ທີ່ປະກາດໂຄສະນາເອົານັກສຶກສາມາຮຽນຕໍ່ທີ່ນັ້ນ ແຕ່ເວລາຜ່ານໄປພຽງ3ປີກໍ່ຈົບແຕ່ພັດບໍ່ໄດ້ໃບປະກາດ ເພີ່ນອອກໃຫ້ພຽງໃບຢັ້ງຢືນເທົ່ານນັ້ນ ແລ້ວທ່ານຄິດບໍ່ວ່າຂ້າພະເຈົ້າເສຍເງີນເສຍເວລາສຳ່ໃດໃນການສຶກສາທີ່ນັ້ນໃນໄລຍະ3ປີ ໃບຢັ້ງທີ່ເພີ່ນອອກໃຫ້ນັ້ນມັນຊິໄປສະໝັກວຽກໄດ້ຫລືບໍ່? ໃນກໍລະນີແບບນີ້ກໍ່ສະແດງວ່າ ອາຈານ ສິຣິ ສຸວັນນະສີ ເຊີ່ງຊື່ນີ້ຫລາຍໆຄົນຄົງຊິຮູ້ດີ ເພີ່ນບໍ່ມີຄວາມຮັບຜິດຊອບຕໍ່ນັກສຶກສາຈຳນວນ2-3ຮ້ອຍ ເພີ່ນຢາກໃຫ້ນັກສຶກສາທຸກຄົນໂອນໜ່ວຍກິດໄປຮຽນຢູ່ໂຮງຮຽນວິທະຍາໄລສິລິມຸງຄຸນ ເຊິ່ງເປັນໂຮງຮຽນຂອງເພີ່ນເອງ ແລ້ວທ່ານຄິດບໍ່ວ່າ ເພີ່ນເຮັດແບບນີ້ມັນເປັນການຕົ້ມຕຸນນັກສຶກສາແທ້ໆໆ ເຊີ່ງເອົາໂລໂກຂອງ ມຊ ມາເປັນສາກບັງໜ້າ ເພື່ອໂຄສະນາເອົານັກສຶກສາ.
ຂ້າພະເຈົ້າ ຕ້ອງຂໍອະໄພອີກຄັ້ງກັບການທີ່ຂຽນແບບນີ້ລົງໄປ ເພາະເລື່ອງນີ້ເປັນເລື່ອງຈິງ ບໍ່ໄດ້ສ້າງເລື່ອງຂື້ນມາຂຽນ
ໃນກໍລະນີແບບນີ້ ອາຈານ ສິຣິ ສຸວັນນະສີ ເປັນຄົນທີ່ບໍ່ໜ້າໄວ້ວາງໃຈ ແລະເຊື່ອໝັ້ນສັດທາຕໍ່ໄປອີກແລ້ວ

ໜ້າສົງສານເນາະ, ແຕ່ກະບໍ່ຮູ້ຊິວິຈານຫຍັງ. ກະລອງໄປປຶກສານຳກະຊວງສຶກສາເບິ່ງ ບາງທີເພີ່ນອາດແກ້ໄຂ

ແມ່ນໆ ຊີ້ແຈງຖະແຫຼງໄຂໃຫ້ມັນໝົດ ເອົາຕັ້ງແຕ່ເລີ່ມເລີຍ

ໜ້າສົງສານເນາະ, ແຕ່ກະບໍ່ຮູ້ຊິວິຈານຫຍັງ. ກະລອງໄປປຶກສານຳກະຊວງສຶກສາເບິ່ງ ບາງທີເພີ່ນອາດແກ້ໄຂ

ຟ້ອງສະຖາບັນເລີຍ

ຟັງຫູໄວ້ຫູ
ເອົາຊື່ + ນາມສະກຸນມາປະນາມແບບຈະໆ
ຊິເຮັດຫຍັງລະວັງແດ່ເດີ ຫຼັກຖານຄົບຖ້ວນຈຶ່ງລົງມື
ປ.ລ ເວົ້າຕາມຄວາມຄິດຊື່ໆເດີ ບໍ່ແມ່ນເສື້ອເຫຼືອງລະກະເສື້ອງແດງ

ໝູ່ຂອງຂ້ອຍທີ່ຮຽນໃນສູນສຶກສາທາງໄກກໍ່ຕ້ອງໄດ້ຊອກບ່ອນຮຽນ
ໄດ້ຍິນໝູ່ເວົ້າວ່າ
ສູນແຫ່ງນັ້ນແມ່ນສູນຂອງໂຄງການ ແຕ່ວ່າໂຄງການໄດ້ຈົບລົງແລ້ວ
ກະເລີຍຈຳເປັນຢຸກການຮຽນການສອນ
ເພາະວ່າສູນແຫ່ງນັ້ນບໍ່ແມ່ນເງິນສະໜັບສະໜູນຈາກມຊ ແລະ ລັດຖະບານ

ບໍ່ມີຄຳເຫັນ

1, ຕອນເຂົ້າຮຽນ ທໍາອິດ ອາຈານ ວ່າຊິໃຫ້ ໃບປະກາດ ? ອະນຸປະລິນຍາ ?
2, ເຈົ້າບໍ່ໄດ້ຖາມ ?

ສູນສຶກສາທາງໄກ ແລະ ຕໍ່ເນື່ອງ ມັນຂຶ້ນກັບ ມ.ຊ ໄດ໋ ບາງທີອາດຈະຂັດຂ້ອງບາງຢ່າງ ເພາະມັນຫາກໍ່ເປີດໃໝ່ ສະນັ້ນ ການທີ່ຈະເວົ້າຫຍັງໃຫ້ເຈົ້າລະວັງໄວ້ກ່າດີ ກ່າເອົາຊື່ ແລະນາມສະກຸນມາປະຈານ ໂດຍທີ່ເຈົ້າບໍ່ມີຫຼັກຖານຄົບຖ້ວນແບບນີ້ ມັນອາດຈະນຳໄປສູ່ຄະດີກ່າວຫາລ່ວງລ້ຳສິດທິຂອງຄົນອື່ນ. ສ່ວນໃບຢັ້ງຢືນຫັ້ນແມ່ນໃຊ້ໄດ້ 100% ເຈົ້າບໍ່ຕ້ອງຄິດຫຍັງຫຼາຍ
ດ້ວຍຄວາມຫວັງດີ

ກຽມຫຼັກຖານແລ້ວກໍຟ້ອງ..
ຖ້າຄິດວ່າສົມຄວນ..

ກ່ອນເຂົ້າຮຽນມີໃບຫຍັງໃຫ້ອ່ານບໍ່

ລຸ້ນອ້າຍກາຮຽນຢູ່ຫັ້ນກາຄຶບໍ່ມີຫຍັງໄດ໋

ກ່ອນຈະເວົ້າຫຍັງອອກມາໃຫ້ຄິດ ໃຫ້ດີກ່ອນ
ຢ່າໃຫ້ຄຳເວົ້າເປັນແນວຕັດສິນ

ຂ້ອຍເຄີຍເຮັດວຽກຢູ່ຫັ້ນມາກ່ອນ ແລະກະຮູ້ຈັກ ຜູ້ທີ່ເຈົ້າເອີຍເຖິງຊື່ ນິພໍສົມຄວນ
ຂ້ອຍແນະນຳເຈົ້າວ່າ ເຈົ້າຄວນລົມນຳເພິນເອງໂລດ
ເອົາມາ ວິຈານແບບນິ ບໍຄ່ອຍຄັກປານໃດ ໄດ໊
ດ້ວຍຄວາມຫວັງດີ

ຄືບໍ່ເອົາຮູບເພີ່ນມາໂພດສໃຫ້ເບີ່ງພ້ອມ ເລີຍ ວ່າໜ້າຕາເປັນແບບໃດ ອິອິຢາກເຫັນ

ເຈົ້າກະຊ່ວຍຖາມ ອາຈານຜູ້ນັ້ນໃຫ້ລາວແດ່ ຊັນຫວາ

ທີ່ເຮົາຮູ້ມາເນາະ: ສູນສຶກສາທາງໄກ ເປັນໂຄງການໜຶ່ງ ທີ່ຮຽນຈົບໄປແລ້ວໄດ້ໃບຢັ້ງຢືນ ບໍ່ມີໃບປະກາດ. ສ່ວນໃບຢັ້ງຢືນນັ້ນ ກໍ່ສາມາດນຳໄປຢັ້ງຢືນຕອນສະໝັກວຽກໄດ້ ມັນກະຄືກັບໃບປະກາດຂອງໂຮງຮຽນຊັ້ນສູງອື່ນໆຫັ້ນລະ ສ່ວນອາຈານນີ້ ລາວກະເປີດໂຮງຮຽນເອກະຊົນອີກ ຄວາມໝາຍທີ່ເພິ່ນເວົ້າອາດໝາຍເຖິງ ຖ້າຢາກໄດ້ໃບປະກາດໃຫ້ໄປຮຽນໂຮງຮຽນຂອງລາວ ຊື່ໆ ເພາະຢູ່ທີ່ສູນຫັ້ນ ໄດ້ໃບຢັ້ງຢືນ. ໃບຢັ້ງຢືນສູນ = ໃບປະກາດຊັ້ນສູງເດີ້. ແຕ່ບາງບໍລິສັດ ອາດບໍ່ຮັບຮູ້ໃບຢັ້ງຢືນອັນນີ້. ອັນທີ່ເຈົ້າເວົ້າມານິ ມັນແຮງໂພດ ແລະ ເປັນຄືດາບສອງຄົມ ຖ້າເພິ່ນຮູ້ ເພິ່ນຢາກເອົາເລື່ອງກັບເຈົ້າໄດ້ເດີ້ ເຮົາແນະນຳໃຫ້ລຶບກະທູ້ນີ້ອອກສາ ມັນຈະບໍ່ເປັນຜົນດີຕໍ່ເຈົ້າເອງເດີ້.

ບາງຄົນວ່າຄຳເວົ້ານີ້ແຮງໄປ ຄູບາວ່າຄືບໍ່ແຮງນ່າ ທຳມະດາ ຕອນທຳອິດບໍ່ໄດ້ປະກາດຊະເບາະວ່າໄດ້ໃບຫຍັງ ແບບນີ້ໄປຖາມໜ່ວຍງານທີ່ກ່ຽວຂ້ອງເດີມັນຈຶງກະຈ່າງຊັດ ເອົາໃຈຊ່ວຍເດີ ອ້າງອີງຄຸນພະສີລັດຕະນະໄຕ ສິ່ງສັກສິດໃນສາກົນນະໂລກນີ້ຈົງຄຸ້ມຄອງເຈົ້າຄອງເວັບບ໋ອດດ້ວຍເຖີດ ສາທຸໆໆ

ເລື່ອງນີ້ມີຈິງຊັ້ນເບາະ ວ່າຮຽນມາສາມປີແລ້ວທາງໂຮງຮຽນບໍ່ສາມາດອອກໃບປະກາດໃຫ້ນະ
ເຈົ້າເວົ້າແທ້ຫວະ? ຂ້ອຍເຄີຍໄດ້ຍິນແຕ່ສຽງເຂົາຊຸບຊິບນິນທາກັນກ່ຽວກັບສູນສຶກສາທາງໄກຢູ່ ມັນແມ່ນຄວາມຈິງອີ່ຫລີບໍ່?
ຖ້າແມ່ນຄວາມຈິງກະໜ້າເຫັນໃຈເນາະ ເຈົ້າຄືບໍ່ຂໍໂອນໜ່ວຍກິດໄປຕໍ່ຢູ່ຄະນະໃດຄະນະໜື່ງຂອງ ມໍຊໍ ບໍ່ໄດ້ຫວະ?

ບໍ່ຊ່າງຊິວ່າ

ບໍ່ຮູ້ທີ່ໄປທີ່ມາ ເລີຍບໍ່ຊ່າງສິເວົ້າຫຍັງ

ບອກໄດ້ຄຳດຽວວ່າ ອຸກ !

bor kuan222

ຂ້ອຍຄິດວ່າມິນກໍ່ຖືກຕ້ອງແລ້ວເນຶ່ອງຈາກວ່າ ຄຳວ່າ "ສູນ(ເວົ້າສະເພາະທາງການສຶກສາ)" ໃນຄວາມຄິດຂອງຂ້ອຍ ມັນກໍ່ໃຫ້ເຈົ້າໄດ້ສູງສຸດແຕ່ໃບຢັ້ງຢືນເທົ່ານັ້ນ ເນື່ອງຈາກມັນບໍ່ແມ່ນ ວິທະຍາໄລ ຫຼື ມະຫະວິທະຍາໄລ ທີ່ຈະມີສິດອອກໃບປະກາດໄດ້. ຍົກຕົວຢ່າງເຊັ່ນ: ສູນຝຶກອົບຮົມວິຊາຊີບຕົນພິການສິເກີດ ຖ້າເຈົ້າຮຽນຈົບຈາກສູນນັ້ນເຈົ້າກໍ່ຈະໄດ້ພຽງແຕ່ໃບຢັ້ງຢືນເທົ່ານັ້ນ ແລະ ທີ່ສຳຄັນເວລາຈະສະໝັກຮຽນເປັນຫຍັງເຈົ້າຈຶ່ງບໍ່ຖາມກ່ອນລະ